#القــــــــــــــــــــــــلادة

#الجزء_السادس
@rwayate
( وبالفعل اجا تاني يوم واجت نداء واختها وبنتها ليشوفو حبيبة .. وعجبتهن وارتاحولها وحبوها كتير .. وحبيبة حاسة بسعادة غريبة مع انو ماكانت ببالها تتجوز .. بس يبدو إلياس حسن يحركها ويخليها تتمنى يكون إلها بهالشخصية اللي الكل بيهابها )..
حمزة : شو صار معكن ؟

هند : عجبتهن حبيبة والله .. واخدو موعد بكرا يجي يشوفها العريس

حمزة : بالله .. ماشاءالله مو بيعرفها لشو يشوفها .. ياخدوها دغري .. عشو مستعجلين

هند : اخي انت شبك ؟ مو انت كنت تقلي لازم تتجوز لارتاح

حمزة : اي بس مو هاد

هند : ليش شبو هاد عسلامتو مو ناقصو شي

حمزة : مابعرف مابعرف لا تسأليني

هند : اي بس انا بعرف أنت مابدك لا هاد ولا غيرو .. انت مو حسنان تستوعب فكرة انو ياخدها غيرك .. بس انت وصلت حالك لهون

حمزة : مشان الله كيف .. مستحيل تزبط .. خلص هاد نصيبها الهيئة عاجبها وعاجبتو .. لازم سيطر ع حالي انا

هند : الله يهدي بالك يا اخي
ــــــــــــــــــــــــــــــــــــــــــــــــــــــــــــــــــــــ
( اجا تاني يوم إلياس وشافها واتفقوا على كتب الكتاب بعد اسبوع .. واجا يوم الكتاب )
الشيخ : ألف مبروك يا ابني .. بارك الله لكما وبارك عليكما وجمع بينكما بخير

إلياس : الله يبارك فيك شيخنا

حمزة : مبارك يا عريس

إلياس : الله يبارك فيك .. عقبالك

حمزة : تسلم
(نادت هند لحمزة )

حمزة : اي اختي

هند : قول للعريس يجي مشان يفوت لعند عروستو .. بيكون عم يستنا

حمزة : ضروري يعني

هند : شه شو ضروري لك اخي روح خبرو

حمزة : رايح رايح .. شفتي شلون قالت موافقة حسيت روحي طلعت معها

هند : يبعتلي حمى عليك يا اخي شو مقهور .. الله يريحلي قلبك ..

حمزة : بيعين الله .. الله يسعدها شو بدي غير سعادتها انا .. رايح ناديلو

تفضل يا عريس .. ع الصالون التاني

إلياس : يلا عن اذنكن

حمزة : وأنا عن اذنكن لجيب الضيافة

( فات إلياس لعند حبيبة يلي كانت قاعدة مع امها وأهل إلياس ورفيقتها مرح .. قعدو شوي وقامو يحضروا العشا وتركو إلياس وحبيبة لحالن ) ( كان حمزة جاية من المطبخ وفايت ع صالون الرجال .. وباب الصالون يلي فيه حبيبة مفتوح .. شافها قاعدة جنب إلياس وهو ماسك إيدها .. وماحسن يقيم نظرو عنها .. "طالعة بتسحري بهالفستان النيلي .. مابعرف هو محلي جسمك ولا جسمك محليه والشعر المجعد .. كلو هاد ل إلياس" .. اجا ليقيم نظرو عنها وشافو عم يبوسها .. حس الدم كلو تجمع براسو .." لا انا مافيني اتحمل ابدا"ً .. وكمل طريقو لعن الرجال )
حبيبة : مو كأنو بكير
إلياس : ليش اللي بيشوف هالجمال بيعرف البكير من المتأخر .. الله يحميلي ياكي يارب

حبيبة : خجلتني والله مو لهادرجة

إلياس : أنا انسحرت حالياً قال مو لهالدرجة .. خدودك ناقصهن توريد من الخجل ..ولا عيونك .. والله مابدهن كحل ماخليتي فيني عقل

حبيبة : طيب

إلياس : بدك تتمي تطلعي بالأرض كل ماحكيت كلمة بتقضي عمرك هيك بعدين

حبيبة : إلياس مشان الله ..

إلياس : ولي على قلبي شو حلو اسمي منك .. بحياتي ماسمعت اسمي بهالجمال .. يسعد هالضحكة ويديمها وغمازتك لح تاكل شقفة من خدك

حبيبة : طيب طول بالك بخاف انا بعدين

إلياس : لا لا تخافي بوعدك ماتشوفي حزن ولا خوف وانتي معي

حبيبة : الله لا يحرمني منك ..
ــــــــــــــــــــــــــــــــــــــــــــــــــــــــــــــــ
( وبقيوا على هاالحالة شهرين .. حبيبة وإلياس عايشين مبسوطين .. وحمزة النار عم تغلي بقلبو وماعم يعرف يهدى .. لبيوم من الايام كان إلياس عندن .. وحمزة لسوء حظو مافي غيرو رجال ولازم يبقى بوجود إلياس .. وكان قاعد حمزة بالصالون يلي جنب صالون حبيبة وإلياس ونادتلو اختو )
حمزة : اي اختي جاية
( طلع من الصالون ومشي لوصل مواجه باب البيت لقى إلياس ماشي وعم يحضن حبيبة .. جمد بمكانو حمزة .. وإلياس شادد ع حبيبة )

إلياس : يلا حبيبتي بدك شي ..

