#ابتلعت_جمراً #الحلقة_1
#بقلم_رند_محمد
@rwayate
شبك ياروحي ..
- مافيني شي تعبان شوي حبيبتي رجعي نامي
- شكلك تعبان زيادة لاني شايفة في دموع بعيونك شبك احكيلي شو صاير معك ؟؟
- بحر ، والله مو صاير شي ابي تعبان شوي و انا محروئ قلبي عليه
- بحر : طيب روح شوفو اتطمن عليه
- يزن : اخخخ ياريت فيني شتئتلو و اشتئت لأمي ولأختي فاطمة والله ناطف قلبي عليهن
- بحر : رح ساويلك قهوة تروئ حالك فيها شوي
- يزن : طيب روحي ..
—------—
اعدت أشرب القهوة انا ويزن كنت عم فكر بشغلات كتيرة ، عم فكر كيف بدي افتح تمي و احكيلو ياها ليزن .. اتطلعت فيه وكنت مترددة بين اني قول او ماقول ..
يزن : شبك بحر احكي في بتمك حكي
بحر : ممم هئ مافي شي بس بدي اسألك عجبتك القهوة
يزن : طيبة مع انو ناقصة شوية سكر
بحر : رح حطلك اصبعتي فيها
يزن : لاهيك رح تصير حلوة زيادة تؤبريني
بحر : ههههه بعيد الشر ياعمري
حبيبي !! بدك تتركني وترجع لعند اهلك
يزن : انتي روحي بس اتركك يعني رح اترك روحي يعني رح موت بلاكي ، اهلي بكفة و انت بكفة هن غاليين عليي و انتي غالية مافيني ضحي بحدا فيكن ..
هنن هالفترة معصبين بس نشالله عن قريب رح يحن قلبون علينا
بحر : و انا كمان مستحيل اتركك لو شو ماصار ..
نحنا تعذبنا كتير لوصلنا لهون ومستحيل نفترئ مرة تانية ..
—------—
"" قبل اربع سنين ""
كنت كل يوم شوف شب حلو واقف ع البرندا وعم يتطلع ع برندا بيتي كل نهارو عم يراقب ..
كل ماكون واقفة ع البرندا شوفو عم يتطلع عليي ..
بالبداية ما كنت اعطيه وش بس بعد فترة صرت دوور عليه صرت استناه ليجي يوقف ع البرندا وشوفو ادامي ..
مرة كنت واقفة عم انشر الغسيل مافي حدا معي
اتطلعت ع البرندا يلي مواجهنا كان هالشب واقف عم يتطلع عليي ، كان عم يحكي ع التلفون وبصوت عالي وباين شارد ، كان عم يسأل الشخص يلي معو عن الجو والبحر عندو ، وبالصدفة لفظ اسم بحر التفتت لعندو انا وبهدلتو كنت مفكرتو عم يتغزل فيني ..
لما فتت ع البيت لجوا صرت اضحك بوقتا عرفت انو كان عم يحكي ع التلفون وانا تسرعت ..
بعد يومين كنت نازلة ع الدكان صدفت اني التقيت فيه بأول الحارة ، اربت منو شوي شوي وحكيت معو ..
بحر : مرحبا
— : اهلاً
بحر : انا بس حابة اعتذر منك ع يلي صار من كم يوم عنجد انا اسفة ماكنت بعرف انك عم تحكي ع تلفونك فكرتك عم تحكي معي
— : ولايهمك ماصار شي ، بس عفواً انت اسمك بحر ؟
