#عقاب 4
#الجزء_الرابع
وبيوم كنت عم اتفرج عالتلفزيون على برنامج عم يحكي عن المثليين جنسيا" وانو الانسان المثلي بحب يمارس الجنس مع انسان متلو ذكر مع ذكر او انثى مع انثى ومابيتقبلوا يمارسوه مع الطرف الاخر لانو بكون عندو نفور تام وحسب المرحلة يلي موصللها طبعا انا هون جنيت ولعب الفار بقلبي وقلت معئول لا مستحيل هي القصص بس بالتلفزيونات حسيت حالي دايخة وعم تلعي نفسي فتحت موبايلي فورا وبحثت عالنت عن هالموضوع وكلشي عم يصير معي لقيتو بس مالي متاكدة ومافيني اتهموا هيك اتهام شي كتير خطير وما بيتقبلوا العقل وخاصة انا بحياتي ماسمعت بهيك شي لك هاد شذوذ تام حاولت فكر واهدى واتصرف بذكاء فكرت بطريقة اني راقبلو مكالماتوا الصوتية والواتساب لاعرف شكي صح او خطأ وفعلا بس رجع استغليت فوتو عالحمام ونزلت برنامج تسجيل المكالمات وخفيتو ووصلت الواتس بموبايلي لراقبو وسكرتو فورا وتصرفت طبيعي حطيتلو العشى وفتت نام واعدت انطر
وهون الصدمة كلامو مع رفيئو احمد عالواتساب يلي بخجل كلام وسخ ومقرف لك مع مرتو مابيحكي هيك ومن بعدها سمعت اتصالاتو وهو عم يقلو انو السهرة عندو وحتكون ليلة غير شكل وحيبسطو كتير
هون انا ماعاد اقدر كمل اكتر كنت رح قوم اقتلو وارتاح من قرفو حجن حهستر كيف وشلون انا عايشة مع هيك انسان وسخ وابن حرام لك ماكان مبين عليه بالمرة كيف اهلي رموني هالرمية قمت توضيت وصليت وبكيت وطلبت من ربي يخلصني منو .
وبعد ماهديت فكرت كتير وقررت اني استغلو وربي ترباية غير شكل ورجع ايام عمري يلي راحت هيك معو قررت اني ادم ترشيحي وبعدها قدم البكالوريا وفوت عالجامعة وآمن حياتي بايدي لانو اذا بطلئ منو رح ارجع لعند اهلي لا طلعة ولافوتة ولا دراسة وحتى يمكن مايسدئوني مستحيل يسدئو هيك شي لهيك رح خبي هالقصة واشتغل عحالي واتعب لاقدر اخلص منو وانتقم
صرت فكر وقول تسجيلات الصوت ومحادثات الواتس مابتكفي ويمكن يفكروني مطبئتا تطبيئ لهيك لازم يكون شي بايدي اقوى متل فيديو بالصوت والصورة لهيك قررت اني ركب كميرا بغرفة النوم بس المشكلة انو مامعي حئها لاجتني فكرة اني صير اطلب منو مصاري عاساس نائصني الغرض الكزا وهيك وبعدين اقترحت عليه انو يعملي مصروف حتى جيب غراض للبيت بدون ماالو وازعجو وبعدين صرت اسحب مصاري كمان بدون مايحس هيك لحتى قدرت جمع حئها .