حبيبة : سلامة عمرك .. دير بالك ع حالك

إلياس : عطيني بوسة قبل ما امشي
( هون حمزة حس انو ممكن ينفجر اذا ما منعو .. طالع صوت سعلة و نادى لأختو .. حسو إلياس وحبيبة عليه .. ومشي إلياس ) ( مشيت حبيبة لصارت قدام حمزة )

حمزة : شو ست حبيبة

حبيبة : شوفي خالو

حمزة : شو قلة هالأدب

حبيبة : شوفي خالو ليش هيك عم تحكي

( مسكها من ايدها وشد عليها )

حمزة : شو هالاحضان هي .. هيك ربيناكي

حبيبة : خالو هاد زوجي شرعاً وقانوناً مو قلة أدب .. ماعملنا شي

حمزة : لا عملتو شي وكتير كمان .. عيب هالشي مو هيك نحن منتصرف ( بلش يعلا صوتو ) بس تصيري ببيتو ابقوا تحاضنو لتشبعوا .. عيب كتير هالشي

حبيبة : خالو شبك شو صايرلك من وقت انخطبت ماعدت رايق انت .. كل تصرفاتك تغيرت شو السبب

حمزة : بخاف عليكي انا .. ماني عم اتصرف شي مو طبيعي

#القــــــــــــــــــــــــلادة
@rwayate
#الجزء_الثامن

انتهت
كانت حبيبة مسطحة بتختها ورن تليفونها
حبيبة : غريبة مين هالرقم .. الو .. اي انا .. شوووو !! لا تقولها .. حسبي الله ونعم الوكيل ..
( نزلت تركض لعند امها ) اميييي ماماااااا ( تبكي ) ياامييي
ام ياسين : شوفي يا قلبي شبك ليش عم تبكي

حبيبة : امي الياس مات ( تبكي )

ام ياسين : شوو هالحكي .. انا لله وانا اليه راجعون .. ( عانقتها ومشتها لتقعد ) طولي بالك حبيبتي عمرو خالص .. الله يرحمو يارب

حبيبة : امي لازم نروح لعند اهلو .

ام ياسين : اي امي يلا قومي لبسي ..
( راحو لعند اهل الياس وبقيت عندن لخلص العزا .. رجعت عالبيت )

حياة : حبيبة .. سأل عليكي حمزة .. قال دري وبدو يطمن عليكي

حبيبة : (حست الروح رجعتلها لما سمعت اسمو) .. هلأ بحاكي ..
حبيبة : الو .. كيفك حمزة

حمزة : الحمدلله تمام .. طمنيني عنك انتي

حبيبة : الحمدلله ماشي حالي

حمزة : تعبانة شي ؟ صحتك كيف

حبيبة : لا الحمدلله كلو تمام شوية تعب عادي .. انتو كيفكن .. كيفها ماما هند

حمزة : الحمدلله بخير ... بتسلم عليكي .. تعي زوريها بكرا مشتائتلك

حبيبة : ان شاءالله بعد العزا .. حقكن عليي ما زرتكن هالفترة .. بس بتعرفو وضعي

حمزة : ولا يهمك المهم تكوني بخير .. مالح طول عليكي روحي ارتاحي

حبيبة : لا مرتاحة بيريحني حديثك ..

حمزة : طيب .. خلص بحاكيكي بعدين .. معلش احسن تنامي وتريحي

حبيبة : طيب متل مابدك

حمزة : حبيبة ..

حبيبة : نعم !!

حمزة : انتبهي لحالك كتير منيح

حبيبة : طيب .. امرك ..

حمزة : الله يوفقك يارب ...سلام

حبيبة : الله معك ....
.... يا الله دخيلك شو اعمل من وين بدي لاقيها ولا وين .. على قد ما بيريحني وجودو .. على قد مابيعذبني اهتمامو .. يارب تريحو وتريحني
.....
/ حمزة /
بدنا نتم هيك .. لا فيني قدم ولا ارجع .. لا قرب ولا بعد .. وكل كلمة حلوة منها بتزلزلني .. وهية مو شايفة غير خالها .. معقول تقدر تتغير .. يمكن صار لازم حاول
.. بس لتروق وتهدى ..
ــــــــــــــــــــــــــــــــــــــــــــــــــــــــــــــــــ
( بعد يومين بعد ماخلصوا ايام العزا راحت حبيبة لبيت هند تزورها)

