- اغيد : فتون هي انتي
#تطلع يمان فيها وباغيد
- يمان : من وين بتعرفو بعض
- اغيد : كيف ما بدي اعرفها فتون بتكون
#قاطعت حديثو بسرعة
- فتون : انا اللي عملتلو عملية من شي سنتين
#تطلع فيها اغيد مصدوم للحظة وفهم انو ما بدا تحكي شي قدام يمان ويوسف
- اغيد : مزبوط
- يمان : مو غريب تتذكري مريض من سنين لهي الددرجة
- فتون : اغيد كانت عمليتو من اخطر العمليات يعني مستحيل انساها كانت سبب بترقيتي وكمان كل الناس صارت تعرفني وهيك يعني... كيفك انت طمني عنك
- اغيد : والله ممتاز بعد العملية رجعت احسن من اول بكتير بفضلك
- فتون : ولو هاد واجبي
- يوسف : اا اغيد بيك خلينا نرجع لجوا نكمل الاجتماع
- اغيد : اكيد اكيد تفضل
#دخلو يوسف واغيد لجوا وبقي يمان واقف
- فتون : انا .. انا رح فوت اتسطح شوي
#مشت من جنبو بدها تهرب بس مسكها ورجعها لقدامو
- يمان : احكي
- فتون : شو بدي احكي
- يمان ؛ فتون مكتوب ع جبيني اني غبي وانو صدقت الحكاية اللي حكيتوها هلأ
- فتون : ما صدقت ما !
- يمان : مع الاسف ما كانت محبوكة منيح
- فتون : تمام اغيد بقي رفيقي لفترة منيحة وكان بدو نخطب وتصير علاقة رسمية بس ما تفاهمنا وقررنا ننفصل بعدين ما عاد عرفت عنو شي
- يمان : بس هيك!!
- فتون : بسس
- يمان : تمام بنشوف
#تركها ودخل لجوا .. خلصو اجتماعهن وراح يوسف واغيد ع الشركة ويمان وفتون ع البيت

#يتبع..
#ياسمينة

#داء_وَ_دواء
#الحلقة_الثامنة
#ياسمينة ..
..
..
..
#فتون :
دخلنا ع الصالون هو وعم يجرني من ايدي كانت قاعدة جليلة وابي وتنين شكلن من الحراس وشيخ .. تطلعت بيمان ناطرة انو يشرحليي
- يمان ؛ رح نكتب الكتاب هلأ بس ما رح نعلن شي للعالم
#حركت راسي بمعنى لا .. قرب مني وهمسلي
- يمان : شايفة هدول التنين يلي جاين يشهدو ع زواجك بخليهن يشهدو ع موت ابوكي فاهمة ؟
#اخدت نفس وغمضت عيوني ما بدي ابكي.. ما بدي دموعي ينزلو
- فتون : تمام
#انكتب الكتاب وراح الشيخ قامت لعندي جليلة وضمتني
- جليلة : الف مبروك بنتي تتهنو .. صح ما عملتلك خطبة بس رح اعملك عرس خلي كل العالم تقول نيالها
- فتون : مو مشكلة
#حط ابي ايدو ع كتفي عم بطمني ابتسمت بوجهو ورجعنا اطلعنا لبرا ع الحديقة بس كنت باردة حاسة حالي عايشة خيبة امل مو طبيعية ليش !! ما لحقت افرح انو التغى العرس اجى وكتب الكتاب متل كأنو عم بقلي لا تفرحي ..انسي كلمة فرح وانا موجود ..
#خلصت الحفلة وبلشت العالم تروح واحد ورا واحد
دخل الكل ع الصالون وقبل ماادخل انا وقفني صوتو
- آدم : فتووون
- فتون : نعم
- ادم: تطلعي نشم شوية هوا
- فتون : انا..
