#ما_وراء_الجريمة
#الحلقة_الثالثة
@rwayate
#بقلم : #زينب_كوجار
..
..
..
#بعد شهر من موت نارين وانهيار شيراز بالكامل .. كانت شيراز تضل على قبر كل النهار تقريبا.. باول يومين ادهم ومروة ضلو يجو معها كل اليوم وبعدين بقي عروة وبيوم عروة كان مشغول وكانت شيراز قاعدة حد القبر وعم تحكي اختها وتبكي بس فجأة ..
- الموت صعب كتير
#التفتت شيراز عليها بس ما حكت شي ورجعت اتطلعت ع القبر
- البقية بحياتك
- شيراز : شو بدك مني
- بدي نساعد بعض
- شيراز : نساعد بعض هه وبشو
- انا بعرف انو نارين هي يلي حذرتني من هدول العالم ولولا نارين انا كنت ميتة هلأ
- شيراز : المطلوب
- ناديا : اسمعي شيراز .. عدو عدوك صديقك ..
يعني نحن عدونا واحد وهدفنا واحد واذا تعاونا ايد بايد رح تنتقمي لموت اختك وانا رح انتقم منن لانهن خانوني .. اسمعي شيراز انا حاسة بوجعك وانا فقدت كتير عالم لهيك انجبرت اشتغل مع هيك عالم وقدملن كتير شغلات بس هنن .. هنن رفضو صداقتي وكانو بدهن يتخلصو مني ع اتفه سبب
- شيراز : قتلو اختي
- ناديا : اقتليهن
- شيراز : اختي كان بدا تفضحن واحد واحد .. اختي كان بدا تساعد عالم كتير وتنقذهن من هالوحوش بس ماتت .. ماتت ماتتتتتت
- ناديا : شيراز اسمعي مني هاد انسب وقت لازم تكوني قوية .. صدقيني انا بعرف كل شي عم يشتغلوه وبعرف ايمتى الوقت المناسب لننتقم
@rwayate
- شيراز : ايمتى
- ناديا : يعني موافقة
#مسحت دموعا وقالت
- شيراز : الله لا يخليني اذا بخليهن يعيشو ويتهنو .. رح اقتلهن واحد واحد متل ما قتلو اختي
- ناديا: تمام لكن اول شي اسمعي لازم تكوني قوية وتوقفي بكي شوي وتتذكري انو رح تعملي وتكملي الشي يلي ما قدرت اختك تعملو
- شيراز: ماشي
- ناديا : تاني شي رح تطلبي من ادهم يطالعك ع بيت لحالك وبيت يكون بعيد عن الانظار شوي
- شيراز : اعتبري اليوم صرت ببيت لحالي
- ناديا : تمام هلأ روحي ارتاحي ومن بكرى لازم تجي ع الشركة في اجتماع لازم تحضريه
- شيراز : طيب
#المسا #ببيت_ادهم
- مروة: اهلين يا بنتي
- شيراز : ادهم بيك اذا سمحت انا طالعة ضب غراضي بدي روح ع بيت لحالي مو متحملة ضل بهاد البيت
- ادهم: طيب متل ما بدك هلأ بخلي عروة ياخدك ع بيتنا التاني
- شيراز : شكرا
- مروة: عم قول لو تضلي معنا كم يوم
- شيراز : بكفي لا تخافي انا صرت منيحة ورح داوم بكرى بالشركة
- ادهم : عنجد
- شيراز : الا اذا ما عاد بدك ياني
- ادهم : مبلا مبلا فيكي تداومي
- شيراز : ماشي لكن انا طالعة ضب غراضي
- ادهم : تمام وهلأ بقول لعروة يوصلك
@rwayate
#طلعت شيراز ع الغرفة وفتحت لخزانة وبلشت تضب غراضها بعدين راحت ع غرفة اختها وكمان ضبت غراضها وبين الغراض لقت صندوق بس صاير متل الخزنة وفيه كلمة سر ضبيتو وطلعت ...
____________________
#بالبيت_الجديد
#بقيت شيراز لحالا فتحت الشباك كان في نسمة باردة غمضت عيونا وبلشت تتذكر نارين .. بعدين راحت ع الصندوق وتذكرت انو نارين قالتلا كلمة السر قبل ما تموت كان تاريخن .. التاريخ يلي كانو يحتفلو فيه سوا كل سنة لمجرد انو بحسوه يوم حظ الهن
فتحت الصندوق وشافت فيه صور ووراق وكرت ذاكرة .. مسكت اول صورة كانت لزيد .. زيد نفسو رفيق ادهم وصاحب شركات كبيرة .. قلبت الصورة كان مكتوب عليها حكي ومعلومات عن زيد .. عمرو . وين بعيش.. مين حواليه وهالقصص
وكاتبة بنهاية الصورة رقم 2
فتشت بين الورق لقت ورقة مكتوب براس الصفحة رقم 2 قرأتا كانت عبارة عن جرائم عاملها وشغلاات مش منيحة مشترك فيها وحتى صفقاات مخدراات بشركتو ..
استغربت نارين من وين قدرت تعرف كل هاد !!!
بعدين اتذكرت انو عروة كان عم يساعدها .. ترددت كتير اتصل او لا بعدين قررت ما خبرو شي واكيد هوو كان متعاون معن وقتل نارين بالنهاية ابوه مجرم
#اليوم_التاني
راحت شيراز ع الشركة بشكل طبيعي واجى زيد وناديا
- زيد : البقية بحياتك
- شيراز : تسلم
- ناديا : حبيبتي الله يرحمها
@rwayate
- شيراز : تعيشي
#كان في اجتماع بالشركة كتير كتير مهم وفيه عملاء كبار ومعروفين
#بالاجتماع
- ادهم : نحن مو حابين نحكي كتير عملنا فيديو توضيحي بالرسم البياني ومشروح كل شي فيه خلونا نشوفو
- طيب يلا
- ادهم : قاسم بعد اذنك حط كرت الذاكرة وشغل الفيديو واطفي الاضوية
- قاسم : حاضر
#كانت شيراز قاعدة وعم تطلع فيهم بدم بارد .. انطفت الاضوية كلا واشتغل الفيديو بس ما كان فيديو توضيحي كان فيديو لزيد عم يحكي .....
- زيد : هههههههه ما بتعرف اديه رح نربح بهي الصفقة عنجد عنجد يعمري ما شفت عالم اغبى منن تخيل .. تخيل بس المصاري يلي رح تصير بين ايديي وبعدا رح ارمي ادهم بنص الساحة وانا رح اسبح ببحر من المصاري و ..