حبيبة : كيفك ماما شو اخبارك ؟

هند : الحمدلله ياعمري مو ناقصني الا شوفتك

حبيبة : الله لايحرمني منك

هند : ولا يحرمني شوفة السعادة ع وشك .. كيفك صرتي

حبيبة : ان شاءالله احسن ماعم يروح من بالي .. متل الحلم

هند : الله يقويكي يارب ويعوضو الجنة .. احترق قلبي عليه والله شب متل الوردة .. الحمدلله على قضاء الله

حبيبة : اي والله الحمدلله على كل حال

هند : بس انتي ديري بالك ع حالك لا تخلي صحتك تدهور

حبيبة : لا ان شاءالله .. ادعيلي الله يقويني

هند : الله يقويكي يارب

حبيبة : كيفو حمزة .. بالي عندو كمان

هند : ماتحملي همو ان شاءالله بيتحسن

حبيبة : الله يقدرني ريحو .. وينو هلأ

هند : هاد وقتو ماتقولي غير فات .. ايمة جهز الغدا لبين مايجي .. بتتغدي معنا

حبيبة : اي اكيد ان شاءالله .. ايمة عالصالون التاني انا ..
( فاتت عالصالون التاني وتذكرت كل لحظاتا فيه مع إلياس .. قعدت مكانو وصارت تتذكر تفاصيلو .. " يا الله شو اشتقتلك الله يرحمك يارب ويصبرني ع غيابك .. ( صارت تبكي من قلب ) متل لمح البصر اجيت ورحت حاسستو حلم على قد ماانبسطت معك وعلى قد ماكان سريع .. وفقت من هالحلم على خبر اهلي اللي مو اهلي وعلى هم حمزة وماعاد شفتك .. ياريتك هون لاشكيلك .. ياريت اقدر ريحو لحمزة .. كلشي بقدر احكيلو الا همي عنو ..وينك لتسمعني ) ( فات حمزة بهالاثناء وسمعها عم تتمنى يكون الياس موجود لتشكيلو .. توجه لعندا عالصالون )

#القــــــــــــــــــــــــلادة

#الجزء الرابع
@rwayate
(المسا كانت مرح عم تحاكي حبيبة )
مرح: لك ليش هيك حاكيتي للزلمة يصحلك ضابط وبشخصيتو وجمالو يحاكيكي وينتكشك

حبيبة : رجعنا لنفس الحديث .. بعدين شو عم ينتكش فيني عم يتسائل وانا بكره المياعة والسئالة قال ماشفنا ابتسامتك

مرح : والله راسك متل الصوان أنتي .. الله يعين اللي بدو ياخدك شو بدو يتعذب معك

حبيبة : مشان هيك مابدي حدا ياخدني .. بعدين تعي لهون دغري صار بيتنا بعيد ووافقتي تطلعي نحن من ايمتا منطلع مع زلمة غريب يخرب بيتك شو مجلوئة

مرح : الزلمة عرض علينا ضابط هاد مالح يعمللنا شي وماكان في تكاسي لو كان في اكيد ماكنت طلعت

حبيبة : بسيطة .. لا عاد تعيديها وتدايئيني وأصلاً خالي شافنا واتدايئ نبهني ماعيدها

مرح : أمرك آنسة حبيبة وأمر حمزة أفندي

حبيبة : لا تحكي عليه هيك .. هو كلشي إلي بالدنيا

مرح : طيب ماشي حاضر .. بدك شي ..

حبيبة : سلامتك .. الله معك
ــــــــــــــــــــــــــــــــــــــــــــــــــــــــــــــــــــــــ

( كان حمزة متسطح بغرفتو وعم يفكر بينو وبين حالو )
شو قصتها هالبنت كل مانها عم تزيد غلاوتها عليي وعم تحرك قلبي أكتر .. والله وقت ستدعوها حسيت روحي اللي راحت معها.. ماتخيلت أنو ممكن يصير فيها شي .. وقت شفتها طالعة حسيت الروح نردتلي .. ولا وقت عرفت أنها كانت مع شب غريب ياحبيبي بلشنا بالغيرة .. وكل ماني عم زيد وماعم احسن اتحكم بحالي وهية بتقلي خالي وأنا بتوجع أكتر .. إيمتا حبيتك هيك وعملتي فيني كل هاد .. ليش أنتي .. وليش أنا وشو هالصدفة .. شو نهايتها ياربي..
ــــــــــــــــــــــــــــــــــــــــــــــــــــــــــــــــــــــ
ببيت إلياس كان قاعد عم يفكر )
والله هالبنت فيها شي غريب لازم دبرلها شغل من خلالي لحتى أعرف اتحكم فيها وبشوف كيف بدي مهد لخطبتها .. نظرة عيونها مبارح ماعم تروح من بالي ياالله شو حلوين عيونها .. اي حلوين وهيك التسلاية بتصير أحلى كلشي فيها حلو وأنا لح اتحكم بكلشي فيها .. لقوم شوف ياسين يشغلها عندو .. صارت الساعة 12 اكيد بيكون فاتح
( لبس ونزل ركب بسيارتو وراح ع صيدلية ياسين )

