#داء_وَ_دواء
#الحلقة_الحادية_عشر
#ياسمينةة ..
..
..
..
#اول ما وصلنا ع البيت دخلت ع الغرفة فورا وقفلت الباب واتصلت ب ابي
- فتون : رد بابا يلاا
- خالد : الوو
- فتون : هاا بابا ليش طولت لترد
- خالد : بنتي صاير شي
- فتون : صاير صايرر
- خالد : فتون والله بلشت تخوفيني احكي شو صاير
- فتون : التقيت ب اغيد
- خالد : اغيد..
- فتون : اي اغيد ابن اخوك وكان يمان واقف معي
- خالد : وعرف ؟
- فتون : اكيد لا حاولت اتدارك الموضوع بشكل بس انا متأكدة انو شك بالموضوع
- خالد : ما تخافي هلأ بس يجي اغيد انا بحكي معو وبحل الموضوع
- فتون : بسرعة بابا بسرعة هاد ما بيقدر يمسك لسانو
- خالد ؛ تمام اهدي ولا تبيني شي ليمان
- فتون ؛ تمام
#سكرت الخط ورميت الموبايل ع التخت.. نزلت لتحت لقيت الكل قاعد
- جليلة : بنتي تعالي
- يوسف: فتون بدي اسألك.
- فتون : تفضل
- يوسف : انتو الدكاترة كيف ممكن تكون ذاكرتكن قوية لدرجة تتذكري مريض من سنتين
- فتون: حكيت ليمان وبرجع بحكيلك في اكتر من سبب بخليني اتذكر اغيد اولهم واهمهم انو عملية اغيد كانت خطيرة ونجاحي فيها خلاني اترقى واسمي صار معروف ك دكتورة محترفة اما التاني انا واغيد بقينا رفقة وتعرفنا ع بعض وكنا عم مفكرين نخطب بس بعدين ما تفاهمنا
- يوسف : امم .. ع كلن خير
- فتون : انا بدي روح ع المشفى
- يمان : انا بوصلك
- فتون: مافي داعي
- يمان : في
- فتون : مافي
- يمان : فتوون
- فتون : تمااااام
#انا وطالعة من البيت انتبهت ع جليلة راحت واخدت صينية اكل من الخدم وطلعت فيها ع الدرج .. هي تاني مرة بشوفها غريب مع انو جليلة ما بتحب حدا ياكل غير ع طاولة السفرة
طلعنا انا ويمان ووصلنا ع المشفى
- يمان : بتطولي
- فتون : حسب
- يمان : بس تخلصي اتصلي فيني
#فتحت الباب وكنت بدي انزل بس وقفت واتطلعت بيمان
- يمان : في شي
- فتون : صراحة اي
- يمان : شو مخبصة
- فتون : ما خبصت بس رح روح شوف وضع اخي.. بكل الاحوال رح تعرف بس ما حبيت تعرف من حدا تاني
- يمان : بما انك رايحة ورايحة لعندن وصليلن كلمتين ع لسااني .. انا لحد هلأ ساكت وحتى يوسف ما خبرتو بهالموضوع بس اي حركة غلط هيك ولا هيك بنهيكي وبنهي اخوكي والعيلة كلها
#نبرتو كتير خوفتني صراحة بس ما حكيت شي ونزلت ودخلت ع المشفى وهو راح ع الشركة
__
#بعد ما خلصت المراجعات والفحوصات والشغل كلو اتصلت فيني امي
- فتون : الوو
- منار : السيارة صارت تحت
- فتون : تمام نازلة
- منار : ما حدا بيعرف انك جاية صح
#سكتت شوي وتذكرت انو حكيت ليمان
- منار : فتون في حدا بيعرففف
- فتون : انا جاية بس اوصل منحكي
#سكرت الخط قبل ما ترد عليي ورحت..
بيت كبير وحديقة كبيرة وحراس منتشرة بكل مكان . اهم من بيت يمان
- منار : اهلا وسهلا
#ابتسمت بوجها وكملت طريقي ودخلت لجوا
- فتون : امجد وين
- منار : بغرفتو فوق بس قبل خلينا نحكي
- فتون : خليني افحصو بالاول بعدين منحكي
#طلعت ع غرفتو لقيت كم هائل من الممرضين والدكاترة حواليه .. عرفت اديه خايفة تخسرو .. نيالو عايش شعور حب وحنان الام اللي انا انحرمت منو ..