- ادم: ما قصدي احرجك ابدا بس انا شفتك متدايقة قلت بخليكي تغيري جو
- يمان : انا يلي بدي غيرلك جو
#كان واقف قريب منا ..قرب لعنا وحط ايدو ع كتف ادم والغضب بعيونو
- يمان : انت تعا معي .. فتون انتي ادخلي لجوا
#ما نطرني حتى لجاوب ومشي هو وادم بس انا اقعد عاقلة لا والله لحقتن بسرعة كانو واقفين ورا البيت اول مرة بشوف هالمنطقة مافي اي شباك او برندة بالبيت بطل لهون
- ادم: شو في يمان
#قرب يمان ومسكو من قبة قميصو وضربو . رجع ادم لورا وحط ايدو ع الدم اللي نزل من انفو
- يمان : ع فتون ما عاد تقرب عم تفهم
#رجع ادم وردلو الضربة ع فكو
- ادم : ليش لتكون بتخصك
#بزق يمان الدم من تمو وفشكلو ل ادم وقع بالارض .. نزل لعندو وحط ايديه التنتين ع رقبتو عم يخنقو
- يمان : بتخصني وكتير
#كان عم يحاول ادم انو يفك ايدين يمان بس ما عم يقدر .. ما قدرت ضل واقفة واتفرج كيف عم يموت بين ايديه
- فتون : يمااان
#التفت يمان لعندي واخدو ادم ع غفلة ودفشو وقام عم يحاول يرد النفس
- يمان : انا ما قلتلك فوتي ع البيت
#ضربو ادم ووقعو بالارض
- فتون: يمااان
#قام يمان وردلو الضربة ورجع ادم ردلو ياها وانا واقفة محدا فيهم برد عليي .. بقيو هيك لحتى شوهو بعض .. قعد ادم ع الارض عم يلقط انفاسو بصعوبة
- ادم: اوووه بتعرف انو من زمان ما تقاتلت مع حدا هيك عنجد فادتني
- يمان : ايمت ما بدك تعا اهلا وسهلا
- فتون : لا انتو اكيد مريضين نفسيا
- يوسف : لسه الخير لقدام رح تشوفي شغلات كتيرة من هدول التنين
#تركتن ومشيت ودخلت ع البيت
- جليلة: هاا بنتي خليتن يجهزولك غرفة فوق جنب غرفة نور
- فتون : تمام
#دخلو يوسف ويمان وادم
- جليلة : انتو شو صاير معكم
- يمان : ولا شي امي
- جليلة: كيف ولا شي لك ابني ووجوهكم هي يلي ما بتتفسر
- ادم: تسلينا شوي
#طلعت ع غرفتي وتركتن تحت.. دقايق وسمعت صوتن طالعين ع الدرج ضليت رايحة جاي بالغرفة وانا متحرقصة بعدين ماعاد اتحمل نزلت لتحت اخدت علبة الاسعافات الاولية وطلعت دقيت الباب ع غرفة يمان ما رد ..فتحت الباب كان نايم متل عادتو شالح الكنزة وحاطت ايديه تحت راسو قربت لعندو اتأمل فيه كانت الجروح كتيرة ع وجهو
- يمان : مو ناوية تحكي شي
- فتون : ككيف
#تجلس وتطلع فيني
- يمان : اكيد مو جاي لهون لحتى تتصفني فيني
- فتون : ابدا .. جاي عقملك جروحك
- يمان: مافي داعي فيكي تطلعي
#قعدت ع طرف التخت وطالعت المعقم وبلشت عقملو وهو ساكت وعم يتطلع فيني بس
- فتون : شو في
- يمان : شو في
- فتون : ليش عم تطلع فيني هيك
- يمان : انا عم بتطلع فيكي
- فتون : لكا اانا
- يمان : ليش لاتطلع فيكي شايفة حالك حلوة
#سكرت علبة الاسعافات الاولية وبكل ثقة حكيت
- فتون : حلوة.. وكتير
#ضحك ع جنب واخد علبة الاسعافات مني ورماها ع الارض ودفشني ع التخت وقلب حالو فوقي
- يمان : ابدا مو حلوة
- فتون : يماا..ن
- يمان : امم
- فتون : شو عم تعمل..
