#خطيئة_الاموات #الجزء_الثاني
#بقلم_رند_محمد
@rwayate
لما : يالله شو بحبو لمهران
روعة : الله يخليكن لبعض ويتمم ع خير
لما : ايي نشالله قومي نطلع نتمشا ..
-------
كنت نايمة والبيت كلو هدوء امي نايمة وبابا بشغلو تقريباً الساعة 6 المسا ..
حسيت ع صوت شخص عم يبكي ، فتحت عيوني وئمت طلعت ع الصالون فكرت امي يلي عم تبكي ..
فتحت باب الغرفة بسرعة لقيتا نايمة ، رجعت طلعت وسكرت الباب والصوت لسعتو قوي ..
كل ماكنت قرب من باب غرفة الضيوف كنت اسمع الصوت اقوى ، فتحت الباب ئمت شفت شي اسود بشعر طوويل اسود دامس ..
مابعرف شو هو بس خيال اسود و الو شعر اسود عيونو كانو مو واضحين ، وقت شفت هالمنظر هاد عرفت انو مو كائن طبيعي .. ارتعبت و اصفر لوني ، بلمح البصر كان مختفي الصوت ومختفي الخيال ..
طلعت من الغرفة بسرعة و انا مرعوبة و قلبي عم يخفق مو معقول يلي شفتو ، صح انا ما بخاف بس كان منظر مرعب كتير ..
مافكرت كتير بالقصة ، رحت عل مطبخ عملت قهوة وفيئت ماما ..
ماما : جسمي مكسر تكسير كأني مو نايمة
روعة : ليش مارتحتي !؟
ماما : مبلا ، بس شفت كوابيس كتير ..
روعة : اممممم ، نشالله خير
ماما : قومي شطفي الجنينة ورتبيا مشان نسهر فيا البيت جوا شوب ..
روعة : اي يلله ..
ئمت ساوي الجنينة ، رتبتا ع الاخير و انا عم غني وسقيت الزريعة ، بس كنت عم حس بتقل مو طبيعي كأنو في شي عم ينطبق عليي ...
بعدت شوي من الجنينة ئمت دخت ، قربت عل كنباية استندت و اعدت ..
اول ما اعدت حسيت كأنو شي لمس كتافي وحرئني كأنو سيخ فيه نار ، التفت لاتطلع على ايدي ، لقيتا سودا ومحروئة ..
ركدت بسرعة عالمطبخ لاحكي لامي وشوف بشو حترئت
بس الغريب انو لما وصلت لعند امي ماكان في حرئ ولافي وجع لحتى اختفى كلشي بلمح البصر ، شافتني امي كتير ملبكة ،
امي : شبك
روعة : ولاشي ، راجعة كمل شطف كنت بدي اسألك ازا صار الاكل جعت
امي : شبك روعة ، عم نستنا ابوكي
روعة : اي نسيت ..
رجعت عل جنينة و الافكار عم تاخدني وتجيبني ، شو عم يصير معي ، اول ماطلعت عل جنينة اتغيير عليي المنظر ، مابعرف شو صرلي بس ماكنت عم شوف جنينة ولا زريعة كنت عم شوف سواد بسواد والزريعة كلا نار .. بوقتا وقعت عل ارض وماحسيت الا و امي فوق راسي و ابي عم يقرالي ويصحوني ..
اعدت و كان في تقل كتير ع راسي ، قلي بابا : انا صار عليي تقل فظيع ماعد اقدر ، اديش بساعد ناس وبحل مشاكل بس انتي ماعم ائدر ..
بقيت عهالحالة ، تعب بجسمي قوي .. ووجع راس يوميااً و متسطحة بالتخت ماعم اتحرك ..
كل وقتي كنت ضل صافنة ، افتح كتبي لادرس و انسا حالي ماحس الا وأمي عم تنكشني وتصحيني ..
اوقات كون نازلة ع الجامعة و انسا حالي و انا راكبة بالباص ، يروح فيني ع اماكن بعيدة بدون ما انتبه ..
ضل شاردة ..
كنا اعدين انا وامي و اختي سوسن عنا ..
سوسن : يا امي سلفي ماهر بدو يخطب ، بتعرفي وضعو ممتاز وحليوة و اكابر وحاطت عينو ع روعة شو رأيك ؟
ماما : اي ليش لاء ، والله منشوف يا امي الجماعة مناح وماعليهن حكي
سوسن : لكن رح قلا لحماتي انو انتو ماعندكن مشكلة يجو يسهرو عندكن وبتشوف روعة وماهر شو بقررو
روعة : بس انا مابدي انخطب ، مين قلكن انو حاطة ببالي هالقصة !!؟
سوسن : ههههه سمعي امي هالسمعة
امي : صرتي كبيرة معلش منستقبلك عرسان
روعة : مابدي ماااابدي ، عم تفهموووو مابدي ..
تركتن ورحت ع غرفتي ..
طبعاً ماردو عليي بيلي حكيتو و اخدو موعد اهلو لماهر وقررو يجو لعنا المسا يسهرو ويحكو بالموضوع ..
استنيت للمسا ، اول مادخلو الجماعة وقربت سلم عليهن ، شفتو لماهر كان بدي اضحك عليه كيف صاير ، اسسووود كتير سمارو غامق كتير كتير ، وعيونو سووود الليل واصلع .. منظرو بخوف ومو خرج زواج مابعرف اختي كيف لقيتو مناسب !؟؟
بعد ماسهرو عنا و اعدو وقت طويل قررو و اخيراً يقومو يروحو ..
بلشو بابا وماما يتهامسو وهن عم يتطلعو فيني انو شو رأيك !!
التفتت لعندن و انا معصبة كتير : انت عجبكن الشب ؟
ماما : اي يخزي العين حولو جمال ومال و اخلاقو ، عيونو الخضر والشعر الاشقر والبياض كامل مكمل ماشالله
روعة : ههههههه لحظة لحظة شو قلتي ؟
شقار !! بيااض !! عيون خضر !!
من وين شفتيه بالمواصفات هي ، الزلمة اسود متل الليل
بابا : روعة شبك انت بتعرفيه من قبل وهو اشقر متل صهرك عماد
روعة : ههههه ماشي رايحة نام ، بس يتصلو قلولن انئلعو مابدا تتجوز
لفيت وجهي ورحت ع غرفتي
( كنت عم شوفو بشع كتير ومو نفسو الشخص يلي اسمو ماهر ) ..
------------

