#مستوحاة_من_الواقع
#بصيص_أمل
@rwayate
الجزء الاول

منذ نعومة أظافرناِ نحلم ونبني أحلامنا علَّها تتحقق يوما ما فحلمنا يبدأ بفكرة إن كان زواج أو عمل أو سفر ولكن لتحقيق هذه الأحلام نحتاج (لبصيص أمل)
ونبدأ بالبحث عنه...
هذا البصيص يبدو لنا نوع من السراب
سيكون من المستحيل الإلتقاء به ابدا.....
هكذا يبدو من فقد الامل
ومازال يلحق بالسراب...

تأتينا أوقات نشعر بأن العالم أغلق أبوابه علينا نتخبط .. نبحث عن الأمل فيُضيء الله لنا بصيصا من الأمل ليكبر ويصبح عميق ..

لذلك لاتيأس لأن الله اقرب منك.. من نفسك ويعلم مالذي يحزن قلبك الصغير

#بصيص_أمل

#الجزء #الأول (1) :

(( 2007 )) ربيت ع ايدين أما وأبوا بالعز والدلال وكل شبر بندر.. ربيت وكبرت وصارت عروس..
لبست بدلتا ورفعت طرحتا و على عينا اتزينت بكحلتا..
لبست واتجهزت لتروح لعريسا يلي ناطرا ...
وقفت ع المراي وابتسمت ابتسامة رقيقة مع غمازه صغيرة انطبعت ع خدا الايمن بعيونا العسلية يلي بتشع نور بوقت العتمة وشعرا الكستنائي المرفوع وعدة خصل تركتن يرتاحو ع ظهرا..
عرس صغير ببيت اهلا لان ستا اتوفت من فترة.. ماحدا قدر يصبر ليعملولا عرس متل كل العرايس.. يمكن من الأول الحظ اتعسر معا بس بقيت ماشي بنفس الطريق..
بقيت قاعدي بفستانا الابيض الناعم بين كام شخص من العيلتين كانت شاردة وعم تفكر ايمات رح يدخل ويشوف جمالا بعد ما اتزينت كرمالو!
بس ما وصل..
وقفت حماتا بقربا ولبستا الذهب ومضيت الحفلة يلي بتشبه كل شي إلا الأعراس !!
طلعت من بيت اهلا بعد ما ودعت ابوا ودموعا ع خدودا

ابو نورا: ديري بالك على جوزك وبيت احماكي يابنتي وسامحيني اذا قصرت معك بشي

باسا من جبينا وودعا ونزلت على خدو دمعة مسحا بكف ايدو ورفعا ولوحلا فيها.. اما أما ما قدرت تطلع وراها بقيت مكانا وعم تبكي
طلعت وعيونا مغرغرين بالدموع ركبت بسيارة سودة مزينة بشرايط ساتان وود ابيض
ركبت بقرب عريسا وحماتا قعدت قدام
ومشيت السيارة بدون ما يحكو ولا حرف كانت بدا تلومو لان ما دخل وانصمد بقربا بس ما طلع الحكي من تما .. وصلو ع بيت متوسط الحجم والفرش فيه قديم يمكن من لما اتزوجت حماتا..
وطلعت حماتا قبلن.. مشيت وعريسا ماشي وراها ودخلت على غرفتا لحقا وسكر الباب
خالد: ماكان ضروري كل هالمكياج انت بلاه احلى

نورا: يعني ماعجبتك

خالد: لا حلوة.. حلوة
نزلت راسا واحمرو خدودا من الخجل مسكلا ايديا وشبكلا أصابعا وبدلا محبسا وقلا: هلق صرتي مرتي وحلالي
قرب منا ومسكا من خدودا ..
فتحت امو الباب بعصبية ( شو نمتو )
خالد: ماااااما معقول كيف هيك بتدخلي !!؟؟؟

ام خالد: سامحني يا ابني بس انا متعودة عليك كنت عايش لحالك
بس بدي تعطيني دوايي متل كل يوم شو بلشت تنسى من اولا !

طلع خالد ونورا بقيت واقفة قربت منا حماتا ورفعت حاجب ونزلت حاجب وقالتلا: لازم نقطع راس القط من ليلة العرس

نورا: بس هالشي العريس بيعملو ما انتي

ام خالد: يافصعونة وعم تردي بوجهي

نورا: لاء ما قصدي بس انا هيك كنت اسمع

ام خالد: اي اعتبريني أنا العريس والعروس كمان اذا بدك هههههههههههههه
ضحكت ضحكة قوية وطلعت.. مشيت نورا وسكرت الباب وبقيت ناطرة عريسا ليرجع
قعدت ع طرف تختا وركت راسا عليه لحتى غفيت
فتح الباب خالد بعد ساعتين لقاها نايمة ع القاعد بفستانا الخفيف وخصل شعرا المنتشرة ع خدودا الموردين
قرب منا رفعلا خصل شعرا وحاول يفيقا : يا نورا قومي بدلي تيابك

لمساتو على وجها الناعم ماقدرت تصحيا حطلا مخدة تحت راسا وغطاها منيح وبقي بقربا عم يتأملا
صحيت تاني يوم راسا متيبس شافتو نايم بقربا مشيت ووقفت قدام مرايتا وهمست: ههههه والله لساتني عروس

طالعت طقم تفاريع ابيض وحاولت تفك سحاب فستانا بس ماقدرت فتح عيونو ع صوت حركشتا
خالد: صباح الخير

نورا: صباح النور

خالد: بدك شي

نورا: اه.. لا.. بس الفستان.. سحابو ماعم ينزل

وقف ومشي ب اتجاها: اي معلق.. ليكي نزل

مسكت فستانا: يلا طلاع بدي بدل تيابي

خالد: لحقانة هلق بتبدلي

نورا: كنت خليك نايم عند امك ليش رجعت

خالد: كانت تعبانة ماقدرت اتركا

نورا: تعبانة ولا غيرانة

خالد: مابدي تحكي هيك بتضل امي

نورا : اي وهلق روح شوفا بتكون صحيت

خالد: معقول اترك هالقمر

نورا: اي متل ما تركتني امبارح

خالد: يانورا لازم تعرفي هاي امي ومالا غيري بهالدنيا بدك تتحملي..

حط ايديه ع خدودا وهيي دابت من خجلا....

صحيت الام وبلشت تدق ع بابن يلا قومو
فتحلا خالد الباب: اهلين ماما

ام خالد: صباحية مباركة ياعريس

خالد: الله يسلمك يلا لاحقك حطي ركوة القهوة ع النار

ام خالد: يلا يلا
مشيت خطوتين ورجعت التفتت :هالباب ماعاد تسكروه شو انا غريبة

اتطلعت نورا بخالد مستغربة : كيف مانا غريبة!!
هزلا راسو بمعنى اسكتي
قا

مت نورا لبست وطلعت ع المطبخ لتعمل القهوة دخلت لعندا حماتا وقفت عند الباب وحطت ايديا ع خواصرا ورفعت حاجب ونزلت حاجب: شو شايفتك اخدتي ابني من اول يوم

اتنهدت نورا وفتلت راسا: اهلين مرة عمو لا يوه هاد ابنك قبل ما يكون جوزي وانت متل امي ورح حطك على عيني وراسي

ام خالد: اي منيح انت اعملي شي غلط وشوفي كيف رح زتك بالشارع او ليش في شي احلى هاهاهاها

فتحت نورا عيونا ورفعت حواجبا واتطلعت فيها ب استغراب
ام خالد: اي اوعك تغطلي معي
ومشيت..

