_________________
#الساعة_2_بالليل
#ما حدا قدر ينام الكل بالو مشغول .. عروة طلع دور عليها بس ما استفاد شي .. شيراز قاعدة ومتوترة وخايفة بنفس الوقت ما بتعرف شو ممكن يكون صار لاختها بهيك مدينة كبيرة
@rwayate
#فجأة بيندق الباب .. قامت شيراز بسرعة فتحت الباب لقت نارين بحالة ما بتنوصف واول ما انفتح الباب نارين وقعت بحضن شيراز واغمى عليها
- شيراز : نارين .. نارين ردي عليي نارين اصحي
- عروة : بعدي.. هاتيا خليني اخدها ع المشفى فورا
- شيراز: وانا جاي معك
- عروة: طيب امشي بسرعة
- مروة: الله يكون معكن ويحميكن
_____
#طلعو شيراز وعروة واخدو نارين ع اقرب مشفى ومروة راحت ع غرفتها ترتاح بعد ليلة تعب طويلة
- ادهم : يا غبي منك الو كيف بتخلوها تهرب
- اسفين معلم والله ما انتبهنا لما هي طلعت
- ادهم : اسفين . اسفين انا شو بستفاد هلأ وين كان عقلكن وينننن
- ما عاد يتكرر الغلط
- ادهم : حكيتو شي قداما
- ابدا معلم
- ادهم : تمام يعني ما بتعرف مين يلي خطفا
- لا حتى اصواتنا ما سمعتا
- ادهم : تمام .. تمام انقلع من خلقتي انت وياه
#مسك كاسة مي شربا وبعدين ضربها بقوة ع الحيط
_____________________
#بالمشفى
- شيراز : يا رب تحميلي ياها .. يا رب .. بترجاك تحميها انا ما الي غيرها بكل الدنيااا
#عروة كان قاعد حدها وساكت بعدين شيراز بلشت بالبكي وبعدها عروة قرب منها #وحضنها وهي صارت تبكي اكتر
- عروة : من اول يوم دخلتي فيه ع بيتنا وانا شايفك بنت قوية ما بهزك شي
- شيراز : بس هي اختي .. مو بس اختي هي كل عيلتي هي كل املي بهالحياة هي كل شي بالنسبة الي
- عروة : تمام اهدي رح تكون منيحة ما تخافي الكل عم يعمل يلي بيقدر عليه لحتى ينقذها
- شيراز : ما بدي اخسرهاا
- عروة : ما ح تخسريهاا
#طلع الدكتور
- شيراز : دكتور طمني اختي كيفا
- ما بكذب عليكي وقلك انها ممتازة متعرضة لصدمة او صدمتين كهربا وهالشي اثر ع نبض قلبها حاليا وضعها مستقر لا تخافي بس رح تبقى تحت المراقبة للصبح وبعدين فيكي تفوتي تشوفيها اذا ضلت ع هالحالة من هون للصبح بتكون ممتازة
- عروة : تمام شكرا الك دكتور
- العفو
_______________
#الساعة_6_الصبح
- يا مدام
@rwayate
- شيراز : خير دكتور في شيييي اختي منيحة
- لا تخافي هي منيحة وهي هلأ صحت ومبينة منيحة وطلبت كتير انها تشوفك الك لوحدك
- شيراز : طيب رايحة فوت لعندا
- الممرضة رح تعقمك بعدين تدخلي
- شيراز : ماشي
_____________
- نارين : شيرازز ..
- شيراز : يا عمري خليكي مرتاحة لا تتعبي حالك
- نارين: انا منيحة بس بدي خبرك شي
- شيراز : خلص خليكي مرتاحة كل الحكي بيتأجل للبيت
- نارين: لا ما بيتأجل .. بدي خبرك انوو ادهم مو منيحح وفي عصابة مشكلينا وعم يتأمرو ع عالم وعم يظلمو ويقتلو كتير عالم .. اد.. ادهم هو يلي خطفني وكان بدو يقتلني ويخلص مني لانو عرف انو انا عرفت كل شي تقريبا انا .. انااا سمعت رجالو عم يخبروه انن خطفوني هنن كانوا مفكرين اني مخدرة وما سمعت بس انا سمعت كل شي ... هن.. هننن ...
- شيراز : خلص بكفي ما بدي اعرف شي بدي انتي ترتاحي وبس
- نارين : اسمعي .. بخزانتي بتلاقي كلشي موجود .. افضحيهن شيراز ... كملي يلي ما قدرت كملو انا
- شيراز: بنكملو سواااا
- نارين : بدي قلك ككمان انووو.. انوو عروة مو متلن عروة كا.. كان . عم يساعد..ني .. بيوقف حدك وبساعدك انا متأكدة
- شيراز : انتي يلي حتوقفي جنبي
- نارين: كلمة السر تاريخناا وو ...
- شيراز : كرمالي حاج تتعبي حالك
@rwayate
- نارين : الشخص الرابع هوو .. هووو .................