بهالفترة ماضيعت حالي ودرست للترشيحي لحتى اقدر قدم بكالوريا السنة وبيوم نزلت واشتريت الكاميرا طبعا النت كتير فادني بهالقصة اني اسال واستفسر عن نوع وسعر الكاميرات ومن وين ممكن جيبا وشلون فيني ركبها ولحمد الله نجحت خطتي وركبتا كان صفي بس اني اطلع من لبيت لاخليلو الجو واقدر امسكو وافضحو وفعلا رحت لعندو وقلتلو
-----------------
ندى : كيفك اليوم
زاهر : منيح وانت
ندى : الحمد الله
زاهر : شبك متلبكة
ندى : بدي اطلب منك طلب
زاهر : مممم بدك طلب يعني لهيك مو على بعضك هالكم يوم
ندى : اه اي يعني مابعرف هو طلب عادي بس ماسبئ وطلبتو منك من قبل لهيك خايفة تصدني
زاهر : احكي شو بدك
ندى : فيني نام عند اهلي يومين مشتائتلن كتير ومشتائة لاخواتي وحابة اضي معن يومين العطلة
زاهر : اممممم طيب متل مابدك
ندى : هون حسيتو انو فرح وعرفت بشو فكر
شكرا كتير الك رح ضب غراضي انا مشان روح
زاهر : طيب خلصي امورك لوصلك
ندى : ماشي
----------------
طبعا ماحسست اهلي بشي وبالعكس صرت احكيلن اديش متفئين ومتل العادة امي سالتني عن الحمل
------------
ندى : ماما في مجال بلاه هالموضوع عم الك هلا لاغيين هالقصة من راسنا هو ملتهي بشغلو ومو مفكرين بالولاد وقت يجي الوقت المناسب رح نقدم عهي الخطوة
ابو ندى : خلص تركيها تسطفل منها لجوزا
ام ندى : والله لاني حابة شوف ولادك الك سنتين متزوجة حاجة
ندى : ماما لو سمحتي نحن منحدد هاد الشي اذا صار وقتو او لا
ام ندى : طيب متل مابدكم
---------------
كنت واصلة موبايلي بالكاميرا وكنت عم راقب المكالمات والواتساب لهيك كنت عرفانة ايمتى حيجو لشغلها
ستنيت اهلي لنامو وفتت عالغرفة وطبعا'' يلي توقعتو صار استغل وجودي برات البيت ليجيب رفيئو ويسهروا سوا الكاميرا صورت كلشي بهاليومين والفيديو صار عندي محتفظة في ماكنت عرفانة شو اعمل افرح لانو قدرت اثبت حقارتو ووساختو واني قدرت جيب دليل لوقف فيه ادام الكل ولا ابكي عحظي وعايامي يلي عم تروح هيك .

وبعد فترة .. بيوم فئت بنص الليل لاشرب مي وماكنت عرفانة انو عم يحكي عالموبايل
اصلا" مابهمني ونصدمت لما شفتو فاتح فيديو وعم .... مع رفيئو
هون حس علي ومسكني
--------------
زاهر : يا حيوووانة شو شفتي شو فيئك انت عم تراقبيني
ندى : ولله ماعم راقبك فئت اشرب مي والله والله
( عملت حالي مابعرف شي ولا عندي خبر بشي ومستغربة )
زاهر : شو شفتي
ندى : عفكرة انت واحد وسخ واحد حقير بعد عني رح استفرغ منك بعد عم الك
صار يخبط ويكسر ويعيط هربت عالغرفة من خوفي منو وقفلت الباب اجى لعندي وقلي
زاهر : بعملك يلي بدك ياه مقابل ماتحكي ل

#عقاب 5
#الجزء_الخامس والآخير :
الكل حينتقدني ويئلي ليش ماشتكيتي عليه وتركتيه وبقيتي معو وعرفانة وسخو يلي عم يعملو .. انا لو تركتو وفضحتو رح ارجع عبيت اهلي لا طلعة ولا فوتة والمعاملة حتكون اسوء لاني رجعت لاهلي مطلقة عدا نظرت المجتمع الي فأنا بدي ارجع قوية ويكون الي كلمة وماحدا يقدر يجبرني عشي لهيك تحملت وكسرت عكرامتي وبقيت قدمت البكالوريا ومجموع بخولني فوت الجامعة يلي بدي ياها اخترت الحقوق وكون محامية اقدر دافع عن حالي وعن يلي حولي هلا عمري 20 وبدي اربع سنين لاتخرج كنت مصرة اني اخد كل سنة بسنتا وبمعدل عالي لاقدر كون محامية جديرة بثقة وفعلا درست بجو هدوء مافي شي التهي او اتسلى فيه غير الدراسة .