رجعت كملت تحريك القهوة بعشوائية وهيي عم تردد بقلبا (ياربي بدا تبلش الحرب.. الحرب الكونية بين الحماية والكنة شو عملتلا من اول يوم بدا تفرض سيطرتا.. ياربي قويني وساعدني كلن قالو امو قوية بس مافكرت هالقد ومن اول يوووم)
اخدت صنية القهوة وعيون خالد عليا والام ماعاجبا
#مروةآغا
ومشيت الايام يوم ورا يوم والام عم تحاول تعمل مشاكل بس نورا كانت صغيرة ومافهمانة بكيد الحموات كانت تسمع فيه من المسلسلات وحكي النسوان بس هلق عم تعيشو
تركت امتحانات البكلورية واختارت الزواج متل ما كانت تحلم بيت دافي زوج حنون يحبا وتحبو
*

دخلت ع غرفتا معصبة وعم تحاكي حالا كأن عم تحكي شخص قداما ( بشتغل كل شغل البيت والتنظيف وهيي بتجي بتنظِّر وبالاخير بتطلع هيي عاملة كل شي اي ماحااااج بنظف من وراها كركبتا )

كانت دائما هيك تفش قلبا لقت هالحل احس من جوزا يلي مابرد وبقلا طولي بالك هاي امي ما الا غيري.. بقيت ساكتة وتحاول تكتم غضبا او تخرب بيتا....

#بصيص_أمل


الجزء #الثاني (2) :

بقيت قاعدة بغرفتا وما طلعت منا ل اجا جوزا
خالد: شبك مزعوجة من شي؟

نورا: مافيني شي.. مانك جوعان؟

خالد: لا اكلت برا

نورا: اي لكن انت وامك كلو برا وانا للبلة ماحط شي بتمي

خالد: شلون يعني امي بتاكل برا !

نورا: اي والله راحت ورجعت دخلت ع الهسة ع غرفتا وطلعت بعد ساعة معا كيس كبتو بالزبالة اتحرقصت رحت شفتو ولا طلع عظم جاج

_خالد سكت وماحكى ولا حرف لان بيعرف امو وما اتوقع توصل لهون

نورا: انا عم قول هالمخلوقة كيف عايشة بلا اكل طلعت متل الحرامية

خالد: نورا ما تغلطي

نورا: ماغلطت بس كيف بدي شوف بخلكن وضل ساكتة..

خالد: بخل!! شو بخل ليش بشو قصرت عليكي

نورا: يعني الي شهر عندكن وماشفتكن عملتو شي ومقضيتا حواضر انا والله ماحبيت احكي بهالموضوع الحمد لله شبعانه ببيت اهلي بس بكرا بقولو هالبنت هيي اتزوجت صارت تضعف ولازم يصير العكس بيحكو عليكن انتو

خالد: طيب كلي انت لحالك شو بدك فيا

نورا: لحالي !! ليش نحنا ماعيلة ما بتحب نقعد ناكل سوا اظبخلك واحتفل فيك.. وبعدين ما ليكون في شي يتاكل روح شوف المطبخ عم يصَفر

_مشي خالد وهوي مستغرب وصار يحكي حالو معقول نسي هالشي معقول عندو بخل وهوي ماعرفان.. من لما وعي ع الدنيا واهلو البخل عامين ولما كبر صار ياكل برا ومايسأل

تاني يوم فتحت عيونا وحماتا كالعادة مانا بالبيت وقافلة باب غرفتا
دخلت ع المطبخ شافت الطاولة عليا شوية كياس
رتبت البيت وحطت فطور واكلت وحماتا ما اجت بعدين فكرت تطبخلو طبخة لجوزا
دخلت ع المطبخ وهيي عم تفكر
نورا: معكروونة اي والله طيبة..
ضحكت وقالت: ليش اصلا انا شو بعرف اعمل غيرا
بلشت تحضير وتحط وتشيل تروح وتجي وتدوقا بدا هيك وبدا هيك صارت دايقتا قريب العشر مرات
(لا خلص هلق صارت تماام بتشهي اكيد رح تعجبو)
دخلت حماتا وهيي معصبة: شو هاد طبخ!!!

نورا: اي قلت لجهز لخالد شي هلق بيجي جوعان

قربت وفتحت الطنجرة: اف لشو كل هالقد

نورا اتلبكت: يعني مشانا كلنا

اكلت لقمة ومشيت وهيي عم تحكي: نحنا هون ما منطبخ فهمانة

نورا عم تحكي حالا: اي لكن بتاكلو متل الحرامية

رجعت خطوتين لعندا وحطت ايديا ع خواصرا شو قلتي

نورا: لا قلت اسكبلك صحن

ام خالد: لا ما جوعاني

نورا بصوت خافت: اي بلا
مسكت جوالا وبقيت تدق لجوزا لتقلو لا يتغدا هيي طبختلو بس ما رد ولا اجا مرق ساعتين وثلاثة داق خلقا عبت صحن كبير معكرونة وقعدت قدام التلفزيون وصارت تاكل بشراهة من عصبيتا
دخلت حماتا ع الغرفة: شو كل هاد الصحن اكلتيه !
اتشردئت وصارت تسعل: لا بس حطيت في شوي جبتو كبير مشان ما كب ع تيابي

قعدت قداما وبلشت تعطيا مواعظ ( انت الك زمان عنا وانا لازم اعطيكي شروط لتمشي عليا بهالبيت)..
شبكت ايديا ببعض ورفعت حاجب ونزلت حاجب :
اول الشي لازم ندير بالنا ع مصروف البيت ما دائما طبخ واكل من شو بيشكو الحواضر والزيت والزعتر مصاريف زيادة بطعمة وبلا طعمة مابدنا على شوكولا وموكولا ايواااه
وثاني شي الباب مالازم تسكروه

نورا : بس انا بحب اخد راحتي بغرفتي وبعدين...

ام خالد: ما تقاطعيني وردي ع نصايحي مابدي شوف الباب مسكر

نورا: بس نحنا متجوزين جديد يعني عرسان وانت بتعرفي...

ام خالد: مصرة تناقشيني.. ليكيني اتزوجت ومشيت ع عهالنصايح وعين الله عليي

نورا: اي مشان هيك جبتي ولد واحد بس

رفعت حواجبا واتطلعت فيا: شو قصدك

نورا:

خالد وقعد ع تختو عم يعصر مخو وتفكيرو ويهمس ( طلاع من راسي طلاااع )

بقيت ضامة حالا بغطاها وعم تحاول تخفف من حركتا وعم تفكر وتتخيل شو عملت بحالا

_نورا بنت طايشة كتير وماهما تدرس كانت دائما تفكر بالحب وبقيت ناطرتو كان هما بس يصير عندا بيت وخدم وحشم هيك كانت مفكرة.. واول ما اجى خالد طار عقلا فيه وحست انو هوي الحب المنتظر بجمالو وركازتو وهدوئو بس طلع ورا هالهدوء في بركان وعن قريب رح ينفجر.. وللاسف حلما هلق صار ماضي وتركيزا بس لتعرف شو سر هالغرفة !.. وشو الماضي !..

