📚قصص||روايات||منوعة📚

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

الجزء السابع:
@rwayate
سارة : شوفي , فهمني بس ليش
فادي : فكرتك بتختلفي عن امك بس طلعتي نسخة طبق الاصل عنا , عم تفوتي رجال على البيت و انا يلي وثقت فيكي
سارة : انا ؟مستحيل ؟ مين قلك ؟ هادا من تاليف مرتك حتى تشوه صورتي بنظرك
فادي : و هادا
فتح موبايلو على فيديو اباحي
فادي : هاي مو انت ؟ هدول ما تيابك ؟ هادا ما تختك جمد نظري بالفيديو
سارة : ما انا ولله هاي ما انا
فادي : لكن مين , شعرك و وجهك و فستانك الاسود
سارة : بس ما اانا (تبكي)ما انا , اكيد الفيديو تطبيق
فادي : قومي و اطلعي بسرعة من البيت , ما قادر شوف وجهك , اتحركي قبل ما اعمل فيكي جريمة قتل يا وسخة يا حشرة يا ....... ضليتك وراي لوقعتيني على راسي
كان عقلي رح يوقف من التفكير انا و عم اسمع فادي عم يحكي معي بهالطريقة , تمنيت متت و ما سمعت منو هالكلام , قمت ضبيت تيابي انا و عم ابكي و انا طالعة من الباب قلي طلقني ,نزلت من البناية انا و عم ابكي , و الناس عم تطلع فيني , وقفت تكسي و رجعت لعند اامي , ما كانت بالبيت , فتت على غرفتي و سكرت على حالي و رجعت امي و تفاجات بوجودي و حاولت تفهم مني بس صرخت فيا
سارة : اطلعي لبرا و ما بقا تفوتي , ما بدي شوف وجهك انت السبب بكل شي انا عم شوفو بحياتي
ام سارة : انا تزوجت
سارة : و انا اطلقت
مر اسبوع و انا حابسة حالي بغرفتي و مكتئبة و كل ما اتذكر فادي كيف عاملني حس حالي رح جن , اتصلت بسعيد و رحت شفتو و حكتلو كل يلي صار معي انا و عم ابكي
سعيد: طولي بالك ما فيه غيرا نتالي و خالا ورا ضهرا مطبقين الفيديو و جايبن بنت بتشبهك و مفوتينا على البيت بغيابك بالجامعة
سارة : هيدا التفسير يلي توصلتلو بعد اسبوع من التفكير ,لك راحت علي الامتحانات و ما كنت مقدمة الا 3 مواد من اصل 11 , انا ادمرت يا سعيد
سعيد:اكام مرة نصحتك و قلتلك بلا هالفوتة بس انت عنيدة و هلا و بدك تتصرفي ؟
سارة : رح روح عند خالا لنتالي و احكي معو
سعيد:انا برايي انت هيك عم تعقدي الامور و الافضل انك تبعدي عن كل هالعيلة و حتى لو فادي عرف الحقيقة نتالي ما رح تتركن بحالكن , رح ترجع تخرب عليكن
سارة : بعرف بس انا بدي اياه يعرف بس انو انا مظلومة ......صحي انت متغير كتير
سعيد: ايه عم العب حديد هيك بدا الست رغد
سارة :اممم و حتى تسريحة عرك و لبسك متغيرين كمان,بس برافو عليا ولله قدرت تغيرك , انا كان حاسسني قلبي انو هالبنت بدا تطلع من خرجك
سعيد: أي خلص عقلنا و ركزنا و بدنا نخطب و نتزوج عن قريب انالله
سارة : الله يهنيكن لابقين لبعض
سعيد: المهم هلا انك ترجعي تتماسكي و ترجعي تكملي دراستك و تلاقي شغل بعيد عنن لهل العيلة اللئيمة
سارة ااااخ ما بعرف ضايعة و ايدي مربطين
بعد اسبوعين من نكستي و اتصلت بفادي خلالن كتير لاحلف و اترجاه انو يصدقني و يسمعني بس ما كان يرد على اتصالاتي و مسجاتي , رجعت قمت و زبطت حالي , هالمرة كانت وجهتي للراس الكبير و المدبر يلي ساندا حالا فيه نتالي , ما كان حدا بيقدر يطلعني من ورطتي غيرو , سالت عنو بالاسم و الكنية حتى وصلت لعندو , قلتلا لسكرتيرتو انو عندي موعد مع جمال الباشا , اخدت اسمي و فاتت لعندو تخبرو و طلعت بعد شوي
السكرتيرة : استاذ جمال ما فاضي يقابلك هلا لانو عندو اجتماع ضروري
سارة : ما في مشكلة بنطرو ليخلص اجتماع , و خبريه انو سارة ما رح تروح من هون قبل ما تشوفك
اطلعت فيني نظرة و كانو ما عجبا حكيي
سكرتيرة : قلتلك عندو اجتماع و ما بدو يشوفك هلا ,المفضل انك تروحي هلا و رح اعطيكي موعد لبكرا
سارة : و انا قلتلك اني بنطرو ليخلص من اجتماعو بس فوتي خبريه
سكرتيرة : انت ما بتفهمي عربي ,اذا ما غادرتي المكتب هلا رح اتصل بالسكيورتي يجو يطالعوكي
سارة : اتصلي , هاي انا قاعدة هون
عملت اتصالاتا و انا قاعدة ببرود اعصاب , اجو شابين ليطالعوني من المكتب , عليت اصواتنا انا و عم صرخ اني ما بدي اطلع , رفعني شاب من خاصرتي و بدو يطلعني انا و عم حاول ادفشو , عضيتو من ايدو لتركني و على اصواتي طلع جمال الباشا من مكتبو و اخيرا , ما كنت بعرف شكلو من قبل بس من هيئتو كان مبين انو هو , طولو متوسط و جسمو مليان , شعرو و دقنو رمادي , لون بشرتو حنطي و عيونو بني , عمرو بيوحي فوق ال45 سنة
جمال : شو هالضجة ؟
سكرتيرة : استاذ جمال هيدي ما قبلت تطلع بالذوق طلبتلا السكيورتي يطالعو بس عضتو للشاب .....
جمال : طيب طيب
اطلع فيني بنظرة غضب
جمال : تفضلي فوتي
فتت انا و عم رتب شعري و وضب فستاني, راح قعد ورا مكتبو , شرب شفة من فنجان القهوة و اطلع فيني
جمال : تفضلي ارتاحي
قعدت على الكرسي انا و عم رتب كلامي بعقلي
جمال : شو جاي تعملي هون بعد يلي عملتيه ببنت اختي؟
سارة : انا ما عملت شي , هي يلي عملت , يمكن انت ما بتعرف القصة من بدايتا

جمال : بعرف , كانت عم تنصح بيت حماها و سلفا يلي بتعتبرو متل اخوا و بكل الاحوال هن رح يعرفو عنك كل شي اذا ما هلا , بعدين , بالاخير حبل الكذب قصير و انت كل همك كان تاخدي أي حدا من بيت الادهم و وقت ما قبل فيكي حسام لفيتي على اخوه المتزوج
سارة : قصدك تقول انا فايتة على طمعة !
جمال أي تماما , انا رح اعطيكي قرشين مناح و انسي هالعيلة , لا انت من مستواهن و لا هن من مستواكي
ابتسمت و انا عم ابكي
سارة : كل شي عنكن بالمصاري , عم قول نتالي لمين طالعة , انا ما بدي مصاري لا منك و لا حتى من فادي , اشتغلت من قبل و اعتمدت على حالي و عشت من ورا شغلي و هلا رح ارجع اشتغل كمان بكل الاحوال و انا حبيتو لفادي ما كرمال مصاريه كرمال الامان و الاستقرار و شفت فيه كل عيلتي لانو هادا يلي ناقصني بس
جمال : ما في استقرار مع واحد متزوج و عندو عيلة , شوفيلك واحد عذابي يحسسك هالشعور و بعدين لو كان بحبك فعلا كان واثق فيكي اكتر من هيك او كان اختبرك بطريقة ذكية بس هو من جوا مبرمج مخو انو انت متل امك , و معتبرك مجرد نزوة بحياتو
جرحني بكلامو ,تلبكت و انقهرت,سكتت و نزلت نظري و صرت افرك بايدي
جمال : شو ؟
سارة : طيب معك حق بكل شي قلتو .... انا غلطت وقت فكرت بواحد متزوج و انا بوعدكن انو اطلع من حياة فادي على الاخير و ما لاحقو لا باتصالاتي او اطلع بطريقو بس بدي منكن تعترفو انو ما انا البنت يلي كنت بالفيديو و انو انتو يلي طبقتوه
جمال :بس نحن ما ......
سارة : لا انتو , اذا بتريد من شوي كنت عم تقلي حبل الكذب قصير
جمال : طيب و ليش بدك نعمل هيك و انت بتعرفي اذا حكينا مع فادي و قلنالو هالحكي رح ترجعو لبعض , يعني يا انت غبية يا اما عم تتغابي
سارة : لا وللله , بس ما بدي ياخد صورة بشعة عني , و قلتلك ما رح قرب علييه او على بنت اختك و رح اتركن يكملو حياتن كانو ما كنت فيا , اذا بتريد (تبكي) انا جيت مخصوص لعندك لاترجاك و بعرف ما تردني خايبة لانو سمعت عنك و عن سمعتك الطيبة و كرمك و ما حلو هيك تصرف يطلع منك
اعطاني محرمة لمسح دموعي و سكت و سند ضهرو و حط ايدو على تمو
جمال : ما بقدر انا هيك بضرا لبنت اختي و بطلعا كذابة و بخرب علاقتا مع زوجا اكتر بس رح عوضك عن يلي عملتو ب ...
سارة : ما بدي تعوضني لا بمصاري و لابشي , ما في شي بعوض سمعتي يلي خربتو , و متل ما قلت حبل الكذب قصير و مصيرو فادي يعرف الحقيقة و وقتا انا ما رح فوت ولا لحظة لكون معو
جمال انت هيك عم تهدديني ؟
سارة : انا عم خيرك استاذ جمال , قلتلو الحقيقة طلعت من حياتكن و اكيد عنكن مصادر تفوق الاستخبارات الامريكية لتعرفوا ذا بعدني على علاقة معو الا لا , كل يلي بدي اياه انو ما كون ذكرى بشعة بحياتو و ما ينظلي نظرة استحقار او ندم انو عيشني شهر مبسوطة و انا وعدتو ما كون مصدر تعاسة الو ابدا لانو هو بيستحق هالشي و حارب الناس كرمالي و ما بنسى يلي عملو معي ابدا و ما ممكن ردلو هالشي بخيانة تجرحو العمر كلو
جمال : بفكر بس ما بالوقت الحالي , لترجع امورو هو ومرتو بخير , انا بلاقي طريقة و بخبرو لنطلع باقل خسارئر ممكنة بس اذا رجع تواصل معك و انت اعطتيه وجه وقتا النا حكي تاني
سارة : انشالله ما بقا بصير بيناتنا حكي تاني و انا رح غير رقمي و عنواني و ما رح خليه يوصلي