ومرت الايام ولسنين واهلي واهلو ماعم يتركونا بحالنا وليش لهلا ماحبلت بس كانت الاعذار شي شغلو شي دراستي وشي لوضع المادي بنظرن 6 سنين بدون حمل في مشكلة بس بما انو انا نفحصت وادام امو وامي فيسكتو فترة وما يحكو شي مرقت السنة الاولى والتانية والتالتة والرابعة للتخرج وانا كنت كل يوم عم اتعذب اني عايشة مع انسان شاذ جنسيا'' يعمل شذوذو ويحكي ادامي وعادي ومع هيك تحملت وسكتت وصبرت و بنسبة لمعاملتو معي كان طبيعي وماآذاني بشي نهائيا بس هي الشغلة كفيلة تخليني احقد عليه واكرهو ياريت ضل بنظري بيكرهني او مابحبني احسن بالف مرة من يلي صار ..
وبعد فترة ...
لبست توب التخرج رفعت راس اهلي بعلمي بنات العيلة غاروا مني اني وصلت لهون وكنت احسن منهم بس هنن مابيعرفو اديش تعذبت وشو صار معي لاقدرت وصل لهون انا مالي زعلانة علي صار ( وعسى ان تكرهو شيئ وهو خير لكم ) يمكن لو ضليت عند اهلي حكون مالي هدف شغل واكل ونوم وعم انتظر عريس يتجوزني ويمكن ماكان رضي كمل تعليمي متل بنات عيلتي لهيك كنت صبر حالي بهالشي واقوى فيه .. قدرت اختار المكان يلي بدي ادرب فيه
كتير دكاترة ساعدوني بالجامعة بسبب اجتهادي واصراري عتحقيق حلمي وبسهولة قدرت اقطع شوط غيري ماقدر يوصلو لسنين
بعد هالحكي والكلام والانجاز يلي عملتن فيني اكتب عن اليوم يلي كنت عم احلم في يلي هو يوم العقاب
عزمت اهلي واهلو لعنا عالبيت عالغدا كنت محضرة الاكل من كل الانواع مركزة البيت ومركزة حالي عأكمل وجه بظن بنت بالـ 25 بعد يلي مرت فيه قدرانة تواجه اهلها واهل زوجا بهيك موضوع كان عندي قوة وجرأة بتطلع اد مية رجال كنت هادية كتير وذكية بنفس الوقت وماحسست حدا بشي
--------------
ندى : تعالو حابة ورجيكم فيلم حلو كتير
ابو زاهر : اي ليش لا منتفرج بس بدها كاسة شاي مو هيك ابو ندى
ابو ندى : اي لكن لكن حطيلنا ابي ابريئ الشاي ابي
ندى : اي من عيوني
ام ندى : انا جاية ساعدك امي
شو قصة هالفلم يلي بدك تعرضيه
ندى : عادي حابة تتسلو شوي مو اكتر
ام ندى : اي ان شالله خير
ندى : حبيبي زاهر يلا عود مابدك تتفرج معنا
زاهر : مبلا مبلا يلا اجيت
ندى : يلا حشغل الفيلم ترقبوا
ابو ندى : لك شو هاد استغفر الله العظيم
ابو زاهر : الله لا يوفقك يازاهر يا ابن الحرام
ام زاهر : لا موو ابني هاد لاااااا
ام ندى : لك طفي استغفر الله العظيم
ندى : وهي طفيتو شو زاهر ماتحكي ماتخبر الكل انك انسان شاذ قول لاهلك ولاهلي برر موقفك احكي
ابو زاهر : والله لا ادبحك واشرب من دمك
ندى : لااااا عمي لاااا لا تقرب عليه ماخلص حسابو اني افضحو بيناتكم
زاهر : ياحقيرة كل هاد وماخلصتي
ابو ندى : ياحيوان بعد عنها
ندى : ههههههه ضحكتني بعد كل هاد طلعت حقيرة بعد كل يلي شفتو منك بطلع حقيرة حئك والله حئك تحكي اكتر من هيك
شو بابا مبسوط انك زوجتني بعمر صغير لتستر علي شفت زوجي شو ستر علي وطلع كفؤ طلع شاذ يا ابو ندى شاااذ
شو امي مبسوطة انك ماوقفتي جنبي وكنت تحطي الحق دائما علي واني حط براسي دائما كون الغلطانة وبرر للعالم اد ماآذوني طيب انا عملت متل ماقلتيلي وطلع زوجي شاذ
مبسوطة هلا