فتحت عيونا وقت جهجهة الضو عم تنزف وتتوجع وقفت مرعوبة وعم تصرخ ارتعب خالد ووقف بقربا واتربطت ايديه ركض ع غرفة امو صحاها وجابا وقفت مدهوشة ماعرفانة شو تعمل

ام خالد: يلا البسي لنروح ع الدكتورة

كانت الدكتورة عم تفحصا ونورا عم تتوجع خلصت ومشيت وقعدت ع مكتبا
خالد: شبا شوصاير معا

الدكتورة: مافي شي الحمد لله بس الصبية طرحانة

ام خالد مصدومة: بس هيي ما حامل

الدكتورة: كيف يعني في علامات لطرح

كانت نورا عم ترتب لبسا وتزر اخر زر وقفت ام خالد واتطلعت فيا: كنتي حامل ليش خبيتي علينا

اصفرت نورا وجمدت مطرحا: والله مابعرف مالي خبر

الدكتورة: طولي بالك ع البنت لساها صغيرة

مشي خالد وشد امو وقعدت ع الكرسي ومسك نورا من ايدا وقعدت ع الكرسي التاني
الدكتورة: ما تخافي حبيبتي مافي شي بس طرح انت ايمات اتزوجتي

نورا: اكتر من شهرين تقريبا

الدكتورة: اي والطرح صغير هلق بعطيكي دوا وابر وبيتنظف الرحم.. اغلب الصبايا اول زواجن بصير معن هيك لان جسمك لسا ما اتعود وانتي صغيرة

هزتلا نورا براسا وكانت عم تفكر إنا طرحت من رعبتا بهديك الليلة

وصلو اهلا لعندا بعد ما خبرن خالد
ام نورا: كيف هيك صار

اتطلعت نورا بحماتا يلي كانت واقفة عند الباب: مابعرف هيك فجأة

ام نورا: معلش حبيبتي يلا المهم انت بخير

بقيت اما بقربا وطلبت نورا من خالد تروح مع اما وهوي قبل
بقيت قريب الاسبوع عند اهلا بس اشتاقت لبيتا ولغرفتا

_كانو اهلا حالتن متوسطة ويمكن اققل كمان.. بيت صغير وغرف اصغر
شافت الفرق بين بيت اهلا وبيتا وقررت ترجع لعند جوزا لان هوي منيح بس امو صعبة..
وقفت ع المراي وعم تحكي حالا ( وشوفيا كتير امهات بكونو هيك وانا الحق عليي رفعت صوتي عليا المهم خالد منيح معي )
سكتت شوي ورجعت همست لصورتا بالمراية ( بس هوي قال عني هم.. بس كمان لما عرف اني طرحت زعل.. يعني هوي كان بدو الولد !!... خلص خلص رح ارجع وبشوف اذا رد صار شي بتطلق )

رجعت ع بيتا وكانت متل الالف شو ما تقلا حماتا تقلا حاضر من خوفا ترجعا ع الغرفة وحماتا خففت شوي من تجريحا وبقيت ناطرة لتسمع خبر حملا من جديد ومضيت الايام والشهور وهني ع حالن الحماي بغرفتا وخالد بشغلو قليل لتشوفو وهيي بالبيت واحيانا بتروح لعند اهلا او بيت جدا.. اتعودت ع حياتن وبخلن واكلن لحالن وهيي صارت تعمل متلن وتاكل لحالا بس حاسة في نقص بحياتا هيي ماكان هيك بدا .. بدا خالد يحبا ويعيشو سوا قصص الحب والغرام بس هوي كان جامد وبارد

بيوم طلعت ام خالد مشاويرا المعتادة الجيران والقرايب ماكانت يوم تقعد بالبيت كانت عم تعوض حالا عن الحبس القديم ونسيت باب غرفتا مفتوح
صحيت نورا وشافت الباب ابتسمت ابتسامة خبيثة وركضت ع الغرفة وبلشت تشوف شو فيا فتحت اول باب خزانة شافتو مليان اكل مكسرات ونواشف
( والله مانك هينة كل هاد اكل ) سكرتو ورجعت تفتح وتسكر للقت بدرج جنب تختا دفتر ( اووو مذكرات كمان ) مسكتو وبلشت تتصفحو كتابات بخط مفشكل وماكتير مفهوم

وقفت عند صفحة
[كنت ابحث عن الحب فقط.. فوجدتك امامي بعد تعبي واحببتك اكثر من كل شيئ.. ولكن انت عوضتني بالحبس والتعذيب.. لماذا!! هل كان كل ذلك حب او امتلاك ام كان قلبك حجر من دون مشاعر ]

كانت عم تقرا وتتعرق وحست هالحكي كأنو مفصل عليا رجعت مسكت الصفحة وقلبتا:
[ كانت ليلتي الاولى في تلك الغرفة المقرفة المحزنة وكان طفلي مازال في رحمي فزرعت الخوف في قلبي وقلبه منذ ذلك اليوم والايام تتالت واصبح قلبي معتم كعتمة تلك الغرفة ]

حست في ايد انمدت عليا....

#بصيص_أمل

الجزء #الرابع (4) :

_حست في ايد انمدت عليا وسحبت منا الدفتر بكل قوة ، جمدت بمطرحا وبلش قلبا يدق بسرعة التفتت وشافت حماتا قداما يلي سحبتا وجرتا ع الارض وهيي عم تحاول تترك ايدا بس ما قدرت رمتا بالغرفة وقفلت عليا الباب ورجع السيناريو القديم ينعاد قدام ام خالد لما شافت نورا عم تبكي وتقاوم وتصرخ (انت مريضة انت مجنونة اتركيني اتركيني بدي اميي وينك ياخااااااليييييد)

اتذكرت حالا لما صارت تقاوم بين ايدين جوزا لما كان يحبسا يمكن يخاف تخونو او تهرب وتتركوا او يمكن تسلط ليكون هوي الحاكم بالبيت
بس ليش هيك عم تعمل مع نورا مابتعرف او عاملة حالا ما بتعرف.. من بعد ما مات جوزا اتعودت كل شي يكون تحت امرا وما عجبا وحدة صغيرة وقوية متل نورا توقف بوجها وتعرف اسرارا وتاخدلا ابنا منا فكرت اذا جابتا صغيرة بتضح

ك عليا وبتخليا تجبلا الحفيد وتكون تحت طوعا

رجعت ع غرفتا وغيرت مكان الدفتر وبقيت قاعدي ع كرسي خشب كبير محفور بطريقة غريبة ومنجد لقمان قديم مرق الوقت وهيي عم تفكر وتتذكر.. وصار وقت جية خالد من شغلو دخل سلم ع امو يلي شافا ما ع بعضا
خالد: خير صاير شي.. وينا نورا... يا نورااا

