الجزء السابع...
Telegram@rwayate
(( وقفت قدام جاد وانا عم قلو اي موافقة سدقني موافقة...ماعرفت اقول شي وقتها غير اني اردد هاي الكلمة اساسا طفح الكيل عندي ..وماعاد لالي قدرة ارفض شي..هو اخد اغلى ما املك..لاء لاء هو ما اخد شي..هو مجرد جسد ورح ياكلو الدود شي يوووم...بس روحي اللي اتاكلت...العذاب اللي شافتو اختي من زوجها اثر عليه بشكل ...كان مخليني ارفض اي رجال..واللي صار معي .بسبب جاد محى كل الثقة يلي ممكن اثق فيها بشي اسمو ذكر...حتى اخي ماعدت اتواصل معو...كنت اكره ريحتهن كلهن حتى اسمائهن هالامر ماكنت عم فوتو بسهولة انا مابوافق على جحيمي قبل لاشعل نار قارعة جاد ...لازم عذبهن بقوة بصقر. .الاهوال رح تكون اضعاف اضعاف ... الحياة اللي رح اتحملها...مارح تكون سعادة لالك ياجاد...افرح هلاء ..افرح كتير ..حد قد مافيك من الراحة ...عيش اللحظة..

#جاد :-رح اتصل على سيف رح قولو ان اللي بحبها موافقة عليه...

#سحر:-اي ليش لاء رايحة على شقتي ...بدي ارتاح ..

#جاد :-سحر انطري شوي ماشبعت منك...

#سحر:-قلتلك تعبانة وارجوك لا تعمل شي يزعجني..يخليني اتراجع عن كل شي ...

#سيف:-متى قرار محكمتك سمر..

#سمر:-بدو شي اسبوعين..

#سيف:-على خير يارب...بعدها شو رح تعملو

#سمر:- رح ارجع لعند اهلي...سيف بدي اسال معقولة الامتيازات البريطانية للمواطنين بتكون متل الاجئين ...

#سيف:-مو بكل شي ..هون في حريات كتير يعني مابدققو على اللي خارج الدولة مثلا مدرسة بنتك..ما اعطوها اهتمام كتير واعطوكي حرية التصرف...لو كان الطفل بريطاني لقامت الدنيا وماقعدت واحتمال تاخد الدولة حضانة الطفل.. بس الشي الحلو اللي هون بينصفو المرأة والاوراق جميعها لصالحك...لاتشغلي بالك كتير بهيك امور .. استني انتي القرار...والمحامي طمنك وقلك كل الامور لهلاء تمام...

#سمر:-الله كريم...سحر حبيبتي وين شردتي وصفنتي ...

#سحر:-اها لا ياقلبي رح قوووم احكي تلفون مع امي اشتقتلها ...

#سمر:-طيب حبيبتي انا حكيتها.. سيف تتعشا اخي..

#سيف: لا ام احمد كلك زوووء بدي روح انا عندي مشوار طويل للبيت...

#سمر:- بكير بعد خليك..

#سيف :-بكير من عمرك يسلمو على الزووق ...

((كنت ناطرة طلعت سيف بالثانية...طلع من هون سيف دقلي جاد الف اتصال من هون غير الرسائل ...ليش سيف كان عندكم..شو بدو ...اطردية...هاد اخي مابستحي..انتي رح تصيري لالي ..وحكي كتير بلا طعمة...

#مسج سحر...

((037858896 ..هاد رقم ابي ..دقلهن اذا بدك اياني زوجتك ....

#مسج جاد ((لك بحبك انا ريحتي قلبي...اكيد هالايام رح تصيري لالي...

((ومن بعد الرسالة الاخيرة ...ومتل ما خططت...شبكت خطت تاني على موبايلي كنت مسيفة رقم عدي طليق اختي...ضفتو على الفايبر عندي...وبلشت ابعت لالو رسائل..

#هاي

#عدي:-هايتين مين معي..

#معجبة مغرمة فيك...

#عدي:-ههههه مرة وحدة...

#يووووه اكيد...انا بعرفك منيح...

#عدي:-جد وين...

#بكازينو صوفيا...

#عدي:-وين هاد اول مرة اسمع فيه...

#كنت مع رفيق طويل وعندو دقن وعيونو لوز...

#عدي:-رفيقي جاااد...

#اي اي بس انت احلى منو بتجنن ...

#عدي:-بعرف ...بس مين الحلوة...

#شاهينااز ..كنت عم اقعد بالطاولة اللي مقابيلك متذكرني...

#عدي:-ههه شلون اتذكر والكا زينو كلو نسوان وبكون سكران ماني شايف شي..

#بعرف حبيبي بس انا عم شوووفك على طول وبالقوة لأخدت رقم موبايلك انت متزوج شي...

#عدي:- لا لا ماني متزوج..دخيل عمروا يقبشني عيديها كلمة حبيبي

#شفت بإيدك دبلة انت خاطب...

#عدي:-هههه هاد انا بحب البسو ..يعني لابعد النسوان عني بس بتعرفي المعجبين كتير....

((بزقت على الشاشة وانا عم شوف كمية الحقارة اللي عم يعملها عدي لاشكلا ولا مضمون..مابعرف على شو شايف حالو..اتزوج بنت الاكابر خانها مع بنت الكنادر...اتزوج بنت الكنادر وبعدو عم يخون.... ذيل الكلب مستحيل ينعدل..وهيك طبع الرجال مستحيل يكونوا اوفياء لشي سحلية مربيها بالبيت...مابالك لتكون زوجتو او امو او بنتو ...بسوق الشرف على اهلو وبنسى حالو ... طبع رجال مابتغير ..كنت قد مافيني عم حاولت اتحمل القرف يلي عم اعملو لانهي حياتها لمرتوا مثل ما انهت حياة اختي وعيشتها بحسرة ومو هون بس ..رح وصلها لطريق مسدود حتى ماتعرف ترجع منو..انتقامي شديد...