يوصلي ابدا لانو يلي بيني و بينو انكسر و وعدو خلف فيه
جمال : بشو وعدك ؟
سارة : وعدني وعود كتيرة و اولا انو ما يتركني او يهتني بامي و يلي بخلف بوعودو ما بيلزمني لانو انا بنت بكون على قد كلامي ,و انت ما رح تشوف وجهي هون مرة تانية لاعرف اذا خبرتو اولا بكفي انك تعطيني وعد رجال و رح اطلع مطمنة من عندك
جمال :....
سكت انا و عم اطلع فيه ناطرة علامات القبول , طول بصمتو , قمت وقفت
سارة : ماشي انا رح امشي هلا و بعتذر على الضجة يلي عملتا برا بس كنت مضطرة
مشيت افتح الباب و اطلع من المكتب
جمال : لحظة
فتلت وجهي لعندو
جمال : اتركي رقمك عند السكرتيرة بحال احتجتو لاتواصل معك
سارة : رح غيرو لرقمي
قام وقف و اجا لعندي
جمال : طيب ماشي , هاي كرتي و عليه رقمي , اتصل فيني بحال رجع تواصل معك فادي
اخدتو بعد تردد و طلعت مشيت بالشارع انا و عم ابكي على الساكت و عم احكي مع حالي و حتى لو عرف فادي الحقيقة و رجع يعتذر مني مستحيل سامحو لانو ما وثق فيني و تركني باول امتحان لحبنا , غيرت رقمي و طلبت من امي انو نغير عنوان بيتنا
ام سارة : انا رح انتقل على بيت ابو سليم و هيدا البيت رح اتركو الك , بتحبي تبقي فيه او تبيعي و تنتقلي على محل تاني و معي شوية مصاري رح ساعدك فين
امي تزوجت ابو سليم يلي شفتو مرة او مرتين و تابت عن شغلتا بعد ما حرقتلي قلبي و دمرتلي حياتي , بعت البيت و اشتريت واحد تاني بمساعدة سعيد يلي ترددت بانو اعتمد عليه بس كان قد الحمل و اجت رغد ساعدتني بالبيت و تعزيلو و ترتيبو و عفشتو عفش مستعمل و بعد ما استقريت بالبيت بشهر اتصل فيني سعيد
سعيد: اسمعي اليوم اجا عالمول ابو عضل و طلب مني رقم موبايلك و عنوانك و سال عليكي بالسكن و بيت امك بس ما لقاكي
سارة : أي منيح و لا بحياتو رح يلاقيني , قد ما اصر عليك ما تعطيه رقمي و ما تعطيه وجه و قلو انك ما بقا عم تشوفني
سعيد: طيب , شو عاملة اليوم المسا ؟
سارة : متل كل مسا
سعيد :رح اجي انا و رغد نتعشى عندك و رح نجيب بيتزا معنا
سارة : ماشي
اجو المسا رغد و سعيد , بعد ما فاتو بعشر دقايق و عم نرتب الطاولة كرمال نتعشى ,رن جرس البيت , قام سعيد فتح الباب و سمعت صوتو عم يحكي مع حدا , لحقتو لشوف مين على الباب , كان فادي , بس متغير شوي و نحفان و مربي دقنو و سعيد واقف عم يتجادل معو
سعيد: ما حلوة منك تلحقني كرمال توصلا و هي ما بدا تشوفك
سارة : خلص سعيد فوت انت تعشا مع رغد , هلا بلحقك
فات سعيد لجوا و هو عم يزاورو قربت على الباب
سارة : شو بدك ؟
فادي:انا ......انا بعتذر كتير , الشيطان سيطر على عقلي و تهيالي انو انت
سارة : ما في مشكلة حصل خير
فادي: الي اسبوع عم دور عليكي
سارة : ليش معذب حالك , كرمال تشوفني و تقلي انا انا اسف
فادي:سارة انا بحبك كتير , من وقت ما تركنا و حاسس حالي ميت عم اكل و اشرب و اتنفس بس ميت , انا شكيت فيكي و غلطت بحقك و خبصت بالحكي و ضربتك بس لازم تعرفي انو ما ذنبي ابدا
سارة : و انا و ذنبي تقلعني بهالطريقة من البيت انت و عم تسبني و تتهمني بشرفي , على كل حال كل هالحكي ما بقا مهم , ارجع لعيلتك ....
فادي : انت عيلتي و انا عيلتك
سارة : كنت ..كنت يا فادي بس هلا انت ولاشي , شكرا على الايام الحلوة يلي قضيتا معك مع انو كنت حابة تخلص قصتنا بطريقة محترمة
فادي : ما خلصت , كل يلي صار سوء فهم و بصير كتي ر بين أي اتنين متزوجين و بترجع المي لمجاريها و بالنسبة لنتالي انا رح طلقا
سارة : لا ما طلقا هاي ام اولادك و يلي صار بيناتنا ما سوء فهم , يلي صار اكبر من هيك , شعوري اتجاهك تغير و ما بقا انت فادي يلي كنت شوفو بعيني , انت صغرت كتير بنظري , و هلا عن اذنك بدي روح لضيوفي الله معك
سكرت الباب بوجهو و حطيت ايدي على قلبي و فتت على غرفة النوم ابكي لحالي , دقت الباب علي رغد بس الحقا سعيد و قلا اتركيا لتهدى لحالا و هي بتطلع و بعد ربع ساعة مسحت دموعي و زبطت حالي و اطلعت تعشيت مع رغد و سعيد و حاولت اخلق الضحكة على وجهي , بقي فادي يلاحقني يجي لعندي و يرن الجرس و انا ما افتحلو الباب , دورت ساعة على رقم جمال بين جزاديني للقيتو و اتصلت فيه
سارة : انا سارة , تذكرتني ؟
جمال أي تذكرتك انت كنتي عشيقتو لفادي
سارة : كنت مرتو ما كنت عشيقتو , المهم انا عم اتصل فيك لاتشكرك انك وفيت بوعدك الي و قلك انو زوج بنت اختك عم يلاحقني
جمال : اخخخ طيب ماشي كيف عرف عنوانك ما على اساس رح تغيريه ؟
سارة : غيرتو بس جاب العنوان الجديد من رفيقي بشغلي القديم , لحقو هو و طالع من شغلو و الشاب كان جاي لعندي هو و خطيبتو
جمال : وينو هلا ؟
سارة : راح بس من شوي كان واقف على الباب
جمال : طيب انا بحكي معو هلا و انت ضلي على موقفك , بكرا بمل و بيبعد
سارة : طيب
جمال : وين عنوان بيتك ؟
سارة : رح ابعتلك اياه بمسج
جمال : طيب بس يرجع يجي مرة تانية حكيني فورا
سارة : طيب

