#ورجع كرم علبيت

ابو كرم:اهلين عاش من شافك والله وجهك ولا ضو القمر

كرم :شكرا شكرا بابا خجلتني😊

ابو كرم:عم تتمسخر ولاك وينك لهلق صار الساعه 1

كرم: (بقلبو ) طيب شوساوي انا اذا هي شكلا ما بيحلالها تغني غير بنص الليل ااه بابا
كنت سهران مع رفقاتي و اخدنا الوقت

ابوكرم:لك انت مو عندك شغل الصبح
وبعدين من ايمت انت بتتاخر برجعه علبيت اه قلي؟مبارح واليوم راجعلي الساعه 1 بليل شو قصتك اه قلي

كرم:يابي لا قصه ولا شي والله مالي صغير ومبارح قلتلك اتاخرت لانو راجعت دفاتر الحسابات واليوم كنت سهران مع رفقاتي هي كل القصه

ابوكرم:بكرا بتفيق بكير البضاعه رح توصل الصبح بدك تفتح المحل ب9

كرم:على راسي من عيووني ابو كرم

ابوكرم:اتفضل على غرفتك...

#كرم شب حليوه عيونو زرق طويل شعراتو شقر وشكلو بيجنن عمرو 26 وبيشتغل بمحل ابوه محل البسه فخم كتير يعني احوالن الماديه تمام .. بس لانو بيكون وحيد ف ابوه بيخاف عليه كتير لانو ما عندو ولد غيرو لهيك ما بيسمحلو ابدا يتأخرعلبيت واصلن كرم من المحل للبيت ومن البيت للمحل بيوقف بلحاره مع رفقاتو بعد الشغل شوي ويوم الجمعه بيسهرمعون .. عايش مع امه وابوه وما عندو اخوات

#اما ديمه فهي بنت بيضا وشعرات سود بلون الليل عيونها خضر عايشه مع اختا وامها بعدما توفى ابوها ما عاد حدا يسأل عليهون لا عم ولا خال كل مين ملتهي بمشاكلو واختا لديمه .. ريم عم تدرس سنه اولى طب .. وديمه ما بتحب الدراسه واخدت البكلوريا شحط وبعدين قعددت بلبيت بس كان عندها موهبه صوتها حلوووكتير ...

#اشرقت الشمس وبلش يوم جديد .. ونزل كرم فتح المحل بكير وانصرف كلعاده ب 9 راح عالبيت اتعشا وقعد مع امه وابوه مسك موبايلو وطلع عالساعه لقها 12 قام وقف فجأة وطلع بسرعه ضل يدخول بحاره يطلع بحاره لوصل تحت البرندا .. كانت هي بهداك الوقت بلشت وصلتا الموسيقيه وبلشت تغني بصوت حنوون وهو واقف تحت عم يتسمع على صوتا وراسم على شفافو ابتسامه عريضه .. ضل على هالحاله اسبوع وهو كل يوم بيجي بيوقف تحت البرندا وبيستمتع بسماع صوتا .. لحتى صار يفكرطول الوقت بمين هي صاحبة هاد الصوت #بعد اسبوع

ريم:صباحوو ماما

ام رامي:صباح الخير بنتي شو بلاقي فايقه بكير

ريم:عندي محاضرات اليوم

ام رامي:الله يوفقك يابنتي

ديمه:صباح الخييير

ريم وام رامي:صباح النور بنتي

ديمه:ماما دقتلي رشا نازله شوف شو بدها من عند هالصبح

........#نزلت ديمه ودقت الباب#

ديمه:ممكن اعرف ليش فيقتيني من احلى نومي

رشا:وليي شو بتنامي قولي صباح الخير فوتي

ديمه:وهي فتت خيير

رشا:عنجد ولوو صحصحي حبابه بدي اطلب منك طلب الله يوفقك

ديمه:هاتي لشوف

رشا:لااااا موهلق بس تصحصي وشربك احلى فنجان قهوه

ديمه:اممممم ماشي قومي لنشوف شو هالموضوع الضروري

#جابت رشا القهوه وديمه صحصحت

ديمه:احكي بقى شوبدك

رشا:بلله عليكي لا ترديني خايبه

ديمه:له يا رشا الله يسامحك انا بعمري رفضلك طلب

رشا: ( بقلبا ) هادرح ترفضي اكيد*
اه لأ بس انو سمعيني للاخر وما تقاطعيني

ديمه:شووو

رشا:بنت عمي مايا هي السئيله عيد ميلادها اليوم وهي دايما شايفه حالها وبتغار مني ومنك كتير لانو صوتك حلو بتغرفيا انتي المهم دايما كلما بتجي لعنا بتقول انو صوتها احلى من صوتك ووو