— : آيي ، و انت
— : انا اسمي يزن
بحر : فرصة سعيدة ، عنئذنك
—-------
يزن : كانت هي اسعد فرصة بحياتي ، الساعة يلي شفت فيها بحر وعيون بحر يلي متل مية البحر ..
رجعنا كل مين على بيتو وهو عم يفكر بالتاني ..
كنت ناطر يجي الليل لاطلع اعد ع البرندا و اتطلع ع برندا بيت بحر ، استناها ..
لما اجا الليل ضليت اعد عم بتأمل نجوم السما كانت لمعة النجوم بهديك الليلة عم تصرب ع بلور الشباك عند بحر كنت متمني شوف لمعة عيونا مع لمعة النجوم بس هي ماطلعت .. تعبت و انا استتا وفتت نمت ..
بقينا ع هالحالة شهور تقريباً ..
بعد فترة شهرين كنت نازل ع شغلي والجو مطر وعاصف كتير ، نزلت و انا عم اركد حتى ما اتبلل كتير بالمطر .. فتحت باب سيارتي وطلعت وشغلت لأمشي .. فجأة بلاقي صبية حاطة شال خفيف ع راسا وعم تدئ عليي شباك سيارتي ..
نزلت الشباك ..
بحر : مرحبا ..
يزن : اهلين هاد انت
بحر : اي انا ، بدي عزبك معي معلش توصلني لاول الشارع لاقدر اركب بالميكرو كتير مطر و برد ..
يزن : طلعي طلعي .. لوين طريقك
بحر : انا طريقي ع شارع الزيتوني ، بس انت وصلني لعند الموقف وشكراً الك ..
ئلبت المرايا لجهة عيونا ، كانو رموشا متبللين بالمطر وخسل شعرا المدهبيين عم يلمعو شفايفا حمر وخدودا بيض كتير ..
اتنهدت و قلت " دخيل الله " ..
بقيت عم سوق و انا عم فكر فيها ، كنت متمني يطوول الطريئ بس رفضت اني وصلا للمكان يلي رايحتلو ..
بعد مانزلت لفيت وكملت طريقي ، معئول ياربي معئول تكون هي هيه البنت يلي رح حبا ..
المسا لما رجعت ع البيت دخلت غيرت تيابي و اعدت مع اهلي ع طاولة الاكل .. كنت صافن كل ما اكل لقمة اتزكر ضحكتا وعيونا ..
مابعرف هالبنت شوعملت فيني ..
فاطمة : خير اخي وين صافن
يزن : مو صافن نعسان ..
فاطمة : اي روح نام
يزن : رايح ، تصبحو على خير ، امي فيئيني ع صلاة الصبح ..
—-------------
بحر : ميلانا ، اومي سهري معي ماني نعسانة
ميلانا : لك بحر روحي نامي ، تعبتيني هاااا الساعة 4 الصبح في حدا بفيئ حدا مشان يقلو تعا سهار معيوعنجد مجنونة انتي
بحر : لو كان فارس يلي عم يفيئك هلأ كنتي فئتي كرمالو بس مشان اختك مابتفيئي ماهيك !!
ميلانا : فارس حبيبي وخطيبي اما انتي اختي كل نهارك بخلئتي تصبحي ع خير
طلعت ع البرندا و انا عم اتأفف : هففف مافي حدا اسهر معو
ا
اتطلعت ع الشارع كان هادي كتير ومافي ولا حركة ماكان في غير صوت الادان بآخر الحي ..

