- نور : اي انا شو ح تعملي
- فتون : رح اعطيكي نصيحة نور .. لا تلعبي مع شخص ما بتعرفي عنو شي او خليني قلك ياها حرفيا لا تلعبي معي لانو مانك قدي واللي قبلك كانو اشطر
- نور : اللي قبلي ؟؟
- فتون : جليلة خانم ناطرتنا تحت
#نزلنا وركبنا بالسيارة وقدامنا كان في سيارة كلها رجال مسلحة ونحن بنص الطريق ..
- الشوفير : نور خانم في سيارة ورانا من لما طلعنا من البيت بشو بتأمرينا
#التفتنا كلنا لورا وفعلا كان في اكتر من سيارة حتى ومبين انو ماشين ورانا بالخطوة
- نور : كملو بطريقكن
- الشوفير : امرك يا خانم
#طالعت نور جوالا واتصلت ب يوسف بس فصل الخط.. اتصلت بيمان كذلك الامر ف ببعتلن رسالة " نحن ملاحقين "
- فتون : انتبببببه
#وقف الشوفير السيارة فجأة لان في سيارة اعترضت الطريق وقع جوال نور بارض السيارة
- نور : امي خليكي هون لا تنزلي ماشي
- جليلة : نور لا تنزلي انتي كمان الله يوفقك
- نور : لازم انزل .. فتون ديري بالك عليها
- فتون : تمام
#نزلت نور هي والشوفير وصارو يحكو مع الرجال بس كانو كتار ومستحيل نور تتفاهم معن لانها بنص عقل وفجأة شفناهن رفعو اسلحتن بوجه بعض .. ما تحملت جليلة ونزلت ونزلت انا وراها
- جليلة : مين انتو وشو بدكن
- معلم هي هي
- جيبوها
- نور : اصحك تخطي خطوة وحدة بفضي المسدس براسكن
#كنت واقفة وماسكة حالي غصب
- فتون : اصحك فتون اصحك ترجعي لهاد العالم اصبري هلأ بيجو يمان ويوسف اصبري اصبري
#قرب واحد قوصتو نور براسو
- نور : لا حدا يقرب عليها
- مسكوها لهي المجنونة
#قربو كذا واحد ع نور وصارت تقوص بشكل عشوائي بس مسكوها ورمو المسدس ع الارض .. كانت عم تحاول تفلت من ايديهن بس مسكها واحد من ايدها ولواها لورا كسرلا ياهاا
- نور : يا كلااااااااااااب
- جليلة : بعد عنها يا حقير
- جيبوها
#قربو ع جليلة ومسكوها .. التفتت لورا
- فتون : هلأ وقتك يمان عنجد طول الوقت بتضل وراي بكل خطوة هلأ الوقت المناسب لتتركني وتروح
#اخدت نفس وحركت رقبتي يمين ويسار لحتى طلع صوت الطق
- فتون : مرة وحدة فتون مرة وحدة
#حطيت ايدي ع كتفو ..
- فتون : تركها
- ما ناقصنا انتي كمان لا تدخلي
#نتر ايدي نتر مسكتو من قبة الجاكيت وضربتو ع راسو وبعدا ببلور السيارة. حط ايدو ع راسو عم يحاول يتوازن
قرب التاني يضربني مسكت ايدو وضربتا بركبتي كسرتا وضربتو بمرفق ايدي ع رقبتو
كانو جليلة ونور مصدومين مني كيف عم اقدر واجهن كلن وكأني تحولت من الدكتورة الطيبة لوحدة متوحشة .. فعليا ما كنت شايفة شي قدام عيوني
- وقفي ولا تقربييي
#التفتت كان حاطت المسدس براس جليلة
- فتون : تمام قوص
- رح قوص اذا بتقربي ما عم امزح
#كان سلاح نور اللي رموه منها جنبي
- فتون : تمام لا تقوص انا رح اتراجعع تمام
- نور : فتووون
- فتون : بس نور نحن ما لازم نتدخل
#ضحك واتطلع بجليلة يشمت فيها.. اول ما شال نظرو عني ضربت المسدس بطرف رجلي ليرتفع ومسكتو وقوصتو ووقع ع الارض ما فيه نفس .. جليلة ركضت لعند نور وانا التفتت لورا كان يوسف ويمان واقفين عند السيارات ومصدومين .. بعدت نظري عنهن ورميت المسدس من ايدي ومشيت وكنت ناوية اتجاهلن بس يمان مسكني من ايدي ورجعني لعندو
- يمان : شو هاد اللي شفتو هلأ