__
- زيد: وقف وقف شو هاد مين متجرأ يفبرك هيك فيديو لحتى ينزع كل شي
- كل شي صار واضح فعلا مشتغلين كتير ع الفيديو التوضيحي
- زيد : لحظة لحظة اكيد في مؤامرة انا متأكد ما بدن هالصفقة تصير
- اذا سمحت بعد عن طريقنا .. ضليت ورانا وعم تغرينا بعروضك لحتى قبلنا نعمل مقابلة معكن بس الشغل مبين من قبل ما نشتغل وفيك تعتبر انو كل عروضك يلي قدمتا النا مرفوضة ولا عاد تورجينا وجهك احسن ما نحطك بالحبس بتهمة ما بتنفد منها طول حياتك
- زيد : لحظة .. لك لحظة شو عم يصير .. ادهم احكيلك كلمة
- ادهم : احكي !!
#قام ادهم وهجم على زيد
- ادهم : بدك تخونييي !! بدك تبلينييي !! بدك تاخد كل شي الك وانا اكتر واحد فيكن تعب يا كلب يا واطي
- زيد : كلكن عم تعملو هيك مو بس انا
- ادهم : زيد خراس
- زيد : هههه ليش خايف افضحك ؟؟
- ادهم : انقلع برا شركتي فورااااا
- زيد : اي طالع بس انت وهنن ويلي شغل الفيديو ما رح يسلم مني وبوعدك بهالشي
- ادهم : برااااا
#طلع زيد وكان ادهم معصب ومتوتر كتير وبنفس الوقت خايف انو زيد يحكي كلمة وحدة لان بروح فيهاا .. تطلعت شيراز بناديا وابتسمت .. عرفت ناديا انو هي كلا خطة مجهزتلا شيراز بس بنفس الوقت خافت وبلشت تتسائل شيراز من وين جابت هيك فيديو مصور
#المسا
- صفا : شو ح نعمل هلأ يعني
- ادهم : ما بعرف
- صفا : زيد اذا حكى شي نحن بنروح فيها
- ادهم : هه وانا هاد يلي خايف منوو
- صفا : برأي نتخلص منو
- ادهم : هاد الحل الوحيد اصلا
- صفا : بس المشكلة انو دقيتلو وما رد علي ولما دقيتلو تاني مرة طلع الرقم مو موجود بالخدمة وزيد مانو بالشركة ولا بالبيت ولا بأي مكان منعرفو
@rwayate
- ادهم : اكيد هرب ل شي مكان
- صفا : الله يسترنا بس من يلي جاي
- ادهم : رح لاقيي لو كان تحت الارض
- صفا : ما عرفت مين شغل الفيديو .. يلي شغلو اكيد هدفو يفرقكن
- ادهم : وشو الهدف من تفريقنا
- صفا : ما بتعرف بالقانون يلي بقول انك تفكك عصابة وتدمرها اهون من انك تدمرها وهي متماسكة
- ادهم : خلينا نلاقي زيد وبعدين بلتفت ل يلي شغل الفيديو
_____________
#كان قاعد ع الكرسي ومربط بالحبال بغرفة فاضية ما فيها اي شي .. الحكي بينسمعلو صدى .. بلش يستعيد وعيو شوي شوي
- زيد : وين انا
كانت واقفة مقابيلو وعم تضحك
- زيد : ش.. شيراز !
- شيراز : مبلا شيراز لي مستغرب
- زيد : ليش انا هون كيف جبتيني
- شيراز : يا زلمة من اول ما صحيت بدك تبلش تكرفت بالاسئلة .. طيب بعيني الله رح جاوبك
ليش انت هون لانك قتلت اختي وانا حابة اقتلك بظن الموضوع بسيط كتير وشرحتلك ياه بسهولة
اما كيف جبتك ف الرسالة يلي وصلتك ع أساس انو من ادهم واعتذر منك وطلب منك لتجي وتتفقو كرمال ما حدا ينضر ف بحب خبرك انو هي الرسالة انا يلي بعتلك ياها مو ادهم
- زيد : شيراز ما بتعرفي مع مين عم تلعبي
- شيراز : مصيرك ب ايدي اوعكك تهدد
- زيد : عم قلك فكيني
- شيراز : حابة اخد رأيك ب شي
- زيد : لا تحاولي تستفزيني
- شيراز : صدمات الكهربا اديه ممكن توجع ؟
- زيد : ههههههه عم تمزحي
@rwayate
- شيراز : لا والنبي .. بما انك هون عم قول لي ما منجرب ومنشوف اذا كانت بتوجع او لا
- ناديا : زيدددددد
- زيد : ناديا.. ناديا منيح انك اجيتي .. فكيني لحتى نتخلص من هي المجنونة
- ناديا : كيف بتتجرأي !! ااه كيف
- زيد : ناديا فكيني
- ناديا : طبعا حبيبي طبعا انا هون لموتك ب ايديي هدول
- زيد : ناديا انتي
- ناديا : شو انا ؟ لما قررتوا تقتلوني وتستغنوا عن خدماتي ليش ما اجيت لعندي وقلت ناديا
- زيد : انا ما كنت موافق
- ناديا : بس كنت رح موت .. وهلأ حابة جرب صدمات الكهربا عليكك متل ما قالت شيراز
#مسكت شيراز شريطين كهربا وعطت واحد منن لناديا وابتسموا ببرود
- شيراز : قول هاي للموت
- زيد : بترجاكن لا بترجاكن بعطيكن شو ما بدكن
#بعدين ..

#يتبع
#زينب_كوجار 💜🐥

#ما_وراء_الجريمة
#الحلقة_الرابعة
@rwayate
#الكاتبة : #زينب_كوجار 💜🐥
..
..
..