بالصيدلية ...
إلياس : كيفك ياسين

ياسين : يامية هلاا نورت الصيدلية .. احلى إلياسو .. الحمدلله مشتئلك .. انت كيفك

إلياس : عراسي والله الحمدلله تمام.. كيف هالصيدلية معك

ياسين : الحمدلله مافي احلى من هيك

إلياس : لحالك عم تشتغل فيها مو

ياسين : لا اختي عم تدرس طب عم تشتغل معي

إلياس : امم هي المخطوبة مو

ياسين : اي هية

إلياس : معناتا بدك بنت تشتغل عندك لأنو اختك مابتكون فاضية

ياسين : لا فاضية الحمدلله مابدي حدا

إلياس : مبلى بدك .. اختك بكرى بتتجوز مافيك تتم لحالك

ياسين : أي لوقتها بفكر

إلياس : لا فكر من هلأ .. عندي بنت عم تدور ع شغل بهالمنطقة بصيدلية متخرجة صيدلة من جديد

ياسين : أهاا عم قول هالأسئلة مو لـ الله

إلياس : اي هو طلب بعرفك مابتردني

ياسين : طيب تكرم عينك .. لشوفها بس بتعرف مابشغل عندي شلون ماكان

إلياس : لا آدمية ومحترمة وع كيفك ومحتشمة بعدين حتى لبسها بيعجبك

ياسين : كأنك معينها قبل ماتسألني .. شو القصة مين هالبنت

إلياس : آه .. لا ولا شي بنت بعرفها

ياسين : بتعرفها ولا بتحبا .. عليي هالحكي

إلياس : لا شو بحبا .. بس فيك تقول مشروع خطبة
ياسين : ااااه قلتلي .. بنت بتعرفها وانت عم تدورلا ع شغل ومهتم كتير .. ومابتحبا .. طيب ياسيدي قلها تجي بكرا بهالوقت للي بتعرفها

إلياس : يخليلي ياك يا زينة الشباب الله يفرحني فيك

ياسين : بعد ما أفرح فيك ان شاءالله

إلياس : ان شاءالله قريباً يلا بدي امشي بتوصيني بشي

ياسين : سلامتك .. اصلاً مو فاضي شربك شي .. الله يهونلك

إلياس : كأني اتضيفت يلا سلام

ياسين : سلاام حبيب
ــــــــــــــــــــــــــــــــــــــــــــــــــــــــــــــــــــــــ
(بطريقو للبيت وهو بالسيارة دق لحبيبة )

إلياس : ألو السلام عليكم

حمزة : وعليكم السلام .. مين معي

إلياس : عفواً كأني مخربط .. مو رقم حبيبة هاد

حمزة : لا رقم خالها مين حضرتك

إلياس : عفواً أنا الضابط يلي كانت عندي من كم يوم طلبت رقمها لموضوع شغل بس شكلها خربطت عطتني رقمك

حمزة : أيوة .. وشو الموضوع شو بتحب خبرها
إلياس : زكاتك خبرها أنو مشي الحال لقيتلها شغل بصيدلية قريبة من بيتها .. تحاكيني ع هاد الرقم لتستلم الشغل وفيها من بكرا

حمزة : تمام بخبرها .. يسلم إيديك عزبناك

إلياس : أهلا وسهلا لا عذاب ولا شي ..
( سكر الخط )
حمزة : ياحبيبي وعم يدبرلها شغل كمان شو القصة .. شو مخبية عليي حبيبة .. لأنزل اسألها

( نزل لبيت أختو هند فات عالصالون كانت الست هند لحالا)
حمزة : كيفك أختي

هند : اهلين أخي الحمدلله .. شو كترانة نزلاتك لعنا

حمزة : بدي حبيبة بموضوع .. وينها

هند : شوو حبيبة كمان .. ليكها بغرفتها .. بس مو عاجبني وضعك ها عم تتغير

#القــــــــــــــــــــــــلادة
#الجزء_الخامس
@rwayate
مرح : شووو هالتطورات .. اصلاً انا عرفانة انكن زابطين ع بعض

حبيبة : لك دغري عملتيها زابطين ع بعض .. شو صار ليش كل القصة انو ماعدت متدايئة منو

مرح : ماعدتي متدايئة منو .. وحسيتي قلبك مو طبيعي وقت مسك ايدك .. وقلك أنا من إيدك مابتوجع وماصار شي لسا ، واتدايئتي مشانو وهكلانة همو لتعرفي كيف صار .. كل هاد ومافي شي .. عليي الحلال بلشتي تحبي خلص عليكي العوض

حبيبة : مافي داعي نعطي الموضوع أكبر من حجمو ، عادي مريض وأنا شفتو بهالحالة طبيعي اقلق

مرح : اي ماشي سادئة .. الله يعيشنا ويورجينا ، اذا مابكسب انا خدي اللي بدك ياه

حبيبة : خلص سكري عهالسيرة الحق عليي اللي حكيت
ـــــــــــــــــــــــــــــــــــــــــــــــــــــــــــــــــــــــــ
( المسا اجا لعندن حمزة طمن ع شغل حبيبة )
حمزة : شو حبيبة كيف الشغل معك

حبيبة : الحمدلله تمام ما أحلاه

حمزة : الحمدلله ديري بالك ع حالك

حبيبة : خالو بتتذكر الضابط يلي دبريلي الشغل

( التفت بتركيز .. هالاسم حساس بالنسبة الو )
حمزة : إلياس !!