#عدي:-وين راح القمر ...

#انا هون بس مامي نادت عليه وقالت لاتلبسي الفستان القصير بالليل مشان ما ابرد..

#عدي:-اووووه قصير يؤبرني القصير بملامحو..

#هههههه انت كتير نسونجي..

#عدي:-اللي مابحب النسوان الله يبعتلو علة...

(وانا بوقتها حطيت صورة لقيتها بالفيس بلبس قصير على الفايبر....مشان ازيد الطين بلة...

#عدي:-ياااااا جمالو مين هاد القمر لا تقولي انتي...

#اي قمر وين....

#عدي:-يلي بالصورة شو بتجنني ...

#هاي انا من كنت بباريس شلون بس...

#عدي:-اي دخيلو النيلي يا ملاكي انتي الفرخة وانا كاكي...😎😎

#ههههه شو نغش....

جهنم لاحرقها تحت اجريك واطي!!
غمز خدامه التابعين وحكالهم..بصوت صارم:
فِكوه..
نظرة اخيرة قبل ما يطلع:
الليلة بتكون بنتي عندي والا رح تشوف شي مو منيح.
___________
انجاز كبير لصالحي، رغم الخوف الي اتربع على عرش قلبي بس قدرت انجو..
كنت عارف وواثق انه هالشي رح يكون حتى يراقبني وفراري رح يكون بشكل مؤقت.
فهمت كتير منيح انه بهالمرحلة الحذر واجب، واي خطوة ممكن تكون نتيجتها وخيمة.
اللعب مع الكبار دائمًا صعب، بتشعر الموت وبتستشعر وجوده حواليك، بتشم ريحته، وبتتنفسه، بتشعر انه روحك معلقة بقبضة المجرم لا يخاف الله.
اليوم فهمت شو بتشعر الضحية وقت تقترب من الموت، واقسمت ان اتخلص من السلاح بعد ما انتهي من هالمشكلة .
حمدت الله انه ايدي ما تلطخت بدم اي شخص لهلحظة.
رغم الانجاز بقي الخوف متربص بداخلي، نظرة عيونه اكدتلي انه نهايتي على يد هالشخص واردة جدًا.
____________

البيت قايم على راسي وراس خواتي التلاتة.
كان دائمًا بيت اهلي يسوده جو من الطمأنية وهداة البال.
صح امي وأبي مو بعلاقة وطيدة واحيانًا منشعر بخيانات ابي بتطوف حوالينا، لكن ولا مرة قدرت امي تمسك عليه ممسك.
كانت مشغولة بندواتها ولقاءاتها مع نساء المجتمع ..
بعد اكتشاف ليلى وعلاقتها بمراد بلشت الامور تتدهور.
بذكر وقت أبي شافا معه بكافيتريا البلد وبالرغم انه هبة كانت معهم، رجع على البيت وضربها كثير. ما ضربها لأنه كانت مع شب .
ضربها لأنه كانت مع مراد فواز وهاد لحاله اكبر خيانة من احد بناته لشخصه الكريم.
مروان سالم ابي يلي كل الناس بتحترمه وبتهابه تعمل فيه بنته هيك!
تخونه!
من هداك اليوم تدمرت حياتنا.
الاخبار يلي سمعها ووصلته لابي عن ليلى اغلبها ليلى كانت تنفيها بس بزواجها من محمود اتضح انه هالبنت عملت السبعة وذمتها مع مراد.
الاعيب ليلى مع مراد كانت متل الصاعقة.
وبعد الاكتشاف الاول فرطت المسبحة وانكشف المستور!
وحاليًا خيط المسبحة ضاع وبضياعه تدمر البيت بشكل كامل.
شعور بشع كثير وقت البيت يتدمر بسبب خيانة احد افراد البيت.
كيف نسيت تفكر فينا.
كانت اكتر وحدة حنونة، كانت صديقتي وتؤام روحي.حكتلي انه بتحب ودعمتها بس ما توقعت يكون حبها حب محرم!
ليلى كانت ومتفهمة، ويا اللهي شو الحب عماها. جنت على الاخر..
يا الله ما فكرت انه انا متزوجة وعندي اهل جوزي وناسي كيف بدي واجهم!!؟
المرة الاولى كذبنا ولأنه موقف ابي ومكانته بين الناس هيبة محدا فتح تمه، بس هالمرة غير!!!
ليلى بهيك تصرف عم تأكد موقفها.
اخواتي عهد وزين وامي مصدومين. امي عم تبكي وكلنا عم نطبطب على وجعها.
ابي عم يحاول يفتش عليها بكل مكان.
عم ندعي ونصلي من اعماق القلب انه نعرف شي عنها اليوم. رغم انه ابي اتصل لصديقاتها بس ما شعرنا حدا بشي.
ما بدنا ننفضح بالوقت الحالي.
جوزي وجوز اختي سهى كيف نخبرهم هالخبر.
يا الله.
تعبت نفسيتي من الوضع القائم.
انا الاخت البكر سلمى.
_________