#الجزء_التالت_الرابع #خطيئة_الاموات
#بقلم_رند_محمد
@rwayate
ماكنت ارضا بخطابين نهائياً وبس اسمع انو جايينا حدا جن وابكي و ائلب وجهي وما ارضا فوت قدامهن ، حتى انو غيير شكلي كتير اوقات فوت و انا ماني مسرحة شعري او فوت بالبيجامة ..
كنت اعدة عم البس و نضف لبيت ، لما عمتي كانت عنا عم تساعدني كمان ..
فجأة بيتصل مهران يلي بتحبو لما ،
قلا : كيفك لما
لما : الحمدلله
مهران : اليوم جايين لعندكن زيارة انا و اهلي
لما : عنجد عم تحكي !! اهلا وسهلا
سكرت التلفون وهي عم تضحك وقلبا عم يرقص رقص ، رتبنا البيت مزبوط وستنيناهن ليجو ، مهران و اهلة كانو من عيلتنا يعني في زيارات بس زيارات رسمية ..
اجو اخواتي الشباب و البنات التمو ، كرمال عمو ابو مهران وخالة ام مهران هن بحبوهن كتير لاخواتي و الي
كانت لما اعدة وعم تطلع ع مهران يمكن فرحانة فرحة للسما ، الشخص يلي بتحبو رح يصير الها ووفى بوعدو ..
ام مهران : الحقيقة نحنا منتشرف فيكن ..
و النا طلب عندكن ..
بابا : ولوووو انتو بتأمرو تفضلو
مهران ( اتطلع بعيون لما وهو عم يبتسم ابتسامة خبيثة وقال ) : بدنا نطلب ايد روعة لألي ..
انصدمت انا و انصدمت لما ، فوراً نزلو دموعا ع خدا وقامت صارت تبكي لدرجة انو ماقدرت امسك دموعي وبلشت ابكي معها ..
صارت تبهدلني وتخانئني وتقلي : انتي خطافة رجال ، بدك تسرقيلي مهران .. بعدين قربت لعند مهران وصارت تبهدلو ..
اخر شب تركت البيت وراحت ع بيت اهلا يلي هن بيت جدي ، والله انا ماكنت بعرف انو مهران واحد خبيث وهيك عم يخطط ، انا ما بعتبرو الا اخ وكنت متمنية يكونو هو ولما لبعض بس هو ليش عمل هيك ..
كل الليل كنت اعدة عم فكر بالقصة وكانت عندي ميرا بنت اختي نادين .. عمرا سنتين ونص ، انا متسطحة و عم العبلا بشعراتا لميرا ..
فجأة هي صارت تقلي : خالتو حلوة العروس يلي معلقة عندك بالسقف ..
ضحكت انا ومارديت هاد بضل كلام ولاد صغار ..
غطيتا ونمت ..
صحيت بنص الليل وكأن حدا عم يشدني من شعري ، صرت اتطلع حواليي ، شوف اشكال بتخوف شي عروس مشنوقة ومعلقة بالسقف شي بنت وجها مشوه ..
اتطلعت بزاوية الغرفة لقيت الخيال الاسود يلي شعرو طويل عم يبكي وكأنو متخبي ..
صرت صرخ بس ما يطلع صوتي حركتي مشلولة و ايديي ملفوفين بشكل بخوف ماعم اقدر اتحرك بنوب ..
للحظة يلي طلع فيها صوت الادان اختفا كلشي ماعد في شي ، ركدت ع غرفة بابا فيقتو وحكيتلو شو شفت و انا كل جسمي عم يرجف من الخوف ..
قرألي لحتى ارتحت شوي ، وبعدا نمت ..
كان موقف بخوف كتير ..
تاني يوم الصبح رحنا انا وماما لنوصل بنت اختي الصغيرة لعند امها ، اول مادخلنا ع البيت كانت هنيك حمات اختي ..
شافت شكلي كيف صايرة و اديش نحفانة ..
حمات اختي " ام سعيد " : كيفك روعة
روعة : منيحة ..
ام سعيد : ليش كتير نحفانة ووجهك سالت .. شبك اختي ام ايمن مو شايفة بنتك
امي : اخخخ خليا ل الله
ام سعيد ( هزت براسا ) : امممم ، قومو لعندي عالبيت عوزتكن بموضوع ..
ام ايمن : ليش ؟!
ام سعيد : عندي حل خلص تعي معي
امنا بدنا نروح ..
سوسن : وين رايحين
ام سعيد : يلا ماما ، راجعين جهزي الغدا ..
نركنا البيت وطلعنا ع بيت خالة ام سعيد ، اول ماوصلنا دخلنا ع بنايتا بس ماطلعنا لبيتا نزلنا للقبو ، دقت الباب ودخلنا ..
كان بيت لست كبيرة بيت كبير كتير مرتب ونضيف
رحبت فينا ست كبيرة ودخلتنا ع غرفتا ..
ام سعيد : كيفك ام عصام
ام عصام : اهلا وسهلا ام سعيد
ام سعيد : جاييتك بطلب وماترديني خايبة ..
هي روعة ، بنتي التانية بدي تشوفيلا اذا في عليها شي ..
ام عصام : تكرم عينك .. يلله رح شفلا ..
اشرتلي بأصبعتا اعد مواجها وبلشت تقرأ ..
صفنت فيني و التلي ماعليكي شي !!
ام سعيد : رجعي شوفي كمان ..
رجعت غمضت عيونا وقرأت شي ، بعدين فتحت عيونا و اتطلعت عليي وهي وجها اصفر ..
اتطلعت بأمي و ام سعيد و التلن : من وين بدي اقدر شوف و البنت مسحورة !! ليكو واقف وراها اسود بشعر طويل وبخوف ، حاجز كلشي بحياتا ..
ام سعيد : رح تساعديا مو هيك !؟
ام عصام : تركولي شي من اترا ، وروحو رجعو بكرا ...
—----------