حبيبة : اي إلياس .. اليوم اجا متصاوب بإيدو ورجلو .. زعلت عليه

حمزة : عم تشوفي كتير ؟

حبيبة : غريب هالسؤال .. يعني بيجي اوقات عالصيدلية بدو رفيقو او ادوية من الصيدلية

حمزة : مو غريب ولا شي ..ديري بالك منو انا بخاف عليكي

حبيبة : اي زبون عادي هو مافي شي

حمزة : لا مو عادي انا مو مرتحلو اتجنبي قد مابتحسني

حبيبة : طيب يلي بدك ياه

حمزة : يلا انا طالع بالإذن
( وقف ليمشي مسكتو من إيدو .. ) خليك شوي خالو بكير
("وبعدين مع هالقصة بدو يتم هالقلب يتوتر كل ما دقت فيني" .. سحب إيدو )
حمزة : معلش خالو عندي شغل بكير وعمليات بدي اطلع ارتاح .. بالإذن
@rwayate
( طلع على بيتو .. قعد عالكنباية يرتاح .. رفع رجليه عالطاولة قدامو .. ورجع راسو لورا وعلق نظرو بالسقف )
وبعدين مع هالقصة .. كل ماشفتها توتر وبطلع من عندن مخربط شو هالتعب ياربي .. كل هالعمر ماحبيت حدا وقت حبيت اجيت حب بنت مستحيل تكون الي .. وين صارت هي بتمنى تم قريب منها وهالقرب عم يتعبني اكتر ما يسعدني .. ويا حبيبي على الغيرة هلأ ..شو بدو التاني إلياس والله ماني طايقو .. بس لازم تنخطب لحتى تبعد وارتاح .. ( انتبه لفكرة انو تنخطب وماتحمل .. انتفض ووقف ) لاااا شو تنخطب والله بجن ما ياخدها غيري .. بس مافيني اخدها انا .. ياااربي دخيلك تحللي ياها ..
ـــــــــــــــــــــــــــــــــــــــــــــــــــــــــــــــــــــــــ
( بعد كم يوم بالصيدلية )
قاعدة عم ترتب الأدوية وتنهي شغلها مع ياسين .. فات إلياس

إلياس : السلام عليكم

حبيبة : ( اطلعت باهتمام .. وينك كل هالفترة ما إلك بالعادة .. اي وانا ليش مهتمة .. ردت مع ياسين ) وعليكم السلام ..

ياسين : اهلا وسهلا شتقنالك وين هالغيبة

إلياس : ( اطلع بحبيبة ) انا غبت مشان تشتاقولي

ياسين : لاعاد تعيدها منشتئلك بدون ماتغيب
@rwayate
إلياس : أمرك سيد ياسين .. كيف الشغل ؟

ياسين : الحمدلله تمام

إلياس : كيفك آنسة حبيبة

حبيبة : اهلين سيد إلياس .. كيف صرت انشغل بالنا عليك ( تضربي شو جدبة ليش هيك حكيتي شو عم يصير معك )

إلياس : ( معقول هي حبيبة اللي ماكانت تطيق شوفتي ) شوية مشاغل والله .. الحمدلله صرت تمام ماعاد فيني شي .. متعود

حبيبة : الله يحميكن .. يلا أنا بستأذن ..
@rwayate
ياسين : الله معك
.....
..

إلياس : شو هالبنت هي

ياسين : شو هالبنت ما .. والله شكلك وقعان

إلياس : يا اخي شو هالمصطلحات اللي عليكن لسا كلو بيقلي وقعان .. ظريفة البنت هي كل القصة

ياسين : ظريفة البنت !!! اي عليي الحلال وقعان وغرقان وعشقان لح اكتبلك قصيدة بقافية الالف و النون
@rwayate
إلياس : خليك بالعلمي أنت لا تدخل بالأدب

ياسين : لك إلياس ان شاءالله عم تجي بغيابي وتدايئها للبنت .. اوعك ها هي امانة عندي

إلياس : هو انا عم اجي بس ماعم دايئها .. بعدين مو عاطيتني وش .. لاقيلي طريقة تلين هداك احمد فاشل ماطلع بإيدو شي

ياسين : لاقيلك طريقة ومو حاببها ههههههه يحرء ديبك .. بعدين مابدها شي شكلك موقعها للبنت ماشفتا شلون تلبكت وقت شافتك ودغري اطمنت عليك ..

إلياس : شفتا وستغربت والله مافي بالعادة ..