ديمه:المعنى هاتي من الااخر

رشا:هي اليوم بعيد ميلادها رح تغني غنيه قال مشان تسمع العالم صوتها قديشو حلو فأنا بدي انوو انو

ديمه:انو شوووو

رشا:انو انا بدي انتقم وبدي هي عم تغني اخد المكرفون منا وو اعطيكي ياه بدي انتي تغني جكاره فيا

ديمه:😠😠نعم نعم شو قلتي ست رشا بدك ياني انا وقف غني بحفله عيد ميلادها

رشا:لا تعصبي ولو

ديمه:قال ما عصب ولك جنيتي انتي بدك انا وقف وغني قدام العالم شو انهبلتي انتي

رشا:لك ما فيا شي والله عادي

ديمه:لك انا بخجل ما بقدر غني قدام حدا انا بغني بس قدامك وقدام اهلي وممكن رفقاتي البنات
بس حفله وعالم بنات واكيد في شباب لا لا لا مستحيل

رشا:الله يوفقك بدي جاكرا هي عطول بتجاكرني بدي ياها تعرف ايمتا هالمايعه

ديمه:ايه حبيبتي بس مو على حسابي

رشا:بترجاكي توافقي

#المهم ضلت ساعه رشا تقنع ديمه انو تغني بعيد الميلاد .. وديمه بتخجل وما عم تتقبل الفكره .. لحتى بالاخير وافقت

ديمه:بس انا كيف بدي روح ومالي معزومه

رشا:لك مايا اتصلت فيني وقالتلي جيبك معي ولل
ه
ديمه:😢😢اوف هي ما بطيقني شلون قالتلك جيبامعك

رشا:لك مو قلتلك حتى تجاكرنا وتغني قدامنا

ديمه:اممممم 🤔 ماشي طيب
رح روح جهز حالي

رشا:ولك تقبري قلبي يا احلى رفيقه وانا قايمه جهز حالي

#جهزو حالون وصار المسا وكانت الحفله بمطعم راقي وفيا رفقات مايا بنات وشباب وقرايبينا من العيله ومنون رشا

#وعند كرم
كرم:قلتلك ما بدي روح ما بحب هيك اجواء انا

احمد:لك والله منتسلى شبك حفلة عيد ميلاد ساعه يعني ما منطول

كرم:ما بعرف لأ شوف

احمد:بدك تجي غصب لعنك مو بكفيك

كرم:لاولووو ..لك انا شو اخدني من وين لوين البنت صديقتك بلجامعه وانا شو اخدني

احمد:لك عادي انت رايح معي وهي قالتلي اذا حابب تجي حدا اهلا وسهل
ا
كرم:لاحول الله....

احمد:يلله روح جهز حالك هلق بتكون بلشت الحفله

كرم:اوووف يااا

#وبلمطعم .. كانت ديمه واقفه مع رشا والصبايا وكرم كان واقف مع احمد قدامها وضهرو لألها كان الجو حلو موسيقا واغاني روعه وكان عيد الميلاد حلو كتير .. الكل عايد مايا وقدمولها الهدايا.. قطعت قالب الكاتو 🎂...والكل بلش ياكول كاتو وفجأه مسكت حنان رفيقة مايا المايك وطلبت من الكل يسمعا طبعا هادالشي بطلب من مايا هي يلي قالتلا تعمل هيك

حنان:بعد اذنكون الكل يسمعني اليوم عيد ميلاد رفيقتي مايا ونشالله عقبال ال100يارب
بس مايا بدي اطلب منك طلب لا تخجلني ممكن تسمعينا غنيه بصوتك

#الكل استغرب وفات بلحيط .. انو مايا رح تغني 😂😅

مايا:ثانكس حنان خجلتيني

حنان:المايك 🎤 معك اتفضلي ..