بعد يومين رجع فادي اجا مرة تانية لعندي: بعتلو رسالة لجمال ليجي ياخدو من باب بيتي, بعد نص ساعة سمعت صوت فادي عم يحكي مع حدا تاني , قربت عالى الباب و طلعت من العين , شفت جمال واقف معو و عم يتجادلو
جمال : ما بقا بدا اياك, امشي معي
فادي:جمال ما تدخل , انتو السبب بهالشي
جمال :مرتك و اولادك اولى فيك و انت قاعد تراهق مع بنت صغيرة , ارجع على بيتك و انا ما رح قلا لنتالي انو جيت اخدتك من هون
فادي : روح قلا و تعمل يلي بدا اياه , تفهم انو هاي مرتي كمان
جمال كانت... كانت مرتك , انت يلي بدك تفهم هالشي
مسكو من ايدو و بدو ياخدو , سحب ايدو
فادي : انا بروح لحالي , ماشي يا سارة ماشي , هيك صار هلا , صرتي بتجيبلي عالم لتشحطني من عندك
جمال : امشي
اخدو جمال و راحو , بعد نص ساعة رن جرس بيتي , توفعتو فادي بس طلع جمال ,فتحتلو الباب , كان واقف و حاطط ايديه بجيبو و عم يطلع حواليه كان عم يتفحص الحارة يلي قاعدة فيا
جمال :ممكن فوت اذا ما في مانع
سارة : تفضل
فات بخطواتو الهادية و قعد على الكنبة بالصدر و حط رجل على رجل و هو عم يطلع بالبيت
سارة : كيف قهوتك ؟
جمال : سادة لو سمحتي
رحت عملتلو فنجان و جيت ضيفتو , شرب منو شفة و حطو على الطاولة
جمال : انا وفيت بوعدي و انت وفيتي بوعدك بس هاي الحالة طويلة و ما شكلو فادي رح يتركك بحالك و انا خايف على بنت اختي تعرف او تحس انو عم يركض وراكي بهالطريقة رح ترجع تنهار اعصابا مرة تانية و يمكن تعمل بحالا شي و ما تنفد هالمرة منا , مشكلتا لنتالي انو بتحبو كتير و لو ما بتحبو كان مستحيل اضل عندو ثانية بعد الشي يلي عملو معا
سارة : امممم انا شو فيني اعمل اكتر من يلي عملتو ؟
جمال : رح تغيري عنوان بيتك مرة تانية
سارة : لا طبعا ما مضطرة انقل كل فترة و اتشنطط متل القطط
جمال : معلش هاي اخر مرة , وعد مني هاي اخر مرة و ما تاكلي هم بالنقلة و التكلفة , بس ضبي اغراضك و الاهم انو ما تخلي رفيقك او أي حدا يعرف عنوانك من رفقاتك كرمال ما يعرفو فادي
سارة : طيب انا ما عندي رفقات غير شاب و بنت و رح صير شوفن بشي محل برا بس هيدا البيت شو رح يصير فيه
جمال : شو بدك فيه ؟بشو لازمك اذا رح تنتقلي على بيت ااحسن و بحارة انظف كتعويض يعني
سارة : هيدا البيت باسمي ما مستاجرتو اجار
جمال : امممم , طيب نفس الشي اجار او ملك فيكي ترجعي عليه بس تنحل المشكلة و يفقد الامل فادي منك
سارة :طيب
جمال : رقمك صار معي , رح اتصل فيكي بكرا و انت كوني جاهزة و رح تجي سيارة و تاخدك على البيت يلي رح تبقي فيه الفترة
سارة :اممم
جمال : دايما على القهوة
سارة : صحة و هنا
طلع من عندي جمال و انا قعدت على الكنبة شاردة بحياة نتالي يلي مليانة ناس بحبا و بتخاف عليا , كانت بنعم لا تعد و لا تحصى من عيلة و سند و نسب و جاه بس كان ناقصا محبة زوجا الا يلي كان بايدا تغيرا ,تاني يوم رحت على البيت يلي من طرف جمال , كان بيت كتير مرتب كبير و شرح مع اطلالة و منطقة راقية , فتحت جزداني و حسبت المصاري يلي بقيو معي , كانو عم يقلو كل يوم و ما عندي مورد لعيش منو مع انو نزلت دورت على شغل بس ما لقيت , دينت من سعيد مبلغ لبين ما يصير معي,كان كل همي انو بدي ارجع لحياتي القديمة الهادية و الكئيبة بعد يومين من قعدتي بالبيت رن جرس البيت لاول مرة و رحت اطلعت من العين , كان واقف شاب وجهو غريب
سارة : مين ؟
مجهول: انا من طرف استاذ جمال
فتحت الباب و شفتو ماسك كتير اكياس
مجهول : هدول من الاستاذ جمال تفضلي
اخدتن منو و سكرت الباب , فتحتن وصرت اضحك
سارة : شو هيدا يا استاذ جمال , ما حالك شي
اتصلت فيه فورا ما رد , رجع بعد نص ساعة اتصل فيني
سارة : عفوا شو هدول يلي باعتلي اياهن
جمال : شبن ما عجبوكي
سارة : استاذ جمال انا وافقت اجي اقعد هون بالبيت كرمال راحتي و لانو بدي اخلص بس ما معناه انو تخول حالك تصرف علي و ما حبيتا بدا الشي يلي عملتو هلا
جمال : شكلك فهمتيه غلط
سارة : اذا بتريد هالمرة مشيتا بس ما بقا تحرجني و ترجع تبعتلي شي , وقت بنقصني شي معي مصاري و بنزل بشتري بنفسي شو ناقصني
سكرت معو و انا مزعوجة
سارة : حلو ولله نقوم من تحت الدلف نوقع تحت المزراب
بعد اسبوع , رن جرس باب بيتي لتاني مرة , كان جمال
سار😩لا اله الا الله شو جابوا هادا هلا )
نفخت و فتحت الباب
جمال : مسالخير
سارة : مسالنور
جمال : كنت ما رق من هون و قلت بمر عندك بشوف احوالك
سارة : لحمدلله منيحة
جمال : سمعتي شي عن فادي
سارة : ايه راح مرتين لعند سعيد على المول حتى يعرف وين رحت بس ما خبرو شي
جمال : أي منيح و اجا عندي كذا مرة سالني عنك و قلتلو ما بعرف شي يلا هانت
سارة : امممم
جمال:ما بتشربيني قهوة عندك
سارة :.....اممم تفضل

فات هو عم و يطلع فيني و يبتسم , قبضني قلبي كتير من نظراتو , فات قعد , عملتلو قهوة و جيت
جمال : سبحان الله كيف ريحتك عشقت بالبيت
سارة : ايه
جمال : ايه شو الشي يلي شافو فيكي فادي حتى هالقد الزلمة متعلق فيكي قالب متل الولد الصغير يلي مضيع امو مع انو على سلامتو فادي رجال ملتزم و منضبط و هادي و عقلو بيتحكم فيه
سارة : ما بعرف , اسالو الو
جمال قلت ليش لسا لاسالو , بكتشف بنفسي , انا بحب التنقيب و الاستخراج كتير
سارة : عفوا ؟
جمال : هلا بدك تفهميني انك تحبيه لفادي ؟
سارة : ايه
جمال : ولله هالفادي دنجوان زمانو , على شو النسوان عم تحبو و تقتل حالا عليه كمان
سارة :ما بعرف اكيد فيه شي مميز ما موجود عند غيرو
جمال : متل شو يعني؟
سارة : ما بعرف
جمال : شو بتعرفي لكن ؟ تسرقي رجال من مرتو ,طب اسرقيني انا
توترت و صرت افرك بايدي , كان جمال عم يغمق بالحكي معي , التفتت على موبايلي كان بعيد عني كتير و خفت قوم جيبو و يحس علي
جمال : ها .....شبك وين شردتي
سارة : انا ايمت رح ارجع على بيتي
جمال اعتبريه هيدا بيتك و ابقي فيه قد ما بدك
بلعت ريقي
سارة : طيب انا .. انا رح قوم اعمل عصير
قمت و مريت من جنبو و هو عم يطلع من تحت لفوق , اخدت موبايلي من عن الطاولة بدون ما ينتبه و فتت على المطبخ , اتصلت بسعيد بس ما رد , فكرت اتصل بفادي بس قاطع تفكيري صوت جمال
جمال : وينك شو صار بالعصير ؟
طلعت من المطبخ
سارة : ما طلع عندي رح ارجع اعملك قهوة
جمال : تعي تعي ما بدي شي , جاي لشوفك
رجعت قعدت قبالو
سارة : كيفا نتالي؟
جمال : منيحة
سارة : نتالي محظوظة انو عندا خال بحبا هالقد و بخاف عليا
جمال : اممم و انت محظوظة انو طلع بحياتك جمال الباشا
سارة : اممم
قام وقف و قرب علي , انا وقفت فورا , صار يقرب و انا ارجع لورا للزقت بالحيط , حاوطني بايديه
سارة : استاذ جمال انا متفاجئة فيك
حطيت ايدي على ايدو و بدي نزلا , تجاهلا
جمال : بشو متفاجئة ؟
سارة : ممكن ترجع لمحلك
حط ايدو على وجهي
جمال : لا ما ممكن
سارة : حضرتك متزوج و ما ...
جمال : و فادي متزوج كمان هو ايه و انا لا
رن موبايلي
سارة : عم يرن موبايلي ممكن تبعد لروح رد
هز براسو بمكر
جمال : لا
توترت و صرت افرك بايدي
جمال : انا انتبهت عليكي كل ما تتوترتي بتصيري تفركي بايديكي , خايفة مني , انا ما بخوف و بالعكس انا حنون كتير و خاصة مع يلي متلك
سارة : ما خايفة منك بس ما مرتاحة , ممكن ترجع شوي لورا , لانك قطعت الهوا عني
جمال : هو يلي بقرب منك بيقدر يبعد , فيكي شي متل المغناطيس بيجذب الواحد عيونك و شعراتك و شفايفك
سارة (تبكي): ااذا بتريد بعد عني .....اذا بتريد , اذا حبيتو لفادي ما معناها انا بنت ما بسوى و ممكن انو ساير أي حدا
جمال : طيب ما تبكي..... سارة بنت انتصار
رفعت نظري و اطلعت فيه انا و متفاجئة , رجع شوي هو و عم يبتسم
جمال : كتير بتشبهي امك بصباها , رجعتيني لورا كتير , يمكن شي 15 سنة
سارة : من وين بتعرفا لامي ؟
جمال : في حدا ما بيعرفا لامك ,كانت حلوة كتير و اول ما قلتلي نتالي اسمك الكامل سالتا عن اسم امك و اسم ابوكي حتى اتاكد انو انت بنتا
سارة : يعني انت يلي قلتلا لنتالي عن امي
جمال : ايه
سارة : و مدام بتعرف امي معناتا انت ما كتير بتفرق عنا بشي
جمال : كان طيش شباب و بدي جرب بس و بالاخير الرجال ما بعيبو شي
سارة : بس انا غير امي
جمال : اممم واضح هالشي
رجع قعد بمحلو
سارة : اها يعني كنت عم تجربني هلا ؟
جمال : لو واحد قرب عليكي متل ما انا قربت بتصيري ترجفي و تبكي , هيدا كل شي بتعمليه , هيك بتصيري لقمة سهلة للكل
سارة شو كنت لازم اعمل ؟
جمال : ببساطة بتدفشيه بعيد عنك و بتضربيه باي شي بيطلع بايدك او ضربة قوية بين رجليه بتشل حركتو لبين ما تهربي و عم قلك هالحكي لانو بعرفك عايشة لحالك و ممكن تتعرضي لهيك شي , شو اخبارا امك ؟
سارة : تزوجت من فترة
جمال اممم ممتاز , ما كان ازبطلا تاخد هيك خطوة من زمان
سارة : اممم صح كتير اقترحت عليا تتزوج بس كانت رافضة , كانت بدا دمرني اكتر
جمال : الله غفور رحيم الله يغفرلا و يغفرلنا , ما في حدا ما بيغلط بس الاهم انو يوقف عن هالغلط و يتوب و يكفر عنو , أي سنة بتدرسي
سارة : انا تالتة بسبب هالظروف يلي مريت فيا و حملت مواد كتير و شكلي رح ابقى هالسنة فيا
جمال : ما بعتقد في شي هلا رح ياثرر عليكي حطي عقلك براسك و اقعدي ادرسي ,شهادتك هي راسمالك بهالحياة , اادرسي تخرجي توظفي و الا ما تلتقي بشاب يحبك
سارة : اممممم و اول ما يفكر يسال عني , رح يهرب متل ما هرب يلي قبلو
جمال : عندك مشكلة واضحة بشخصيتك ؟
سارة : شو هي ؟
جمال : شخصيتك ضعيفة كتير و سوداوية و تشاؤمية و سلبية و الموضوع كتير مكبرتيه , يلي حالتن اسوا منك تزوجو و كملو حياتن طبيعي بدون أي عقدة
سارة : مين هدول يلي اسوا من حالتي , لا اب و لا اخ و لا ام , ام عدم وجودا بحياتي افضل من وجودا

