- خالد : منيح كتير منيح يوم خير علي وع بنتي كيف ما بدي كون منيح
- فتون : تمام بس بدي خبرك انو صار عندي وضع طارئ ويمكن اتأخر اليوم او يمكن ما اجي اذا تأخر الوقت كتير
- خالد : عنجد بس .. انا شفت مناوبتك بكررى
- فتون : اي مزبوط بس اليوم وضع طارئ .. ليه في شي ؟
- خالد : كنت .. خلص انسي مافي شي بس ترجعي منحكي
- فتون : ماشي
#سكرت الخط وشلفت الجوال ل يمان
- يمان : كان نكسر
- فتون : اخر همي
- يمان : همجية
- يوسف : مطولين انتو التنين
- فتون : هه
#وقف يمان قدام بيت فخم كتير.. بالحقيقة قصر مو بيت والحراسة بكل مكان نزل يمان وساعد يوسف لحتى ينزل وانا نزلت وقفت جامدة بمكاني ما عرفانة شو اعمل وكيف امشي .. طلعت وحدة منيحة بالعمر ومبين عليها هيبة وركضت لعند يوسف وضمتو وما تحكيلو غير يا ضناي .. لحقوها اكتر من وحدة منهن اكبر ومنهن اصغر وكمان ضموه وبوسوه وكل شي كان ريلاكس لحد ما اجت العفريتة " نور " ريتو الله ما كان جابا وركضت لعند يمان وضمتو وتحكيلو كنت خايفة عليك كتير هالحقيرة! وما بعرف ليش انا مزعوجة وعم فور واغلي وبعد ما خلصو حبن واهتمامن قررو بجلالة قدرن يلتفتو ويسألو عني
- مين هي ؟
- يمان ؛ هي الدكتورة يلي عالجت يوسف
- يوسف : يعني لولاها انا ما كنت عايش
- بعيد الشر لا تحكي هيك .. بنتي عنجد شكرا الك انقذتي ابني وحيدي
#تطلعت فيا وقلت بيني وبين حالي وحيدك ! كيف وحيدك وطول الوقت يمان بناديلو اخي وما بعرف شو !!
- فتون : ولو هاد واجبي يا خانم
- تفضلي تفضلي ما تواخذينا ما النا بالعادة ننسى ضيوفنا
- نور : ضيوف .. هه الله يبعد هيك ضيوف عنا
- عيب بنتي ليش هيك عم تحكي
- نور : ولا شي عمتي
- عيب تحكي هيك مع شخص واقف ببيتنا
- نور : بس عمتي
- بلا بس بلا شي يا ريت ما يتكرر هالموقف فهمانة
#ضحكت ضحكة استفزازية بوجها ودخلت لجوا معهن .. ضيفوني ورحبو فيني وحبوني واهتمو فيني واخر دلال ونور اعصابا عم تحترق .. الصراحة ما بعرف ليش بس كنت مبسوطة بهاد الشي.. مبسوطة كتير
#المسا
#كل واحد انشغل بحالو وانا قاعدة بالصالة مع نور وختيارة كبيرة بالعمر ونور وهالختيارة عم يحكو بمواضيع وع ناس وانا متل الاطرش بالزفة .. انتبهت ل يمان كان قاعد بالحديقة . وقفت وبدي روح لعندو
- لوين لك بنتي
- فتون : طالعة شم شوية هوا وارجع
- لا تطولي لان السفرة رح تجهز
- فتون : ماشي
#مشيت فتون وتطلعت نور وشافت يمان بالحديقة وعرفت انوو رايحة لعندو وقفت وبدها تروح توقفا
- بنتي وين رايحة انتي كمان
- نور : ستي هلأ بجي
- تعي كمليلي شو صار بعدين انقلعي
- نور : بس ستيي
- اقعدييي
#قعدت نور وهي عيونا ع الحديقة بس مو قدرانة تعمل شي غير تطلع من بعيد
____
#وصلت فتون لعند يمان كان قاعد ع الكرسي وعم يدخن وهي واقفة وراه بدون اي صوت
- يمان : شو بدك
- فتون : كيف عرفت اني هون
- يمان : حاسة سادسة
- فتون : ااا قلتلي
- يمان : صار شي
- فتون : بدي ارجع ع البيت
- يمان : تأخر الوقت .. اصلا اهلي ما رح يخلوكي تطلعي الليلة
- فتون : بس انا بدي اروح ومتل ما خطفتني لازم ترجعني
- يمان : فتون بلا نق
- فتون : ما بشتغل عندك لتحكيني هيك
#قام وقف قبالا وتطلع بعيونا
- يمان : بلا نق
#ضلت فتون واقفة مكانا وهنن التنين عم يتطلعو ببعض وهدووء .. نور كانت معصبة بعدين ما عاد تتحمل وقامت فتحت باب الحديقة وشافت ضو احمر ع يمان ..