مرت عمي وانت كمان مبسوطة هلا عرفتي لي لهلا ماحبلت منو وماجبتلكن ولد يحمل اسمكن لانو ابنك شاذ ابنك ماكان يرضى يقرب مني كان عايش معي وكاني اختو بالاحرى كاني حيط بالبيت
شو عمي وانت كمان مبسوط انو ابنك طلع شاذ وميولو منحرفة
مبسوطين كلكم بيلي عملتو فيني اي هيك بدي ياكن تسكتو وماتعرفوا شو تحكوا بدي شوف الندم بعينكن بدي رجع ولو شي بسيط من حزني ووجعي والمي وتعبي بهالحياة فيكن
بحب الكن مشان ماتتلملم القصة وتخافو من الفضيحة انا مارح اسكت عفكرة انا خبرت المحامي المسؤول عني وورجيتو كل الصور والفيديوهات والمكالمات وحطيتو بالصورة بكلشي لحتى يكون في حدا واقف معي في حال نكرتوا ومصرين تلفلفوا الموضوع متل ماتعودت عليكم
-----------------
ماحدا حكى بابا وماما طلعوا من عندي والدمعا بعيونن وراسن بالارض عمي ومرت عمي صاروا يتوسلولي مشان مااعمل شي لابنن وانسى لقصة وهنن بيتصرفوا
بس هاد الشي مستحيل اني اتنازل لانو رح ياكل عقابو ويتجازى ويندم عاليوم يلي فكر فيه بهالشغلة

بوقتا مابنسى نظرتو .. كانت نظرتو لالي بتخوف فيها

قصة جديدة: #عقاب
.............
قراءة ممتعة🦋💙"
#ⴅÂÐЄĦÂ

#عقاب 1
#الجزء_الآول :
مقدمة عن القصة
كل بنت فينا بتتمنى تلبس الابيض تطل فيه بين اهلها وقرايبينا ورفئاتا تسمع الزلاغيط والاغاني يزفوها لعند عريسا متلها متل الاميرة بتتمنى هاليوم لتنشأ عيلة وحياة جديدة وتكون احلى نقطة تحول بحياتا .....
بس مو أي بنت كانت تتمنى هالشي وانا كنت وحدة منهم
اسمي ندى عم اكتب عدفتر مذكراتي يلي بعتبرو رفيئي يلي بفضفضلو عن مشاكلي وهمومي لانو للاسف مافيني احكي لحدا بيلي عم يصير معي غير هالدفتر يلي مابيعرف في حدا .
برجع لكلمة انا وبكررها...
انا ماكان بدي كون عروس ولا بدي اللبس الابيض ولا افرح بهالشي لانو عندي مراحل بدي عيشا اهم بكتير من الزواج بهالعمر بدي اللعب وبدي ادرس وبدي روح واجي مع رفئاتي بدي عيش مع اهلي واشبع من اخواتي
بس هالشغلات البسيطة ويلي كانت من حقي عيشا كنت محرومة منا عنا بالعيلة لانو البنت بس تخلص التاسع وتاخد الشهادة بحسب تفكيرن يعني البنت هون صارت تعرف تقرأ وتكتب لهيك كفايتا كانت المرحلة الاعدادية بس .
وكمان هي صارت بسن البلوغ وصارت مصدر خوف للاهل فهي لازم تعد بالبيت وماتتفتح على شي لحتى يحافظوا على شرفها اولا" وتساعد امها تانيا'' ومتأكدة لحتى يخلصو من عبئ تكاليفها وبزات البنت لانها ضلع قاصر بنظرهم ومو طالع بايدا شي .
وهيك بتستنى عريسها لياخدا ويحافظ عليها هو .
عمري 15 سنة لما ابي طلعني من المدرسة
وكان فكرو انو يزوجني دغري بعد ماخلصت بس طلعت حساباتو خاطئة وماحدا تأدملي بهالفترة كنت عايشة بيت مؤلف من اب وام واخين صغار واخت صغيرة و انا اكبرهم بابا رجال حالتو على قدها دوبو عم يوفرلنا قوت يومنا واحتياجاتنا الاساسية وامي ست صابرة ومتحملة بس كان تفكيرها قديم متل باقي العيلة لنظرتن للبنت تربت ونشأت على هالشي وقدرت ترضخ للواقع وتصير جزء منو
ومرت السنين وصرت بالـ17 واجاني العريس الموعود شب بال 27 احوالو المادية منيحة ومامن حالو ووضعو بنسبة لاهلي كان عريس لقطة ومالازم نوقف ابدا
خفت ورتعبت وبكيت والتلا لامي مابدي مابدي اتجوز
ومن هون بلشت قصتي ..