جمال :رح قلك مين اسوا منك , يلي من شاب لشاب و ماضيها وسخ بس بالاخير بتتزوج و بتكمل حياتا طبيعي ولا من شاف و لا من دري و انت ما عندك ماضي , انت نظيفة هيدا اهم شي
سارة :لكن ليش حسام ما قبل فيني ؟
جمال : يصطفل هو ما قبل بس غيرو بيقبل متل ما فادي قبل مثلا بس انت اساتي الاختيار ,و انا وقت حكيت لنتالي ما توقعت تروح تحكي لزوجا و زوجا يحكي لاخوه و تصير كل هالقصة , وقت حكيت ما كان عندي نية ابدا انو خرب خطبتك من حسام لانو قلت انت بجوز غير امك و ندمت ليش حكيت , كان المفروض ضل ساكت , عم حس حالي انا السبب المباشر ورا كل هالقصة و انت بنت مسكينة و ما بتستاهلي هالشي
سارة : ...........
جمال : طيب انا رح روح هلا , ارجعي على جامعتك و على دراستك و خليكي هالفترة هون و اقبلي مني انو ساعدك بس لبين ما تلاقي شغل و تعتمدي على حالك
سارة : شكرا كتير ما في داعي انا بدبر حالي
جمال : معلش اعتبرين تعويض عن الاذى النفسي يلي عملتلك اياه
طلع من عندي جمال و انا رحت غسلت وجهي و شربت مي بعد هالرعبة , و قعدت فكر بحكيو و شو لازم اعمل اقبل مساعدتو الا لا ,رجعت داوم الفصل التاني سنة تالتة و ما عاد رجعت شفت جمال ابدا بس كان ببداية كل شهر يبعتلي ظرف فيه مصاري اكتر من احتياجاتي و شي قسمو لدراسة و شي مصروف بيت و مواصلات و يلي بزيد كنت انزل اتسوق لانو كانت متعتي السوق و اللبس , اما فادي ما بقا رجعت شفتو بهديك الفترة , قلي سعيد انو شافو كذا مرة بالمول هو و مرتو و اولادو عم يتسوقو , ما بعرف شو حسيت , فرحت و زعلت بنفس الوقت , فرحت لانو رجع لعيلتو و حياتو الطبيعية و زعلت لانو حسيتو نسيني و انا بعدني عم فكر فيه و اتذكر ايامي معو ,قدمت الفصل التاني و رفعت كل موادو بس بقيت بالسنة نفسا تراكم مواد فصل اول و سنة تانية ,ضبيت تيابي و قررت ارجع على بيتي يلي تركتو شهور ,اتصلت بجمال لاعطيه خبر
سارة : انا رح فضيلك البيت بكرا
جمال : ليش؟ في شي ؟
سارة : لا بس خلص حاجة , فادي رجع لعيلتو و انا صار لازم ارجع على بيتي
جمال :طيب ماشي متل ما بدك , اعملي يلي بريحك , كيف دراستك ؟
سارة : منيحة
جمال : صرتي رابعة ؟
سارة :لا بعدني تالتة
جمال : يلا شدي حالك
سارة : اكيد شكرا كتير الك على البيت و المصاري
جمال : الظرف رح يصير يصلك على بيتك
سارة : لا , هلا بلشت الصيفية و رح اعمل جهدي لاقي شغل
جمال : طيب بس اذا رجع فادي لعندك شي خبريني
سارة : ماشي شكرا مرة تانية بيباي
رجعت على بيتي و عزلتو و استقريت فيه و نزلت دور على شغل , لقيت شغل بشركة البان و اجبان , كان بدن محاسبة , كان الراتب ما كتير مقارنة بكل شي رواتب اخدتن من قبل لهيك كنت اقتصد كتير بالصرف , بعتلي جمال اول شهر ظرف مصاري بس ما قبلتو و رجعتو مع الشاب نفسو و قلتلو خبرو انو سارة لقت شغل , بعد شهر كنت داخلة على مكتبي الساعة 8 الصبح , شفت جمال واقف مع رجال و عم يحكي و ياشر بايديه برا معمل اجبان و البان و كانو باقي العمال عم يحملو شحنة كبيرة , تفاجات بوجودو هون ,ما عرفت روح سلم عليه او اعمل حالي ما شايفتو حتى انتبه علي , دقق فيني شوي كانو عم يتذكرني , نزلت راسي و فتت فورا,بعد ساعتين عالعشرة, فات هو و صاحب المعمل ابو فؤاد
جمال: هاي انت , ما عرفتك اول ما شفتك

سارة : و انا صراحة قلت هيدا انت الا لا
جمال :عم تشتغلي هون ؟
سارة : ايه
جمال: ابو فؤاد توصى فيا لهل الصبية
ابو فؤاد: أي ما تكرم استاذ جمال , خلص ما من معارفك رح تكون مرتاحة على الاخر
بعد ما راح جمال , رحت عند ابو فؤاد و سالتو جمال شو عم يعمل هون
ابو فؤاد: استاذ جمال بيشتغل بالاستيراد و التصدير و بياخد نسبة على كل حمولة بصدرا او بستوردا و الو اسهم عنا
سارة : ايه ليش هاي الجبنة يلي بتعملو بالمعمل بتصدرو ؟
ابو فؤاد: أي طبعا منصدرا لبرا و بتربح معنا اكتر ما نبيعا هون
سارة : امممم ولله
بالشهر التاني بعد ما حاسبت كل العمال و اجا ابو فؤاد و يحاسبني ,اول ما اخدتن منو , عديتن مرتين
سارة : انت مخربط معي , انا بقبض 20 و هدول 355 الف
ابو فؤاد : أي انا زودلك اياهن
سارة : زودن ؟انت ضاعفتن تقريبا , ليش ؟مين طلب منك ؟ يعني لاني من معارف الاستاذ جمال هيك عملت
ابو فؤاد: لا بس حسيت وجهك خير علينا وزاد الشغل , خدين و احمدي ربك و ضاعفي جهودك هيك بتكوني بتستحقين
ضبيتن بالجزدان و مريت على السوق اشتريت لوازم البيت و اشتريت بنطلون خمريو بلوز بيضا شيفون بعد شهرين من عدم التبضع , كانت خزانتي مليانة تياب حتى وقت افتحا كانو يقلبو التياب علي بس غم هيك اوقفكل يوم قبالا ساعة و انا محتارة شو البس و ما كنت شوف شي خرج ينلبس , قضيت الصيفية بين شغلي بيتي و طلعاتي مع سعيد و رغد , و احيانا ما اطلع معن كرمال ما ازعجن بوجودي , كنت اقعد بالبيت و احضر شي فيلم و احيانا افتح اتفرج على صوري انا و فادي بتركيا ,اكتر لحظات كنت سعيدة فيا , اما امي كنت اتواصل معا على التلفون بعد ما تزوجت , بعد شهرين اتصل جمال و طلب يوفني بمكتبو , اول ما فتت التقيت بالسكرتيرة يلي قلعتني , اطلعت فيي بنفسية
سارة : عندي موعد مع استاذ جمال
قامت وقفت
السكرتيرة : تفضلي ناطرك جوا
دقيت الباب و فتت انا و عم اطلع فيا و ابتسم و رقصلا بحواجبي
سارة : صباح الخير
جمال : صباح النور , كيفك ؟
سارة : لحمدلله, كيف كانت ؟
جمال : لحمدلله اييييييه كيف شغلك بالمعمل مرتاحة ؟
سارة : لحمدلله تمام و خاصة انو زادولي راتبي بعد ما عرفو اني من معارفك
جمال : بالله!انا حكيتك لاعرض عليكي شغل بالشركة هون
سارة :انا مرتاحة بشغلي و ما مفكرة ابدا اتركو و خاصة يدني و بصب بنفس اختصاص دراستي و عم اخد خبرة
جمال : بس هيدا الشغل بفيدك اكتر و راتب اكتر
سارة : استاذ جمال انا ما بدي أي شغل من طرفكن , انا حابة بعد كتير تفاديا لاي مشاكل , بس شكرا الك على هاللفتة الحلوة و انت وقفت جنبي كتير ما بحياتي رح انسالك وقفتك و انشالله اقدر ردلك اياها بس ما هيك
طلب فنجانين قهوة و قام و لف من ورا المكتب و قعد قبالي على الكرسي
جمال : مشاكل شو قصدك ؟ اذا خايفة كرمال فادي , فادي ما بيجي لهون و ما رح يعرف
سارة : بس انت بضل خالا لنتالي .........
قبل ما كمل جملتي , انفتح الباب و سمعنا صوت من برا قبل ما نشوف مين الداخل
السكرتيرة : مدام عندو موعد و قلي ما حدا يزعجو
نتالي: و انا ما حدا
سمعت صوت نتالي و كانو ماس كهربا صابني , تلبكت و تورت فورا , فاتت هي و عم تضحك , و اول ما شافتني تغيرت ملامح وجها فورا
نتالي: انت شو عم تعملي هون ؟
سارة :...........
نتالي: لك كيف الك عين .......خالو ...كيف بتستقبلا لهاي عندك ......ما رح تطلعي من حياتي
جمال : نتالي , خالو اطلعي انطريني برا بس لخلص
نتالي: هاي يلي بدا تطلع مو انا
قمت وقفت انا و عم افرك ايدي
سارة : انا رايحة
جيت لامشي و اطلع من الباب مريت من جنب نتالي انا و موطية راسي
جمال : سارة ما تمشي , نتالي انطريني عند السكرتيرة و اطلبي فنجان قهوة لبين ما خلص شغلي
نتالي: شغل شو , الك شغل مع خطافة الرجال
التفتت علي كنت واقفة جنبا
نتالي: اخدتيلي زوجي مني و هلا بدك تاخدي خالي , انت متقصدة تقهريني و انا ما رح اسمحلك , بدي عرفك مين هي نتالي
هجمت علي و شدتني من شعري و زتتني على الارض و قعدت فوقي تضربني , و جمال عم يصرخ عليا و يبعدا عني , حملا و رفعا عني و انا كنت هادية و عم اتكر الحادثة يلي صارت من عر سنين وقت امي اكلت قتلة من ام سامح , حسيت حالي ما كتير بفرق عنا
جمال : نتالي خلص
نتالي: هالوسخة بدا ترباية , ما مرباية , متل اما من رجال لرجال , كانت بدا تصير سلفتي و بعدين صارت ضرتي و هلا عم تلفي على خالي
قمت وقفت انا و عم ابكي و عم زبط تيابي , اشرلا جمال للسكرتيرة تاخدني فورا , طلعت مع السكرتيرة و نزلت على الطابق التاني و فوتتني على قاعة فيا طاولة كبيرة و كراسي كانو للاجتماعات , اطلعت فيني السكرتيرة هي و شمتانة
اسكرتيرة : انطريه للاستاذ جمال هون
سارة : بدي غسل وجهي
السكرتيرة : هون على ايدك اليمين الحمامات