#بعدين بلشو شيراز وناديا يحطو الكهربا ع جسمو وهو يصرخ اكتر .. بكل صرخة كانت شيراز عم تتذكر اختها .. كيف عذبوها كيف ماتت كيف قتلوها بلا اي رحمة .. كان الحقد عليهن عم يزيد جوا قلبااا
- ناديا : بظن حاجتو اليوم
- شيراز : ما شفي غليلي
- ناديا : لا تخافي لسه في اساليب كتير
#تركوه وهو مو بوعيو
تاني يوم راحت ع الشركة وتصرفت كتير عادي
ولما رجعو هي وناديا ع المكان يلي حاطين فيه زيد
- شيراز : اشتقتلي مو
- ناديا : اكيد اشتقلنا كتير
- شيراز : شو رأيك شو ممكن نجرب عليه اليوم
- ناديا : اختاري
- شيراز : عم فكر شغل فيه نار .. وبرد منو بنتدفى
- ناديا: فكرة حلوة بس عم فكر لو بنقص اطرافو بالاول
- شيراز : عنجد شي بحير
- زيد : عم تحاولو تخوفوني .. رجالي بكونو عم يدورو علي
- ناديا : طيب اول شغلة بحب قلك انو صح فعلا رجالك عم يدورو وتاني شغلة انك اليوم ميت
#توتر زيد من كلام ناديا وما عرف شو يعمل ..
#مسكت شيراز جوال زيد وبعتت رسالة ل ادهم بتقول: ليك ادهم رح اعطيك من الاخر بدي مقابل سكتوي 100 الف دولار اذا موافق رح ابعتلك عنواني ..
- ادهم : موافق
- *************
- ادهم : ساعة ونص وبكون عندك
- ماشي
________
#مسكت ناديا مسدس وضربت رصاصة بكتفو ورصاصة برجلو
- ناديا : انا بدك تقتلني يا خاين
@rwayate
- زيد : ناديا لا تنسي كل يلي كان بينااا
- شيراز : وانت تنسى عادي
- زيد : لا تدخليي
- ناديا: انت ما تدخل
#ضربت رصاصة براسو
وبعد #ربع ساعة تأكدو انوو مات وطلعو من المكان بدون ما يتركو ولا اثر عليهن وخبرو الشرطة عن جريمة قتل
.....
#وصل ادهم بدون حرس وفات ع البيت كان بيت شبه مهجور
- ادهم : هي نهايتك يا زيد تقعد بهيك مكان
#فات لجوا وبلش يصرخ ع زيد ويدور عليه لحتى لقاه ع الارض وغرقان بدمو .. قرب عليه لقى مسدس محطوط ع الكرسي وتحتو ورقة .. مسك المسدس وضربو بالحيط ومسك الورقة وكان مكتوب فيهاا : حياة حلوة بالسجن ♡
بنفس الوقت وصلت الشرطة والاسعاف .. حاول يهرب ادهم بس ما قدر لان الشرطة كانت محاوطة المكان كلو
الاسعاف اخدت الجثة وراحت والشرطة مسكت ادهم ولقت المسدس كمان يلي عليه بصمات ادهم وهيك صار اثبات قدام الكل انو ادهم قاتل زيد
حطوه بالسجن وخبرت مروة وعروة وراحو لعندو وخبرت صفا مرتو ل زيد انو زيد مات وانو ادهم يلي قتلو وركضت بسرعة ع المشفى وعملت حالا الزوجة المخلصة وصارت تبكي وتبكي وطلبت تشوف زيد وعملت حالا مهتمة بالموضوع كتير
باليوم التاني كانت صفا بقيانة بالمشفى كرمال الصبح تاخد جثة زيد ويتم دفنها.. وهي طالعة كانت الصحافة واقفة ع باب المشفى ..
- صفا خانم
@rwayate
- صفا خانم ممكن تردي علينا
- صفا خانم معقول ادهم قتل زيد وشو السبب انو قتلو رغم انهم كانو رفقة
- صفا : انا صح تعبانة وانا بوضع ما بيسمحلي اشرحلكم لكن بحب خبركم انو زيد مات مظلوم وانو ادهم قاتل .. قتل كتير ناس مو بس زيد وهلأ القانون رح يحاسبو الله لا يسامحك وادهم طلب من زيد شغلات كتير مخالفة ل نظام هالبلد ولما زيد رفض وهددوا ب انو رح يفضحو متل مو شايفين قتلو ل زيد بكل دم بارد الله ينتقم منك
- صفا خانم ممكن يكون في شركاء تانين
- صفا خانم بس سؤال
- صفا : اذا سمحتو بعدو بدنا نطالع الجثة وندفنهاا
___
#كانت قاعدة ع الكنباية واللابتوب قداما وعم تحضر حكي صفا .. ابتسمت وصارت تصفق وتصفق وتضحك
- شيراز : واو طلعتي شاطرة بالكذب كمان برافو برافو .. بس في مشكلة وحدة انو انا اذا شفت حدا وانا بعرف الحقيقة ما بقدر اسكت لهيك رح عزيكي بطريقتي الخاصة .. اما ادهم ف تحت المراقبة ما رح يأثر اذا تأخرت عليه كم يوم ..
#قامت ع الغرفة وجابت الصندوق وطالعت منو كرت ذاكرة مرقم ب 3 وطلعت من البيت ومشت لصحافة قريبة .. تلتمت وفاتت عطتهن كرت الذاكرة وقالت شي بيعجبكن وطلعت بسرعة واختفت ..
كانت ناديا ناطرتا بسيارتها بالشارع التاني
- ناديا : طمنيني مشي الحال
- شيراز : مشي .. افتحي مواقع التواصل خلينا نشوف
#كان عنوان واحد متصدر كل مواقع التواصل الاجتماعي وهو#خيانة_صفا ..
بالفيديو يلي عطيتن ياه كان موجود خيانة صفا ل زيد ومع ادهم .. بالفيديو مبين انو صفا وادهم على علاقة وحتى كانو عم يحكو عن طريقة يتخلصو فيها من زيد ومن مروة بنفس الوقت
#الفيديو خلال ساعة كان منتشر بكل البلد وكان عليه عدد كبير من المشاهدات
_______
#صفا مسكوها بالمطار ب اخر لحظة كانت عم تحاول تهرب برا البلد وحطوها بالسجن باعتبارها شريكة بجريمة القتل ومروة وعروة ما عاد اعترفو على ابوهن ابدا
- ناديا : وهلأ شو
- شيراز : ولا شي
- ناديا : كيف ولا شي !
- شيراز: خلي مواقع التواصل تتفرفد بالخبر شوي من هون ل 10 ايام ما رح نعمل ولا خطوة رح نترك كل شي ع حاله وبعدين بنشوف
@rwayate
___________

#مضى 10 ايام وادهم وصفا بالسجن ومحاكمتن كانت بعد اسبوع وانا بعرف شو الحكم بس كان لازم اقتلن ب ايدي ..
#كان متسطح ع التخت وتعبان فاتت لعندو الممرضة
- ادهم : منيح اجيتي عطشان كتير ومو قادر قوم
- كان فيك ترن الجرس وكنت اجيت فورا
- ادهم : ناديت كتير محدا سمعني
- وما حدا رح يسمعك لان انا المناوبة الوحيدة هون
- ادهم : طيب عطيني مي
- شيراز : كيف بتحب تموت
- ادهم : عفوا
#شالت الكمامة عن وجها
- ادهم : شيراز
- شيراز : اي.. ليش كتير مستغرب
@rwayate
- ادهم : انتي ورا كل هاد
- شيراز : مبلا وضيف عليهن شغلتين اول شي موتك وتاني شي انا سممتك انت ما اجيت لهون بسبب سوء التغذية .. طلع عنجد كل شي بالمصاري بيمشي.. بكم ليرة الطباخ سمملك اكلك
#حاول ادهم يقوم ويهرب بس ما مشي الحال .. مسكت شيراز اداة حادة من ادوات الجراحة وجرحتو ب ايدو اول شي .. بعدين ضربتو ضربة بالقلب وبعدين قطعتلو الوريد بايدو ووضلت تتفرج عليه وهو عم يغرق بدمو لحتى مات
- شيراز : نارين ما كانت البنت الاولى يلي بتقتلا بس كانت البنت الاخيرة ..
#قربت ع تختو وعلقت اسوارة ع شرشف التخت وطلعت
#تاني يوم بعد الدفن والتحقيق تبين انو هي الاسوارة ل صفا .. وصارت صفا متهمة بجريمتين وحكم عليها بالاعددام ..
___________________
#واقفين شيراز وناديا على قبر نارين
- ناديا : ارتحتي هلأ
- شيراز : ابدا
- ناديا : وليش
- شيراز : في شخص رابع بس ما بعرف عنو اي شي
- ناديا : ولا ح تعرفي انسي .. هاد الشخص كتير غامض وما حدا بيعرف عنو شي
- شيراز : بس انا مسكت طرف الخيط ورح لاقيه
- ناديا : وانا معك
__________________
#بعد_5_شهور
#ناديا سافرت وكملت حياتا وشيراز ضلت وراه للشخص الرابع وكان عروة عم يساعدها لحتى لقتوو ..