ياسين : اي تغيرت العادة كأنو .. كل الوقت تقلي وينو الاستاذ الياس .. وصرلو زمان غايب .. وعم تشوفو شي .. وكيف صار .. عأساس عم تطمن كممرضة مو فهمان انا

إلياس : اي لاااا شو هااد
@rwayate
لو عرفان من زمان اكلت الرصاصة ..

ياسين : الله يا قيس زمانك انت .. بس لا تدايئها الله يرضا عليك

إلياس : لاا انا مو تبع تسلاية بدي اخطبها والله بس مو حابب انرفض عم استنا لتتقبلني

ياسين : اي اتكل ع الله متقبلتك وكتير

إلياس : ان شاءالله الله يسمع منك .. بدك شي

ياسين : اقعود .. جاية مشانها بس .. كشفتك

إلياس : لكن مشانك .. رايح فكر بالموضوع .. سلاام

#القــــــــــــــــــــــــلادة

#الجزء_الثاني
@rwayate
(فاتت عالمكتب)
سامي : .احترامي سيدي .. هي الانسة اللي بعتونا نجيبها

إلياس : يعطيك العافية .. تفضل مساعد سامي

سامي : احترامي سيدي

إلياس : اهلين بالآنسة حبيبة .. حلوة كتير زيارة الآنسات الصغار لعنا

حبيبة :شو عاملة انا ممكن افهم

إلياس: ماشاءالله كلكن هيك عينكن جئرة .. هلأ بتفهمي

حبيبة : عفواً سيادة الضابط ما قصدت بس أنا..... (قاطعها الضابط) انتي خليكي ساكتة وبلا لعي زايد .. تفضلي اقعدي لح عاملك بالحسنى

إلياس: لح بلش معك من الاول .. حضرتك وين كنتي اليوم

حبيبة : بالبيت

إلياس لح نبلش كذب .. غير البيت ؟

حبيبة: كنت مع رفيقتي بكفتيريا

إلياس امم وشو كنتو عم تحكو ؟

حبيبة : عفواً سيادة الضابط الموضوع خاص شوي

إلياس : خاص !! ولو كان خاص كنا جبناكي لهون نحن؟؟ احكي لشوف وبلاه هالوش الملائكي الكذاب .. مع مين متعاونة وعلى شو ناويين
( اطلعت فيه بصدمة وحست الدم نشف بعروقها .. "ولي على امتي شو هالتهمة")
إلياس : عم احكي معك .. شوو حابة تعذبينا ؟!

حبيبة : عفواً سيادة الضابط ماني فهمانة عن شو عم تحكي
إلياس: كلكن بدكن تحكو نفس الكلمة اول شي بعدين بتكروا كلشي ع بساط الريح وبتطلعوا عاملين السبعة وذمتها ( اطلع فيها باستهزاء) هاد اذا ماكنتو السبب بثقبة الاوزون (رجع راسو لورا وضحك باستهزاء)
(ضحكت حبيبة غصب عنها)

إلياس : ياسلام ضحكتك حلوة على عيبك .. عكلن ماني عم ضحكك

(شدت حالها وحكت معو بصرامة)
حبيبة : عفوا سيادة الضابط لهلأ مافهمت على اي اساس تاهميني هالتهمة
إلياس : الله يصبرني على هالنهار .. طيب لح سايرك .. حضرتك شو كنتي عم تقولي للي كانت معك !!
(صفنت شوي شو بدها تتذكر من الحديث شي غلط .. قاطعها الضابط)
أنا بقلك لاتصفني كتير
كنتي عم تقوليلا بدي هالحرية وعاجبتني حريتي
بشو محررينك وشو عم يزرعوا براسك هاتي لشوف

( رجعت بذاكرتها لورا شوي وتذكرت الكلمة وصارت تضحك من قلب على قد ماكانت متوترة على قد ماقلب ضحك بالنسبة الها الموقف)
(خبط بإيدو بقوة عالمكتب وهية ارتعبت و سكتت )
إلياس : ماني جايبك تضحكي ولا فاتحلك سينما جاوبي عاللي سألتو لشوف

حبيبة : عفواً بس انتو فهمانين غلط مو هيك الموضوع ابداً .. انا صبية وصار عمري 23 سنة واهلي حابين يجوزوني وانا مو رضيانة كل مايجي عريس بقلن لا وهنن ساكتين كانو كرمال دراستي بس بعد ماتخرجت ماعاد في مجال لارفض ورفيقتي كانت عم تناقشني بالموضوع واحتد النقاش بيننا قلتلا انا مابدي هالقصة كلها من اساسها انا بدي تم حرة وقراري من راسي مابدي رجال يتحكم فيني عاجبتني حريتي ووضعي .. لو انو الموضوع خاص متل ما التلك ومحرج شوي بس هاد اللي صار
( اطلع فيها بتركيز) وانا مطلوب سدئك.. شوضمني ماتكوني عم تكذبي

حبيبة : فيكن تستدعوا رفيقتي وتسألوها اكيد مالحقت خبرها شي ولح تحكي الحقيقة
.
إلياس: هاتي عنوانها لشوف
(عطتو العنوان ونادى للمساعد)
يامساعد سامي
(فات المساعد وضرب تحية )
سامي :. احترامي سيدي

إلياس : بتاخد هي الورقة كتبتلك عليها عنوان وبتاخد دورية وبتجيبولي الصبية اللي هنيك (اطلع بحبيبة) شو اسمها رفيقتك ؟

حبيبة : مرح القادر اسمها
إلياس : تمام .. بتجيبولي الصبية مرح القادر
.
.
.