- شيراز : نارين .. نارينننن . دكتورررر وينك دكتورررررر
- خير شو في
- شيراز : نارين ما بعرف شو صرلا
- طيب طيب اطلعي لبرا
#طلعت نارين وهي بتبكي
- عروة : خير خير شيراز
- شيراز : نارين كأنو تدهورت حالتها
- عروة : لا بعيد الشر اهدي وهلأ بيطلع الدكتور بخبرنا انو هي منيحة
- شيراز : ان شاء الله
- للاسف يا جماعة فقدناها
#وقت سمعت شيراز هالحكي اغمى عليها
- عروة: شيراز .. شيرازز .. دكتور كيف هيك ماتت كيف
- قلبها كان ضعيف وما كان متحمل
- عروة : يا ربي دخيلك .. شيراز ردي علي
- خلينا ندخلها ع الغرفة جوا ترتاح
- عروة : يلااا
#بعد_نص_ساعة
- مروة : ابني
- عروة: اهلين ماما
- مروة : شبها شيراز ليش هيك غميانة وع السرير ونارين ويننن
#بهاللحظة كان ادهم ساكت ومتوتر وخايف من انو يكون حدا عرف شي
- عروة : ماما نارين ماتت
- مروة : شووو
- عروة : الدكتور قال انها تعرضت لصدمات كهربائية وانو قلبها ما كان متحمل وشيراز ما تحملت الخبر واغمى عليها ولهلأ ما فاقت وخايف يصرلا شي هي كمان
- ادهم : يعني نارين ما صحت
- عروة : ابدا
- ادهم : ولا قالتلكن شو يلي صاير معها
- عروة : ما عرفنا شي وما حدا دخل لعندا كان ممنوع
- ادهم : يا حرام... الله يرحمها
- مروة : والله صبية الله لا يوفقك يلي قتلها ان شاء الله يموت بنفس الطريقة

#داء_وَ_دواء
#الحلقة_الثانية_عشر
#ياسمينة..
..
..
..
#فتحت عيوني كان يمان جنبي وكل العيلة مجتمعة
- يمان : انتي منيحة
#تجلست وضميتو وصرت ابكي بشكل هستيري
- جليلة : كابوس ومضى بنتي اهدي اهدي .. جيبولا كاسة مي مع عصرة ليمون لتهدا
- يمان : تمام فتون اهدي..
#ما كنت عم اسمع لحدا .. كنت ضاممتتو بقوة وخايفة انو يهرب .. وهو كان قاعد عم يمسح ع شعري
#بعد عني ومسك وجهي ب ايديه
- يمان ؛ شو صار حتى خفتي هيك
- فتون : ما بدي احكي
- جليلة ؛ تمام بنتي المهم راحتك خدي شربي هالكاسة
#مسكتها
- يوسف : يمان
#تطلع فيه واشرلو بمعنى يلحقو .. وقف يمان بس مسكت ايدو .. تطلع فيني وبعدين تطلع بالموجودين
- يمان : ما بطول
- فتون : لا تروح
- يمان : فتون راجع بس دقيقتين
- جليلة : خلص ابني خليك جنبا مو شايفها مو منيحة
- يمان : افف ماشي
#طلعو الكل وبقي يمان جنبي .. خلصت كاسة الليمون اخدها مني وحطها ع الطاولة
- يمان : ما ح تحكي شو اللي صار
#تطلعت فيه وتذكرت الكابوس .. حطيت راسي ع كتفو بدون ما احكي شي
- يمان ؛ اخرتك تحكي ها
#غفيت ع كتفو بدون ما احكي شي
_______________________
#اليوم_التاني
#صحيت كان يمان مو موجود ..
- فتون : معقول عرف شي
#قمت بسرعة بدون ما غسل ولا اعمل اي شي وركضت لتحت
- جليلة: ع مهلك بنتي رح توقعي ع الدرج
- فتون : يمان وين
- يمان : فتون
#التفتت لورا كان طالع هو ويوسف من المكتب
- يمان : شبك في شي
- جليلة : رجعتي كوبستي لك بنتي
- فتون : لا لا انا منيحة بس قلقت لما فقت وما شفتك بالغرفة
- يمان: قلقتي !
#قرب مني وهمسلي
- يمان : شو صاير.. وضعك هاد مو عاجبني وفي شي بس ما عم افهم شو هو
- فتون : شو بدو يكون في يعني مافي شيي
- يمان : بنشوف .. بنشوف
- جليلة : يلا تعالو ع الفطور بسرعة .. نور وفتون افطرو مشان نطلع
- نور : يعني انا وحدة من العيلة بالاساس ضروري روح
- جليلة : ما بدي اي اعتراض
- نور : طيب
#خلصنا فطور وطلع كل واحد ع غرفتو يجهز حالو
- يمان : متأكدة ما بدك تخبريني شي
- فتون : شي متل شو
- يمان : شي متل كوابيسسك وخوفك الزايد عليي مثلا
- فتون : بتخوف بلد بحالو ما بحاجة خاف عليك
- يمان : طيب متل ما بدك .. بالمناسبة اليوم رح ابعت الرجال يجيبو ابوكي مافي داعي تروحي انتي لان ما بأمن بحدا
- فتون : وانا ما بأمن فيك
- يمان : فتون لا تستفزيني من الصبح
- فتون : تمام سكتت
- يمان : انا طالع وانتو حاولو ما تطولو وترجعو بسرعة وبكل الاحوال رح يكون معكن رجال
- فتون : ترانا رايحين مقبرة مو رايحين ع مواجهة
#سكت شوي وبعدين مسكني من ايدي
- يمان : تعي معي
- فتون ؛ لوين العزم اليوم بإذن الله
- يمان : حاولي مرة وحدة بس تسكتي وتمشي بدون ما تعلقي
- فتون : ما بقدر الله ما عطاني متل المواهب العظيمة اللي عندك
- يمان : فتووووون
- فتون : تمام ما عاد احكي ولا حرف خلص
#طلعنا ع الحديقة الخلفية وطالع المسدس ..
- فتون : اخخخ فتون والله كان صادق لما قلك قبرك رح يكون تحت هالشباك
- يمان : حاج تبربري مع حالك اتطمني ما رح اقتلك
#وقف وراي وحط المسدس ب ايدي
- فتون : شو عم تعمل
- يمان : لازم تتعلمي عليه ما رح كون موجود طول الوقت لانقذ الانسانة النبيلة
- فتون : نننن
- يمان : سكتي وركزي
#بلش يعلمني كيف وقف وكيف عين وكيف اطلق والقصص كلا
- يمان : تمام جاهزة
- فتون : لا
- يمان : حلو يلا نجرب
#رجع لورا واول ما شال ايدو وقع المسدس من ايدي .. تطلعت فيه وابتسمت
- فتون : شكلو تقيل
#تأفأف ورجع يحاول ويعلمني بس عبث مصرة انو ضل متيسة وما اتعلم وللامانة كان منظرو عاجبني كتير.. المرة الوحيدة اللي بستفزو فيها بس ما قادر يعصب عليي ..