- شيراز : انتهت اللعبة
- مروة : انا بس يلي بقرر ايمت انتهت ولا نسيتي مين بكون شيراز
- شيراز : ما نسيت بس حابة خبرك انك اكتر حدا بستمتع بقتلو . بتعرفي ليش ما دمرتك وبس ؟
- مروة : لانك عم تحاولي تبيني انك مو جبانة
- شيراز : انتي الجبانة يلي كنتي طول الوقت ماشية تحت الاقنعة
@rwayate
- مروة : هه يلا قتليني شو ناطرة
- شيراز : لا لا موتك لازم يكون فيه لذة مشان كل ما اتذكرو انبسط . بس فيكي تبلشي تعدي لحظاتك الاخيرة وتتشاهدي ع روحكك
- مروة : بس بدي اعرف كيف عرفتيني
- شيراز : القصة مو صعبة وانتي عايشة معي بتعرفي اختي شو تركتلي عن الشخص الرابع !! صورة وحدة بس
- مروة : صورة ؟
- شيراز : صورة للشامتين يلي ع كتفك وكان هي شارة بينك وبين البقية .. لما تكون صورة الشامتين موجودة يتأكدو انو منك
- ناديا: بعترف انك ذكية واختك اذكى
-مروة : بتعرفي ايمت شفت الشامات ع كتفك ؟ وقت يلي كنت عم ابكي بحضنك ومعتبرتك امي ..
وشوي شوي عرفت كل ماضيكي بس الشي يلي ضل محيرني ليش قتلتيا وليش كنتي خافية حالك
- مروة : لابعد الشكوك عني .. اختك قبل ما تنخطف واجهتني وعرفت كل شي عني اختك كانت ذكية كتير كانت من كلمة وحدة تقدر تفسر الف قصة وقصة لهيك بليت ادهم والبقية بقتلها
- شيراز: بحب خبرك مو انا يلي رح اقتلك
- مروة : هه ومين
- عروة : انا يا مرت ابي
- مروة : عععروة !
- عروة : انا عرفت كل شي كمان وعرفت انك قتلتي امي وعرفت كل تفصيل بالجريمة يا خالة مرت اب
- مروة : بس ما ظلمتك
- عروة : قتل امي اكبر ظلم
#فتلت شيراز ضهرا وحطت ايدا ع كتف عروة و
- شيراز : ناطرتك برا
#مشت شيراز بخطوات هادية باتجاه الباب وسمعت صوت الرصاص..
طلع وراها عروة ومشوا
@rwayate
_______________
#بعد_مرور_5_سنوات
- شيراز : لحد هلأ بفكر كل شي صار حلم
- عروة: انسي كل الماضي بكفي هلأ انا وانتي ونارين
- شيراز : نارين .. نارين اهم شي عم خاف عليها من ضو الشمس ما بدي اخسرها متل ما خسرت اختي .. حاسستا نسخة عن خالتها بحركاتها وتصرفاتها وكلامها
#ضمها
- عروة : الله يخليلنا ياها ..
- شيراز: ويخليلي ياك ..

#النهاية

#كان سبباً بأن أجدك
#الكاتبة امل
Telegram:@rwayate
# الجزء الاول

نور:بتعرف مو مسدقة ايمت رح نكون مع بعض كتير عم اشتقلك
مازن: وانا كمان يا عمري والله طول نهاري بالشغل مشانا
نور: بس انا قلتلك ما بدي مصاري المهم نكون مع بعض
مازن: يا عمري انتي هيك بتقولي بس لما تجي على الواقع ابوكي ما رح يقبل يزوجنا من دون مصاري ، على القليلة حق محبس تقيل
نور: اي بس انا بدي ياك تعرف اني بحبك كتير انت اهم من كل شي بحياتي اهم من المصاري والذهب والألماس أهم من كل شي
مازن: وانتي عندي اهم من حالي ، بعدين انا بدي أمنلك مستقبل منيح حتى لو بقيت ٢٤ ساعة عم اشتغل
نور: الله يرزقك ويخليلي ياك يارب
مازن: ويخليلي ياكي يا نور قلبي

نور بنت حلوة كتير شعرها طويل ناعم وعندها وجه طفولي وبريء عيونها عسلي على اخضر
طولها مناسب جدا ، من عيلة غنية كتير وما كانو برضو بأي حدا لبنتهن الوحيدة نور دارسة علم حاسوب ما بتشتغل

مازن شب بجنن شغيل وابن حلال يتيم الأب وعندو امو واختو لين بالدني حلو شعرو بني طويل وعيونو بني غامق ، مازن احوال المادية صعبة كتير وما كمل دراسة لانو ابوه توفى من كان عمرو ١٦ سنة وبلش بالشغل على بكير وترك المدرسة

مرت الايام ومازن كان دايما ينام بالشغل مشان يقدر يشتغل أكبر عدد ساعات ممكن
بعد مدة قدر انو يجمع حق محبس الماس غالي كتير بس المشكلة ما كانت بالمحبس كانت بأبوها لنور
اتصل مازن واخد موعد من ابو نور
مازن: السلام عليكم عم
ابو نور: وعليكم السلام، مين معي؟؟
مازن: انا مازن .......
ابو نور: تشرفنا يا ابني ، بشو فيني أساعدك
Telegram:@rwayate
مازن:عمو انا متصل حتى اخد منك موعد مشان نلتقي ان شاء الله
ابو نور : ماشي يا ابني بس بخصوص شو
مازن: موضوع خاص شوي
ابو نور: ماشي انا فاضي يوم الجمعة تعا لعنا على البيت وهاد العنوان...................
مازن: ماشي عمو مع السلامة
مازن ما تصل بنور وحب يعملها مفأجاة
اجا يوم الجمعة وإجا مازن على الموعد بالظبط
كان كتير متوتر وخايف وفرحان كان شعور غريب بحس فيه لأول مرة
دخل على البيت واستقبلو ابو نور
ابو نور: اهلين يا ابني
مازن: اهلين فيك عمو
ابو نور: يا فتحية اعملي قهوة
فتحية : حاضر يا بيك
عملت فتحية القهوة وطلعت ضيفتها لمازن وأبو نور
ابو نور: تفضل اشرب قهوتك يا ابني وقلي شو هو الموضوع الخاص يلي جاي مشانو
نور كانت واقفة وعم تسمعهن وعيونها عم يلمعو من الفرحة
مازن: انا جيت اليوم حتى اطلب أيد الانسة نور على سنة الله ورسوله
ابو نور: أهلين فيك يا ابني ، قلي شو بتشتغل
مازن: بشتغل... نجار
ابو نور : نجار ؟؟
مازن : اي نجار ليه هيك استغربت
ابو نور : لا ما استغربت عندك بيت
مازن : للصراحة انا ساكن ببيت أجار انا وامي واختي ابي توفى من لما كان عمري ١٦ سنة وانا صرت مسؤول عن امي واختي و غير هيك انا ما بملك شي ابدا بس بحب بنتك وبدي ياها بالحلال
ابو نور: هههههههههههههه
مازن: ليه هيك عم تضحك قلت شي بضحك
ابو نور: هههههه لك لسا عم تسألني لك ما عندك شي حتى شقفة بيت ما عندك وبدك تتجوز لاء وتحب كمان هههههههههه ضحكتني والله
مازن : بس المصاري مو كل شي
ابو نور : انت هيك بتقول انت بتعرف اديش مصروف نور باليوم الواحد لك بتعرف من وين بتجيب تيابها واديش بتشتهي على اشياء غالية انت ما معك تجيبها
مازن: عمو سدقني انا مستعد أفني عمري اذا عجبها شي حتى اجبلها ياه
ابو نور: نحن ما عنا بنات للزواج تفضل يلا الله معك
نور لما سمعت هيك دخلت ومسكت أيد مازن وقالت لابوها : انا رح روح مع مازن وما بدي شي لا مصاري ولا حتى تياب بس خليني روح معو
ابو نور: ما رح تقدري تطلعي من هون
نور : وليه ما رح اقدر
Telegram:@rwayate
ابو نور: لانو رح اغضب عليكي ليوم الدين
مازن بكي وقلها : حبيبتي روحي مع ابوكي ما بصير يغضب عليكي مشاني وانا بوعدك رح ضَل اشتغل حتى يصير معي مصاري كتير واجي واخدك حتى لو بعد مية سنة
نور: بس انا بحبك بدي ياك هلق وبعد مية سنة
مازن : خلص يا عمري لا تبكي ابقي عند ابوكي وما تنسي وعدي
نور: وانا رح صَل حبك واستناك انت كل حياتي
راح مازن ونور انهارت وصارت تبكي كتير واجت امها طالعتا وصارت تبهدلا
ام نور: انت وحدة غبية وما بتفهمي
نور: بس انا بحبو كتير
إم نور: خرسي ما بدي اسمع صوتك واخدت تليفونها وحذفت رقم مازن وصورهن مع بعض
وطلعت امها وتركتها تبكي وتتعذب
بعد مرور شهرين
ابو نور : نور تعي بدي احكي معك
نور: نعم بابا
ام نور: خير قلي شوفي
ابو نور: اجا عريس لنور ابن شريكي وطلبها لالو
نور: بس انا ما بدي اتزوج
ابو نور: خلص مشي الحال ووافقت وبكرا جايين يكتبو كتابك
نور: لك ليه ما بكفي حابسني بالبيت ما بطلع واخدت مني التليفون ما بدي اتزوج
ابو نور ضربها وقلها : مشي الحال بكرا بصير جوزك و بتحبيه طلعي على غرفتك