مايا:بتمنى تعطوني رأيكون بصوتي..احم احممم

#وبلشت مايا تغني وكان صوت نشاذ انو ما حلو ابدن

كرم:(بهمس) هههه لك هي مهبوله من كل عقلا عم تغني شو هالصوت هاد

احمد:وطي صوتك فضحتنا

#وبنص الغنيه ومايا عم تغني .. راحت رشا وقفت قدامها .. واخدت المايك منا .. الكل انبسط انو مايا وقفت عن الغناء ومايا انصدمت من رشا

رشا:عزروني يا جماعه بس هلق رح سمعكون صوت بيجنن ينسيكون يلي سمعتوه 😅 #كان قصدا صوت مايا
وعطتت المايك لديمه ديمه كانت خجلااانه كتير ومعصبه من رشا على هاد الموقف يلي حطتا فيه ..

ديمه:......

رشا:عفوا يا جماعه بس رفيقتي خجوله شووي.

ديمه:(بهمس) والله لنتفك يا رشا بس نرجع عالبيت

رشا:بصوت عالي ؛يلله ديمه

#كرم عصب وقال شو هالعيد الميلاد الكل جاي يعرض مواهبو هون ولف واجا بدو يطلع من المطعم وفجأه وقف.. وقف والتفت على مكان الصوت وهو مفتح عيونو على الاخر
ديمه بلشت تغني وهو بلش يجن 😅

كرم:(عم يحاكي حالو) ولك والله نفس الصوت لك هي لك هاد صوتا صوتا والله صوتا مو معقول انا شفت صاحبة هاداك الصوت يالله شو حلوووه ولك يخرب بيت صوتا على هالنعومه وليييي شو هاد 😍😍😍

#الكل كان عم يسمع ديمه ويصفق والشباب يصفرو الكل حب صوتا لانو كان حلو كتير .. ديمه خلصت الغنيه وكانت رح تموت من الخجل من كلام الكل معا التمو حوليها كل يلي كانو بالمطعم عدا كرم يلي لساتو واقف قدام الباب ومالو قدران يتحرك من الفرحه والصدمه انو شافها .. مايا رح تموت من الغيظ ورشا كانت مبسوطه كتير لانو ربحت عليها وقدرت تغيظا وتخطف الاضواء من حواليها والفتو على ديمه

#ديمه قلب وجها اشارة مرور من الخجل والكلام يلي عم يقولولا ياها

احمد:لك معقول رشا عندك هيك رفيقه وما بتعرفينا عليها

رشا:هههه😅شايف بقى

احمد:عنجد انسه ديمه انتي قدامك مستقبل عظيم

ديمه:😳😳نعم

زميلة احمد:ايه والله عنجد انتي ليش ما بتقدمي لمسابقة المواهب ..
صحي انتي شو بتدرسي..

ديمه:😰 انا ما بدرس تركت الدراسه ما بحبا

البنت:اوو عنجد معقول

رشا:ايه معقول عادي يعني انتي هلق بتحبي الدراسه

البنت:هههه معك حق والله

احمد:لك ايه عنجد ديمه انتي ليش ما بتقدمي على المسابقه والله بتنجحي وبتصيري مشهوره

ديمه:بصراحه انا يعني بحب وكان حلمي انو ادخل بمسابقه للغناء بس انا بخجل وما بقدر

البنت:ياي ياريت عندي متل صوتك والله كنت قدمت من زماان

الكل:هههههههه

ديمه:انا عن اذنكون صارلازم روح

رشا:وانا كمان يلله عن اذنكون

#طبعا حتى تطفي رشا غلها من مايا على الأخر .. راحت لعندا

رشا:كل عام وانتي بخير مايا وعقبال المليوون

مايا:بغيظ شكرا

رشا:يلله ديمه امشي

#مشيو ديمه ورشا لعند الباب ولتقو عيونها بعيونو 😍😍 وقفت ديمه للحظات وهي عم تطلع فيه اما هو سرح داب بعيونها كرم وقع وما حدا سمى عليه ... وطلعو من المطعم عالبيت

احمد:هيييي يا اخوونا

كرم:.......

احمد:هيي يا اخ حاكينا وين شردت

كرم:ولك يخرب بيت عيونااا شوحلوين

احمد:😳مين هي

كرم:اه ماحدا امشي تاخرنا

احمد:على شو اتاخرنا

كرم:اه مابعرف علبيت اتاخرنا عالبيت

احمد:عليه العوض ومنو العوض راااح الصبي

كرم:.....