فحصتو وشفت وضعو وطلعت
- منار : قلتيلو مو هيك
- فتون : مين
- منار : يمان .. حكيتيلو كل شي مو هيك
- فتون : انا بفهمك وكتير منيح انو خايفة تخسري امجد بس يمان رح يعرف بكل الاحوال رح يعرف اذا مو مني من حدا تاني وحتى بيعرف انو جاية لهون
- منار : لككك انتي كيف بتخبريييه ككيف لهدرجة ما بتهمك حياة اخوكي ؟؟
- فتون : يمان عم يراقبني لو ما قلتلو كنت رح موت وتترحمي علي المسا
- منار : قصدك اترحم ع اخوكي احسن
#كمية الانانية اللي حسيتها بكلامها مو طبيعية مستحيل تكون امي مستحيل اعتبرها ام مافي ام بتضحي ب ابن مقابل ابن .. حاولت اتماسك وما ابكي ولا اضعف قدامها
- فتون : قبل ما روح في رسالة لازم وصلك ياها .. يمان ما رح يأذي امجد طول ما انتو قاعدين عاقلين بس اذا بدكن تلعبو ف وقتا رح يورجيكن اللعب ع اصولو وينهيكن
- منار : تهديد يعني
- فتون : هو قلي وصلي الرسالة وانا وصلتا
- منار : ما عم اعرف انتي معو ولا مع اهلك
- فتون : اهلي!! ههه لا طبعا مع اهلي
- منار : اسمعي فتون بدي اخبارن كلها
- فتون : بدك كون جاسوسة بينهم هيك قصدك ؟
- منار : اكيد لا .. انا ما رح قرب ع حدا فيهن بس بدي اخبارهن كلا لحتى اقدر احمي حالي واحمي اخوكي ولحتى كمان اقدر طالعك من بينن ب اسرع وقت
- فتون : انا صار لازم روح
#طلعت قبل ما اعطيها جواب لان اصلا انا ما عندي جواب لحالي لحتى اعطيها جواب .. هي امي وامجد اخي بس بنفس الوقت يوسف كان حنون معي كتير وكان اخ كتير منيح .. جليلة والكل اعتبروني بنتن وضموني لعيلتن كيف ممكن طالع اخبار العيلة كلا لبراا .. اووف

#داء_وَ_دواء
#الحلقة_الثامنة
#ياسمينة ..
..
..
..
#فتون :
دخلنا ع الصالون هو وعم يجرني من ايدي كانت قاعدة جليلة وابي وتنين شكلن من الحراس وشيخ .. تطلعت بيمان ناطرة انو يشرحليي
- يمان ؛ رح نكتب الكتاب هلأ بس ما رح نعلن شي للعالم
#حركت راسي بمعنى لا .. قرب مني وهمسلي
- يمان : شايفة هدول التنين يلي جاين يشهدو ع زواجك بخليهن يشهدو ع موت ابوكي فاهمة ؟
#اخدت نفس وغمضت عيوني ما بدي ابكي.. ما بدي دموعي ينزلو
- فتون : تمام
#انكتب الكتاب وراح الشيخ قامت لعندي جليلة وضمتني
- جليلة : الف مبروك بنتي تتهنو .. صح ما عملتلك خطبة بس رح اعملك عرس خلي كل العالم تقول نيالها
- فتون : مو مشكلة
#حط ابي ايدو ع كتفي عم بطمني ابتسمت بوجهو ورجعنا اطلعنا لبرا ع الحديقة بس كنت باردة حاسة حالي عايشة خيبة امل مو طبيعية ليش !! ما لحقت افرح انو التغى العرس اجى وكتب الكتاب متل كأنو عم بقلي لا تفرحي ..انسي كلمة فرح وانا موجود ..
#خلصت الحفلة وبلشت العالم تروح واحد ورا واحد
دخل الكل ع الصالون وقبل ماادخل انا وقفني صوتو
- آدم : فتووون
- فتون : نعم
- ادم: تطلعي نشم شوية هوا
- فتون : انا..