- جليلة : ابني هلأ وقتو
- يمان : قلت ببلش من اليوم
- جليلة : هي معي ما تخاف واصلا معنا نور وفي رجال وكلنا معنا سلاح
#همست بيني وبين حالي : اذا بعتمد عليكن لا وانا بقيت سالمة الحمدلله
- جليلة : بما انك جاهزة طلعي ندهي لنور خلينا نمشي يلا
- فتون : يلا
#طلعت ع غرفة نور ويوسف كان الباب مردود وكانت نور لحالا بالغرفة وقبل ما ادخل سمعتا عم تحكي
- نور : لك شايفها وما مصدق تخيل تخيل انو واخيرا قدرت امسك عليها شي وجبت الفيديو وحطيتو قداموو وبالاخر بكل برودة اعصاب بدافع عنها رح جن والله رح جن ... لا تقلي هيك بدك تضل ورا الموضوع لحتى اخلص منها عم تفهم اصلا انا حاسة انها مخبية شي باخر كم يوم تصرفاتها غريبة .. ماشي وانت استعجل وكل ما استعجلت كل ما كنا متفقين اكتر
#قفلت الخط وفتلت لورا شافتني
- نور : شو عم تعملي بغرفتي
- فتون : طلعتي انتي لكن اللي عم تحاولي تخلصي مني

#داء_وَ_دواء
#الحلقة_العاشرة
#ياسمينة ..
..
..
..
- يمان: فتون بتكون..
- يوسف : مريضة .. يعني لما عم دقق بتصرفاتا بحس في شخصيتين جواتا مو مفهومين ابدا .. اوقات بتكون البنت الطيبة الدكتورة الناجحة يلي بتساعد كل العالم .. بتخاف من العتمة .. من خيالا .. بتخاف ع الناس اللي حواليها واوقات بتوقف قدامك بكل ثقة وبتهدد !! بتحكي شغلات وكأنها .. ما بعرف يعني بتحس كأنها خبرة بمجال التهديد وبرودة الاعصاب واللامبالاة .. عنجد بطلت افهم اي شي
- يمان : مو يمكن لانو دخلت بجونا
- يوسف : ابدا.. نظرتها اليوم بتحس الها الف معنى واول واحد فهمتو انو لو تتجرأ وتأذيني او تأذي ابي ما رح يرفلي جفن لما اقتلك
- يمان : عم تتوهم
- يوسف : بجوز بس ح راقبا لكم يوم وشوف اذا في شي مخبيتو او لا
- يمان : تمام

#طلع يمان من المكتب وسكر الباب وراه .. قبل ما يمشي وصلتو رسالة فتحها كانت من رقم خاص وكانت عبارة عن صور لفتون وامها منار لما كانو قاعدين بالكافيه وتحتا رسالة " اخر تطورات مرتك المستقبلية "
بعت الرقم لادم وكتبلو " كل المعلومات المتعلقة بهاد الرقم "
طلع لعند فتون اللي غمضت عيونا و عملت حالها نايمة اول ما انفتح الباب .. قرب وقعد ع طرف التخت
- يمان : بعرف انك مو نايمة
#ما ردت عليه
- يمان : قومي في حساب بدنا نصفيه .. فتون قومي بعرف مانك نايمة
- فتون : بدي نام
- يمان : قلت قومي
- فتون : ماني
- يمان ؛ معك ٣ ثواني اذا ما بتكوني قايمة رح قومك بطريقتي
#بقيت متنحة وما راضية تقوم .. قرب ايدو وصار يعديها ع كل وجها ويلمس شعراتها .. ثواني وكانت قايمة
- فتون ؛ تمام قمت ها بلا حركاتك الوقحة
- يمان : انتي بتجبريني عليها
#مشي للخزانة وطالعلها جاكيت مسكها من ايدها وشحطها وراه
- فتون ؛ اذا بتترك ايدي رح تتفاجأ انو رجلي بيقدرو يمشو .. يعني موهبة عطاني ياها ربي عز وجل بتحب تشوفا
- يمان : اذا ما بتسكتي رح احرمك ياها
#طلعو بالسيارة وطلعو من البيت .. كان ماشي بسرعة كبيرة وفتون كانت مترددة كتير كل ما بدها تحكي شي تتراجع فورا ..
- يمان : خبيهن خبيهن منيح
- فتون : ما فهمت شو هنن ؟
- يمان : كلماتك لانو رح يلزموكي اكتر بعد شوي
#طنشتو والتفتت للشباك صرت اتطلع ع الطريق .. اول مرة بشوفو .
- فتون : طب لوين رايحين ع الاقل
- يمان : نتصافى
- فتون : بشو
#ما رد عليها وكمل سواقة
- فتون : شو عملت اناااا
- يمان : ...
- فتون : يمااااان عم احكي معك
- يمان : ...
- فتون: برافو بعطيك شهادة اكتر انسان حيط قابلتو بحياتي .. بتاخد الشهادة بجدارة كمان
- يمان :....
#استفزها كتير .. رجعت التفتت للشباك وغفيت ع الطريق .. فتحت عيونها لما حملها وسكر باب السيارة برجلو .. غمضت عيونا ورجعت فتحتن ومانها بوعيا لسه .. دخل ع البيت حطها ع الصوفا
- فتون : ليش اجينا لهون
- يمان : لنتصافى
- فتون : نتصافى بشو
#قعد مقابيلها وطالع موبايلو فتح ع الصور وزتلا ياه
- يمان : ع هدول
#تطلعت فيهن فتون وبقيت ساكتة .. طالع يمان سيجارة وبلش يدخن .. دقيقة .. دقيقتين .. خمسة .. عشرة .. ما حدا فيهن حكا شي..