ام خالد: مرتك بالغرفة برا

خالد: شوو لك نحنا شو حكينا
مشي خطوتين ووقفو صوت امو العالي رجع واتطلع عليا: اووعك تفتح عليا الباب هيي عرفت كل شي

خالد: شو عرفت؟

ام خالد: عرفت بكل شي

سكت خالد ورجع حكى : اي وتعرف مابتقدر تعمل شي

ام خالد: بس ممكن تشكينا للشرطة

خالد: قلتلك ما بتعملا بتخاف من خيالا هاي كيف اذا عرفت هيك شي.. بس كيف عرفت؟؟

ام خالد: شافت دفتر كنت كاتبة فيه كام شغلة

خالد: مامعقولة انتي حدا بيكتب هيك شي

ام خالد: هاد يلي صار .. خليا تتربى

خالد: بس بتخاف ما شفتيا طرحت المرة الماضي يمكن هلق حامل

فتحت باب الخزانة وطلعت منو شاحن للضو ودفاية ع كهربا: حطلا هدول بس فترة لتخاف وتبطل تعيدا

خالد: اففف منك طيب
اخد خالد الغراض ومشي ب اتجاه الغرفة يلي كانت مسكرة من سنين وهلق رجعت انفتحت.. فتح الباب وشافا قاعدة ع التخت فرحت لما شافتو ركضت لعندو وكانت بدا تطلع لبرا مسكلا ايدا ورجعا ع التخت
خالد: اقعدي جوا

نورا: ليش ماعملت شي والله ما رفعت صوتي عليا

خالد: كيف ما عملتي شي انت غلطتي لازم تبقي هون

نورا: لك شوصرلك انا مرتك بدك تحبسني

عقد حواجبو وخشن صوتو ورجع كرر: اقعدي هوووووون

ارتعبت منو ومشيت بخطى عكسية وقعدت ع التخت حطلا الضو بقربا وشغلا الدفاية وسكر الباب وطلع
اتكومت ع التخت واتغطت منيح وعم تفكر ( معقول هدول العقاب عندن بالحبس هدول اكيد معقدين وبدن دكتور نفسي لازم بس اطلع من هون اتطلق ناقصني مجانين ) سكتت شوي وابتسمت ابتسامة حزينة ( هاي اذا طلعت )
غاب ساعتين ورجع معو سندويشة شاورما عطاها اياها وعطاها جوالا حكت اهلا وطمنتن عنا وطلع وهيي ما حكت ولا حرف صارت تبينلو انا ماخايفة مشان ما يستضعفا وكل ماصار شي بحبسا.. مسكت السندويشة يلي من ريحتا رح يغط ع قلبا ( اووو شاورما والله حلو هالحبس اي لما كنت برا ما كنت احلم يجبلي شي هههه المضحك المبكي )

فتح عليا خالد الباب تاني يوم كانت عاملة حالا نايمة حطلا صنية فيا بيض وشاي وجبنة وخبز وطلع وقفل الباب
رفعت الغطا عن راسا وركزت قعدتا وحطت الصنية بحضنا (والله فطور بشهي.. ايامي.. عم اتدلل هههه)
اكلت ورجعت قعدت مرق يومين وهيي ع هالحال
باخر الليل بمر خالد لعندا معو اكل بيفتح الباب وبسكرو وقعد بقربا ع التخت وهيي ماشالتو من ارضو حطلا السندويشة بحضنا
خالد: خدي كلي

نورا: بعد شوي.. ليش قعدت هلق بتجي امك.. شو نسيت انا بحبس والحبس الو قوانين

خالد: بكرا بدي طالعك

نورا بلهجة مستفزة : اف رجال والله

خالد: احكي ب ادبك

نورا: ليكون عندكن ادب من اصلو في حدا بيحبس مرتو هيك والله ولا بمسلسل شفت هيك شي هالقصة رح تكسر الدنيا 👌

خالد: انت جبرتيني ليش لتحشري حالك بخصوصيات غيرك

نورا: والله مابقدر بحكني جلدي

خالد: شو قريتي

نورا: حبيت وكرهت وضربني وحبسني

خالد: وشو كمان

نورا: ماعجبوك !! .. ليش في شي اكبر من هيك !؟

خالد: نووورررراااا

اتطلعت عليه وركزت عيوني بعيونو: على فكرة هلق عرفت شو مرضكن انتو اتعذبتو وعم تنتقمو مابلومكن عالم عقلن فيو نقص عادي تعملو هيك شي.. بس يكون بعلمك عم اتدلل اكتر ما كون برا ع القليلة عم اكل اكل متل الخلق وكمان جووووزييي حبيييييبي قاعد جنبي اووو احلى ايام

خالد: نوووورا حاااج تستفزيني

نورا: ماحكيت شي غلط انتو الغلط وانتو مرضى بدكن علاج
كان وجهو احمر متل الدم وهيي لساها عم تحكي من دون شعور رفع ايدو وبلش يضربا وهيي عم تسبو

نورا: الله يلعنك الله يكسر ايديك تركني بحالي.. تركنييييييي

وهوي يضربا بزيادة بعد ما فش قلبو تركا وطلع وقفل الباب 3 طقات وهيي عم تبكي وتتوجع .. قعدت وهيي عم ترجف وتردد ( الله ينتقم منكن) مسحت الدم من على وجها وركزت قعدتا مسكت سندويشتا وبلشت تاكل فيا ( انا بفرجيك والله لخبر الشرطة )
كانت عم تاكل كل لقمة مختلطة بالدم والدموع المالحة بس ماكان هاما شي بس تاكل وتبكي

دخل خالد لعند امو وقلا: اتطمني ماعرفت شي

ام خالد: شو قرأت معناها

خالد: يمكن مالحقت تقرا شي

ام خالد: بس هيي كانت ماسكتو وعم تقرا لا تكون خبت عليك

خالد: لا هالبنت غبية كانت حكتلي لان الحكي منا بيطلع لحالو مابتقدر تخبي.

تاني يوم ما جبلا الفطور وحماتا ابدا ما قربت لعندا والمسا مر لعندا حطلا نص جاجة ومعا اغراض لبس وشامبو وطلع من دون ما يحكي اخدت الاكل واكلت اتحممت وبدلت تيابا وكانت عم تسرح شعرا ب ايديا لما دخل وعيونو لمعو لما شافا .. قرب منا ومسكلا شعرا وشبك اصابيعو فيه وصار يسرحلا اياه ارتبكت وعرفت شو غايتو وبقيت ثابتة قرب منا بزيادة ومسكا من خواصرا وقرب شفايفو من رقبتا....

