بوع متخيلة !!؟

ريناد:بلشي ارسمي وكل رسمة بتخلصيها بحاول الون منها قد ما بقدر

ريم~اخذت نفس~:طيب رح ابلش

بدت ريم بالرسم وريناد عدلت قعدتها عالتخت …مسكت كتاب وفتحته ومشان تقرأ

بعد فترة قصيرة

حطت علامة عند ما وصلت وقامت لعند ريم

ريناد:شو صار معك؟

ريم:لسا برسم بأولها

ريناد:الله يعطيك ِ العافية

ريم:الله يعافيك

طلعت ريناد من الغرفة ولقيت امها وابوها بغرفة القعدة

سهام:متى جيتوا؟

ريناد:من ساعة تقريبًا بس كنتِ بتحكي مع خالتي

سامر:طيب احنا رايحين نسهر عند دار عمك بدكم تيجو معنا؟

ريناد:لأ أنا ما بدي وهسّا بشوف ريم مع اني ما بتوقع انها حتروح

رجعت بعد دقايق عند امها وابوها وحكت:لا ما بدها

سامر:ماشي…تعالي سكري الباب ورانا

طلعوا سهام وسامر…سكرت ريناد الباب…عملت فنجانين نسكافيه وكملت طريقها للغرفة

حطت فنجان عند ريم وقعدت عتختها ورجعت مسكت الكتاب

ريناد:شو صار معك؟

ريم~وعيونها عالرسمة~:لسا بدها شغل

* & *
الساعة 11 بالليل

رفعت ريم ايديها وصرخت: أخيييرًا

حطت ريناد الكتاب عجنب وقامت:ممتاز …خلينا نبلش نلون

ريم:يلا

ريناد:احكيلي وين وشو الون

وضحت ريم لريناد كل شي ولونوها مع بعض

"""""""""'"""'""""'"""""""""'""'""'"""""'"''"""""
الساعة 1 بالليل

رمت ريم اللون من ايدها وصرخت: خلصت أول رسمة

شوي ورن الجرس قامت ريناد فتحت وطلعوا اهلها

ريناد:ادخلوا…كإنكم طولتوا

سهام:ماحسينا بالوقت

سامر:تصبحي على خير

دخلوا عغرفتهم وناموا…وريناذ رجعت عالغرفة وحكت:بكفي ريم قومي خلينا ننام

ريم~قامت~:معك حق…تصبحي على خير

نامت ريم بتختها وريناد طفت الضو وراحت تنام

#للقصة_بقية
#بقلم_يمنى_عفيف

الجزء الثاني
#بقلم_يمنى_عفيف

الساعة 8 الصبح
صحيت ريناد…تجبدت وفركت عيونها وهي بتبتسم…بس لما شافت الساعة تحولت الابتسامة لصراخ

ريناد~صرخت~:راااااحت علي محااااضرة الساااعة 8

نطت من التخت زي المجانين وصحيت عليها ريم

ريم:شو في ؟…ليش بتصرخي؟

ريناد~واقفة قبال الخزانة~:راحت علي محاضرة الساعة 8

ريم:ايواا…طيب بتطلعي وبتطفي الضو وبتسكري الباب لانه ما عندي دوام

ريناد:طيب…متى بدك تكملي رسم للمسابقة اذا بدك ترجعي تنامي؟

ريم:انتِ بالمسابقة والرسم والا بالمحاضرة اللي راحت عليكِ

ريناد~طلعت وسكرت الباب~:نَسّيتيني…باي

"""""""""""""""""""""""""
بالجامعة
حاملة ريناد كتبها ومعجوقة بحالها وبتركض لتوصل القاعة اللي فيها المحاضرة …وصلت وفتحت الباب

ريناد:صباح الخير دكتور

الدكتور:صباح النور…~تطلع بساعته وكمل~:بدري ريناد متأخرة 50 دقيقة عالمحاضرة

ريناد:اسفة دكتور اخر مرة وما حتتكرر ان شاء الله

الدكتور:بقدر افهم شو سبب التأخير؟…بس بلا اسلوب عمة خالتي توفت…وبنت جيراننا اجت فيها قذيفة

ريناد~كاتمة الضحكة~:ابدا ابدا رح احكي الصراحة …راحت علي نومة

طلع صوت الضحك من الدكتور وكل الطلاب الموجودين

الدكتور:بما انك حكيت الصراحة فتفضلي عمكانك

ابتسمت ريناد ابتسامة خفيفة وقعدت مكانها

•~•~•~•~•~•~•~•~•~•~•~•~•
الساعة 11 الصبح

صحيت ريم وقامت كلها نشاط وحيوية لتكمل اللي بلشت فيه قبل بيوم…غسلت وغيرت بجامتها وطلعت عغرفة القعدة

ريم:صباح الخير ماما

سهام~بايدها فنجان قهوة~:يسعد صباحك

ريم:بتشربي قهوة بدوني؟…انا زعلت

سهام:جيبي فنجان من المطبخ وتعالي نقعد

راحت ربم صبت قهوة ورجعت لعند امها

سهام:بدي اروح كمان شوي عالسوق في شوية شغلات ناقصة للبيت

ريم:لا ماما …بدي اشرب قهوتي واكمل رسم لازم اخلص 5 رسمات قبل المسابقة

سهام~قامت~:يعطيك الف عافية ويا رب تفوزي…بدك اشي ؟

ريم:حبيبتي ماما…لا سلامتك

سهام:طيب افطري وبلشي ارسمي انا اشتغلت كل شي

ريم~حضنتها~:الله لا يحرمني منك

قامت ريم عالغرفة…رتبتها عالسريع ورجعت قعدت عالمكتبة ومسكت القلم رفعت كمام بلوزتها وحكت:انا الها ورح انجح

ابتسمت وغاصت بعالمها والاشي اللي بتحبه

--------------------------------

خلصت المحاضرة وطلعت ريناد اول وحدة عغير عادتها…وبما انه عندها بريك قررت تروح عالمكتبة تقرأ شوي

