ميساء في نفسها هي شو جابا لهون
ميساء.. تحكي من دون نفس. اهلين فوتي
مهند كان بالشغل
و انو هون ما كانت خلتها تفوت من غيرتها عليه
ميساء.انا رايحة نادي لدلع
سوزان. طيب
اجت دلع ع غرفة ميساء وصارو كلن يحكو واتسلو كتير
دلع. سوزان انتي شو هوايتك يعني شو اكتر شي بتحبيه
سوزان. بحب الرسم ونقش الحنة وكل شي فيو رسم
دلع. واووو حلو كتير
سوزان. وانتي دلع شو هوايتك
دلع. ماعندي هواية محددة بس بحب ظل قاعدة ع النت 24 ساعة ع الفيسيوك ومابمل منو بسليني كتير
سوزان. حلو وانا كمان عندي حساب ع الفيسبوك شو اسمك انتي ؟
دلع. اسمي الأميرة دلوعة وانتي
سوزان. سوزان سوزان بالأجنبي هلأ ببعتلك طلب صداقة
دلع. ههههه اي اوك
سوزان. وانتي ميساء ماعندك
ميساء. وبنشافة لأ حبيبتي ماعندي زوجي حبيبي مابخليني نزلو
سوزان. اه
دلع. سوزان لون شعرك كتير حلو وانا بحب هاد اللون
كان لون شعرا لسوزان عسلي فاتح وطويل وكانت بيضة وعيونا عسلي بس مو طويلة كتير وكانت بتجنن وجريئة كتير وما بتسكت ع حقها
سوزان. عيونك الحلوة
دلع. شو في شعر ميساء لونو فاتح كتير انا ماكتير حبيتو
ميساء. حبيبتي دلوعة المهم زوجي يحبو وانا عاملتو ع طلبو
سوزان. بالعكس كتير حلو ولابقلك ميساء
ميساء. تسلمي حبيبتي بس ماني بحاجة انك تقوليلي انو حلو لأنو بعرف هالشي
تفاجأت سوزان من طريقة حكي ميساء معها مع انو ماحكت سوزان شي غلط
دلع. شبك ليش هيك عم تحكي مع سوزان
ميساء. خلص دلع ما تتداخلي
دلع. قومي سوزان نروح ع غرفتي وهنيك بنفتح النت وبعرفك ع صديقاتي
سوزان. اي اوك
فجأة برن جوالها لسوزان
راحت سوزان ركد عرفت انو اهلا
سوزان. اهلين ماما حبيبتي كيفك شو اخبارك
ام مريم. الحمد لله بخير انتي كيفك
انا بخير الحمد لله ان شاء الله وصلتو بالسلامة
ام مريم. اي الحمد لله وصلنا
سوزان. كيفن اخواتي وابي سلميلي عليهم كلهم
ماما والله اشتأتلكم كثير ومو قادرة عيش من دونكم ياعمري انتو
ام مريم. طولي بالك يا حبيبتي والله واحنا اشتقنالك بس مو طالع بأيدنا شي لو انتي كنتي معنا كانت فرحتنا كبيرة وما كان نقصنا شي
سوزان. يالله لا تخافو علي الله كريم وانا مرتاحة هون وما حدا مقصر معي بشي وعمتي بتعاملي كاني بنتها
ام مريم. الله يخليلها ولادها اعطيني احكي معها
سوزان. عمتي هي امي بدها تحكي معك
احلام. مرحبا كيفك ام مريم الحمد لله على سلامتكم
ام مريم. الحمد لله بخير الله يسلمك يارب
والله انتي ما قصرتي معنا الله يخليلك ولادك
احلام. ليش عم تحكي هيك والله سوزان مثل بنتي وانا مو غريبة عليها يعني واجبي خليها عندي
انتو ديرو بالكم على حالكم ولا تهكلو همها
ام مريم. الله يسلمك يالله بتوصي شي
احلام. سلامتك ديرو بالكم على حالكم
سوزان فرحانة كتيى لأنو سمعت صوت امها واتطمنت عليهم وبنفس الوقت حست بغصة بقلبا انو كيف امي واخواتي بعيدين رح ورح اقدر عيش كانو هنن الهوا الي بتنفسو كنا نفطر مع بعض ونام مع بعض وحتى نسمع صوت القصف والدمار مع بعض
بس كل الي بهمني هلأ انهن بخير
تاني يوم الصبح والكل نايم بس احلام كانت قاعدة بكير وحطت فطور لأبنها مهند قبل مايروح ع الشغل ورن تلفون البيت
احلام. غريب مين من الصبح عم يتصل علينا
يي هاد رقم علاء
احلام. الو
علاء. الو كيفك امي
احلام. اهلا وسهلا بالغالي كيفك ياعمري انت منيح صايرلك شي ما الك بالعادة تتصل بهالوقت
علاء. هدي هدي شوي لا شو بدو يصيرلي بس بدي خبرك خبر كتير حلو ورح يفرحك
احلام. شو في احكي
علاء. انا اليوم المسا راجع من السفر والساعة 9 المسا بتوصل طيارتي
احلام. انت ولا بتبطل مزحك
علاء. امي حبيبتي والله ماعم امزح
احلام. امانة يا علاء مو عم تمزح معي
علاء. عم قلك والله ماعم امزح
وجهزيلي كل الأكلات الي بحبهن من تحت دياتك يا احلى ام بالعالم
احلام. والله هاد الخبر الي بفرح القلب ناطريتك ياعمري والله قلبي رح يوقف من الفرحة
علاء. سلامة قلبك
احلام. تكرم عيونك رح اعملك كل شي بتحلو
والله مو مسدقة ايمتا تصير الساعة 9 ياروحي انتي يا غالي رح نجي نستقبلك كلنا ياعمري
علاء. لأ انتو خليكم بالبيت مابحب الأستقبال بالمطار بالبيت احلا مو هيك يا ست الكل
احلام. متل مابدك ان شاء الله توصل بالسلامة يا عمري
علاء. يلا بدك شي
احلام. سلامة عمرك الله معك
احلام. دلع ميساء سوزان يلا قومو من النوم بسرعة لك قومو
دلع. خير امي شو في باينتك مبسوطة
احلام. وينن سوزان وميساء
ودخلت سوزان
سوزان خير عمتي في شي
احلام. اي خبر كتير حلو اليوم علاء رح يرجع من السفر
دلع. اميييي عنجد
احلام. اي عنجد
دلع. واوووو مالي مسدقة علاء رح يرجع ورح نشوفو والله كتير اشتأنالو
احلام.. اي والله
سوزان ضمتا لعمتها احلام وقالتلها ان شاء الله بيرجعلك بالسلامة عمتي
احلام.. الله يسلمك ويوفقك
يلا روحو نادو لميساء بدنا نبلش نعملو الاكلات الي بحبها ل علاء يلا ما معنا وقت
سوزان ودلع.. حاضر
وجهزو كل شي ع طاولة كبيرة