- يمان: عم اخد حقوقي
#حاولت ادفشو بايدي بس عبث
- يمان : برأي لا تقاومي
- فتون : اللي عم تحكيه تخبيص ما الك حقوق عندي
- يمان : ولوو نسيتي كيف انكتب كتابنا من شوي
- فتون : لا بس شكلك نسيت كيف كنت مجبورة ع هالشي
#حط ايدو ع رقبتها وبلش يشد شوي شوي وبلشت تختنق
- يمان : اوعك الشي اللي صار بالحديقة ينعااد
- فتون : يم..اان..
#جرحني باضافيرو بعدين قام
- يمان : هي عقوبة انك رقصتي اليوم مع ادم اوعك تفكري تعيدي هيك شي
#رجع تسطح ع التخت وهي قامت تركض ع المراية

- فتون : ما دخلني بس عم بنصحك
- نور : ما بدي نصيحتك يمان وتركتلك ياه روحي روحي لعندو وحبيه ع كيفك
- فتون : شو هالتخبيص هاد انا ما بحبو ومستحيل حبو لو بكون اخر شخص بالكون
- نور : هه حيوانة قلبتي حياتي من لما دخلتي عليها
- فتون : نور احترمي حالك احسن ها
- نور : وعم تهددي كمان
- فتون : ما عم هدد بس وحدة قليلة ذوق متلك ما بتفهم الا بهاللغة
- نور : قليلة ذوق متلي اي انا بفرجيكي قلة الذوق ع اصولها
#هجمت نور ع فتون ومسكتها من شعرهااا وبدا تقتلها بس فجأة دخل يمان
- يمان : نور شو عم تعملي بعدي هيك تركيها
#خلصها لفتون من بين ايدين نور وفتون وقفت وراه
- نور : عم تحميها وتعمل حالك البطل قدامها
- يمان : نور انتبهي ع حكيك
- نور : واذا ما انتبهت شو ح تعمل ح تضربني ولا ح تقلي بكرهك
- يمان : نوررر
#رفع ايدو بدو يضربها ونور خبت وجها بس مسكتو فتون
- فتون : اهدا
#اخد نفس وطلع من الغرفة وضرب الباب وكانت فتون عم تطلع بنور
- نور : اكيد مو ناطرتيني اتشكرك
- فتون: ابدا
#طلعت فتون من الغرفة وركضت ورا يمان بس ما لحقتو ركب سيارتو وراح .. رجعت دخلت ع البيت اجت جليلة بوجها
- جليلة : وين راح يمان
- فتون : ما بعرف
#التفتت على يوسف
- فتون : طالعني من هون رجعني ع بيتي انا ما عاد بدي ابقى
- يوسف : بس يمان..
- فتون : يمان ما دخلو انا عم قلك بدي ارجع ع بيتي وحياتي الطبيعية شو عم بطلب منك المستحيل
- يوسف : لا خمس دقايق وجاي اسبقيني ع السيارة
- فتون : تمام
#طلعت فتون وناطرة يوسف واحساس غريب متملكها كتير حاسة بخربطة جواتها ما عم تفهم ع حالها ولا عم تعرف شو بدا لتكون مرتاحة اجى يوسف وطلعت معو وراحت ع بيتا
_
#بمكان تاني
كان يمان واقف ع البلكونة وعم يدخن وعم يتذكر حكي فتون لما قالت مستحيل تحبو لو كان اخر شخص بالدنيا ويرجع يتذكر لما باسها .. وينفخ بالدخان مو فهمان ع حالو ومو عرفان هو ليش ما عم يقدر يفكر بشي تاني
قطع تفكيرو ايديها يلي حاوطتهم ع خصرو وحضنتو من ورا
- ريم : بشو عم تفكر
- يمان : ولا شي
- ريم : متأكد ؟ يعني عم بسأل لانو ما بتجي لهون غير لما تكون مزعوج
- يمان : قلتلك مافي شي
#رمى السيجارة ع الارض وطفاها برجلو وفتل لعندها .. حطت ايدها ع رقبتو بس هو نزلهم وبعدها
- يمان : تأخرت لازم اروح
#انزعجت كتير وبين عليها اخدت نفس وضحكت
- ريم ؛ طيب
________
#وصل يوسف فتون ع بيتها ورجع
وقفت قدام الباب وحاسة بندم انو تركت البيت
- فتون : اصحي فتون شو هالتخبيص هاد
#مسكت المفتاح ودخلت ع البيت كان هدوء وفي شوية كركبة نادت ع ابوها بس ما رد
دورت عليه بالبيت ما لقتو .. دخلت ع المطبخ لقت علب المشروب فاضية.. ضحكت بخيبة امل وقالت
- فتون : كنت بعرف انك مدمن وما رح تقدر تترك
#دخلت ع غرفتها تحممت ورفعت شعرها لفوق وسمعت صوت الباب انفتح بس البيت ضل هدوء يعني بالعادة بيرجع سكران يا بيوقع يا بيكسر شي يا بكون عم بغني بس هلأ مافي صوت ابدا ..
