- فتون : للاسف ما بحب الصراحة ولا بحب السخافة هي
#مشيت خطوتين وكان بدي روح
- يمان ؛ لحظة
#فتلت عليه شفتو طالع سلاحو وخلا فيه رصاصة وحدة بس
- فتون : انا هلأ اتأكدت انو ما عندك عقل
- يمان : يا بتسايريني يا بقتل ابوكي
- فتون : اففف
#رجعت وقعدت قبالو ووجه المسدس علي
- يمان : ما عم صدق انو حدا قدر يخدعني ومدة طويلة وما كشفتو
#اطلق بس كانت فارغة .. رمالي السلاح ووجهتو عليه
- فتون : شكرا الك هاد بعتبرو مدح لقدراتي
#اطلقت بس كمان كانت فارغة ورميتلو ياه وبقينا هيك لوصلنا للاخيرة واللي كانت من نصيب يمان
- يمان : اوووه وينكن يا اعدائي تشوفو اديه خططتو لتقتلوني وما قدرتو وشوفو كيف رح موت هلأ
- فتون : بلا هالسخافة
- يمان : قوصي
- فتون : يمان
#مسك جوالو واتصل وفتح سبيكر
- يمان : هو معكن
- أي معلم ورايحين ع البيت
- اقتلوه
- امرك
- فتون : تمااام تمام
- يمان : خدوه ع البيت ولا تعلمو شي
#قفل الخط ورمى الجوال
- فتون : ما بعرف انت هيك شو عم تستفاد كتير حابب تموت كتير مشتاق لتروح ع جهنم
- يمان : قوصي حاج تلفي وتدوري
#من اول ما مسكت السلاح لهلأ هي اول مرة بتردد اول مرة برجف اول مرة بتمنى لو فيني ما اقتل اللي قبالي
- يمان : يلااا 1 .. 2 .. 3
#اول ما قال 3 رفعت السلاح لفوق وقوصت بس طلعت فارغة كمان .. تطلعت فيه لقيتو عم يضحك والرصاصة الاخيرة ب ايدو
رميت السلاح وطلعت ودخلت ع اول حمام طلع قدامي .. غسلت وجهي وغسلت ايدي وكأنو عم حاول امحي منن اثر القتال اللي صار اليوم ... سكرت المي وتطلعت بالمراية.
- فتون : ضعفتي فتون ضعفتي ما قدرتي تكملي حياتك بشكل طبيعي .. اليوم انتي وبعد سنين رجعتي للسلاح والقتل
#تطلعت ب ايدي
- فتون ؛ اليوم ايديكي هدول رجعو عاشو نفس الشعور قبل سنين .. ايديكي اللي وعدتي حالك انو من اليوم ورايح تعالجي فيهن الكل ليششش ليش ليش هيك صار ليشششش يا الله خليتني ارجع لهاد العالم ليششششش
#ضربت المراية ب ايدي وانكسرت وبلش الدم يطلع من ايدي .. دق الباب
- يمان : فتون .. فتووون .. فتون فتحي الباب والا بكسرو
#مشيت ب اتجاه الباب وفتحت القفل وفتحت الباب .. تطلع ع ايدي اللي كلا دم وع المراية المكسورة
- يمان : شو هاد فتون شو هالتصرفات هييي
_____________
#قاعدين ويمان عم يعقملي الجرح ويضمدو .. لما خلص اتطلعت ب ايدي وتنهدت وهو بقي ساكت
- فتون : اليوم بعد 12 سنة انا رجعت مسكت السلاح وقتلت
- يمان : بعد 12 سنة !!
- فتون : برأي معك حق صار لازم نتعرف ع بعض من اول وجديد
- يمان ؛ ...
- فتون : انا فتون ربيت بعيلة صغيرة ومتواضعة ومحبة وكل شي كان مثالي لحد ما بيوم ابي خسر شغلو اللي تعب عليه سنين بوقتا كان عمري ٦ سنين واخي كان عمرو سنتين
- يمان : اخوكي !!!
