صفات أوروبية لأبنها المصون ..
لانو أبي كان واقف معي وبدو يشوفني دكتورة كان يرفض من عندو ... وبالصف الحادي عشر تقدم لخطبتي رفيق فضل وشريك أخي أحمد بمحل ألبسة افتتحوه جديد هو وياه .. فكرت انو متلو متل غيرو رح ينرفض وما كنت متوترة كتير
بس للأسف كان أبي رأيو متغير وحكي اخواتي مأثر عليه كتير ، والأهم انو رفيق فضل و هو رايديو وما بدو يطلع بالخجلة معو ويرفضوه .. وقبل ما يجي ويطلبني من أبي كان فضل معطيه كلمة انو موافقين فبلشت الأمور تصير صعبه والوضع ما بطمن ..
قررت روح واحكي مع أبي قبل ما يوقع الفاس بالراس ، وهو قاعد مع اخواني طلبتو على جنب لاحكي معو ... اجا لعندي و وقفنا عند باب المضافة ..
أبو فضل : في شي أبي ؟
يمامة : أيه في شي ، سمعت انو .. انو
أبو فضل : انو شو احكي ؟
يمامة : سمعت انو عدي طلبني منك واخواني موافقين عليه .. بس انت بتعرف انو كتير حابه كمل دراستي وما رح تجبرني على شي صح يابي ؟
ضحك أبي وحط ايدو على كتفي : هلأ هاد الي شاغل بالك ؟ ايه لا تخافي أبي انا اخدت كلمة من عدي انو رح يخليكي تكملي دراستك متل ما بدك وما رح يفرض عليكي شي
صفنت انا شوي وما فهمت منيح
يمامة : كيف يعني اخدت منو كلمة ؟ انت .. انت خلص وافقت عليه ؟؟؟؟؟؟؟؟؟؟؟؟؟
___________
ضليت تلات ايام ما عم حاكي حدا منن وقاعده بغرفتي عم ابكي .. لوقت ما سمعت اخي فضل عم يعيط برا ويخانق امي لانو نزعتني بدلالها وبدي اتحكم فيهن ومشيهن متل ما بدي
والي متلي صار عندن ولاد وما عم جيبلن غير الهم و وجع الراس ! ..
اجت امي تركض لعندي وانا كنت واقفه ورا الباب وسامعه كل الحكي .. اول ما فاتت صرت رد على حكيو بصوت عالي
يمامة : ليش عم تتحكمو فيني حتى بهي بدكن تجبروني انا ما بدي اتجوز ما بدي ماااااا بدي رب العالمين ما بيرضى بالظلم وانتو عم تظلموني كل هاد لاني بنت و ضعيفه هي حياتي انا
حطت امي ايدها على تمي وسكرت الباب .. كملت حكيي بس بصوت واطي : يامو احكي مع ابي ... قلبي مو مرتاح لهل جوازة ماني مبسوطة حاسة حالي رح اختنق
ام فضل : يا يمامة انتي ما عدتي صغيره واخواتك بدهن مصلحتك .. والشب اخواتك بيعرفوه منيح يعني ما رح تكوني الا مبسوطة وابوكي بيعرف الصح وعندو ياكي بالدنيه
يمامة : بس انتو ما هيك كنتو تقولو .. اتفقنا تخلوني كمل دراستي .. شفت نجوم الظهر وبلعت كل شي وقلت كلو بيهون هلأ هيك عملتو فيني ؟ طيب انا ما شفتو لهاد الشب وما بعرف عنو شي
وافقتو عليه هيك ببساطة حتى بدون ما تخلوني شوفو .. بلكي ما ارتحتلو مشان الله تحكي معي ابي وتحلولي هالقصه ببوس ايدك
ام فضل : ازا مشان دراستك فهو ما عندو مشكلة بالعكس رح يخليكي تكملي دراستك متل ما بدك ، لك بنتي فكري فيها
مو احسنلك من الخناق مع اخواتك ؟ اكسبيه للشب و اكسبي رضاه وهيك الي بدك ياه بصير
يمامة : ليش امي انتي ما حاولتي تكسبيه لابي وتكسبي رضاه ؟ الي بدك ياه عم يصير شي ؟
أم فضل : طولي بالك بنتي الله يرضى عليكي ..
ضحكت وقمت وقفت على الشباك وتطلعت بالسما : ايه ... حاضر امي .. حاضر ..
_____
تاني نهار كانو متفقين على زيارة عدي وأهلو لعندنا ليطلبوني بشكل رسمي ..
وصلو وانا قلبي صار يرجف خلص ما ضل مهرب وانحطيت تحت الأمر الواقع ! ... لما شافتني ام عدي انبسطت كتير وعجبتها هي و اخواتها و بناتها .. وانا عيوني بالأرض وما عم احكي ولا حرف ..
بعد نص ساعه اجا أبي وندهلي لعندو .. رحت وقلي حط على راسي و جيب قهوة على المضافة التانيه .. عرفت انو رح فوت شوف عدي فتت حطيت على راسي ولما تطلعت بالمرايه حسيت كأنو وشي صاير أصفر متل الشبح من الخوف
اخدت القهوة ودقيت على الباب وفتت و راسي بالأرض ..