( بعد حوالي ساعة)

حبيبة: لإيمتى بدي تم هون أنا

(كان واقف إلياس عالشباك رافع البرداية وحاطط ايديه بجيبو وعاطي ضهرو لحبيبة يلي لساتا آعدة عالكرسي)

إلياس : لأنو كتير مبسوط بوجودك أنا ولا جايبك سيران مو أنتو مابتخلصوا مشاكل

حبيبة: يا حضرة الضابط حكيتلك شو صار اطلع فيني انا وشي وش هيك قصص

( اطلع فيها بنظرة استهزاء وصفن شوي)
إلياس : ياما تحت السواهي دواهي
( اندق الباب)

إلياس : ها ليكهن اجو هلأ اذا طلع صح حكيك بتتيسري ..
تفضل

سامي : احترامي سيدي .. هي الصبية يلي بعتونا نجيبا .. بتوصوا بشي تاني ؟

إلياس : سلامتك .. يعطيك العافية

(ركدت مرح لعند حبيبة )
مرح : حبيبة ... شو عم تعملي هون

إلياس : آنسة مرح اقعدي وبلا كتر حكي
(قعدت مرح عالكرسي مواجه حبيبة )

إلياس : يا آنسة مرح وين كنتو انتي وحبيبة اليوم ؟
وشو كنتو عم تحكو ؟

( حكتلو القصة كاملة متل ماحكت حبيبة وفهم منها انو هي حقيقة اللي صار)

إلياس : امم .. هيك قلتولي .. طيب تعالو وقعو عالضبط مشان تتيسروا

(وقعوا عالضبط وطلبو الأذن ليمشوا)

إلياس : فيكن تمشو وآسفين عالإزعاج بس مشان تعرفي تحسبي كلمتك يا آنسة حبيبة وخصوصي بأماكن عامة .. تفضلو فيكن تمشو ..

(طلعو من القسم حبيبة ومرح وحكو عن اللي صار معهن)

حبيبة : يالطيف شو شايف حالو وشلون بيتنتور كتر خيرو اعتذر

مرح : بس يا أختي شخصية ولي على قلبي عهالطول وعهالجسم الرياضي والشعر الأسود مع العيون العسلي ولا لحيتو مااا يبلااا عهالشخصية

#القــــــــــــــــــــــــلادة
@rwayate
#الجزء_الأول

مية مرة التلكن هالموضوع لاتفتحوا قدامي ماني حاطتو ببالي ولا لح حطو مابدي اتجوز ولا بدي فكر في هالموضوع

مرح : لك نوصي حسك بالطريق نحن .. طيب فكري بس هالمرة الزلمة مابينرفض وبعدين يصحلك

حبيبة : ياستي مو يصحلي .. صاححلي وانا مابدي

مرح : ليش هالتناحة هي اه؟ حاج تفكير بلا طعمة هي تخرجتي من شي شهر وصارت شهادة الصيدلة بإيدك .. و كل بنت نهايتها لبيت زوجها.. ليش هيك عم تتئلي حالك

حبيبة : لا ياعمري مو تتقيل حال ولا تناحة انا رافضة القصة قطعياً ومالح فكر فيها لا هلأ ولا بعدين

مرح : وليش بقى طيب ممكن افهم؟!

حبيبة : لأنو بصراحة مابدي عيش تحت رحمة رجال هي من الاخير بدي ابقى حرة عاجبتني هالحرية

مرح : يحروا بدن يهودك تضربي انتي واللي بيتناقش معك بشغلة
/بهالأثناء كان مارئ شخص من وراهن بدون ماينتبهوا وسمع كلمتين من النقاش كلو/
______________________________

/فاتت حبيبة عالبيت وهي معصبة من هالموضوع يلي ماكان حدا يمل من فتحو .. لحشت شنتايتها ع ايد الصوفاية دغري بتنكيت وشافت امها اعدة بآخر الصالون لابسة اواعي الصلاة و عم تفرم خضرا/

حبيبة : السلام عليكم .. كيفك امي

هند : اهلين امي فوتي .. شبك ليش معصبة .. شو بدها منك مرح

/فاتت لجنب امها واعدت عالكنباية بعصبية وهي عم تشلح المانطو/

هند : كالعادة .. عريس /كملت بطريقة استهزاء/ بتحلم فيه كل بنت ها ها .. شو سئيلة هالنكتة صارت

هند : وشبك هيك عم تحكيها كأنو شي مصيبة واقعة فوق راسك

حبيبة : يا امي مو مصيبة ماشي بس انا رأيي صار اشهر من نار على علم بهالموضوع والله حلكن تحفظو ..
اكتبو ع ورقة وعلقو ع جبيني حتى ماعاد تنسوا؟؟

هند : عم تتظارفي ؟ لا لاتكتبي شي بس حاج عنادة على شو شوفة هالحال ؟؟ دراسة وخلصتي .. كنا ساكتين مشان الدراسة .. صار عمرك 23 .. ماعدتي صغيرة لتقولي مابدي ..