#بصيص_أمل

قصة جديدة: #بصيص_أمل
.............
قراءة ممتعة🦋💙"
#ⴅÂÐЄĦÂ

أن تبلغها حبك ..
بتصرفاتك معها
بأهتمامك بها
بكبريائك الفطري
هذا ما يسمى بالحب فعلاً ..
الحب أيضاً كلمة لكنه ليس كلمة فقط (-)
فالحب كذبة تحتاج لتصديقها
وانت وحدك من تعرف كيف تصدق كذبتك .. لا احد يفهمك بحجم ما انت تفهم نفسك ..
لكنها لا تستحق ان تصدق تلك الكذبة أذ لم تفهم حبك باهتمامك بافعالك باسلوبك بكبريائك الغير عادي بنظراتك المتكبرة اصطناعياً ..
بردات فعلك حين ذكر أسمها ..
بغيرتك اللا ارادية حينما تجدها تتكلم مع غيرك ..
لم يقل أحبك امام العالم أجمع .. هو قالها لك فقط وبلغته الخاصة 💚 فافهميها جيداً فنادرون كهذا يا عزيزتي 🌷
#بصيص_أمل
#زين_العابدين_ثائر

#بصيص_أمل

الجزء #السابع (7) :

ام نورا: احكي شبك

نورا: خلص مافي شي.. طيب وبخلن انا شو دخلني فيه

ام نورا: شي نهار نمتي جوعانة

نورا: هوي بجبلي اغراض احيانا وهني بياكلو ولا بيسألو عني.. وبيتركني كل النهار مقبورة بالبيت

وقفت وقربت منا وحطت ايدا ع خدود بنتا: يا بنتي لو زوجك رجع ع البيت وشاف مرتو مجهزتلو اكلة طيبة ومستقبلتو بابتسامة وحب كان نطر الساعات والدقايق ليرجع ع بيتو يلي بلاقي راحتو فيه بس جوزك يمكن ما لقا هالشي معك

نورا: شو بدي اعمل اكتر من هيك

ام نورا: فكري منيح انت امنتيلو كل متطلباتو غيرتيلو حياتو.. ودفيتيلو بيتو بحنانك وضحكتك الحلوة ولا دائما نكد.. خليتي يحبك.. ويستنى ليخلص شغلو ويرجعلك.. بالعكس انت خليتيه يبعد عنك.. اذا حابة ترجعي لهون مطلقة وع ايديكي ولد هاد الشي راجع الك.. بس شايفة وضعنا كيف شغل ابوكي وشغلنا انا وخواتك اكيد ما بتتمني ترجعي لهيك وضع ولشغلك مع اخواتك

باستا من جبينا وتركتا وطلعت
بقيت نورا بالغرفة عم تفكر ولقت في صح من حكي اما هيي ابدا ما حاولت تغير في شي كان دائما ماعاجبا اي شي بالبيت وكل ما بيجي تبلش تحكيلو ع فصول امو كانت تكرّهو بالرجعة لعندا مابينتلو اي اهتمام لحتى يتعلق فيا
بقيت ناطرة عدة ايام وما اتصل ولا بين الو خبر وصحيت بعد اسبوع ع نزيف ووجع قوي ركضت اما فيا ع الدكتورة ودقولو لخالد ولحقن
الدكتورة: الصراحة المشيمة مثقوبة ويمكن يصير اجهاض

نورا: يالله شو السبب

الدكتورة: مابعرف انا شايفي علام فُطور والتهابات

نورا: صح الي زمان بعاني من وجع بس قلت يمكن من الحمل

الدكتورة: لازم نعمل تحاليل الك ولزوجك

خالد: بس انا شو دخلني

الدكتورة: لازم اتأكد من نوع الفطور ..ولازم تريحي حالك وتبعدي عن التوتر

رجعت ع بيت اهلا حبت ترتاح عندن وخالد اخد التحاليل وراح ولا حاول يحكيا بالموضوع بس وصاها تدير بالا ع حالا
ونورا عرفت انو خيفان ع الجنين ما عليا وبعد يومين طلعت التحاليل
راحت ع الدكتورة مع خالد يلي اجا لتحت البيت واخدا بالسيارة استقبلا خالد ب ابتسامة وعطاها وردة حمرا فرحت كتير لان مهتم فيا وبلشت ترتاح
وكانت حالتا بلشت تتحسن والنزيف خف ع الادوية

الدكتورة: هلق انت هاد اول زواج الك؟

نورا: انا اي

الدكتورة : وانت كمان؟

خالد: اي اول زواج

الدكتورة :وكان في علاقات من قبل

جمد خالد بمطرحو وبلش يحمر: اي اول زواج

الدكتورة: قصدي علاقات

خالد: خير شو في

الدكتورة: الصراحة انتو معكن فيروس وهاد الفيروس خطير شوي يعني هوي عم بسبب تأاكل بالمشيمة وبالنهاية بموت الجنين واذا اتطور اكتر منوصل لشغلات اخطر بعيد الشر طبعا

نورا: شووو!! طيب من شو اجا

الدكتورة: ما بيجي الا عن طريق العلاقات الغير شرعية

التفتت نورا ع خالد يلي شافتو محمر وعيونو عم تحكي وتحكي

نورا: خالد شوعم تقول الدكتورة انت كان عندك علاقات

خالد: اتركينا شوي ل اشرحلا للدكتورة

نورا: وانا بدي اعرف كمان

خالد: اكيد رح احكيلك

نورا: مستحيل اتحرك من مكاني ل اعرف لك انت نقلتلي مرض خطير

خالد: انا قبل ما اتزوجك كنت مسافر وهونيك اتعرفت ع وحدة اجنبية واتزوجتا

الدكتورة: من دون ما تعملو فحوصات

خالد: صار كل شي بسرعة

الدكتورة: وشوف نتيجة تسرعك شوعملت

نورا: يعني مافي امل اتعالج من هالمرض

الدكتورة: لا امبلى العلم اتطور بس الحمل بهالفترات رح يضر جسمك لان رح يصير اجهاض مستحيل يبقى عايش

نورا: وهلق الحمل؟

الدكتورة: النبض كان ضعيف ويمكن مايبقى كتير عايش

نورا: متل ما الله رايد

كانت عيونا عم تقدح شرار وبدا تهجم ع خالد وتضربو .. كذبو يلي زاد والمرض يلي جبلا اياه وهيي لساها ب اول عمرا....

طلعت من عند الدكتورة وقعدت بالسيارة جبلا خالد الادوية وقعد جنبا اتطلع فيا وكانت عم تدمع

خالد: بعرف شوبدك تحكي بس هاد ماضي

نورا: بس انا شو ذنبي تعطيني هيك مرض

خالد: لو الي خبر ما اتزوجتك وظلمتك معي بس الله هيك راد

نورا: الزواج صار بسفراتك

خالد: اي

نورا: حبيتا

خالد: ابدا

نورا: لكن ليش اتزوجنا

خالد: فيكي تقولي كانت المنقذ الي

نورا: من شو انقذتك؟

خالد: من كل شي

دارت وجها ع جهة الشباك وفتحتو ودخلت نسمة قوية اتنفس نفس دخل لكل جسما : ليش ما كنت بدك اياني

رجع ظهروا لورا وشغل السيارة وداس ع البنزين: انا ما كان بدي شي ابدا

نورا: شو صاير معك او بالاحرى شوصار معكم زمان.. انا مرتك ورح كون سترك وغطاك.. ولا ما معتبرني هيك احكيلي افتحلي قلبك