قمت غسلت وجهي , كان وجهي مجروح من اظافر نتالي و شعري منكوش , غسلت وجهي و زبطت شعري و رجعت قعدت على كرسي و طبيت راسي و ندمت كتير ليش لبيت دعوتو لجمال و حتى فكرت انو هو ممكن بدو يجمعني فيا لتفش خلقا فيني و تضربني بس رجعت استبعدت الفكرة بس تذكرت ملامحو هو و معصب من الموقف يلي صار و بعد نص ساعة طلع هو وعم يعتذر من يلي عملتو بنت اختو فيني
سارة : انا كنت لسا بدي قلك انو ما بدي اصتدم معا بس ما خلتني كمل
قمت وقفت
سارة : فهما شو كنت عم اعمل هون و انو رفضت الشغل لانو بدي بعد عنا و عن أي حدا بخصا
جمال : قعدي طيب لترتاحي و مناجل الحكي بالشغل لبعدين
سارة : لا بدي امشي , استاذ جمال ما تزعل مني بس ما بقا تحكيني
جمال :طيب رح خلي هلا الشوفير يوصلك على بيتك و ما تروحي على شغلك انا باخدلك اجازة
سارة : بروح لحالي....اذا بتريد
جمال : طمنيني بس تصلي
سارة : ماشي
نزلت من شركة جمال , و انا عم قطع الشارع على الرصيف التاني و عم اتذكر وجه نتالي هي و عم تضربني كان بشبه وجه ام سامح كتير و حتى انا كنت بشبه امي بضعفي و استسلامي , رفعت نظري و اخر شي شفتو هو سيارة سودا و يلي عم تسوقا نتالي باتجاهي , كانت ملامح وجها كلها حقد و غل و عم تكز على اسنانا , خفق قلبي بسرعة و هبت نسمة هوا ناعمة ,كان قدامي فرصة للنجاة بس انا ما انتهزتا ...... فضلت اني موت على انو ينتهي فيني المطاف متل امي .
انتهت.
الى اللقاء بالجزء التاني من قصة سارة.

ما وعيت الا و انا بالمشفى , اول ما فتحت عيوني, شفت جمال قاعد على الكرسي قبالي , اول ما صحيت وجعني كل جسمي, انتبه علي جمال و قرب لعندي

جمال : سارة , كيف صرتي ؟شو عم يوجعك؟

سارة :اخ.... كل جسمي عم يجعني

جمال : رح نادي الدكتور

طلع جمال من عندي و رجع هو و الدكتور , بعد ما فحصني الدكتور و سالني عدة اسئلة عن اسمي و عمري و الوجع يلي عم حس فيه

الدكتور : ما في شي بخوف ...رضوض بس ....بس احتياط خليا يومين بالمشفى تحت المراقبة معافاية

طلع االدكتور من غرفتي , اجا فادي و وقفو شوي و سالو عن وضعي , بعدما طمنو الدكتور فات هو و عم يزورو لجمال

فادي: كيفك؟

سارة : لحمدلله

فادي: لحمدلله على سلامتك

سارة : الله يسلمك

سحب كرسي و قعد قبالي

فادي: خبرني الدكتور انو وضعك تمام

سارة :ايه لحمدلله

التفت على جمال

فادي: شو قنعتا تسقط حقا الا لسا ؟

جمال : ما حكينا لسا , لاتنسى يلي عم تحكي عنا بتكون مرتك

فادي: و هاي اخر دلالكن الا و مسايرتا , بس السؤال الاهم شو كانت سارة عم تعمل عندك فوق ؟

جمال : شغل

فادي: شغل ؟ شغل شو ؟

جمال : ما وقت هالحكي هون

فادي: بالعكس انسب وقت

جمال : روح لعند مرتك هلا هي بحاجتك اكتر

فادي: براايي انت تروح ما انت سندا و داعما بكل شي و انت الراس المدبر , انت يلي وصلتا لهون انت و عم تكبرلا راسا , اصلا انا مستغرب ليش قاعد هون , و ما رحت حليت القصة بمعارفك

جمال : لانو بدي ربيا شوي و عاقبا على عملتا

فادي : سارة بتعرفي انو نتالي هي يلي ضربتك بالسيارة

سارة : اممم...بعرف

فادي : اوعى تسقطي حقك

جمال : انت ما تدخل , صف على جنب

فادي : انت الك ايد بهالموضوع

جمال : لا ، اجت نتالي صدفة و شافتا عندي و علقو و بعدن عن بعض و شكلا نطرتا تطلع من الشركة و ضربتا و بعدين اتصلت فيني عم ترجف بعد ما التمو الناس و نزلت اسعفتا

سارة : وين موبايلي ؟

جمال : مع مين بدك تحكي ؟

سارة : مع رفقاتي

جمال حافظة رقمن؟

سارة : ايه

اعطاني موبايلو و اتصلت بسعيد ما رد , اتصلت برغد و خبرتا انو انا بالمشفى اذا بتقدر تجي هي و سعيد ,قعدو جمال و فادي يحكو و يتجادلو و انا كنت بدي بس اطلع , اهرب منن و من هالمتاهة يلي فتا باراداتي و بغبائي , بعد ساعة اجت رغد

رغد : كيفك انشالله ما مضررة كتير

فادي: لا لحمدلله

جمال : بدا رياحة بس

سارة : شكرا الكن ممكن تتركوني بحالي هلا , الحكي الك فادي و الك استاذ جمال و بالنسبة لنتالي رح اسقط عن حقي

فادي: سارة ..

جمال : طيب رح نتركك ترتاحي شوي هلا و برجع المسا بمر عليكي

قرب علي فادي ليبوسني من جبيني, درت وجهي للجهة التانية

فادي: طيب ...برجع بشوفك , ديرو بالكن عليا

رغد : اكيد

طلعو الاتنين من الغرفة و تنهدت , حاولت قوم و اقعد , ساعدتني رغد بصعوبة

رغد: كيف هيك صار ؟ و هدول شو عم يعملو هون ؟

سارة : قصة طويلة بس صحصح بقلك اياها , وينو سعيد ؟

رغد : جاي على الطريق

سعيد: هاااااااااااااي , يه يه يه عنجد انت بالمشفى

رغد : لا عن مزح

سارة : اجا النهفة و انا قلت اكتر واحد بيلزمني بهالوضع هو سعيد

سعيد: اييه صرلا شي للسيارة يلي فتي فيا ؟

رغد:ههههههههه

سارة : انا يلي فتت فيا ؟انا الحق علي انا غبية

سعيد: غبية و بس

رغد:سعيد

سارة : عادي رغد انا بلقى مزح

سعيد: على اساس انا عم امزح يعني يا هبلة

سارة : ما ناقصتك

اجاها اتصال لرغد على موبايلا , تلبكت شوي و اطلعت بسعيد

رغد: هيدا البابا

طلعت برا الغرفة لترد عليه و شرد سعيد

سارة : اييييه وين رحت ؟

سعيد: ولاشي , المهم انت هلا كيف صرتي

سارة : احسن لحمدلله شوية رضوض بس

سعيد: طيب انا نازل جيب قهوة الي و لرغد و رح جبلك الك و بعدين رح تحكيلي كيف صار معك هالحادث

سارة : طيب

طلع سعيد و غاب نص ساعة , رجعت فااتت رغد , سالتني عنو , قلتلا راح يجيب قهوة , رجع سعيد بس كان ملامح وجهو ما مرتاحة , قعد على الكرسي شرب القهوة على الساكت , بعدين استاذنت رغد لترجع على بيتا كرمال ابوا , بعد ما طلعت

سارة : شبك في شي,تغيرت ملامح وجهك فجاة

سعيد: ولاشي ولاشي , سارة بتزعلي مني اذا تركتك و رحت هلا , عندي مشوار ضروري , ما بطول , بقضي هالمشوار و برجع

سارة : لا عادي روح و روح على شغلك كمان

سعيد: نسيت شغلي , طيب باخد اذن اليوم و بجي لعندك

سارة : لا ولله انا منيحة

سعيد: سلام هلا

طلع سعيد ورا رغد و انا قبضني قلبي و حسيت في شي ما طبيعي عم يصير بين رغد و سعيد , راح سعيد و رجع على الساعة 8 المسا , فات من الباب شاف عندي شابين عم ياخدو اقوالي كرمال الحادث و انا خبرتن انو ما كنت منتبهة على السيارة و الحادث قضاء و قدر و ما رح اشتكي على حدا , طلعو من عندي و قرب سعيد و قعد على الكرسي , كانو وجهو مخطوف لونو و عيونو حمر متل االدم

سعيد: مين هدول يلي كانو عندك

حكتلو كل شي لسعيد , بس حسيتو مدايق و مزعوج و هو قاعد

جمال : رح اتركك تفكري براحتك و ناطر جوابك و اذا قبلتي رح عيشك بالجنة و اذا رفضتي رح نبقى متل ما نحنا

طلع من عندي جمال و انا اتصلت بسعيد كنت متوترة و ضايعة

سارة : الو سعيد جمال بدو اياني اتزوجو

سعيد:.......