#وصلوالبنات عباب البينايه .. وصارت ديمه تعاتب رشا على هالموقف

رشا:ولك عاادي ولو ما بدها كلها خجل

ديمه:بلله ما شفتي الكل شلون كانو عم يطلعو فيني

رشا:ههههه ياريتني كنت محلك

ديمه:تضربي ايه

رشا:يلله منحكي بكرا انا تعبت

ديمه:وانافرطتت تصبحي على خير

رشا:وأنتي من اهلو سلااام

#ديمه كانت تعبانه من الحفله حطتت راسها على المخده وبلحظه مرق قدامها هداك الشب بعيونو الزرق والثواني يلي لتقت عيونهابعيونو ..

ديمه:ولييي شو حلوين عيونو 😍
انا ليش عم فكر فيه شو بدي بعيونو انا رح نام احسنلي

#اما هو كرم كان ناطرا تحت البرندا ضل ساعه واقف وعم يستنى بلكي بيرجع بيسمع صوتا بس خاب املو ورجع عالبيت .. ضل كل الليل عم يفكر فيا بعيوونها وبصوتها

#ديمه دااابت من الخجل ودخلت على غرفتها حطتت راسها على المخده وسافرت لعالم تاااااني ..

كرم .. ما حس ابدن بالمطر يلي بللت تيابو ولا بالبرد يلي اكلو كان طاير من الفرح بدل تيابو حط راسو عالمخده وبلش يحلم فياااا 😅

والصبح....طلعت الشمس ☀ ولا كأنو كان بليل برد ومطر 🌧
#طلعت رشا عند ديمه وحكتلا ديمه شو صار بتفصيل...
رشا:ياااي شو حلو🙊🙈

ديمه😊☺ شو اعمل هلق

رشا:شو رح تعملي اكيد رح تروحي

ديمه:بس

رشا:لا تبسبسي بدك تروحي غصب لعنك قال يعني مالك رضى تروحي
شوفي شكلك بالمرايه طايرة من الفرحه

ديمه:انا 😊☺

رشا:لأ امك

ديمه:ههههههه تضربي ايه

#وعند كرم
كرم:صباحو امي

ام كرم:صباح النور ابني

كرم:ادعيلي يامووو ادعيلي

ام كرم:خير ابني

كرم:رح شوفا امي رح شوفا اليوم رح اققعد معا

ام كرم:😳😳😳

#وحكى كرم لامو عن ديمه يلي حبا يلي صاير دايب فيا ... وفرحتلو امو كتير وصارت تدعيلو .. وطلع عشغلو

صارت الساعه 3 ونص كان قاعد بلكافيه ومبسوط ..😅😀

صارت 4 بلش يتوتر صارت 4 وربع بلش يخاااف معقول ماتجي.؟؟

صارت 4 ونص بلش يعرق التوتر زاد حس حرارتو ارتفعت فجأة وبلش يسعل يعطس 🤧من البرد يلي اكلو بليل ...
صارت 5 الاربع بلش يخيب املوووو 😔😔😔😔😔

وفجأة....

ديمه:مرحباا

كرم:وقف بستعداد متل يلي عم يحي العلم 😂😅اهلين

ديمه:☺
اسفه اني اتأخرت بس كان عنا ضيوف وما قدرت اطلع من البيت

كرم:لاااا لا ولا يهمك المهم انو جيتي

ديمه:😊☺

كرم:اتفضلي اقعدي شو بتشربي

ديمه:قهوه

كرم:صار يعطس ...

ديمه:بحزن يرحمكم الله

كرم:اثابنا واثابكم الله

ديمه:شفت كيف مرضتت لازم تنتبه عحالك ما بصير توقف هيك تحت المطر

كرم:امرض احسن من اني موت

ديمه:بعيد الشر عنك

كرم:اذا ما سمعت صوووتك قبل ما نام بمووووت

ديمه:....

...اتفضلو شو بتحبو تشربو

كرم :كيف قهوتك

ديمه :وسط لو سمحت

كرم :2 وسط لو سمحت

#وضلو عم يتطلعو ببعض بدون كلام لحتى اجت القهوه

كرم:هون القهوه طيبه انا عطول بجي بشربا هون

ديمه:بتجي لحاالك

كرم:امممم لأ طبعا

ديمه:....

كرم:بجي مع رفقاتي يوم الجمعه

ديمه:....اممم

كرم:كلن شباب ما عندي رفقات بنات

ديمه:حست بفرحه لما قلا هيك

كرم:ممكن نتعرف عبعض اكتر

ديمه:صحي شو اسمك

كرم:كرم اسمي كرم

ديمه: بخجل عاشت الاسامي كرم اسم حلو

كرم:هلق صااار حلو لما نطقتو شفافك

ديمه:... دابت من الخجل..............