- نور : يمااااااااان
#تطلع يمان فيها وبعدين انتبه ع الضو ع فتون وفتون عم تطلع ع نور بعدين ضمها وفتل بسرعة بعد عن المكان وطلع صوت رصاصة وصرخت فتون
- فتوون : شو هااد
#الشب فورا هرب .. ونور نادت للحراس مشان يلحقوه وركضت لعند يمان
- نور : انت منيح
#طنشها وتطلع بفتون
- يمان : صرلك شييي
- فتون : لا انا منيحة
#انقهرت نور كيف تجاهلها وتطمن ع فتون
- يمان : هالندل صار يشتغل غدر
- فتون : ممكن تفهموني شو صااار
- يمان : ولا شي
#مشي يمان بدو يروح ورا الحراس مسكتو فتون من ايدو ونور واقفة عم تطلع بس .. التفت يمان وتطلع ع ايدها بعدين رفع راسو وشاف عيونها كلها دموع ورجع بلهفة
- يمان : شو في ؟؟ صرلك شي
- فتون : لا
- يمان : ليش عم تبكي
- فتون : بدي ارجع ع بيتي
- يمان : تمام بس ارجع باخدك
#نور كانت عم تحترق وبدها تصرخ وتبكي بس مسكت حالهاا .. مسكت ايد يمان وسحبتا من بين ايدين فتون
- نور : لازم تلحقن
#انتبه يمان انو انزعجت من يلي صار بس ما حكا شي وراح .. ورجعت فتون ع البيت لقت امو ليمان واقفة ع باب الحديقة وشافت نور عيونها مليانين دموع
- جليلة : نور !
#خبت نور دموععا فورا وضحكت
- نور : ايي
- جليلة : شو يلي صار ؟
- نور : ولا شي

- نور : ما بعرف
- يوسف : تركيني لحالي
- نور : يوسف
- يوسف : قلتلك تركينييي لحاليي لا تجبريني انو اجرحك بكلامييي
#دمعو عيونها وكانت بدها تطلع بس غيرت رأيها ورجعت لعندو وضمتو وصارت تبكيي .. هو نسي كل غضبو وضمها ويمسح ع شعرها
- يوسف : اسف ما كان قصدي زعلك
- نور : انا يلي لازم اعتذر ما كان لازم اتصرف من عقلي هيك .. دائما عم احكي يلي بدي ياه واعمل يلي بيخطر بعقلي وما عم فكر فيك ولا عم اخد رأيك بشي
#مسك وجها بين ايديه وعم يمسحلها دموعها
- يوسف : مو مهم .. المهم عندي تكوني مبسوطة وهلأ حاج بكي .. اكيد امي بحاجتك روحي لعندا
- نور: ماشي
#نزلت نور لتحت وضل يوسف رايح جاي بالغرفة وعم يتصل ع يمان بس ما عم يرد عليه
- يوسف : اوف منك انت التاني
#طلع من غرفتو وراح ع الغرفة يلي فيها فتون وفتح الباب . كانت قاعدة جنب التخت ومنزلة راسها اول ما انفتح الباب فورا رفعت راسها
- فتون : كيف دخلت لهون والباب مقفول
- يوسف : معي نسخة لكل غرف البيت
#راح وقعد جنبها
- يوسف : شو صار
- فتون : بتصدق اذا قلتلك ما بعرف
- يوسف : كيف ما بتعرفي
- فتون : صرلي يومين ما شفتو .. فكرت انوو رجعت لحياتي الطبيعية قبل ما شوفو وقاعدة بمكتبي وعم شوف فحوصات المرضى فجأة ضرب الباب وكأنو داخل على شي خرابة
- يوسف : وبعدين
- فتون : وبعدين شحطني قدام الكل وحطني هون وبكل برود قلي بكرى ح نتزوج
- يوسف : ما بتعرفي السبب
- فتون : مافي سبب بالكون كلو بخليني اتزوج واحد متل اخوك مع احترامي الك
- يوسف : صدقيني يمان قلبو طيب وحنون كتير صح عصبي بس بروق وبينسى بسرعة
- فتون : انت متأكد انك عم تحكي عن يمان يلي بعرفو ؟ لانو يمان يلي بعرفو مانو هيك ابدا
- يوسف : نفسو نفسو .. وحتى لقلك شي ما بياخد اي قرار بدون سبب مقنع يعني اكيد لما قرر يتزوجك في سبب مقنع ورا هالشي
- فتون : اذا بكون الف سبب ما بتزوجو يعني ما بتزوجو .. يوسف بترجاك ساعدني
- يوسف : ساعدك بشو
- فتون : اهرب .. او تخليه يتراجع
- فتون : ليش كل هالقد رافضة فكرة الزواج منو .. حاولي تفكري بالموضوع وتتقبلي يمكن يكون سهل واسهل من انو تهربي من يمان
- فتون : شو قصدك
- يوسف : قصدي انك تهربي من يمان شي شبه مستحيل .. يمان بلاقي الشخص يلي بدو ياه لو كان تحت سابع ارض
- فتون : طب قنعو انو يتخلى عن فكرة الزواج