الجزء الاول

كانت كل يوم بليل تقعود عالبرندا وتغني صوتها كان ناعم وكتيرحلو ..

ديمه:انا لحبيبي وحبيبي الي يا عصفوووره بيضا لا بقى تسألي
ولا يسأل حدا ولا يعتب حدا انا لحبيبي وحبيبي الي

ريم:الله الله فيروز بنص الليل هههه

ديمه:ولي ما اغلظك رعبتيني

ريم:لك اختي فوق مالك عم تصرعينا بصوتك الك عين تحكي قال رعبتا قال
لأ وشو عم تغني لفيروز بليل

ديمه:انتي شو فهمك اصلن فيروز بتنسمع بأي وقت بس الهبلان يلي متلك مفكرين انو صوت فيروز هو للصبح بس جربي سمعيا بغير وقت وشوفي

ريم:ولييييي عملتيا محاضره

ديمه:لك اصلن انتي شو فيقك مو كنتي نايمه

ريم:قمت اشرب مي ما شفتك بالغرفه عرفت انك قاعده هون ومطروبه

ديمة:ايه انضربي على قاامتك وفوتي نامي

ريم:ههه ليش عصبتي والله عم امزح معك صوووتك بيجنن هاتي بوسه 😘😘😘 تصبحي على خير

ديمه:وانتي من اهلوو

ديمه:انا لحبيبي وحبيبي الي....

#هو كان طالع من البيت بعد خناقه طويله عريضه مع ابوه لانو راجع متأخر علبيت كان لما يعصب ما في شي بيقدر يهدي كان ينزل يمشي بشارع حتى ما يسمع صوت اي حدا وفجأة .... وقف
وقف وصار يلتفت حواليه لحتى يعرف من وين مصدر الصووت
رفع راسو وضربت عينو عالبرندا ما شاف حدا بس كان عم يسمع صوتااا

كرم:🤔🤔مين هاد بنص الليل عم يغني ولفيروز كمان!

....:انا لحبيبي وحبيبي الييييي

كرم:ياويليييي على هالصوت شو حلو
احم احم شبني شكلهافيروز خلتني روق 🤔 فيروز ولا صوت يلي عم تغني😅😅

#حست بقرصة برد ودخلت تنام

كرم:لعمص ليش هي سكتت😢
احسنلي ارجع علبيت انا شو بدي اذا غنت ولا سكتت ...

ديمه:صباحوو ماما

ام رامي:صباح قولي ضهر لك بنتي

ديمه:ههه ماما اليوم جمعه

ريم:صح ماما حتى لازم نطلع مشوار مو هيك

ام رامي: لك قولي صباح الخير بلاول

ريم:مشان تقليلي صار الضهر 😅 اختصرت عليكي جمله امي

ديمه:غليييظه امي مو بأيدها

ام رامي:حاج كر يلله روحو عملو قهوه مشان نبلش نبلش بطبخه

ريم وديمه:حااضرماما
.................

ديمه:انا نازله عن رشا اتصلت وعزمتني على القوه

ام رامي ماشي بنتي بس وينا اختك

ديمه:ماما هي عم تدرس

ام رامي:اااه ياريتك تسمعي الكلام وتعملي متل اختك

ديمه:ماما قلتلك ميه مرا انا ما بحب الدراسه ما بحباااا مو بأيدي اذا البكلوريا بعد الغش والراشيتات اخدتها شحط شو بساوي

ام رامي:والله لو تحطي عقلك براسك كنتي..

ديمه:ماما انا رايحه سلام

ام رامي:اخ يا رربي هالبنت بدها تجبلي الجلطه

ريم:ماما كنت بدي...
امي شبكي شوفي

ام رامي:اختك والله انا خايفه عليها

ريم:ماما هي عنيده وانتي حاج تعبي حالك كل يوم بهالموضوع لسا ما ملتي منو يعني هي ما بدها تكمل دراستها ما بتحب الدراسه هي حره

ام رامي:يابنتي انا ما عندي غيركون انت وهي بعد ماتوفى ابوكي الله يرحمو وانا بدي ياها تدرس وتشتغل حتى تأمن مستقبلها

ريم:خلص ماما طولي بالك بعدين بكرا بيجي تعيس الحظ وبيريحنا من صوتا😅

ام رامي:ههههه

ريم:ايها اضحك يا جميييل

ام رامي:انتي شوكان بدك

ريم:كنت بدي قلك تعمليلنا شوربه على العشا

ام رامي:تركتي دراستك عم تفكري ببطنك روحي من وجهي

ريم:هههههه حاااضر

#بطابق الاول كانت ساكنه رشا جارتون ورفيقة ديمه رشا

رشا:دمدووم أطربينا أيتها الفتاة

ديمه:ههههه عم تتفصحني كمان

رشا:دي ولووو غني حبابه

ديمه:هاتي مايك🎤

رشا:هلق بلا غلاااظه

ديمه:ههههه ماشي ماشي
احم احممم احم

رشا:يييي شو غليظه دي بقى
................

ديمه:انبح صوتي ولي عليكي يا رشا
انا اتأخرت بدي اطلع علبيت

رشا:ايه الي بسمعك بيقول بيتك بأخر الدنيا ما بيقول بطابق يلي فوقنا

ديمه :شو بنام عندك يعني

رسا:ياريت منتسلى والله

ديمه:ايوا مشان امي تدبحني انا قايمه يلله سلام

#ومتل العاده عتمت الدنيا والنجوم والقمر زينو السما وهي كلعاده قعدت علبرندا وقعدت تتأمل السما النجووم والقمر وهي عم تغني

ديمه:🤔🤔يالله نسيت اسأل رشا مين بيغني الغنيه يلي سمعتا من كم يوم وحبيتا....

#كان هو واقف تحت ما بيعرف شو جابو على هي الحاره !؟ما شاف حالو الا واقف تحت البرندا وصار يحاكي حالو

كرم:لك انا ليش جيت لهون ليش واقف...رح ارجع علبيت احسن شي
لك شبك..شو عم تستنى 🤔 شكلي انهبلت صرت حاكي حالي
وضار ضهرو وكان رح يمشي وفجأه

.....:هذا رقم هاتفي كلميني لوسمحتي هذا مفتااح قلبي افتحيه متى شئتي .. ل اتدعي الايام تمر لا تقولي ربما يوم من الاثنين الى الاحد كلميني لو سمحتي...