[ ديمه دابت من كلمات كرموعم تشرب القهوه وعيونها بلأرض ]

كرم: عجبتك القهوه؟؟

ديمه:بخجل ايه طيبه

كرم:ريتووو الف صحه

ديمه:انا صار لازم روح

كرم:لأ بحياة امك وين تروحي لسا هلق اجيتي

ديمه:بس عنجد انا صار لازم...

كرم:بس نحن لسا ما حكينا شي بعدين انا حابب اعرف رئيك فيني ؟

ديمه:بس انا مابعرف شي عنك

كرم:هاد الي بدي ياه انا حابب احكيلك كل شي عني حابب وحابب اعرف كل شي عنك

ديمه:.....

كرم:رح بلش احكي انا موافقه ؟؟

ديمه:....

كرم:بوووس ايديكي وافقي نتعرف عبعض بمووت اذا رفضتيني

ديمه:بعيد الشر عنك

كرم:يعني مووافقه 😃 رح بلش انااا

ديمه:ماشي اتفضل

كرم:اسمي كرم عمري 26 وحيد اهلي عايش مع امي وابي اخدت البكلوريا وتركت الدراسه لانو لازم استلم محل بابا محل البسه كبير وابي صار زلمه كبير وما بقى يتحمل شغل وحسابات وانا ما كنت حب الدراسه كتير لهيك اقبلت اترك دراستي وساعد ابي بالمحل ومن الشغل للبيت ومن البيت للشغل بوقف بالحاره مع الشباب بعد الشغل وبطلع الجمعه معن حياتي عاديه كتير وما فيها شي ينذكر غير هاد يلي حكيتلك ياه .. شو رأيك 😅

#كرم كان عم يحكي وهي كانت بعالم تاني كانت سرحانه بعيونو وعم تسال حالا معقول انا حبيتووو ؟؟؟

كرم:تغنيلي

ديمه:واذا قلت لأ😅

كرم:رح ضل واقف هون لصبح

ديمه:هههههه مجنون

كرم:مجنون فيكي وبعيوونك

ديمه:خلص روح بقى حبااب

كرم:غنيلي الله يوقفك حبابه والله انا مسكين درويش معتر شفقي عليه الله يستر على حريمااتك

ديمه:هههههههه لك انت من وين بتجيب هالحكي

كرم:من عند ابو زكي 😅

ديمه:هههه #وبدلع عفوي قالتلو:
كرررررررم رووووح بقى

كرم:ولك دخيل الله الي خلقك ويقبر قلبي هالصووووت انا

ديمه:طيب خلص روح وبغنيلك بس توصل عالبيت

كرم:وعد؟؟

ديمه:وعد يلله رووح بقى

كرم:يلله رايحه وانتي دخلي حتى ما تبردي

ديمه:سلام

كرم:باي

#راح كرم طياره عالبيت وصل بسرعه البرق سبحان الله ((الحب بيعمل عمايل😅)) وصل علبيت غير تياب ولبس بيجاما وقعد على التخت واتصل على ديمه

كرم:الووووو

ديمه:موقلتلك بس لتوصل منحكي

كرم:وصلت وغيرت تيابي وقاعد هلق عتختي😄😅

ديمه:ههههه شو هالسرعه معقول هلق وصلت

كرم:هلق لا تغيري الموضوع

ديمه:انو موضوع

كرم:يلله غنيلي

ديمه:كرم والله بخجل

كرم:بس انتي وعدتيني

ديمه:يالله منك ... ماشي شو بدك غني

كرم:اول ما سمعتك عم تغني لفيروز انا لحبيبي غنيلي ياها

ديمه:ما لقيت غير هالغنيه

كرم:يلله يلله نطفتيلي قلبي

ديمه:احم احم😅............
...................

كرم:#بهمس يالله لو فيني خبيكي بقلبي وما خلي مخلوق يشوفك ول ايسمع صوتك غيري انا انتي الي انا ما بصير حدا غيري يسمعك..

##وغنت ديمه وكرم دااب اكتر واكتر
وصار كل يوم يتصل فيا ويحكو وكل يومين يجي يوقف تحت بلكونها وهي تطلع تشوفو ويحكو بليل عالوتس هيك شي 10 ايام وبعدا كرم عزمها على الغدا هي رفضتت بالاول بس قلا انو مشتاق يشوفا كتير .. هو كان عاملها مفاجأة اخدها على مطعم وقدملها ورد وشغلها موسيقى رومنسيه وطلب منا ...