- ادم: ما قصدي احرجك ابدا بس انا شفتك متدايقة قلت بخليكي تغيري جو
- يمان : انا يلي بدي غيرلك جو
#كان واقف قريب منا ..قرب لعنا وحط ايدو ع كتف ادم والغضب بعيونو
- يمان : انت تعا معي .. فتون انتي ادخلي لجوا
#ما نطرني حتى لجاوب ومشي هو وادم بس انا اقعد عاقلة لا والله لحقتن بسرعة كانو واقفين ورا البيت اول مرة بشوف هالمنطقة مافي اي شباك او برندة بالبيت بطل لهون
- ادم: شو في يمان
#قرب يمان ومسكو من قبة قميصو وضربو . رجع ادم لورا وحط ايدو ع الدم اللي نزل من انفو
- يمان : ع فتون ما عاد تقرب عم تفهم
#رجع ادم وردلو الضربة ع فكو
- ادم : ليش لتكون بتخصك
#بزق يمان الدم من تمو وفشكلو ل ادم وقع بالارض .. نزل لعندو وحط ايديه التنتين ع رقبتو عم يخنقو
- يمان : بتخصني وكتير
#كان عم يحاول ادم انو يفك ايدين يمان بس ما عم يقدر .. ما قدرت ضل واقفة واتفرج كيف عم يموت بين ايديه
- فتون : يمااان
#التفت يمان لعندي واخدو ادم ع غفلة ودفشو وقام عم يحاول يرد النفس
- يمان : انا ما قلتلك فوتي ع البيت
#ضربو ادم ووقعو بالارض
- فتون: يمااان
#قام يمان وردلو الضربة ورجع ادم ردلو ياها وانا واقفة محدا فيهم برد عليي .. بقيو هيك لحتى شوهو بعض .. قعد ادم ع الارض عم يلقط انفاسو بصعوبة
- ادم: اوووه بتعرف انو من زمان ما تقاتلت مع حدا هيك عنجد فادتني
- يمان : ايمت ما بدك تعا اهلا وسهلا
- فتون : لا انتو اكيد مريضين نفسيا
- يوسف : لسه الخير لقدام رح تشوفي شغلات كتيرة من هدول التنين
#تركتن ومشيت ودخلت ع البيت
- جليلة: هاا بنتي خليتن يجهزولك غرفة فوق جنب غرفة نور
- فتون : تمام
#دخلو يوسف ويمان وادم
- جليلة : انتو شو صاير معكم
- يمان : ولا شي امي
- جليلة: كيف ولا شي لك ابني ووجوهكم هي يلي ما بتتفسر
- ادم: تسلينا شوي
#طلعت ع غرفتي وتركتن تحت.. دقايق وسمعت صوتن طالعين ع الدرج ضليت رايحة جاي بالغرفة وانا متحرقصة بعدين ماعاد اتحمل نزلت لتحت اخدت علبة الاسعافات الاولية وطلعت دقيت الباب ع غرفة يمان ما رد ..فتحت الباب كان نايم متل عادتو شالح الكنزة وحاطت ايديه تحت راسو قربت لعندو اتأمل فيه كانت الجروح كتيرة ع وجهو
- يمان : مو ناوية تحكي شي
- فتون : ككيف
#تجلس وتطلع فيني
- يمان : اكيد مو جاي لهون لحتى تتصفني فيني
- فتون : ابدا .. جاي عقملك جروحك
- يمان: مافي داعي فيكي تطلعي
#قعدت ع طرف التخت وطالعت المعقم وبلشت عقملو وهو ساكت وعم يتطلع فيني بس
- فتون : شو في
- يمان : شو في
- فتون : ليش عم تطلع فيني هيك
- يمان : انا عم بتطلع فيكي
- فتون : لكا اانا
- يمان : ليش لاتطلع فيكي شايفة حالك حلوة
#سكرت علبة الاسعافات الاولية وبكل ثقة حكيت
- فتون : حلوة.. وكتير
#ضحك ع جنب واخد علبة الاسعافات مني ورماها ع الارض ودفشني ع التخت وقلب حالو فوقي
- يمان : ابدا مو حلوة
- فتون : يماا..ن
- يمان : امم
- فتون : شو عم تعمل..