- يوسف : ما جاووبتيني ليش رافضة الفكرة لهدرجة
- فتون : لانو يمان مجرم ما عندو احساس قلبو قاسي مما بفكر ابدا وبيجرح الكل بدون اي استثناء وما بتهمو ارواح الناس اهم شي حياتو هو اناني وبحب يتملك كل شي حواليه بحب يكون مسيطر ومتقمص عالم المافيا بشكل كبيرر يعني حتى ما عم بفكر يتراجع عن جرائمو وعن حياتو هي
- يوسف : اوف اوف كل هاد
- فتون : واكتر
#حط ايدو ع كتفها وشدها وحضنها
- يوسف : يمكن يكون كل يلي حكيتيه صح بس يمان ما رح يأذيكي ولو صار هالشي بيوم من الايام اعتبريني اخوكي الكبير وتعي قوليلي لحتى اقتلو قتلة ربيه فيها
#ضحكت فتون ضحكة عفوية ومسحت دموعها يلي ع خدها وفجأة ضرب الباب برجلو ودخل والشر بين عيونو .. رجفت فتون وبعدت عن يوسف
- يوسف : يمان
- يمان : بنص غرفتي قاعدين عم تتمعشقو
- يوسف : احترم حالك واحترم اني اخوك الكبير
- يمان : اخي الكبير ومرتي المستقبلية بأجواء حب ورومنسية كان لازم جيب العيلة كلا تتفرج
#ضربو يوسف بوكس ع وجهو وقع ع الارض .. ضحك ضحكة استفزازية وقام وضربو ع وجهو
- يمان : لا بقى تضرب متل النسوان
- فتون : شو عم تعملو انتو
- يمان : انتي خليكي ع جنب حسابك بعدين
- يوسف : ما ح تحكي معا شي
- يمان : ومن ايمتى حضرتك محامي دفاع عنها
- فتون : من لما دخلت ع حياتي يا متوحش
- يمان : انا قلتلك خرسييي
#رفع ايدو بدو يضربها كف وهي غمضت عيونها وخبت وجها ب ايديها بس ايدو ضلت معلقة بالهوا
- يوسف : ليش ما ضربت
- يمان : يوسف طلاع برا الغرفة
- يوسف : ح اخد فتون ع غرفة الضيوف
- يمان : ما دخلك قلتلك اطلععع
- يوسف : يمان
#مسكو من ايدو وشحطو من الغرفة وطالعو وسكر الباب وقفلو وخلا المفتاح مشان ما يقدر يفتح يوسف الباب من برا .. رجع لعند فتون وحصرها بالحيط وحط ايدو ع الحيط
- فتون : بعد هيك
- يمان : اخر مرة بشوفك بحضنو هيك
- فتون : ما دخلك
- يمان : دخلني
- فتون : ما دخلك وبعد هيك
#نزل ايدو عن الحيط وهي مشت بس مسكها من ايدها وشدها لعندو
- يمان : لا تغلطي مشان ما تشوفي شخص تاني
- فتون : اتركني
#بعد عنها يمان وهي راحت وقفت عند الشباك
- يمان : بالمناسبة ابوكي تحت بالصالون
#تطلعت عليه باستغراب
- فتون : بابا !!
- يمان : اي
#مشت فتون باتجاه الباب لتنزل لتحت بس مسكها

- فتون : ما دخلني بس عم بنصحك
- نور : ما بدي نصيحتك يمان وتركتلك ياه روحي روحي لعندو وحبيه ع كيفك
- فتون : شو هالتخبيص هاد انا ما بحبو ومستحيل حبو لو بكون اخر شخص بالكون
- نور : هه حيوانة قلبتي حياتي من لما دخلتي عليها
- فتون : نور احترمي حالك احسن ها
- نور : وعم تهددي كمان
- فتون : ما عم هدد بس وحدة قليلة ذوق متلك ما بتفهم الا بهاللغة
- نور : قليلة ذوق متلي اي انا بفرجيكي قلة الذوق ع اصولها
#هجمت نور ع فتون ومسكتها من شعرهااا وبدا تقتلها بس فجأة دخل يمان
- يمان : نور شو عم تعملي بعدي هيك تركيها
#خلصها لفتون من بين ايدين نور وفتون وقفت وراه
- نور : عم تحميها وتعمل حالك البطل قدامها
- يمان : نور انتبهي ع حكيك
- نور : واذا ما انتبهت شو ح تعمل ح تضربني ولا ح تقلي بكرهك
- يمان : نوررر
#رفع ايدو بدو يضربها ونور خبت وجها بس مسكتو فتون
- فتون : اهدا
#اخد نفس وطلع من الغرفة وضرب الباب وكانت فتون عم تطلع بنور
- نور : اكيد مو ناطرتيني اتشكرك
- فتون: ابدا
#طلعت فتون من الغرفة وركضت ورا يمان بس ما لحقتو ركب سيارتو وراح .. رجعت دخلت ع البيت اجت جليلة بوجها
- جليلة : وين راح يمان
- فتون : ما بعرف
#التفتت على يوسف
- فتون : طالعني من هون رجعني ع بيتي انا ما عاد بدي ابقى
- يوسف : بس يمان..