لانو أبي كان واقف معي وبدو يشوفني دكتورة كان يرفض من عندو ... وبالصف الحادي عشر تقدم لخطبتي رفيق فضل وشريك أخي أحمد بمحل ألبسة افتتحوه جديد هو وياه .. فكرت انو متلو متل غيرو رح ينرفض وما كنت متوترة كتير
بس للأسف كان أبي رأيو متغير وحكي اخواتي مأثر عليه كتير ، والأهم انو رفيق فضل و هو رايديو وما بدو يطلع بالخجلة معو ويرفضوه .. وقبل ما يجي ويطلبني من أبي كان فضل معطيه كلمة انو موافقين فبلشت الأمور تصير صعبه والوضع ما بطمن ..
قررت روح واحكي مع أبي قبل ما يوقع الفاس بالراس ، وهو قاعد مع اخواني طلبتو على جنب لاحكي معو ... اجا لعندي و وقفنا عند باب المضافة ..
أبو فضل : في شي أبي ؟
يمامة : أيه في شي ، سمعت انو .. انو
أبو فضل : انو شو احكي ؟
يمامة : سمعت انو عدي طلبني منك واخواني موافقين عليه .. بس انت بتعرف انو كتير حابه كمل دراستي وما رح تجبرني على شي صح يابي ؟
ضحك أبي وحط ايدو على كتفي : هلأ هاد الي شاغل بالك ؟ ايه لا تخافي أبي انا اخدت كلمة من عدي انو رح يخليكي تكملي دراستك متل ما بدك وما رح يفرض عليكي شي
صفنت انا شوي وما فهمت منيح
يمامة : كيف يعني اخدت منو كلمة ؟ انت .. انت خلص وافقت عليه ؟؟؟؟؟؟؟؟؟؟؟؟؟
___________
ضليت تلات ايام ما عم حاكي حدا منن وقاعده بغرفتي عم ابكي .. لوقت ما سمعت اخي فضل عم يعيط برا ويخانق امي لانو نزعتني بدلالها وبدي اتحكم فيهن ومشيهن متل ما بدي
والي متلي صار عندن ولاد وما عم جيبلن غير الهم و وجع الراس ! ..
اجت امي تركض لعندي وانا كنت واقفه ورا الباب وسامعه كل الحكي .. اول ما فاتت صرت رد على حكيو بصوت عالي
يمامة : ليش عم تتحكمو فيني حتى بهي بدكن تجبروني انا ما بدي اتجوز ما بدي ماااااا بدي رب العالمين ما بيرضى بالظلم وانتو عم تظلموني كل هاد لاني بنت و ضعيفه هي حياتي انا
حطت امي ايدها على تمي وسكرت الباب .. كملت حكيي بس بصوت واطي : يامو احكي مع ابي ... قلبي مو مرتاح لهل جوازة ماني مبسوطة حاسة حالي رح اختنق
ام فضل : يا يمامة انتي ما عدتي صغيره واخواتك بدهن مصلحتك .. والشب اخواتك بيعرفوه منيح يعني ما رح تكوني الا مبسوطة وابوكي بيعرف الصح وعندو ياكي بالدنيه
يمامة : بس انتو ما هيك كنتو تقولو .. اتفقنا تخلوني كمل دراستي .. شفت نجوم الظهر وبلعت كل شي وقلت كلو بيهون هلأ هيك عملتو فيني ؟ طيب انا ما شفتو لهاد الشب وما بعرف عنو شي
وافقتو عليه هيك ببساطة حتى بدون ما تخلوني شوفو .. بلكي ما ارتحتلو مشان الله تحكي معي ابي وتحلولي هالقصه ببوس ايدك
ام فضل : ازا مشان دراستك فهو ما عندو مشكلة بالعكس رح يخليكي تكملي دراستك متل ما بدك ، لك بنتي فكري فيها
مو احسنلك من الخناق مع اخواتك ؟ اكسبيه للشب و اكسبي رضاه وهيك الي بدك ياه بصير
يمامة : ليش امي انتي ما حاولتي تكسبيه لابي وتكسبي رضاه ؟ الي بدك ياه عم يصير شي ؟
أم فضل : طولي بالك بنتي الله يرضى عليكي ..
ضحكت وقمت وقفت على الشباك وتطلعت بالسما : ايه ... حاضر امي .. حاضر ..
_____
تاني نهار كانو متفقين على زيارة عدي وأهلو لعندنا ليطلبوني بشكل رسمي ..
وصلو وانا قلبي صار يرجف خلص ما ضل مهرب وانحطيت تحت الأمر الواقع ! ... لما شافتني ام عدي انبسطت كتير وعجبتها هي و اخواتها و بناتها .. وانا عيوني بالأرض وما عم احكي ولا حرف ..
بعد نص ساعه اجا أبي وندهلي لعندو .. رحت وقلي حط على راسي و جيب قهوة على المضافة التانيه .. عرفت انو رح فوت شوف عدي فتت حطيت على راسي ولما تطلعت بالمرايه حسيت كأنو وشي صاير أصفر متل الشبح من الخوف
اخدت القهوة ودقيت على الباب وفتت و راسي بالأرض ..