- فتون : لا تقاطعني اذا بتريد .. كنت مفكرة انو ابي خسر شغلو بشكل طبيعي بس لما كبرت عرفت انو لا اهل امي هنن اللي دمروه .. اكيد رح تسأل ليش وانا رح جاوبك امي وابي قصتن متل قصة اهلك ابي من عيلة مافيا تركية وامي من عيلة مافيا تركية تانية وبيوم اجتمعو وحبو بعض والعيلتين رفضو بس بوقتا ابي وامي هربو وتركو المافيا وشغل المافيا كلو ورا ضهرن واسسو حياة جديد ب منطقة صغيرة بتركيا وكل شي كان منيح لحد ما اهل امي عرفو مكانهن وخلو ابي يخسر شغلو لحتى ترجع امي معهم بس امي رفضت وحكتلهم رح ابقى هون ونأسس شغل من اول وجديد وبالفعل بقيت بس اللي صار ابي ما تحمل وصار يسكر ويسكر ويشرب وحتى بلش يلعب قمار والمصاري اللي كانت معنا عم تنقص وتنقص وتنقص وامي حاولت كتير معو بس ما رد ورهن بيتنا وامي ما تحملت انو رح نبقى بالشارع وما تحملت تضل عايشة هيك وتركتنا ورجعت لعند اهلها اما نحن ف لقونا عيلة ابي واهتمو فينا وكبرونا
وانا بالذات اهتم فيني جدي وكان دائما يحكيلهم هي البنت اللي رح تقلب مجمتع المافيا كلو وبعمر 16 تعلمت القتال وكيف دافعع عن حالي وكيف استخدم السلاح بكل انواعو ودخلت عالم المافيا وكنت مشي الشغل بطريقة احترافية..منو بنت ومنو حلوة ومنو ذكية ..مشيت شغل عيلة ابي بطريقة رهيبة وصارت نفوذن فعلا قوية واقوى من قبل بكتير بس بيوم وانا عم نفذ المهمة ركض لعندي طفل صغير وانا موجهة السلاح ع امو ويترجاني ما اقتلها ..رغم انو امو كانت مذنبة ومفجرة كتير عالم ابرياء وكان لازم تموت بس انا تركتا عايشة والطفل الصغير هاد خلاني فعلا قول انا شو عم اعمل ليش عم اقتل حالي بحالي خلاني فكر وبعدا تركت المافيا وعمي رفض انو ابي يبقى عندن وقال اذا ح تروحي ع تتحملي مسؤوليتو وهاد اللي صار قررت ادرس.. صرت ادرس واشتغل ودخلت طب وبقيت ادرس واشتغل وحتى اوقاات انجبر اشتغل اكتر من شغلة لاقدر عيش وتخرجت واشتغلت ع اسمي كتير وكل هالسنين وانا عم حاول اترك الماضي وراي وكمل كان شعور صعب انك تمشي خطوة وترجع عشرة او انك تمشي بس في الف شغلة ماسكتك وعم ترجعك لورا صعب صعب حتى كتير كان صعب انو املك حياة طبيعية اللي بتعرفا انت كان صعب اطلع من المافيا صعب انو

#طالع المسدس ووجهو علي قربت خطوتين وحطيت المسدس بنص راسي
- نور : اقتلني .. من انا وصغيرة تعلمت انو ما خاف من السلاح مفكر هيك رح تخوفني
- يوسف : حاج تكابري
- نور : اقتلني او افتح الباب خليني اطلع
- يوسف ؛ اذا بدك تطلعي من هاد الباب لازم تقتليني
#حط المسدس براسو هو
- نور : شو عم تعمل انت
- يوسف : اللي بدك ياه مو بدك تقتليني بس الفرق انك عم تقتليني ع البطيء انا بدي ارتاح وخليكي ترتاحي
- نور : تمام يلا
#مشيت وبعدت عنو
- نور : يللااااا شو ناطر
- يوسف : لحد هي اللحظة كنت ناطرك
#كان بدو يقوص بس قربت منو واخدت السلاح ورمتو بالارض وضربتو كف واول ما رفع وجهو وتطلع فيها ضربتو كف تاني
- نور : واحد غبي
#ضميتو بقوة وكأنو عم عوض السنين اللي راحت بدونوو ..
_____
يمان وفتون صار عندهم بنوتة تانية ونور ويوسف تزوجو وناطرين بيبي ع الطريق اما مصطفى ف بفضل فتون واخيرا بعد فترة طويلة من المعالجات قدر انو يرجع يمشي ع رجليه .. اما امجد ف سافر لبرا البلد ليكملل دراسات عليا ..

__________
- فتون : وبغزل دكتورة فيني قلك انو انا وانت متل الداء والدواء اكتر تنين بجاكرو بعض بس بكملو بعض ما حدا بيقدر علي غيرك وما حدا بيقدر يمشي كلمتو عليك غيري عنجد يااا والله انو نحن مميزين كتير مو هيك.. يمان .. يمانن نمتتت
- يمان : فتون مشان الله نامي بدي نااام تعبااان خلصص
- فتون : طيب لا تعصب ما حكينا شي ..يمان نمت

#النهاية..