- فتون : شو
- يمان : هاد هاد
#اشر ع الرجال
- يمان : لك الصبح ما كنتي تعرفي تمسكيه وهلأ بدم بارد قتلتيهن
- فتون : يعني هو انا تعلمت منك
- يوسف ؛ والفنون القتالية اللي صارت شو وضعا
- فتون : هلأ شوف كمان تعلمتا من يمان لما كان عم يتقاتل مع ادم
- يمان : قلتيلي
#يوسف راح لعند نور وجليلة
- يمان : وانتي تعي معي
- فتون : لوين
- يمان : لنتعرف ع بعض
#ركبنا بالسيارة وطول الطريق ما حكينا شي لا انا بادرت ولا هو لوصلنا ع مكان غريب وقديم ويمكن مهجور من مية سنة
نزلت بدون ما احكي شي ودخلنا ع البيت ونزلنا ع طابق ارضي .. كان يمان سابقني ودخل ع حلبة مصارعة وقفت وتطلعت فيه
- فتون : شو هالسخافة هي
#فتلت بدي ارجع اطلع
- يمان : ابوكي مع رجالي لا تنسي
#زورتو وطلعت وقفت قبالو
- فتون : لشو كل هاد
- يمان : قتالك اليوم كتير عجبني حابب نتنافس
#شلح قميصو ورماه ع الارض
- يمان : انا يمان من انا وصغير ربيت بعيلة مافيا وبشتغل بالمافيا
- فتون : عنجد
- يمان : لكن شو مفكرة واسمي بخلي الكل يرجف
#قرب ليضربني صديتو وفتلت وضربتو ع ضهرو
- فتون : وانا فتون دكتورة شاطرة كتير ومعروفة واسمي بخلي العالم اللي برا البلد تطلبني مشان عالجا
#مسكني من ايدي وفتلني وبالايد التانية حطها ع رقبتي
- يمان : هيك ما اتفقنا لازم نكون صريحين
#ضربتو بمرفق ايدي ع بطنو وفركشتو برجليي وقع ع الارض

- قاسم : لحد الان محدا بيعرف .بس الشغلة يلي لازم تنتبهيلا انو اي شي بصير بالشركة بتنسيه لا بتشوفي ولا بتعرفي شي عليكي تنفذي الشغل من تم ساكت
- شيراز : انت بلشت تخوفني
- قاسم : لا انا ما قصدي خوفك عم احكيلك هيك لتاخدي حذرك مو اكتر
- شيراز : بس انا بنت فضولية
- قاسم: مو نصيحة . في بنات فضولين اشتغلو هون قبلك ونحن هلأ ما منعرف عنن اي شي
- شيراز : طيب ماشي المهم اشتغل وطالع مصاري واصرف ع حالي
- قاسم : المهم بعد ما نبهتك تعالي لحتى عرفك ع الاشخاص المهمين والشغلات يلي لازم تعرفيا
#المسا
- شيراز : نارين كيف كان اول يوم الك بالجامعة
- نارين : مانو سيء
@rwayate
- شيراز : سجلتيي
- نارين : للاسف لا
- شيراز : وليش
- نارين : كنت نسيانة الشهادة بس بكرى رح سجل
- شيراز : معناها رجعتي ع البيت فورا
- نارين : هو يعني لاا
- شيراز : لااا !! لكا
- نارين : انا كنت بدي ارجع بس عروة قلي انو بدو يعرفني ع رفقاتو بحيث اذا هو كان مشغول اقدر اتصل بحدا يساعدني
- شيراز : اختي
- نارين : قبل ما تحكي نحن هلأ بمدينة وشي طبيعي اتعرف واطلع وفوت بعرف انك بتخافي علي بس انا صرت كبيرة
- شيراز : بعرف انك كبيرة بس رح ضل خاف عليكي . انا ما عندي مانع انك تتعرفي بالعكس طلعي وفوتي وشوفي ناس قد ما بدك بس لا توثقي بحدا وخلي علاقتك سطحية مع الكل اوعك تقولي عن حدا منيح . هون العالم كلا قلوبا سودا وما بهمن غير حالن
- نارين: وانا ما رح اوثق بحدا . انتي ثقتي وملجأي الوحيد
#بيندق الباب
- شيراز : تفضل
- كيندا : العشا جاهز يا خانم ادهم بيك عم ينادي لحضرتك ولنارين خانم
- شيراز : يلا جاين
- نارين : هه مين كان يتوقع نعيش هالحياة حتى لو ليوم واحد
- شيراز : خرسي وامشي خلينا ننزل ما حلوة نتأخر
....
