#الجزء #العاشر (10) :

التفتت لعند عمر وهجمت عليه بدا تضربو بس مسكا من ايديا ومنعا تقرب اكتر
امل: فشرت فشرت تقرب مني والله بدفن حالي وبدفنك قبل ما تعمل شي
ابتسم من دون ما يرد وهيي رجعت تصرخ فيه

امل: جوزي الطرطور تركني معك بس انتي ما تحلم تلمس ظفري والله بلم عليك اهل البناية
كمان ابتسم وهالشي زاد من عصبيتا

امل: مفكرني بنت فلتانة من البنات يلي بتعرفن انا اشرف منك ومنن يا واطي انقلع برا البيت انقلع

وقف عمر وقرب منا بهدوء .. وهيي عم تمشي بخطى عكسية للزقت بالحيط

عمر: مين جاب سيرة البنات الفلتانة انا ما بدي شي منك الاااا

حطت ايديا ع اذنيا عم تهز راسا يمين وشمال وهيي عم تصرخ فيه: فشرت فشرت فشرررررررررت

عمر: الا كل خير امل انا عملت هيك بس...

تركتو ودخلت ع غرفتا وسكرت الباب وقفلتو وهوي مشي وقعد ع الكنبية ولف اجر ع اجر وعم يتذكر امل القديمة حبيبتو يلي سكنت قلبو وروحو قبل ما تسكن عقلو .. امل يلي اخدا جابر منو وهوي بقي يتفرج .. امل حبو الاول والاخييييررر..
طلع من البيت بعد ساعتين وهوي حاسس بالندم من فعلتو كل شي صار بسرعة وبساعة غضب بس لازم يصير هيك جابر هوي يلي بلش ولازم هوي يلي يخسر (بس امل يا غبي شو رح يصير بامل!!)
سكتت شوي وكمل وهوي عم يسوق سيارتو(لا تقلق هاد ما بيطلع ب ايدو شي بكرا رح يطلقا وانتي بتتجوزا وهاد الشي الي كان لازم يصير من زمان)... ))
#مروةآغا

وقف ومشي ب اتجاه الغرفة مسك الورقة يلي كتبتا بخط ايدا ورد عليا بكلمات ثقلية وشفايفو عم ترجف
{ املي انتي نسمة الصيف يلي بتبردني وبترجعلي نفسي..
انتي تلج الشتي يلي بجمدني ببرودته وبحتاج حضنك ليدفيني..
لك انتي حياتي وراحتي وحريتي......
هالوجع بقلبي كبييير كبير كتير وما بطيب الا بشوفتك..
والكسر بخاطري عميييق ما بيجبرو الا حضنك لاني كتير #اشتقتلو
و #اشتقتلك ❤️ } #مروةآغا

حمل اللاب توب وبلش يقرا عن قضاء الحاجة
وقف ودخل ع الحمام بقي تحت الدوش دقايق وهوي عم يفكفك عظام جسمو ويفكر
طلع من الحمام ومد شرشف صغير ووقف وهوي عم يكبر من زمان كان يروح مع ابوه او جدو ع الجامع بس بعدين لما صاحب جابر ورفقاتو نسي كيف بتكون الصلاة وحتى نسي تعاليم دينو
وقف وصلى عدة ركع قعد بعد ما خلص وهوي عم يدعي ربو انو يسامحو اكيد قلبو انكسر من عمايلو العاطلة كل شي عملو بحياتو سيئ وهلق حاسس حالو صغير.. وضعيف ووحيد

بقي بالبيت مهمل وعديم المسؤولية لولا مساعدينو يلي بيوثق فيهن بالشغل كانت الشركة سكرت من زمان
بقي ع هالحال عدة ايام لحتى اجاه محمود ع باب البيت
فتح الباب بعجل ورجع شال الركوة من ع الغاز وقلو وهوي عم يسكب فنجان القهوة : اهلين وينك غايب الك يومين