نهى:وين رايحة ريناد؟…تعالي خلينا نفطر

ريناد:مش جاي عبالي وما الي نفس اوكل بدي اروح عالمكتبة اقرأ شوي

سماح:بعدين بتقرئي

ريناد:ما بدي اصلا حاسه حالي تعبانه وبدي مكان هدوء مش ضجة

نهى:براحتك حبيبتي اذا حبيت تيجي بتعرفي وين بنكون

ريناد:اكيد…سلام

""""""'""""""''''“"'""''""""""''"""'''
وصلت ريناد عند المكتبة ودخلت…بلشت تمشي بين هالرفوف وهي محتارة عن شو بدها تقرأ…لحد ما وقع نظرها على كتاب صغير بحكي عن الحرب العالمية الثانية…طالته ومشت لعند طاولة فاضية…فتحت وبلشت تقرأ

بعد مرور 10 دقائق

ريناد~بصوت واطي~:هيك ما بنفع لازم ألخص كل اللي قرأته مشان ابقى متذكرة

طلعت لابتوبها وفتحته وقررت تكتب مقال عن اللي بتقرأ فيه والمعلومات اللي عندها بخصوص هالموضوع

اندمجت بالقراءة وكتابة المقال وماحست بالوقت لحد ما صارت الساعه 2 انتبهت للساعة اخيرا…واول ما شافتها توسعوا عيونها وحكت:ييييييي

كل اللي بالمكتبة صاروا يتطلعوا عليها

سكرت اللابتوب وطلعت بسرعة…اتصلت بنهى وطولت لردت

ريناد:نهى راحت علي المحاضرة بدي كل شي اخذتوه انتو وين؟

نهى:هدي هدي اصلا الدكتور اعتذر عنها راحنا بالكافتيريا تعالي

ريناد:يلا جاية مشان افرجيكم المقالة اللي كتبتها

نهى:يا عيني…طيب تعالي

سكرت نهى الخط ومشت ريناد مستعجلة

•°•°•°•°•°•°•°•°•°•°•°•°•°•°•°•°•°•°•
وبالكافتيريا

علا:شو حكتلك ؟

نهى:هسا بتيجي

سماح~نظرها عالباب~:تطلعوا هناك هي أجت

رفعت سماح ايدها واشرتلها مشان تشوفها وتروح عندهم

سحبت ريناد كرسي وقعدت:ما حسيت بالوقت

نهى:كل هالوقت بتقرئي؟

ريناد:اه خلصت الكتاب لانه صغير وكتبت مقال خليني افرجيكم اياه

فتحت اللابتوب وحطته قدامهم
…بلشوا يقرؤوا بانتباه وتركيز والصدمة ظاهرة على وجوههم

وبس خلصوا

نهى:واااو حمستيني اقرأ الكتاب كيف حولتِ كل هاي المعلومات لتخليص ومقال عن الحرب مش طبيعية

سماح:ما بحب المواضيع السياسية والتاريخية بس عنجد حبيتها

علا:بدي اقرأ الكتاب لانك عنجد شوقتيني

ريناد~ابتسمت برضا~:مشان تعرفوا
•~•~•~•~•~•~•~•~•~•~•~•~•~•~•~•~•~•~•

بالبيت عند ريم

ضافت رتوش بسيطة عالرسمة الثانية بعد ما خلصتها…مسكت الالوان وبلشت تلون

ريم:يا ربي وينتا بدي اخلص وحاسة ما في عندي افكار كمان

شوي ورن تلفونها

…:كيفك

ريم:الحمد لله …انت كيفك ؟

…:تمام …تغضلي بكرة عندي عالغدا عازمتك انت والصبايا

ريم:حبيبتي هند ما بتقصري بس بتعرفي عندي مسابقة الرسم …فمــ…

هند~قاطعتها~:ما بدي اعذار كم ساعة ما رح يأثروا عليكِ

ترددت ريم بس مع إلحاح

سا اطلعوا خلينا البس واروح عند هند

طلعوا من الغرفة ولبست ريم وراحت عند صاحبتها …اما ريناد فلسا تعبانه وحاسة فش فيها حيل ومع هيك بتحاول ما تبين لاهلها

#للقصة_بقية
#بقلم_يمنى_عفيف

الجزء الثالث
#بقلم_يمنى_عفيف

مروا كم يوم لحد ليلة مسابقة الرسم تبعت ريم

كانت بترسم وهيه متوترة وشوي وبتبكي …لانه ضايل رسمتين بدهم تلوين وكمان رسمة تنرسم

ريم:يا ريتني ما رحت ععزومة هند ولا طلعت عالحفلة مع منى لانه لو ضليت بالبيت خلصت وانجزت كل شي

حكت ريناد وهي بتلون شوي شوي بسبب وجع ايديها:بسيطة ان شاء الله بتخلصيهم وبتفوزي بالمعرض

ريم:يا رب …بس ريناد انا ملاحظة عليك انك كل مالك بتتعبي اكثر واكثر ما بصير هيك لازم تروحي عالدكتور

ريناد:بكرة بدي اروح اعمل فحوصات

ريم~صرخت~:والمسابقة!؟…ما بدك تيجي؟

ريناد:الفحوصات الصبح والمسابقة بعدها اكيد رح اجي…فكري شوي

ريم:صح كيف ما انتبهت؟

ضلوا سهرانين للساعة 3 الفجر لحد ما خلصت ريم كل شي

ريم:اخيرا خلصنا ضايل بس عناوين للرسمات بكرة بحطهم

ريناد:معناته قومي خلينا ننام

قاموا لحتى يناموا بس ريناد ما قدرت تنام لانه الوجع بزيد اكثر واكثر…ضلت هيك للساعة 5 الفجر …قامت بتعب ونقلت رسومات ريم عغرفة القعدة …وصفنت فيهم رسمة رسمة …قربت عليهم وبلشت تخطط بهال
عناوين عليهم

لحد الساعة 6 كانت مخلصة رجعت نقلتهم بصعوبة عالغرفة ونامت

صحيت عصراخ ريم بصوت عالي:رييييييناااااد شووو عاملة ؟

ريناد:ما …عجبـ…وك؟

ريم~حضنتها~:بجننوا بجننوا…بحبك …خطك بجنن والعناوين بجننوا

ريناد~ابتسمت~:مبسوطة انهن عجبنك

ريم:حلوات عالاخر…تائهة بين الدروب…ابنة الضباب…نفس الورود…خبايا السماء…قنديل الروح
عنجد مش عارفة شو احكي العناوين والخط حلوات بشكل مش طبيعي