- فتون : يمان ما دخلو انا عم قلك بدي ارجع ع بيتي وحياتي الطبيعية شو عم بطلب منك المستحيل
- يوسف : لا خمس دقايق وجاي اسبقيني ع السيارة
- فتون : تمام
#طلعت فتون وناطرة يوسف واحساس غريب متملكها كتير حاسة بخربطة جواتها ما عم تفهم ع حالها ولا عم تعرف شو بدا لتكون مرتاحة اجى يوسف وطلعت معو وراحت ع بيتا
_
#بمكان تاني
كان يمان واقف ع البلكونة وعم يدخن وعم يتذكر حكي فتون لما قالت مستحيل تحبو لو كان اخر شخص بالدنيا ويرجع يتذكر لما باسها .. وينفخ بالدخان مو فهمان ع حالو ومو عرفان هو ليش ما عم يقدر يفكر بشي تاني
قطع تفكيرو ايديها يلي حاوطتهم ع خصرو وحضنتو من ورا
- ريم : بشو عم تفكر
- يمان : ولا شي
- ريم : متأكد ؟ يعني عم بسأل لانو ما بتجي لهون غير لما تكون مزعوج
- يمان : قلتلك مافي شي
#رمى السيجارة ع الارض وطفاها برجلو وفتل لعندها .. حطت ايدها ع رقبتو بس هو نزلهم وبعدها
- يمان : تأخرت لازم اروح
#انزعجت كتير وبين عليها اخدت نفس وضحكت
- ريم ؛ طيب
________
#وصل يوسف فتون ع بيتها ورجع
وقفت قدام الباب وحاسة بندم انو تركت البيت
- فتون : اصحي فتون شو هالتخبيص هاد
#مسكت المفتاح ودخلت ع البيت كان هدوء وفي شوية كركبة نادت ع ابوها بس ما رد
دورت عليه بالبيت ما لقتو .. دخلت ع المطبخ لقت علب المشروب فاضية.. ضحكت بخيبة امل وقالت
- فتون : كنت بعرف انك مدمن وما رح تقدر تترك
#دخلت ع غرفتها تحممت ورفعت شعرها لفوق وسمعت صوت الباب انفتح بس البيت ضل هدوء يعني بالعادة بيرجع سكران يا بيوقع يا بيكسر شي يا بكون عم بغني بس هلأ مافي صوت ابدا ..
طلعت من غرفتها عم تدور بعيونها بكل مكان عليه بعدين شافتو طالع من المطبخ تطلع فيها
- فتون : كنت عرفانة انك رح تخلف بوعدك .. شو كنت رح انطر من واحد مدمن
#بقي ساكت عم يتطلع فيها بس
- فتون : كنت متأملة ع الفاضي متل كل مرة قلت خلص ما رح اتأمل منك شي بس متل الهبلة قلت هالمرة غير بس متلا متل كل مرة
#فتلت فتون بدها تدخل ع غرفتها بس وقفت لما سمعتو عم يحكي
- ما خلفت .. كنت عم بشتغل
#وقفت مصدومة ما عرفت شو عم تسمع عيونها توسعو ع قد ما فيهم ورجعت تطلعت فيه
- فتون : عم تشتغل !!
- خالد : اي
#مد ايدو ع جيبتو وطالع مبلغ بسيط
- خالد : هاد .. هاد جبتو من شغلي
#ضحكت وغمرت الفرحة قلبها بحياتها ما كانت تتوقع يجي هيك يوم .. عيونها لمعو وضمتو بسرعة بدون وعي ضحك معها وضمها
- خالد : لا تبكي .. لازم تضلي عم تضحكي مشان تسنديني وضل مكمل
- فتون ؛ اكيد رح ضل ساندتك
- خالد : وين كنتي مختفية ؟ انتي منيحة
- فتون : منيحة بس كان في حالة خطرة بمنطقة تانية وانجبرت سافر
- خالد : مو مشكلة .. مانك جوعانة
#هزت راسها بمعنى اي
- خالد : تعالي خلينا نعمل اكل سوا
#دخلو ع المطبخ وبلشوا يتساعدو وطول الوقت فتون الضحكة ما راحت عن وجها حست حالها بحلم .. جهزت السفرة وقعدو ياكلو بس فجأة غصت ونزلت دمعة من عيونها
- خالد : شبك بنتي شو صرلك ؟ الاكل سخن ؟ انحرقتي ؟ جبلك مي
- فتون : لا لا انا منيحة بس
- خالد : بس شو
- فتون : تمنيت لو امي كانت معنا وشافتك كيف تغيرت وكيف صارت حياتنا حلوة
- خالد : هي يلي اختارت تبعد
- فتون ؛ طب لوين بتكون راحت اذا ما عندا حدا غيرنا
- خالد : ما بعرف وانسي الموضوع

- يوسف : لا من هالناحية اتطمني مافي مصايب اليوم
- فتون : منشوف
#ركبنا بالسيارة وطلعنا بدون ما اعرف اي شي
#بالطريق
- فتون : يمان
- يمان : امم
- فتون : شو ح تعمل
- يمان : قلتلك ح اخطفك
- فتون : ما قصدت هاد الموضوع ..بقصد لمار يعني امك
- يمان : نحن طالعين نريح راسنا وما بدنا نفكر بالقصص هي
- فتون : كيف فيك تكون هيك .. كل ما اتذكر اللي عملتو بجن بحس بالف احساس وبحس بدي انتقم مدري ابكي مدري اتناسى ما بعرف كيف فيك تكون هيك
- يمان ؛ تعودت
- فتون : ليش ما خبرتني
- يمان : شو كنتي ناطرة اجي قلك فتون نحن اخوات لان امنا ما عندا مسؤولية وعندا عادة انو ترمي ولادها
- فتون : كنت بتعرف انو عايشة
- يمان : بعرف
- فتون : كيف ما عرفتا بالمشفى
- يمان : كانت عيوني بالارض لحتى ما حدا يشك فيني وما انتبهتلا
- فتون : و..