#بلدة_الجماجم #الحلقة_1
@rwayate
#بقلم_رند_محمد
( تفاعلو لنزل الحلقة التانية اليوم المسا )
جان : لاتنسي ولا غرض الوراق كلا ضبيها بشنتة صغيرة و اصحك تضيع او نفقد شي ورقة
رشا : جان انا متوترة نحنا مو ئد هالروحة ولا ئد هيك مغامرة
جان : حبيبتي انتي ليش جبانة ، هي بسمة و تيم رايحين معنا وماحكو هيك خلص لاتخافي رح نكشف القصة
رشا : طيب
لملمت بقية الغراض وحطيتون بشنتايتي ..
انا وبسمة وجان وتيم منشتغل بمجال الشرطة بالتحقيق بتمر علينا قضايا اشكال الوان شي قصص قتل شي سرقة وشي خطف .. قصص متنوعة ونحنا بشغلنا كتير فريق مجتهد ومنحب نكتشف ونلاحق القضية لنتلمس كل رؤوي الاقلام ونكشفها
وباثناء شغلنا مرت علينا قضية من حوالي تلت سنين كانت اول قضية منستلما نحنا الاربعة سوا و بالاخير بتتسجل غامضة وضد مجهول ..
الحقيقة حاولنا نلاقي اي تفسير لهالشي بس ماعرفنا شو السر وبعد تلت سنين تكررت عنا جريمة شبيهة بهالحادثة يلي صارت معنا من قبل
كانت هديك الليلة باردة وفيها صوت رعد قوي عم يضرب ع شبابيك كل القسم وعتمة بكل المنطقة سهرانين بالمكتب وعم نحقق مع صبية عمرا بحدود 23 سنة متهمة بقتل جوز امها ..
كل ملامح البنت كانت بريئة يعني صح في ادلة انو هي القاتلة بس ملامحا الهادية وطبيعتا مستحيل تخلي اي حدا يشتبه فيها ويقول انو هي قاتلة
ونحنا بنص تحقيقنا وهدوء عام بالمكتب مافي اي حدا ..
حتى القسم كلو كاان شبه فاضي ..
فجأة انفتح باب المكتب بشكل قوي كتير ودخلت مرة عجوز شكلا كان مخيف كتير وشها مجعد وشعرا ابيض حاطة عليه شال اسود وشها كلو تجاعيد خافية معالم وشها الاساسية بشرتا سمرة غامقة والها حنية واضحة بضهرا صارت تقول انو مو مسموح هالبنت تطلع برات البلد و هي خالفت القوانين
وقف جان بوشها للعجوز وصار يخانقا وقلا كيف بتسمحي لحالك تدخلي ع القسم هلأ رح تنزتي بالحبس لانك مرة بدون احترام اصلاً مين يلي خلاكي تدخلي لهون رح حاسبو سدئيني ، قامت العجوز قالتلو بدون اذن وماحدا شافني اصلاً
انتفضت المرة وصارت تحكي بصوت خشن كتير بعدين مسكت عصايتا وشدت عليها بلمح البصر كانت مختفية هالمرة والصبية يلي جنبنا وقعت ع العرض وهي عم تختنق حاولنا نسعفا بسرعة و اخدناها ع المشفى بس ماقدرنا نلحقا وتوفت ..
انفتح تحقيق جديد مع المحققين يلي اتهموا انو استخدمو العنف مع الصبية لتعترف بجريمتا ، يعني كانت كل الشكوك عم تدور حولين واحد منا ، بس ماكان في دليل لهالشي ..
حاولنا نحنا كمان نكتشف عن طريقة موت البنت وبالاخص انو الطب الشرعي كان عم يقول انو كلشي بدل ع انو في حدا خنقا للبنت بشكل عنيف ..
تسكرت القضية من الجهات الاعلى وتسجلت ضد مجهول لان ماحدا قدر يمسك اي دليل يحاربنا فيه وحتى نحنا ماكان عنا اي دليل لأي شي صار
وفعلاً تسكرت القصة ومرئ عليها سنين ،
كنا اعدين انا وتيم وبسمة عم نتغدا جان كان ع الطريق ورح يوصل لعنا ، سمعنا صوت بواب القسم عم تفتح وتسكر فكرنا حدا من الشباب معصب وعم يفش خلقو طلعت انا وتيم لنخانئ يلي هيك عم يعمل لانو ازعجنا
بس ماكان في حدا الكل باستراحة الغدا ، البواب عم تسكر شكلا من الهوا .. اربت وسكرت شبابيك الغرف التانيين , فجأة بسمع صوت وحدة عم تقول لاتسكري خليه مفتوح
التفتت لورايي بس مافي حدا ، سكرت الشباك ورجعت ع غرفتي ..
بعد اربع دقايق وصل جان وكان معصب فات ع المكتب ولحش مصنف كلو وراق ع طاولتنا وقال اوووموو ايمة القيامة وانتو عم تاكلو شرفووو جريمة جديدة ..
بسمة : لعما جريمة شووو ، لك كترانة الجرايم هالايام شو هاد
جان : البشع انو الضحية عمرا عشر سنين بس طفلة لسعتا وع الاغلب يلي قتلا بكون جوز امها
بسمة : غريب ، مافي بقلبو رحمة
تيم : وشو رح نعمل هلأ
جان : مضطرين نروح لهالمنطقة لنحقق بالجريمة لان لازم يتحاسب هالمجرم
رشا : مممم منروح بس وين المنطقة
جان : المنطقة بعد الغابات ورا الكهوف يلي بالجبال
رشا : اوووووه ، انت جنيت منطقة بتبعد علينا من الارض للسما عالم تاني ، اصلاً مانها من ضمن منطقتنا يعني مادخلنا فيها نحنا
جان : رشااا المنطقة صح مادخلنا فيها بس نحنا القسم الوحيد يلي اقرب شي ع هديك المنطقة ونحنا مضطرين نروح عليها ومغصوبين