ضحكت ريناد وقامت تلبس مشان تروح تعمل فحوصاتها

*********
بغرفة القعدة

سهام وسامر بشربوا قهوة وبحكوا مع بعض طلعت ريناد من الغرفة:صباح الخير

سامر وسهام:صباح النور

ريناد~مستغربة~:غريبة مش بالدوام بابا؟

سامر~ابتسم~:مشان معرض ريم خفت اتأخر فأخذت اجازة

ريناد:ااه…انا طالعة بدكم اشي

سهام:سلامتك

راحت ريناد عالمستشفى…ودخلت عملت فحوصات شاملة …وبس خلصت

الممرضة:سلامتك حبيبتي …بكرة عال12 الظهر بتيجي توخذي نتائجهم وبعدها اذا احتجتِ دكتور بتراجعي واحد من دكاترة المستشفى…احنا بنحميلك بس تيجي توخذيهم

ريناد~ابتسمت~:شكرًا الك

الممرضة:العفو ما عملت غير واجبي

طلعت ريناد من المستشفى وكملت طريقها للجامعه

دخلت عالقاعة مشان المحاضرة وفتحت كتابها وصفنت فيه شوي واجو البنات وقعدوا كلهم بنفس المنطقة

نهى~مصدومة~:ولك ريناد ليش هيك وجهك اصفر زي الليمونة؟

سماح:ما تروحي عدكتور صرنا نقلق عليكِ يا بنت

ريناد:رحت اليوم عالمستشفى وعملت فحوصات وبكرة بروح اوخذ النتيجة

علا:من زمان لازم عملتِ هيك لانه وجهك دايمًا اصفر عالاخر

ريناد:بعد المحاضرة هاي رح اورجيكم المقالين اللي كتبتهم خلال الاسبوع واحد عن اسس التربية وواحد عن استغلال الوقت

نهى:والله ما عرفتك يا ريناد

ريناد:بس خلص اسكتِ دخلت الدكتورة

وبالبيت

ريم معجوقة عالاخر بتغلف برسماتها مشان ما يتوسخوا او يصرلهم اشي عالطريق

وبتلم بأغراضها مشان ما تنسى اشي

ريم:وين فستاني ماما؟

سهام:معلق بخزانتي روحي جيبيه …بعدين لسا بدري اذا المسابقة عال5 رح يبدا ليش تطلعي من هسا؟

ريم:الساعة 12 بدي ساعه اجهز حالي وساعه عالطريق وباقي الوقت لاختيار الزاوية وترتيب الرسمات وهاي القصص

سهام:ماشي معناته روحي مشان ما تتأخري

وبالفعل راحت ريم لبست وجهزت حالها خلال ساعة…وحملت اغراضها…وطلبت تكسي وطلعت عالمكان اللي رح يصير فيه المعرض

رجعت ريناد عالبيت بعد الدوام ورغم كل تعبها كانت مبسوطة وهي بتتذكر حكي البنات ومدحهم بمقالاتها

واول ما شافتها امها
حكت:شو صار معك؟ وين الفحوصات؟

ريناد:بكرة بتطلع نتيجتهم …انا رح ادخل ادرس شوي

سهام:ماشي …نص ساعة وحضري حالك مشان نطلع عالمعرض
لانه بدنا ساعة عالطريق اذا مش اكثر

ريناد:طيب
غيرت ريناد اواعيها وفردت كتبها وقعدت تدرس…وكل شوي تبتسم عحكي البنات مضت نص ساعه وهي عهالحالة لحد ما دخلت سهام عالغرفة

سهام:يلا رنودة قومي البسي

ريناد~قامت~:اااخ…طيب شوي وبكون جاهزة

…„…„…„…„…„…„…„…„…„…„…„…
فترة قصيرة وكلهم طلعوا عمكان المسابقة

وبالسيارة

سهام:ريناد بكرة عندك دوام؟

ما سمعت رد من ريناد اللي قاعدة ورا …لفت لتشوفها ولقيت نايمة

سهام:ريناد نايمة …وضع هالبنت مش عاجبني

سامر:بكرة بتجيب نتيجة الفحوصات وبنشوف …ان شاء الله خير

سهام:ان شاء الله

وصلوا عالمكان اللي فيه المسابقة …وصحّت سهام ريناد…كانت تعبانة بس بتقاوم …لحد ما دخلوا وبلشوا يلفوا عالزوايا المخصصة للرسامين …وصلوا لزاوية ريم وحكى سامر:بالتوفيق

سهام:ان شاء الله بتفوزي

ريناد~بابتسامة~:فخورة فيك ِ كثير سواء فزتِ او لأ

ريم:الله يخليلي اياكم وما يحرمني منكم

ابتسموا كلهم وبعدها دخلوا الحكام وبلشوا يلفوا عالرسامين لحد ما وصلوا عند ريم

الحكم 1: افكار لوحاتك مبتكرة وحلوة

الحكم 2 :وانا بحكي زيك بس كمان ناقصك شوية دقة بالرسم…وتنسيق الالوان

#بقلم_يمنى_عفيفالجزء العشرون ~الأخير~
@rwayate
#بقلم_يمنى_عفيف

جاكلين: مصنع النسيج افلس... كل الاحداث اللي صارت غبنا فيها عن المصانع والشركات... انسرق المصنع وافلس

نسرين: مبروك

ابتسمت ابتسامة شماته لجاكلين.. ولفت طلعت من الغرفة

بالممر

نسرين: يلا ريف

ريف: استني خلينا نتطمن على بابا

نسرين: ريف على مين بدك تتطمني عاللي عرف انكم انحرقتوا وما همه والا عاللي زتك كل هالسنين... امشي قدامي

امتثلت ريف لأوامر نسرين... مع انه ما الها خاطر تروح...كانت حابة تبقى عند أبوها وأختها

.....
بالبيت

ريف: شو ماما ما بدك تسألي عن بابا

عتاب: راغد عبارة عن ماضي ما إله قيمة بالنسبة الي... يروح وين ما يروح

ريف: ما توقعت قلبك قاسي هيك

عتاب: ما بدي اسمع ولا نفس... أبوكم وما بمنعكم تشوفوه بس انا ما تيجو تحكولي اي اشي عنه لانه ما بهمني

