ح ما دورت فيه بكل زاوية دورت وما لقيتهن .. انقطع نفسها من التعب
وقعدت بالأرض وصارت تضرب حالها وتصرخ ضيعت حق بناااااااااااااتي

ضلع عزام وهو عم ينشف شعراتو وشاف البيت مقلوب

عزام : ولك شو عامله

هجمت عليه ديما وصارت تضربو وتقلو رجعلي حق بناتي .. رجعلي المصاري وين خبيتهن

عزام :ينعن اخت هالقصة .. تعي لهون وليه شو بدي ضل انا عم احكي معك متل البشر

وقرب منها غصب عنها واخد الي بدو ياه وهي عم تبكي ..

مرقو اسبوعين وعرفو الكل انو مصاري البنات انسحبو من البريد والي اخدتهن هي ديما
و قالتلهن انو عزام اخدن منا ..

و صار على قائمة الإهانات إهانة جديدة صارت تسمعها دارين عن امها ( امك سرقت مصاريكي انتي واختك ) امك كل يوم مع زلمة
امك حرامية .. امك وامك وامك .. ودارين طفلة عم تكبر وتتوجع اكتر و اكتر

وبيوم من الأيام هجم حمزة على عزام مشان يهددو ويرجعلو المصاري .. بس يبدو كبرت بيناتهن و حمزة ضربو لعزام على راسو
وهرب من الضيعة لان فكر عزام مات .. بس بعد يومين صحي متل القرد .. وطلقها لديما .. ورجعت على بيت اهلها مطلقة

مرقو خمس سنين وهي ببيت اهلها خدامة لنسوان الأخوة .. وامها الي كانت تحن عليها احياناً ماتت
وابوها لديما ضلو ظالم وجبار لوقت ما هدو المرض وقعد بفرشتو

بس مسلسل العرسان ما خلص .. وهالمرة ديما بطلت الطفلة الي خايفه من القتلة .. وما عندها قوة
هددتهن ازا بعد بفتحولها سيرة العرسان تهرب من البيت وتعمللهن فضيحه لتوطي راسهن كل العمر
والعالم اكلت وشهن انو صارت متجوزة تلات .. لهيك تسكر هالدفتر ..

صارو دارين ودانة صبايا وبعمر زواج .. و كان عند دارين ابن عم .. ( ابن عمها قصي ) دارس شريعه و تخرج
وكانت عينو على دارين .. و طلب يخطبها .. بس قصي رفض واعترض ...

أصر قصي عالموضوع وعاند الكل .. وخطبها لدارين .. وطبعاً ما في حدا يوافق او يعترض .. بس اعطو خبر
لديما مشان تجي تحضر عرس بنتها ..

اجت ديما .. ووقفت بعيد .. بالزاوية .. متل الغريبة ..

ودانة كانت قاعده جنب اختها ... والتنتين عم يتطلعو على امهن من بعيد .. في حواليهن ضجة وصوت عالي

بس في ضجة اكبر .. و اقوى .. بقلب التلاته

هيك لوقت ما قامت دارين من مطرحها ... و حاولت دانة تمسكها وتقعدها بس دارين كانت ماشي وهي معصبه
واجت باتجاه ديما .. ودانة ركضت وراها

ديما خافت ورجعت خطوتين لورا ... بس ما عرفت تطلع من بين الناس وتهرب من عيون بنتها الي كلهن عتاب ووجع

دارين : ليش جيتي هلأ ؟؟؟ ليش جيتي ؟

#سمو_الملكة

الجزء 11 ( قبل الاخير)

ديما : يامو انا .. انا

دارين نزلو دموعها وصارت تحكي وتغص بدمعها : ليش ما جيتي من زمان .. ليش تركتيني بايدين هدول الظلام

ديما : انا مو بايدي .. انا ما قدرت اعمل شي والله .. ما قدرت .. ما قدرت

قربت دارين وضمت امها بكل قوتها .. بكل طاقتها .. بكل شي فيها من تعب و قهر وشوق وصارت تتنفس ريحتها

دارين : كل ليلة كنت احلم اني بحضنك .. كل ليلة كنت حاول اتزكر وشك الي متل القمر .. كتير حكولي عنك
قالولي انك تجوزتي كتيرين بعد ابي .. كانو كتير يعيروني فيكي .. بس انا بحبك كتير
ريحتك علقانه بقلبي .. لا تتركيني امانه

بكيت ديما وما قدرت ترد بأي شي .. اجت امو لزياد (العريس ) وسحبت دارين وقالتلها ترجع على الكوشه لان الناس اشتلقو عليها

رجعت دارين قعدت وضلت عيونها على امها خايفه انها تروح وتتركها

ودانة رجعت قعدت جنبها وحاولت تهديها

لوقت ما خلص العرس ..

دارين : وينها امي ؟

ام زياد : شو بدك فيها فوتي مع عريسك يلا

دارين : ما بدي عم قلكن وينها امي ؟؟؟؟؟؟

دانة : لك دارين لازمي تفوتي مع جوزك على بيتكن يلا

زياد : معليش يا جماعه شبكن .. خلص جيبو امها يمكن بدها تسألها شي خاص

دارين : ايه مزبوط عندي سؤال خاص وما رح اسألو غير لأمي

ام زياد : طيب فوتي انقبري لجوا وهلأ منجيبلك ياها فضحتينا

دارين : لا ما رح فوت بلاها

زياد : دارين .. وعد ازا ما جابوها انا اطلع جيبها براسي بس فوتي العالم اشتلقت علينا

خجلت دارين من جوزها وفاتت عالبيت .. فاتت معهن دانة وقعدو تلاتتهن ساكتين .. بعد عشر دقايق
اجت ام زياد ومعها ديما

واول ما فاتت ديما ركضت على دارين ودانة وغمرتهن وصارت تبكي

ديما : مبروك يا روح البي انتي .. مبروك يا عيوني .. يا روح امك .. يا نبض البي انتي

دارين : ماما بحبك كتيررر ... اشتئتلك كتيررر .. اشتئت يكون عندي ام

ديما : دانة حبيبتي .. صايره متل القمر يا امي ..

دانة كمان كانت عم تبكي بس ما كانت قادرة تسامح امها بسبب الوجع الي شافتو

ام زياد : يلا بئى شو انا جوزت ابني لنتفرج عليكون ؟

دارين وهي عم تبكي : بس شوووي

زياد : امي خلص انتي روحي وهلأ هن بيروحو

ام زياد : ضلك كبر براسها لشوف لوين بدك توصل .. ممشيتك عالصراط المستقيم بنت ديما

وطلعت وهي معصبه

دارين : شكراً زياد

دارين كانت مخبره زياد بكل شي صار معا بحياتها والظلم الي شافتو وهو كان كب