#الضرة
#بقلم_مريم_اليوسف
#الجزء_الاول
كانت قاعدة عم تتفرج على التلفزيون وابنا نايم على اجرها وعم تلعبلو بشعراتو ... وفجأة صار باب البيت يندق ... نيمت ابنها على المخدة وقامت تفتح
سارة : مين ؟؟
ادم : انا اختي افتحي
فتحت سارة الباب
سارة : اهلين اخي فوت
ادم : كيفك ياخانم ... انت قاعدة هون والمي ماشي من تحتك وانتي مانك دريانة
سارة : خير اخي وعن اي مي عم تحكي شوفي
ادم : ههههه شوفي ... يامدام جوزك تزوج عليكي
سارة حست الخبر نزل عليها متل الصاعقة بالاول ماصدقت وفكرت اخوها عم يمزح
سارة : هههه اخي انت شو عم تقول
ادم : اي خليكي عم تضحكي .. لك افهمي يامخلوقة جوزك تزوج عليكي
سارة دموعو عيونا : انت عم تحكي جد
ادم ؛ لك لسه عم تقلي عم احكي جد .. اي عم احكي جد .. جوزك تزوج عليكي واليوم دخلتو
سارة : لا لا عماد مستحيل يعملا .. اخييي ليش عم تكذب علي ..
ادم : اختي روقي .. روقي لاتعصبي .. اختي انا مقهور عليكي مشان هيك كنت عم عيط ...
سارة انهارت وقعدت بالارض وصارت تبكي وتقول : اخي ليش .. ليش عمل هيك .. ليش
ادم نزل لعندا وضما وصار يقول : لانو بلا اصل .. لانو مابيستاهلك ... لانو واحد ندل
سارة : انا عماد اتزوج علي .. لك لييييش والله ولا مرة قصرت معو .. لك ليش ماقلي .. ليش خبا عني .. ليش كان عم يخوني ... ليش ماقال من الاول انو مابحبني
ادم : اهدي .. خلص اختي انا معك ومستحيل خليكي تضلي عند هيك واحد .. قومي ضبي غراضك مشان تروحي معي
سارة : بدي روح لعندو ... هلق بدي روح لعندو ..بدي روح ابزء بنص خلقتو ..
ادم : ما وقتو .. ماوقتو اختي .. قومي معي لنروح لعند اهلك قومي
سارة : الله لا يسامحك ياعماد .. الله يحرقلك قلبك متل ما حرقتلي قلبي ..
ادم : اختي بلاه هالحكي .. قومي هلق قومي
سحبا ادم من على الارض .. وخلها تفوت تغير تيابا وتجيب ابنها وتطلع معو ...
ضبت غراضا وهية عم تبكي وحملت ابنها وطلعت مع اخوها .. اخد ادم الولد وحطو بالمقعد الخلفي مع كرسيه وهية ركبت جنبو وسكرت الباب وسندت راسا على بلور السيارة وصارت تبكي .. وراحت بذاكرتها من ٣ سنين مضو ..
* فلاااااااش بااااااك********
عماد : حبيبتي سارة انا مابستحمل عيش مندونك
سارة : وانا كمان ياعمري ..
عماد : طيب شو الحل اهلك ماعم يقبلو فيني لاني فقير
سارة : خلص حبيبتي انا رح اقنعون مرة وتيتين وتلاتة
عماد : متأكدة انو رح يوافقو
سارة : انا حبيبتون المدللة ومارح يرفضولي طلب .. بس انت لازم تلاقي شغل ع القليلة
عماد : وحياتك عندي الا مالاقي شغل
سارة : وانا كمان رح ساعدك ووقف جنبك
***باااااااك**********
ادم : سارة ... سارة ..
سارة نقزت وتطلعت على اخوها
ادم : اختي وصلنا يلا انزلنا
سارة مسحت دموعا وبلعت ريقها ونزلت وكملت ناحية البيت ... وادم حمل ابنها ولحقا ... رنت الجرس
فتحت الباب امها
ميساء : سارة حبيبتي خير شبك ليش هيك بكياني
ادم من وراها حكي : سارة من اليوم معدتطلع من هاد البيت ومعد ترجع ع هداك البيت
ميساء : لك ليش شو صاير
ادم : فوتي اختي فوتي ..
فاتت سارة وهية عم تتحرك غصب وعيونا عم يشرو ...
ابوها كان عم يتفرج على التلفزيون .. التفت عليها وقال : خير شوفي شبك سارة .. شوفي ادم
سارة صارت تبكي بغزارة واما قربت منها وضمتا
ميساء : لك شوفي .. فهونا
ادم : ماما عماد اتزوج على سارة
جلال وميساء : شوووووووووو
سارة : ياماما تزوج علي .. لك تزوج علي ليش ليش .. بشو قصرت معو ..
ميساء : خلص حبيبتي .. اهدي الله يلعنو واحد فلتان .. والله معد ترجعيلو غير على جثتي
جلال : شو عم تحكي يامرى ... انتي وعيانة على حالك شو عم تحكي ... وانت ادم مين طلب منك تجيب اختك لهون بدون علم زوجا
ادم : بابا هاد اتزوج عليها
جلال : وماعمل شي غلط الزلمة .. الشرع حللو اربعة ...
سارة : بابا انا مابدي ارجع
جلال : ماعلى كيفك .. يلا من عندك ارجعي على بيتك وبكرا بنفهم كلشي
ادم : بابا سارة مابترجع
جلال : انت مادخلك ... يلا روح رجع اختك من مكان ماجبتا
سارة : بابا بترجاك
جلال : بابا سارة انتي مابتوثقي فيني
هزت راسا بأجابية
جلال : روحي رجعي على بيتك وبكرى بنفهم كلشي ومابصير غير متل مابدك وانا مستحيل خلي اي حدا يزعلك يابنتي بس طلعتك هلق من بيت زوجك من دون علمو غلط ..
سارة : حاضر بابا متل مابدك ... بس انا بدي اطلق
جلال : بكرى بنقعد وبنحكي .. ادم روح وصلها على بيتا وامك رح تروح معك كمان
رجعت سارة مع امها واخوها ورجعو ع بيتا ودمعتها ابدا مانشفت ...
..............
وصلو ع البيت
ميساء وهية كمان عم تبكي ومقهورة بنفس الوقت
ميساء : ماما فوتي ارتاحي والصباح رباح
دخلت سارة على غرفتا وكأنو بدا تهرب وتضل لحالا دخلت على غرفة النوم وبلش عذابها يزيد .. هي غرفة نومها هية وعماد ... هية الغرفة شهدت على احلا لحظات العمر .. احلا لحظات العشق ...
سارة : لاااااااا ... ياربي لااااا .. ليش ليش ياعماد ... ليش