واخيرا حسيت انو بعمري ما رح اكتب هالكلمة 😂😂
اعطوني رأيكن شو ما كان ايجابي سلبي نقد اي شي بس ما تقرأو وتمشو
كتير بحب أقرأ تعليقاتكم ع القصة لا تحرمونا من تعليقاتكم اللطيفة 💕😁
نلتقي في قصة جديدة واحداث مختلفة ان شاء الله 💕
احبكم 💜

- خالد : منيح كتير منيح يوم خير علي وع بنتي كيف ما بدي كون منيح
- فتون : تمام بس بدي خبرك انو صار عندي وضع طارئ ويمكن اتأخر اليوم او يمكن ما اجي اذا تأخر الوقت كتير
- خالد : عنجد بس .. انا شفت مناوبتك بكررى
- فتون : اي مزبوط بس اليوم وضع طارئ .. ليه في شي ؟
- خالد : كنت .. خلص انسي مافي شي بس ترجعي منحكي
- فتون : ماشي
#سكرت الخط وشلفت الجوال ل يمان
- يمان : كان نكسر
- فتون : اخر همي
- يمان : همجية
- يوسف : مطولين انتو التنين
- فتون : هه
#وقف يمان قدام بيت فخم كتير.. بالحقيقة قصر مو بيت والحراسة بكل مكان نزل يمان وساعد يوسف لحتى ينزل وانا نزلت وقفت جامدة بمكاني ما عرفانة شو اعمل وكيف امشي .. طلعت وحدة منيحة بالعمر ومبين عليها هيبة وركضت لعند يوسف وضمتو وما تحكيلو غير يا ضناي .. لحقوها اكتر من وحدة منهن اكبر ومنهن اصغر وكمان ضموه وبوسوه وكل شي كان ريلاكس لحد ما اجت العفريتة " نور " ريتو الله ما كان جابا وركضت لعند يمان وضمتو وتحكيلو كنت خايفة عليك كتير هالحقيرة! وما بعرف ليش انا مزعوجة وعم فور واغلي وبعد ما خلصو حبن واهتمامن قررو بجلالة قدرن يلتفتو ويسألو عني
- مين هي ؟
- يمان ؛ هي الدكتورة يلي عالجت يوسف
- يوسف : يعني لولاها انا ما كنت عايش
- بعيد الشر لا تحكي هيك .. بنتي عنجد شكرا الك انقذتي ابني وحيدي
#تطلعت فيا وقلت بيني وبين حالي وحيدك ! كيف وحيدك وطول الوقت يمان بناديلو اخي وما بعرف شو !!
- فتون : ولو هاد واجبي يا خانم
- تفضلي تفضلي ما تواخذينا ما النا بالعادة ننسى ضيوفنا
- نور : ضيوف .. هه الله يبعد هيك ضيوف عنا
- عيب بنتي ليش هيك عم تحكي
- نور : ولا شي عمتي
- عيب تحكي هيك مع شخص واقف ببيتنا
- نور : بس عمتي
- بلا بس بلا شي يا ريت ما يتكرر هالموقف فهمانة
#ضحكت ضحكة استفزازية بوجها ودخلت لجوا معهن .. ضيفوني ورحبو فيني وحبوني واهتمو فيني واخر دلال ونور اعصابا عم تحترق .. الصراحة ما بعرف ليش بس كنت مبسوطة بهاد الشي.. مبسوطة كتير
#المسا
#كل واحد انشغل بحالو وانا قاعدة بالصالة مع نور وختيارة كبيرة بالعمر ونور وهالختيارة عم يحكو بمواضيع وع ناس وانا متل الاطرش بالزفة .. انتبهت ل يمان كان قاعد بالحديقة . وقفت وبدي روح لعندو
- لوين لك بنتي
- فتون : طالعة شم شوية هوا وارجع
- لا تطولي لان السفرة رح تجهز
- فتون : ماشي
#مشيت فتون وتطلعت نور وشافت يمان بالحديقة وعرفت انوو رايحة لعندو وقفت وبدها تروح توقفا
- بنتي وين رايحة انتي كمان
- نور : ستي هلأ بجي
- تعي كمليلي شو صار بعدين انقلعي
- نور : بس ستيي
- اقعدييي
#قعدت نور وهي عيونا ع الحديقة بس مو قدرانة تعمل شي غير تطلع من بعيد
____
#وصلت فتون لعند يمان كان قاعد ع الكرسي وعم يدخن وهي واقفة وراه بدون اي صوت
- يمان : شو بدك
- فتون : كيف عرفت اني هون
- يمان : حاسة سادسة
- فتون : ااا قلتلي
- يمان : صار شي
- فتون : بدي ارجع ع البيت
- يمان : تأخر الوقت .. اصلا اهلي ما رح يخلوكي تطلعي الليلة
- فتون : بس انا بدي اروح ومتل ما خطفتني لازم ترجعني
- يمان : فتون بلا نق
- فتون : ما بشتغل عندك لتحكيني هيك
#قام وقف قبالا وتطلع بعيونا
- يمان : بلا نق
#ضلت فتون واقفة مكانا وهنن التنين عم يتطلعو ببعض وهدووء .. نور كانت معصبة بعدين ما عاد تتحمل وقامت فتحت باب الحديقة وشافت ضو احمر ع يمان ..
