قصة اليوم: #ما_وراء_الهروب
............
قراءة ممتعة🦋💙"
#ⴅÂÐЄĦÂ

#ما_وراء_الهروب #الحلقة_1
Telegram@rwayate
#رند_محمد

صار عمري 18 سنة ولهلأ مابعرف ليش الله خلق نااس فوق فوق وناس تحت تحت ، لهلأ ماعم بفهم ليش في فقرا وفي اغنياء ؟؟ وليش الله خلقني من الفقرا ..
معقول الدنيا بتعز نااااس ع حساب تعاسة ناس تانين هن بالاصل مادخلن ..

- كنت واقفة عم اتطلع من شباك بيتنا ع اهل الحارة كل الناس مبسوطين ومرتاحين هالشي باين من وجوهن المبتسمة ...

- ... : رنيم !! شو عم تعملي عندك

- رنيم : عم امسح الشباك

تلبكت ورجعت مسكت الممسحة وعملت حالي عم امسحو ونضفو منيح بس انا ماكنت هيك ، انا كنت عم راقب الناس يلي عم يمشو بالحي ..

- ... : اي حطي من ايدك وحاج تطلعي ع الناس لعما شو انك بلا ترباية الله يلعن هالزمن يلي جابك لعندي

اتطلعت فيها نظرة وهزيت براسي وكملت شغلي ..
بتكون عمتي اعتدال انا عايشة عندا لان امي و ابي مطلقين من لما كان عمري تلت سنين وماعندي اهل بعتبر حالي عايشة بفراغ وما الي اي وجود لان ماحدا سائل عليي ، عمتي عاملتني خدامة الها ولزوجا وولادا و امي متزوجة وملتهية بولادا وابي نفس الحكي و انا ملحوشة للزمان اذا زعل عليي بيحميني و اذا قسي عليي بيوجعني متل اهلي .. يعني بالمختصر عيشتي كمالة عدد بين هالعالم
--------------
(( في بيت آخر ))
Telegram@rwayate
صخر : مو مشكلتي انا دافعلك المصاري كاملين

رينو : لكك شو اعمل ما ادرت صبور شوي لعما

صخر : اخر فرصة وبعدين رح يصير شي مايرضيكي

رينو : اي اي يلله طلاع لبرات بيتي لعما فيك

دفشتووو لبراا وسكرت الباب : لعما شو هالناس البهايم ..
------------

- اعتدال : يارنيم يابطيخة صار الغدا

- رنيم : لا ماصار لو صار كنت ناديتلكن

- اعتدال : يلله نئبري هلأ بيجي زياد

وطيت صوتي والتلا ( تضربي انتي وزياد ) ..

- اعتدال : شووو التي !!

- رنيم : قلت الاكل بدو ملح رح حطلو ..
Telegram@rwayate
شوي وبيندئ الباب ..

- اعتدال : هه اجا زياد زكور القط بيجي نط ..
تعا يا مالك فتاح لعنتر زمانو

- مالك : يلله

- زيااد : هممم ياسلام شو طابخين ريحة اكل حلوة

- اعتدال : طابخينلك لبن ورز مشان تاكل وتعبي بطنك

- زياد : اي كتر خيركن

- اعتدال : اتصل جارنا ابو حمدو وقال الحساب كبر عندو شو مشان ؟؟

- زياد : مامعي ، ومادخلني

- اعتدال : للعب القمار والسكر والنسوان معك مصاري اما لتطعمي ولادك وتدفع ديونك مامعك روح ربي يريحني منك ومن وجودك يلي عدمو واحد ..
Telegram@rwayate
كنت واقفة عم اتفرج عليهن ، من باب المطبخ بعد شوي عليت صواتون وصارو يعيطو ويصرخو ع بعض كل هاد والولاد ادامون يعني مو بعيدة لو طلعو مريضين نفسياً او معهن شي عقدة .. بعدين زياد رفع ايدو وضربا لعمتي ..
انا هون ركدت بسرعة لفكن من ايدين بعض كالعادة طبعاً ..
بعدتن و انا معصبة و التلن : لكككك شبكن بدكن تدمرو ولادكن متل ما انا اتدمرت ؟؟