- فتون : مين بعتلك ياهن
- يمان : سؤال حلو بس السؤال الاحلى الك علاقة بهروب امجد
- فتون : ان..اا
- يمان : عم بسمعك
- فتون : يمان هدوئك هاد عم بخوفنيي
- يمان: خافي .. خافي لانو لحد هلأ عم حاول ما طلع كل جنانيي فيكيييي
- فتون : انا ما عملت شي
- يمان : هربتيه
- فتون : لا .. حميتو منكن
- يمان : يعني خنتينا باول مرة
- فتون : ما خنتك .. يمان انت خطفتني مرة ومرتين وتلاتة . هددتتني دخلتني بمصايب صرت ملاحقة من عالم ما بعرفن كل هاد عملتو كرمال اخوك .. اقل ما يمكن اخلي اخي عايش !
وما تعتبر خيانة هي انا .. انا لو بدي خونكن بكمل معكن بالخطة ولما تروحو تقتلوه بخبرهن وبخليهم يقتلوكن ويدفنوكن بس ما عملتا عم تفهم ما خنتككككك حاولت خليه عايش بس بسسسس
#قام ومسكني من رقبتي ورفعنييي .. دفشني ع الحيط وهو عم يخنقني
- يمان ؛ اذا اخوكي بدو يضل عايش معناها بتموتي انتي
- فتون : يماان
#كنت عم بختنق .. مصدومة من ردة فعلو وبنفس الوقت خايفة ما بعرف ع حالي ولا ع اخي ولا ع ابي بس شعور الخوف مشي بكل جسمي .. عم بختنق .. عم برجف وهو عم يتطلع بعيوني ما رفلو رمش واحد وهو عم يقتلنيي .
بالايد التانية كان ماسك السيجارة .. اخد سحبي ونفخ بوجهي .. وطفاها بكتفيي .. تركني ورجع قعد .. قعدت بالارض عم حاول اخد نفس .. حطيت ايدي ع كتفي عم اتحسس الحرق
- فتون : الله يلعنك
- يمان : درس صغير لحتى تتعلمي تاني مرة ما تلعبي علي
#نزلو دموعي لا اراديا .. ما بعرف من الحرق ولا من تصرفاتو ..

- يمان : مستحيل هنن مافيا والمرا ما رح تكوني بتعرفيا يعني مستحيل هالشيي
- فتون : بس ان..
- يمان : انتي شو
- فتون : ولا شي انسى حكيك مزبوط .. خلينا نطلع قبل ما يجي حدا تاني
#دخلنا ع المكتب كانو يوسف وادم ناطرين
- يوسف: شو
- يمان : هو بس الخانم ما خلتني اقتلو
- فتون : الامن معبي المشفى يعني لو كان في نتفة امل انك تنفد من عملتك بس تقتلو اعملها بيباي
- يوسف : معا حق خلص انا بتصرف المهم قدرت اوصلو
- ادم : تمام يلا خلونا نروح لكا بلا ما نسبب مشاكل لفتون اكتر
- يوسف : يمان وادم روحو ع الشركة وانا بوصل فتون ع البيت
- يمان : انا بوصلها
- يوسف : انا رايح ع البيت مشان المؤتمر خلص بوصلها بطريقي
- يمان : تمام
#طلعو يمان وادم
- يوسف : بعرف رح تقليلي عن شرطك ..كملي دوامك انا رح ببعتلك سيارة تنطرك بالكراج لوقت تخلصي
- فتون : بس يمان...
- يوسف : انا بحكي معو المسا بس خليني اخلص من شغلة المؤتمر وشوف شغلة امجد والف قصة بدا حل
- فتون : تمام
- يوسف : حاولي ما تتأخري
- فتون : طيب
_
#طلع يوسف ونزلت فتون لتحت ع الاستراحة الموجودة بالمشفى وطلبت قهوة لتغرق بين الاوراق والصور والتحاليل لساعات
- تفضلي دكتورة
- فتون ؛ شكرا
#كانت بدها تمشي بس وقفتها
- فتون
#فتلت لورا شافت نفس المرا اللي فوق .. وقعت القهوة من ايدها وعيونها ع اوسعهم عم تحاول تنكر اللي شايفتو
- دكتورة انتي منيحة .. دكتورة .. دكتورة
- فتون : تمام تمام انا منيحة .. اسفة وقعت من ايدي بدون قصد
#تطلعت بالمرا الواقفة
- فتون : انتي..
- فينا نحكي شوي ع جنب
#مشت معها فتون وقعدوا ع احد الطاولاات
- فتون : انت..
- اي انا .. انا بعتذر انا عنجد ندمانة اني بعدت عنك بس صدقيني ولا يوم غبتي عن بالي وطول الوقت كنت عم راقبك واحميكي حتى لو من بعيد
- فتون ؛ انتي شو عم تعملي هون
- منار : انا نفسي اللي شفتك فوق
- فتون : كنت بعرف .. بعرف عيونك حافظتن من كتر ما تطلعت بالصور من كتر ما مسكت الصور وتفرجت علين ليششش لانو طفلة بعمري كانت بحاجة لحنان ام تركتا وراحت .. كنت استمد الحنان من الصور. تركتيني مع مدمن ورحتي .. كنتي تراقبيني !!! كنتي تحميني !!!!! لكككك وين وييين ما شفت شي من اللي عم تحكيه ..انتي ميتة بالنسبة اليي .. يا ريت ما طلعتي قدامي ع القليلة كانت ضلت صورتك الحلوة بباليي كانت ضلت صورة امي يلي اخدوها غصب عنها وقتلوها لحتى يفرقوني عنهاااا .. امي المظلومة
- منار : انا ميتة بالنسبة الك وبدك تتركي اخوكي يموت كمان
- فتون : اخي..!!