#وديمه سكتت

كرم:ليش سكتي كملي....

#ديمه كانت مو حافظه الغنيه قالت لحالا تسكت احسنلا .. وبعد دقيقه رجعت ديمه تغني وهي مالها عرفانه انو في حدا واقف تحت عم يسمعا .. ونعست ديمه ودخلت تنام

كرم:يالله شو هالصوت الملائكي هاد
هلق عرفت انا ليش جيت لهون
جيت لحتى اسمعا 😅 لك اي حتى اسمعا... 😅😅 هههه شكلي جنيت لازم ارجع علبيت والله ابي رح يقوم قيامتي هلق .....

كرم:لاولووو ..لك انا شو اخدني من وين لوين البنت صديقتك بلجامعه وانا شو اخدني

احمد:لك عادي انت رايح معي وهي قالتلي اذا حابب تجي حدا اهلا وسهل
ا
كرم:لاحول الله....

احمد:يلله روح جهز حالك هلق بتكون بلشت الحفله

كرم:اوووف يااا

#وبلمطعم .. كانت ديمه واقفه مع رشا والصبايا وكرم كان واقف مع احمد قدامها وضهرو لألها كان الجو حلو موسيقا واغاني روعه وكان عيد الميلاد حلو كتير .. الكل عايد مايا وقدمولها الهدايا.. قطعت قالب الكاتو 🎂...والكل بلش ياكول كاتو وفجأه مسكت حنان رفيقة مايا المايك وطلبت من الكل يسمعا طبعا هادالشي بطلب من مايا هي يلي قالتلا تعمل هيك

حنان:بعد اذنكون الكل يسمعني اليوم عيد ميلاد رفيقتي مايا ونشالله عقبال ال100يارب
بس مايا بدي اطلب منك طلب لا تخجلني ممكن تسمعينا غنيه بصوتك

#الكل استغرب وفات بلحيط .. انو مايا رح تغني 😂😅

مايا:ثانكس حنان خجلتيني

حنان:المايك 🎤 معك اتفضلي ..

مايا:بتمنى تعطوني رأيكون بصوتي..احم احممم

#وبلشت مايا تغني وكان صوت نشاذ انو ما حلو ابدن

كرم:(بهمس) هههه لك هي مهبوله من كل عقلا عم تغني شو هالصوت هاد

احمد:وطي صوتك فضحتنا

#وبنص الغنيه ومايا عم تغني .. راحت رشا وقفت قدامها .. واخدت المايك منا .. الكل انبسط انو مايا وقفت عن الغناء ومايا انصدمت من رشا

رشا:عزروني يا جماعه بس هلق رح سمعكون صوت بيجنن ينسيكون يلي سمعتوه 😅 #كان قصدا صوت مايا
وعطتت المايك لديمه ديمه كانت خجلااانه كتير ومعصبه من رشا على هاد الموقف يلي حطتا فيه ..

ديمه:......

رشا:عفوا يا جماعه بس رفيقتي خجوله شووي.

ديمه:(بهمس) والله لنتفك يا رشا بس نرجع عالبيت

رشا:بصوت عالي ؛يلله ديمه

#كرم عصب وقال شو هالعيد الميلاد الكل جاي يعرض مواهبو هون ولف واجا بدو يطلع من المطعم وفجأه وقف.. وقف والتفت على مكان الصوت وهو مفتح عيونو على الاخر
ديمه بلشت تغني وهو بلش يجن 😅

كرم:(عم يحاكي حالو) ولك والله نفس الصوت لك هي لك هاد صوتا صوتا والله صوتا مو معقول انا شفت صاحبة هاداك الصوت يالله شو حلوووه ولك يخرب بيت صوتا على هالنعومه وليييي شو هاد 😍😍😍

#الكل كان عم يسمع ديمه ويصفق والشباب يصفرو الكل حب صوتا لانو كان حلو كتير .. ديمه خلصت الغنيه وكانت رح تموت من الخجل من كلام الكل معا التمو حوليها كل يلي كانو بالمطعم عدا كرم يلي لساتو واقف قدام الباب ومالو قدران يتحرك من الفرحه والصدمه انو شافها .. مايا رح تموت من الغيظ ورشا كانت مبسوطه كتير لانو ربحت عليها وقدرت تغيظا وتخطف الاضواء من حواليها والفتو على ديمه

#ديمه قلب وجها اشارة مرور من الخجل والكلام يلي عم يقولولا ياها

احمد:لك معقول رشا عندك هيك رفيقه وما بتعرفينا عليها

رشا:هههه😅شايف بقى

احمد:عنجد انسه ديمه انتي قدامك مستقبل عظيم

ديمه:😳😳نعم

زميلة احمد:ايه والله عنجد انتي ليش ما بتقدمي لمسابقة المواهب ..
صحي انتي شو بتدرسي..

ديمه:😰 انا ما بدرس تركت الدراسه ما بحبا

البنت:اوو عنجد معقول

رشا:ايه معقول عادي يعني انتي هلق بتحبي الدراسه

البنت:هههه معك حق والله

احمد:لك ايه عنجد ديمه انتي ليش ما بتقدمي على المسابقه والله بتنجحي وبتصيري مشهوره

ديمه:بصراحه انا يعني بحب وكان حلمي انو ادخل بمسابقه للغناء بس انا بخجل وما بقدر

البنت:ياي ياريت عندي متل صوتك والله كنت قدمت من زماان

الكل:هههههههه

ديمه:انا عن اذنكون صارلازم روح

رشا:وانا كمان يلله عن اذنكون

#طبعا حتى تطفي رشا غلها من مايا على الأخر .. راحت لعندا

رشا:كل عام وانتي بخير مايا وعقبال المليوون

مايا:بغيظ شكرا

رشا:يلله ديمه امشي

#مشيو ديمه ورشا لعند الباب ولتقو عيونها بعيونو 😍😍 وقفت ديمه للحظات وهي عم تطلع فيه اما هو سرح داب بعيونها كرم وقع وما حدا سمى عليه ... وطلعو من المطعم عالبيت

احمد:هيييي يا اخوونا

كرم:.......

احمد:هيي يا اخ حاكينا وين شردت

كرم:ولك يخرب بيت عيونااا شوحلوين

احمد:😳مين هي

كرم:اه ماحدا امشي تاخرنا

احمد:على شو اتاخرنا

كرم:اه مابعرف علبيت اتاخرنا عالبيت

احمد:عليه العوض ومنو العوض راااح الصبي

كرم:.....

#وصلوالبنات عباب البينايه .. وصارت ديمه تعاتب رشا على هالموقف

رشا:ولك عاادي ولو ما بدها كلها خجل

ديمه:بلله ما شفتي الكل شلون كانو عم يطلعو فيني

رشا:ههههه ياريتني كنت محلك

ديمه:تضربي ايه

رشا:يلله منحكي بكرا انا تعبت

ديمه:وانافرطتت تصبحي على خير

رشا:وأنتي من اهلو سلااام

#ديمه كانت تعبانه من الحفله حطتت راسها على المخده وبلحظه مرق قدامها هداك الشب بعيونو الزرق والثواني يلي لتقت عيونهابعيونو ..