- شيراز : مسا الخير
- مروة : مسا النور
- ادهم : شو نارين كيف شفتي الجامعة
- نارين : بتجنن
- ادهم : اي منيح . وانتي شيراز كيف لقيتي الشغل ان شاء الله قاسم علمك منيح
#صفنت فيه لثواني وتذكرت كلام قاسم ما بعرف من بعد كلامو بلشت انفر من هالعيلة ما بعرف ليش رغم انو عم تساعدنا كتير بس بلشت حس مساعدتن مزيفة
- ادهم : وين صفنتي
@rwayate
- شيراز : ااا . لا ولا شي قاسم كتر خيرو علمني كتير شغلات
- ادهم : منيح. منيح
- شيراز : كنت حابة قلك شي
- ادهم : تفضلي عم اسمعك
- شيراز : يعني لو تكمل معروفك وتلاقيلي بيت اسكن فيه انا واختي ومن بعدا انا بتحمل المسؤولية بس انا جديدة وما رح اعرف امشي بطرقات المدينة
- ادهم : نحن شو حكينا
- شيراز : هيك انا واختي بنكون مرتاحين اكتر
- ادهم : طيب طيب عالقليلة مضو اسبوع وبعد اسبوع بتستلمي مفتاح البيت مني كامل مكمل
- شيراز : شكرا الك
#خلصنا اكل وطلعنا انا واختي ع الغرفة فورا ونارين معصبة مني
- نارين: لك انتي الحياة الراقية بتزعجك يعني
- شيراز : نارين افهمي نحن ما لازم نضل هون
- نارين: وليش بقى
- شيراز : انا مو مرتاحة الهن وحاسة في قصص مخباية كتير
- نارين: ونحن شو دخلنا
- شيراز : ما دخلنا بحياتن بس ما بدنا نختلط فيهم ممكن غلطة صغيرة او تصرف سيء مننا ينهونا
- نارين : افف منك كيف بتفكري
- شيراز : افف منك انتي كيف بتاخدي كل شي ببساطة ولا كأن في شي . بعدين انا اختك الكبيرة وانا المسؤولة عنك ويلي بقولو رح يصير عم تفهمي . مو اذا صرنا بمدينة تتصرفي بغباء وتعملي حالك الواعية
- نارين : امرك
- شيراز : روحي ع غرفتك ارتاحي
@rwayate
- نارين : بس
- شيراز : بس شوو
- نارين ؛ عم قول يعني عيب نضل بغرفنا لو نقعد معن شوي بالنهاية هاد البيت مو النا لحتى نضل وين ما بدنا
- شيراز : لاول مرة معك حق امشي ننزل
#نزلنا كانو قاعدين كلن وكأنو قعدة عائلية وحسيت اجينا بالوقت الغلط
- مروة : اهلا وسهلا تعالو تعالو اقعدو معنا
- شيراز : نحن اسفين اذا قاطعناكن اذا في شي خصوصي نحن منرجع منطلع ع غرفنا عادي
- ادهم : لا لا مافي شي ابدا تعالو
- عروة : اي نارين لا تنسي تجهزي حالك بكرى
- نارين : اي اي اكيد من الصبح ح كون جاهزة
#مضت السهرة بشكل طبيعي وحكي عاديي وكل واحد راح ع غرفتو حتى يرتاح
#فاقت نارين بنص الليل عطشانة
- نارين : كمان مافي مي بالغرف افف
#طلعت نارين من غرفتا ونزلت شربت مي ورجعت طلعت لما وصلت لباب غرفتها سمعت صوت جاي من اخر الممر
قربت خطوة خطوة لحتى تعرف شو هالصوت
وبالاخر وصلت لباب غرفة وكان في عالم عم تحكي