محمود: كنت عم اتأكد قبل ما قلك تجي

عمر: تتأكد من شو

محمود: لك معلم من امل شفتا بالصدفة بمول كبير عم تلاعب ولد صغير

عمر: والله جننتني كل مرة بتجبلي وحدة جديد بتقلي هاي امل

محمود : انا اتاكدت هالمرة وكمان اتأكدت من الاسم سمعتن عم ينادولا والله امشي معي يلا

عمر: ما بدي ديقتلي خلقي والله

محمود: الله يخليك اخر مرة اخر مرة والله انا اتأكدت

سحبو من ايدو واخدو ع غرف النوم: يلا البيس عم استناك برا

وقف عمر مصدوم لما سكر الباب وهوي عم يستعجلو
لبس بدقيقتين وطلع بكامل اناقتو المعتادة وطلع وبايدو الفنجان وهوي عم يشربو بعجل

ركب بالسيارة ومشي مكان ما قلو محمود وصلو ع منطقة الفيلات والمزارع وقفو محمود عند فيلا كبيرة مبينة افخم فيلا بهالشارع من ضخامتا بس مشيو لورا الفيلا المطلة ع اراضي فاضية مافيا اي مخلوق ومشان الحارس ما يشوفن نزل محمود وطلع ع السلم يلي مجهزو مشان يراقب البيت

وقف عمر مصدوم من هالشوفة: لك عم تراقب العالم انزيل انزيل لاتفضحنا

محمود : تعال معلم انا الي يومين

ر ودخلنا نستنى الطيارة كان قاعد جمبي وعمرو بحضنو وعم يلعبوا مسكت ايدوا واطلعت بعيونو وقلتلو: رح اشتئلك
دمعو عيونو ودار وجهو حط عمرو مكانو وراح ع الحمام قلتلا ل هبة: ديري بالك ع اخواتك ولحقتو..
لقيتو واقف جنب باب الحمام وعم يدخن
لميس: هيك بدك اياني سافر من دون ما تودعني او تحكيني حتى

وسيم: انتي ما خليتيلي مجال لشي

لميس: قلتلك رح تتعب معي وقلتلي بصبر، بس انتي ما صبرت ابدا

وسيم: كيف بدك هالقلب يصبر ع بعدك

لميس: ما رح طول

ومن دون ما حس ع حالي قربت منو وغفيت ايديي ع خصرو وضميتو كنت محتاجة كتير لهالحضن الي زمان ما حسيت بالامان وبالدفا واكيد هوي شعورو متلي

بعد وجهو عني وحط عيوني بعيونو وقلي: رح ترجعي ما!!؟؟

لميس: اكيد....

وسيم: رح تتركيني بس رجعتي

لميس: لا....

وسيم: بس لا

لميس: اي بس.. رجعت ضميتو وغبت عن الدنيا لثواني

وسيم: كيف رح اتحمل غيابك

لميس: يلي صبر هالشهور بيصبر هالشهر كمان

مسكني من راسي وباسني من جبيني
انا خجلت وتركتو
ورجعنا شفت ولادي قاعدين وصار وقت الطيارة ودعتو وبقيت ماسكة ايدوا وما بدي اتركا
وتركتا ومشيت بقيت طول الطريق فكر فيه وعيوني يدمعو...

#نصي_الثاني_بقلم_مروةآغا

#الجزء #العاشر (10): و #الاخييييير

وصلت ع تركيا استقبلنا اخي منير ورحنا ع بيت اهلي كتير فرحو فيي طار عقلن لما شافوني الحمد لله قدرت ارجع وشوفن مع اني كنت خايفة تطول اجراءات الجوازات

وبقيت معن وكل يوم نطلع ونفوت وقضينا ايام حلوة وسيم قليل ليحكيني يمكن مشان ما يشتألي بزيادة بس البنات كل يوم يحكوني

وقبل ما سافر ب اسبوع كنت راجعة ع البيت جبت شوية اغراض وشفت سامر طلع بوجهي ومعو علا وبنت وصبي عرفتا لجنى كبرانة وحليانة والصبي اكيد ابنو

