#شياطين_الإنس
#مال_الشام
#قصة_واقعية
@rwayate
-6-

بعد 3 شهور رجعت!!
رجعت و رجعت الحياة للبيت…
راحت اطلقت من جوزها و خلصت عدتها و اجت…
تخانقت مع ابي و ما قبل يفوتها عالبيت…
اجتمعو عماتي و الكل و اقنعوه طبعا مشان يرتاحو من همنا
لان كان عطول يجو يخلصونا من ايدو
يمكن خافو شي نهار يبتلو فينا و يموت حدا منا!

رجعت فيروز! امي كان اسما فيروز
خلتني حس اني بنت…
لبستني… مشطتلي شعري
حممتني…
و اخواتي كمان…
كان معا مصاري
جابتلنا تياب… و اكل…
و جابتلنا بطانيات بيدفو…
صرنا ناكول اكل بيت… و هون الطفله كبرت
و ع طريق المدرسه حبت!!
حبت شب من بعيد…

كان دايما ينطرني ع اول الحارة…
مرة رمالي وردة بس خفت فوتا ع البيت رميتا بعيد…
يوم عن يوم عشقتو…
صرت امرض ازا ما شوفو…
صرت اهرب من المدرسه و التقي فيه!

مصطفى: خدي جبتلك سندويشة فلافل
صفاء: يسلم هالديات الله يخليلي ياك
مصطفى: لك دخيييل ربك شو بحبك يا دبه
صفاء: هههههه انا بحبك… كيف شغلك؟
مصطفى: غير شكل رح صير معلم
صفاء: ياااارب الله يعلي مراتبك…

هيك ضلينا فترة… لوقت ما وفى بوعدو و بعت امو تطلبني و كنت رح جن من الفرحة ما سدئت حالي
انو معقول الدنيا تضحك لوحده متلي!!

بس توقعاتي ما خابت… ابي وصلو خبر اني كنت انا وياه رايدين بعض
و قامت القيامه و قلع مصطفى و امو…
و رجع يضربني متل الحيوانات…

وجع جسمي مو كان المشكلة… بس وجع البي… كيف رح يطيب!!

مال الشام #شياطين_الإنس
#مال_الشام
#قصة_واقعية
@rwayate
-7-

بعد اسبوع فات ابي… و كنت اقرف منو بكل معنى الكلمة..

ابو عماد: قومي انقبري البسي… جاين ناس ياخدوكي من عندي الله ياخذك…

و طلع من الغرفه و فاتت امي… صرت اسالها لك شو في
مين جاي ياخدني شو في…
صرت انا ابكي و امي تبكي
و تقلي تجوزي لك بنتي حاجتك هالعيشه خلص بكفي
لك شو اتجوز
كيف يعني اتجوز
انا بحب مصطفى
ما بدي اتجوز ما بدي
اصلا ازا تجوزت رح يدبحني جوزي…
كنت بحالة هستيرية و امي تحاول تضمني و تهديني…

متل كل مرة… ما الي حول و لا قوة…
فتت عالجماعه… عجبتهن…
بعد 29 يوم صار العرس
لبست فستان ابيض
بس كنت بلا روح
كانت كل الدنيا بعيوني سودا
جوزني لشب بيشرب… بيعرف نسوان… و بقضي الليل بالشوارع…
دبحني مليون مره
ليش هيك ما كنت افهم… ليش!!!
بيت حماي كان طلبهن خدامه
و انا الحياة علمتني كون خدامة بامتياز!!
و مع هيك شفت عندهن الذل…
و شفت من جوزي الضرب و القرف و الخوف…
هيك لوقت ما صار شي… خلا البنت الي بلا روح
تزهر و تورد … و تتلون حياتها
الله رزقني ببنت… وقت دري جوزي بحملي فرح كتير بس ما تغير…
هيك لوقت ما شرفت بنتي عالدنيا…
سميتها آية
لانها كانت آية بالحسن و الجمال
كانت نور و رحمة لقلبي
لاول مرة بكل حياتي بحس بالحنية كنت خاف عليها من كل شي من كل شي…
الله نزل الرحمة ع قلب جوزي و صار يقعد بالبيت معنا..
هيك لوقت ما رجعت جبت حسن…
و بعدو عبد الرحمن
و اخر شي بتول… جوزي ترك المشروب… ولادي غيروه
و رحمة الله وسعتني…
صار يحبهن و يحن عليهن
و انا مستعدة عيش خدامه تحت رجليه كل العمر بس يضل يحبهن…
مستعدهن اعطيهن روحي بس محدا يئزيهن..
مستعده اعمل كل شي لاحميهن من #شياطين_الإنس

#تمت

قصة اليوم: #شياطين_الإنس

.............
قراءة ممتعة🦋💙"
#ⴅÂÐЄĦÂ

#شياطين_الإنس
#مال_الشام
#قصة_واقعية
@rwayate
-1-
(( لك كلو ريتو سم… الله يخلصني منكن انتو و ابوكن))