حبيبة : امي وبعدين ؟ في الف قصة ببالي ساويهن وفوت بمجالات الحياة والله مو كلشي الجواز مابيصير شي اذا ما تجوزت .. اعدة ع قلبكن؟
بكرا اذا كملت دراستي وصرت دكتورة بالجامعة ودرست شغلات تانية وعملت كلشي بتمناه مو احسنلي؟
اذا تجوزت بقدر كمل شي؟ ولابس لح يجيني رجال يقلي مافي روحة ومافي جية ولا تعلي صوتك ولا تحكي ولا تشكي ولا تتنفسي ولا تعطي رأيك والكلمة الاولى والاخيرة الو .. وبس هو بيحقلو يعصب وانا لازم ابتسم وروح دلل فيه بعد كل هاد .. عبيد لانو نحن ..
من الاخير ... انا مو تبع هيك حياة مابتناسبني نهائياً

هند: يارب تطول بالي على هالبنت ..

( نفتح باب البيت بهالأثناء و فات اخوها ل هند)
هند : ها هي اجا خالك حمزة خلي هو يلاقيلك حل ..

حبيبة : اي منيح اجا اصلاً ماحدا غيرو بيفهم عليي

حمزة : السلام عليكم .. شو ليش اصواتكن طالعة مافي بالعادة ..
(كان حمزة اقرب شي ل حبيبة عمرو 29 وبحكم الفارق البسيط وقرب عمرو من عمر حبيبة كانو رفقات واكتر شي يفهم عليها وعندو سعادتها بالدنيا .. بيحسها قطعة من روحو .. بس ...)

حبيبة : اهلين خالو .. تعا شوف كلهن عليي .. (رمت حالها بحضنو وشدت عليه) بدهن يخلصوا مني ماحدا عم يحترم شو بدي ..
(بعدها عنو بسرعة )

حبيبة: شبك خالو زعلان مني كمان ؟؟

حمزة (بارتباك ) : لا .. لا معقول ازعل منك حبيبة قلبو لخالو انتي وعندو زعلك بالدنيا بس .. بس انا كتفي عم يوجعني و .. وإيدي .. مافي شي يعني .. هلأ بحللك القصة انا (غمزها) ولا يهمك ..

حبيبة : (وهي عم تفك حجابها ونزل شعرها على ضهرها اسود متل الحرير واصل لتحت ضهرها بشبر) الله يخليلي ياك يارب (و باستو من راسو )

حمزة : ويحميلي ياكي يارب يلا روحي على غرفتك لاتفاهم مع امك ..

____________________________

( في مكتب إلياس )
إلياس : ادخل

أحمد : سلاااام

إلياس : ولك اهلا ابو حميد .. نور المكتب

أحمد : بعرف مافي داعي تخجلني

إلياس : تضرب شو غليظ .. بس يا اخي مافيني بلا غلاظتك .. تعا سلم

أحمد : ( سلم عليه ) شكراً لإطراءك بعرف مافيك بدوني .. اصلاً ماكنت وصلت لهون استاذ الياس

إلياس : لاتخليني اندم لأني أهلت وسهلت فيك .. دير بالك من الغرور الزايد مابينفع .. شو تشرب

أحمد : له .. الواحد بيقول شو تشرب .. بدال ماتقلي شو غديك يا عريس .. ياحيف

إلياس : شو تتسمم .. منيح هيك .. خلصني فاتحلك مطعم انا لأنو .. كتر خيري لح شربك شي

أحمد : ماشي لح مرقلك ياها هالمرة .. اطلبلي قهوة مشتاق للقهوة معك .. بس بـ وش ها كالعادة

إلياس : شحاد ومشارط .. ( رفع التليفون ) جيبولنا تنين قهوة

أحمد ( بهمس): بـ وش

إلياس : جيبولنا واحد بـ وش وزبطوها .. ( فتل لعند أحمد ) اي طمنا عن اخبارك .. كيف كان شهر العسل ؟

أحمد : ( قعد عالكرسي قدام المكتب ورفع رجليه عالطاولة) إييييه شغلة .. يا زلمة مافي احلى من الجواز

إلياس : نزل رجليك يا زلمة احترم انك بمكتب ضابط

أحمد : ها .. وهي احترمناك .. طمني عنك شتئتلك

إلياس : تشتئلك طيبة .. كيف