.....
ميسون: شو حازم كيف صار راغد

حازم: أحسن من أول...هنادي وين؟

ميسون: طلعت عالمستشفى لحتى توقف مع أنجيلا

حازم: طيب سلام

.....
زهور: وين رايح يا تيتا؟

جهاد:عند عماد

زهور~بتضحك~: عند عتاب والا عند ريف؟

جهاد:تيتا بحكيلك عند عماد

زهور:طبعا رايح ما هي عتاب بدها تزور ابنها هي وبناتها

.....
مرت أيام وأيام كثيرة... راغد بالمستشفى وحالته الصحية بتتدهور اكثر... وخسر مشاريع كثيرة...اما سالي ما فقدت الذاكرة ونبوءة الدكاترة كانت خطأ

.....
جاكلين:راغد جاهز لتطلع

هز راغد براسه ولأول مرة ببكي وبتنزل دموعه

جاكلين:كله لخير حبيبي ما تبكي

راغد: اي خير بإنه يكون عندي شلل نصفي جاكلين؟

جاكلين: يلا خلينا نمشي

.....
ريف: جاهزة نسرين؟

نسرين: ليش؟

ريف: بابا اليوم طالع من المستشفى

نسرين: روحي لحالك انا طالعة مع ماما

ريف: نسرين!!!

نسرين:ريف انا حكيت اللي عندي

ريف: براحتك

طلعت ريف وتركت نسرين بتحكي عنها غبية... اجت عتاب عصوت نسرين اللي مش عاجبها اشي

عتاب:شو مالك؟

نسرين:راحت عنده الحمارة شو بدي احكي

عتاب:هدا ابوكم لو شو ما صار والحق مع ريف

نسرين:احكيلك امي خلينا نقوم نزور عماد احسن

عتاب:طيب يلا

.....
جهاد:احزر مين جاي عندك

عماد:حدا...زار...هو

جهاد:امك واختك

عماد:عتاب..ماشي..عند...هون

جهاد:ادخلوا عمتي

عتاب: حبيبي يا امي اشتقتلك ~ضمته~

نسرين: كيفك يا روحي

عماد: منيح... هون.. تعالوا... كثير... زمان

نسرين:جهاد معلش دقيقة

جهاد:اكيد تفضلي

.....

نسرين: كيف صارت حالة عماد؟

جهاد: الحمد لله تمام منيحة كثير وبتحسن بس زي ما بتعرفي انه ما اله علاج نهائي لازم طول حياته يواصل هالعلاج بس بصير بفترات متباعدة

نسرين: ماشي شكرا

جهاد: وين ريف

نسرين~ضحكت~: راحت عند راغد

.....

ريف:الحمد لله عسلامتك بابا

راغد: الله يسلمك يا بنتي... سامحيني سامحيني عاللي عملته فيكم

ريف: حبيبي بابا انا مسامحتك دنيا واخره

راغد: وامك واختك مشان الله خليهم يسامحوني

ريف: بابا ماما مسامحتك بس لسا مجروحة منك...نسرين كمان مسامحتك بس بتكابر بدها وقت لتصفى من ناحيتك

حازم: اذكر ربك يا راغد وما تضغط عحالك

رامي~بهمس~:ريف وين نسرين؟

ريف: طلعت مع ماما

هنادي~بصوت عالي وهي كاتمة الضحكة~: ريح حالك نسرين مع خالتو عتاب رايحين مشوار

انحرج رامي وما عرف شو يحكي...وتحلف لهنادي اللي احرجته هيك احراج...اما أنجيل وسالي فكانوا فرحانين كثير بقومة ابوهم بالسلامة...دق الباب وفتحت الخدامة ليدخل جاك من الباب:السلام عليكم

الكل:وعليكم السلام

راغد:شو جاي تشمت فيه؟

جاك:اعوذ بالله يا عمي انا فضلك علي ما بنساه من هون لاموت انا جاي اهنيك بسلامتك

راغد:خذلتني وجاي تعمل فيها الحنون

جاك~باس راسه~:حقك علي يا عمي بس انا كمان من حقي اعرف ابي الحقيقي

راغد:الله يسامحنا كلنا يا ابني

جاك~ضمه~:انا عوضت قد ما اقدر من خسارة الشركات والمصانع

....
العمر بمر بسرعة... وما في وقت للزعل... يمكن اللي فوق الارض اليوم بكرة يكون تحتها... ومن هالمنطلق عدل راغد علاقته بجاك وبولاده سواء من جاكلين او من عتاب...

.....
يوم عرس نسرين وريف

عتاب:ماشاء الله...بتجننو

نسرين:حبيبتي يا امي

ريف:الله يخليلنا اياك ِ وما يحرمنا منك

....

خلصت الحفلة ودموع عتاب مش راضية توقف...اما راغد فالكل كان مهمشه لهيك حمل مرته وبناته وروح

عتاب~بتبكي~:نسرين وريف بأمانتكم انا ما طلعت من هالدنيا غير بولادي وما تفكروا تزعلوهم لانه وقتها ما بعرف شو ممكن اعمل

جهاد:اوووه عمتي بتهددي

رامي: مش قليلة يا مرت عمي

حازم:خلص يا جماعة الف مبروك...تفضلوا على بيوتكم وعتاب يلا عبيتك

.....
روحوا زهور وميسون وهنادي مع عتاب

زهور:اسمعي عاد يا عتاب انا مش قادرة اسكت اكثر من هيك...من وقت ما راحوا هالبنات وانت ِ بتبكي كإنه في حدا ميت

ميسون:خالتي زهور معها حق يا عتاب...خلص بكفي كل وحدة راحت مع زوجها لبيتها ولتبدا حياتها

هنادي:انا مع ماما وخالتو زهور بكفي بكى مرت عمو

راجعت عتاب حالها وعرفت انه معهم حق وحكيهم صحيح... ولازم تدعي لبناتها الله يوفقهم... بدل البكى والحكي الفاضي... لهيك مسحت دموعها وقامت عالمطبخ ورجعت و بايديها صحون

عتاب:هنادي حبيبتي روحي جيبي كاسات العصير من المطبخ...هدا الكيك عملته مبارح وما اكلنا منه...يلا خلونا نذوقه

هنادي:وهي انا جيت

ميسون:عنجد شغلك لا يعلى عليه...وشغلك
مرتب...يعطيك ِ الف عافية

.....