#ما_وراء_الهروب #الحلقة_1
Telegram@rwayate
#رند_محمد

صار عمري 18 سنة ولهلأ مابعرف ليش الله خلق نااس فوق فوق وناس تحت تحت ، لهلأ ماعم بفهم ليش في فقرا وفي اغنياء ؟؟ وليش الله خلقني من الفقرا ..
معقول الدنيا بتعز نااااس ع حساب تعاسة ناس تانين هن بالاصل مادخلن ..

- كنت واقفة عم اتطلع من شباك بيتنا ع اهل الحارة كل الناس مبسوطين ومرتاحين هالشي باين من وجوهن المبتسمة ...

- ... : رنيم !! شو عم تعملي عندك

- رنيم : عم امسح الشباك

تلبكت ورجعت مسكت الممسحة وعملت حالي عم امسحو ونضفو منيح بس انا ماكنت هيك ، انا كنت عم راقب الناس يلي عم يمشو بالحي ..

- ... : اي حطي من ايدك وحاج تطلعي ع الناس لعما شو انك بلا ترباية الله يلعن هالزمن يلي جابك لعندي

اتطلعت فيها نظرة وهزيت براسي وكملت شغلي ..
بتكون عمتي اعتدال انا عايشة عندا لان امي و ابي مطلقين من لما كان عمري تلت سنين وماعندي اهل بعتبر حالي عايشة بفراغ وما الي اي وجود لان ماحدا سائل عليي ، عمتي عاملتني خدامة الها ولزوجا وولادا و امي متزوجة وملتهية بولادا وابي نفس الحكي و انا ملحوشة للزمان اذا زعل عليي بيحميني و اذا قسي عليي بيوجعني متل اهلي .. يعني بالمختصر عيشتي كمالة عدد بين هالعالم
--------------
(( في بيت آخر ))
Telegram@rwayate
صخر : مو مشكلتي انا دافعلك المصاري كاملين

رينو : لكك شو اعمل ما ادرت صبور شوي لعما

صخر : اخر فرصة وبعدين رح يصير شي مايرضيكي

رينو : اي اي يلله طلاع لبرات بيتي لعما فيك

دفشتووو لبراا وسكرت الباب : لعما شو هالناس البهايم ..
------------

- اعتدال : يارنيم يابطيخة صار الغدا

- رنيم : لا ماصار لو صار كنت ناديتلكن

- اعتدال : يلله نئبري هلأ بيجي زياد

وطيت صوتي والتلا ( تضربي انتي وزياد ) ..

- اعتدال : شووو التي !!

- رنيم : قلت الاكل بدو ملح رح حطلو ..
Telegram@rwayate
شوي وبيندئ الباب ..

- اعتدال : هه اجا زياد زكور القط بيجي نط ..
تعا يا مالك فتاح لعنتر زمانو

- مالك : يلله

- زيااد : هممم ياسلام شو طابخين ريحة اكل حلوة

- اعتدال : طابخينلك لبن ورز مشان تاكل وتعبي بطنك

- زياد : اي كتر خيركن

- اعتدال : اتصل جارنا ابو حمدو وقال الحساب كبر عندو شو مشان ؟؟

- زياد : مامعي ، ومادخلني

- اعتدال : للعب القمار والسكر والنسوان معك مصاري اما لتطعمي ولادك وتدفع ديونك مامعك روح ربي يريحني منك ومن وجودك يلي عدمو واحد ..
Telegram@rwayate
كنت واقفة عم اتفرج عليهن ، من باب المطبخ بعد شوي عليت صواتون وصارو يعيطو ويصرخو ع بعض كل هاد والولاد ادامون يعني مو بعيدة لو طلعو مريضين نفسياً او معهن شي عقدة .. بعدين زياد رفع ايدو وضربا لعمتي ..
انا هون ركدت بسرعة لفكن من ايدين بعض كالعادة طبعاً ..
بعدتن و انا معصبة و التلن : لكككك شبكن بدكن تدمرو ولادكن متل ما انا اتدمرت ؟؟

- زياد : انتي عم تحكي ياحلوة

- رنيم : احترم حالك انا اد ولادك

- اعتدال : تفه بلا شرف .. والله لولا ولادي مابعد عندك ثانية

- زياد : اي امشي انئلعي بتريحيني

- اعتدال : لاتحلم ..
Telegram@rwayate
بعد شوي كل مين راح ع غرفتو ينام ويرتاح
كنت عم اتطلع بمرايتي وسرح شعري و انا صافنة بشكلي رغم التعب و الارهاق يلي بوشي والتجاعيد يلي عاطيتني عمر اكبر من عمري كان في ملامح حلوة ، عيوني الكبار كانو مميزين باللون والرسمة ..
صفنت بمرايتي وتخيلت لو اني عروس ولابسة الفستان الابيض متل باقي البنات ..
شعور حلو اني حس حالي ملكة لو لمرة وحدة بحياتي ابتسمت لهالشعور وهالمخيلة شوي بعدين رحت نمت .
--------------
فتحت عيوني الصبح ع صوت زياد وعمتي وهن عم يتخانقو متل العادة مشان المصروف والمصاري ، طلعت من الغرفة و انا عم اربط اشاربي بزهق : ولكككك شبكن الله يريحني منكن شو صايرلكن