-------------
ندى : بوس ايدك يا امي مابدي اتجوز مشان الله
ام ندى : حابة ضلي بالبيت لا دراسة ولا جواز
ندى : لك ليش انتو خليتوني ادرس لك مو غص من عني طلعتوني من المدرسة مع اني كنت شاطرة وماسالتو علي
ام ندى : شوفي ابوكي مابيتناقش بهالقصص بالمرة فلا تعذبي حالك وتعذبينا
بعدين يابنتي الشب مقتدر بكرا حيعيشك احلى عيشة ويستتك ويهنيكي مو احسن من عيشتك هون
ندى : لو بتخلوني كمل تعليمي انا قبلانة بالفقر وبكلشي معكن
ام ندى : اليوم الجماعة جاايين يشوفوكي نتهينا
-------------
ماكان فيني قاوم ولا قول لاء ولا اعطي رأي لانو بنظرن انو هنن ادرى بمصلحتنا ولو هالشي بخالف رغباتنا
اصعب شي اقرب انسانة يلي هي امك تكون ضدك وواقفة معهن عالغلط الاهر والوجع يلي جواتي مابتتحملوا جبال ومع هيك كنت قول يارب انت اعلم بحالي فك الظلم عني
وريحني .
تمت الخطبة و عجبتن لاهل العريس والعريس وافق علي نخطبت سنة كاملة لصرت بالـ 18 لنقدر نتزوج بالمحكمة وماكون تزوجت وانا قاصر
طبعا'' هالشي من رغبة العريس واهلو لانو اهلي ماعندن مانع ولو كنت قاصر اتزوج بس العريس عجبهن ومابدن يخسروه ووافقو عطلبو .
كانت علاقتي فيه بهالسنة جدية وباردة يجي لعنا كل خميس يتغدى ويعد مع اهلي يحكي معي كلمتين ويروح يحاكيني صدف عالتلفون ومايهتم فيني متل مابسمع عن المخطوبين بس امي دائما تحط الحق علي وتقلي انت لانك مابتعطي وجه و جامدة معو لهسبب هو هيك وعطول في الها مبررات وحجج لتصرفاتو والغلط مني دائما وكنت سدئها فعلا''
هيك لحتى اجى هاليوم الموعود البدلة البيضة والطرحة والعرس والتجهيزات صار الوقت يلي اطلع فيه من هالبيت صار الوقت لودع ذكرياتي فيه القاسية والحنونة
وقبل مااطلع سلمت عأخواتي وضميتن كتير
زعلت عأختي اكتر لانو جاييها هاليوم ومافي مهرب منو
نحرء البي اني رح اتركهن وامشي .
ودعت البيت وحيطانو وعفشو وزواياه صح كان ظالم علي وموجعني بس بضل في ذكريات حلوة بين لسطور مخباية قد ماكانت بسيطة .
واخر شي ودعت ابي بست ايدو وضمني لصدرو لاول مرة
لما تطلعت بعيونو لقيتهم مدمعين ولاول مرة بشوف ابي مدمع مشاني ومع هيك ماقدرت سامحو ولا اتعاطف معو لانو القرار كان بايدو وهو وصلني لهون
طلعت فيهم بحرئة ومشيت ...
--------------------
يتبع ...