- يمان : حاج اسئلة حاج
- فتون : تمام سكتت
#فتلت وجهي ع الشباك ودموعي نزلت حاولت خبيها بس ما قدرت ما كنت قادرة اتجاهل كل شي وكأن شيئا لم يكن
#وصلنا ع مزرعة فيها كل شي .. يمكن بتضيع فيها ع قد مو كبيرة وقد مو فيها
- فتون : اديه عنكن بيوت
- يمان : اوووه لسه ما خفي كان اعظم .. تعالي نتمشى شوي
- فتون : اووووه يمان بيك المحترم شو هالتطورات هي
- يمان : اذا ما عجبك منرجع للاصدار القديم
- فتون : لا لا عاجبني وكتير كمان
#بقينا نتمشى ونفتل بالمزرعة للمسا بعدين دخلنا ع البيت
- يمان : جعتي
- فتون ؛ ح تتحول لشيف مثلا
- يمان : نحن عنا مواهب مدفونة
- فتون : عم تمزحح
#ضحكت لا اراديا
- فتون : يمان اللي ما بيعرف غير يمسك سلاح بيعرف يطبخ
- يمان ؛ والله لما تنجبري تقعدي ببيت يومين وتلاتة بدك تتعلمي هالقصص يعني عالمنا كمان اله ايجابيات
#قعدت ع طرف الطاولة وهو كان عم يجهز الخضرة وهالقصص والله طلع بيعرف يطبخ اكتر مني
- فتون : شي مرة فكرت تترك عالم المافيا
- يمان : مررات .. بس هو ما كان يتركني
- فتون : القصة ما بتصير بيوم وليلة
- يمان : فتون خانم عندك خبرة بهالموضوع وعم تعطي نصايح كمان
- فتون : امم لكن ..
- يمان : انا خلقت بين السلاح .. خلقت بعالم مافيا يعني من انا وصغير كنت مستهدف ابن مصطفى .. انا وعيت ع الهجوم والرصاص والقتل والضرب والتار وكل هاد انا ما دخلت هاد العالم ب ارادتي
- فتون : بس فيك تطلع منو ب ارادتك
- يمان : صعب هلأ
#مسكت ايدو
- فتون : رح كون جنبك
- يمان ؛ بفهم منك اذا بقيت بعالم المافيا ما ح تبقي جنبي
- فتون : يمان انا يمكن خلفت بوعدي وقتلت ما بنكر هاد الشي بس اكيد ما رح استسلم فورا وارجع ادخل برجليي ع هاد العالم يعنيي مافيني عيش وانا ما بعرف اذا ح ترجع ع البيت عايش او لا .. ما فيني عيش ونحن ملاحقين طول الوقت .. متل ما انت كنت مستهدف ك ابنو لمصطفى ابنك رح يكون مستهدف .. ما فيني اتخيل هالشي ما فيني اتحمل عيش كل يوم ع اعصابي
- يمان : فتون اسمعي
- فتون : يمان انت اسمعني .. انتو عنكن شغلكن بالعالم الطبيعي البعيد كليا عن عالم المافيا يعني فيك تبقى تشتغل فيه فيك تبعد عن المافيا .. انا بعرف انو عندك القدرة تتخلى بس انت ما بدك .. انت
#تركتو وطلعت ع الحديقة شم هوا وبقيت لحالي ما كلف نفسو ولحقني ..