علا هيي شافتني هربت واتخبت خافت طعميا اتلة بس فشرت وسخ ايديي فيا كنت هادية كتير وحتى يمكن باردة ابرد من لوح الثلج
وشفت سامر جاي لعندي وقفت وكنت دائما جهز حالي شو بدي قلو وضل عيد الحكي كل ما اتذكر هديك اللحظة بس هلق كلو راح، وقفت قدامو وانا قوية وما اهتميت لشي
سامر: كيفك

لميس: شوفة عينك

سامر: اشتقت لولادي

لميس: حلو كتير منيح يلي فطنت فين

سامر: انا كتير دورت عليكن بس ما لقيتكن

لميس: بس بالاول كنت بتعرف وين نحنا

سامر: كان معمي ع قلبي

حسيت حالي لازم وقف الحديث لان رح فوت بدوامة: ايمات بدك تشوف ولادك

سامر: بكرا

لميس: ماشي بعد صلاة العصر منلتقى بهاي الحديقة

مشيت من دون ما التفتت وانا راسي مرفوع ورجعت ع البيت كنت كتير زعلانة ومتدايقة قعدت مع اهلي وما حكيت لحدا شي صار الليل نيمت الولاد دخلت ع الغرفة وسكرت الباب وبلشت بالبكي بعدين وقفت قدام المراي وحاكيت حالي وانا عم اتلمس ملامح وجهي المحمرة والمنفوخة: ليش لحتى ابكي انا قوية وما لازم اضعف سامر ماضي راح وليكيه عايش حياتو وانتي دافية حالك وحارمة حالك من ابسط حقوقك مع زوجك انسي لميس انسي..
اتذكرت وسيم ومعاملتو المنيحة معي حسيت حالي غبية ع شو كنت ازعل وشو كنت ناطرة واحد تركني وراح ورا وحدة شرشوحة
انا اصلا كنت حابسة حالي بوهم وشبح سامر، وحبو الوهمي الي كان مخيم عليي بس هلق عرفت اني ما بحبو ولا شي لما شفتو حسيت حالي قرفانة منو كتير
يمكن شغلة الخيانة بتصير كتير بس انا ما قدرت اتحملا ابدااااا وعملتلي عقدة نفسية خصوصا انو اجت من وحدة كانت عزيزة ع قلبي

قعدت وبلشت شوف الفرق بين وسيم وسامر
سامر صح قضيت ايام حلوة معو وكان منيح بس كان بارد ولايوم شفت منو شي دائما يقعد يشوف تلفزيون كان بارد وما يهتم وانا عندي مشاعر وعواطف زايدة بحب يلي بيهم فيي ويلي بفاجئني وبجبلي هدايا هيك الله خالئني كنت شوفو احسن رجال بالكون لان ببساطة ما كنت شايفة غيروا قدامي
بس هلق وسيم غيرلي حياتي ونظرتي بالحب والزواج هوي كل حياتي
لقيت حالي ماسكة جوالي وعم دقلو اول ما سمعت صوتو قلتلو: اشتقتلك

وسيم: لك انا يلي اشتقتلك ودبت ع غيابك عم استناكي باليوم وبالساعة وبالثانية

لميس: اف كل هدول يلا كام نهار بكون عندك، بس ليش ما عم تحكيني

وسيم: ما عم اققدر كل ما حكيتك بشتقلك بزيادة

لميس: شفت سامر اليوم

اتغيرت نبرة صوتو وقلي: اي وشو يعني

لميس: بس بدو يشوف ولادو

وسيم: يعني ما بدك ترجعيلو

لميس: لك انتي يلي بدي ارجعلك ويوم الخميس بكون معك

وسيم: لا يكون بدو الولاد

لميس: مابعرف خيفاني بس اذا حكا شي اخدي الولاد وتاركتو يسطفل هوي يلي تركنا

وسيم: شيلينا من سيرتو

وبقينا نحكي لنعست ونمت
وتاني يوم اخدت الولاد ورحت ع الحديقة وحطيتن معو وقعدت بعيد عنن البنات كانو بيعرفو ابون بس عمرو استغرب وبقي فترة لتعود عليه وبعد شي ساعتين رجعت شفتن قاعدين وهني شافوني ركدو عليي
سامر: والله عرفتي تربين يكرهو ابون