طلعت من غرفتها عم تدور بعيونها بكل مكان عليه بعدين شافتو طالع من المطبخ تطلع فيها
- فتون : كنت عرفانة انك رح تخلف بوعدك .. شو كنت رح انطر من واحد مدمن
#بقي ساكت عم يتطلع فيها بس
- فتون : كنت متأملة ع الفاضي متل كل مرة قلت خلص ما رح اتأمل منك شي بس متل الهبلة قلت هالمرة غير بس متلا متل كل مرة
#فتلت فتون بدها تدخل ع غرفتها بس وقفت لما سمعتو عم يحكي
- ما خلفت .. كنت عم بشتغل
#وقفت مصدومة ما عرفت شو عم تسمع عيونها توسعو ع قد ما فيهم ورجعت تطلعت فيه
- فتون : عم تشتغل !!
- خالد : اي
#مد ايدو ع جيبتو وطالع مبلغ بسيط
- خالد : هاد .. هاد جبتو من شغلي
#ضحكت وغمرت الفرحة قلبها بحياتها ما كانت تتوقع يجي هيك يوم .. عيونها لمعو وضمتو بسرعة بدون وعي ضحك معها وضمها
- خالد : لا تبكي .. لازم تضلي عم تضحكي مشان تسنديني وضل مكمل
- فتون ؛ اكيد رح ضل ساندتك
- خالد : وين كنتي مختفية ؟ انتي منيحة
- فتون : منيحة بس كان في حالة خطرة بمنطقة تانية وانجبرت سافر
- خالد : مو مشكلة .. مانك جوعانة
#هزت راسها بمعنى اي
- خالد : تعالي خلينا نعمل اكل سوا
#دخلو ع المطبخ وبلشوا يتساعدو وطول الوقت فتون الضحكة ما راحت عن وجها حست حالها بحلم .. جهزت السفرة وقعدو ياكلو بس فجأة غصت ونزلت دمعة من عيونها
- خالد : شبك بنتي شو صرلك ؟ الاكل سخن ؟ انحرقتي ؟ جبلك مي
- فتون : لا لا انا منيحة بس
- خالد : بس شو
- فتون : تمنيت لو امي كانت معنا وشافتك كيف تغيرت وكيف صارت حياتنا حلوة
- خالد : هي يلي اختارت تبعد
- فتون ؛ طب لوين بتكون راحت اذا ما عندا حدا غيرنا
- خالد : ما بعرف وانسي الموضوع

- فتون : اييي ؟
- يمان : ايي
- فتون : بس هيك
- يمان : شو بدي احكيي اكتر من هيك
- فتون : اااه انا بشو ابتليت
- يمان : ليكون مو عاجبك
- فتون : عاجبني عاجبنيي معقول ما يعجبني
- يمان: يعني وانا قلت هيك
____________
#اليوم_التاني
#نزلت لتحت كان يمان مجهز الفطور
- فتون : اووو شو هالدلال هاد كلو
- يمان : تعالي تعالي
- فتون : للاسف حيخلص هالدلال اليوم
- يمان : ما ح نروح
- فتون : كيف ما ح نروح ؟ عم تحكي جد؟ يمان تطلع فيني عم تحكي جد ؟ يعني ح نبقى ؟ ما عندك شغل ؟ يمااان
- يمان : خدي نفسسس بس خدي نفس ارتاحي بين السؤال والتاني
- فتون : هلأ جاوبني
- يمان : لا ما ح نروح ح نبقى هون
_______________________
- مصطفى : شو صار بفتون مرتو ليمان
- جليلة : عجيب عم تسأل عنها
- مصطفى : ولا شي بس بالعادة بتخبروني بكل شي عم بصير وهالفترة عم تخبو علي كتير شغلات
- جليلة : ما حابين نوجعلك راسك
- مصطفى : جليلة شو صاير ؟ حتى انت من مبارحة مانك ع بعضك صاير شي مو ؟
#حطت صينية الاكل ع الطاولة ورجعت التفتت لعندو
- جليلة : صاير .. صاير واللي صاير انو لمار رجعت
- مصطفى : لمار !!