وصلني اكل من العم ابو علي بس ما اكلت شي.
نظرات هالرجال عم تشعرني بالوجع، عم شوف بعيونه احباط وخذلان من تصرفي، عيونه عم يشعروني انه أنا أحقر وأسفل مخلوق على وجه البسيطة.
ما قددرت ضل ساكتة. لازم احكي..اخذت نفس عميق وفتحت الموضوع.
#عمو انت متضايق من وجودي شي؟
لأ ما متضايق، بس انا خايف انتو وقت جيتوا جيتوا دب خبط انا نفسي خفت عليكم وعلى حالي.
#كنت مضطرة...والله انه انا مو متل ما انت مفكر..
مسح ايديه على لحيته وضحك ضحكة قصيرة وفيها الف حكاية وحكاية.
بعرف لأنه ما في بنت عاقلة وحلوة متلك بتهرب من بيت اهلها الا اذا كان في سبب ومقنع كمان.
بس ليش تعملي هيك شي، مو حرام على هالعيون تضل تبكي.
كنت شوفي حل غير الهرب... اطلع فيني وكان متردد يكمل حكي بس والله لو بنتي تعمل هيك بقضي عليها. ما تزعلي مني بس عملتك بعيون العالم عار وبتجيب لاهلك السيط والسمعة العاطلة.
ما تحكمت بحالي..صرت ابكي..
لا تبكي والله ما قصدي انه اجرحك. بس يا بنتي انا شايف موقفك اديش صعب.الله ينصرك ويثبتك.
#يااا رب. صحيح كلامك عمو ، بس تأكد ويشهد ربي على شو بحكي انا ضحية، انت ما بتعرف قصتي..لو بتعرف قصتي ممكن تغير رايك.
بعرف قصتك، سمعت فيها. مو انت بنت مروان سالم.
اطلع فيني وفكر منيح..
اهدي وادعي الله يجيب العواقب سليمة.
وباللنسبة لوضعك انا بعرف دكتورة نساء من بلدنا رح نخليها تكشف عليك.
البريء الله بيظهر براءته.
ما تزعلي مني يا بنتي انه حكيت معك بوضوح. بس خايف عليكِ وعلى مراد، والله اذا صار على هالشب شي ما بعرف شو ممكن اعمل.
انا عايش بفضل زكاته.
قلبي دق وارتجف، اذا قتله شو بعمل بحالي، يا الله ساعدني.

#داء_وَ_دواء
#الحلقة_العاشرة
#ياسمينة ..
..
..
..
- يمان: فتون بتكون..
- يوسف : مريضة .. يعني لما عم دقق بتصرفاتا بحس في شخصيتين جواتا مو مفهومين ابدا .. اوقات بتكون البنت الطيبة الدكتورة الناجحة يلي بتساعد كل العالم .. بتخاف من العتمة .. من خيالا .. بتخاف ع الناس اللي حواليها واوقات بتوقف قدامك بكل ثقة وبتهدد !! بتحكي شغلات وكأنها .. ما بعرف يعني بتحس كأنها خبرة بمجال التهديد وبرودة الاعصاب واللامبالاة .. عنجد بطلت افهم اي شي
- يمان : مو يمكن لانو دخلت بجونا
- يوسف : ابدا.. نظرتها اليوم بتحس الها الف معنى واول واحد فهمتو انو لو تتجرأ وتأذيني او تأذي ابي ما رح يرفلي جفن لما اقتلك
- يمان : عم تتوهم
- يوسف : بجوز بس ح راقبا لكم يوم وشوف اذا في شي مخبيتو او لا
- يمان : تمام

#طلع يمان من المكتب وسكر الباب وراه .. قبل ما يمشي وصلتو رسالة فتحها كانت من رقم خاص وكانت عبارة عن صور لفتون وامها منار لما كانو قاعدين بالكافيه وتحتا رسالة " اخر تطورات مرتك المستقبلية "
بعت الرقم لادم وكتبلو " كل المعلومات المتعلقة بهاد الرقم "
طلع لعند فتون اللي غمضت عيونا و عملت حالها نايمة اول ما انفتح الباب .. قرب وقعد ع طرف التخت
- يمان : بعرف انك مو نايمة
#ما ردت عليه
- يمان : قومي في حساب بدنا نصفيه .. فتون قومي بعرف مانك نايمة
- فتون : بدي نام
- يمان : قلت قومي
- فتون : ماني
- يمان ؛ معك ٣ ثواني اذا ما بتكوني قايمة رح قومك بطريقتي