جاكلين:شو يا صفاء جاهزة ليجي جاك يوخذنا

صفاء:اه جاهزة...بس خايفه كثير

جاكلين~بتضحك~: ترا ابني مش وحش

بهاليوم عرس جاك وصفاء...صفاء اللي قلب جاك اختارها...وجاك اللي قلب صفاء اختاره...بعد ما عرفت انه حبها لايمن كان مجرد مشاعر عابرة وهي فعليا ما بتكنله اي شي

بصالة العرس

زكريا:الف مبروك يا حبايبي...والله يعينك يا جاك قد ما بدك تحل مشاكل وقصص من ورا مرتك

صفاء:هيك يا خالو ما توقعتها منك

زكريا:بمزح معك حبيبتي انت ِ الخير والبركة

.....
مرت السنين بسرعة وتعب وعذاب وفرح وحزن ومرارة وحلاوة... حسب كل شخص وشو كان مخباله بهالسنين اللي مضو... اجا يوم الافراج عن عماد اللي كان لسا بمستشفى السجن وصار بس بده جلسات عند دكتور نفسي كل شهر مرة...

......
عتاب~بتبكي~: الحمد لله عسلامتك يا امي

عماد: يسلمك... الله

حازم: خلونا نمشي لبيت راغد

عتاب: انت بتعرف ردة فعلي عهالموضوع بالذات

حازم: بكفي عتاب صار لازم تواجهي مخاوفك ومن ضمنها راغد

.....

بحديقة الفيلا الكبيرة تبعت راغد الكل موجود

ميسون وهنادي... نسرين ورامي وولادهم عتاب و حازم...ريف وجهاد وبناتهم التوم آيات وإسراء... زهور وتقي... جاكلين وسالي وأنجيل...وعتاب اللي احت بالاجبار... حتى زكريا كان موجود بطلب من حازم... مع جاك وصفاء وبنتهم جنان

.....

نسرين: حبيبي عماد اشتقتلك

عماد: بعدي بعدي خنقتيني

حكى رامي بمزح: عشان تعرفي انه ما الك غيري وما حد بتحملك غيري

عتاب~بتضحك~:قصدك اذا بتفكر تزعلها بتلاقي كل العيلة لانه كل العيلة معها

نسرين~بتتمسخر عليه~: اه والله يا زوجي العزيز مين الي غيرك

انطلقت الضحكات من الجميع وسط قعدة اسرية مليانة بدفا العيلة والحب منتشر بكل مكان

راغد كان براقبهم من شباك غرفته العالية بالقصر...وهو عارف انه ما حدا افتقده او فكر ينادي عليه...بعد ما كان هو محط انظار الناس والجلسات ما بتكمل بدونه...صار زي كتاب قديم مركون على رف ومغبر لانه ما حدا منتبهله من سنين...سكر البرداية والدموع بعينه ومشى لوسط الغرفة ووقف ليحكي:ربنا يا عتاب اخذ حقك انتِ وولادك مني واكثر كمان...هاي هي العدالة الالهية...كل شي عملته رجعلي...بسرعة...بسرعة كبيرة...ارحمني يارب....ما بقدر اتحمل اكثر...خذ امانتك وخليني ارتاح من كل شي اثقل كاهلي

#انتهت
#بقلم_يمنى_عفيف

#بقلم_يمنى_عفيف
@rwayate
الجزء الثامن عشر

#بقلم_يمنى_عفيف

ببيت حازم
الكل موجود

جاكلين...أنجيل...سالي...ميسون...رامي...هنادي...تقي...صفاء...نسرين...جاك...زكريا...حازم...راغد...اما عماد وجهاد وزهور ضلوا في السيارة

.....

ميسون:بدي اعرف هسا لشو كل هالقصص هاي حازم؟

حازم:يا جماعة كل واحد فيكم يركب سيارته ويلحقني لعند ما بدي اروح لتعرفوا كل شي

راغد:حازم لشو العمايل هاي احكي وريحنا

حازم~وهو ماشي للباب~:وانا حكيت اللي عندي...اللي بده يعرف يلحقني واللي ما بده القرار برجعله

توجه حازم لباب البيت وطلع...وهو كلّه ثقة انهم كلهم رح يلحقوه ليعرفوا الحقيقة والشي اللي مخبا من سنين...لانه هو بعرف انه كل واحد فيهم بهمه طرف من اطراف هالقصة...وبالفعل ما خاب ظنه وكلهم لحقوه بسياراتهم

......
بعد ساعة ببيت عتاب

ريف:تفضل عمو

حازم:ادخلوا جميعكم

دخل حازم ودخل الكل وراه وهمه مصدومين مين هالصبية هاي

.....

حازم:اسمعوني منيح...رح اعرفكم على بعض وبعدها رح احكي القصة كلها ورجاء ما حد يقاطعني

راغد~بصدمة من شوفة عتاب~:طيب خلصنا يلا

حازم:ميسون زوجتي...رامي ابني...هنادي بنتي...راغد اخي

كان الكل مستني حازم يكمل ويحكي جاكلين زوجته بس انصدموا بحكيه

حازم:عتاب زوجة راغد الأولى...وولاده منها...ريف ونسرين وعماد...جاكلين زوجته الثانيه وبناته منها...سالي وأنجيل...
...زكــ

ما كمل حكيه لانه جاكلين وقفت وصارت تصرخ:كيييف يعنييي هاي الشرشووووحة مرته اااه فهمني كييييف؟

صوت كف راغد على وجهها سكتها ما قدرت تحكي اشي

وتدخل حازم:يا جماعة اهدو وخلوني احكي...زكريا وابنه جاك اللي بتكون جاكلين امه...زهور وتقي...ام عتاب واخوها...جهاد الدكتور الجديد بمستشفى زكريا وابن تقي

راغد:عتاب كيف عايشة؟

حازم:اسكت لاحكي القصة كلها من الاول...من سنين طويلة حبوا عتاب وراغد بعض...بس للاسف القدر كان اله رأي ثاني لانه كانت البنت لابن عمها...بس همه تحدوا القدر وعارضوا كل شي ليكونوا مع بعض وهربوا...بعد بفترة مل راغد من عتاب واشتاق لحياة الترف والرفاهية خصوصا انه كان بدرس كمان لحتى شاف جاكلين وصار اللي ما كان بالحسبان