- نور : يمااااااااان
#تطلع يمان فيها وبعدين انتبه ع الضو ع فتون وفتون عم تطلع ع نور بعدين ضمها وفتل بسرعة بعد عن المكان وطلع صوت رصاصة وصرخت فتون
- فتوون : شو هااد
#الشب فورا هرب .. ونور نادت للحراس مشان يلحقوه وركضت لعند يمان
- نور : انت منيح
#طنشها وتطلع بفتون
- يمان : صرلك شييي
- فتون : لا انا منيحة
#انقهرت نور كيف تجاهلها وتطمن ع فتون
- يمان : هالندل صار يشتغل غدر
- فتون : ممكن تفهموني شو صااار
- يمان : ولا شي
#مشي يمان بدو يروح ورا الحراس مسكتو فتون من ايدو ونور واقفة عم تطلع بس .. التفت يمان وتطلع ع ايدها بعدين رفع راسو وشاف عيونها كلها دموع ورجع بلهفة
- يمان : شو في ؟؟ صرلك شي
- فتون : لا
- يمان : ليش عم تبكي
- فتون : بدي ارجع ع بيتي
- يمان : تمام بس ارجع باخدك
#نور كانت عم تحترق وبدها تصرخ وتبكي بس مسكت حالهاا .. مسكت ايد يمان وسحبتا من بين ايدين فتون
- نور : لازم تلحقن
#انتبه يمان انو انزعجت من يلي صار بس ما حكا شي وراح .. ورجعت فتون ع البيت لقت امو ليمان واقفة ع باب الحديقة وشافت نور عيونها مليانين دموع
- جليلة : نور !
#خبت نور دموععا فورا وضحكت
- نور : ايي
- جليلة : شو يلي صار ؟
- نور : ولا شي

كسرتو تكسير بس اجى حدا من وراي وضربني ع راسي وغميت لفترة لما فقت ما لقيت الشب وكنت متأكد انو كان عايش وجماعتو انقذوه .. اختفى الشب حتى اسم بسجل النفوس ما الو يعني عيلتو قوية كتير لدرجة قادرين يتلاعبو بوراق الدولة بسهولة ولهلأ ساكتين ما عطو اي ردة فعل
#كان عم يحكي وهو حاضنها وعم يلعب بشعرها .. رفعت راسها وتطلعت فيه
- فتون : انا شو دخلني
- يمان : انت ما دخلك بشي كل القصة انو يوسف كان بدو يطلب منك مساعدة كونك دكتورة مشان ينقذني بس كان بيعرف من الاول انو ما رح توافقي
- فتون ؛ شو ممكن يعملو
- يمان : يدخلوني ع السجن وبعدها بدبرو موتي
#سكتت شوي ما بعرف ليش قلبي وجعني لما حكا هيك رغم انو مجرم ووحش واناني وعصبي وكل الصفات السيئة مجتمعة فيه بس ما فيني شوفو عم يدخل السجن او يموت
- فتون : بشو بدي ساعدكن
- يمان ؛ اذا دخلت السجن رح تكوني حرة
- فتون ؛ رح كون حرة رح يجي اليوم يلي تتركني بحالي وتعملي بايدك مع السلامة
- يمان : صايرة بتحلمي وانت فايقة كمان
#ضربتو ع كتفو
وقمت نزلت لعند يوسف ونزل هو معي.. فتحت الباب ودخلت راسي
- فتون : ممكن ادخل
- يوسف : اكيد تعالي
#دفش يمان الباب بهمجية
- فتون : همجي
#تطلعت بيوسف
- فتون : اسفة ع اللي صار قبل شوي بس عنجد ما كنت بوعي يعني دخلت بصدمة من يلي حكيتوه
- يوسف ؛ بس ردة فعلك كانت غريبة
- فتون : اوقات بصير معي هيك لما تجيني كتلة مصايب
#اشرت باصبعتا ع يمان
- فتون : بس قلبي طيب لدرجة جاي انقذ كتلة المصايب يلي فوق راسي
- يوسف : حكالك
- فتون : نص الحكاية
- يوسف : يعني بتعرفي شو لازم تعملي
- فتون : لا
- يوسف: تعالي
#قربت ع طاولة المكتب بس قبل ما يبلش يحكي رن جوال يمان .. سكر الخط بس رجع رن مرة تانية وطلع من المكتب ليرد
- يوسف : شوفي الولد اكيد بالمشفى او يمكن ما يكون موجود بس الو سجل في بعض المشافي قدرت شوف السجلات وكاميرات المراقبة والبعض لا واول مثال مشفاكم والمطلوب منك تقدري تخليني ادخل ع سجلات المرضى وانا بتكفل بالباقي وكونك دكتورة معروفة بس رح يكون سهل
- فتون : سهل وحتى بقدر دخلك ع امن المراقبة وتشوف الكاميرات
- يوسف : تمام لكن امشي
- فتون : بس قبل ما ساعدكم عندي شرط
- يوسف : شو هو
- فتون : بدي ارجع ع شغلي ع مشفاي ع مكتبي ع جزء صغير من حياتي الطبيعية
- يوسف : موافق
- فتون : بس يما..