#عقاب 2
#الجزء_الثاني :
صرت بالصالة
مابعرف اذا العالم نتبهت انو مافي مودة بيناتنا بالمرة الرقصة مصتنعة تلبيس الخواتم والدهب مسكة الايد كلها باردة ومافيها حياة ومع هيك حطيت عالجرح ملح وسكتت
خلص العرس وكلو راح واجى الوقت يلي اطلع فيه انا وجوزي عالبيت
بس قبل مانطلع مسكت امي ايدي و همسة بأدني وقالتلي
---------------
ام ندى : بلشي حياة جديدة واعتبري حالك خلئتي من هلا كوني عيلتك بايدك وحبي جوزك وصونيه باينتو الشب متفتح وحيحئئلك يلي بتتمنيه
ندى : هزيت براسي وقلت ماشي
باستني وودعتا وطلعت معو عالبيت
وعئلي كان بكلام امي لانو فعلا دخل لعئلي وخلاني اني حاول بلش بداية جديدة ولو مابدي ياها بس اني اصنع من الخراب شي احسن ماضل طول عمري مقيدة فيه وارضخ لالو
فتنا عالبيت كنت خجلانة وخايفة كتير بنفس الوقت انا مابعرفو منيح لزاهر صح امي خبرتني عن هالليلة شي بسيط بس ماخبرتني شلون اتعامل معو لهيك تركت الامور تمشي لحالا
-------------------
زاهر : انا تعبان كتير وبدي نام رح اعد برة شوي لبين ماتغيري تيابك وتخلصي
ندى : ماشي
كنت مصدومة كتير من تصرفو من يلي نحكالي شو حيصير بهالليلة ومن يلي شفتو ومع هيك حاولت اتبع اسلوب امي وحط مبررات وقول فعلا الزلمة تعبان متل ماانا تعبانة واصلا" انا هاد يلي بدي ياه وهيك احسن خفف عني توتر كتير
مرت الليلة بهدوء تام وتاني يوم بتتصل امي من الصبح
------------
ندى : الو
ام ندى : صباح الخير ياعروس
ندى : صباح الخير امي
ام ندى : شو طمنيني البي عندك
ندى : ماصار شي كنا تعبانين ونمنا
ام ندى : ايوة خير ان شالله لكن روحي لعند جوزك حطيلو فطور ودلليه مابدي وصيكي
ندى : حاضر
---------
كنت حاسة حالي ضايعة وبصراع كبير من جهة اني عايشة بيت في كلشي مستلزمات ومرتب واي بنت بعيلتنا بتحلم تعيش فيه ومن جهة تانية اني عروس مو مرغوب فيها بالبيت لك كلمة تصبحي على خير ماالي
ومع هيك سكتت
----------
تلبكت كتير ماعرفت شلون بدي فيئو وشو هي الطريئة حسيت حالي جدبة
ندى : ااااممممم نكشتو بايدي عكتفو قوم حضرتلك لفطور
زاهر : ادي الساعة
ندى : 11
زاهر : ماشي سابئك ..
صباح الخير
ندى : صباح النور
كان حديث مقتصر عالتصبيح بس مافي ولا كلمة بعدو
خلصنا فطور وقام تفرج عالتلفزيون وانا ضبيت الاكل واعدت جنبو كنا اعدين وكاننا اصنام ساكتين كنت ملبكة وعم فكر شو لازم اعمل احكي ولا قوم عالغرفة التانية ولا ...
____
زاهر : انا المسا رايح عند رفئاتي
ندى : رد صدمني مرة تانية انا عروس ويتركني من تاني يوم ضغطت عحالي وقلتلو اي متل مابدك
زاهر : بتمنى اي شي بصير بيناتنا شو ماكان بسيط مايطلع لبرا
ندى : متل شو
زاهر : اي شي ومتل روحتي اليوم
ندى : ماشي ... ورحت عالغرفة حسيت بالاهانة لكبيرة معئول انا بشعة او ريحتي مو حلوة او فيني شي علة او مو حاببني طيب لي تجوزني لكن
صرت حط الحئ علي متل ماتعودت من امي وحملت المسؤولية لنفسي
وعرفت امي حتتصل كتير وتسال اذا صار شي بيناتنا واذا التلا لا حتلومني وتخبر ابي وحيفكر اصدا اني عملت هيك لطفشو مني لهيك كان الحل الامثل اني كذب وقول انو تم كلشي بينا
--------
زاهر : يلا انا رايح بدك شي
ندى : سلامتك ايمتى راجع
زاهر : مابعرف لي في شي
ندى : لا ابدا بس مالي متعودة اعد لحالي خلص روح ولاشي
زاهر : طيب اذا عتزتي شي رقمي كتبتلك ياه عورقة عالمراية تصلي فيني سلام
ندى : ماشي الله معك
راح من هون ورن التلفون من هون وعرفت انو امي
---------
ندى : الوو
ام ندي : اي امي مابدي طول عليكي مشان جوزك بس طمنيني شو صار معكن
ندى : طمني امي كلو تمام متل ماقلتيلي
ام ندى : ييييي الف مبروك ان شالله وهلا وينو جوزك
ندى : عم يتحمم يلا امي عم يناديلي اعطي المنشفة
ام ندى : يلا روحي المهم طمنت عنك
---------
شو هالكذبة يلي كذبتا معئول الخوف بيعمل كل هاد انا كنت صغيرة ومابفهم ولا بعرف شو اتصرف ولا بعرف مين اسال ليقلي شو اعمل لي هيك عم يصير معي
القصة ماكانت تعب ولا مقتصرة على يوم ويومين لا مرت الايام والشهور والعلاقة بيناتنا باردة صباحات فطور بروح عشغل بيرجع العصر بياكل و بنام شوي بيطلع مع رفئاتو المسا لوش الصبح ليرجع روتين بشع كتير كان ياخدني مرتين بالاسبوع يوم عند اهلو ويوم عند اهلي والكل مفكر انو علاقتنا تمام ومااحلاها وماحدا بيعرف عيشتنا جوات هالبيت
------------
يتبع ...