ديمه:ولييي شو حلوين عيونو 😍
انا ليش عم فكر فيه شو بدي بعيونو انا رح نام احسنلي

#اما هو كرم كان ناطرا تحت البرندا ضل ساعه واقف وعم يستنى بلكي بيرجع بيسمع صوتا بس خاب املو ورجع عالبيت .. ضل كل الليل عم يفكر فيا بعيوونها وبصوتها

#فاق الصبح راح علمحل واجا احمد لعندو

كرم:اهلا ابو حميد

احمد:هلا والله فيك

كرم:غريبه مالك بتلعاده تجي علمحل لعندي

احمد:هي تقليعه مثل
ا
كرم:لك له لا والله مية السلامه

احمد:لك شفتلي هالبنت مبارح يحرق حريشااا على هالصوت

كرم:#حس انو نار شعلت بصدرو من الغيره😡😡وعصب
.......

احمد:شبك ليش هيك عيونك بظوو😅

كرم:ولا شي ...

احمد:احم احم انت من مبارح مالك عاجبني شو القصه لما طلعنا من الحفله ما كنت على بعضك

كرم:اه لأ ابدن مافي شي

#رجع احمد يحكي عن صوت ديمه وكرم مات من الغيره وحس انو لازم يحكيلو انو معجب فيا حتى يبطل احمد يمدح صوتا ويتأدب بقى

احمد:الووو نحن هنا عم حاكيك

كرم:بتحفظ السر

احمد:سرك ببير والله عرفان وراك قصه احكي

#وحكالو كرم انو الو فتره عم يروح يوقف عباب بينايتها ويسمع صوتا

احمد:وانا عم قوول ليش الاخ عصب وانا عم احكي عنا اتاريك عشقاااان

كرم:.....

احمد:.... اسف والله ما كنت بعرف انك معجب فيا ما كنت حكيت عنا

كرم:لك انا ما عم صدق حالي اتخيل كنت معصب و اول ما سمعت صوتا مدري شو صرلي حست جسمي اتخدر

احمد:لك هااد اسمو حب يا جاهل

كرم:😅😅😅 شلون بدي احكي معا احمد حاسس رح موت اذا ما حاكيتا

احمد:اممممم هي رفيقة رشا خلص عندي انا بظبطلك الو

كرم:يسترعلى اختك انت طلاع منا وكتر الله الف خيرك

احمد:فوق ما بدي ساعدك الله يسامحك

كرم:شكرا عرااسي انا بتصرف ريحلي حالك انت

احمد:عكلن اذا احتجت شي انا بلخدمه

كرم:تسلم

#صار المسا رجع كرم عالبيت وكالعاده بدل تيابو واتعشى وصارت 12 نزل وراح لتحت بينايتها ل ديمه .. وضل ناطر ساعه ساعتين وما سمع صوتا .. رجع مع خيبة املو وهو عم يسأل حالو ليش ما سمع صوتا وكيف رح ينام بدون ما يسمعو .. ضل يومين على هالحاله يروح ويستنى وما يسمع صوتا حس حالو رح يجن وقرر يروح بنهار بلكي بيشوفا واقفه علبرندا

#كان واقف براس الحاره حتى ما حدا يشك فيه وييسألو شو موقفك هون لانو غريب عن الحاره ضل واقف من الصبح للضهر كان الجو برد وفجأة بلش يدق قلبو بسرعه وهي كانت طالعه من باب البينايه وجاي بتجاهو
شافا دخلت عصيدليه قرب وقف قدام باب الصيدليه وسمعا شوقالت لصيدلي وعرف شبها .. طلعت من باب الصيدليه وصارت قدامو .. طلعت بعيونو وفورا اتذكرت هالعيون يلي جذبوها بلحظه بهديك الحفله اتلبكت كتير وهو رح يوقف قلبو من الفرحه لانو شافها .. طلعت فيه ومشيت بتجاه بيتها وفجأة وقفت على صوت

.....ديمه

ديمه:التفتت عليه .... اانا

كرم:ايه مو اسمك ديمه

ديمه:ايه من وين بتعرف اسمي

كرم:بحفلة عيد الميلاد سمعتن عم ينادولك

ديمه:.........

كرم:عليكي العافيه

ديمه:😳😳 عفوا

كرم:سمعتك عم تقولي للصيدلي انك مكربه واشتريتي دواء للكريب

ديمه:الله يعافيك

#والتفت وهي مستغربه واجت بدها تمشي

كرم:لو سمحتي ممكن دقيقه من وقتك

ديمه:.....

كرم:بصوت كل حب وشوق ولهفه ...
انا ما بعرف شو بدي قلك بس انا الي يومين ما سمعت صوتك لهيك جيت اليوم من الصبح ناطرك حتى اطمن عليكي

ديمه:😳😳ناطرني انا ليش انت من وين بتعرفني

كرم:بقلبو لك اااااه شو مشتاق لهالصوت .. اه انااا اناا اتخانقت مع ابي وطلعت برات البيت وقت عصب بحب امشي بشارع حتى ما حدا يحكي معي و ما اسمع صوت حدا لحتى اهدى و ضليت امشي لحتى وقفت تحت بينايتك وسمعت صوتك انتي وعم تغني فيروز وبليل وقفت وبدون ما حس على حالي روقت بسرعه واعصابي هديت اول مرا هيك بصير معي

ديمه:😥😢#ديمه مالها فهمانه شي

كرم:من هداك اليوم كل يوم بجي بليل لحتى اسمع صوتك صلي شهر ما بقدر نام قبل ما اجي واسمعك ولما شفتك بهداك اليوم حسيت قلبي رح يطيرمن الفرح صورتك ما عم تفارق خيالي ولا لحظه ...
الك يومين ما طلعتي عالبرندا ونشغل بالي عليكي وما قدرت نام قلت بلكي اذا جيت بنهار بقدر شوفك او المحك انا ديمه انا ما عاد فيني عيش بدون ما اسمع صوتك
مابعرف شو رح تقولي عني يمكن تقولي مجنون بس انا انا ب انا ديمه انا بحبك .

#قلها بحبك وراح هي فاتت بلحيط مشاعرها دخلت ببعضا بين استغراب وخجل وصدمه .. ركضتت عالبيت فاتت على غرفتا وسكرت الباب .. وبلشت تحكي حالها

ديمه:ولك ياي شو مجنون😂😅
يالله معقول انا كنت عم غني وهو عم يسمعني يالله على الخجله بس ولييي شو حلوو يالله مو معقول انا لازم ما بقى غني عالبرندا ولي ما كنت مفكرا انو حدا رح يسمعني

#نزلت ديمه عند رشا وحكتلا يلي صار معا

ديمه:ولك شو اعمل هلق قليلي

رشا:اممم ما بعرف شو بدك تعملي

ديمه:لا تخليني نتفلك شعراتك هلق انا عم اسألك

رشا:لك قلك بحبك يالله شو رومنسي وبيجي بليل يسمع صوتك واووو شو حلو

ديمه:انا بشو وانتي بشو

رشا:طيب ما سألتي عن اسمو

ديمه:لا

رشا:ولي عليكي شو هبله

ديمه:تضربي انتي ويلي حكتلك انا طالعه عالبيت كمل نوم الكريب دبحني دبح

#طلعت كملت نومها فاقت اكلت شوربه وقعدت تقرء روايه .. طلعت عساعه كانت 12ونص صارت تفكر يالله معقول يكون واقف تحت ناطرني غني 🤔 ديمه بس والله برا برد لأ مو معقوله اكيد مالو تحت شو رح يفقو بهالبرد على سواد عيوني مثلا

وطلعت وقفت علبرندا بحيث انو هي تشوفو وهو ما يشوفا .. ديمه يالله شو مجنون لك شو موقفو الدنيا برد ضلت عشر دقايق عم تفكرشو تعمل ولقت حل بالأخير
نزلت لعندو...كان عم يطلع لفوق

ديمه:احم احممم

كرم:التفت عليها 😳😳 ديمه

ديمه:الدنيا برد هيك بتمرض شو موقفك هون

كرم:انتي ليش نزلتي هلق بتتعبي انتي مرضانه هلق بتاخدي برد طلعي عللبيت

ديمه:ممكن بعد اذنك انت كمان تروح

كرم:😔وقفتي هون مدايقتك

ديمه:بعفويه لأ ابدن مو هيك بس

كرم:بس شو

ديمه:هلق هيك بتمرض

كرم:انتي خايفه علي امرض ؟؟؟؟

ديمه:بخجل .. طبعا ما بدي تمرض بسببي

كرم:بس انا مبسوط هيك

ديمه:بعد اذنك روح بقى لك انت مجنون شي ليش واقف بهالبرد

كرم:واقف لانو ما فيني نام قبل ما اسمع صوتك

ديمه:.....