#الجزء_الخامس ( انتهت )
@rwayate
#بقلم_رند_محمد
رحنا لعند خالة ام سعيد مشان موعدنا عند ام عصام ، اول ماوصلنا فتحتلنا الباب ، فتنا لقيتا متسطحة ومريضة كتير .. سألتا ماما شو صاير معها ..
ماما : خير ام عصام فيكي شي
ام عصام : كشفي ع ضهري وشوفي شبني
رفعتلا ماما البلوزة وشافت اثار ضرب بعصاية وجسما كان مورم و احمر ..
استغربنا ،
ماما : شو هاد !!
ام عصام : مبارح كل الوقت و انا عم اشتغل لروعة كانو عم يضربوني ، البنت يلي عاملتلا السحر ناوية تحبسون بجسما ماعم يرضو يطلعو منها ...
روعة : سلامتك خالة ، اذا كنت سبب بوجعك لاعد تكمليلي خلص
ام عصام : لا انا بدي ساعدك ..
اعدنا بغرفة فاضية وصارت تقرأ عليي لحتى ماعد حسيت ع شي بس الصوت يلي جواتي كان عم يبكي ويصرخ ويقول : مابدي اطلع .. لما بتحرقني
و ام عصام كانت تحااول معو و تقرأ بس هو متسلط عليي كتير وماعم يرضا يتركني
آخر الشي بعد عذاب ووجع توجعتو بجسمي وتعب صحيت ..
كانت ام عصام عم بتقول لازم نعملو صلح
عطتنا الطريقة يلي حيصير الصلح فيها ورجعنا ع بيتنا ..
اتسطحت ع تختي و كنت تعبانة وموجوعة ،
ماما راحت تعملي كاسة عصير .. فتحت موبايلي لاتسلا شوي ، بالصدفة كبست زر الكاميرا قام طلعت ع الكاميرا صورة وجه اسود وشعرو طويل مرخي على وجهووو ، انا تلبكت وتصورت الصورة ..
رجعت دخلت ع استديو الصور مالقيت الشكل يلي ظهرلي ع الكاميرا ، كانت الصورة للخزانة وبس ..
يالله ماعدت خايفة من شي ، بس شكلو ماعم انساه بخوف كتير ..
بعدين اتطلعت بغرفتي شفتو نفسوو كان اعد بزاوية الغرفة عم يبكي ونصو عم يحترق بنار .. انهارت اعصابي وصرت اصرخ : لككك شو بدك مني !!!
خلص مشان الله تعبت !!
فجأة اختفا ، فاتت امي بسرعة اعدت معي وضلت جنبي كل الوقت ، وهي ضاممتني رد رجع ظهرلي صرت اشرلا لأمي محل مو اعد بس مانا عم تشوفو
قربت منا وضميتا اكتر و غمضت عيوني حتى ماشوفو ..
حسيت بنار ع جسمي ، فتحت عيوني وبعدت شوي عن صدر امي شفتو رجعت واقف فوق راسي شكلو بخووف اسوود بأسود وعيونو مخبايين وشعرو مرخي عليي ..
صرخت من خوفي ، صارت امي تقرألي و اجا بابا كمان قرألي هيك لحتى هديت اعصابي و ارتحت شوي ..
حطيت راسي ع المخدة و التفكير آكل شقفة من دماغي ، وغفلت ..
بالوقت يلي نمت فيه ،اتصلت لما بأمي وكانت عم تبكي وملهوفة ..
لما : الوو ، كيفك
امي : اهلين
لما : بدي قلك شغلة
لما : روحي فكيلا عند شيخ لروعة ، كلشي عم يصير معا بدل ع انها مسحورة
امي : شو عرفك انها مسحورة !!
لما : الاعراض يلي عم تصير معها والشوفات يلي عم تشوفا كانت تصير مع رفيقتي وطلعت مسحورة ..
امي : امممم
لما : بدي سكر يمكن اجانا ضيوف
امي : اي سلمي ، الله معك
لما اتصلت وكانت حاسة بالندم ع الغلطة يلي غلطتا معي ، حست انو انا عم موت بسببا ، هي ماكانت بتعرف انو نحنا عم نروح لعند شيخة ونفك السحر ، كانت بكل لحظة ضميرا عم يأنبا ..
صارت الدنيا ليل و اجا وقت الشغلة الاخيرة ليصير صلح و اتعافى من قصة السحر و الاذى ..
كان المطلوب انو بعد الساعة 12 نص الليل اعد بغرفتي لحالي ع العتمة ضو الشمعة بس والباب مقفول ..
في بخور وصحن ملح صغير ..
اذا بشوف هيك مشهد بأفلام الرعب بخاف كملو فما بالكن بأنو يصير بالحقيقة معي !!
مابعرف كيف تحملت نفذ هالشي كنت خايفة كتير ،
انا وحدا تاني معي بالغرفة .. @rwayate
مابعرف كيف الله صبرني وخلاني نام ، ماعد حسيت ع شي للصبح ..
كانت الشمعة مطفية وبصحن الملح في خط ..
بوقتا رحنا لعند ام عصام و قالتلنا ، خلص الصلح تم ومن اليوم ماعد تتأذي ابداً ..
رجعنا ع بيت خالة ام سعيد ونحنا مبسوطين انو الحمدلله خلصت من هالهم يلي كان ع قلبي ، نحنا و اعدين اندئ الباب ..
قالتلي ام سعيد قوم افتح ، طلع ابن اختا " فراس "
دخل ع البيت اخد غراض و راح .. ونحنا بعدا رحنا ع بيتنا ..
فجأة بتتصل ام سعيد !!
كانت عم تطلبني لابن اختا فراس ، قال شافني و اعجب فيني سألت امي عن رأيي !
انا هون حسيت انو شب منيح و ارتحتلو ، وافقت ومشي الحال ..
خطبنا انا وفراس و كان عرسنا بقيانلو 4 شهور ...
انخطبت لما كمان لشخص كان بالبداية كتير منيح بس بعدين انكشف ع حقيقتو وطلع حقير كتير معاملتو سيئة معها ويقتلا .. انا كنت ازعل عليها لانو لما متل اختي مو بس عمتي وهي كانت ندمانة وحاسة بغلطا كل ماتشوفني تضمني وتبكي ، بدون ماتحكي شي او تعترف بيلي صار بس من جواتا كانت ندمانة ..
وعشت حياتي مع فراس بعد الزواج وبقيت شوفا للما وسامحتا لان اوقات الانشان ممكن يغلط من حرئة قلبو او من وجعو .. انا صح ما اذيتا للما بس يمكن وقت طلبني مهران وهي كانت تحبو حترئ ئلبا ، يمكن لما كانت الناس تلاقيني احلا منا كانت تدايئ وصار في حقد بقلبا ..
وبالاخير انا مسامحتا لان بتضل عمتي و اختي ورفيئتي 💙
#واقعية