لميس: عن اي اب عم تحكي يلي رماهن ولحق شهواتو

سامر: كل يوم بدي شوف الولاد

لميس: بس انا ماني عايشة هون

سامر: لكن وين عايشة

لميس: ب المانيا

سامر: بس انا بدي ولادي

هب

عد كل التعب النفسي يلي مر فيه .. موت ابوه وضغوطات امو عليه خلتو يحس بالنقص

فتحت الباب تاني يوم علين ام خالد بعد ما عرفت انو ما نام بغرفتو وشافت نورا نايمة ع صدرو لخالد صرخت صوت خلتن يرتعبو اتنيناتن وقف خالد وقرب لجنبا
خالد: شبك رعبتيني

ان خالد: شو دخّلك لهون ومنين جبت المفتاح

خالد: عندي واحد بغرفتي

ام خالد: طلاع لبرا بسررعة

خالد: ماما هاي نورا مابدا تحكي شي للشرطة خليا ترجع ع غرفتا هون برد كتير حرام

ام خالد: لك بدك تجنني هاي غدارة اكيد رح تحبسنا.. من ايمات انت هون

خالد اتلبك: من امبارح

شدتو من ايدو : طلقا

خالد: شو

ام خالد: عم قلك طلقا

خالد: لك ليش ما انتي جوزتيني ليش بدك طلق

ام خالد: نورا هون بعقاب وانتي عم تدخل لعندا تجبلا اكل ليك اذا ما بدك تطلقا رح اغضب عليك وموت بحسرتي وتكون انت السبب
والله بكرا بجوزك احسن منا وتجبلك الولد

خالد: بس انا بدي نورا

عصبت ام خالد وكأن الدخان بلش يطلع من عيونا حطت ايدا ع قلبا وهيي عم ترجف وبلشت تمثل التعب وصرخت فيه صوت خلتو يقلا طالق وطلع وراح

ام خالد: برافو تربايتي هالولد وانت انا بفرجيكي رح احرمك الاكل والشرب مشان تعرفي تتطاولي عليي بعد ما جبتك من الشارع وعملتك خلق وعالم لازم تتعلمي ما تتطاولي عليي

نورا: بس انا بدي جوالي لحكي اهلي بعدين بيقلقو عليي

ام خالد: اي هلق بخليكي تحكين اقعدي انقبري
طلعت ورجعت بعد وقت قصير حكت اهلا واتطمنت علين وقالتلن ماكان في شبكة من الوضع.. ورجعت قفلت الباب عليا ومشيت قعدت نورا ع تختا وحطت ايدا ع تما وخنقت صوت البكي.. وكأن كل شي بنتو من قبل اتهدم كل الكلام قبل بليلة كان متل السراب على خالد فورا نسيه استجاب ل اوامر امو وطلقا.. معقول رجال بهالعمر وبخاف من امو هيك..

بقيت قاعدي ع وعم تبكي وتبكي وماحدا بين لحتى صار الليل قعدت تستنى عدة ساعات لحتى تتأكد ما حدا رح يجي لعندا مشيت بخطى هادية وكلا خوف فتحت باب الحمام وحطت ايد ع حرف الخشب والايد الثانية مقابيلا وبلشت ترفع ايديا واجريا لحتى وصلت لسقيفة صغيرة موجودة فوق التواليت قعدت ع الحرف وهيي عم تنظم نفسا وهمست بخوف ( يارب قويني وييسر امري )

#بصيص_أمل


الجزء #العاشر (10) :

مدت ايدا وسحبت بلاطة كبيرة كانت حاطتا طالعت شنتة صغيرة هيي عبارة عن شنتة ظهر بقلبا شوية تياب ومحابسا وشوية مصاري اخدتن من جوزا وشوي صمّدتن وهويتا وجواز سفر طالعتو بطلوع الروح وبالسرقة عملت كل هالشي قبل ما تبلش تسأل وتستفسر لان كانت عرفانة شو المصير المستنيا بس بقي عندا امل ب خالد يكون رجال ويوقف بقربا..