اعتدال : ليكي رنيم واصلة معي منك للسما نئبري انضبي

رنيم : ماحاكيتك شي ، بس حاج تتخانئو
Telegram@rwayate
زياد : معلش تركيا تحكي مسموح هي تحكي انتي خرسي

اعتدال : الله يلعنك

اتطلعت فيه بنظرة استحقارة بعدين تركتون ورحت ع المطبخ ، وهو حمل حالو وراح وطبق الباب وراه بقوة كمان ..

بالنهار عمتي بتخيط للناس كرمال تأمن الاكل والشرب لان جوزا كل عشرة ايام ليجيب لقمة خبز عهالبيت لهيك هي متحملة مسؤولية البيت والولاد يعني ازا بدهن يعتمدو عليه بموتو من الجوع ، اساساً هو مابيشتغل بياخد مصاري عمتي يلي بتتعب فيهن
وبروح ليلعب فيهن قمار او يصرفن ع النسوان والوساخة

كل يوم كانو مقضاينو هيك مشاكل وخنائ وياما يجي زياد سكران ع البيت والحيطان يلي عم تسندو وياما النسوان يلي توصلو بسياراتا ويلحشو متل الكلب ادام باب البيت ..

#تسع_قطع #الحلقة_1. ( كاملة )
#بقلم_رند_محمد
@rwayate
هاد الاكل بتحطي معو دم الحيض تبعا وبتخليه بمكان نجس بعد 9 ليالي بالضبط رح يصير كلشي بدا ياه هي مستحيل ومارح توصل لشي ..
التضحية مهمة ، و النجاسة والشرك اهم
------------------
اسمي ريحان عمري 22 سنة متزوجة من مدة سنتين وشوي تقريباً اول كم شهر من زواجي كنت عروس ومافكرنا بالولاد لان كان بكير بس بعد مامضى 5 شهور زوجي بلش ينئ و انا ماكان عندي مشكلة انو جيب ولد
حماتي كانت كل فترة ال 5 شهور وهي عم تسمعني حكي انو طولت وماكنت احمل وكل فترة ارجع ذكرا انو نحنا مابدنا لان بكير ..
بعدين قررنا انو بكفي صار وقت انو يصير عنا ولد ، مرئ اول شهرين وماحملت رحت لعند دكتورة فحصتني والتلي كلشي تمام وماعندي مشاكل ، عطتني شوية ادوية وفيتامينات ..
بس ما استفدت شي خلصو الادوية وماصار عندي حمل ، بلش زوجي يعصب من الموضوع ونتخانئ كتير مع انو الشغلة مو بإيدي بإيد رب العالم ..
ضلينا متخانئين ومانحكي مع بعض مدة اسبوع بعدين اعدت وكسرت حاجز الخوف و التلو يروح يفحص حالو مو بالضرورة يكون المشكلة فيني ..
هو ماتقبل يلي حكيتو اعتبرا اهانة الو ، صار يضربني ويكبر معي كلام لدرجة حسيت حالي اعدة مع رجال غريب ولا كأنو زوجي ..
بعد فترة لما يأس من الوضع اقتنع يروح ع دكتور بس كمان كان سليم وماعندي اي مشكلة بقيت القصة من الله ..
بقينا عايشين سوا ونحتا عم نتأمل يصير عنا ولد كل يوم كنت نام متل المجنونة و انا عم ابكي واحلم ببيبي بين ايديي ، وكل اول شهر وقت تجيني فترة الحيض ابكي واقتل بحالي .. كل اسبوع جيب تحليل حمل وجرب ومايمشي الحال ..
يوم عن يوم كنت خاف ع زوجي يلي بعشئو انو يتركني لحالي ويروح او انو امو تقنعو يتزوج وحدة تانية كنت اختنق كل ما فكر بالقصة ..
لحد مامضى سنتين بالتمام ..
فئت الصبح كنت دايخة وحاسة بتقل ، بعد ماراح زوجي ع شغلو طلعت من غرفتي وانا ما الي حيل ، اعدت ع الكنباية واتسطحت ..