#بعد_فترة
#حط الجاكيت ع كتافي .. رفعت كتافي ما بدي اي شي منو
- يمان : لا تعاندي
#تركتو ومشيت بدي ادخل لجوا
- يمان : فتوون
- فتون : شو فتوون هاد اللي شاطر فيه اصلا
- يمان : تمام
- فتوون : شو تمام!؟
- يمان : تمام رح حاول
- فتون : بشو رح تحاول ؟
- يمان : فتون خلصنا
- فتون : احكيييي
- يمان ؛ رح حاول اترك القتل والسلاح وكل شي وراي وابني حياة جديدة
#ابتسمت ومسكت ايديه
- فتون : نبني حياة جديدة مع بعض .. صدقني رح ترتاح كتير انا متأكدة
- يمان : تمام تعالي .. الاكل صار جاهز
- فتون : تمام
#طول الوقت كنت عم بتطلع فيه واضحك .. البسمة ما كانت عم تفارق وجهي ابدا من كتر الفرحة
- يمان : حاج تضحكي
- فتون : ليش ضحكتي موو حلوة
- يمان ؛ ابدا
- فتون : نننن حلوة وكتير
#خلصنا اكل وغسلنا الصحون كنت كتير مبسوطة يمكن عنجد هاد اكتر وقت بكون فيه مبسوطة ومن قلبي .. انا تعلقت فيه وتعودت عليه وحبيتو بكل شي فيه .. حتى عصبيتو ونبرة صوتو بلشت حبها ..
حضني وبلش يلعبلي بشعري
- فتون : يماان
- يمان ؛ نامي بلاها اسئلتك باخر هالليل
- فتون : يمااااان
- يمان ؛ خير فتون خير
- فتون ؛ ايمت بلشت تحبني وتتعلق فيني
- يمان : برأي لو تنامي مو احسن
- فتون : لا مو احسن احكيليي
- يمان : ما بعرف ايمت يعني انا دخلتك بمصيبة كنت خاف عليكي وفكر انو خوفي مجرد مسؤولية وانو ما بدي يصرلك شي بسببي وهيك

#طلعت من العلية والرجال اخدو جليلة وجابو الكرسي المتحرك حطو مصطفى فيه واخدوه كمان
_____________
#بالمزرعة وصلو الرجال ويوسف ونور وخالد بس كان المكان هدوء وكتير .. بقيو هادين وتوزعو حوالي المزرعة ودخلو يوسف وخالد ولقو يمان وفتون بالحديقة ولا كأنو في شي
- يوسف : يماان
- يمان : شو جابكن لهون
- يوسف : شو صار هون
- يمان : شو صار
- خالد : الاشتباكات والهجوم
- يمان : اي اشتباكات وعن اي هجوم عم تحكو ؟؟
- يوسف : الله يلعنن كل هاد مخططين الو
- نور : امييي
#تطلعو كلهن ببعض وكلهن ركضو ع السيارات ومشو
- يوسف : وما خليت رجال يكفو
- خالد : ان شاء الله منلحق ما تاكل هم
- يوسف : ان شاء الله.. ان شاء الله
_____
- لمار : الو
- هلأ طلعو من المزرعة يا خانم واكيد جاين ع البيت
- لمار ؛ اهلا وسهلا نحن خلصنا شغلنا وطلعنا
- اي اوامر يا خانم
- لمار : اعطي خبر للكل انو ينسحبو ويرجعو ع المزرعة وخبر قاسم انو ياخد الرجال ويسبقني ع المكان اللي اتفقنا عليه
- امرك يا خانم
______
#دخلو ع البيت وشافو كيف الرجال كلها بالارض وركضو لجوا
- يوسف : اميييي
#طلعو الخدم من المطبخ
- يوسف بيك
- يوسف : شو اللي صار
- بعد ما رحت حضرتك يا بيك هجمو علينا و .. و...
- يوسف : اييي وشوو
- واخدو جليلة خانم ومصطفى
- خالد : مصطفى !!
- يمان : ابي
- نور : طب مين هنن ما عرفتو
- ما عرفنا يا خانم بس كانت وحدة ومعاها رجال كتير
- فتون : لمار
#تطلعو فيني
- يمان: يعني كان ممكن اي بس مستحيل لانو هي ما بتعرف ..
- فتون: بتعرف .. طالما انا بعرف انو ابوك لساتو عايش وموجود بالعلية ف هي بتعرف
- نور : انتيي كنتي عم توصليلا اخبارنا ؟؟
- فتون : كانت عم تتصرف وكأنها امي شو ناطرة مني اعمممل
#عليت صواتن كلهن ونزلت ريم ع الدرج وركضت لعند يمان وحضنتو
- ريم ؛ يمااان
- يمان : ريم !!
- فتون : والله هاد اللي كان ناقص لتكمل
- ريم : يمان انا كتير خفت .. كتير
- يمان : ريم شو عم تعملي هون
- ريم : جليلة هي اللي جابتني وقالتلي اقعد
- يمان : امي..