- يوسف : اتركيه علي انا بقنعو
- فتون : تمام
________
#طلعو فتون ويوسف ومن مشفى لمشفى بس عبث
- فتون : شكلنا ما رح نلاقيه
- يوسف : بقي مشفى واحد بس واللي هو مشفاكم
- فتون : شو يضمنلك ما يكونو عالجوه برا البلد
- يوسف: كان مكسر محطم ع الاخر اقل شي بدو عمليتين تلاتة هون ليتحسن وضعو ويسمحولو بالسفر خلينا نشوف مشفاكن وفي حال ما لقينا شي مندور ع طريقة تانية نلاقيه
#نزلت فتون ويوسف من السيارة ودخلو ع المشفى
- اهلين دكتورة
- اشتقنالك كتير
- اهلين
- دكتورة اهلا وسهلا
#الكل كان عم يأهل ويسهل فيها ويوسف واقف بعيد عنها كم خطوة
- فتون : تمام تمام شكرا الكن كلكن وانا عنجد اشتقتلكن واشتقت لشغلي ومكتبي بس صرلي كم يوم غايبة ولازم روح شوف شغلي لانو تأخرت بما فيه الكفاية
#مشيت ومشي وراها
- فتون ؛ تعرف لو كان يمان مكانك شو كان صار
- يوسف : شو
- فتون : كان صرخ وعصب وطربق الدنيا فوق راسي ومسح بكرامتي الارض واخر شي بيشحطني من ايدي ليكمل مسح اللي ضل من كبريائي
- يوسف : مو لهي الدرجة
- فتون : معك حق .. اكتر
#دخلت فتون ع مكتبا اللي مليان ملفات ووراق
- فتون : دارين
- نعم دكتورة
- فتون ؛ بعتيلي ادم وشيرين فورا
#فاتت وسكرت الباب
- يوسف : ليش ناديتي
- فتون : اتطمن رح يساعدوني ويسهلو الموضوع علي وما بيحكو شي
- ادم : دكتورة أخيرا اجيت..
#بقي واقف وعم يتطلع بيوسف
- فتون : سكرو الباب
#طلعو وسكرو الباب
- فتون : اددددددددمممممم
- ادم : نعم دكتورة
- فتون : دخلو وسكرو الباب .. اسمعوني كتير منيح بغيابي اجت شي حالة ل شخص اكل ضرب كتير .. متعذب .. مشوه
- ادم : لا
- شيرين ؛ مبلا
#تطلع يوسف بشرين وبعدها تطلع بفتون لانو مو قادر يستجوب هو

- فتون : انت شفتيه ؟
- شيرين : اي
- يوسف : خلينا نشوفو
- فتون ؛ لحظة يوسف .. مين استلمو
- شيرين : هلأ العلاج كل الدكاترة بس بعتقد انو مسجل تحت ايد الدكتور زياد
- فتون: روحي تأكدي بسرعة وما تحكي اي شي قدام حدا
- شيرين : تمام
- فتون : ادم اهل المريض بالمشفى
- ادم : بظن بس الام
- فتون : روح مع شيرين وفي حال كان المريض باسم زياد بتروح عند ام المريض وبتحكيلا عني بطريقة تخليا تجي لعندي وتطلب مني عالج ابنها فهمت ولا عيد ؟