#بقيت متنحة وما راضية تقوم .. قرب ايدو وصار يعديها ع كل وجها ويلمس شعراتها .. ثواني وكانت قايمة
- فتون ؛ تمام قمت ها بلا حركاتك الوقحة
- يمان : انتي بتجبريني عليها
#مشي للخزانة وطالعلها جاكيت مسكها من ايدها وشحطها وراه
- فتون ؛ اذا بتترك ايدي رح تتفاجأ انو رجلي بيقدرو يمشو .. يعني موهبة عطاني ياها ربي عز وجل بتحب تشوفا
- يمان : اذا ما بتسكتي رح احرمك ياها
#طلعو بالسيارة وطلعو من البيت .. كان ماشي بسرعة كبيرة وفتون كانت مترددة كتير كل ما بدها تحكي شي تتراجع فورا ..
- يمان : خبيهن خبيهن منيح
- فتون : ما فهمت شو هنن ؟
- يمان : كلماتك لانو رح يلزموكي اكتر بعد شوي
#طنشتو والتفتت للشباك صرت اتطلع ع الطريق .. اول مرة بشوفو .
- فتون : طب لوين رايحين ع الاقل
- يمان : نتصافى
- فتون : بشو
#ما رد عليها وكمل سواقة
- فتون : شو عملت اناااا
- يمان : ...
- فتون : يمااااان عم احكي معك
- يمان : ...
- فتون: برافو بعطيك شهادة اكتر انسان حيط قابلتو بحياتي .. بتاخد الشهادة بجدارة كمان
- يمان :....
#استفزها كتير .. رجعت التفتت للشباك وغفيت ع الطريق .. فتحت عيونها لما حملها وسكر باب السيارة برجلو .. غمضت عيونا ورجعت فتحتن ومانها بوعيا لسه .. دخل ع البيت حطها ع الصوفا
- فتون : ليش اجينا لهون
- يمان : لنتصافى
- فتون : نتصافى بشو
#قعد مقابيلها وطالع موبايلو فتح ع الصور وزتلا ياه
- يمان : ع هدول
#تطلعت فيهن فتون وبقيت ساكتة .. طالع يمان سيجارة وبلش يدخن .. دقيقة .. دقيقتين .. خمسة .. عشرة .. ما حدا فيهن حكا شي..
- فتون : مين بعتلك ياهن
- يمان : سؤال حلو بس السؤال الاحلى الك علاقة بهروب امجد
- فتون : ان..اا
- يمان : عم بسمعك
- فتون : يمان هدوئك هاد عم بخوفنيي
- يمان: خافي .. خافي لانو لحد هلأ عم حاول ما طلع كل جنانيي فيكيييي
- فتون : انا ما عملت شي
- يمان : هربتيه
- فتون : لا .. حميتو منكن
- يمان : يعني خنتينا باول مرة
- فتون : ما خنتك .. يمان انت خطفتني مرة ومرتين وتلاتة . هددتتني دخلتني بمصايب صرت ملاحقة من عالم ما بعرفن كل هاد عملتو كرمال اخوك .. اقل ما يمكن اخلي اخي عايش !
وما تعتبر خيانة هي انا .. انا لو بدي خونكن بكمل معكن بالخطة ولما تروحو تقتلوه بخبرهن وبخليهم يقتلوكن ويدفنوكن بس ما عملتا عم تفهم ما خنتككككك حاولت خليه عايش بس بسسسس
#قام ومسكني من رقبتي ورفعنييي .. دفشني ع الحيط وهو عم يخنقني
- يمان ؛ اذا اخوكي بدو يضل عايش معناها بتموتي انتي
- فتون : يماان
#كنت عم بختنق .. مصدومة من ردة فعلو وبنفس الوقت خايفة ما بعرف ع حالي ولا ع اخي ولا ع ابي بس شعور الخوف مشي بكل جسمي .. عم بختنق .. عم برجف وهو عم يتطلع بعيوني ما رفلو رمش واحد وهو عم يقتلنيي .
بالايد التانية كان ماسك السيجارة .. اخد سحبي ونفخ بوجهي .. وطفاها بكتفيي .. تركني ورجع قعد .. قعدت بالارض عم حاول اخد نفس .. حطيت ايدي ع كتفي عم اتحسس الحرق
- فتون : الله يلعنك
- يمان : درس صغير لحتى تتعلمي تاني مرة ما تلعبي علي
#نزلو دموعي لا اراديا .. ما بعرف من الحرق ولا من تصرفاتو ..