- يمان: عم اخد حقوقي
#حاولت ادفشو بايدي بس عبث
- يمان : برأي لا تقاومي
- فتون : اللي عم تحكيه تخبيص ما الك حقوق عندي
- يمان : ولوو نسيتي كيف انكتب كتابنا من شوي
- فتون : لا بس شكلك نسيت كيف كنت مجبورة ع هالشي
#حط ايدو ع رقبتها وبلش يشد شوي شوي وبلشت تختنق
- يمان : اوعك الشي اللي صار بالحديقة ينعااد
- فتون : يم..اان..
#جرحني باضافيرو بعدين قام
- يمان : هي عقوبة انك رقصتي اليوم مع ادم اوعك تفكري تعيدي هيك شي
#رجع تسطح ع التخت وهي قامت تركض ع المراية

- فتون : هه بالمشفى ! وخطر اكبر قلتيلي ! لك بالمشفى في امن وحراسة وكل شي
- نور ؛ ليكي بلا لعي زايد وبلا ما توجعي راسي وتخليني وجعلك راسك .. اهتمي فيه منيح لان اذا بصرلو شي رح يكون قبرك تحت الشباك هاد
#طلعت نور من الغرفة وقعدت فتون جنب الشب وكان غفيان
- فتون : شو هالمصيبة يلي وقعت فيها هلأ .. حتى جزداني ضل بالسيارة معو
#ضلت قاعدة وكل شوي تعقملو وتطمن ع الجرح لحتى طلع الضو ورجع يمان ع البيت .. دخل ع الغرفة
- يمان : كيف صار
- فتون : مو منيح
- يمان : شبووو
- فتون : لازم يدخل المشفى.
- يمان : مشفى ما بقدر قوليلي اي شي تاني اعملو
- فتون : مافي
- يمان : ادوية اي شي اذا لزم بجبلو دكتور تاني
- فتون : الادوية رح تساعد لكم ساعة مو اكتر .. صدقني الصورة كتير ضرورية
- يمان : ما بقدر .. خليكي جنبو وعطيني اسم الادوية يلي لازمتك
- فتون : *****
- يمان : تمام
- فتون : جزداني ضل بالسيارة ممكن تجبلي ياه
- يمان : لا مو ممكن
- فتون : بس..
#طنشها وطلع بسرعة ليجيب الادوية .. وجابهن وعطتو المسكنات والادوية ورجع غفي .. وحتى فتون غفيت وهي قاعدة ع الكرسي وبعد كم ساعة صحيت فجأة لما الشب وقع كاسة المي وانكسرت
- فتون : انت منيح .. يا اخ يا اخ رد عليي لا لا تغمض عيونك .. خود نفس حاول تاخد نفس حاول حاول .. لكككك وينكنننن
#اول ما صرخت فتون وينكن دخل يمان ونور ع الغرفة
- يمان : شو صاااار
- فتون : خلال تلت ساعة لازم يكون بالمشفى والا ح يموت
- يمان : مستحيل .. وما لازم يموت
- فتون : فهمااام بقى لازمو عملية لازم يدخل المشفى للااازم شيل الرصاصة
- يمان : رح يقتلوه اذا بيعرفو انو بالمشفى
- فتون : تمام تمام اسمعني في باب تاني للمشفى والو طريق من هون مندخل منو ورح سجل العمليات والغرفة وكل شي باسمي او اسم اي شخص بدك ياه وهيك محدا رح يعرف واذا بدك بشدد الحراسة عليه بس لازم يدخل المشفى لازمممم
#سكت يمان ما عرف شو يعمل.. تطلع ب اخوه يلي عم يحاول ياخد نفس وما عم يقدر
- يمان : طيب
- فتون : يللاا
- يمان : بس اذا بصرلو شي انتي المسؤولة
- فتون : تمام
#اجو رجال من برا وحملوه للشب وحطوه بالسيارة وطلع يمان بالسيارة .. اجت نور بدها تقعد قدام مسكت الباب فتون
- فتون : بعتقد انتي ما الك شغل ومافي داعي تروحي
#بعدتا عن الباب وركبت ومشي يمان بالسرعة من الطريق يلي قلتلو عنو .