#تذكرت فتون انو بتكون ام امجد المريض يلي عم يدورو عليه يمان ويوسف
- منار : بعرف انو يمان اللي كان معك اليوم بالغرفة
#واقفة ومصدومة من الحكي يلي عم بسمعو
- منار ؛ يمكن انا غلطت بس امجد ما دخلو صدقيني ما دخلو حاولت قد ما فيني بعدو عن عالم المافيا بس ابوه .. ابوه اصر انو يدخلو بهالعملية والنتيجة متل مانك شايفة ما بعرف اذا بضل عايش او لا
- فتون : امج..د اخ..ي
#غمضت عيونا وحطت ايدها ع راسها والارض كلها عم تدور حواليها انفاسها عم تاخدها بصعوبة .. وقعت ع الارض وتجمع الكل حواليها وعم يحاول يصحيها
___#المسا
قاعدين الكل ع العشا وعم ياكلو الا فتون كانت صافنة وعم تحرك الاكل بالشوكة وسارحة بعالم تاني
- جليلة : بنتي ليش ما عم تاكلي
#بقيت شاردة مو سامعة شي .. حط ايدو يمان ع كتفها
- يمان : فتون
- فتون : هاا
- يمان : امي عم تحكيكي
#تطلعت بجليلة
- فتون ؛ اسفة ما سمعت
- جليلة : اكيد ما رح تسمعي وانتي بعالم تاني شوفي مانك ع بعضك
- فتون : مافي شي عادي.. انا شبعت بالعافية الكن
#قمت عن السفرة وانا ملخطبة طلعت ودخلت ع غرفتي .. طالعت البوم الصور وقعدت ع التخت اتفرج عليهن وحدة ورا وحدة.. وكلامها ينعاد براسي جملة ورا جملة .. فتح يمان الباب ودخل بهمجية كالعاادة
- يمان : انتي شو صايرلك ها ؟؟ من لما شفتي هديك المرا انقلبتييي
#بدون ما شيل عيوني عن الصور
- فتون : عيونها كتير بيشبهو عيون امي
#خفت عصبيتو شوي وقف عم يتطلع فيني كيف قاعدة ع التخت وكل الصور حوالي انا وانا وابي وانا وامي وانا ورفقاتي صور كتيرة بتحكي عن كل طفولتي .. قعد جنبي ع طرف التخت .. مديتلو صورة
- فتون : امي..
#مسكها يتطلع فيها ..و ايدو عم ترجف من كتر العصبية .. حطيت ايدي ع كتفو
- فتون : يمااان
- يمان ؛ هي امككك !!
#تطلعت ع الصورة مستغربة من حالتو من سؤالو من ردة فعلو
- يمان : انا سألتتتتتتتت هييي امككككككك
#غمضت عيوني لما صرخ
- فتون : اي ايي امييي ليشششس
#شفت الصورة كيف جعلكهاا بايدووو اللي لساتا عم ترجف
- فتون : يماان ..

كسرتو تكسير بس اجى حدا من وراي وضربني ع راسي وغميت لفترة لما فقت ما لقيت الشب وكنت متأكد انو كان عايش وجماعتو انقذوه .. اختفى الشب حتى اسم بسجل النفوس ما الو يعني عيلتو قوية كتير لدرجة قادرين يتلاعبو بوراق الدولة بسهولة ولهلأ ساكتين ما عطو اي ردة فعل
#كان عم يحكي وهو حاضنها وعم يلعب بشعرها .. رفعت راسها وتطلعت فيه
- فتون : انا شو دخلني
- يمان : انت ما دخلك بشي كل القصة انو يوسف كان بدو يطلب منك مساعدة كونك دكتورة مشان ينقذني بس كان بيعرف من الاول انو ما رح توافقي
- فتون ؛ شو ممكن يعملو
- يمان : يدخلوني ع السجن وبعدها بدبرو موتي
#سكتت شوي ما بعرف ليش قلبي وجعني لما حكا هيك رغم انو مجرم ووحش واناني وعصبي وكل الصفات السيئة مجتمعة فيه بس ما فيني شوفو عم يدخل السجن او يموت
- فتون : بشو بدي ساعدكن
- يمان ؛ اذا دخلت السجن رح تكوني حرة
- فتون ؛ رح كون حرة رح يجي اليوم يلي تتركني بحالي وتعملي بايدك مع السلامة
- يمان : صايرة بتحلمي وانت فايقة كمان
#ضربتو ع كتفو
وقمت نزلت لعند يوسف ونزل هو معي.. فتحت الباب ودخلت راسي
- فتون : ممكن ادخل
- يوسف : اكيد تعالي
#دفش يمان الباب بهمجية
- فتون : همجي
#تطلعت بيوسف
- فتون : اسفة ع اللي صار قبل شوي بس عنجد ما كنت بوعي يعني دخلت بصدمة من يلي حكيتوه
- يوسف ؛ بس ردة فعلك كانت غريبة
- فتون : اوقات بصير معي هيك لما تجيني كتلة مصايب
#اشرت باصبعتا ع يمان
- فتون : بس قلبي طيب لدرجة جاي انقذ كتلة المصايب يلي فوق راسي
- يوسف : حكالك
- فتون : نص الحكاية
- يوسف : يعني بتعرفي شو لازم تعملي
- فتون : لا
- يوسف: تعالي
#قربت ع طاولة المكتب بس قبل ما يبلش يحكي رن جوال يمان .. سكر الخط بس رجع رن مرة تانية وطلع من المكتب ليرد
- يوسف : شوفي الولد اكيد بالمشفى او يمكن ما يكون موجود بس الو سجل في بعض المشافي قدرت شوف السجلات وكاميرات المراقبة والبعض لا واول مثال مشفاكم والمطلوب منك تقدري تخليني ادخل ع سجلات المرضى وانا بتكفل بالباقي وكونك دكتورة معروفة بس رح يكون سهل
- فتون : سهل وحتى بقدر دخلك ع امن المراقبة وتشوف الكاميرات
- يوسف : تمام لكن امشي
- فتون : بس قبل ما ساعدكم عندي شرط
- يوسف : شو هو
- فتون : بدي ارجع ع شغلي ع مشفاي ع مكتبي ع جزء صغير من حياتي الطبيعية
- يوسف : موافق
- فتون : بس يما..