و انا بدي نام بشوف بمنامي زلمة كبير بالعمر لابس عباية بيضا قرب مني وعطاني سلة فيها توت احمر ..
وقلي هالسلة صارت الك ، هي الغفوة ماستمرت لثواني بعدين فئت وانا حاسة بألم بسفل ضهري ...
اشتغلت كل شغل بيتي وماكنت ادرانة اتحرك كتير لان بكل دقيقة وجعي عم بزيد و كنت عم فكر بالمنام شو بيعني هالشي ياترا منيح ولابشع ؟؟ شو التفسير ""!!
بنفس النهار اجت لعندي حماتي زيارة ولقتني تعبانة كتير ومافيني حيل ارفع ايدي ، اعدت جنبي وصارت تسمعني كلام وتقلي هي مانك حامل وهيك تعبانة كيف لو حامل ؟؟ وشي تقول لو عندك ولد كيف كنتي رح تشتغلي فيه و انت مريضة !!
كانت عم تحكي بقساوة وكأنو انا ماعندي مشاعر ولا احاسيس ..
هي عم تحكي و انا ساكتة عم اسمع بسس ، من كتر ماحكت حسيت فتل رايب وصارت صورتا ادام عيوني وبصووت مشوش ، ئلبت ع الكنباية وغمضت عيوني ، معد حسيت الا والدكتور وزوجي وحماتي فوق راسي ..
الدكتور : ضغطك نازل شوي
زوجي : طيب دكتور شو لازم نعمل ليزبط
الدكتور : في شوية ادوية رح اكتبلك عليها هلأ وخليها مرتاحة هل يومين لبين كاينتظم ضغطا كرمال مايصيبا شي معافاية
طلع عادل والدكتور من الغرفة وضليت انا متسطحة وحماتي اعدة عم تتزورني ومو عاجبا شي ، بعدين رجع زوجي فات ع الغرفة وقرب لعندي ع التخت وقلي خلص خليكي مرتاحة انت لاتتحركي ، رح جيب اكل اليوم
حماتي اتطلعت فيه وزورتو بعدين التلو : ليش لتجيب اكل جاهز ومشان شوو بدك تدللا ليكون قلك الدكتور انها حامل هه
عادل : لا والله مو حامل ومو مشان هيك بدي دللا ، انا بدللا لريحان لإني بحبا ..
اتطلعت فينا امو وطلعت من الغرفة ونادتلو ع الصالون وهي عم تقلو انا رايحة ع البيت لان الاعدة مملة كتير .. عادل قلا اي الله معك امي والله سيارتي منزوعة لو مافيا شي كنت وصلتك
حماتي : اي لا لا كتر خيرك رح يجي اخوك عامر ياخدني بسيارة ابوك
طلعت وسكرت الباب ، بعدين اتطلع فيني عادل وابتسم ، انا مافيني وقت شفت حنيتو عليي وكيف عم يضحك كنت حاسة بضعف انو هو عم يعمل المستحيل ليسعدني ويرضيني وداير بالو عليي وبالمقابل انا ماعم بئدر جبلو ولد ..
دمعو عيوني وما ادرت امسك حالي دموعي صارو ع ملات خدودي ، هوم قرب مني وضمني وقلي خلص لاتبكي ، الله ماطعمنا ولد بس نشالله رح يجبر بخاطرنا ياعمري
ريحان : المشكلة امك عم تهيني كتير شو ذنبي اذا الله مابعتلي ولد شو دخلني انا !! شو ئلبي مو محروئ متلك ومتلا
عادل : امي ئلبا محروئ عليي حرام لاتزعلي منا سايريا ، يعني شوبدي اعملا
ريحان : طيب
عادل : يلله دبدوبتي مسحي دموعك وتسطحي شوي ، نازل جبلك شاورما مابطول هاااا
عادل كان يحبني كتير صح كان يزعل انو الله ماطعمو ولد بس ولامرة حسسني بهالشي دائناً بقويني وبيدعي الله يرزئنا ولد ، ولا مرة حط الحق عليي انو ما اجانا ولد مقتنع انو الله لسا ماراد وواقف معي ضد كل الناس يلي بدايئوني ..
-----------------
( ببيت حماتي ) ..