- فتون : وين جوالي
- يمان : ليش
- فتون : لازم احكي مع المشفى ليجهزوا كم شغلة
- يمان : رح تفتحي مكبر الصوت
- فتون : حاضر
#مسكت الجوال من ايدو ودقت ع المشفى
- مشفى الحياة تفضل
- فتون : ادم
- ادم : دكتورة
- فتون : ادم جهز غرفة العمليات بسرعة وجهز غرفة التصوير لازم اخد صورة قبل ما بلش العملية
- ادم : حاضر دكتورة
- فتون : مين موجود من الفريق
- ادم : انا وشيرين بس
- فتون : ومناوبة مين اليوم
- ادم : الدكتور زياد
- فتون : خليكن جاهزين وناطرين عند الباب الخلفي
- ادم : الباب الخلفي ؟؟
- فتون : ادم اعمل اللي عم قلك عليه وبس وحاول قد ما فيك ما تخلي زياد ينتبهلكن تمام واتصل بعلي يمكن احتاجو
- ادم : حاضر دكتورة
#سكرت الخط
- يمان : لا تنسي اي شي بصير انتي يلي بتتحملي المسؤولية
- فتون : ماشي
#بعد شوي وصلو للمشفى ودخلتو فتون من الباب الخلفي واخدوه الفريق منها واجى يمان بدو يفوت
- فتون : لوين
- يمان : ما بوثق فيكن
- فتون : لو بدي اقتلو كنت قتلتو من لما كنتو حواليه اتطمن وانطر برا رح مشي وراقو واعمل العملية
#قعد يمان ع مقعد وراحت فتون مشت الاوراق ودخلت ع العملية ويمان يقوم يمشي ويروح ويجي ويرجع يقعد لحد ما طلعت فتون وركض لعندا
- يمان : وينو
- فتون : هلأ رح ياخدوه ع الغرفة
- يمان : هو منيح
- فتون : منيح ولحقناه ب اخر نفس
- يمان : هلأ بنشوف اذا هو منيح او لا
#راحت فتون وضل يمان ناطر لحتى طالعو اخوه من غرفة العمليات ومشي معن للغرفة .. حطوه وتطمنو عليه وطلعو وهو قعد جنبو .. دخل دكتور تاني
- يمان : شو بدك
- عفوا ؟ انا جاي افحص المريض
- يمان : طيب
#بلش يفحص وبعدين مسك ابرة وبدو يحطها بالسيروم
- يمان : شو عم تعمل
- انا الدكتور هون
- يمان : طلاع لبرا مو انت المسؤول عنو
- عم قلك انا الدكتور لا تتدخل بشغل مو شغلك
#هجم عليه يمان ومسكو من الجاكيت وطالعو لبرا الغرفة
- فتون : شو عم بصير هون !! يمان
- يمان : مين هاد
- فتت لافحص المريض واعطي الابرة يلي قلتيلي عنا وهجم عليي
- فتون : زياد انا ما قلتلك الك.. انا قلت لادم
- زياد : ادم كان مشغول قلت بجي يعطيه الابرة انا
- فتون : تمام فيك تطلع
- يمان : ليش تقولي لحدا تاني

- فتون : اوك لا تتركو
#طلع زياد من الغرفة
- فتون : هاد يلي كان ناقصني
#دق الباب
- فتون : خير زياد
- ادم: هاد انا دكتورة
- فتون : فوت ادم
- ادم : اجيت مشان شوف شو صار معك مشان المريض ٥١٤
- فتون : لسه هلأ فتت ع الغرفة تعال بشوفن وبخبرك
- ادم : طيب
#بلشت تشوف الصور والتحاليل
- فتون : الاهل ما كانو موافقين ع العملية شو صار معن
- ادم : بعدن عند قرارن
- فتون : لكا ع اي اساس عم نحدد العملية
- ادم : انا قلت لو يشوفو ويدركو خطورة الموضوع ممكن يقتنعو او ممكن تحكي معن
- فتون : العملية بكرى .. وانا رح حاول اقنع الاهل
- ادم : ماشي .. مشان المواعيد ح تبلش بعد شوي
- فتون : اوك جاهزة انا

#بلشت المواعيد .. الاول والتاني ..