عماد: انا جوعااااان ما رح اكول هاد الاكل انا جوعان انا جوعان

ركضت عليه متل المجنونه و صارت تضربو بدون رحمة و تقلو: بدك تاكول مو… مو عاجبك الخبز …. خلي امك تجي تطعميكن الله يخلصني منكن بليلة مافيها ضو قمر…
عماد طفل ما كان فهمان شي الا انو تعب وهو ياكول خبز ناشف
اخواتو التلاته تخبو ورا الخزانه و هن خايفين…

سامر… صفاء… محمود

مو فهمانين شي… ليش هيك؟!
هن شو عملو لتطعميهن هيك اكل
شو صار لتضربهن بلارحمة… محدا كان فهمان…

طلعت نهال من الغرفة (( مرت ابوهن))
و تركت عماد عم يبكي و اخواتو خايفين يقربو عليه…

بعد ساعات حسو بالجوع و خافوا انها ترجع و تلاقيهن ما اكلوا… تجمعو و اكلو اكلهن… و سمعو صوت الباب

ابو عماد: وينك يا نهال… يا نهال…. الله يقصف عمرك كل النسوان بهدو الحيل
مافي و لا وحده هنتني… يخرب بيتكن

صوتو خلاهن يرجفو اكتر… و بالذات انو معصب…

هيك كانت تمرق ايامهن
مرت اب ظالمه… اب ما بعرف الرحمة… و بيوم من الايام..

نهال: ليك انا ما عاد اقعد خدامه لولادك بدي انقلع ع بيت اهلي

ابو عماد : لك وين روح فيهن زتهن بالشارع!! الله يريحني منهن متل ما ريحني من امهن

نهال: هاد الحكي ما بفيدني بدك تلاقيلي حل…

سكت ابو عماد شوي… وهو عم ينفخ
تطلع عالاولاد و هن قاعدين كلهن ع جنب… و بعدين ابتسم و كأنو اجتو فكرة..

ابو عماد: خلص رح ريحك من واحد منهن

نهال انبسطت كتير و قالت ببالها يلا معليه واحد واحد بخلص منهن…: امانه بتحكي جد؟ كيف… طيب مين؟
ياعمري ريحني من محمود صغير و شقي

ابو عمر: لا...بدي ريحك منها لهل مغضوبة… وشها بزكرني بامها

نهال: ايه لا هي بتساعدني بشغل البيت خليها تخدمنا

ابو عماد: خلص بقى هاد الي عندي

نهال: افففف ياه طيب وين بدك تروح فيها؟

ابو عماد: رح اخدها لختي سمية… مرضها اشتد و ما منعرف ايمت بتموت… و متل ما بتعرفي خواتي كلهن مافيهن خير و تجوزو بقى ما بدنا ياها تموت و محدا يدرى فيها، خليها تروح تخدمها و تقعد معها

نهال: ايه مو غلط والله فكرة منيحه… قايمه اعملك اطيب غدا على هالخبرية الحلوة…

الصغار كانو سامعين هالحكي
عماد الكبير… تطلع باختو و شدها من خدها..
صفاء ابتسمت… هي طفلة عمرها 7 سنين ما كانت فهمانه شي…

و بالفعل تاني نهار الصبح اخدها ابوها مع شوية تياب…
و وصلها لعند عمتها… و من هون بلشت حكاية صفاء

مال الشام #شياطين_الإنس
#مال_الشام
#قصة_واقعية
@rwayate
-3-

ابو عماد : حاجتك حكي فوتي اعمليلنا اكل…

اكل!! بس انا ما بعرف اطبخ… من الخوف ما قدرت حرك لساني و قلو… كان لساني مربوط من الخوف منو..

هزيت براسي و فتت عالمطبخ…
من بعيد صرخ علي و قلي اعملي مجدررررررة..

ما عرفت شو لازم اعمل… بلشت طلع رز و عدس… و سخن مي و حط ملح و بهارات..
خلصت الاكل… غرفتو بصحون و ما خطرلي جرب دوئو من التعب… كنت هلكانه…
حطيت الاكل قدامو… و رجعت لورا

ههههه ما بتزكر الا انو اكل لقمة و قلب الاكل علي… صرت نط و عيط لان كان حامي
مسكني من شعري و صار يضربني و اخواتي يتفرجو عليه…
كان متل الوحش… مجرد من اي احساس…
و انا كمان كنت ما عم حس بشي
جسمي تعود ع الضرب

و هيك صار كل يوم يطلب اكلة و انا صير ارجف و ابكي.. كانت في جارتنا بيفصل بيناتنا سور…
من قلة حيلتي و ضعفي ما لقيت غيرها تساعدني..
حطيت حجار و طلعت و ندهتلها… و صرت اسالها كيف اعمل الاكل..

اخي الكبير كان منيح معي… سامر كان قاسي شوي
و كنان طفل..

بيوم من الايام كنت نايمة… حاسة جسمي مكسر
حطيت راسي و ما حسيت على شي..
بس فجأة ما بعرف كيف سمعت صوت ضحك…
ضحكت بنت
فكرت انو عم اتوهم..
رجعت لنام بس لسه في صوت ضحكة… صوت قريب و بعيد.

خفت كتير… اتفقدت اخواتي كانو كلن نايمين..
قمت و انا خايفه و صرت دور من وين جاي الصوت..
كنت عم امشي و الصوت يقرب لعندي…
هيك لحتى لقيت صاحبة الضحكة!!!