- زياد : انتي عم تحكي ياحلوة

- رنيم : احترم حالك انا اد ولادك

- اعتدال : تفه بلا شرف .. والله لولا ولادي مابعد عندك ثانية

- زياد : اي امشي انئلعي بتريحيني

- اعتدال : لاتحلم ..
Telegram@rwayate
بعد شوي كل مين راح ع غرفتو ينام ويرتاح
كنت عم اتطلع بمرايتي وسرح شعري و انا صافنة بشكلي رغم التعب و الارهاق يلي بوشي والتجاعيد يلي عاطيتني عمر اكبر من عمري كان في ملامح حلوة ، عيوني الكبار كانو مميزين باللون والرسمة ..
صفنت بمرايتي وتخيلت لو اني عروس ولابسة الفستان الابيض متل باقي البنات ..
شعور حلو اني حس حالي ملكة لو لمرة وحدة بحياتي ابتسمت لهالشعور وهالمخيلة شوي بعدين رحت نمت .
--------------
فتحت عيوني الصبح ع صوت زياد وعمتي وهن عم يتخانقو متل العادة مشان المصروف والمصاري ، طلعت من الغرفة و انا عم اربط اشاربي بزهق : ولكككك شبكن الله يريحني منكن شو صايرلكن

اعتدال : ليكي رنيم واصلة معي منك للسما نئبري انضبي

رنيم : ماحاكيتك شي ، بس حاج تتخانئو
Telegram@rwayate
زياد : معلش تركيا تحكي مسموح هي تحكي انتي خرسي

اعتدال : الله يلعنك

اتطلعت فيه بنظرة استحقارة بعدين تركتون ورحت ع المطبخ ، وهو حمل حالو وراح وطبق الباب وراه بقوة كمان ..

بالنهار عمتي بتخيط للناس كرمال تأمن الاكل والشرب لان جوزا كل عشرة ايام ليجيب لقمة خبز عهالبيت لهيك هي متحملة مسؤولية البيت والولاد يعني ازا بدهن يعتمدو عليه بموتو من الجوع ، اساساً هو مابيشتغل بياخد مصاري عمتي يلي بتتعب فيهن
وبروح ليلعب فيهن قمار او يصرفن ع النسوان والوساخة

كل يوم كانو مقضاينو هيك مشاكل وخنائ وياما يجي زياد سكران ع البيت والحيطان يلي عم تسندو وياما النسوان يلي توصلو بسياراتا ويلحشو متل الكلب ادام باب البيت ..

#ما_وراء_الهروب #الحلقة_2
Telegram@rwayate
#بقلم_رند_محمد

انا كنت متسطحة بغرفتي وعمتي اعدة بأرض الديار ، بعد شوي بيتسكر باب البيت ..

عمتي : شرفت عنتر اجيت واخيراً

زياد : خيير شو المحاضرة اليوم

عمتي : والله ياعيني الزلمة يلي بدو مصاري منك اجا هددنا وشكلو مو ناوي خير نشالله انبسطت

زياد : ووو .. ووشو قلتولو

عمتي : شو قلتلو !! قلتلو الملك بمملكتو ومو فاضيلك
طبعاً مارديت عليه حكا هالحكي و اناوماسترجيت رد بعدين راح بعد مالم علينا العالم ، خاف الله يارجال شو هالشي يلي عم تعملو وتدمر حالك

