8
احلام حطت فطور هيا وميساء وكانت مخبرة ميساء بكل شي
احلام.. ميساء انتي نادي لمهند وانا رايحة لعند علاء والبنات
احلام.. لقت سوزان قاعدة
احلام.. صباح الخير
سوزان.. صباح النور
احلام.. دلع يلا قومي غسلي وتعي افطري
وانتي يا سوزان يلا قومي
سوزان.. لا عمتي انا مابدي مو جوعانة
احلام.. كيف مابدك كل يوم بتفطري معنا
سوزان.. مابدي والله مالي نفس
احلام.. لساتك زعلانة مو هيك
انا قلتلك رح رجعلك الموبايل بس بعد الفطور يلا قومي
سوزان.. عمتي والله مو زعلانة بعدين شوفي هي موبايلي علاء رجعلي ياه
احلام.. كيف ايمتا رجعو
سوزان.. مبارح
احلام.. طيب قومي يلا
سوزان.. عمتي والله مابدي بس جوع باكل لحالي
طبعا سوزان ماكان بدا تشوف علاء
احلام راحت لعند علاء
احلام.. هي انت كمان قاعد يلا قوم افطر
علاء.. مابدي
احلام.. وليش بقا
علاء.. مو جوعان
احلام.. لك شو قصتك انت وسوزان
علاء.. انو قصة
احلام.. انو الثنين مابدكم تفطرو
علاء.. ليش هي مابدها تفطر
احلام.. لا مابدها
وقلي ايمتا رجعتلها موبايلها وليش
علاء.. مبارح بعد ماطلعتي انتي
لانو قلت يمكن بدها تحكي مع أهلا
احلام.. اي الله يهديك وتغير هالعقل الي عليك
مو حرام الي عملتو فيها مبارح
علاء.. مطولين بهالسيرة
احلام.. طبعا حكيي مو عاجبك
يلا قوم ناطرينك
علاء.. خلص والله مالي نفس
احلام.. متل مابدك
صارت الدنيا الظهر وعلاء كل شوي يطلع من غرفتو ليشوف سوزان طلعت ولا لأ
وسوزان ماطلعت من غرفتها كانت محتارة شو تعمل ووين تروح
دلع.. سوزان قومي نقعد برا عند امي
سوزان.. مابدي تعبانة
دلع.. من شو
سوزان.. مابعرف بس حاسة حالي تعبانة وراسي عم يوجعني
دلع.. انتي مخبية عني شي اكيد لساتك زعلانة من علاء
سوزان.. لا ليش لأزعل منو موبايلي ورجعلي ياه
دلع.. طيب ع راحتك انا طالعة اذا بدك الحقيني
سوزان.. اي
في الصالة طلع علاء
احلام.. وين سوزان مو مبينة من الصبح
دلع.. امي مو راضية تطلع بتقول تعبانة وراسها بيوجعها
احلام.. خير من شو
دلع.. مابعرف من الصبح عم حاول احكي معها ومابتجاوبني الا بكلمة
احلام.. هلأ بروح بشوفها
علاء كان ندمان كتير ع الي عملو ومو عارف شو يعمل وكان بدو يشوفها ويعتذر منها ع الي عملو بس ماصحتلو فرصة
ودق باب البيت
احلام.. دلع شوفي مين
دلع.. اهلين عمتي تفضلي
احلام اهلا وسهلا بأم خالد والله نورتي البيت
ام خالد.. منور بصحابو كيفك ياعلاء
علاء.. الحمدلله كيفك انتي عمتي
ام خالد.. الحمدلله شو وينها سوزان ماتيجي تسلم علي
احلام.. والله تعبانة شوي
ام خالد.. خير سلامتها
احلام.. راسها عم يوجعها
ام خالد.. والله انا جاييكي بخصوصها
احلام.. بخصوص سوزان
ام خالد.. اي بدي اطلبها منك ل كريم
علاء سمع هيك وانجن
علاء.. شو عمتي ليش كريم بدو يتزوج
ام خالد.. اي والله من يوم اجيتو علينا وهوا ينق فوق راسي بدو ياها ف شو قلتي يا احلام
احلام.. والله كريم مابعيبو شي والف بنت بتتمناه بس انا بسأل اهلها واذا موافقين بسأل البنت
ام خالد.. ليش اهلها رح يمانعو
احلام.. لا مابتوقع هنن بيعرفوه لكريم وبيعرفو اخلاقو وتربايتو
ام خالد.. ع كل حال لا تتأخرو علينا لأنو كريم بصرعني
علاء.. في نفسو كريم واثق من حالو كتير ومين قلو انو هيا بدها تتزوج
لك صحيح بلكي وافقت والله بتعملها لأنو كانت تقول انها بدها تطلع من البيت ومافي مكان تروح عليه
طيب اي وتوافق وين المشكلة ماعأساس انا مابطيقها ولا بطيق تصرفاتها
لأ مستحيل شو توافق انا ما بخليها طيب ليش لحتى ماخليها بس مارح ترد عليي اذا قلتلها لا توافقي
لأ لازم ترد مو ع كيفها مافي تتزوجو لكريم
علاء شو صرلك جنيت صرت تحاكي حالك والبنت لسا مامعها خبر بالموضوع بس انو انا ليش متدايئ ليش مابدي ياها تتزوجو لكريم اي لأنو مالازم تتزوجو لكريم لأنها ئلي
علاء نسي حالو وهو شارد وقال بصوت عالي اي ئلي
وكلهم سمعوه
احلام. علاء شو هوا الي الك
علاء.. شو هوا
احلام. انت بتقول اي ئلي
علاء. هاا لا ولشي
وبعد ماراحت ام خالد
احلام.. دلع روحي نادي لسوزان
دلع.. امي ما حترضا قومي انتي لعندا
علاء.. شو بدك منها
احلام.. بدي شوف مالها وبدي اخد رأيها
علاء.. بس بتقولو مرضانة لاتخبريها هلأ خليها ليوم تاني
احلام.. ماشفت عمتك كيف مستعجلة
راحت احلام ودلع لعند سوزان ع الغرفة
علاء.. طيب وانا بدي شوفا خليني روح معهم بس بلكي صارت تصيح والكل عرفو هلأ بتسمع عليهم من ورا الباب
احلام.. سوزان حبيبتي احكيلي شو فيكي ليش هيك دبلانة ووجهك اصفر لأنك بدون اكل من شو تعبانة قوليلي انا متل امك طيب تروحي ع الدكتور
سوزان.. لا ياعمتي ليش الدكتور مافيني شي
احلام.. والله بالي رح يظل مشغول عليكي
سوزان.. الله لا يشغلك بال اتطمني عمتي انا منيحة
احلام.. طيب هلأ من شوي اجت ام خالد وحكت فيكي
سوزان.. كيف حكت فيني
احلام.. بقصد طلبتك لأبنها كريم
شو رأيك
سوزان.. انا
احلام.. اي انتي وبدها تعرف رئيك شو قلتي