سارة : الو سعيد سامعني

سعيد: ...ايه ....سامعك ...شو قلتيلو ؟

سارة : ما قلتلو شي , تركني فكر و رد عليه

سعيد : و انت شو رح تردي عليه ؟

سارة : ما بعرف ما بعرف لهيك دقتلك محتارة كتير , جمال شخص ما بتفوت و بنفس الوقت ما عم حس باي شي اتجاهو يعني عقلي بقلي ايه و قلبي بقلي لا

سعيد: اممم طيب ماشي انا ...انا عندي شغل قريب من حارتك بس خلصو رح مر عليكي و نحكي

سارة : ايه ماشي

بعد نص ساعة رن الجرس , فتحت لسعيد , فات هو و ساكت , قعد على الصوفاية و حط ايدو على دقنو

سعيد: ايه شو قررتي ؟اكيد رح توافقي , هيدا جمال الباشا ما بينرفض ابدا

سارة : شو قصدك يعني؟

سعيد: مال و جاه و حسب و نسب

سارة : انا ما بفكر بهالطريقة , انت بتعرف انا كيف بفكر

سعيد: انتو كلكن بتفكرو نفس الشي و بتركضو ورا يلي معو اكتر , تركتي فادي و هلا بدك تاخدي الاغنى

سارة : سعيد انت عم تحكي معي هيك , شبك انا سارة

سعيد: شو بدك بهالعيلة ؟ انت ما قلتي بدك تخلصي منن , شايفك انت يلي عم تلزقي فين , هدول ما من طينتك ما من بيئتك ايمت رح تفهمي هالشي, خدي يلي من توبك , خدي يلي بحبك و ما شايف غيرك قلتلك مية مرة ليش لتكوني خيار تاني و انت بيطلعلك تكوني خيار اول بحياة الشخص يلي بتحبيه و خدي يلي شايف فيكي روحك قبل جسمك و جمالك , يلي بوعد حالو يسعدك رغم انو ما معو شي يقدملك اياه غير انو يحافظ على ضحكتك

سارة : وينو هيدا ؟ اول ما رح يعرف رح يهرب و اذا اخدني رح يصير يهتني؟

سعيد: انت ما شايفة قدامك لانك معلية راسك لفوق كتير , نزلي نظرك شوي , ما عم اطلب منك تنزليه كتير , عالاقل اطلعي قدامك و بتلاقيه

اطلعت بسعيد و سكتت و درت وجهي

سارة : سعيد انت شايف كيف وضعي بطلع من الصبح و ما برجع لاي ساعة تعبانة و هلكانة و ما عم لحق بين دراستي و بين شغلي , يا دوب عم اقدر اصرف على حالي و قيم بمصروف جامعة

تركني و رجع خطوتين و هو مصدوم و عم يطلع فيني و حسيتو كتير بيذبه فادي و بيشبه كل رجال العالم بهيك لحظة

سعيد: ليث ما ابني

سارة /تبكي/:...

سعيد: انا كيف صدقت انو ممكن تكوني غير امك ...اكيد انت يلي كنت بالمقطع الاباحي يلي قلتي نتالي ملفقتو عليكي ...وقت تنكشفي بتعملي حالك بريئة و مسكينة و انو الناس عم تلزق التهم فيكي

سارة /تبكي/:..

قعد على الكرسي

سعيد: ايمت ؟ وقت تركتك و جيت لهون ؟ ولا من قبل ولا بعد ولا ايمت و انا كنت عم اتعذب و يأنبني ضميري عليكي و انت وين كنت ؟كنت عم تخونيني , باديش اشتراكي ....ايه ...قولي ..اديش دفعلك ...نفس تسعيرة امك الا زودلك اياها

سارة/تبكي/:اخرس ..

سعيد: بس لا اذا فادي طلع جبان و طلقك فورا ...انا ما رح طلقك انا بدي خلص عليكي, بدي اقتلك بايدي هدول

هجم علي و حط ايديه على رقبتي و صار يخنقني

سعيد: يلي متلك لازم يموت ...خاينة

كان وجهو احمر و عم ينقط عرق و هو بكل قوتو عم يخنقني حتى ضربتو برجلي بين رجليه لتوجع و دفشتو برجلي حتى وقع على الارض و قمت عن التخت على الباب و انا حاطة ايدي على رقبتي و عم حاول القط نفس , فتحت الباب و شفت ام سعيد بوجهي , بلشت تصرخ متل المجنونة , فاتت لعند سعيد لتهديه , دفش امو ليلحقني على الدرج , ركضت بكل قوتي لاطلع من باب البيت , كانت نظيرة واقفة و ماسكة ليث بايديا , مدت رجلا بدون ما انتبه و فشكلتني ,وقعت على الارض و كان موصل لعندي سعيد , حملني انا و عم صرخ و حاول افلت منو, دفشني لجوا

سعيد: هون رح تبقي حتى تموتي ،ما الك طلعة من هالغرفة

سارة /تبكي/: ولله يا سعيد ما رح سامحك ما رح سامحك بس تعرف الحقيقة

طلع و تركني بهالغرفة , حتى اجت اميرة تاني يوم المسا و فوتتلي اكل , كنت ميتة من الجوع

اميرة : انا مصدومة فيكي و معقول انت تطلعي هيك

سارة : حتى انت صدقتي

اميرة : ابي قلو لسعيد ليش لهلا ما دبحتا و نظفت شرفك

مسكت ايدا لاميرة و بدي بوسا

سارة : اميرة ساعديني انا ولله مظلومة و هاي نظيرة هي يلي حطت الموبايل و زبطت كل شي, طلب اخير منك و حتى لو قتلني سعيد , بدي تعمليه حتى ما يبقى ابني موطي راسو بامو و يخجل فيا

اميرة : شو بدك ؟

سارة : بدي توصلي لجمال الباشا من بكرا الصبح و تخبريه بكل شي

اميرة : مستحيل , ابي بيقتلني الي

سارة : ما ضروري يعرفو انو انت يلي حكتيلو كل شي , هو انسان منيح و ما رح يردك و رح يساعدني اكيد اذا عرف انو حياتي بخطر

شردت شوي و انا ما كنت واثقة انو جمال رح يدخل بقصتي او لا , رجعت ركزت بعيون اميرة

سارة : اكيد رح يساعدني

اميرة : كيف رح يطلعك من هالورطة ادا هو رجلو معك

سارة : ما بعرف بس اكيد رح يتصرف

اميرة : طيب بس ما بوعدك

سارة :و ليث ,خليه معك , بخاف نظيرة تقتلو ,الله يخليكي ما رح انسالك وقفتك معي ابدا

طلعت من عندي اميرة بعد ما اعطيتا عنوان شركة جمال و حلفتا باغلى ما عندا انو تساعدني ,قعدت طول نهار ناطرة مصيري و ادعي لربي يكشف الحقيقة , المسا الساعة 8 , انفتح الباب و فاتت ام وفيق , كان منظري و شكلي مخيف من الخوف و القلق ,اول ما فتت على الصالون , شميت ريحة عطرو لجمال ارتحت كتير , لفتت و شفتو قاعد على الكنباية و قبالو عمي ابو سعيد و سعيد ما كان موجود , اول ما شافني

جمال : ولو ما هيك .....سوء فهم بتعملو فيا هيك

حطيت ايدي على وجهي و صرت ابكي , قام جمال

جمال : خلص ما تبكي ....انحلت القصة ...تعي قعدي

حط ايدو ورا ضهري و قربني لاقعد على الكنباية

جمال : جيبيلا كاسة مي بعد اذنك

رجع قعد محلو , كان قاعد عمي ابو سعيد متلبك من جمال الباشا و خجلان منو بعد ما انكشفت الحقيقة و ما عرفت كيف انكشفت لهلا , رن موبايلو لعمي , رد

ابو سعيد: الو ....اي ....اي ....طالعناها ....ليث عند عمتو ....تعال هلا ...اي بعدو موجود..

سكر موبايلو و حطو على الطاولة و اطلع بجمال

ابو سعيد: ولله خجلانين منك استاد جمال ...طلعت نتيجة التحليل ..الله يلعن الشيطان

جمال :لحمدلله انو الطب اتطور و صار في تحليل ابوة و الا كان راحت عالم كتير باتهامات باطلة , و هاي الرقمين عرفتو لمين تابعين ...يعني كل القصة مفبركة ليوقعو لسارة و انتو ادرى مين هدول , لسا عندك استفسار تاني

ابو سعيد: مين يلي خبرك ؟

جمال : انا وعدتو للشخص ما احكي حتى ما وقعو بمشاكل بس حدا من العيلة حتى ترتاح , المهم الحقيقة ظهرت بالاخير و لازم يا ابو سعيد تفرض هيبتك و تعاقب الشخص يلي عمل هيك حتى ما بقا يتمادى و يتجرا على يلي اكبر منو

ابو سعيد: اكيد اكيد , عن اذنك

طلع عمي من الصالون , قرب جمال لعندي و هو مركي ايديه على ركبو

جمال : شو علقك بهيك جماعة , هدول ذاتين التكاثر , بتزوجو و بخلفو بدائرة مغلقة

سارة : ما كنت بعرفن ولله , كان سعيد ما بيحكي معن و كان مختلف عنن بس وقت اجا لهون صار واحد منن , الله يخليك بدي اطلع من هون , خليني ارجع معك