- جليلة : اي لمار حبيبة قلبك رجعت مبسوط
- مصطفى : جليلة ليش هيك عم تحكي
- جليلة : كيف بدك ياني احكيي
- مصطفى : انا تركت لمار وتزوجتك ومو بس هيك انا اخدت ابنها من حضنها وجبتلك ياه الك
- جليلة : وانا ما قصرت حبيتو اكتر من امو وعطيتو شقفة من روحي
- مصطفى : شو هاد اللي عم تحكيه لكا
- جليلة : اللي بخون مرة بخون الف مرة مصطفى
- مصطفى : انا تزوجت وبالشرع هاد حلال بعدين ما عم افهم شو مشكلتك اذا انا ميت بالنسبة للكل وعايش بين اربع حيطان ! شو مشكلتك
- جليلة : يمان عرف بكل شي
- مصطفى : هاد حقو .. كان لازم من زمان يعرف انو امو ما تركتو .. انتي خليتيه يعيش مع هالشي .. طول الوقت هالشي كان عم ياكلو من جوا اكل وانتي ما كنتي تهتمي كان لازم يعرف ومن زماان .. هلأ تركيني لحاليي
- جليلة : مصطفى
- مصطفى : قلت اتركيني لحالييي
#طلعت جليلة من الغرفة ونزلت لتحت كانو قاعدين يوسف ونور وخالد وفجأة رن جوال يوسف
- يوسف : الوو
- يوسف بيك هجمو علينا بالمزرعة
- يوسف : مين انت عدنان وين
- عدنان تصاوب وهو قلي خبرك الحقنا يا بيك نحن مو كتار
#كان في صوت رصاص وضرب وبعدين قفل الخط
- يوسف : الو .. الله يلعنكم
- جليلة : شو صار ؟؟
- يوسف : شكلن هجمو ع المزرعة الموجود فيها يمان وفتون مصرين ع شغل الولاد هاد
- خالد : خلينا نلحقهم
- نور : وانا جاي معكن
- يوسف : مافي داعي
- نور : رح اجي
#راح يوسف ونور وخالد وعدد كبير من الحراس الموجودين .. نزلت ريم من ع الدرج
- ريم : شوفي شو صاير
- جليلة : هجمو ع يمان وفتون
- ريم : شووو مين
- جليلة : انا متأكدة انو لمار ورا هالقصة ما فيها رحمة حتى على ابنها
- ريم : لمار ؟ مين لمار
- جليلة : قصة طويلة .. مالك فيها
___________
#رمى الجوال
- مشي الحال يا خانم اوامر تانية !