《هو كان بدو يقلها انتي حبيبتي لانو مع كل كلامو الحلو ما قلها هالكلمه وناطرها تقلو بحبك لانو لهلق ما قالتلو هي الفترة كان هو يغازلها وهي تكتفي بالخجل》المهم طلب من

كرم:بتسمحيلي بهالرقصه...

ديمه:😊☺

#بأيد مسك ايدها وايدو التانيه حطها على خصرها وهيا ايديها بأيدو والتانيه على كتفو

كرم: همس بأدنها بحببك

ديمه:...😊☺

كرم:بموووت فيكي

ديمه:....#كانت هي دايبه من لمست ايديه وقرب انفاسوو كانت بعالم تاااني

كرم:ديمه
ديمه:#بتنهيده طويللله قالت
عيوووناااا

كرم:😍😍😍😍😍 انا عيوووونك عنجد ديمه انا عيونك

ديمه:هههه بلله شووو لكن انا شو موقفني هون هلق ؟😅😅

كرم:ديمه انا شو بالنسبه الك ؟؟

ديمه:#همست بأدنو
انت حبيبي وباست خدوو

#كرم حس حالووفات بغيبوبه

كرم:شوو قلتي

ديمه:اتأخرت وصار لازم روح علبيت😜

كرم:بحياة الله تعيدي شو قلتي

ديمه:بحبك كرم

كرم:😍😍ولك انا بموت فيكي وعليكي وبعشقك وبحبك وانتي لك انتي حبيبتي ديمه حبيبتي انت الي اناا وبس صح مو صح ديمه؟

ديمه:ايه حبيبي اناا الك وبس

#كرم كان طاير من الفرح وديمه اعترفتلو بحبا وكانت مبسوطييين كتير هو يحكي لاحمد عنا وهي تحكي ل رشا ضلوو هيك 6 شهور وحبن لبعض كان عم يكبر كل فترة يعملا مفاجأة وهي تغمرو وتقلو بحبك وهو يقلا اوعك تبعدي عني .. لحتى بيوم طلع اعلان علتلفزيون عن مسابقة للموهوبين يلي عندو صوت حلو يقدم عليها .. هالمرا اتشجعت ديمه وقررت تشترك بالمسابقه وحكت لاهلها بلاول امها عارضت بعدين وافقت ورشا كانت عم تشجعا كتير راحت وقدمت طلب اشتراك واجاها الرد بلموافقه .. وحبيت تعملو ياها مفاجئه لكرم يلي هو كمان كان محضرلها مفجأة بس المفاجئه الاكبر هو يلي صااااااار ....

التقو كل العاده بنفس المطعم بنفس المكااان على نفس الطاوله

كرم:يالله شوووو مشتقلك

ديمه:وانا كماان حبيبي

كرم:دخيل الله شو بيغرف قلبي عليكي لما تقولي حبيبي

ديمه:هههه تقبر قلبي

كرم:عاملك مفاجئه رح تحبيا كتير

ديمه:ياااي عنجد وانا جمان بدي خبرك شي 😅😅

كرم:عنجد قليلي شو؟؟

ديمه:انت قول بالأول

كرم:اذا قلتلك بتعطيني بوسه😅

ديمه: استحي كرم 😊☺

كرم:بصوت واطي..لك والله رح مووت على ما دوووق شفافك حرام عليكي بوسه وحده بس الله يوفقك

ديمه:#فاتت ببعضا ديمه من الخجل ..
لك كرم استحي بقى

كرم:ااااه يا عالم يا ناااس بمووت عشفافها انا بدي ..

ديمه:كرررررررررم بس بقى

كرم:ووولي على طووولي شو بحبك

ديمه:خلصني بقى شو المفاجئه؟

كرم:امسكي اعصابك

ديمه:هههههه قول بقى

كرم:خديلي موعد من امك المساء رح اجي انا واهلي نطلبك

ديمه: عم تحكي جدر😀☺😅

كرم:طبعا جد ولو بقدر كنت عملت الخطبه وكتب الكتاب والعرس بنفس اليوم

ديمه:هههههههه مجنون

كرم:ايه مجنون وبدي ياكي ما بقى فيني اصبر اكتر من هيك

ديمه:اممم وانا كمان حبيبي بس لازم نأجل الموضوع شوي

كرم:بلله وليش بقى!!!؟

ديمه:مشان المفاجئه