جاكي
سارة : عماد روح من هون
عماد : انتي عم تخربي بيتك بأيدك
سارة : ليش هو عمران
عماد : بسيطة ماشي ياسارة لشوف لايمت رح تضلي معندي
طلع وطبش الباب .. وطلعت هية وقال ههههه مفكرني متلي غيري انو ممكن اقبل عيش مع ضرة واسكت ..
....................
المسا اجو لعندا بيت عما وعماد
ابو عماد : سارة ليش هيك عم تعملي
سارة : ليش شو عم اعمل
ابو عماد : عماد خبرنا بكلشي وكمان انك مانعتيه من حقو عليكي
سارة: تزوج عماد وقلتلي الشرع حللو اربعة قلت بقعد كرمال ابني .. بس اكتر من هيك مافيني
ابو عماد : بس ابني بدو زوجة .. مابدو مربية
سارة : وابنك عندو زوجة ومتل القمر
ابو عماد : شو رأيك ياعماد بحكي مرتك .
عماد : سارة يابتقعدي بهل البيت وبتمشي تحت امري يا اما بيت اهلك اولى فيكي
سارة : وانت قلتلا
عماد : قصي رح يكون معي
سارة : المحكمة يلي بتحدد .. وكمان هو هلق رضيع ورح يضل معي وحتى يكبر ساعتها لكل حادث حديث
عماد : ماتوقعتك يكون قلبك قاسي لهل الدرجة ..
سارة : ههههه توقعك طلع غلط .. وانا وقت الجد برمي كلشي ورا ضهري كرمال كرامتي .. وكمان عسيرة التوقعات وانا كمان ماتوقعتك تكون ناكر لجميل
عماد : وعن اي جميل عم تحكي
سارة : ليش مين وصلك لهون غير انا
عماد : ههههه انا وصلت لهون بتعبي وعرق جبيبني ... وعشان الدهبات جبتلك بدالن وكمان اكتر منون بعشر اضعاف
سارة : والخبرة
عماد : هههه يعني اذا معك شهادة اقصاد مفكرة انو انا نجحت بسببك ... انتي كتير غلطانة
سارة : طيب ماشي متل مابدك .. انا غلطانة
عماد : يلا بابا .. يلا ماما
سارة : لحظة .... ارمي علي يمين الطلاق
عماد : انتي طالق .. طالق ... طالق
طلعو من البيت .. وسارة كانت بدا تبكي بس بلعتا واخدت نفس عميق ..ودخلت ع الغرفة ضبت تيابا وتياب ابنا وطلعت وراحت على بيت اهلا ..
...........
وتابعت سارة بخططتا .. وبلش اعملا تكبر .. وكانت تنافس عماد على كلشي .. ووصار الها اسم كبير بالسوق بس محدا بيعرفا معروفة بالتاجر المجهول ... ووكانو الكل يحاولو ينافسو هاد التاجر بس محدا يقدرلا ... وعماد اسهمو كلها تدهورت وصارت بالارض .. وكل مالها الخسارة لاحقتو لحتى ماضل عندو شي يخسرو .. كل الاملاك والمحلات والارضي راحت وماضل عندو غير البيت يلي كانت قاعدة فيه سارة وانتقل هو ومرتو الجديدة عليه .. وكان على طول معصب ومقهور ..وعلى طول خناق مع مرتو .. وبالاخير مرتو ما استحملت هي العيشة .. لانو هية تزوجتو على طمع .. وطلبت الطلاق
عماد : انتي شو عم تقولي
وردة : اي طلقني .. انا هي العيشة مابتناسيني ..
عماد : وردة ما على اساس نحنا بنحب بعض
وردة: حبيبي الحب مو كلشي .. والحب مابطعمي خبز
عماد استحقرها كتير .. وعند اول مطب تركتو .. وفورا طلقا ..حط راسو بين اديه وغمض عيونو وصار يتذكر لما كان فقير وكان عريس جديد هو وسارة
*فلااااااش بااااااك
كانو قاعدين بغرفة صغيرة عند اهلو ..
سارة : قومي حبيبي ناكل
عماد : شو عاملين غدا
سارة : مجدرة
عماد : مين طبخ
سارة : امك
عماد : بس انتي مابتاكليها
سارة : مامهم .. يلا قوم
عماد : بس هيك رح تضلي جوعاني
سارة : ومين قال انو رح ضل جوعانة خلص رح اغصب حالي واكلها بركي حبيتها
عماد: سارة سامحيني بس انتي شايفة وضعي
سارة : انا قلتلك كلشي بهل الدنيا مو مهم المهم انو كون جنبك ....والله الاكل واللبس وباقي الشغلات كلا بتنحل وبتجي بعدين بس الحب اذا راح مابيرجع
**** بااااااااااك ****
عماد : اي والله كلو بروح وبيجي الا الحب اذا راح مابعود بيرجع .. انا ماخسرت املاكي مو هي هية خسارتي خسارتي هية سارة ... خلص انا خسرت
كان عندي كلشي بتمناه بس الطمع .. طمعت وصرت بدي جدد حياتي قام خربتا ... صحيح يلي قال الطمع ضر مانفع
.......................
رجع لعند سارة لعل وعسا ترجعلو ..
راح على بيت اهلا .. وسارة لما شافوو عطتو ابنو .. واجت بدا تفوت
عماد : سارة .. بترجاكي
سارة : عماد خلص افهمانا كلشي انتهى وانت يلي بدك هيك
عماد : سارة انا ندمان
سارة : وعلى شو ندمان بالظبط
عماد : ندمان على شغلة وحدة وهية انتي .. سارة خلينا نرجع متل اول .. والله مابدي شي معد بدي مصاري بس بدي كمل حياتي معك ومع ابنا ..
سارة : ومرتك
عماد : تركنتي وراحت
سارة : هههههه اي مابهمني
عماد : سارة انا مستعد اعمل كلشي مشان ترجعيلي
سارة : بس انا خلص مابدي اياك .. لانو انت عند اول حاجز تركتني وفضلت وحدة تانية علي
عماد : نزوة .. والله نزوة
سارة : لو ماتركتك ماكنت رجعت ماهيك
عماد : لا ماهيك بس انا ماتوقعت انو اخسرك
سارة : كنت بدك تحطني على الرف لما بتعوزني بتنزلتي بس انا خيبت ظنونك ماهيك
عماد : سارة انا تعبان
سارة : وانا كمان كتير تعبت ليش ماحسيت فيني .. ليش انا هلق المفورض حس فيك
عماد : شو يعني
سارة : كلو انتهى .. ونحنا معد يجمعنا غير هالولد
عماد : عن اذنك
سارة : الله معك
....................
رجع عماد على بيت

انك قلتلي انو محتاجن كتير لتحل مشكلة كبيرة
رواد : سدقيني سارة رح تعرفي كلشي بس بالوقت المناسب بتحبي قلك معلومة صغيرة لحتى تتأكدي انو انا عنجد محتاج اقوالك
سارة : هههه اقوالي هههه با الله و الله صرت حاسة حالي بمكتب تحقيق طيب شرف قلي شو هي المعلومة
رواد : شراز محمد هيي نفسا نهلة الهادي
عقدت سارة حواجبا و حكت بالستغراب
مين نهلة الهادي !
بعدين فتحت عيونا ع وسعهن بعد ما تذكرت شي
سارة : رواد انت قصدك مرت ابوها لهديك الواطية اللي اسما سما
رواد : بابتسامة اي هيي بظن انك و لا مرة شفتيها لشراز ببيت الهادي لهيك ما عرفتيها
سارة : لاء مو هيك القصة اساسا حتى لو شفتا ما رح اعرفا لانو زواجا من فريد دام حوالي السنة مو اكثر يعني قبل زواجي من جمال ب 9 سنين يعني انا بحياتي ما شفتا لا بشخصية شراز و لا بشخصية نهلة
رواد : ممم فهمت عليكي ه الحكي معناتو انو انتي كنتي بتسمعي بس بصصا من جمال
سارة : اي بس دخلك انت من وين عرفت انو شراز هيي نفسا نهلة
رواد : هههه من الاخ (و اشر ع نبيل )
رواد : نبيل بيشتغل بالمخابرات لهيك وقت طلبت منو يدورلي عن ملف نهلة عرف ه الشي
سارة : طيب برأيكن شو هوي اسما الحقيقي نهلة ولا شراز
نبيل : ههه لا هاد و لا هاد اساسا وقت كانت تشتغل رقاصة كانو بينادولا " روريتا " و اكيد هاد هوي اسم مستعار كمن
سارة : طيب شو هوي اسما لحقيقي
نبيل : بتسدقي انو هي الشغلة الوحيدة يلي لسا ما عرفتا ما بعرف ليش بس الا ما نعرفا
روا : د خلص قربت نهايتا
سارة : طيب بس هيي شو عملتلك رواد لحتى حاقد عيها له الدرجة
رواد : عملت كتير اول شي نحنا انا وياكي كنا ضحياها و لا نسيتي
سارة : اي رواد بعرف انو هيي يلي فرقتنا بس خلص كلشي انتهى
رواد : اي بعرف سدقيني لو عمايلا وقفو هون بس و الله ما كنت عملت شي بس هيي نجاوزت حدودا كتير ولعبت لعبة كتير خطرة معي هيي و سما و رح دفعون الثمن غالي
سارة : طييييب فهمنيييييي شششو عملولك لحتى انت حاقد عليهون ه القد و الله اول مرة بشوفك هيك قلي شو عملت
رواد : سدقيني كلشي بوقتو حلو
نبيل : يلله خلينا نقوم هلق حاجتنا لليوم
سارة : طيب ان رايحة هلق اذا احتجتو مني شي اتصلو فيني
نبيل : اوكي ليلة سعيدة
رواد : طيب باي الله معك و شكرا كتير سارة
ابتسمت سارة و مشيت و بعد خطوتين رجعت اتلفتت اطلعت برواد و دمعو عيونا بعدين رجعت كملت مشي لبرات المطعم و ركبت سيارتا و رجعت لبيتا .
- ببيت أسيل-
كانت اسيل قاعدة مع بأوضتا مع وئام و عم يحكو
أسيل : بقا هي القصة كلا يا وي وي قليلي برأيك انا غلطانة باللي عم بعملو
وئام : ليكي سيلوو حبيبتي لا تزعلي مني او من حكييلانو انا بد يقلك الصراحة
اسيل : لاء عادي احكي كلمة الحق ما بينزعل منا
وئام : صحيح نحنا كلنا بنعرف انو رواد ما بحبا لسما و هيي وحده مو منيحة بالمرة بس رغم كلشي بضل اسما خطيبتو مو محرزة تبيني يا اسيل انك انتي و رواد عم تخونوها
اسيل : بحزن و الله بعرف و انا هيك عم قول بسسس بس بحبو
وئام : بعرف يا روحي بس العالم ما بتعرف به الشي سدقيني اول ما يشوفوكي معو لتبيني انتي و رواد الخاينين و هيي الملاك البريئ المسكين اسيل و الله يا عمري الحب الكبير اللي بينك و بين رواد اطهر من انو ينحط بهيك مواقف
اسيل : طب شو ساوي اتركو يعني !!
وئام : ليكي اسيل رواد رجال و قد كلمتو انا واثقة انو قاعد مع سما طول ه المدة لسبب معين و بأكدلك انو في براسو شي ناوي يعملو و بس يخلص ه الشي اكيد اكيد رح يرجعلك و رح تكملو حياتكن سوا
اسيل : ان شاء الله بس لو اعرف شو عم يدور براسو
كانت سارة هلق فايتتة لبيتا
سارة : اهليين ماما حبيبتي
ام سارة : اهلين يا روحي وين كنتي و الله ما صرلك كتير واصلة من السفر ليش عم تتعبي حالك
سارة : لاء ماما عادي لا تعب و لا شي هلق بغسل و برتاح شوي وبجي ساعدك
لاحظت سارة ع اما انا عم تمشي و حاطة ايدا ع ضهرا و كانو عم يوجعا
سارة : ماما شبو ضهرك
ام سارة : اااي شو بدي يقلك يا بنتي وقعت هديك المرة من السلم و انا عم طالع غراض من السقيفة و من يوميتا صرت ما بقدر احمل التقيل او اتحرك كتير
سارة : طيب و انتي كيف ما عم تروحي ع لدكتور ليكي ماما من بكرا باخد موعد و بروح انا وياكي ع الدكتور و بنفس الوقت بندور ع مربية اطفال لحط عندا سام بوقت شغلي
ام سار ة : ليش يا ماما خليه عندي
سارة : لاء ماما انتي كتير تعبانة و بابا كمان هيك و سام طفل صغير و حركي و عن قريب رح يبلش يمشي
ام سارة : ا ن شاء الله
*ببيت رواد*
بالليل كان رواد متسطح ع تختو و صافن و عم يطلع بالسقف متل العادة و عم يفكر بكلشي عم يصير فيه فجاة بيرن تلفونو و المتصلة سما
اطلع رواد بالتلفون و نفخ بعدين رد
رواد : اي شو بدك
سما (بدلع) : هلق هيك بيحكو العالم لك يا حرام هيك الواحد بيحكي مع حبيبتو و خطيبتو
رواد : بتعرفي مو لابقلك الدلع بنوب هاتي من الاخر احكي شو بدك
سما : بدي نلتقي هلق

عمر : شووو خمس أيام

أخدت نفس لاتمالك نفسي

عمر: هل حيوان الواطي وقاعد جووا كمان بنص بيتنا


أم توفيق : ....