- يوسف : اتركيه علي انا بقنعو
- فتون : تمام
________
#طلعو فتون ويوسف ومن مشفى لمشفى بس عبث
- فتون : شكلنا ما رح نلاقيه
- يوسف : بقي مشفى واحد بس واللي هو مشفاكم
- فتون : شو يضمنلك ما يكونو عالجوه برا البلد
- يوسف: كان مكسر محطم ع الاخر اقل شي بدو عمليتين تلاتة هون ليتحسن وضعو ويسمحولو بالسفر خلينا نشوف مشفاكن وفي حال ما لقينا شي مندور ع طريقة تانية نلاقيه
#نزلت فتون ويوسف من السيارة ودخلو ع المشفى
- اهلين دكتورة
- اشتقنالك كتير
- اهلين
- دكتورة اهلا وسهلا
#الكل كان عم يأهل ويسهل فيها ويوسف واقف بعيد عنها كم خطوة
- فتون : تمام تمام شكرا الكن كلكن وانا عنجد اشتقتلكن واشتقت لشغلي ومكتبي بس صرلي كم يوم غايبة ولازم روح شوف شغلي لانو تأخرت بما فيه الكفاية
#مشيت ومشي وراها
- فتون ؛ تعرف لو كان يمان مكانك شو كان صار
- يوسف : شو
- فتون : كان صرخ وعصب وطربق الدنيا فوق راسي ومسح بكرامتي الارض واخر شي بيشحطني من ايدي ليكمل مسح اللي ضل من كبريائي
- يوسف : مو لهي الدرجة
- فتون : معك حق .. اكتر
#دخلت فتون ع مكتبا اللي مليان ملفات ووراق
- فتون : دارين
- نعم دكتورة
- فتون ؛ بعتيلي ادم وشيرين فورا
#فاتت وسكرت الباب
- يوسف : ليش ناديتي
- فتون : اتطمن رح يساعدوني ويسهلو الموضوع علي وما بيحكو شي
- ادم : دكتورة أخيرا اجيت..
#بقي واقف وعم يتطلع بيوسف
- فتون : سكرو الباب
#طلعو وسكرو الباب
- فتون : اددددددددمممممم
- ادم : نعم دكتورة
- فتون : دخلو وسكرو الباب .. اسمعوني كتير منيح بغيابي اجت شي حالة ل شخص اكل ضرب كتير .. متعذب .. مشوه
- ادم : لا
- شيرين ؛ مبلا
#تطلع يوسف بشرين وبعدها تطلع بفتون لانو مو قادر يستجوب هو

- فتون : انت شفتيه ؟
- شيرين : اي
- يوسف : خلينا نشوفو
- فتون ؛ لحظة يوسف .. مين استلمو
- شيرين : هلأ العلاج كل الدكاترة بس بعتقد انو مسجل تحت ايد الدكتور زياد
- فتون: روحي تأكدي بسرعة وما تحكي اي شي قدام حدا
- شيرين : تمام
- فتون : ادم اهل المريض بالمشفى
- ادم : بظن بس الام
- فتون : روح مع شيرين وفي حال كان المريض باسم زياد بتروح عند ام المريض وبتحكيلا عني بطريقة تخليا تجي لعندي وتطلب مني عالج ابنها فهمت ولا عيد ؟

#داء_وَ_دواء
#الحلقة_التاسعة
#ياسمينة .
..
..
..
#عم الهدوء اول ما حاول حدا يفتح الباب بس كان مقفول
- فتون : مين
- زياد: هاد انا .. ليش قافلة الباب خايفة صح
#توترت ووقفت
- فتون : لازم تتخبى
- يوسف: مستحيل خليني افتح واقتلو قتلة تانية وربيه
- فتون: اذا بتريدد يوسف انا وافقت ساعدك لا توقعني بمشكلة
#سكت يوسف عم بفكر وهي عم تطلع عليه نظرات ترجي
- زياد : فتون
- فتون : ثانية
#رجعت تطلعت بيوسف
- يوسف: تمام حاج تطلعي هيك وين بدي اتخبى
- فتون : عند المكتب هنيك
#راح يوسف وتخبى عند المكتب وفتحت فتون الباب
- فتون : خير
- زياد : ليش قافلة الباب
- فتون : حرام الواحد يكون عندو خصوصية
- زياد : خصوصية وبالمشفى
- فتون : زياد مو ناقصتك
- زياد : في حساب بينا لازم نصفيه
- فتون : حساب شو
- زياد : الضرب يلي اكلتو من حبيب قلبك
- فتون : محدا قلك تروح تلعب لعبة وسخة متلك
- زياد : ان..
#ملامح زياد بين عليها الخوف اول ما سمع صوتو .. التفت لورا كان يمان وادم
- يمان : انا شو قلتلك من قبل
- زياد: انا.. ان..اا
- يمان : انتتت شووووو
- زياد : اجيت اطلب منها السماح بس لانو انا غلطت
#تطلعت فيه ورفعت حاجبي .. كمية الكذب اللي بحكيو مو معقولة
- يمان : اعتذر لكا
- زياد : اعتذرت
- يمان : بس انا ما سمعت
- زياد: فتووون
- يمان : اترك فتون تطلع فيني انا هون عم قلك اعتذر
- زياد : ان..اا اس..اسف ما كان لازم اعمل هيك
- يمان : صاير شاطر وهلأ انقلع واتأكد اذا بلمحك مجرد لمحة جنب فتون رح اسحب روحك فاهم
#راح زياد بسرعة .. انا كنت حاسة بالنصر والفرحة غامرتني كيف انكسرت شوكة زياد واعتذر مني لاول مرة بفرح انو يمان دخل ع حياتي بس يا فرحة ما تمت ..
