#حياة_مستمرة_ومستقبل_ضايعالجزء الحادي عشر
باليوم التاني قعدت الصبح بكير لأعمل لكمال قهوة لقيت حماتي عم تجلي سلمت عليها
واستحيت اتركها وامشي قلتلها انو انا بكمل عنك الجليات
حطيت القهوة ع النار وجليت لحتى صارت القهوة
اخدت القهوة وطلعت وديت الفنجان لحماتي وقلت لهيفاء تاخد فنجانها
هيفاء. انتو وين بدكم تشربو قهوتكم انتي وكمال
كرز. بالغرفة
هيفاء. يلا بشربها معكم
راحت معي ع غرفتي وقعدت معنا
هيفاء. ياسلااام قهوتك طيبة
كرز. صحة وعافية
بعد مرور ساعة ونحنا قاعدين بالغرفة وقضوها سوالف كمال وهيفاء وانا ساكتة لأني مابعرف عنهم كتير وهاد اول يوم الي
هيفاء. صحيح اديش لميتو نقوط
كرز. والله مابعرف ما شفت
هيفاء. وين حاططتين
كرز. بهي الشنتة الي وراكي
اخدت الشنتة وفتحتها وصارت تعد المصاري
هيفاء. 420 دينار .. صحيح لك كمال ولا واحد من صحابك حضر عرسك مشان ما ينقطوك
كمال. لا مو مشان هيك ليش احنا عزمنا حدا خليناها عائلية
هيفاء. يلا كرز قومي نحط فطور قبل ماحدا يجي علينا
كرز. اي يلا
حطينا الفطور انا وهيفاء واخدناه ع الغرفة الي قاعدة فيها امو
افطرنا وبس خلصنا جلينا
ودخلت ع غرفتي فردت شعري وغيرت تيابي
لحقني كمال لسا ماقعدنا انا وياه والا بينفتح الباب علينا
هيغاء. شو يا حلوين ليش قاعدين لحالكم
دخلت لعنا وقعدت جنبنا
كمال. كنتي دقي الباب قبل ماتفوتي
كرز. لا عادي
هيفاء. هي مرتك قالت عادي
كرز في نفسها عيلة غريبة الاطوار هههههه يلا يمكن بدها انو نتعود ع بعض ونصير متل الاخوات اي هيك احسن
بس يعني مو من اول يوم لاحقين لنقعد مع بعض
هيفاء. ملل ما ولا كأنو مبارح كان في عرس
كمال. لا تجدبيها عند هالصبح
كرز. قومو نروح نقعد مع حماتي حرام نتركها قاعدة لوحدها
او رح روح ناديلها لهون
هيفاء. لا لا اقعدي مستحيل تجي بهاد الوقت بتكون قاعدة ع البلكون ومابتقوم من مكانها
كمال. هيفاء قومي اقعدي معها بتسليها
هيفاء. يي حل عني انا ماسدئت ايمتا صار تغيير بحياتنا
كمال. طيب اتركينا لحالنا شوي
كرز. لا هيفاء خليكي
هيفاء. ليش مين قلك اني رايحة بس عم زبط قعدتي اخي وبعرفو بيطلع بأيدو يطلعني من الدار كلها ليخلص مني
صحيح لا بقا تنادي هيفاء ناديني فوفي
كرز. هههههه فوفي ؟
هيفاء. اي او فوفو لانو هيفاء بكبرني
كرز. ليش اديش عمرك بالزبط
هيفاء. حطيلي عمر
كرز. حوالي 24
هيفاء. افففف انا اصغر من هيك
دق باب الغرفة
ام كمال. كرز اهلك وصلو
طلعت ركد من الغرفة واستقبلتهم وسلمت عليهم يوم واحد غبت عنهم بس كتير مشتاقة الهم
قرب مني عماد
عماد. شو مبسوطة معهم
كرز. اي الحمدلله
عماد. بما انو طلعو منيحين شوفيلي بنتهم بلكي بتزوجها
كرز. خلينا نستنا شوي ماضروري نستعجل بعدين كبيرة عليك
عماد. ليه اديش عمرها
كرز. مابعرف بسأل وبردلك خبر
عماد. ماشي .. البيت فاضي بدونك
كرز. كم يوم وبتتعودو
قعدو نص ساعة اهلها وراحو
راحو ع غرفتهم وبعد خمس دقايق دق باب الغرفة
كمال. وبعدين معك هيفاء شو بدك
هيفاء. بتقول امي اعطيني ال 420 دينار بدها تسد ديون العرس
كمال. استني لحظة .. خدي ليكن
هيفاء. هدول 400 وين العشرين
كمال. والله مابعرف اسألي حالك وين بتكوني ضيعتيهن
كرز. هه دور بالشنتة منيح بتلاقيهم
كمال. مزبوط يلا خديهن وروحي
زعلت كتير اخد المصاري بدون مايسألني وطلبوهن كلهن مع انو هدول من اخوتي ومن حقي
ظليت قالبة خلئتي بعد ساعة روقت وقلت لحالي من ايمتا انا بسأل ع المصاري ويمكن عنجد هنن بحاجتهن
كرز. كمال اديش عمرها هيفاء
كمال. حوالي 25 سنة
كرز. عنجد هاد عمرا الحقيقي
لأنو كل مرة بتقلي شكل اخر مرة قالت 22
كمال. لا كزابة بتحب تصغر حالها
كرز. بس عنجد مامبين عليها بتبين اصغر مني
كمال. اي
كرز في نفسها مابتزبط لعماد كبيرة عليه هوا 26
مسكين اديش صرلو يستنا بالعروس وماكانت تجي
يارب بعد كل هالصبر تبعتلو بنت الحلال
ظلينا قاعدين بالغرفة انا وكمال حوالي الساعتين
اجينا لنطلع لانو صار وقت الغدا فتحت الباب والا بنلاقي هيفاء قاعدة قدام الباب وحاطة ايدها ع خدها
وبس شافتنا قامت
هيفاء. واخيرا طلعتو
كرز. ليش شو في
هيفاء. ولشي بس مليت قلت بستناكم هون
كرز. اه اي
حطينا الغدا الي جابوه اهلي بس حماتي مارضيت تتغدا معنا قالت مابناسبها هاد الاكل
جابت البندورة وبدها تطبخ الها
رحت بدي اخدهن واطبخلها ياهن
ماخلتني
ام كمال. لا الطبخ انتي مابتقربي عليه
كرز. بس ليش
ام كمال. هيك
قلت يمكن لأنو لساتني عروس مابدها ريحتي تصير تطبخ
لهيك ما خلتني اطبخلها ياهن
وصل الخبر لحازم واهلو انو كرز تجوزت
من جواتو زعل كتير مو لأنها تزوجت بس لأنو تذكر الماضي وايامهم مع بعض بس مابين لأهلو
بالليل في بيت كمال كانت كرز بالغرفة وكمال مع اهلو بالغرفة التانية
هيفاء. شو بتحكو انت وكرز بس تكونو لحالكم
كمال. مو لتتركينا لحالنا بالأول
ام كمال. شو بلشنا لك ابني يعني م
رتك اتضايقت لانو اختك