زياد : خرسي حاج تكبري كلام

هجم عليها وصار يضربا من خوفي طلعت و انا عم اركد من غرفتي ومسيت حط على راسي كان شعري مفرود وانا شعري طويل كتير وسميك و اسود
ركدت لبين ايديه وصرت ادفشو و اعيط عليه لحد ما اتطلع بشعري نظرة غريبة وابتسم وقلي شو هالشعر
التلو : خراس بلا حيا تفو عليك
اخدت عمتي و اعدنا بغرفتي وصرنا نبكي سوا لحد ماحاولت اهديها لعمتي شوي وبعدين غفلت ونامت و انا كمان نمت ..
Telegram@rwayate
تاني يوم الصبح بلشنا شغل البيت من بكير مابعرف ليش عمتي بتلتئم فيني فجأة ، فيئتني وهي معصبة وعم تدعي عليي مع اني ماغلطت معها بولاشي ولا حاكيتا كلمة غلط
فئت بسرعة ، التلي يلله بلشي شغلك اوام و انا رح اعمل الفطور

انا تعودت عليها و على معاملتا يعني ماعد فرئت معي صرت بلا احساس تمسحت !!

انا كنت عم امسح الغرف وعمتي عم تحضر الفطور ، مالك وريم عم يلعبو بالحارة ..

كنت كل ما احكي حرف مع عمتي تطنشني وماترد عليي مابعرف شبها .. قلتلا شبك احكيلي بس ماردت صارت تبعد وشها عني وتتجاهلني ..
تركتا ورحت ع غرفتي صرت ابكي لأن عم انظلم بدون سبب

بعد شوي سمعنا صوت خبطة كتير قوية ، وصوت صريخ نسوان وولاد .. طلعت من غرفتي متل المجنونة وعمتي ركدت تفتح الباب لتشوف شو صار
فجأة بيجي واحد عم يركد اتجاه عمتي وبقلا يا ام مالك الحقي ابنك طرئتو سيارة ..
Telegram@rwayate
انا وعمتي كان فينا عقل وطاار صرنا نصرخ بالمقلوب طلعنا ركد ع الشارع ونحنا مو لابسين ع راسنا
عمتي حملتو وكان دمو مغرقو تعبو تيابا و صارت تبكي وتصرخ
التمو الجيران بسرعة ونقلو مالك ع المشفى راحت معهن عمتي و انا بقيت بالبيت مع ريم
كنت اعدة على نار ودموعي مانشفت لاني بعامل ريم ومالك متل اخواتي و اكتر

بعد ساعتين اجا زياد ع البيت بصراحة وقت شفتو خفت من نظراتو لغريبة وحركاتو ..
زياد : وينا عمتك وليه

رنيم : بالمشفى مالك طرئتو سيارة و اسعفتو

زياد : شووو وليش ماخبرتوني

رنيم : عمتي كانت عم تتصل فيك بس موبايلك مغلق

زياد : اي صح ، بأي مشفى هن هلأ وكيف وضعو

رنيم : بمشفى الشفاء ، التلي عمتي انو بخير حالياً

زياد : مممم اتطلع فيني وهو عم يحك دئنو ، بعد شوي طلعت ريم من الغرفة وقت شافا تلبك وقلا بابا روحي جيبيلي باكيت دخان من الدكانة ..

انا هون خفت وماكان بدي ياها تروح بس ابوها اجبرا ، هي راحت من هون انا رحت ع غرفتي واجيت بدي اقفل لباب لضل لحالي اعدة بس ركد ورايي بسرعة ودفشو وفات لعندي وسكروو

رنيم : شووو عم تعمل طلاع لبرا
Telegram@rwayate
زياد : ولك ماسدئت ايمتا اجت هيك لحظة

رنيم : ياحقير انئلع لبرا

زياد : ورجيني شعراتك الحلوين

رنيم : طلاااع ولك بعد ...

بعد ما اعتدا عليي تركني وطلع من البيت و انا بئيت عم ابكي و اصرخ من يلي صار فيني مع هيك حشرة وسخ ..
طبيت ع تختي ودموعي مغرقتني البيت فاضي وبرد مافي حدا حواليي كل الدنيا قهر بقهر ، حاولت نادي يا أمي !!.. يا أبي .. !! بس ماطلعت الكلمة معي هنن يلي وصلوني لهون هنن يلي موتوني ..