#عقاب 3
#الجزء_الثالت
وبعد ماخلصت من قصة طمنيني صار شي بيناتكن
لـ مو مخبيتيلنا شي
طبعا" لانو هاد بس بنظرن الزواج نجح الجماع باول ليلة بعدين اذا صار حمل او لا بعدين حتجيبي صبي او بنت وبينسوا تفاصيل مهمة جوزك بيحبك بيهتم فيكي بيعطف عليكي محترمك منقص عليكي شي للاسف هي بحياتي ماحدا سالني عنها
وبيوم عملت متل مابيعملوا بنات خالاتي لزواجن وعهوا ماسمعتن عم يحكو لهيك طبئت هالشي وحاول اكسب جوزي لصفي لانو ماعندي خيار تاني
تحممت و لبست لانجري مرتب وقصير وتمكيجت وساويت شعري وتعطرت وكنت متل الاميرة بجمالي ورحت لعندو
والصدمة ..
انو لا نتكشني ولا طلع في حاولت اتقرب منو بعدني والي
-----
زاهر : مالي ادران اليوم لوسمحتي بدي نام
هون انل حسيت باهانة كبيرة حسيت كرامتي صارت بالارض وصرت صرخ وقول
---------
ندى : فيني افهم لي هيك عم تعمل معي وتعاملني انا شو ساويتلك انا بشعة شي مالي حلوة معلولة معاقة ريحتي بشعة بتقرف مني شو بس الي شو فهمني لك خليتني اكل حالي وفكر انو فيني شي لحتى ماعم تقرب مني وماعم تحاكيني وعم تعاملني متل الدواب
زاهر : ممكن تهدي وماتعصبي ونتفاهم
ندى : عشو بدنا نتفاهم الي عشو بتعرف انو امي بدا تاخدني عدكتورة لانو امك هلكت راسا عئولة لي لهلا ماحبلت وليكون فيها شي وطبعا نحن مخبرينن انو علاقتنا تمام فصفيت الشغلة علة فيني او فيك وتخيل روح لعند الدكتورة وتلاقيني لسا بنت شو موقفك عندهم وشو موقفي
هون حسيتو دأر وشرد للحظة قام شعل سيكارة عالبلكونة ورجع لعندي ...
زاهر : طيب بدي الك شي
ندى : شو صرت بدك ياني زعلت علي عفكرة انا مو ناطرة الشفقة منك ابدا
زاهر : لا مو هيك بس بصراحة العطل مني انا يلي عندي مشاكل بهالقصة لهيك كنت ماقرب عليكي وكنت بعد عنك وعاملك هالمعاملة لحتى ماتتعلئي فيني وتكرهيني وليوم يلي بدك تنفصلي فيه مني ماكون ظالمك معي عرفتي هلا لي
ندى : لك وليش ماخبرتني ليش فيك تفهمني
زاهر : شو بدي الك انا مابحسن قيم علاقة معك لانو مريض ومالي رجال
ندى : عالاقل ماعيشتني بعذاب كل هالمدة ولوم حالي
زاهر : عكلا انا عم اتعالج المهم هلا ماتروحي عدكتورة مع امك لخبرك انا تفئنا
ندى : طيب .. انا اسفة ورحت عالغرفة
صرت ابكي كتير من طيبة البي زعلت عليه وتهمت حالي اني جرحتو واني مابررتلو بس انا مابعرف بهشغلات حسيت حالي غبية وجدبة وهبلة ومابفهم بشي
ومشان يحاول يصحح شي بسيط من يلي صار
تاني يوم اجى وجايبلي موبايل
------------
زاهر : ندى وينك
ندى : ليكني بالمطبخ
زاهر : جبتلك شغلة مشان تتسلي فيها
ندى : شو هي
زاهر : موبايل ونزلتلك كل البرامج عليه مشان تتسلي ومايديئ خلئك بغيابي

ندى : ييي هاد الي شكرا كتير يالله شو حلو
زاهر : تعالي شوي بدي .......