- يوسف : مو وقت هالحكي لازم لاقيها ل هي يلي اسمها لمار
- نور : تمام بس كيففف
#وصلت رسالة ليمان " لا تتعبو حالكم وتدورو عليهم ع الفاضي في حساب بسيط رح نصفيه ورجعهم للبيت
______________
- لمار : والله نورتو المزرعة
- جليلة : يا حقيرة نهايتك رح تكون ع ايدي .. ولادي رح يكونو عم يفتلو الدنيا علينا
- لمار ؛ رح يفتلو ويفتلو ويفتلو ع الفاضي .. حتى الجن ما رح بقدر يخلصك مني هالمرة
- جليلة : ههه شو رح تعملي رح تقتليني !!
- لمار : يمكن بس رح اتفنن بموتك واتلذذ بوجعك .. وجعك هو الوحيد اللي رح يطفي النار اللي شعلتيا بقلبي
- جليلة : انا ما عملت شي انتي شعلتي هالنار ب ايدك
- لمار : انا !! انا بس بدي افهم ليش شو السبب اللي يخليكي تخوني رفيقة عمرك وطفولتك لك ربينا سوا .. ربيتي ببيتنا ولا بيوم عاملناكي على انك بنت الخدم كنت طول الوقت بيني وبين منار وصرتي متل اختنا شو اللي خلاكي تعملي فيني هيك
- جليلة : شفقتكن وانسانيتكن اللامحدودة هي اللي خلتني اعمل هيك كنتو تعاملوني منيح حسنة لاني بنت الخدامة مو اكتر
- لمار ؛ عن اي حسنة عم تحكي ااا ؟؟ لك امي ما كانت ترضى تعطيكي تيابنا القديمة حتى كانت دائما تقول جليلة متلها متل توأمي وتجبلك كل شي ومن احسنو
- جليلة : بكفيي اللي قدامك هلأ ما عادت البنت المسكينة اللي بتشفقو عليها واي شي بترمولا ياه بتاخدو اللي قدامك اخدت منك حبيبك وحرمتك من ابنك كل هالسنين بس لتقهرك
- لمار : اديه انتي وحدة مريضة
#ضحكت جليلة بصوت عالي
- جليلة : انا المريضة.. اي اخدت منك مصطفى انا اللي قلت ل الهام اني بحبو وكنت دائما لمحلا ع هاد الشي .. لحتى خلتو يتركك متل الكلبة ويتزوجني الي انا جليلة وانا كنت بعرف انو مصطفى رجع يتواصل معك وبعرف بزواجك وبقيت ساكتة لانو كنت بعرف ما رح تتحملي وانا هددت مصطفى اذا ما بجيب يمان لعندي انا ربيه رح افضحو وانهيه هو وشغلو كل هاد ولسه قليل عليكي ولو اختك مو ميتة كنت رح اعمل اكتر من هيك فيها
#كانت واقفة ومصدومة من كل كلمة عم تحكيها ما عم تستوعب كمية الحقد والكره
- جليلة : حتى بتعرفي شووو اخوها لفتون انا قتلتووو اي اي انا قتلتو لا تستغربي انا اول ما عرفت بوجود فتون بعالم المافيا رحت وخطفت اخوها وقتلتو وانا اللي رميت التهمة ع مصطفى واخوه كنت بعرف انو فتون رح تمحيهن عن الارض وهيك كنت رح ارتاح من الكل بس للصدفة قدر مصطفى يهرب من فتون بعد ما قتلت عماد وولادو التلاتة بس كان لازم يموت مصطفى لارتاح منو ولاستلم انا ولصير هيبة للكل والكل يخاف من كلامي حتى

الحلقة ١٤ كانت طويلة كتير وما مشي الحال تكون تحت صورة وحدة لهيك بداية الحلقة بتلاقوها تحت الصورة ١٣ 💕💕

- لمار : والله نورتو المزرعة
- جليلة : يا حقيرة نهايتك رح تكون ع ايدي .. ولادي رح يكونو عم يفتلو الدنيا علينا
- لمار ؛ رح يفتلو ويفتلو ويفتلو ع الفاضي .. حتى الجن ما رح بقدر يخلصك مني هالمرة
- جليلة : ههه شو رح تعملي رح تقتليني !!