بوقتا حسيت اني انتهيت ، وئفت و انا مافيني حيل لبست وضبيت شنتة صغيرة وتركت البين وطلعت صرت اركد بالشوارع وانا عم ابكي ومنهارة تماماً
مابعرف لوين بدي روح ، بس طلعت وضليت اركد لحد ما وصلت لمكان فيه ابنية اديمة وكلا بيوت منطقة مليانة سكان .. والدنيا برد وهوا عم يعصف عصف
وفي بناية لسا مو مكتمل عمارا ، دخلت عليها كان في كرتون كتير .. لفيت الكرتون عليي و انا اعدة ومسنودة ع العضاضة وغمضت عيوني .. لحد ماغفيت

صحيت الصبح ع صوت شب عم يقلي : أنسة شو عم تعملي هون
Telegram@rwayate
رنيم : مين انت

الشب : انتي مين وليش نايمة هون

رنيم : هيك بعد عني رح روح

الشب : احكيلي بركي فيني ساعدك خير شو صاير معك

رنيم : ---

ضليت ساكتة لميت غراضي ومشيت بدون ما احكي معو كلمة ، وكل نهاري كنت عم افتل من مكان لمكان عم استنا يمضا الوقت لأرجع بالليل ع نفس العمارة يلي شفتا كنت جوعانة كتير وتعبانة ..

#ما_وراء_الهروب #الحلقة_3
Telegram@rwayate
#بقلم_رند_محمد

الشب كان اسمو أوس ، وقت سمع قصتي وشاف زعلي ووجعي وقف معي وساعدني ، فتحلي غرفة ناطور العمارة وخلاني نام فيها وجبلي حرام و اكل بعدين راح ..

اتسطحت و انا مرتاحة وحاسة بأمان مو متل كل يوم بنام و انا خايفة من شي حدا يتعرضلي ، غفلت وتاني يوم الصبح فئت بكير لبست وزبطت حالي وطلعت دوور ع شغل بس مالقيت فتلت الدنيا وماكنت لائي ، كلن كانو طالبين خبرة وشهادات و انا مو دارسة شي
--------------
( ببيت عمتي )
عمتي : وين راحت البنت ويييين

الجارة ام عادل : طولي بالك يا اعتدال نشالله منلاقيها لاتحطي ببالك انها مخطوفة بجوز راحت لعند شي حدا
Telegram@rwayate
عمتي : ولك لعند مين بدا ترورح مابتعرف حدا صرلا اسبوع برات البيت فتل راسي عليها ومالقيتا حتى الجيران كلن دورو ومافي امل

ام عادل : روئي شوي روئي

-----------
ستنيت اوس ليجي ع العمارة بس ماكان يجي ، مضا نهار كامل وما اجا ..
تاني يوم كمان ما اجا مابعرف ليش ، اخدت الرقم يلي عطاني ياه و اتصلت رن التلفون كتير بس ماحدا رد عليي ..
كنت محتاجة مصاري وبدي اتدين منو لاقدر افرج حالي شوي ، ستنيت للمسا وماكان يجي .
بعد شوي بيندئ الباب ..

رنيم : مين ؟

رجال : انا الناطور يابنتي

رنيم : اي حجي مابقدر افتحلك الباب للصبح

الناطور : بنتي بدي حاكيكي بموضوع اذا بتريدي طلعي لعندي عم استناكي تحت

" فتحت الباب وطلعت لعندو " ..

الناطور : البناية خلص تصميما الهندسي وحالياً لازم يستلمها صاحبة ليبلش يكسيا يعني لازم تطلعي من هون لان شغلنا خلص

رنيم : شو عم تحكي ، وين بدي عيش انا ياربي ، لك شو بدي اعمل
Telegram@rwayate
الناطور : والله لو بقدر لسكنك مع مرتي وولادي بس نحنا 8 وساكنين بغرفة ، الك الله يابنتي مابينساكي ..
بكرا الصبح لازم اخد المفتاح منك ..