ورد : هاها .. هلأ فهمت ليش رولا كل يوم كانت تجي تقعد معي وتحاكيني وتسايرني ..
اجت لتاخد مكانك ..
ليان : يعني انت مصدقني ..
ورد : اي ، و انا مبارح اكتشفت انو رولا السبب ..
بتتذكري يوم يلي كانت بدا تجي لعندك
"" بنفس اليوم اجاني اتصال منها وكانت بدا ياني شوفا ""
بس انا مارضيت .. واستغربت منين جابت رقمي ..
فكرت انتي يلي عاطيتيا ياه مشان تحاكيني ، لان كنت مسكر موبايلي بهداك الوقت ..
ليان : شو الحل ..
ورد : بكرا رح قلك الحل ..
( نمت وانا عم ابكي ، مابعرف ليش !! يمكن شوق ل ورد ويمكن حزن ع حالي و يمكن من خيانة رفيقتي ) ..
اجا ورد تاني يوم ..
ورد : ليااااان فتحيلي الباب ..
ليان : مابقدر ، بابا بيموتني ..
ورد : لك ليان جدبة فتحي مارح يشوفك ، ضروري ..
فتحت الباب بدون ماحدا يحس عليي ..
لقيت ورد و رولا واقفين ع الباب ..
اتطلعت فيني رولا واتغيير لون وجها صارت سبه الليمونة ..
تطلعت فيها نظرة اشمئزاز وكره ..
هيه كانت عم تطلع فيني نظرة غرور ..
قرب لعندي ورد ..
عطاني باقة الورد يلي بإيدو ..
رولا صارت تزورني وتفاجأت من ورد ..
بابا وماما كانو عم يشوفو يلي عم يصير بس بهدوء ، مو فهمانين شو القصة ..
ورد : ليااان .. لاتفكريني ارتبط بهيك وحدة
رولا : شو عم تقول ، يعني مو جايبني لهون لنجاكر ليان متل ماقلتلي ..
ورد : ههههه نجاكر ليان ، لك ضفر ليان بيسواكي ..
جبتك لهون لاكشفك ع حقيقتك قدام الكل ..
يلله طلعي لبرا ..
ليان خطيبتي وبدي كمل معها .. و انتي غيورة وحسودة ..
انا كنت متفاجأة من يلي صار ..
ارتمت باقة الورد بين ايديي .. ريحتا عم تفوت لجوات قلبي وكأنها عم ترجعلي الذكريات ..
كل شي رجع لحياتي .. 😍
ورد وضحكتو وشروق الشمس والامل ..
وكملت باقي حياتي معو ..
#بقلم_رند_محمد
(( ماتقولو لسا في منو هاد !! .. اي في منو بس لما منختار الشخص الصح ))
و القصة من الخيال 😊

راح سامح و انا ضليت لحالي بالمكتب .. سحبت سيكارة وشغلتا واتطلعت من الشباك كانت الدنيا ليل والجو في هوا قوي .. تذكرت سليم ابن نزيه .. كان عندي شوية أسئلة وجوابا هو سليم .. أخدت غراضي وطلعت على محل نزيه كان فاتحو سليم و عم يشتغل فيه بدال أبوه ، سلمت و أعدت معو ..
صلاح : انا صلاح صاحب ...
قاطعني : اهلا استاذ صلاح معروف حضرتك تفضل ..
اعدت انا وياه ..
صلاح : الله يرحم الوالد كان زلمة محترم و بحالو مايغلط مع حدا
سليم : تعيش .. هو الآدمي والمنيح ماحدا بريدو .
صلاح : كيف يعني ؟
سليم : ابي مات قتل في حدا قتلو خنقوه بالغاز .
صلاح : طيب حكيلي كيف ومين وشلون عرفتو انو قتل ؟
سليم : ابي كان سهران بالمحل عم يخلص حساباتو ومارجع عالبيت لما نتصل فيه مايرد تاني يوم قررت اجي عالمحل ..
كان المحل مسكر وفي ريحة غاز طالعة منه .. فتحت الباب لقيت انينة غاز مفتوحة وابي وجهه أزرق ومرمي ع الأرض ..
الفكرة انو نحنا ماعنا غاز بالمحل ولا عنا أدوات مطبخ فشو يلي جاب الأنينة بهاليوم بالزات عالمحل .. وغير هيك لما اجا الدكتورة وفحصو قلي سبب الوفاة من الغاز بس كان في أثر لضربة على راسه .. الدكتور قال ممكن تكون حدا ضاربو وبعدين حط الغاز ليبين انو الوفاة مجرد حادثة .
صلاح : طيب مين يلي عمل هيك ، مين الو مصلحة ؟
سليم : انا بعرف .. بس مافيني آخد حقي
صلاح : طيب حكيلي .. خليني ساعدك
سليم : استاذ صلاح لو سمحت انا تأخرت كتير ولازم أمشي ..

طلعت من المحل وركبت سيارتي ورجعت عالبيت ، كان الوقت متأخر وانا تعبان لهيك نمت دغري .. باليوم التاني اجاني اتصال من ضابط الشرطة يلي كان عم يبحث بقضية البولمان لما انقلب ، خبرني انو رح ينفتح تحقيق رسمي لان قضية البولمان كانت عن قصد مو حادث و رح يتابعو التحقيقات وبس يتوصلوا لشي رح يخبروني ..

المشكلة انو مابدي اتذكر الشي يلي ماعم بنساه ، خليني عم بلتهي عن ضحكات نجمة وحركة شوق بالبيت .. ماني قدران فكر انوو هن ماتو و خلص وجودن من حياتي .. بس بنفس الوقت ماني قادر أتخيلن لسا معي ماني قادر اقتنع انو الأصوات يلي عم بسمعا هي مجرد تخيلات .. هن لساتن عايشين بقلبي بس تركوني لحالي وراحو ..

طلعت عالمكتب ولما وصلت لقيت سامح ناطرني : طولت كتير
صلاح : هاد وقتي بس انت شايفني بمنامك ..
سامح : اخدت موعد من الرجال ، اليوم الساعة 7 المسا رح نروح رح امرئ اخدك بسيارتي الساعة 6 ونص بكون تحت البناية
صلاح : طيب مستنيك ..
سامح : يلا سلام باشا ..
اتصل فيني عباس : اكابر ومن يومك اكابر صلاح بيك
صلاح : شو بدك ؟
عباس : بدنا الرضا يامعلم
صلاح : لما تحل عني انت ومعلمك رح يحل عليك الرضا ولو ماتركتوني بحالي يبقى الغضب رح ينزل عليك
عباس : هههههههه حلوة الثقة بس مو عالكبار .. على كلن امك وابوك مشتاقينلك كتير كساب رضاهن .. ههههههه
صلاح : هههههه غلطان ازا مفكر تهددني بأهلي بتعرف ليش ؟ لان صرلي 6 سنين ماتواصلت معهن وماني سائل عليهن ومابعرف ازا عايشين او ميتين ولا لأ .. فغيير الخطة تبعك لشي يفيدني اكتر منهن .
@rwayate
وسكر الخط .. حسيت دمي صار يغلي ، كيف وصلو لأهلي ؟
ماعد قدرت اتحمل خفت ليكونو عملولن شي لاهلي .. اتصلت فيهن ، ردت عليي بنت أخي الصغيرة وحكتلي انو تيتة عم تطبخ وجدو نايم .. سألتا عن صحتن وحكيتلا تنادي لتيتة لحاكيا .. اول ما اجت امي وقالت الو اتطمنت و ارتحت .. سمعت صوتا انو بخير ، وسكرت .. ماقدرت قلا ولا كلمة من خوفي عليها من حلفان أبي .. انجبرت احكي هيك مع عباس كرمال يحس انو أهلي مو مهمين بالنسبة الي ومابهمني وجودن وهيك بيبعد عن طريقهن وبدور على الشي التاني يلي يلوي دراعي فيه وطبعا هاد الشي مو موجود