فلاش باااك

راغد:عتاب يا عتاب قومي اجهزي وجهزي ولادك لاوخذك عند اهلك

عتاب:راغد انجنيت والله بقتلوني انت بتعرف انه لو شافوني رح يقتلوني

راغد:ما تقلقي...قد ما كان بضلوا اهلك وبتضلي بنتهم...وما رح يعملولك اشي خصوصاً انهم شايفين ولادك معك وبطنك قدامك

عتاب:ماشي...انا رايحة اجهز حالي

للأسف عتاب صدقته بدون ما تعرف شو نواياه...راغد كان شايف جاكلين وعجبته وما فرقت معاه انها مطلقة وعندها ولد ومسيحية...والطريقة الوحيدة ليخلص من عتاب هي انه يودّيها لأهلها لانه عارف انه مصيرها القتل

.....
بعد يومين

راجع راغد عالبيت من المحكمة ومعاه جاكلين...اما عتاب كانت عند أهلها مجرورة للموت

عتاب~بتصرخ~: بعدووااا عني اتركووني مشاان الله والله ما عملت شي

أبو عتاب: اخررررسي يا حيوانة حطييتِ روسنا بالطين...يا تقي يا حازم...تعالوا انتو رح تقتلوها هي وبنتها

تقي:يا بابا شو ذنبهم ولادها؟...عاقبها بأي شي إلا الموت

أبو عتاب:انا حكيت بنتها...اما ابنها اهل ابوه بربوه

للأسف استسلموا تقي وحازم للأمر الواقع ودخلوا عتاب وريف عالكوخ اللي رح يحرقوهم فيه...لف تقي من الجهة الورانية وفتح لعتاب الباب

تقي~بهمس~:ديري بالك عحالك اختي...وانتبهي لا حدا يشوفك روحي استنينا بالمغارة اللي عند النّبع

عتاب~بتبكي~:ان شالله بس ما تتأخروا

تقي:لأ ما تخافي ما رح نتأخر

طلعت عتاب وهي حاملة بنتها وبتمشي بصعوبة بسبب حملها خصوصاً انها فشهرها الاخير...اما تقي اشر لحازم اللي حرق الكوخ كله

.....
حازم~بهمس~:شو صار تقي؟

تقي:مشت الامور زي ما خططنالها

حازم:معناته انا هسا لازم امشي وين عماد؟

تقي:هسا بجيبه

حازم:جيبه...وروح انت عند عتاب

.....

حازم:الو راغد...مرتك ماتت

راغد~ببرود~:شو!؟

حازم:ما تفكرني مس عارفة مخططك الوسخ...خطية ولادك برقبتك ريف واللي ببطنها انحرقوا...وعماد معي رح اوديه عالميتم...الله لا يسامحك

راغد:الله يرحمهم...يلا مع السلامة

.....

بعد أيام

كان عماد بالميتم...وشوفة امه واخته بنحرقوا قدامه...سببتله مشاكل كثيرة...صار يتعلم التجارة بالمخدرات والممنوعات

......

ولدت عتاب وجابت بنت

عتاب:سموها نسرين...زي ما كنت حابة انا وراغد واصدرولها شهادة ميلاد باسم ابوها الحقيقي...ودوروا على اي حدا بده يتبنى طفل وعطوه اياها...ما تناقشوني بهالقرار وخلص

ما رق قلب عتاب لهالصغيرة وحالها...ما بدها كمان طفلة تتعذب معها زي ريف طفلتها اللي عمرها سنتين لهيك قررت تضحي ببنتها على امل يكونوا اللي بدهم يتبنوها ناس مناح يوفرولها حياة منيحه

.....
اما راغد ما همه الخبر اللي سمعه ونسي حب طفولته وصباه بسرعة

راغد:جاكلين يا جاكلين

جاكلين:نعم راغد

الجزء التاسع عشر
@rwayate
#بقلم_يمنى_عفيف

بعد ساعتين بالمستشفى

الدكتور:ما تخافوا نزل ضغطها للمدام عتاب مش اكثر

زهور~برجاء~:الله يخليك يا دكتور اذا مالها اشي احكيلنا

الدكتور: لأ خالتي ما فيها اشي ما شاء الله عنها

زهور: الحمد لله

.....
حازم: دكتورة كيف وضع راغد بيك؟

الدكتورة:تداركنا الوضع بس كمان للأسف رح يكون عنده عرجه برجله اللي انضرب السكينه فيها لانها اجت بطرف الوتر

.....

بعد اسبوع

انتشرت قصة راغد كلها بالمجلات والجرايد ومواقع التواصل الاجتماعي وانفضح... كثير من المستثمرين فكوا شراكتهم معه... بدت امواله تقل... وعماد ما تحاسب لانه معروف انه مش بكامل قواه العقلية... وعرف راغد خطية عتاب وولادها

....
ببيت تقي

جهاد: يمكن الوقت مش مناسب بس هالاجتماع كان لازم يصير من زمان... عماد حالياً رامي عندي بالمستشفى لاني فهمته كل شي لاقدر اوضحلكم حالته لانه انتو باللي صار من كم يوم عقدتوا الموضوع اكثر...وانتو يا دكاترة المستشفى القديرين عجزتوا تشخصوا مرض مبين وواضح

عتاب:جهاد يا ابني الله يخليك فهمني لاني تعبت لحتى لقيت ابني بدي اعرف كل شي

جهاد:عماد بعاني من الشيزوفرينيا او انفصام الشخصية

راغد~بمسخرة~:وشو اسباب هالمرض يا دكتور؟

جهاد: من هالاسباب الجو الاسري لانه الاسرة شي اساسي بحياة الشخص وعالاغلب بتبدا اعراض المرض بالظهور بسن المراهقة والخلافات اللي مش متزنة بتسبب المرض وكمان في علماء حكو انه في نسبة قليلة من هالاصابات بتصير بأسر مش مضطربة... وما شاء الله عنك يا راغد بيك... ما خليتله لو جزء بسيط من الاسرة

راغد: كمل خلصني بدون حكي زيادة

جهاد:انا بحكي عشان عمتي مش عشان واحد زيك... وكمان
في عامل مساعد للاصابة بهالمرض... العلاقة بين الطفل وامه واذا انحرم من حنانها رح يتأثر بشكل سلبي...حتى لو كان اله اخوة ومروا مع بعض بنفس التجربة بس الاقرب والاكثر تعلق بامه بتأثر اكثر اشي... عدا عن انه الوراثة بتلعب دور لما يكون في حد بالعيلة معه هالمرض رح تلعب الجينات دورها...انا حكيتلكم الاسباب اللي عالاغلب هي سبب اصابة عماد