- لمار ؛ خليكن جاهزين شوي وح ندخل
- امرك يا خانم
#كانو قاعدين جليلة وريم بالصالون وفجأة طلع صوت رصاص
- ريم : شو صار
- جليلة : الله يستر .. طلعي ع الغرفة وقفلي الباب بسرعة
#طلعت ريم ع الغرفة وقفلت الباب وقعدت
- جليلة : شو صاير
- هجمو علينا يا خانم
- جليلة : الله يلعنن
- كلو كان فخ يا خانم كرمال هالهجوم .. نحن ما رح نقدر نقاوم اكتر يوسف بيك اخد تقريبا كل الرجال معو
- جليلة : انا رح حاول دقلو
- ماشي يا خانم
#طلعت جليلة ع العلية
- مصطفى : شو صاير
- جليلة : هجمو علينا ومافي حدا معنا
- مصطفى : مين
- جليلة : ما بعرف
#وقف صوت الرصاص برا
- جليلة : شو اللي صار
- مصطفى : الله واعلم
#دخلت لمار ع البيت وكل رجالن كانت بالارض .. اول ما دخلت كان البيت فاضي . طلعت فورا ع العلية كانت عم تطلع ع الدرج بكل هدوء
- لمار : جليلةةةة انا اجيتت
- جليلة : لمار !! هاد صوتها
- لمار : جليلةةة وينك ما اشتئتيليي يا رفيقة عمري.. معقول هيك اجي ع بيتك وما بتطلعي بتستقبليني
#دخلو الرجال قبلها ع العلية واخدو سلاح جليلة .. دخلت بكل برودة اعصاب
- لمار : جليلة معقول هيك بتتخبي مني
- جليلة : لمار شو بدككك اطلعي من بيتك
- لمار : ولو انا جاي برجلي لعندك لنقعد ونحكي ونزيل الشوق اللي بقلوبنا مو هيك مصطفى
- جليلة : طلعي برا بلا مشاكل هلأ بيجو يوسف ويمان وما رح يتركوكي عايشة ولا حابة تموتي ع ايد ابنك
- لمار : ابني اللي اخدتيه من بين عيوني يا ظالمة
- جليلة : كنتي بتستاهلي كل شيي
- لمار ؛ لا تعصبي روقي .. روقي قدامنا كتير وقت لنحكي ونسولف ونتصافى

#طلعت من العلية والرجال اخدو جليلة وجابو الكرسي المتحرك حطو مصطفى فيه واخدوه كمان
_____________
#بالمزرعة وصلو الرجال ويوسف ونور وخالد بس كان المكان هدوء وكتير .. بقيو هادين وتوزعو حوالي المزرعة ودخلو يوسف وخالد ولقو يمان وفتون بالحديقة ولا كأنو في شي
- يوسف : يماان
- يمان : شو جابكن لهون
- يوسف : شو صار هون
- يمان : شو صار
- خالد : الاشتباكات والهجوم
- يمان : اي اشتباكات وعن اي هجوم عم تحكو ؟؟
- يوسف : الله يلعنن كل هاد مخططين الو
- نور : امييي
#تطلعو كلهن ببعض وكلهن ركضو ع السيارات ومشو
- يوسف : وما خليت رجال يكفو
- خالد : ان شاء الله منلحق ما تاكل هم
- يوسف : ان شاء الله.. ان شاء الله
_____
- لمار : الو
- هلأ طلعو من المزرعة يا خانم واكيد جاين ع البيت
- لمار ؛ اهلا وسهلا نحن خلصنا شغلنا وطلعنا
- اي اوامر يا خانم
- لمار : اعطي خبر للكل انو ينسحبو ويرجعو ع المزرعة وخبر قاسم انو ياخد الرجال ويسبقني ع المكان اللي اتفقنا عليه
- امرك يا خانم
______
#دخلو ع البيت وشافو كيف الرجال كلها بالارض وركضو لجوا
- يوسف : اميييي
#طلعو الخدم من المطبخ
- يوسف بيك
- يوسف : شو اللي صار
- بعد ما رحت حضرتك يا بيك هجمو علينا و .. و...
- يوسف : اييي وشوو
- واخدو جليلة خانم ومصطفى
- خالد : مصطفى !!
- يمان : ابي
- نور : طب مين هنن ما عرفتو
- ما عرفنا يا خانم بس كانت وحدة ومعاها رجال كتير
- فتون : لمار
#تطلعو فيني
- يمان: يعني كان ممكن اي بس مستحيل لانو هي ما بتعرف ..
- فتون: بتعرف .. طالما انا بعرف انو ابوك لساتو عايش وموجود بالعلية ف هي بتعرف
- نور : انتيي كنتي عم توصليلا اخبارنا ؟؟
- فتون : كانت عم تتصرف وكأنها امي شو ناطرة مني اعمممل
#عليت صواتن كلهن ونزلت ريم ع الدرج وركضت لعند يمان وحضنتو
- ريم ؛ يمااان
- يمان : ريم !!