خالد: عادي مافي شي بس شوي تعبان

نورا: بدي ارجع معك

خالد: ما بدك ترتاحي عند اهلك

نورا: معك برتاح اكتر

ابتسم وغير طريقو ورجع ع البيت.. كانت اول مرة بتحكيه هيك حكي انبسط كتير وحس ب اهتماما وهيي قررت تنفذ وصايا اما خصوصا بعد هالمرض اكيد مارح ترجع وتقضي عليه لحالا والتةاليف غالية والولد ببطنا
رجعت ع البيت

دي العنوان عم اعمل هالشي كرمال جوزي

دخلت الجارة كتبت العنوان ع ورقة ورجعت عطتا اياه.. ودعتا ونزلت ع الدرج خبت العنوان ودخلت ع البيت.. وبقيت تفكر كيف رح تروح تشوف العمة
تاني يوم بعد ما اخدت اذن خالد لتروح ع السوق وفورا وافق لتتحسن نفسيتا لبست وطلعت لعندا
العمة: مين حضرتك

نورا: انا نورا مرة خالد

ابتسمت العمة: كيفو خالد يقبرني.. هوي بعتك ؟

نورا: الحمدلله منيح.. الصراحة انا حبيت اتعرف عليكي

العمة: وام خالد الا خبر

نورا: لا ابدا والله بتقتلني ما بتحبني اتعرف ع اهلو لعمو والصراحة في شي قالقني

العمة: شو هيي

نورا: موت عمو

العمة: يعني بدك تعرفي كيف مات

نورا: اي لان كتير خيفاني منن

العمة: اف ليش خيفانة

نورا: احكيلي كيف مات ل احكيلك

العمة: الدكتور قال كان عندو ارتفاع بالسكر دائم وهالشي خلا عضلة القلب عندو تتعب وهني ما اسعفوه تركوه ليموت

نورا: ومن شو ارتفع السكر عندو

العمة: اكيد هيي كانت تعطيه كميات سكر زيادة او انسولين زيادة

#بصيص_أمل

#الجزء #الثامن (8):

نورا: معقول تعمل هيك !

العمة: بتعملا هيي كانت بدا تنتقم منو بكل الاشكال وبس تعب وقعد انفردت فيه وكتبلا البيت ومشت ابنا ع كيفا

نورا: يعني الشرطة ماحققت

العمة: رجال كبير ومعو سكر ومات مابدا تحقيق هيك قالو...

نورا: بس انا عرفت انو اخوكي كان يعذبن ويحبسن

العمة: صح مابنكر اخي كان قاسي شوي بس هيي ما قدرت تصلحو خلتو يصير اسوأ

نورا: شو بدا تصلح لتصلح ليكي خالد اققل من ابوه وماقدرت غير في شي مع اني حاولت كتيير

العمة: لا خالد غير امو وابوه بعرفو قلبو طيب

نورا: يمكن يكون قلبو طيب بس مابدو اياني كان بدو الولد والولد مات وهلق من جيتي لعندك وكشف الماضي الله يعلم شو رح يعمل فيي

العمة: خالد مرق ب ايام صعبة كتير.. الله بيعلم شو هيي.. بعد موت ابوه انعزل عن العالم ومعت سمعنا عنو خبر وحتى امو دابت عليه لحتى طمنا عنو وصار يبعتلا مصاري

نورا: يعني سفرياتو كانو وقت موت ابوه

العمة: اي سافر كتير لحتى استقر ورجع معو مصاري وبلش شغل جديد

نورا عم تحاكي حالا وتربط قصة زواجو بشغلو وسفرياتو ببعض

نورا: ماشي ل امشي قبل ما ينتبهوا ع غيابي

العمة: انت بس دقيلي بجيكي فورا

نورا: اذا لحقت بكونو حبسوني

العمة: ليش كمان عم يحبسوكي

نورا: اي لكن غرفة الترباي يلي كان اخوكي يستعملا.. اكيد لو حاولتو تغيروه ماكانو وصلو لهون واكيد كنت هلق مرتاحة

العمة: ماكان حدا يقدر يرفع صوتو عليه كان قاسي كتير

نورا: كلكن الحق عليكن انا شو ذنبي اوصل لهون مابعرف

العمة: لا خالد منيح ما متلن

نورا: لا متلن يمكن اخف من ابوه ع القليلة بحن عليي وقت كون تعبانة ما متلا هيي بلا قلب يلا عن اذنك بدي امشي

طلعت نورا ووصلت ع اققرب صيدلية وسئلت عن مرض السكر وطلعت وهيي مصدومة اكيد هني قتلوه لان خالد ندمان وخايف من عقاب ربو رجعت ع البيت وبقيت كل اليوم مانا ع بعضا وحتى ما نامت بالليل بقيت خايفة وتسبح ربا.. صحيت تاني يوم ع صوت حماتا وخالد معا
فتحت عيونا: خالد مانك بالشغل

خالد: وين كنتي امبارح

نورا: بالبيت

ام خالد: حاج تكذبي عرفنا كل شي لك يا غبية رايحة لعند جارتي عدوتي لتسأليا.. شو بدك من عمة خالد اه احكي

نورا وقفت بتحدي: رحت ل اعرف السر المدفون

قرب منا خالد وكان مخطوف لونو: شو عرفتي

نورا: عرفت مين قتل ابوك

مسكتا ام خالد وشدتا من ايدا: شو ماحدا قتلو هوي كان تعبان

نورا: لا اي انتو قتلتوه وانا معت اققعد معكن هون مع ناس قاتلة

رجعت شدتلا ع ايدا :نحنا ما قتلناه هوي كان تعبان

قعد خالد ع التخت وعيونو بالارض ماقدر يرفع راسو

عصبت ام خالد بزيادة وحست حالا بورطة مالقت الا حل واحد انا تسحب نورا وتحبسا بالغرفة ومن دون اي مقاومة لنورا وهالشي زاد من عصبية ام خالد بعد ما طلعت وقفلت الباب رجعت فتحتو واخدت الدفاية واتطلعت فيا بلئم وطلعت

نورا: الله ينتقم منك
قعدت وسندت راسا ع ظهر التخت وحست بلش البرد يدخل من كل الجهات وبلشت ترجف من بردا غطت حالا بحرام صغير كان موجود وغمضت عيونا الا زمااان مادخلت ع هالغرفة كانت ماشي بالخطة منيح شو يلي صار دائما بتفشل معقول هيي غبية متل ما قالتلا .. هيك كانت عم تفكر وهيي مغمضة عيونا
صحيت تاني يوم وماعرفاني شو الوقت بس الشمس طالعة هيك مبين من شباك صغير ب اخر الغرفة قريب من السقف
نورا: انو معقول ماعملت حسابي خبي شوية اكل بشي مكان معقول ماحدا حس فيني والله قلبي رح يوقف جوعااانة

بقيت ناطرة ليجي خالد ويطالعا كان لسا عندا امل فيه تنام وتفيق وترجع تنام وتفيق وماحدا بين.
مرقت اول ليلة والثانية والثالثة لحتى خالد فتح الباب ع الهسة وحطلا كيس اكل وطلع بسرعة
نادتو نورا: خالد عم استناك
رجع فتح الباب واتطلع بعيونا
نورا: ارجعلي بدي اياك
هزلا براسو وسكر الباب
اخدت الكياس فين سندويش ومعلبات وشوكولا وعصير ومي وخبز يمكن اول مرة بجبلا هيك كيس من اول