عتاب: طيب شو عرفك انه عماد بعاني من انفصام الشخصية؟

جهاد: الأعراض...منها الاوهام بتوهم مثلا انه انا بدي اقتله او انه زي ما حكت دكتورته توهم انها زوجته...غير هلوساته بانه حدا رح يحرقه...التفكير غير المنتظم اللي بنستدل عليه من الحديث غير المنتظم بصير يحكي حكي ما اله علاقة بالموضوع ويسأل اسئلة غريبة... وهالاشي يطلق عليه سلطة الكلمات

حازم: كم بده فترة علاج؟

جهاد:مدى الحياة...انفصام الشخصية مرض ما إله علاج

عتاب:كيف؟...لا لا يا ربي

جهاد:عمتي هدا الواقع...بس مع العلاج بتخف حالته

عتاب:طيب كيف بكون الشخص عشان نعرف كيف نتعامل معه

جهاد:بظهر بأكثر من شخصية وبناء عمراقبتي لعماد تبينلي انه بظهر ب4شخصيات:الطيب...المجرم...الحرامي...الكذاب

عتاب:يا ابني بدي تعالجه منيح ما الي بهالدنيا غيره هو وخواته

راغد:وانا وين رحت؟

جاكلين~مصدومة~:راغد انت عارف حالك شو بتحكي؟

راغد:اللي سمعتيه

عتاب:لا ما حزرت...تركتني من سنين وكنت بتعرف انهم حرقونا وما رفلك جفن...ورقتي بتوصلني...جاكلينا او مش عارفة شو اسمك...ما تخافي انا ما برجع للناس اللي بتتركني

.....
بعد 5 شهور

ريف:ماما شو بتعملي؟

عتاب:بجهز بطلبية المعجنات

ريف:يعطيكِ العافية...جهاد بده يجي يتغدى وبعدها نطلع

نسرين:ليش هو كل يوم مداوم عنا؟

عتاب:بس يا بنت...عيب عليك ِ هالحكي...بعدين رامي لسا مبارح كان هون

دخلت ريف عالغرفة وطلعت بعد شوي

ريف:بطل بس حكيتله انه طالعين
......
صارت تغيرات كثيرة خلال هال5شهور

عماد بالمستشفى بتعالج وبستنى تنقضى محكوميته ليطلع...عتاب اتطلقت من راغد...وشرت بيت سكنت فيه هي وبناتها...وصارت تمارس موهبتها بالطبخ والحلويات ليصرفوا على حالهم لجانب الراتب الشهري اللي من حازم... جهاد خطب ريف...ورامي خطب نسرين...حياة مستقرة نوعا ما بعد اللي شافوه...بس لسا نسرين عندها خجل من عتاب...لإنها ما كانت تعرفها وتعرف إنها امها

.......
الساعة7 المغرب

اتصلت أنجيل بريف

ريف:كيفك أنجيلا ؟

أنجيل~بتبكي~:ريف الحقيني تعالي عالمستشفى ما الي غيرك

ريف:شو صاير؟

أنجيل:سالي وبابا عملوا حادث سير

ريف:رح آجي أنا ونسرين عشان سالي مش عشان اللي اسمه راغد

.....
ريف:يلا نسرين...راغد وسالي عاملين حادث

نسرين:والمطلوب؟

ريف:بدنا نروح عشان سالي مش عشانه

نسرين:اذا هيك ماشي...خلينا نقوم

.....
بالمستشفى

أنجيل رامية حالها على كتف نسرين

اما ريف بطبيعتها الحساسة حنّت على ابوها وبقيت تمشي بالممرات وهي بتحاول تمسك دموعها وما تخليهم ينزلوا

الجزء التاسع
#بقلم_يمنى_عفيف

الساعة 3:15 العصر

ليندا بالمطبخ بتحضر بالغدا بعد ما جابت ميس م̷ـــِْن الحضانة ...كانت مستغربة كيف مروا 10 دقايق بدون ما أكرم ينادي عليها...شوي سمعت أكرم بحكي:يا ليندا تعالي وجيبيلي مي

مسحت ليندا إيديها ...وأخذت كاسة مي وراحت لعنده وهي بتحكي بنفسها:حسدته وأنا بحكي ما نادى

شرب أكرم المي وحكى:يسلمو...مطول الغدا ؟...أنا جعت ومليت و...