- فتون : والله هاد اللي كان ناقص لتكمل
- ريم : يمان انا كتير خفت .. كتير
- يمان : ريم شو عم تعملي هون
- ريم : جليلة هي اللي جابتني وقالتلي اقعد
- يمان : امي..
- يوسف : مو وقت هالحكي لازم لاقيها ل هي يلي اسمها لمار
- نور : تمام بس كيففف
#وصلت رسالة ليمان " لا تتعبو حالكم وتدورو عليهم ع الفاضي في حساب بسيط رح نصفيه ورجعهم للبيت
______________
- لمار : والله نورتو المزرعة
- جليلة : يا حقيرة نهايتك رح تكون ع ايدي .. ولادي رح يكونو عم يفتلو الدنيا علينا
- لمار ؛ رح يفتلو ويفتلو ويفتلو ع الفاضي .. حتى الجن ما رح بقدر يخلصك مني هالمرة
- جليلة : ههه شو رح تعملي رح تقتليني !!
- لمار : يمكن بس رح اتفنن بموتك واتلذذ بوجعك .. وجعك هو الوحيد اللي رح يطفي النار اللي شعلتيا بقلبي
- جليلة : انا ما عملت شي انتي شعلتي هالنار ب ايدك
- لمار : انا !! انا بس بدي افهم ليش شو السبب اللي يخليكي تخوني رفيقة عمرك وطفولتك لك ربينا سوا .. ربيتي ببيتنا ولا بيوم عاملناكي على انك بنت الخدم كنت طول الوقت بيني وبين منار وصرتي متل اختنا شو اللي خلاكي تعملي فيني هيك
- جليلة : شفقتكن وانسانيتكن اللامحدودة هي اللي خلتني اعمل هيك كنتو تعاملوني منيح حسنة لاني بنت الخدامة مو اكتر
- لمار ؛ عن اي حسنة عم تحكي ااا ؟؟ لك امي ما كانت ترضى تعطيكي تيابنا القديمة حتى كانت دائما تقول جليلة متلها متل توأمي وتجبلك كل شي ومن احسنو
- جليلة : بكفيي اللي قدامك هلأ ما عادت البنت المسكينة اللي بتشفقو عليها واي شي بترمولا ياه بتاخدو اللي قدامك اخدت منك حبيبك وحرمتك من ابنك كل هالسنين بس لتقهرك
- لمار : اديه انتي وحدة مريضة
#ضحكت جليلة بصوت عالي
- جليلة : انا المريضة.. اي اخدت منك مصطفى انا اللي قلت ل الهام اني بحبو وكنت دائما لمحلا ع هاد الشي .. لحتى خلتو يتركك متل الكلبة ويتزوجني الي انا جليلة وانا كنت بعرف انو مصطفى رجع يتواصل معك وبعرف بزواجك وبقيت ساكتة لانو كنت بعرف ما رح تتحملي وانا هددت مصطفى اذا ما بجيب يمان لعندي انا ربيه رح افضحو وانهيه هو وشغلو كل هاد ولسه قليل عليكي ولو اختك مو ميتة كنت رح اعمل اكتر من هيك فيها
#كانت واقفة ومصدومة من كل كلمة عم تحكيها ما عم تستوعب كمية الحقد والكره
- جليلة : حتى بتعرفي شووو اخوها لفتون انا قتلتووو اي اي انا قتلتو لا تستغربي انا اول ما عرفت بوجود فتون بعالم المافيا رحت وخطفت اخوها وقتلتو وانا اللي رميت التهمة ع مصطفى واخوه كنت بعرف انو فتون رح تمحيهن عن الارض وهيك كنت رح ارتاح من الكل بس للصدفة قدر مصطفى يهرب من فتون بعد ما قتلت عماد وولادو التلاتة بس كان لازم يموت مصطفى لارتاح منو ولاستلم انا ولصير هيبة للكل والكل يخاف من كلامي حتى