ما اتزوجو مسكتو وخبتو تحت التخت واخدت سندويشة اكلتا بشراهة ورجعت قعدت ع التخت بقيت ناطرتو
وردو مرقو يومين تانيات كانو الاصعب على نورا ظلمة ووحدة وبرد وماكان عندا امل تطلع
وب اخر اليوم السادس لحبسا بالليل فتح الباب خالد ودخل بسرعة وقفل الباب وقف عم يلقط نفسو
نورا: شو صاير ليش هيك لونك مخطوف

خالد: واخيرا نامت

نورا: وبركي فائت

خالد: لا ما رح تصحى لبكير

نورا: وكيف جبت المفتاح

خالد: عملت منو نسخة اليوم

نورا: وقبل وين كان عقلك

خالد: ليش انت خليتي فيي عقل.. خدي هاي تياب وشوية اكل

مدت ايدا نورا واخدت منو الكياس: معقول هالقد بتخاف منا انت ابنا مارح تحبسك متلي شو كل هالرعب الزارعتو فيك

نزل خالد راسو ومشي وقعد جنبا: انا مابخاف بس بحترما

نورا: هلق هاد احترام انا شايفي الخوف بعيونك

خالد: ماما عاشت ايام صعبة كتير وما بقدر زيدا عليا بعرف غلطانة وكتير بتغلط بس بتضل امي

مشيت وقعدت جنبو ع التخت مسكتلو وجهو ب ايديا الناعمين ولفتو لعندا: اتطلع يعوينو انا شو بالنسبة الك

خالد: مرتي

نورا: وبس

خالد :شو قصدك؟

نورا: يعني انت ماحبيتني..

خالد: حبك !!؟؟

نورا: اي يعني يدق قلبك لما تشوفني

خالد: اي وشو كمان.. احكيلي عن الحب.

#بصيص_أمل

الجزء #التاسع (9) :

حط راسو ع اجريا وهيي حطت ايديا على شعراتو وصارت تلعبلو فين وبلشت تحكيلو :
الحب هو السعادة.. والامان.. هوي سر صغييير موجود بقلوبنا وسبب كبييير لنعيش حياة كلا دفئ وراحة.. الحب مثل نبتة صغيرة بتكون جواتنا مزروعة وبتحتاج لرعاية يومية لتنما وتكبر ومع مرور الايام بتصير شجرة كبيييرة متينة الجذور
يعني متل ام بتحب ابنا يلي عم يكبر ب احشائا يوم ورا يوم بس هيي بتحبو من دون ما تشوفو
يعني لما حب شخص واتمناه يكون زوجي الي وبس ولاحدا غيرو.. انطروا كل يوم بالدقايق والساعات ليجي وتشوفو عيوني

رفع راسو وكانو عيونو كلن دموع: هلق كل هاد اسمو الحب

هزتلوا براسا وابتسمت
خالد: وهاد الحكي موجه الي
رجعت هزتلوا براسا وعيونا كلن دموع
خالد: هلق انا ماعم اققدر اققعد بالغرفة بلاكي هاد الشي اسمو حب

بلعت ريئا ودمعة نزلت ع خدودا: اكيد كل شي قلبك بريدو هوي حب

خالد: ليش ماعلمتيني ع الحب من زمان بتعرفي قلبي عم يدق كتيير هلق..

ابتسمتلو من دون رد دموعا كانو عم يمنعوا

رجع حط راسو ع اجريا ورجعت تلعبلو بشعراتو

خالد: انت مسدئتيني

نورا: احكيلي لسدئك

خالد: كان ابشع اب كان ظالم دائما يضربنا ويحبسنا هون ويتركنا ايااام ماعندو قلب

نورا: ليش كان يعمل هيك

خالد: كان اناني ما بحب الا حالو.. لك اتخيلي اذا طبخت طبخة ماعجبتو يضربا ويحبسا ويقلا انا عم ادفع حق الاكل لحضرتك تنزعيه ومرة ضربا لان حطت كيلو لحمة وعملت فيه كباب انا قلتلا مشتهي عليه

نورا: بس ليش امك صارت متلو انا عم شوف امك نسخة عن ابوك

خالد: لا الماما ما متلو الماما حنونة بس هيي اجت بنت 13 لعندو ربيت ع ايديه وصارت متلو بس قلبا طيب

نورا: قلبا طيب وعم تحبسني هون من دون اكل ودفا

خالد: انت قلتيلا بدك تخبري الشرطة
رفع راسو وقلا: بدك تجيبلينا الشرطة

نورا: لا شي قديم وراح

خالد: لكن ليش اشتغلتي من ورا ظهرنا

نورا: خفت منكن تقتلوني والله خفت

خالد: بس نحنا ما قتلناه.. ماما خربطت بعيار ابرة الانسولين ومات وهيي خافت يفكروا قتلت يقومو يحبسوا

نورا: لك عم تضحك عليك هيي اتقصدت تعمل هيك بعد ما كتبلها البيت ب اسما

خالد: لا ما بتعملا هيي نسيت وخافت يحبسوا من دون ذنب بس هيك

نورا: لك الواحد بخربط مرة ما اكتر لك ابوك كام يوم عن يوم عم يتعب معناها كانت كل يوم عم تزيد جرعة الانسولين.. لكن ليش هيك خيفانة وحبستني وكمان ضابعتك لان خيفانة نخبر عنا انا متأكدة هيي قتلتو مشان تخلص منو

خالد: ماما ما بتعمل هيك

نورا: طيب متل ما بدك .. بس خلينا نروح نتركا ونعيش ببيت لحالنا خليا تحس ب ايمتنا منتعالج منيح ويمكن الله يطعمنا الولد وبعدين منرجعلا

خالد: انا ما بترك امي بتموت بعدين من زعلا

نورا: لا ما بصرلا شي بس خليا تحس انك بتحبني ومابتقبل اني انحبس هون الله يخليك خلينا نروح نعيش حياتنا سوا اكيد رح نكون مبسوطين

خالد: مابعرف مابعرف بدي فكر.. ووين رح نسكن؟

نورا: منروح مكان ما كنت مسافر منتعالج الاجانب شاطرين ومنرجع بس فترة صغيرة

خالد: انت شايفة الوضع كيف من سيئ ل اسوأ ما رح اققدر اترك امي

نورا: انا بدي عيش معك من دون ما اترك الباب مفتوح ولا حدا ينكد علينا حياتنا

خالد: مابعرف.. مابدي.. لازم فكر منيح.. هلق خلينا نحكي عن الحب

نورا: انا بردانة بس بدي اتغطى

اتمددت وحطت راسا ع صدرو وبقيو يحكو لغفيو
كانت ليلة متل الحلم علين تنيناتن
رغم كبر عمر خالد الا او انو كان بيجهل بكتير امور لقلة خبرتو ونورا كانت اوعى وافهم منو ببعض الامور .. حياة خالد كانت محصورة بين مشاكل اهلو .. ربي وكبر عليا وبالاخر قدر يأمن شغلو ويوقف ع اجريه ب