وكان اول جماع النا بعد سنة وهلا صار فيني قول اني صرت متزوجة مو بس عالورق وفعليا" كمان
بعد ماخلص قلي ..
زاهر : بعد يومين اذا بدك خلي امك تاخدك عدكتور لتطمن انو مافيكي شي واذا قالتلك لي لهلا ماصار حمل مازل امورك تمام قوليلا زاهر براسو مشروع مهم وبس يخلصو عم نفكر بلولاد لحتى نحسن من وضعنا اكتر
ندى : ماشي متل مابدك
--------------
بجيبتو للموبايل كتير تسليت فيه وتعرفت عالعالم وشفت شو عم يصير بدنيا حسيت حالي كنت ولاشي وقطة مغمضة صرت اقرا واتثقف حاولت عوض ايام الدراسة ولو بشي بسيط باني اتثقف واتعرف عالعالم شوي فصرت ابحث واقرا واتصفح واتسلى بنفس الوقت
علاقتي بزاهر ماتحسنت بس كانت احسن من الاول من حيث حديثو معي او علاقتنا الخاصة بس احساسي انو مابدو ياني ومو عاملي وجود واهتمام لساتو ملازمني عهوا مابشوف النسوان شلون معاملة زواجهن الهن كان يقرب مني بارف وكانو مجبور على هالشي كنت حس باهانة لدرجة التلو ماعاد بدي اذا مشاني فانا ماعاد بدي ياك تأرب مني ورجع بررلي بمرضو وهو يلي عم ياثر عليه وكل مرة بسدئو لاني غبية
وبالصدفة بلاقي حالي بكروب نسوان عالفيس بيحكي عن العلاقات الزوجية وهالقصص وهون بكتشف انو زاهر مافيو شي متل ماكان يخبرني انو مريض لان كانت امورو تمام اثناء العلاقة بس وهمني بهشي لاني مابعرف وهو يلي مابدو ياني حتى جيبت لولاد عرفت انو هو يلي كان يمنع يصير حمل وكمان كنت جاهلة هالشي لانو امي ماخبرتني شي غير شي بسيط وقالتلي جوزك بفهمك
وهون وعئت بحيرة وحجن لي هيك عم يعمل معي معئول بحب وحدة غيري وانجبر يتزوجني ورديت اتهمت حالي وبررتلو صرت شوف انو في نسوان بتراقب موبايلات زواجها وبتشوف تحركاتو وكذا وعملت متلهم بركي بعرف لي هيك عم يعمل وبطفي ناري عرفت رقم السري وفتشت بموبايلو ومالقيت شي ابدا وصرت الحئو بليل مطرح مابيروح لعند رفئاتو وفعلا سالت وطلع بيت رفيئو ومن بيتو لشغلوا لعند رفئاتو وماعندو تحركات هيك او هيك وهاد يلي خلاني جن اكتر لي هيك عم يعاملني لكن
لك انا ماكان بدي اتزوج ومابدي اتعذب بهالامور ومع هيك وافقت على هالشي وحاولت كون زوجة لاسس عيلة بس حتى هي فشلت فيها وبيوم كان طالع برنامج

موثرة جدا
#عقاب.وخاتمة.تارك.الصلاة
الشيخ/#خالد الراشد فك الله أسرة.
#خَيرُ_جَليسٍ_في_الزَمانِ_كتاب
╭─┅═ @al_maktabh ═┅─╮
╰─┅─═ঊঊঈ═─┅─╯