- فتون : يعني مافي شي خطير بس
#قطع كلامها فتح الباب بقوة
- فتون : لا حول ولا قوة الا بالله
- يمان : تعي معي
- فتون : عندي مواعيد مو فاضية
- يمان : لازم تجي
#مسكها من ايدها وقومها
- فتون : عن اذنكن شوي وجاي بس شوف المريض
- ولا يهمك
#اخدها برا الغرفة بعدين سحبت ايدها
- فتون : انت شو مفكر حالك عم تعمل
- يمان ؛ لاخر مرة بقلك تعي معي لازم تشوفي يوسف كتير موجوع
- فتون : بجي بس يا ريت تاني مرة تكون محترم شوي لان انا ما بشتغل عندك
- يمان : امنت بالله
#بلش يمان يعصب .. مشت فتون بسرعة قبل ما يعصب ويخانق وراحت ع غرفة يوسف
- فتون : انت منيح
- يوسف : منيح بس يمان بكبر الموضوع
- فتون : شو فيك
- يوسف : قمت ع الحمام وضرب كتفي بالباب ع الجرح يعني وهي كل القصة
- فتون : بس.. تيابك كلن دم الجرح عم ينزف رح شفلك ياه
#فات يمان وراها وهي عم تقص القميص عند الكتف
- فتون : متل ما توقعت انفتق الجرح .. رح تتوجع بتحب خدرك ولا بتتحمل شوي
- يوسف : بتحمل
#مسكت فتون الخيط وبلشت تخيط ويوسف عم يحاول يكابر وما يبين انو موجوع ويمان عم يتطلع بفتون ما شال عيونو عنها
- فتون : اذا توجعت ما رح ينقص من رجولتك شي
- يوسف : لا لا مو موجوع
- فتون : خليك عم تكابر .. رح خلص هنن كم قطبة
- يوسف: مو مشكلة ما عم اتوجع
- فتون : ابدا.. خلصنا بس رح ضمد الجرح
#قبل ما تخلص فتون كلامها اجاه اتصال ل يمان وفورا صرخ شوووو
- يوسف : شو صار ؟
- يمان : جاين لهون لازم نطلع
- فتون : ميين
- يمان : يلا اخي
- فتون : لازم ضمد الجرح
- يمان : طبعا .. لهيك رح تجي معنا يلاا بسرعة بسرعةةة
- فتون : فهمني شو يلي عم بصير
- يمان : امشي بعدين بفهمك
- فتون : الاسعافااات الاولية رح جيبا
- يوسف : اخخ
- فتون : ع مهلك عليه شوي شوي
- يمان : تحمل اخي بس نوصل للسيارة بترتاح
#نزل يمان ويوسف وفتون بسرعة وطلعو من الباب الخلفي وركبو بالسيارة ومشو .. بلشت فتون تضمد الجرح وتسكرو
- فتون : ممكن تفهمونييي !! كيف هيك بتخلوني اترك المشفى
- يمان : يا ريت تشتغلي من تم ساكت
- فتون : عفوا منك يعني بس في عالم ناطرة بمكتبي
- يوسف : تمام اهدو انتو التنين
#رن جوال يمان ..
- يمان : اي نور
- نور : طلعتو ؟ كيفك انت منيح ؟
- يمان : اي طلعنا ونحن بخير وجاين ع البيت
- نور : تمام لكن رح اسبقك
- يمان : ماشي
#سكر الخط وفتون كانت عم تزور ومو عاجبها اي شي بخص نور ..
- فتون : وانا بدي احكي مكالمة
- يمان : احكي مين ماسكك
- فتون : شو ذكي.. موبايلي ضل بالمكتب لما حضرتك شحطتني شحط
- يمان : الخلاصة !! المطلوب !!