مسكني من ايدي ودخلني لجوا ع الغرفة
- يمان : وانتي شو اعمل معك
- فتون : شوو عملت
- يمان: ليش اجيتي لهون
- يوسف: اجت معي
#التفتنا كلنا وتطلعنا ع يوسف يلي عم يوقف ويزبط تيابو
- يمان: اخي !!
#ادم كان عم يضححك من تحت لتحت
- يوسف: ادم اخرس قبل ما اجي فضي كل الرصاص براسك
#انفجر ادم ضحككك
- ادم : والله اخر شي كنت بتوقعو انو تجي بنت تعمل فيكم هيك انت واخوك
- يوسف : أخرس ادم اخرس
- يمان : انتو كيف بتطلعو بدون ما تخبروني
- يوسف: فكرتك مشغول
- يمان: لا تفكر تاني مرة اخي بدون ما تسأل . شو صار معكن
- يوسف : لسه ما ص..
#بهاللحظة دخل ادم (الممرض ) مع شيرين
- ادم ( الممرض) : دكتورة
- فتون : اي ادم شو صار
#اشرلها ادم بايديه ع حالو
- ادم : عم تحكي معي !
- فتون : لا ادم وشيرين بكونو مساعديني .. شو صار معكن
- شيرين : تأكدتت انو المريض باسم زياد وهو هلأ موجود بقسم العناية
- فتون : وانت ادم شو عملت
- ادم (الممرض) : متل ما قلتيلي رحت وحكيت قدام امو متل ما قلتيلي وسألت عنك قلتلا مشغولة شوي بس رح روح احكي معها وهي بتجي بتشوفو
- فتون : تمام فيكن تطلعو
#طلعو ادم وشيرين وسكرو الباب
- فتون : بقي شغلة وحدة
- يوسف : اللي هي ؟
- فتون: انا ما بعرف شكل الشب اللي عم تدورو عليه
- يمان : نحن منشوفو
- فتون : ممنوع ع قسم العناية ما بيدخل غير الاطباء يعني حتى ام الشب بتدخل دقايق بتطمن عليه وبتطلع
- يوسف : والحل
____
#ماشية فتون وهو وراها .. حطت بطاقتها ع الالة اللي جنب الباب اشتغل الضو الاخضر ودخلو
مشت بالممر لحتى وصلت لباب الغرفة ١٠٩ الموجود فيها
دخل شال الكمامة ونزلت راسها فتون عم تحاول تكتم ضحكتها
- يمان ؛ فتون والله بقتلك
- فتون : تمام تمام .. بس بتعرف فكرة انك دكتور ما عم تدخل ع عقليييي 😂😂
#طنشها وقرب ع المريض
- يمان: هو
- فتون : تمام لكن خلينا نطلع
- يمان: مو قبل ما خلص عليه
- فتون ؛ جنييييت لا تخليني اندم اني ساعدتكن
- يمان : معناها خلينا نطالعو من هون
- فتون : ما بقدر ما بقدررررر
#التفتت فتون لورا شافت من البلور في حدا جاي باتجاه الغرفة
- فتون : يمان يمااان حط الكمامة بسرعة في حدا جاي
#حط الكمامة ورجع لورا ودخلو ممرضين ومعهن مرا كبيرة بالعمر الهيبة واضحة عليها ملبسينها كمامة ومعقمينها وكل شي .. كنت شايفة عيونها بس ..
حسيت باحساس غريب كتير بلشت انفاسي تكتر وانا عم اتطلع بعيونا .. مو غريبة ابدا مو غريبة انا بعرفهاا بس وين فتون وين شايفتيها
- دكتورة .. دكتورة
- فتون: هاا
- شو عم تعملي هون
- فتون : قالولي في حالة خطرة هون اجيت افحصو بس .. ع كلن انا راجعة ع مكتبي
اذا احتجتو اي شي خبروني
#طلعت فتون وطلع يمان وراها وكانت مستعجلة .. مسكها يمان من ايدها ورجعها لعندو
- يمان : شو اللي صار
- فتون : ما صار شي
- يمان : ما تكذبي
- فتون : عيون المرا حسيتا مألوفة

#طلعت من العلية والرجال اخدو جليلة وجابو الكرسي المتحرك حطو مصطفى فيه واخدوه كمان
_____________
#بالمزرعة وصلو الرجال ويوسف ونور وخالد بس كان المكان هدوء وكتير .. بقيو هادين وتوزعو حوالي المزرعة ودخلو يوسف وخالد ولقو يمان وفتون بالحديقة ولا كأنو في شي
- يوسف : يماان
- يمان : شو جابكن لهون
- يوسف : شو صار هون
- يمان : شو صار
- خالد : الاشتباكات والهجوم
- يمان : اي اشتباكات وعن اي هجوم عم تحكو ؟؟
- يوسف : الله يلعنن كل هاد مخططين الو
- نور : امييي
#تطلعو كلهن ببعض وكلهن ركضو ع السيارات ومشو
- يوسف : وما خليت رجال يكفو
- خالد : ان شاء الله منلحق ما تاكل هم
- يوسف : ان شاء الله.. ان شاء الله
_____
- لمار : الو
- هلأ طلعو من المزرعة يا خانم واكيد جاين ع البيت
- لمار ؛ اهلا وسهلا نحن خلصنا شغلنا وطلعنا
- اي اوامر يا خانم
- لمار : اعطي خبر للكل انو ينسحبو ويرجعو ع المزرعة وخبر قاسم انو ياخد الرجال ويسبقني ع المكان اللي اتفقنا عليه
- امرك يا خانم
______
#دخلو ع البيت وشافو كيف الرجال كلها بالارض وركضو لجوا
- يوسف : اميييي
#طلعو الخدم من المطبخ
- يوسف بيك
- يوسف : شو اللي صار
- بعد ما رحت حضرتك يا بيك هجمو علينا و .. و...