رنيم : طيب

فتت اعدت ع تختي وصرت ابكي ، كيف بدي عيش ولعند عمتي مستحيل ارجع بعد اللي صار يارب وقف معي ..

طلع الصبح ضبيت غراضي وطلعت صرت امشي بالشوارع و اعد بالحدائق ..
حطيت فرشة تحت شجرة بحديقة عامة واعدت ، كانت الدنيا ليل وبرد كتير تغطيت بحرام وانا عم ارجف ،
اجت وحدة ع الحديقة كانت لابسة لبس كتير حلو وتقيل ومكياجا بجنن وشعراتا كتير حلوة .. حاطة بين اصابعها سيكارة اعدت ع الكرسي يلي جنبي ..

صرت اتطلع فيها و انا عم قارت حالي فيها وبجمالا ..
بعد شوي هي صارت تطلع فيني كتير ، قربت لعندي وسألتني عن اسمي ..

-- : شو اسمك انتي ياحلوة

رنيم : انا رنيم
Telegram@rwayate
-- : تشرفت فيكي انا اسمي رينو ، انتي ليش هون ماعندك بيت او اهل

رنيم : ( هزيت براسي بمعنى لاء ) ..

رينو : طيب رح ساعدك قومي معي هلأ رح اخدك عبيتي تغيري تيابك وتلبسي وتتحممي ومنحكي

رنيم : كيف بروح معك و انا مابعرفك ؟

رينو : احسن ماتضلي اعدة بالشوارع ، ازا بدك خليكي بلا ماساعدك

رنيم : لا رح روح معك ..

ئمت وكنت بدي ضب غراضي ئامت التلي هاتي اوعيكي وغراضك لمهمة بس وتركي الباقي ، استغربت فيها ..
حملت شنتايتي ومشيت معا لحد ماوصلنا ع سيارتا كانت سيارة فخمة لونا سودة وبتجنن

اخدتني ع بيتا يلي كان بمنطقة حلوة وبيت كبير متل بيوت الافلام مافيه حدا غير هي ..
التلي فوتي بسرعة ع الحمام تحممي وتعي رح حطلك اكل ..
ستغربت انو لسا في هيك ناس بتساعد بعضا ..
Telegram@rwayate
دخلت ع الحمام شلحت تيابي وتحممت و انا مبسوطة ومرتاحة بعدين طلعت اكلت ونمت ..
فيئتني تاني يوم الصبح وكانت عاملة قهوة ، اعدنا وحكينا ..
التلي : رنيم بتحبي تعيشي بهيك بيت وهيك حياة دائما

رنيم : ياريت ، الله يهنيكي يامدام اديش حلو بيتك

رينو : بتتمني يصير عندك متلو ؟

رنيم : اي بتمنى بس كيف و انا مامعي مصاري

رينو : شو رأيك تشتغلي معي

رنيم : شوبدك تشغليني و انا ماعندي خبرة غير بشغل البيت ولامعي شهادة

رينو : بشغلي بحتاج جمالك وشعرك وجسمك وبس باقي الشغلات مو مهمة

رنيم : عفواً مافهمت اصدك

رينو : رح فهمك طبيعة الشغل
في رجال اغنياء كتير وبحبو يغيرو جو عن حياتون الكئيبة بيجو لهون وبيتسلو ونحنا علينا نبسطون

رنيم : بدك ياني اشتغل هيك شغلة وسخة
Telegram@rwayate
رينو : عدي وروقي لاتغلطي

رنيم : بدي اغلط عنئذنك رح اترك البيت

رينو : لا حبيبتي مافيكي تتركي البيت

رنيم : المصاري يلي تحننتي عليي فيهم خديهن هلأ

رينو : طيب قومي معي ..
اخدتني ع الصالون وشغلت شريط فيديو ، ماعم سدئ !! مصورتني فيديو و انا عم اتحمم وكل جسمي ..
صرت ابكي و اصرخ ..
لك كيف بتعملي هييييككك كيف الله يلعنك