- فتون : بدي الموبايل
- يمان : خدديه
#زتلا الجوال ومسكتو وزورتو ويوسف كان منتبه .. اتصلت فتون بالمشفى
- مشفى الحياة تفضل
- فتون : عطيني ادم
- حاضر دكتورة
- ادم : اي دكتورة
- فتون : ادم سمعني وركز معي كتير منيح .. اول شي العالم يلي بمكتبي بتطلع بتعتذر منن نيابة عني وبتقول صار وضع مستعجل كتير وبتلغي كل المواعيد وبتنظمهن بيوم تاني .. العملية بكرى ما رح تكون اجلها ل اقرب فضى عندي اوك ؟
بكرى عندي مناوبة ما رح كون موجودة احكي مع مدير الاطباء وخبرو انو عندي ظرف وما بقدر ليحلو وضع المناوبة اي شي بيتطلب اذني او توقيعي فيك تاخد الموافقة من الدكتور علي وع مسؤوليتي ماشي
- ادم : كل هاد
- فتون : ادم
- ادم : قصدي حاضر دكتورة
- فتون : يلا بسرعة
#سكرت الخط وفورا مد يمان ايدو
- فتون : شو ؟
- يمان : هاتي الموبايل
- فتون : لازم احكي مكالمة تانية
- يمان : كمان
- فتون : انت اخدتني ع غفلة اذا انت ما عندك حدا يسأل عليك انا عندي
- يمان : طيب خلصيني احكي
#كتبت رقم البيت وترددت كتير تتصل او لا بعدين اتصلت رن .. ورن .. ورن بالاخر فكرت فتون انو ابوها خلف بوعدو ورجع شرب وكانت رح تسكر بس سمعت الو
- فتون : لي تأخرت
- خالد ؛ كنت عم حضر شي
- فتون: انت منيح

- خالد : منيح كتير منيح يوم خير علي وع بنتي كيف ما بدي كون منيح
- فتون : تمام بس بدي خبرك انو صار عندي وضع طارئ ويمكن اتأخر اليوم او يمكن ما اجي اذا تأخر الوقت كتير
- خالد : عنجد بس .. انا شفت مناوبتك بكررى
- فتون : اي مزبوط بس اليوم وضع طارئ .. ليه في شي ؟
- خالد : كنت .. خلص انسي مافي شي بس ترجعي منحكي
- فتون : ماشي
#سكرت الخط وشلفت الجوال ل يمان
- يمان : كان نكسر
- فتون : اخر همي
- يمان : همجية
- يوسف : مطولين انتو التنين
- فتون : هه
#وقف يمان قدام بيت فخم كتير.. بالحقيقة قصر مو بيت والحراسة بكل مكان نزل يمان وساعد يوسف لحتى ينزل وانا نزلت وقفت جامدة بمكاني ما عرفانة شو اعمل وكيف امشي .. طلعت وحدة منيحة بالعمر ومبين عليها هيبة وركضت لعند يوسف وضمتو وما تحكيلو غير يا ضناي .. لحقوها اكتر من وحدة منهن اكبر ومنهن اصغر وكمان ضموه وبوسوه وكل شي كان ريلاكس لحد ما اجت العفريتة " نور " ريتو الله ما كان جابا وركضت لعند يمان وضمتو وتحكيلو كنت خايفة عليك كتير هالحقيرة! وما بعرف ليش انا مزعوجة وعم فور واغلي وبعد ما خلصو حبن واهتمامن قررو بجلالة قدرن يلتفتو ويسألو عني
- مين هي ؟
- يمان ؛ هي الدكتورة يلي عالجت يوسف
- يوسف : يعني لولاها انا ما كنت عايش
- بعيد الشر لا تحكي هيك .. بنتي عنجد شكرا الك انقذتي ابني وحيدي
#تطلعت فيا وقلت بيني وبين حالي وحيدك ! كيف وحيدك وطول الوقت يمان بناديلو اخي وما بعرف شو !!