#بقلم_رند_محمد #يتبع

صار موعد تسليم الشنتة أخدتا وطلعت بالسيارة .. الطريق كان طويل كتير وصلت لأماكن أول مرة بشوفا وفاضية ومافيا سكن ابدا .. وقفت عند العلامة يلي كانت شجرة واقعة على عرض الطريق وصرت استنا .. لحتى رن موبايلي .. أول مارديت في حدا حكالي تروك الشنتة و روح و إياك تلتف ع جنبك او وراك .. امشي بطريقك وبس
عملت متل ماحكالي .. تركت الشنتة ومشيت وركبت سيارتي ورجعت عالبيت
كل شي كان فايت ببعضو .. بعد شوي وصلتني رسالة على موبايلي من حدا عم يقلي افتح الباب ورح تلاقي صندوق .
فتحت الباب كان في عالأرض صندوق بقلبو في قماشة مفرودة بشكل مربع على قياس الصندوق وبس ماكان فيه شي تاني ..
سحبت القماشة كان تحتا في ورقة مكتوب عليها رقم وجنب الرقم مكتوب ' لو ماحكيت معنا رح تخسر '
اخدت التلفون و اتصلت ..
رد عليي حدا بصوت عريض : كنت متأكد من اتصالك
صلاح : مين انت وشو بدك بسرعة احكي
الرجال : ههههه على طول معصب .. سمعني بلا كترة حكي
بكرا الساعة 8 رح يتم التسليم عن طريقك ورح تاخد البضاعة لشريف أحمد .. بشارع القلعة القديمة ..
صلاح : لاقوا حدا غيري ، انا ما دخلني ...
الرجال : ههههه على فكرة بيت اهلك حلوو .. بس لو الشباك اكبر من هيك ...بتعرف موقعو يلي جنب الشارع وتحتووفي سوبر ماركت كبير كتير حلو ... باقي فوت لجوات البيت و اعرف مواصفاتو ...بس شو برأيك رح يعجبني ؟
صلاح : لو صار شي لأهلي او انخدشو خدش واحد رح انهيك انت وجماعتك كلن فهمان يا وسخ اوعا تفكرني خايف منك انا بايع حياتي والدنيا كلا
الرجال : يبقى على موعدنا بكرا .. سلام

سحبت كرسي و اعدت ع الطاولة وشغلت السيجارة ..
مابعرف ليش الدنيا عم تضيق فيني .. مابعرف شو يلي وصلني لهون .. يمكن الفقد بخلينا نعمل المستحيل .. يمكن النقص بخلينا نشتغل عالزيادة بطريق غلط .. يمكن الطريق مجهول بالبداية كان واضح ومعلوم بس بكل خطوة عم تظهر إشارة X وتتعقد الأمور ..
اتصلت بشريف وخبرتو عن الاتصال يلي اجاني وعن الموعد ..
شريف : روح جيب البضاعة وعميل متل مابدو
صلاح : هالمرة مارح اشتغل ببلاش .. انا بدي مبلغ مقابل الشغل
شريف : اديش بدك ؟
صلاح : 3 مليون
شريف : مليون وبس .. لاتنسى انك متورط و وقت تضرنا رح تضر حالك قبلنا ..
صلاح : موافق ..
شريف : رح حط المصاري برصيدك بالبنك و ابعتلك الوصل لباب بيتك
صلاح : لاء .. الساعة 7 ونص عباس بجبلي الشنتة والوصل عالمنطقة نفسا بسلمني ياهن و بيمشي و الساعة 8 بسلم شريكك
شريف : موافق
-----------------
تاني يوم جهزت حالي عالموعد وطلعت .. المكان كان شبه صحرا مافيا حدى
اول ماوصلت كان عباس عم يستناني و بإيدو شنتة المخدرات .. نزلت من سيارتي وشغلت سيكارة : هي الشنتة بس ولا في غيرا ؟
عباس : هههه مو عاجبتك هي ..
هزيت براسي وسكتت
عباس : هاد الوصل
اخدته وحطيتو بجيبي
.. صوت سيارات شرطة من بعيد خلال ثواني كانت سيارات الأمن و الشرطة محاوطة المكان ..
أخدو الشنتة و مسكوا عباس ومسكوني ..
بقينا بالفرع لحتى بلش التحقيق معنا .. كنت مفكر حالي خلص ابتليت و رح انحبس معهن و اعتبر متعاون معهن .. بس بلحظة سؤال الضابط الي عن طبيعة شغلي جاوبتو فوراً اني عم بتعرض لابتزاز لسبب مجهول ..
طبعا بالبداية ماصدقوني .. ورجعوني عالحبس ..
بعد ساعتين نادوني وحكولي طلعت براءة في حدى حكا معنا و بينت براءتك ..
وهيك طلعت من الموضوع .
عباس بقي محبوس وثبتت التهمة عليه .. و بلش يعترف عن شريف و الناس يلي متعاملين معها و العمليات كلا ..

رجعت على بيتي وكنت تعبان من اعدة السجن و القصص يلي صارت معي .. كنت حاسس بخنقة جوات روحي ، ماحدا حاسس بوجعي غيري ، ماحدا نفسيتو متدمرة قدي .. ماحدا قرفان الدنيا قدي .. يمكن لو متت بشي عملية وكنت الضحية كان أهون عليي من العزاب يلي عم عيشو كل يوم ..
كلن كانوا كسبانين بس الخسران الوحيد هو انا ..