قاطعته ليندا:أكرم شو صرلك؟...إهدا شوي واستنى شوي وبوصلوا دارين وسبأ

خلصت حكيها بدخلة دارين وسبأ

دارين:شو في؟

ليندا~تنهدت~:ولا شي بدي أروح أكمل تجهيز الغدا

راحت ليندا وحكت سبأ:أكرم شو مالها ليندا؟

أكرن:شو بدّه يكون مالها يعني؟

راحت دارين تغير أواعيها وتوجها سبأ للمطبخ مشان تساعد ليندا

~~~~~~~
وعسفرة الغدا
دارين:يسلمو الأكل كثير زاكي

ليندا :صحة وهنا

دارين:ليندا شو مالك؟

ليندا:ولا شي تعبانة شوي بس

بعد الغدا نظفت دارين المطبخ وسبأ عملت القهوة...مشان تقعد هي وليندا ودارين عالبرندا...أما أكرم فحط حاله ونام

~°~°~°~°~°~°~°~
وعالبرندا
دارين~ماسكة فنجان القهوة~:ليندا شو صاير معك ما تحكيلي فش إشي لإنه ملامح وجهك بتبين إشي ثاني

سبأ:صح حكي دارين إنتِ مش طبيعية الًيَوُمًِ

ليندا:آآآه...تعبت الًيَوُمًِ مع أكرم...كل دقيقتين بنادي علي ...وإذا بتأخر لحد ما أروح أشوفه بعصب وبصير يصرخ

سبأ~ضحكت~:طبيعي لإنه مش متعود عالقعدة بالبيت وكيف إذا مش قادر يتحرك

دارين:سبأ معها حق...معلش ليندا تحملي هالفترة بس

ليندا~وقفت وحملت ميس~:•اللّـہ̣̥ يقويني لحد ما يجبروا كسوره...بدي أدخل لإنه برد عميس

دخلت ليندا جوا...حطت الألعاب...وصارت تلاعب بميس وعقلها بأكرم وكيف رح تمشي بقية الأيام معه
………………

الساعة 6 المغرب
صحي أكرم ونادى عليندا اللي كانت لسا بتلاعب بميس ...تركت ميس بين الألعاب وقامت تشوف أكرم

………………

بالغرفة عند أكرم

ليندا: صح النوم

أكرم~ابتسم~:ساعديني أقعد عالكرسي

ساعدته ليندا وأخذته غسلتله وجهه...طلعت هي وإياه عغرفة القعدة ...لقيت سبأ ودارين نجهزين حالهم مشان يطلعوا

أكرم:وين رايحين؟

دارين:عالمول القريب من البيت…تيجي معنا ليندا؟

ليندا:لأ

أكرم:ما تتأخروا

دارين:حاضر…نوخذ ميس معنا؟

أكرم:بدكم توخذوها خذوها بس زي ما حكيت ما تتأخروا

سبأ:حاضر ما حنتأخر

طلعوا سبأ ودارين عالمول...وأخذوا ميس معهم

أكرم:ليندا طلعيني عالبرندا وجيبيلي قهوة

ليندا:حاضر

طلعته ليندا عالبرندا وراحت تعمل وراحت تعمل قهوة ...خلصت القهوة وطلعت عالبرندا

أكرم:جيبي حرام حطيه علي لإني بردت

راحت ليندا جابت حرام صغير وحطته عكتافه وصارت تشرب فِيه بالقهوة وبعدها دخلوا يعملوا عشا…أخذت ليندا أكرم عندها عالمطبخ وصارت تحكي هي وإياه وليندا بتحضر بالعشا…أكلوا وشرب أكرم دواه ودخلوا عالغرفة مشان يناموا ...غط أكرم بنوم عميق...وليندا ما أجاها نوم لإنه ميس مش موجودة...بعد شوي روحوا دارين وسبأ

~°~°~°~°~°~°~°~

دارين:كإنهم نايمين؟

سبأ:شكله هيك

دارين: أنا رايحة أحط ميس جنب إمها لإنها نايمة

حطت دارين ميس جنب ليندا…وانتبهت إنها مش نايمة ما حكو إشي مشان ما يصحو أكرم أو ميس …دخلت دارين عغرفتها غيرت أواعيها ونامت هي وسبأ …وليندا بس تطمن إنه ميس عندها غفت براحة

~°~°~°~°~°~°~°~°~°~

بعد مرور 14 يوم
وتحديداً يوم السبت

الساعة 2 الظهر وبما إنه ما حدا مداوم ليندا طلعت تجيب لأكرم دواه…وسبأ بالغرفة بتحكي مع صاحبتها...دارين وأكرم بغرفة القعدة بتناقشوا

دارين:شو وضعك أكرم بعد ما فكيت عن إجرك الًيَوُمًِ ؟

أكرم:وأخيرا ًبقدر إمشي عالأقل

دارين~بتضحك~:يلا عقبال إيديك

أكرم:بدل ما تضحكي ردي عتلفونك

ردت دارين عالتلفون وكان أبوها

دارين:كيفكم شو أخباركم بابا ؟

تحسين~بصوت جامد~:مناح

دارين~قلقت م̷ـــِْن صوته~:خير بابا في إشي

تحسين:لٱ أبدا ًبس عرفنا م̷ـــِْن إم محمد إنه أخوك ِ عامل حادث ومكسر وبعد أسبوعين كمان يا سلام

دارين~توترت~:حقكم علينا بابا بس ما حبينا نقلقكم

تحسين:شو هالحجة هاي ...موضوع زي هيك ما بتخبوه لْـۆ شو ماصار ...وسبأ حسابها بس نيجي يومها إمك رنت عليها وحكتلها إنه فش إشي

دارين:إهدا بابا

تحسين:بكل بساطة بتحكيلي إهدا مش كإنه ابني عمل حادث وأنا آخر م̷ـــِْن يعلم…عكلٍّ إحنا بعد بكرة بنكون عندكم ...مع السلامة

سكر تحسين الخط وهو معصب بدون ما يسمع رد دارين حتى ...غمضت دارين عيونها ...ومسكت راسها بإيديها

أكرم:دارين شو ماله بابا؟

دارين:لإنه ما حكيناله عن الحادث اللي صار معك معصب كثير ومش طايق يحكي مع حدا وبعد بكرة بكونوا هون

أكرم:إحنا غلطنا المفروض حكينالهم

دارين:معك حق

~°~°~°~°~°~°~°~

عند تحسين

نسرين:شو حكتلك دارين؟

تحسين~قعد عالكنباية~:زي ما توقعت…صارت تبرر بتصرفهم وأنا بالآخر حكيتلها إنه بعد بكرة بنكون عندهم وسكرت بلا ما أسمع ردها

سبأ:بس تيجو تطلعوا نادوني

ليندا:حاضر

~°~°~°~°~°~°~°~
قاموا كلهم مشان يعملوا الأشياء اللي مخططين ينجزوها

وبعد شوي

ليندا:سبأ …دارين احنا طالعين عالبرندا تعالوا

سبأ:يلا جينا
Telegram @rwayate
طلعوا كلهم عالبرندا وقعدوا مع بعض

ليندا:شو سبأ شادة الهمة بالدراسة

سبأ:أنا الثانية عالدفعة بدي أصير الأولى

أكرم~بضحك~:ذكرتيني بحالي أول سنة جامعة كنت شاد الهمة بدي أطلع الأول عالدفعة

دارين~بتضحك وعارفة شو صار بعدها~:طيب وشو صار بعدها

أكرم:هالسؤال بجرح مشاعري خليها على ربنا

ضحكوا كلهم عليه…وقعدوا كمان ساعتين بأجواء الضحك والمرح …أكل أكرم وشرب دواه ودخلوا كلهم يناموا

~°~°~°~°~°~°~°~
الساعة 12 بالليل
صحيت دارين تشرب مي …وهي بالمطبخ خطرتلها فكرة رهيبة…ضوت ضو غرفة القعدة …جابت اللابتوب حطته بحضنها وفتحت الفيسبوك لتنفذ اللي خطر ببالها

#للقصةة_بقية
#بقلم_يمنى_عفيف