- فتون : ولو هاد واجبي يا خانم
- تفضلي تفضلي ما تواخذينا ما النا بالعادة ننسى ضيوفنا
- نور : ضيوف .. هه الله يبعد هيك ضيوف عنا
- عيب بنتي ليش هيك عم تحكي
- نور : ولا شي عمتي
- عيب تحكي هيك مع شخص واقف ببيتنا
- نور : بس عمتي
- بلا بس بلا شي يا ريت ما يتكرر هالموقف فهمانة
#ضحكت ضحكة استفزازية بوجها ودخلت لجوا معهن .. ضيفوني ورحبو فيني وحبوني واهتمو فيني واخر دلال ونور اعصابا عم تحترق .. الصراحة ما بعرف ليش بس كنت مبسوطة بهاد الشي.. مبسوطة كتير
#المسا
#كل واحد انشغل بحالو وانا قاعدة بالصالة مع نور وختيارة كبيرة بالعمر ونور وهالختيارة عم يحكو بمواضيع وع ناس وانا متل الاطرش بالزفة .. انتبهت ل يمان كان قاعد بالحديقة . وقفت وبدي روح لعندو
- لوين لك بنتي
- فتون : طالعة شم شوية هوا وارجع
- لا تطولي لان السفرة رح تجهز
- فتون : ماشي
#مشيت فتون وتطلعت نور وشافت يمان بالحديقة وعرفت انوو رايحة لعندو وقفت وبدها تروح توقفا
- بنتي وين رايحة انتي كمان
- نور : ستي هلأ بجي
- تعي كمليلي شو صار بعدين انقلعي
- نور : بس ستيي
- اقعدييي
#قعدت نور وهي عيونا ع الحديقة بس مو قدرانة تعمل شي غير تطلع من بعيد
____
#وصلت فتون لعند يمان كان قاعد ع الكرسي وعم يدخن وهي واقفة وراه بدون اي صوت
- يمان : شو بدك
- فتون : كيف عرفت اني هون
- يمان : حاسة سادسة
- فتون : ااا قلتلي
- يمان : صار شي
- فتون : بدي ارجع ع البيت
- يمان : تأخر الوقت .. اصلا اهلي ما رح يخلوكي تطلعي الليلة
- فتون : بس انا بدي اروح ومتل ما خطفتني لازم ترجعني
- يمان : فتون بلا نق
- فتون : ما بشتغل عندك لتحكيني هيك
#قام وقف قبالا وتطلع بعيونا
- يمان : بلا نق
#ضلت فتون واقفة مكانا وهنن التنين عم يتطلعو ببعض وهدووء .. نور كانت معصبة بعدين ما عاد تتحمل وقامت فتحت باب الحديقة وشافت ضو احمر ع يمان ..
- نور : يمااااااااان
#تطلع يمان فيها وبعدين انتبه ع الضو ع فتون وفتون عم تطلع ع نور بعدين ضمها وفتل بسرعة بعد عن المكان وطلع صوت رصاصة وصرخت فتون
- فتوون : شو هااد
#الشب فورا هرب .. ونور نادت للحراس مشان يلحقوه وركضت لعند يمان
- نور : انت منيح
#طنشها وتطلع بفتون
- يمان : صرلك شييي
- فتون : لا انا منيحة
#انقهرت نور كيف تجاهلها وتطمن ع فتون
- يمان : هالندل صار يشتغل غدر
- فتون : ممكن تفهموني شو صااار
- يمان : ولا شي
#مشي يمان بدو يروح ورا الحراس مسكتو فتون من ايدو ونور واقفة عم تطلع بس .. التفت يمان وتطلع ع ايدها بعدين رفع راسو وشاف عيونها كلها دموع ورجع بلهفة
- يمان : شو في ؟؟ صرلك شي
- فتون : لا
- يمان : ليش عم تبكي
- فتون : بدي ارجع ع بيتي
- يمان : تمام بس ارجع باخدك
#نور كانت عم تحترق وبدها تصرخ وتبكي بس مسكت حالهاا .. مسكت ايد يمان وسحبتا من بين ايدين فتون
- نور : لازم تلحقن
#انتبه يمان انو انزعجت من يلي صار بس ما حكا شي وراح .. ورجعت فتون ع البيت لقت امو ليمان واقفة ع باب الحديقة وشافت نور عيونها مليانين دموع
- جليلة : نور !
#خبت نور دموععا فورا وضحكت
- نور : ايي
- جليلة : شو يلي صار ؟
- نور : ولا شي