#بقلم_رند_محمد #يتبع

طلعت لعند سليم ابنو لنزيه اخدت عنوان بيته من تاجر ورحت لعنده ، كان عندي دافع أعرف عن أبوه معلومات ..
وصلت على العنوان يلي كان معي ، شغلت سيكارة و اتطلعت عالبيت من كل زواياه
ودقيت الباب هون طلع سليم فتحلي ، اول ماشافني اتلبك : اهلين استاذ صلاح ، تفضل
دخلت وأعدت انا وياه : سليم انا تقريبا فهمت كلشي بس ضل عندي كم جزء من الصورة ماتركب معي
سليم : استاذ فهمني انا مابقدر كون بصفك مابقدر، انا عندي ولاد ما الهن غيري
صلاح : ابوك كان تاجر مخدرات ويشتغل مع مروان صح!؟
هز براسو : مزبوط
صلاح : احكيلي كلشي يلا

سليم : كان مجرد بائع صغير بمحلو ما إلو بالتجارة ولا بالسلطات ولا بالاستيراد حتى بضاعتو كلا كانت من تجار السوق والجملة .. بيوم من الأيام اجا لعنده حدا من رجال مروان وصار يشتريه بالمصاري .. كان هدفن الرئيسي انو أبي يوزع البضاعة بحكم بشاطة محلو ماحدا رح يشك انو توزيع البضاعة عن طريقو .. وشوي شوي بلش أبي ينعرف بين التجار الكبار و سيطو يوصل .. بيوم من الأيام أبي قرر انو يتوب ويترك هالمصلحة والشغل ويعيش حياتو لحالو بعيد عن المصايب ..
رغم كل المصاري يلي صارت عندو بس حس بالذنب ..
مجرد ما فكر هالتفكير ، اجو وقتلوا أخي زيدان كان عمرو 12 سنة وهددوه لو بفكر يبعد رح يقتلوني أنا و أختي .. وبوقتا أيي انغصب يضل انجبر يضل لأن خاف علينا .. وقتا عرف انو الطريث يلي فات فيه ما منو رجوع وما منو خلاص إلا الموت .
أبي لما شاف عباس عندك وسمع من التجار انو صرت تشتغل معهن قرر يحذرك لأن عرف انو بالبداية رح تغريك المصاري بس بعدين رح تندم .. وبعد ما عرفو انو أجا وحذرك قتلوه وخلصوا عليه وغالباً يلي بفوت مابيطلع وهو عايش

صلاح : ايوا ايوا .. طيب مين غير مروان كان يشتغل مع ابوك؟
سليم : مروان و شريف و كان في شخص مجهول اسمو خفاش الليل ماحدا بيعرف مين هو .. بس معروف انو زلمة قوي

بعد ماطلعت من عند سليم حسيت بحزن كبير ولوم كبير انو انا و ابي كنا السبب بدمار عائلة .. ياترى لو سليم عرف انو ابي هو خفاش الليل شو ممكن يعمل ؟ معقول يقتلني !! او يقتلو الو !!!

#بقلم_رند_محمد #يتبع

الجزء الرابع والاخير #بقلم_رند_محمد #في_داخلي_أنثى_وهمية
Telegram:@rwayate
مرت فترة خطبتي و كنت مبسوطة كتير مع شادي ، الحدا الحنون يلي الله بعتلي ياه هدية من السما لينسيني كل عذابي ووجعي ..
كل يوم يحاكيني ويسايرني .. بينلي اديش بحبني من خلال افعلو ، بعمرو مازعلني ولا خانقني ..
اليوم فئت من بكير و انا تعبانة مكربة ودايخة وراسي رح يفجر لهيك اضطريت ضل بفرشتي .. وما اتحرك ..
بعد شوي انصل فيني شادي ..
شادي : كيفا رمرومة قلبي
راما : الحمدلله ، كيفك انت
شادي : تمام ، شبو صوتك ، هناء مزعلتك
راما : هههه لا لا ، انا مرضانة من الصبح
شادي : يييي راما شبك شوفي
راما ؛ لاتخاف لاتخاف ، شوية كريب ودوخة
شادي : يلله دقيقتين وبكون عندك ..
فعلاً بعد شوي اجا شادي لعندي وجبلي معو شوكولا ..
شادي : سلامة قلبك ياروحي
راما : الله يسلمك
Telegram:@rwayate
شادي : رمروم بس تتحسني بدنا نحدد موعد العرس يلله صحصحي
راما : هههه اي يلله هه صحصحت
شادي : هههه اي يلله يلله ، ليكي رايح عندي شغل انا ، المسا ازا فضيت بجي لعندك
راما : اي ماشي .. الله معك
-------
رحت ع شغلي بس ماكنت ادران اشتغل ، كل تفكيري و قلبي عند راما ..
ماني مصدق ايمتا يصير العرس .. لحتى تكون حبيبتي ملكي ادام الكل ..
الدرجة يلي بحب فيها راما ، ماممكن حدا يتصورا ..
مراد : لك ماني مسدئ ايمتا يصير عرسك ياشادي وترييحني .. لسا منكون عم نشتغل وفجأة بتصفن
شادي : هههه يالله منك ، خلص رايح عالبيت انا
مراد : اي الله معك ، اصلاً خالصين شغل
رجعت عالبيت و كنت عم اتغدا ، اجا ابن اخي الصغير و بأيدو موبايلي ..
خود عمو عم يدقولك ..
Telegram:@rwayate
شادي : ييي هناء شو داققتلي ، يالله شوفي ..
رجعت اتصلت بهناء مرت ابوها لراما .. ردت عليي : اهلين
شادي : شوفي ليش داققتلي كتير ، راما فيا شي
هناء : لا لا ، بس راسا وجعا كتير ومعدتا لهيك جبناها ع المشفى عطوها ابرة وسيروم لان ما اكلت شي بس مافيا شي ..
شادي : يلله يلله جاي لعندكن دقيقة ..
ام شادي : شبك
Telegram:@rwayate
شادي : راما مرضانة و اخدوها ع المشفى ، انا رايح
ام شادي : خدني معك تعا
شادي : بعدين
وصلت ع المشفى و انا ماسك قلبي بإيديي ..
شادي : شوفي
هناء : مافي شي بخوف
العم : مافي شي شادي بس كريب وشي طبيعي
الدكتور : اتطمنو مافي شي الحمدلله ع سلامتا بس في شوية تحاليل لازم نعملا و نتأكد .. ورح متركا عنا بالمشفى يومين وبعدين بتطمنو ع سلامتا ..
بقيت راما يومين بالمشفى وطلعت نتليج التحليل كانت سليمة ومافيا شي ..
رجعنا ع البيت و راما كانت متحسنة ومافيها شي ، اعدنا نخطط للعرس و حددنا الموعد ..
كنا فرحانين كتير وعم نحضر للعرس ..
مر يومين عهالقصة وراما بلشت بالتحضيرات والتجهيزات .. و انا كنت مشغول بفرش البيت ..
اتصل الدكتور نفسو تبع المشفى فيني وطلب مني روح لعندو ..
Telegram:@rwayate
هلأ انا استغربت ليش لازم روح ، بس مع هيك قلت اكيد في شوية نصايح بدو يقلي عليهن ..
رحت لعندو بس فاجئني بإنو نتائج التحاليل طلعت مخربطة واالتحليل يلي عطوه لراما كان لشخص تاني..
الدكتور : التحليل لصبية تانية ، نحنا اسفين ع الخطأ
شادي : هلأ مابدي تعتزر بس قلي تحليل راما فيهن شي يعنيي
الدكتور : بصراحة ومابدي خبي عليك ، في ورم ع الدماغ
شادي : شووووو انت مابتفهم ، اول شي بتقول سليمة وهلأ جاي تكزب .. مستحيل صدقت والله لجبلك الشرطة
الدكتور : هدي يا ابني هاد خطأ بصير بكل المشافي مو بس عنا .. و بتحب تتأكد منعيد التحليل
تركت الدكتور وطلعت من المشفى و انا عم ابكي و ضعف الدنيا كلا فوقي ، حاسس بوجع جوات قلبي ..
كيف بدي عيش لك شو بدي اعمل ..
Telegram:@rwayate
قررت استعجل بالعرس لضل عايش جنبا لراما ودير بالي عليها ،، لعيش كل لحظة معها ..
خبرت عمي و مرتو وصارو يبكو كتير .. راما لهلأ ماكان عندا خبر بيلي صار ..
بس صارت تدوخ و معد ادرت تتحرك وصارت تضعف .. لهيك صار وقت تعرف بمرضا ..
راما : كان قلبي حاسسني ..
راما صارت تبكي ..
شادي : لاتبكي ، نشالله رح تطيبي ورح نتزوج ونجيب ولاد ..
راما : مارح طيب ، مافيني طيب ..
بكيت وحرقت قلبي بدموعا يلي كانت عم تنزل ع ايديي ..
وجعت روحي من جواتا ..
بيوم من الايام فقت ع صوت موبايلي ..
او فقت ع صوت الخبر يلي قلي راما ماتت ..
« ماتت » و موتت قلبي معها ، موتت الامل يلي زرعتو فيني .. كنت عايش مشان ضل معا .. بس ماتت وياريت روح معا ..
-------
Telegram:@rwayate
ام شادي : هاد اخر شي كنت عم اسمعو من ابني « راحت وياريت اخدتني معا » ...
شادي اتعذب كتير ، ياما اصحا ع صوتو بالليل وهو عم يبكي متل ولاد الصفار ..
بيوم من الايام فتت لعندو ع الغرفة وبدون ماينتبهلي ..
شفتو ..
كان حاطت المخدة وحاطت عليها طرحة عروس عم يحكي معها ويبكي : شو تمنيت شوفك بالابيض ادامي ..
تمنيت لو لحظة وحدة بس وقف جنبك وانت بالابيض ..
بس كان نصيبي اني شوفك بالابيض و انتي مكفنة والقبر لامم ترابك ..