- يوسف : اييي وشوو
- واخدو جليلة خانم ومصطفى
- خالد : مصطفى !!
- يمان : ابي
- نور : طب مين هنن ما عرفتو
- ما عرفنا يا خانم بس كانت وحدة ومعاها رجال كتير
- فتون : لمار
#تطلعو فيني
- يمان: يعني كان ممكن اي بس مستحيل لانو هي ما بتعرف ..
- فتون: بتعرف .. طالما انا بعرف انو ابوك لساتو عايش وموجود بالعلية ف هي بتعرف
- نور : انتيي كنتي عم توصليلا اخبارنا ؟؟
- فتون : كانت عم تتصرف وكأنها امي شو ناطرة مني اعمممل
#عليت صواتن كلهن ونزلت ريم ع الدرج وركضت لعند يمان وحضنتو
- ريم ؛ يمااان
- يمان : ريم !!
- فتون : والله هاد اللي كان ناقص لتكمل
- ريم : يمان انا كتير خفت .. كتير
- يمان : ريم شو عم تعملي هون
- ريم : جليلة هي اللي جابتني وقالتلي اقعد
- يمان : امي..
- يوسف : مو وقت هالحكي لازم لاقيها ل هي يلي اسمها لمار
- نور : تمام بس كيففف
#وصلت رسالة ليمان " لا تتعبو حالكم وتدورو عليهم ع الفاضي في حساب بسيط رح نصفيه ورجعهم للبيت
______________
- لمار : والله نورتو المزرعة
- جليلة : يا حقيرة نهايتك رح تكون ع ايدي .. ولادي رح يكونو عم يفتلو الدنيا علينا
- لمار ؛ رح يفتلو ويفتلو ويفتلو ع الفاضي .. حتى الجن ما رح بقدر يخلصك مني هالمرة
- جليلة : ههه شو رح تعملي رح تقتليني !!
- لمار : يمكن بس رح اتفنن بموتك واتلذذ بوجعك .. وجعك هو الوحيد اللي رح يطفي النار اللي شعلتيا بقلبي
- جليلة : انا ما عملت شي انتي شعلتي هالنار ب ايدك
- لمار : انا !! انا بس بدي افهم ليش شو السبب اللي يخليكي تخوني رفيقة عمرك وطفولتك لك ربينا سوا .. ربيتي ببيتنا ولا بيوم عاملناكي على انك بنت الخدم كنت طول الوقت بيني وبين منار وصرتي متل اختنا شو اللي خلاكي تعملي فيني هيك
- جليلة : شفقتكن وانسانيتكن اللامحدودة هي اللي خلتني اعمل هيك كنتو تعاملوني منيح حسنة لاني بنت الخدامة مو اكتر
- لمار ؛ عن اي حسنة عم تحكي ااا ؟؟ لك امي ما كانت ترضى تعطيكي تيابنا القديمة حتى كانت دائما تقول جليلة متلها متل توأمي وتجبلك كل شي ومن احسنو
- جليلة : بكفيي اللي قدامك هلأ ما عادت البنت المسكينة اللي بتشفقو عليها واي شي بترمولا ياه بتاخدو اللي قدامك اخدت منك حبيبك وحرمتك من ابنك كل هالسنين بس لتقهرك
- لمار : اديه انتي وحدة مريضة
#ضحكت جليلة بصوت عالي
- جليلة : انا المريضة.. اي اخدت منك مصطفى انا اللي قلت ل الهام اني بحبو وكنت دائما لمحلا ع هاد الشي .. لحتى خلتو يتركك متل الكلبة ويتزوجني الي انا جليلة وانا كنت بعرف انو مصطفى رجع يتواصل معك وبعرف بزواجك وبقيت ساكتة لانو كنت بعرف ما رح تتحملي وانا هددت مصطفى اذا ما بجيب يمان لعندي انا ربيه رح افضحو وانهيه هو وشغلو كل هاد ولسه قليل عليكي ولو اختك مو ميتة كنت رح اعمل اكتر من هيك فيها
#كانت واقفة ومصدومة من كل كلمة عم تحكيها ما عم تستوعب كمية الحقد والكره
- جليلة : حتى بتعرفي شووو اخوها لفتون انا قتلتووو اي اي انا قتلتو لا تستغربي انا اول ما عرفت بوجود فتون بعالم المافيا رحت وخطفت اخوها وقتلتو وانا اللي رميت التهمة ع مصطفى واخوه كنت بعرف انو فتون رح تمحيهن عن الارض وهيك كنت رح ارتاح من الكل بس للصدفة قدر مصطفى يهرب من فتون بعد ما قتلت عماد وولادو التلاتة بس كان لازم يموت مصطفى لارتاح منو ولاستلم انا ولصير هيبة للكل والكل يخاف من كلامي حتى

- جليلة : لا ابني اتركها ع راحتها
- يوسف : يلا يمان
- نور : اجي معكن
- جليلة : لا بنتي بدنا ننزل ع السوق
- نور : امي مافي داعي انزل انا
- جليلة : ولا كلمة
- يوسف : خلص نور خليكي هون
- نور : ماشي
#طلعو يوسف ويمان .. وطلعت جليلة مع نور وفتون ويفتلو من محل لمحل وفتون بس واقفة وتوزع ابتسامات اصطناعية ومرت الساعات وما اختارت شي .. كانت واقفة بملل وناطرة يخلصو وعم تتلفت حواليها لحد ما شافت ..

#يتبع
#ياسمينة