فاتت صبية ع المطبخ وهي حاملة صينية الكاسات اول ما شافتني وقعت الصينية من أيدها وتكسرو كل الكاسات وكأنها شايفة شبح قدامها صارت تبكي وتطلع فيني وكانو مو مصدقة وجودي

سارة :(تبكي) عمر!!

للوهلة الاولى ما تذكرتا هي مين؟ رجعت حاولت ركز كنت عم حس بشعور غريب جواتي صوتها رن براسي رن تذكرت كلشي عشناه انا وياها هي سارة!! سارة البنت يلي حبيتا من طفولتي

عمر: سارة!

هزت براسها والدموع معباية ع خدودا وركضت غمرتني كنت عاجز اغمرها
عم حس حالي ضايع سارة خطيبتي!
طيب وأمل؟
بعدت عنها فورا وطلعت من البيت كنت عم امشي ومسلم حاليي لرجليي لياخدوني لشي مكان ....



أمل ، سارة ، سوسن ، جمال، عمي ، أمي
مافي شي مرتب بحياتي
ياريتني ما تذكرت شي وكفيت حياتي بهيئة عمر الجديد مع أمل
أنا صح رجعت عمر القديم !
بس أمل بقيت بقلبي ، ما عم حس بمشاعر تجاه سارة!!

لك هي سارة ، سارة خطيبتي يلي تركت أبوها وكل أهلا وأجت لعندي لتكفي حياتها معي ..

فضلتني ع أهلا معقول قلا بحب أمل؟
معقول قلا ما عم حس بمشاعر تجاهك؟
وين بدي خبي وجهي من دموعا؟

بهل يوم تسكر كل مداخل الاكسجين ع جسمي عرفت انو وقت اللعب خلص وهلا بلش الجد.


*سارة*

كنت متوترة من وجود بابا بالبيت مو عارفة وين بدي خبي وجهي منو .
ندق الباب دخل جمال بيك بكل هيبتو واقفت مع ازدهار
و اول ما ضربت عيني بعيونو حسيت برجفة بقلبي كنت بدي اركض وضمو بس خفت من ردة فعلو
وقف لدقايق عم طلع فيني والكسرة بعيونو كان عم يعاتبيني بنظراتو بدون كلمات
ستدرك الموقف ودخل بكل هيبة وقعد بالصدر وهو حاطط رجل على رجل

دخلت ام توفيق لتضيفو عصير

جمال: أنا مو جاي لاتضيف ، (قاطعتو ازدهار)

ازدهار: مو من عاداتنا وتقاليدنا ما نكرم الضيف

جمال: ممكن تحكو يلي عندكن

علي(عمو لعمر) : جمال بيك ، نحنا منعرف انو بنتنا سوسن عندك ومنعترف عن عجزنا بالتصرف ، لهيك جبناك لهون لننهي لهيب هل حقد يلي بقلوبنا

جمال:(يضحك) انتو يلي شغلتو هل لهيب بس أنا يلي بقرر ايمت بنطفي

ازدهار: نحنا يلي شغلناه ولا..

مسك ايدها علي لتتراجع عن يلي بدها تقولو


علي: جمال بيك نحنا ما جتمعنا لنطلع الحقد يلي بقلبنا نحنا بدنا سوسن انت اب وعندك بنت من جيلها من المفترض...

قاطعو جمال


جمال: بنتي ماتت

نزلو الكلمات عليي متل كف صحاني من دوامة تطلعت بعيونو كان هادي كتير وكانو ما نزل السم على جسمي

بنتي ماتت!!؟
قالها بكل برودة قلب وبدون ما يرفلو رمش وبنتو واقفة مقابيلو حسيت بنار شتغلت جوا قلبي ما كنت قادرة وقف اكتر
كنت بدي احكيلو اديش بحب عمر احكيلو عن مشاعري احكيلو اديش شتقت اني كون بينو وبين ماما
اديش شتقت لريحة ماما
اديش عم ابرد بليل ومندون ما حدا يجي يغطيني ويطبع بوسة ع جبيني مع دعوة بتشرح الصدر

مسكت الصينية ورحت ع المطبخ وانا عم اتذكر برودة ملامحو وهو عم يحكي هل كلمات

اول ما دخلت شفت عمر

ما كنت مصدقة هاد عمر ولا انا عم شوف نفس الحلم يلي عم شوفو كل يوم غمضت عيوني ورجعت فتحتن كان لسا واقف
مبقى حسيت بأديي صار جسمي كلو يرجف وقعو الكاسات من ايدي وهو لسا واقف صافن فيني كنت بدي صرخ بس الحروف ما عم يطلعو

كان كل همي اني اتاكد من يلي عم شوفو قبالي

قلت بصوت اشبه بالمبحوح : عمر!!

مرق دقيقة ودقيقتين وهو لسا صافن وكانو اول مرة بشوفني حسيت بنغزة بقلبي ما حسنت امسك دموعي ونزلو اكتر من الاول بعد لحظات عديتها بقلبي نطق باسمي
عمر : سارة!!

ركضت لعندو وضميتوو كنت عم شم ريحتو يلي نحرمت منا كل هل فترة وارجع عيش كنت عم اتمسك بالحياة من اول وجديد عمر رجع!!
زادت الدقات بقلبي ودموعي عم تنزل اكترر واكتتر

بس!!

ردة فعلو صدمتني تركني وطلع وكأنو عم يهرب مني

عمر!!
هاد عمر يلي عم استناه كل هل فترة
هاد عمر يلي ما نشفت دموعي ولا ليلة
وقعت بالارض وانا عم ابكي ومكسورة من جوا
ركضت أم توفيق لعندي
ما كنت عرفانة ليش عم أبكي
عم أبكي من بابا ولا من عمر؟ .
شو مشاعري هلا؟
طيب ليش تنيناتهن سوا؟ أنا كيف بدي أتحمل هلا
لمين بدي اشكي من بابا؟
ولا لمين بدي أشكي من عمر؟

صرت جسد بلا روح كنت عم موت الف موتة
طنت بأدني جملة بابا "بنتي ماتت" ورجعت مرت بذاكرتي ردة فعل عمر

سارة : (تبكي) يالله يالله شو يلي عم يصييرر لييش هييك عم يصير معيي أنا شو غلطت يالله شو غلطي اني حبييت؟
مين حبيتي يا سارة مين مين

حطيت راسي ع الأرض وصرت أبكي أكتر كنت بحاجة لحضن ماما كنت بحاجة لعمر بحاجة لادين بابا تمسح دموعي ويقلي ما عاش يلي بدو يبكي بنتي
حسيت حالي خسرت!!
خسرت بهل معركة
خسرت كلشي
وبقيت لحالي ....

جمال: مابعرف بس على أساس نرجس اخر الشي كانت بدها تقتل عبود أنا خايف يكون عبود عرف شي

باسل: مابعتقد نرجس ذكية أنت هيك بتقول

جمال : كنت هيك قول … بس هلق شايفها أكبر غبية بعدما بلشت تشغل قلبها قبل عقلها وخصوصا انو جهاز التنصت من اسبوع ماعاد اشتغل وماعاد سمعت ولا شي من كلام عبود

باسل: المهم جهز حالك لا يكون في شي ما منيح

جمال: ما تاكل هم

وصل عبود لمكتب جمال وباسل وقف عند الباب وهو بقول: طلعو يارجال
التف لعند الموظفين وقلن: وانتو على بيتكن … خلال دقايق الشركة بدها تكون فاضية فهمانين

متل عش النحل صارت الشركة بصوت الوز والحركة وبعد عشر دقايق كانت فاضية والحارس بسكر الباب

جمال وباسل واقفين مقابل بعض ميتين رعبة
جمال: خير ان شاء الله شو صاير !!

باسل بحاول يعرف من مراد ويعرف شو صاير
بس مراد بعد وجهو عنو

فتح عبود جوالو على التسجيل الصوتي والكل سمعوه

هلق جمال وباسل كانو رح يموتو بأرضهن
جمال: كذب هالكلام اكيد مطبقين صوتنا

باسل: اكيد كذب هالكلام

عبود: لا ماكذب ونرجس اعترفت قبل ما تموت

صرخ جمال: نرجس ماتت !!

عبود: لكن بدك خلي كلبتك تقتلني

جمال: شوووو قتلتها

واجهة مراد بعيون بتقدح شرار
ركض جمال لعندو وهو بيضربو بايديه: قتلتا لك كيف هيك بتقتلا كيييف

كان مراد عم يرج تحت ضربات جمال وهو واقف ماعم يتحرك
مراد: بكفي هلق صارت غالية عليك ما انت كنت مشغلها هيك شغل ودائماً راميها بالنار

ضرب راسو وهو بقول: بس انتو مابتعرفو شي مابتعرفو

عبود: بس شوو يا جمال بدك تاخد مكاني ما هيك اتفقتوا تقضو عليي أنت وباسل وتاخدو مكاني مع البرنس

رفع راسو باسل لجهة مراد وشافو كيف بيتطلع عليه نظرة استحقار
هزلو راسو باسل (بلا) وعيونو غرقو بالدموع

جمال: وينها هلق

مراد: مابعرف مرمية بالبرية
ضرب جمال على راسو وهو بيتذكر نرجس ونزلت من عينو أول دمعة على خدو وعرف انو خلص نهايتو هلق أكيدة………