- نور : اي انا شو ح تعملي
- فتون : رح اعطيكي نصيحة نور .. لا تلعبي مع شخص ما بتعرفي عنو شي او خليني قلك ياها حرفيا لا تلعبي معي لانو مانك قدي واللي قبلك كانو اشطر
- نور : اللي قبلي ؟؟
- فتون : جليلة خانم ناطرتنا تحت
#نزلنا وركبنا بالسيارة وقدامنا كان في سيارة كلها رجال مسلحة ونحن بنص الطريق ..
- الشوفير : نور خانم في سيارة ورانا من لما طلعنا من البيت بشو بتأمرينا
#التفتنا كلنا لورا وفعلا كان في اكتر من سيارة حتى ومبين انو ماشين ورانا بالخطوة
- نور : كملو بطريقكن
- الشوفير : امرك يا خانم
#طالعت نور جوالا واتصلت ب يوسف بس فصل الخط.. اتصلت بيمان كذلك الامر ف ببعتلن رسالة " نحن ملاحقين "
- فتون : انتبببببه
#وقف الشوفير السيارة فجأة لان في سيارة اعترضت الطريق وقع جوال نور بارض السيارة
- نور : امي خليكي هون لا تنزلي ماشي
- جليلة : نور لا تنزلي انتي كمان الله يوفقك
- نور : لازم انزل .. فتون ديري بالك عليها
- فتون : تمام
#نزلت نور هي والشوفير وصارو يحكو مع الرجال بس كانو كتار ومستحيل نور تتفاهم معن لانها بنص عقل وفجأة شفناهن رفعو اسلحتن بوجه بعض .. ما تحملت جليلة ونزلت ونزلت انا وراها
- جليلة : مين انتو وشو بدكن
- معلم هي هي
- جيبوها
- نور : اصحك تخطي خطوة وحدة بفضي المسدس براسكن
#كنت واقفة وماسكة حالي غصب
- فتون : اصحك فتون اصحك ترجعي لهاد العالم اصبري هلأ بيجو يمان ويوسف اصبري اصبري
#قرب واحد قوصتو نور براسو
- نور : لا حدا يقرب عليها
- مسكوها لهي المجنونة
#قربو كذا واحد ع نور وصارت تقوص بشكل عشوائي بس مسكوها ورمو المسدس ع الارض .. كانت عم تحاول تفلت من ايديهن بس مسكها واحد من ايدها ولواها لورا كسرلا ياهاا
- نور : يا كلااااااااااااب
- جليلة : بعد عنها يا حقير
- جيبوها
#قربو ع جليلة ومسكوها .. التفتت لورا
- فتون : هلأ وقتك يمان عنجد طول الوقت بتضل وراي بكل خطوة هلأ الوقت المناسب لتتركني وتروح
#اخدت نفس وحركت رقبتي يمين ويسار لحتى طلع صوت الطق
- فتون : مرة وحدة فتون مرة وحدة
#حطيت ايدي ع كتفو ..
- فتون : تركها
- ما ناقصنا انتي كمان لا تدخلي
#نتر ايدي نتر مسكتو من قبة الجاكيت وضربتو ع راسو وبعدا ببلور السيارة. حط ايدو ع راسو عم يحاول يتوازن
قرب التاني يضربني مسكت ايدو وضربتا بركبتي كسرتا وضربتو بمرفق ايدي ع رقبتو
كانو جليلة ونور مصدومين مني كيف عم اقدر واجهن كلن وكأني تحولت من الدكتورة الطيبة لوحدة متوحشة .. فعليا ما كنت شايفة شي قدام عيوني
- وقفي ولا تقربييي
#التفتت كان حاطت المسدس براس جليلة
- فتون : تمام قوص
- رح قوص اذا بتقربي ما عم امزح
#كان سلاح نور اللي رموه منها جنبي
- فتون : تمام لا تقوص انا رح اتراجعع تمام
- نور : فتووون
- فتون : بس نور نحن ما لازم نتدخل
#ضحك واتطلع بجليلة يشمت فيها.. اول ما شال نظرو عني ضربت المسدس بطرف رجلي ليرتفع ومسكتو وقوصتو ووقع ع الارض ما فيه نفس .. جليلة ركضت لعند نور وانا التفتت لورا كان يوسف ويمان واقفين عند السيارات ومصدومين .. بعدت نظري عنهن ورميت المسدس من ايدي ومشيت وكنت ناوية اتجاهلن بس يمان مسكني من ايدي ورجعني لعندو
- يمان : شو هاد اللي شفتو هلأ
- فتون : شو
- يمان : هاد هاد
#اشر ع الرجال
- يمان : لك الصبح ما كنتي تعرفي تمسكيه وهلأ بدم بارد قتلتيهن
- فتون : يعني هو انا تعلمت منك
- يوسف ؛ والفنون القتالية اللي صارت شو وضعا
- فتون : هلأ شوف كمان تعلمتا من يمان لما كان عم يتقاتل مع ادم
- يمان : قلتيلي
#يوسف راح لعند نور وجليلة
- يمان : وانتي تعي معي
- فتون : لوين
- يمان : لنتعرف ع بعض
#ركبنا بالسيارة وطول الطريق ما حكينا شي لا انا بادرت ولا هو لوصلنا ع مكان غريب وقديم ويمكن مهجور من مية سنة
نزلت بدون ما احكي شي ودخلنا ع البيت ونزلنا ع طابق ارضي .. كان يمان سابقني ودخل ع حلبة مصارعة وقفت وتطلعت فيه
- فتون : شو هالسخافة هي
#فتلت بدي ارجع اطلع
- يمان : ابوكي مع رجالي لا تنسي
#زورتو وطلعت وقفت قبالو
- فتون : لشو كل هاد
- يمان : قتالك اليوم كتير عجبني حابب نتنافس
#شلح قميصو ورماه ع الارض
- يمان : انا يمان من انا وصغير ربيت بعيلة مافيا وبشتغل بالمافيا
- فتون : عنجد
- يمان : لكن شو مفكرة واسمي بخلي الكل يرجف
#قرب ليضربني صديتو وفتلت وضربتو ع ضهرو
- فتون : وانا فتون دكتورة شاطرة كتير ومعروفة واسمي بخلي العالم اللي برا البلد تطلبني مشان عالجا
#مسكني من ايدي وفتلني وبالايد التانية حطها ع رقبتي
- يمان : هيك ما اتفقنا لازم نكون صريحين
#ضربتو بمرفق ايدي ع بطنو وفركشتو برجليي وقع ع الارض