كرم:اذا رحت هلق بتخليني بكرا اسمع صوتك

ديمه:تصبح على خير

كرم:بترجاكي بكرا سمعيني صوتك بدي اعرف نام برجع من الشغل تعبان اذا ما سمعتك ما بقدر ناام

ديمه:سلااام

كرم:رح انطرك بكرا بحببببك

#طارعقلو من الفرح ديمه نزلت لعندو حكت معو قالتلو بخاف عليك تمرض كان مو مصدق حس حالوو بحلم رجع علبيت حط راسو عالمخده وصار يتذكر صوتا كلامها برائتها نعومتها هيك لحتى ناام

#اما ديمه ما قدرت تنام حطتت راسها على المخده وصارت تتذكر كلامو

ديمه:عم تحاكي حالها طبعا
يالله شو مجنون معقول حبني من صوتي يالله شو حلو جذاب وشكلو طيب وحنون ومأدب ومحترم كتير ههه على الاقل هو ما قلي انو لازم اشترك بمسابقه الغناء هههه ...
انا ليش هيك عم فكر فيه لازم نااام
#الصبح فاقت كلها نشاط وحيويه

ديمه:صباح الخير يا احلى ام بدنياا كل
ا
ام رامي:صباح النور بنتي شو هالرواق هاد

ديمه:😊☺
واحلى ركوة قهوه لاحلى ام رامي

#عند كرم كان الوضع متل ديمه

كرم:صباح الخير لاحلى واطيب ام كرم بدنيا

ام كرم:صباح النور حبيبي

ابو كرم:شو وابوك مالو صباح الخير كمان

كرم:له انت الاصل ولك صباح الخير والورد والفل والياسمين

ابو كرم:هههه شو سر كل هالرواق هاد

ام كرم:تروك الصبي بحالو ...تعى امي شراب قهوتك ...

كرم:لأ امي اتأخرت علمحل بشربها هونيك

ابو كرم:ياسلااام على النشاط

كرم:احلى ابوكرم والله 😘😘
يلله ادعولي سلام

ابو كرم موفق ابني ام كرم :الله معك يا ابني الله يوفقك ويبعتلك بنت الحلال يلي تسعدك

كرم:ايه امي حلوه هي اخر دعوه كتري منا كتري

ام كرم:هههه ايه تكرم يامو

كرم:يلله سلاام

#كان مبسوط كتير لانو ديمه حكت معو وهي كانت مبسوطه لانو قلها بحبك وكان مهتم فيا .. صار المسا وكالعاده انصرف اتعشى وراح وقف تحت البرندا .. بلأول كان مبسوط بعد نص ساعه حس بتوتر وخاف .. صاريقول لحالو معقول معقول انو ما تطلع ما تسمعني صوتها ؟؟؟
كرم:لأ ديمه بترجاكي بووس ايديكي خليني اسمع صوتك لا تكسرلي قلبي
..........

هي كانت متردده تطلع او لأ تغني او لأ تنزل تقلو روح من هون تحط راسها وتنام ... حاولت تنام ما قدرت وسمعت صوت برا كانت اول مطرا من مطرات الشتى قامت شافتو بدون ما يشوفها تبلل بلمطر زعلت عليه ... وبعدا رفع راسو لفوق بلش قلبو يدق بسرعة البرد مع صوتها يلي بلش يسمعو مع فيرووز وصار تغني رجعت الشتووويه

كرم طار من الفرح حس وكأنها عم تقلو وانا كمان بحبك ..

كرم:بصوت عالي ((ولك دخيل الله انا ولك ريتو يقبرقلبي هالصوت وحياة ربي بحبك))

ديمه:سمعتو صار قلبها يرجف دمعو عيونها من الفرحه قربت وقفت عرلبرندا ولما شافها

كرم:😍 ولك تقبر قلبي هالطله

ديمه:هسسسس روح من هون بقى

كرم:بأمر عيووونك انا رايح بس بكرا بدي شوفك بكافيه ال.....الساعه 4 العصر رح انطرك بس بوووس ايدك لا تتأخري علي .

#طالع المسدس ووجهو علي قربت خطوتين وحطيت المسدس بنص راسي
- نور : اقتلني .. من انا وصغيرة تعلمت انو ما خاف من السلاح مفكر هيك رح تخوفني
- يوسف : حاج تكابري
- نور : اقتلني او افتح الباب خليني اطلع
- يوسف ؛ اذا بدك تطلعي من هاد الباب لازم تقتليني
#حط المسدس براسو هو
- نور : شو عم تعمل انت
- يوسف : اللي بدك ياه مو بدك تقتليني بس الفرق انك عم تقتليني ع البطيء انا بدي ارتاح وخليكي ترتاحي
- نور : تمام يلا
#مشيت وبعدت عنو
- نور : يللااااا شو ناطر
- يوسف : لحد هي اللحظة كنت ناطرك
#كان بدو يقوص بس قربت منو واخدت السلاح ورمتو بالارض وضربتو كف واول ما رفع وجهو وتطلع فيها ضربتو كف تاني
- نور : واحد غبي
#ضميتو بقوة وكأنو عم عوض السنين اللي راحت بدونوو ..
_____
يمان وفتون صار عندهم بنوتة تانية ونور ويوسف تزوجو وناطرين بيبي ع الطريق اما مصطفى ف بفضل فتون واخيرا بعد فترة طويلة من المعالجات قدر انو يرجع يمشي ع رجليه .. اما امجد ف سافر لبرا البلد ليكملل دراسات عليا ..

__________
- فتون : وبغزل دكتورة فيني قلك انو انا وانت متل الداء والدواء اكتر تنين بجاكرو بعض بس بكملو بعض ما حدا بيقدر علي غيرك وما حدا بيقدر يمشي كلمتو عليك غيري عنجد يااا والله انو نحن مميزين كتير مو هيك.. يمان .. يمانن نمتتت
- يمان : فتون مشان الله نامي بدي نااام تعبااان خلصص
- فتون : طيب لا تعصب ما حكينا شي ..يمان نمت

#النهاية..
واخيرا حسيت انو بعمري ما رح اكتب هالكلمة 😂😂
اعطوني رأيكن شو ما كان ايجابي سلبي نقد اي شي بس ما تقرأو وتمشو
كتير بحب أقرأ تعليقاتكم ع القصة لا تحرمونا من تعليقاتكم اللطيفة 💕😁
نلتقي في قصة جديدة واحداث مختلفة ان شاء الله 💕
احبكم 💜