عد كل التعب النفسي يلي مر فيه .. موت ابوه وضغوطات امو عليه خلتو يحس بالنقص

فتحت الباب تاني يوم علين ام خالد بعد ما عرفت انو ما نام بغرفتو وشافت نورا نايمة ع صدرو لخالد صرخت صوت خلتن يرتعبو اتنيناتن وقف خالد وقرب لجنبا
خالد: شبك رعبتيني

ان خالد: شو دخّلك لهون ومنين جبت المفتاح

خالد: عندي واحد بغرفتي

ام خالد: طلاع لبرا بسررعة

خالد: ماما هاي نورا مابدا تحكي شي للشرطة خليا ترجع ع غرفتا هون برد كتير حرام

ام خالد: لك بدك تجنني هاي غدارة اكيد رح تحبسنا.. من ايمات انت هون

خالد اتلبك: من امبارح

شدتو من ايدو : طلقا

خالد: شو

ام خالد: عم قلك طلقا

خالد: لك ليش ما انتي جوزتيني ليش بدك طلق

ام خالد: نورا هون بعقاب وانتي عم تدخل لعندا تجبلا اكل ليك اذا ما بدك تطلقا رح اغضب عليك وموت بحسرتي وتكون انت السبب
والله بكرا بجوزك احسن منا وتجبلك الولد

خالد: بس انا بدي نورا

عصبت ام خالد وكأن الدخان بلش يطلع من عيونا حطت ايدا ع قلبا وهيي عم ترجف وبلشت تمثل التعب وصرخت فيه صوت خلتو يقلا طالق وطلع وراح

ام خالد: برافو تربايتي هالولد وانت انا بفرجيكي رح احرمك الاكل والشرب مشان تعرفي تتطاولي عليي بعد ما جبتك من الشارع وعملتك خلق وعالم لازم تتعلمي ما تتطاولي عليي

نورا: بس انا بدي جوالي لحكي اهلي بعدين بيقلقو عليي

ام خالد: اي هلق بخليكي تحكين اقعدي انقبري
طلعت ورجعت بعد وقت قصير حكت اهلا واتطمنت علين وقالتلن ماكان في شبكة من الوضع.. ورجعت قفلت الباب عليا ومشيت قعدت نورا ع تختا وحطت ايدا ع تما وخنقت صوت البكي.. وكأن كل شي بنتو من قبل اتهدم كل الكلام قبل بليلة كان متل السراب على خالد فورا نسيه استجاب ل اوامر امو وطلقا.. معقول رجال بهالعمر وبخاف من امو هيك..

بقيت قاعدي ع وعم تبكي وتبكي وماحدا بين لحتى صار الليل قعدت تستنى عدة ساعات لحتى تتأكد ما حدا رح يجي لعندا مشيت بخطى هادية وكلا خوف فتحت باب الحمام وحطت ايد ع حرف الخشب والايد الثانية مقابيلا وبلشت ترفع ايديا واجريا لحتى وصلت لسقيفة صغيرة موجودة فوق التواليت قعدت ع الحرف وهيي عم تنظم نفسا وهمست بخوف ( يارب قويني وييسر امري )

#بصيص_أمل


الجزء #العاشر (10) :

مدت ايدا وسحبت بلاطة كبيرة كانت حاطتا طالعت شنتة صغيرة هيي عبارة عن شنتة ظهر بقلبا شوية تياب ومحابسا وشوية مصاري اخدتن من جوزا وشوي صمّدتن وهويتا وجواز سفر طالعتو بطلوع الروح وبالسرقة عملت كل هالشي قبل ما تبلش تسأل وتستفسر لان كانت عرفانة شو المصير المستنيا بس بقي عندا امل ب خالد يكون رجال ويوقف بقربا..

طالعت جوال وشغلتو مسكت ساعة صغيرة كانت حاطتا وشافت الساعة صارت 3 بعد نص اليل اتنهدت وقالت ( لازم امشي هلق ) نزلت الشنتة ونطت ع الارض .. طالعت جاكيت طويل الو طاقية وحجاب سميك ليدفيا بهالبرد لبست ولفت المصاري ع بطنا بشال ابيض وربطت بوطا وحطت حجابا والشنتة ع ظهرا وطالعت مفتاح كانت مخبيتو فتحت الباب شوي شوي ورجعت سكرتو وقفلتو ومشيت ع روس اصابيعا وهي عم تدعي ربا ماحدا يحس عليا وصلت لباب الدار طلعت ورجعت سكرتو وبلشت تركض وتركض لحتى امنت انا طلعت برا الحارة طالعت انينة مي شربت منا شوي ورجعت تمشي بخطى سريعة عم تحاول تبعد مسافة اكبر .. وبلشت تنزل حبات المطر ع وجها الصغير الخشن من عدم الاهتمام فيه بهالايام السودة يلي مرت فيا عدلت تيابا وحطت الطاقية غطت راسا منيح ومشيت شوي شوي تبعد عن برك المي

{وإنها تجد نفسها كمن يحاول عناق السماء...
وإنها تجد حبات المطر تهطل على وجنتيها كالدماء...
وإن همسات روحها لأنقى وأصفى من الماء...
وإنك لتراها وكأنها لونت قلبها الأبيض بالطلاء...
وكأن السواد في عينيها يزيده عمقه صفاء ونقاء...
ترى أهي من الإنس أم الجن؟
أهي حتى من الأحياء!
أهي واقع أم خيال!
أهي من الأرض أم هي من الفضاء!}
*
بقيت وقت كبير تمشي لحتى بلشت خيوط الضو تطلع مع انو الوضع صعب وكتير حواجز بس قدرت تبعد عنن
وصلت ع منطقة الكراجات وسئلت عن موعد برلمانات الاردن بس كان باقيلا ساعتين طلعت ومشيت حوالين الكراج شافت مطاعم كلا مسكرة بس في مطعم واحد مبين عم يشطف وينظف قربت منو وكانت عصافير بطنا عم تزقزق
نورا: بلشت شغل ولا لسا

_ لا والله عم نظف لسا ونجهز

نورا: يعني ما بتقدر تجهزلي شوية اكل والله كتيير جوعانة
وقف ومشي لثواني ورجع قلا بلشو تجهيز فوتي ارتاحي جوا من المطر دخلت وشافت طاولة صغيرة بزاوية المحل كانو مخلصين تنظيف بقربا سحبت الكرسي وحطت الشنتة ع كرسي تاني مسحت المي عن وجها واتنهدت ( الحمد لله يارب كملا معي بالخير) سكتت وبلشت تتذكر كيف قرت تخطط لكل هالشي...

كان حاسسا قلبا رح ترد تنحبس بعد تخبصاتا لكشف الماضي خطرتلا هالفكرة وخبت كل شي بسقيفة هديك الغرفة بعد ما نظفتا ورتبتا لان حماتا ابدا ما كانت تدخلا من خوفا منا اما خالد ماكان يهتم لشي وهاي أأمن مكان.. واخدت المفتاح ونسخت عليه بصعوبة ..

_ يا ا