ينسوني ببساطة وكأن شيئا لم يكن عانيت كتير كتير بس رغم هيك تحملت لانو وعدت حالي انو ب ايدي هدول انا ما عاد اقتل حدا انا رح ساعد الناس ساعد وبس واليوم خلفت بوعدي وكنت مجبورة
#كان عم يسمعني بكل هدوء وعم يدقق بكلامي حرف حرف وكلمة كلمة
- يمان : اخوكي امجد ؟
- فتون : لا اخي خطفوه وما قدرت انقذو
- يمان : قتلوه ؟
- فتون : قتلوه وقتلت سلالتن كلها
- يمان : وامجد
- فتون : امجد اخي من امي بس
- يمان : لحد هلأ ما عم استوعب انو كل هاد عايشتيه انتي الانسانة اللي كنت حاسس بالذنب انو دخلتا ع هيك عالم وسببتلا مشاكل
- فتون : هاا وبالمناسبة اغيد بكون ابن عمي
- يمان : ابن عمكك !!!
- فتون : ليش كتير مستغرب
- يمان : كنتو اعدائنا المقربين
- فتون : كانو انا ما بنتمي الهن
- يمان : كيف ما اذوكي وانتي معك كمية معلومات بتدمرن ؟
- فتون : ما بيقدرو
- يمان : واثقة من قوتك
- فتون : ابدا بهاد الموضوع بالذات قوتي ما دخلا
- يمان : لكا
- فتون : بظن حكيت كمية اسرار اكتر من اللازم
- يمان : هاد مجرد تعارف
- فتون : بدي روح شوف ابي
- يمان : امشي
#ركبنا بالسيارة ورحنا ع البيت
- فتون : حتى انت في اسرار مخبيها
- يمان : انا
- فتون : اي .. مثلا فيني اعرف ليش عصبت لما شفت صورة امي
- يمان : مو وقتو نحكي بهالموضوع
#كمل الطريق وهوو مزعوج .. وصلت ع البيت كان الكل موجود وحتى ابي وقف اول ما شافني
- خالد : فتون شو هاد اللي سمعتو
#تطلعت بالباقي
- فتون : برافو والله برافو ساعة وحدة ما قدرتو تخبو الموضوع
- نور : ليش نخبي .. مو من حقنا نعرف
- فتون : انتي بالذات مو من حقك تعرفي اي شي
- يوسف : تمام نور خلص .. يمان الحقني
#راحو يوسف ويمان ع المكتب وكنت متأكدة رح يحكيلو كل شي
- فتون : خلينا نطلع ع غرفتي
#طلعنا انا وابي ع الغرفة
- خالد : ليش هيك عملتي
- فتون : ما كان في قدامي حل تاني.. نطرت كتير لعل وعسى يجو يمان ويوسف بس تأخرو كتيررر وكانو رح ياخدو جليلة معهن
- خالد : جدك كان مصر انو ترجعي لعندو بس انا قلتلو انو تركتي هالقصص هي كلها
- فتون : وانا فعلا تركتا
- خالد : معقول يكون جدك ورا هالتصرف
- فتون : ما بعتقد كانو هاجموني الي اللي ورا هالتصرف شغلو مع العائلة المصونة تحت
- خالد : خلينا نروح من هون
- فتون : لوين ممكن نروح
- خالد : ع اي مكان .. وجودك هون بيعني رجوعك لهالعالم
- فتون : لا ما رح يصير هالشي
- خالد : بعدين انتي وين كنتي رايحة مع جليلة ونور
- فتون : ع مقبرة ال..
#تذكرت فتون انو ما حدا بيعرف بالموضوع كلو غير امها
- فتون : كيف ما خطر ع بالييي كيييف ..اكيد عملت هالشي لتنتقم من يمان
- خالد : مين !!
- فتون : بعدين بحكيلك انا لازم اطلع
- خالد : لوين بنتي
- فتون : ما بطووول
#طلعت فتون من البيت وركبت السيارة وراحت ع بيت امها خبطت الباب ودخلت
- فتون : انتي اللي ورا الموضوع صح ؟
- منار : بنتي حبيبتي اي موضوع
- فتون : لا تحكي معي بهالطريقة .. ما حدا غيرك كان بيعرف انو رايحين لهنيك
- منار : اي انا كان بدي انتقم لاخوكي النايم جوا لا عم يتحرك ولا عم يحكييي وانتي كنتي اكبر اعاقة
- فتون : لك ليشش ليششش ما انا قلتلك انو ما رح يأذوكن بكفي تبقي عاقلة بس كان لازم اعرف انو اللي تركت ولادها وراحت ما فيك توثق فيها ابدا
- منار ؛ انا امك وما فيكي تحكي معي هيك فتون
- فتون : كيف بتحبي احكي معك بعد اللي عملتيه !! اتشكرك ولا صفقلك !! ولا قلك برافو محدا بيعرف يخطط متلك لككك انا كنت معنن كنت معن كان ممكن يصرلي شي وانا متأكدة انو رجالك ما بيعرفو اني بنتك صح ؟؟ عم بسألك جاوبيني لا تضلي ساكتةةة صحح ؟
- منار : صح ما بيعرفو
- فتون : لك انتي ام !! كان ممكن انقتل كان ممكن يصرلي شي معقول ما فكرتي ببنتك معقول!!
- منار : اكيد بفكر فيكي انتي بنتي ضو عيوني
- فتون : ههه واضح
- منار : بنتي .. ما رح تخبري حدا صح
- فتون : هاد همك بس .. اتطمني هالمرة انا ما رح احكي شي بس اقسم بالله اقسم بالله اذا مرة تانية بتفكري تعملي هيك شي رح تلاقيني اول وحدة واقفة بوجهك
#تركتا وطلعت وهي لحقتني وعم تنادي بس ما رديت
- منار : فتون ..فتووون رجعي لازم نتفق وننهي هالعيلة الحقيرة فتوووون
___
#المسا
#كلنا قاعدين ع الاكل
- يمان : وين رحتي اليوم
- فتون : كان عندي شغل
- يمان : شغل مافيا ولا
- فتون : شو بتفرق
- يمان : بالحالتين لازم الواحد يخاف منك
___________
- فتون : افف يا افف وين بحطو ادويتهم .. بيت طول بعرض ما فيه مسكنات
#كنت عم دور ع اي مسكن يطلع بوجهي وافتح خزانة وسكر درج وهيك لفتحت درج ولقيت بقلبو ظرف من المحكمة ومكتوب عليه اسمي
- فتون : ايمت اجى هاد ليش انا ما بعرف
#فتحت الظرف وبلشت اقرأ المكتوب وبهاللحظة دخل يمان ع الغرفة .. رفعت الظرف وتطلعت فيه وناطرة يوضلحي اللي قرأتو ..