- لمار : يمكن بس رح اتفنن بموتك واتلذذ بوجعك .. وجعك هو الوحيد اللي رح يطفي النار اللي شعلتيا بقلبي
- جليلة : انا ما عملت شي انتي شعلتي هالنار ب ايدك
- لمار : انا !! انا بس بدي افهم ليش شو السبب اللي يخليكي تخوني رفيقة عمرك وطفولتك لك ربينا سوا .. ربيتي ببيتنا ولا بيوم عاملناكي على انك بنت الخدم كنت طول الوقت بيني وبين منار وصرتي متل اختنا شو اللي خلاكي تعملي فيني هيك
- جليلة : شفقتكن وانسانيتكن اللامحدودة هي اللي خلتني اعمل هيك كنتو تعاملوني منيح حسنة لاني بنت الخدامة مو اكتر
- لمار ؛ عن اي حسنة عم تحكي ااا ؟؟ لك امي ما كانت ترضى تعطيكي تيابنا القديمة حتى كانت دائما تقول جليلة متلها متل توأمي وتجبلك كل شي ومن احسنو
- جليلة : بكفيي اللي قدامك هلأ ما عادت البنت المسكينة اللي بتشفقو عليها واي شي بترمولا ياه بتاخدو اللي قدامك اخدت منك حبيبك وحرمتك من ابنك كل هالسنين بس لتقهرك
- لمار : اديه انتي وحدة مريضة
#ضحكت جليلة بصوت عالي
- جليلة : انا المريضة.. اي اخدت منك مصطفى انا اللي قلت ل الهام اني بحبو وكنت دائما لمحلا ع هاد الشي .. لحتى خلتو يتركك متل الكلبة ويتزوجني الي انا جليلة وانا كنت بعرف انو مصطفى رجع يتواصل معك وبعرف بزواجك وبقيت ساكتة لانو كنت بعرف ما رح تتحملي وانا هددت مصطفى اذا ما بجيب يمان لعندي انا ربيه رح افضحو وانهيه هو وشغلو كل هاد ولسه قليل عليكي ولو اختك مو ميتة كنت رح اعمل اكتر من هيك فيها
#كانت واقفة ومصدومة من كل كلمة عم تحكيها ما عم تستوعب كمية الحقد والكره
- جليلة : حتى بتعرفي شووو اخوها لفتون انا قتلتووو اي اي انا قتلتو لا تستغربي انا اول ما عرفت بوجود فتون بعالم المافيا رحت وخطفت اخوها وقتلتو وانا اللي رميت التهمة ع مصطفى واخوه كنت بعرف انو فتون رح تمحيهن عن الارض وهيك كنت رح ارتاح من الكل بس للصدفة قدر مصطفى يهرب من فتون بعد ما قتلت عماد وولادو التلاتة بس كان لازم يموت مصطفى لارتاح منو ولاستلم انا ولصير هيبة للكل والكل يخاف من كلامي حتى
الانفجار اللي مات فيه مصطفى ع اساس انا اللي دبرتو بس مع الاسف كمان ضل عايش يعني مو معقول اكتر انسان بتكرهيه متعربش بهالحياة ومو راضي يتركك بحالك
- لمار : اللي مو معقول هو كمية المرض النفسي فيكيي
- جليلة ؛ استني استني حتى انا اللي اقترحت انو نقول انو مصطفى مات ونخليه عايش بين اربع حيطان متل الكلب لحالو وطبعا يوسف ويمان ما بيرفضو كلمة لامهن .. حتى بتعرفي سلام سمعتني مرة وكانت رح تكشفني وتكشف كل شي انا اللي دبرت مقتلها هي وزوجا رغم انو كانو كتير مناح وحرام نور خسرت اهلها من هي وصغيرة بزعل عليها اوقات ربيت بدون ام ولا اب حتى يمان كان بيجرحها خطي .. شو بدنا نعمل لو سلام ما كانت حشرية كتير ما كانت بنتا ربيت يتيمة
- لمار : حتى القتل حرام فيكي
#مشت خطوتين ومسكت الكاميرا اللي كانت عم تصور
- جليلة : شو هاد .. شو ..شو عملتي انتي لا لا عم تمزحي انتي ما سجلتي حكي صحح
- لمار ؛ بكفيني ابني يعرف الحقيقة
- جليلة : لاا لا كذابة حقيرة حقيرة
#كانت عم تتحرك وتحاول تفك حالها من ع الكرسي متل المجنونة وتركتها لمار وطلعت
- لمار : مصطفى منيح
- منيح يا خانم والدكتور طول الوقت جنبو اصلا
- لمار : فكوها وارموها بالشارع الرئيسي اللي جنب بيتها خليها ترجع لعندهم
- متل ما بدك يا خاانم
_____________
#الكل متوتر وخايف بنفس الوقت مو عرفانين شو يعملو ايديهن ورجليهن مربطين .. كان يمان برا بالحديقة وعم يدخن .. طلعت لعندو فتون
- فتون : يمان
- يمان : خير فتون خيرررر
- فتون : اكيد رح نلاقي حل
- يمان : نلاقي حل ! كلو بسببك فتون كلو بسببك انتي السبب بموت ابي وامي وبكل شي بصرلن .. انتي السبب بكل شي صار ب حياتي من مشاكل ومصايب .. لك خنتيني ب اكتر من مرة بكل مرة حتى .. بكل مرة جرب اوثق فيكي تخونيني .. انا غلطت لما دخلتك ع حياتي فتون انتي خربتي حياتي وحياة عيلتي انتي خربتي كل شي انتي السبب بكلل شي فتون انتيي
#كان عم يصرخ بشكل مو طبيعي وبعدين شال الكرسي وضربو بالحيط
- يمان : طلعي من حياتي .. ما بقى بدي شوفك ولا اعرف اي شي عنك ولا اسمع خبر واحد بس عنك اطلعي فتون روحي .. بكفي خربتي حياتي كفاية