#ذبول_الورد_كاملة
#بقلم_رند_محمد
Telegram:@rwayate
لما حطت إيدا ع كتافي حسيت كأن هي اول مرة بتلمسني .. انطفت تعصيبتي وبلشت اهدا و روق
- ياسر : بس اكتر من مرة نبهت عليكي

- غيداء : انا اسفة

مسحت وجهي بإيديي : استغفر الله خلص انا اسف عصبت عليكي و انت مو ذنبك

- غيداء : عادي

- ياسر : انا طالع مع فادي

طلع وسكر الباب وراه و انا رجعت ع الصالون اعدت بكل برود اعصاب كالعادة تعودت كون باردة وما رد بكلمة اساسا اعصابي صارت باردة من وقت هديك القصة
______________
______________

طلعت بسيارتي و انا عم اتنهد وحاسس فيني غصة : ليش هيك عم اتصرف معا شو ذنبا ...
Telegram:@rwayate
طفيت السيارة و رجعت دقيت الباب ..
فتحتلي غيداء ولفت وجها وفاتت
- ياسر : برد كتير برى

كانت موطية راسا وعم تفك الصوف المربوط ببعضو : خليك هون جنب الصوبيا

- ياسر : علاقتنا تغيرت

- غيداء : اي

- ياسر : انقلبت حياتنا ويمكن لا انا طايقكن ولا انتي طايقتيني

كانت عم تفك الصوف بقوة وعصبية آخر شي نزلو دموعا وحكت بغصة : لك مليت ماعم ينفكو عصبوني رايحة ع غرفتي

- ياسر : بكيتي من الصوفات يلي مربوطين ببعض ولا بكيتي من الحقيقة

- غيداء : بكيت لان ايديي مربطة وقلبي مكسور و انت كاسر خاطري

- ياسر : اوووف

- غيداء : انت كرهتني يمكن ايي ، بس انا بحبك شو يلي غيرك شووو بس قلي شو .. تلت شهور بهالمعاملةالسيئة ليش ؟ شو قصرت ؟

( اعدت ع الكنباية و انا عم ابكي و ياسر اعد بغرفة النوم وبقينا هيك للمسا )
______________

لما كان عمري 18 حبينا بعض انا و ياسر عشقتو وعشقني .. اهلي مارضيو فيه لان هو فقير ونحنا اغنياء
كان في فرق بمستوى معيشتنا ، رفضوه مع اني حاولت بشتى الوسائل .. انتحرت و بكيت وحرمت حالي عن الاكل والطلعة والفوتة ومع هيك مارضيو .. .
بيوم من الايام قررنا نتزوج و اترك اهلي ، وافقت وتزوجتو
تركت اهلي و اتبرو مني ، ماعد تواصلو معي ابداً ووصلني خبر انو بابا قسم الورتة لأختي و اخي و انا منعني من اي شي .. ما اهتميت لان محبتي لياسر بتفوق المصاري و الاموال وكان بدي ياه الو وبس
Telegram:@rwayate
اول سنة زواج كانت كلا حب وغرام متل المسلسلات عشت احلى سنين حياتي فيا .. بس بعدين بلشت المعاناة
___________________