#يتبع
#ياسمينة 💜🌸

#داء_وَ_دواء
#الحلقة_الثالثة_عشر
#ياسمينة
..
..
..
- يمان : انتي لي عم تفتشي متل الحرامية
- فتون : يمان شو هاد
- يمان : هاتيه من ايدك
- فتون : ايمتتتت كنت ناوي تخبرنييي !!
- يمان : لا تصرخيييي
- فتون : بدي صرخخخ لكك شو هاد شووو
- يمان : فتون هاد الحل الانسب
- فتون : الحل الانسب !! ههه فتون تعي فتون روحي فتون عالجيه فتون رح تجي معي فتون رح نتزوج لكك ما خليت شي ما عيشتني ياه واخر شي رافع دعوة طلاق !!!! وبدون ما تخبرنييي
- يمان : مو هيك كان بدك ؟ انبسطي صار اللي بدك ياه رح نتطلق وتخلصي مني
- فتون : بعمري ما شفت شخص اناني ومتحكم بالناس متلك
- يمان : احترت معك شو اعمل
- فتون : ما تعمل شي بس ع الاقل خبرني
- يمان : ما قدرت خبرك حاولت حاولت بس ما قدرت
- فتون : طيب ليششش
- يمان : لانووو ..
- فتون : احكي لانو شو ليه سكتت
- يمان : لانو هيك الانسب فتون
#فقدت اعصابي كلها بلحظة وصرت صرخ وكسر اي شي قدامي واجتمعت العيلة كلا
- جليلة : خير خير شو صاير
- خالد : بنتي
- يمان : مو صاير شي
- يوسف : كيف مو صاير شي ليك الغرفة كيف صارت خرابة الا شوي
#تركتن كلهن بالغرفة وطلعت والوراق بايدي ورحت ع المشفى حاطتن ع المكتب وقاعدة بتفرج عليهم.. دخلت لعندي منار فجأة
- منار : بنتي
- فتون : صاير شي
- منار : لا حابة نحكي شوي يعني طلعتي وانتي زعلانة مني قلت بجي وبراضيكي ما بهون عليي زعلك
- فتون : مو مشكلة
- منار : ايي شو رأيك نطلع ناكل برا ام وبنتا ع انفراد
- فتون : مو حابة اقعد بمكان عجقة
- منار : خير صاير شي ؟؟
- فتون : لاا
- منار : شو هاد اللي ب ايدك
#مدت ايدها بدها تاخدن بس سحبتن وحطيتن بالدرج
- فتون : ولا شي
- منار : فتون انتي عم تخليني برا حياتك كليا
- فتون : متوقعة بيوم وليلة تعرفي كل شي عن حياتي
- منار : انا معك انو تركتك فترة طويلة وما بعرف اي شي عن حياتك الماضية بس ع الاقل خليني اعرف حاضرك شو عم بصير شو عم تعملي
- فتون : ما في شي ينحكى
- منار ؛ طيب يمان ما عم يخطط لشي
- فتون : ما بعرف
- منار : يعني ما بيحكيلك
- فتون : ابدا
- منار : فتون انا خايفة يكونو عم يتأمرو علينا بدون ما تعرفي
- فتون : مستحيل يعني كنت لاحظت شي غريب
- منار : تذكري بركي في شي
#تذكرت العلية ما بيطلعو عليها غير جليلة ويوسف ويمان ونور وممنوع اي حدا يطلع لفوق
- فتون : معقول يكونو عم يجتمعو بالعلية !!
- منار : شو
- فتون : بقصد العلية بالبيت ممنوع حدا من الخدم او الضيوف يطلع عليها ف يمكن كلامك يكون صح وعم يخططو لشي فيها
- منار ؛ لازم تعرفي شو موجود فيها وحاولي تعرفي خطتن لحتى ما يقدرو يأذونا
- فتون : تمام بحاول
- منار : انا رايحة لكن
- فتون : تمام
#نزلت منار وهي دخلت ع كراج المشفى لتاخد سيارتها شافها يمان
- يمان : كل شي صار بسببك .. كل شي
#طلعت منار من المشفى ويمان رجع ع البيت بدون ما يحكي مع فتون ورجعت فتون المسا
____
#دخلت ع الغرفة وحطيت الاوراق ع التخت وكنت موقعتن واخدت كم قطعة تياب ورحت ع غرفة الضيوف .. بدلت تيابي وقعدت شوف التحاليل والصور للمرضى .. صار ضغط كتير ولازم عوض
بهالوقت دخل يمان ع الغرفة
- فتون ؛ متل اللي داخل ع زريبة
- يمان : شو عم تعملي هون
- فتون : شو شايف !! عم اشتغل وعوض التقصير اللي صار
- يمان: وقعتي ورقة الطلاق
- فتون : اي مو هاد اللي كان بدك ياه
- يمان : فتون
- فتون : اذا بتريد عندي شغل كتير ولازم لحق
#كانت عم تحكي معو بدون ما ترفع راسها وتطلع فيه .. طلع وتركهاا
- فتون : افف يا افف
#نزلت ع العشا كان يمان مو موجود
- فتون : وين راح يمان
- يوسف : قال عندو شغل بخلصو وبيجي
- فتون : امم
#بعد العشا نور كانت تعبانة شوي ف طلعت ترتاح وطلع يوسف معها ليبقى جنبها اذا احتاجت شي وكنا قاعدين بالصالة انا وبابا وجليلة بعتت رسالة لبابا " خليك قاعد مع جليلة واحكي معها ب اي شي المهم ما تخليها تقوم وخبرني اول ما تطلع لفوق ماشي "
- فتون : انا طالعة ارتاح لكا
- جليلة: بنتي لسه بكير
- فتون : معلش بكرى بدي فيق بكير وروح ع المشفى
- جليلة : طيب تصبحي ع خير
- خالد : تصبحي ع خير بنتي
#طلعت عالطابق التاني كان فاضي من الخدم وطلعت بسرعة ع العلية كانت متل جناح فيه صالون وتلفزيون ومكتبة وحمام ومطبخ صغير وغرفة صغيرة .. وقفت قدام باب الغرفة
- فتون : خلونا نشوف شو عم تخبو
#فتحت الباب شوي شوي ودخلت راسي لقيت في واحد متسطح وعم يتطلع فيني .. كبير بالعمر وشايب وفي اجهزة موصولة فيه
- فتون : مرحباا
#كنت بضحك متل الهبلة ع الموقف اللي حطيت حالي فيه
- اهلين بنتي
- فتون : انا فتون