طالعت جوال وشغلتو مسكت ساعة صغيرة كانت حاطتا وشافت الساعة صارت 3 بعد نص اليل اتنهدت وقالت ( لازم امشي هلق ) نزلت الشنتة ونطت ع الارض .. طالعت جاكيت طويل الو طاقية وحجاب سميك ليدفيا بهالبرد لبست ولفت المصاري ع بطنا بشال ابيض وربطت بوطا وحطت حجابا والشنتة ع ظهرا وطالعت مفتاح كانت مخبيتو فتحت الباب شوي شوي ورجعت سكرتو وقفلتو ومشيت ع روس اصابيعا وهي عم تدعي ربا ماحدا يحس عليا وصلت لباب الدار طلعت ورجعت سكرتو وبلشت تركض وتركض لحتى امنت انا طلعت برا الحارة طالعت انينة مي شربت منا شوي ورجعت تمشي بخطى سريعة عم تحاول تبعد مسافة اكبر .. وبلشت تنزل حبات المطر ع وجها الصغير الخشن من عدم الاهتمام فيه بهالايام السودة يلي مرت فيا عدلت تيابا وحطت الطاقية غطت راسا منيح ومشيت شوي شوي تبعد عن برك المي

{وإنها تجد نفسها كمن يحاول عناق السماء...
وإنها تجد حبات المطر تهطل على وجنتيها كالدماء...
وإن همسات روحها لأنقى وأصفى من الماء...
وإنك لتراها وكأنها لونت قلبها الأبيض بالطلاء...
وكأن السواد في عينيها يزيده عمقه صفاء ونقاء...
ترى أهي من الإنس أم الجن؟
أهي حتى من الأحياء!
أهي واقع أم خيال!
أهي من الأرض أم هي من الفضاء!}
*
بقيت وقت كبير تمشي لحتى بلشت خيوط الضو تطلع مع انو الوضع صعب وكتير حواجز بس قدرت تبعد عنن
وصلت ع منطقة الكراجات وسئلت عن موعد برلمانات الاردن بس كان باقيلا ساعتين طلعت ومشيت حوالين الكراج شافت مطاعم كلا مسكرة بس في مطعم واحد مبين عم يشطف وينظف قربت منو وكانت عصافير بطنا عم تزقزق
نورا: بلشت شغل ولا لسا

_ لا والله عم نظف لسا ونجهز

نورا: يعني ما بتقدر تجهزلي شوية اكل والله كتيير جوعانة
وقف ومشي لثواني ورجع قلا بلشو تجهيز فوتي ارتاحي جوا من المطر دخلت وشافت طاولة صغيرة بزاوية المحل كانو مخلصين تنظيف بقربا سحبت الكرسي وحطت الشنتة ع كرسي تاني مسحت المي عن وجها واتنهدت ( الحمد لله يارب كملا معي بالخير) سكتت وبلشت تتذكر كيف قرت تخطط لكل هالشي...

كان حاسسا قلبا رح ترد تنحبس بعد تخبصاتا لكشف الماضي خطرتلا هالفكرة وخبت كل شي بسقيفة هديك الغرفة بعد ما نظفتا ورتبتا لان حماتا ابدا ما كانت تدخلا من خوفا منا اما خالد ماكان يهتم لشي وهاي أأمن مكان.. واخدت المفتاح ونسخت عليه بصعوبة ..

_ يا ا