ضلينا ماعم نحكي مع بعض انا وياسر .. تحولت حياتي من حب وغرام لجحيم .. حياتي صارت عبارة عن اني فيق بكير حضرلو القهوة و اعطيه ياها من تم ساكت ..
وحضرلو الفطور ونفذ طلباتو بدون ولا كلمة .. والكلمة الوحيدة بيناتنا هي " شكراً "

كنت واقفة بالمطبخ عم افرم البصل ودموعي عم ينزلو مابعرف اذا عم ينزلو من القهر او من البصل فعلاً
سمعت صوت ياسر ورايي : انتي طالق

مسحت دموعي .. وحطيت ااسكين من ايدي و رحت ع غرفتي .. لميت غراضي بالشنتة وسكرتا بعدين اعدت بالارض وقربت رجليي لعند صدري و صرت ابكي و اشهق و انا عم قول : ليش .. انا بحبك ليش هيك عملت ، وين روح بحالي هلئ .. مين بدو يوقف معي
Telegram:@rwayate
وقفت و انا مهدودة وحاسة كل ضعف الدنيا فوق راسي .. اخدت الشنتة وطلعت من البيت ، ياسر كان اعد بالصالون وحاطت ايديه ع راسو .. طلعت وسكرت الباب ورايي
_______________

لما طلعت غيداء ، حسيت روحي يلي طلعت مني .. بحبا ، بحبا ، بس كتير صعب نضل سوى

مسكت تلفوني واتصلت بفراس : الو .. دبرلي بيعة للبيت و جهزلي وراق الضرائب رح وقعا

- من مدة حكولي انو في تجرة مرتبة اذا شاركت فيا بمبلغ بسيط ممكن اربح مبالغ طائلة من وراها ، بعد مشاركتي فيا وتوقيعي للعقود انكشفت اللعبة و اكتشفت انو التجرة كانت نصبة .. والتجار الكبار استخدمو اسمائنا كواجهة وعأساس نحنا الاساس و اترتبت كل الضرائب و الكمبيالات ع اسمائنا وهن نفدوا لبرات البلد .

كنت عرفان انو رح انحبس فترة طويلة ويمكن كل عمري قضيه بالسجن وكنت بعرف انو غيداء رح تستناني كل العمر ومارح تعيش حياتا ، مافي قدامي غير هالطريقة لتكرهني وتنساني .. وكمان بدي اوفي قسم من الضرائب ببيعة هالبيت .
___________________

بعد ماطلعت من البيت ماكنت عرفانة وين بدي روح ، اعدت ع طرف رصيف وحطيت شنتايتي جنبي .. تذكرت وقت ياسر قلي : بحياتي مارح اتركا لحبيبتي .. و اعطاني وردة وباسني

كمان اتذكرت وقت قلي : كتير بحبك ورح خليكي مبسوطة كل حياتك .. بعمرو مارح ينقص عليكي شي لا مصاري ولا حب ولا حنية ..

خلف بوعدو معي ونقص حب وحنية ..

بتذكرو لما غمزني وقلي : صرتي إلي و اخيراً

وبتذكر وقت كنا اعدين لحالنا قام فاجئني بباقة ورد و كاتو بعيد ميلادي يلي انا نسيتو

بتذكر كلشي .. كلام الحب يلي اتحول من صدق لكذب .. بتذكر ضحكتي معو .. ولمعة عيوني وقت شوفو

بكيت لحتى اتعبت ، سندت حالي ع الحيط وغمضت عيوني
____________________

تسطحت بتختي وعيوني ع السقف و انا عم فكر بغيداء : ياترى وينا !! وين راحت ، شو عم تعمل ؟ ياترى غلط يلي عملتو !؟
Telegram:@rwayate
غفيت وفئت تاني يوم الصبح .. صرت اتصل ع موبايل اختا لغيداء لاتطمن عليها ، بس ماردت عليي اختا فصلتلي .. هن من الاساس ماحدى فيهن بيحكي معي و طالما عرفو اني طلقت غيداء فشي اكيد يقطعو التواصل بيناتنا
سكرت موبايلي وطلعت لعند فراس ، كملت وراقي و دفعت مبلغ بسيط وشفت الزلمة يلي بدو ياخد البيت .. رغم عجقة الشغل والهموم بس كنت مشتاق لغيداء وعم شوفا حوليي وبكل دقيقة ..

رجعت عالببت وكنت عم افتقد لحس غيداء بالبيت وحركتا وقت تتفتل من غرفة لغرفة ووقت تضحك او تقلي بحبك و آخر فترة وقت تقرب لعندي وتجرب تحكي معي برواق وتسمعمي شي كلمة حلوة و انا بعدا .

اشتقتلا ورح موت بغيابا .. بس هاد احسن حل خليا هي عند اهلا رح تتعود و انا عم دبر اموري و كمل همومي
_____________

هاد اليوم التاني الي و انا بالشارع وبالبرد .. حاولت اتصل بأهلي بس العوني وسكرو بوجهي قبل مايعرفو قصتي .. وكيف بدي روح لعندن وهن مابدن ياني .

كان معي ورقة وقلم ، كتبت عليها ..
Telegram:@rwayate
_____________

بعد يومين كانت الدنيا ليل
اشتقت لغيداء زيادة وصرت ابكي متل الولاد الصغار .. ضميت فستانا وصرت اشهق و ابكي
اخدت مفتاح سيارتي و طلعت لعند اهلا ، صرت دق الباب ونادي : غيداء ياغيداء

فتحتلي الباب اختا : روح من هون

ياسر : مشان الله سمعي مشان الله .. غيداء وين

طلع ابوا لغيداء : وين غيداء ؟

مسحت دموعي : ليش مو عندكن ؟

ابوا : وين بنتي ياحيوان وين تركتا تروح

نزلنا انا و ابوا وصرنا ندور عليها بالسيارة ونفتل من مكان لمكان .. وش الصبح وصلت لشارع قريب من بيتي

شفتا مرمية ع طرف الرصيف ومغمضة عيونا .. حاولت فيقا
عيونا كانوا متل الملائكة ، ووجها مدور ، ابتسامتا مرسومة رسم ع تما .. خدودا بردانين وزهريات ..

شديتا ع صدري وضميتا و قرأت الورقة يلي كانت بإيدا

( كان لك في قلبي بيتاً لكنك هدمته .. كان لك في قلبي مكانةً لكنك حرقتها وحرقتني معها .. عندما اموت ستموت حرقتي معي وسيصحو ضميرك النائم )

صرت اصرخ و ابكي .. غيداااااء
ماتت الحنونة ..
تركتني غيداء ..
غيداء ياعيوني .. اومي بحبك
بدي ياكي
غيداء ..

#بقلم_رند_محمد ❤️