- بعرف .. مرتو ليمان
#تنهدت وقعدت ع الكرسي جنبو
- فتون : كنت
- كيف يعني كنتي
- فتون : ما بعرف بس يمان راح ورفع دعوة طلاق بدون ما يخبرني وانا وقعت عليها
- يمان ما بيعمل هيك شي الا اذا كان في سبب مقنع
- فتون : والله هاد اللي مجنني انني عم لف ودور ولف ودور وحاول لاقي السبب بس عبث
- رح تلاقيه بالوقت المناسب
- فتون : ايي انت مين وليش عايش هون لوحدك
- انا ابوهن
- فتون : ككيف !! ابو ليمان !! بس هو خبرني انك متت يعني هو هيك قال
- العالم كلا هيك بتعرف بس هلأ انتي كشفتي هالسر
- فتون : يعني شو السبب اللي بخليك تحبس حالك بغرفة طول الوقت
- عالم المافيا بخليكي تعملي اكتر من هيك
- فتون : مزبوط وانا اللي بعرف
- بتعرفي انك اغرب بنت بشوفا
- فتون : انا ؟
- دكتورة بس ماضيكي مافيا .. قلبك طيب بس فجأة بتصيري اكتر حدا بخوف بالدنيا كلا
- فتون : فيني اعتبرو مدح ؟
- ابو يوسف : طبعا مدح
#بقينا نسولف انا وياه شوي وضحكت معو ومبين انسان غير باقي العيلة اخخ يا الله شو هي العيلة الغريبة
_______
#كانت قاعدة جنبو وعم تلعب بشعرو وهو عم بدخن
- ريم : اخيرا رجعتلي
- يمان : حاج تحكي .. انا جاي ريح راسي
- ريم : يمان انا الوحيدة يلي بتحبك والوحيدة يلي بتستاهل تكون مرتك وجنبك قدام الناس كلا
- يمان : ريممم
- ريم : شو شوو !! طيب قلي فتون بشو احسن مني ها ؟؟ لك بعمري ما قلتلك لا ع شي حبيتك حب بيتوزع ع بلد كامل وكنت رضيانة تكون جنبي بس ليش هيك عم تعمل يمان ليش .. تعاال خلينا نرجع متل قبل
#طفى السيجارة وقام
- ريم : لوين
- يمان : عندي شغل
- ريم : رح ترجع
- يمان : ما بعرف حسب
- ريم : الله يخليك ارجع لهون
- يمان : تمام برجع بس حاج تنقي
#طلع يمان بالسيارة ومشي بسرعة .. مسك جوالو واتصل
___
- فتون : بتعرف القعدة معك فادتني كتير
- ابو يوسف : والله وانا من زمان ما حدا قعد معي .. كلو مشغول عني ويا دوب بيطلعو دقيقتين وبس
- فتون : انا بدي انزل قبل ما يجي حدا
- ابو يوسف : ماشي
#قمت ومشيت لعند الباب بس رجعت التفتت لعندو
- فتون : ما تخبر حدا اني اجيت لهون
- ابو يوسف : بشرط انك ترجعي مرة تانية
- فتون : تمام
#رجعت لغرفتي وطالعت جوالي وبعتت رسالة لمنار " ما عم يخططو لشي بس عرفت انو ابوهم عايش وعم يخبوه عن العالم "
#رميت الجوال ع التخت ودخلت ع الحمام وفجأة رن وكانت منار
- فتون : الوو
- امجد : الوو فتون فتون سامعتيني
- فتون : امجد ! شو في شبك
- امجد : فتون الحقيني مشان الله الحقيني
- فتون : لك امجد شبك احكي لا تخوفني
- امجد : يمان
- فتون : شبو يمااان
- امجد : يمان اتصل ب امي واللي فهمتوو انو جاي لهون وقال في تصفية حسابات فتون ما رح يخليني عايش ولله ما رح يخليني
- فتون : جاي لعنكن !
- امجد : هو لسه ما وصل اانا ترجيت امي نتصل فيكي بس ما كانت ترضى فتون محدا غيرك بيقدر يوقف قدام يمان مشان الله ساعديني يا اختي مشان الله
- فتون : تمام تمام ما تخاف انا جاي .. اطلع ع غرفتك واقفل الباب ولا تفتح لاي شخص انا شوي وبوصل ما تخاف ما رح يصرلك شي تمام ما رح اسمحلن ابدا
#قفلت الخط وانا عم حاول استوعب
- فتون : شو رايح تعمل يمان شو
#قمت بسرعة وطلعت
- خالد : لوين بنتي
#ما رديت ع حدا وبسرعة رحت ع بيت منار فتحولي الحراس الباب
- فتون : يمان وصل !
- اي دخل قبلك بشوي يا خانم
- فتون : تمام
#فتحت الباب ما كان فيه غير يمان ومنار بالصالون .. كنت بدي ادخل بس وقفت لما سمعت يمان شو عم يحكي
- يمان: لك انتي شو ؟ انتي شوووو انتي اكتر حدا خربلي حياتي
- منار : يمان اسمعني
- يمان : شو بدي اسمعععععع شو .. لك انا بحياتي كلها .. كلها تعلقت ببنت وحدة بس .. حبيت بنت وحدة بس تمنيت انو هالبنت تضل معي بس .. بس اليوم وبسببك انا خسرت البنت اللي حبيتا .. انبسطي انا وفتون رح نتطلق والسبب !!
- منار : ابني
- يمان : والسببب شووووو !!! السبب انو امي اللي رمتني متل الكلاب وراحت لعند رجال تاني وما وقفت هون وما كفاها اللي صار رمت بنتا ورا ضهرا ورجعت راحت لرجال تاني .. لك انتي شو ؟ فهميني انتي ام ؟ انتي شو
- منار: صدقني الموضوع مو هيك خليني فهمك
- يمان : بس بتعرفي الدنيا صغيرة كتير يعني رميتي ابنك ورميتي بنتك والدنيا جمعتن ومو بس هيك جمعتن ب ابشع طريقة
#كنت واقفة عم بسمع حكيهن ودموعي عم تنزل لحالها وقدمت كم خطوة لحتى انتبهتلي منار
- منار : فتون
#التفت يمان لورا
- يمان : فت..
- فتون : الحكي اللي عم يحكيه يمان مزبوط
- منار : .....
- فتون : عم بسألك جاوبيني لا تضلييي ساكتةةةة .
كل هالفترة كنتي بتعرفي ومع هيك ساكتة وما عم تحكي اي شي . كنتي عم تكذبي وانتي عم تطلعي بعيونيي