رينو : روئي وفهمي ، هي الفيديوهات بخمس دئايئ بفضحك فيهن .. يا اما بترضي بالشغل يابتنفضحي اختاري
Telegram@rwayate
رنيم : شلون بدي اشتغل فهميني قبلانة بس لاتفضحيني

#ما_وراء_الهروب #الحلقة_4_5_الاخيرة
Telegram@rwayate
#بقلم_رند_محمد

ماسدئت ايمتا راحو لحتى ارتاح من مناظرن ، بهدلتني رينو لان التئمت وماعملت يلي بدا ياه ..
نمت ، وكان في تاني يوم سهرة تانية لعدد اكبر من الناس البشعين ..

اجت لعندي رينو عطتني مبلغ كبير من المصاري وقالتلي هي حصتك مبارح السيد بلال دفع هالمبلغ كلو لان عجبتيه واليوم بدي ياكي تكوني احسن مشان تاخدي اكتر ..
صفنت فيها وبالمصاري استغربت انو كيف في ناس بتدفع هيك مبالغ كرمال سهرة عادية وبالمقابل في ناس عم تموت من الجوع والتشرد ومافي حدا عم يسأل عليهن بربع المبلغ يلي اندفع كرمال ساعتين !!! ..

المسا اجت لعندي رينو وعطتني فستان نيلي " ازرق غامق " ..
كان طويل وكتير حلو التلي بدي ياكي تطلعي ملكة اليوم ..
لبست الفستان والمكياج حطيت روج احمر وفردت شعري وفعلاً كان شكلي احلا من الاميرات ..

ندئ الباب اول مافتحت كان السيد بلال معو تلت شباب متلو باينين اكابر ومن عائلات ..
دخلتون وقدمتلن العصير ، بعد شوي رجع اجا السيد هاشم ورفيقو ..

حاولت اني ما التئم و اتأقلم مع طبيعة الشغل بس ماقدرت شي بعيد عن يلي تربيت عليه ويلي وعيت عليه ..
Telegram@rwayate
قضو سهرة طويلة بعدين راحو ، وقفو عند الباب وكانو عم يضحكو هنن ورينو عطوها ظرفين كبار ومشيو ..
سكرت الباب ونادتلي وهي عم تضحك ، التلي : رنيم اليوم طار عقلهن فيكي هالمبلغ اكبر من يلي قبلو وبحياتك مابتحلمي فيه تفضلي هاد الك ..

صرت اطمع بالمصاري كل يوم عن التاني واستمريت معا وكنت اتجاوب بأغلب الاوقات ، المصاري صارت تلعب بين ايديي واشتريت كل شي بحتاجو ..

بيوم من الايام كان في سهرة كالعادة لبست وزبطت حالي واستئبلت الضيوف بابتسامة ..
دخلو وهن صافنين فيني ، كان معهن شب بشع طوويل زيادة وضخم و اصلع .. بقولولو " ضخر "
كان اعد جنب السيد هاشم وعم يتوشوش هو ياه كل السهرة ..
Telegram@rwayate
رينو : تأخرو الباقيين يارنيم
رنيم : مين لسا بدو يجي
رينو : في رجال بيلعبو ورق اوهيك شي رح يجو
رنيم : مممم

بعد بدئايئ اندئ الباب فتحتو المدام رينو ودخلت الضيوف لان انا كنت عم ضييف يلي اعدين ..
حطت طاولة كبيرة و اعدت عليها الضيوف ، التفتت لأحكي مع رينو بس تفاجئت انو زياد جوز عمتي كان هو واحد من الرجال يلي جايين يلعبو قمار ..

ارتعبت وصرت ارجف ماعد فيني حيل اوقف كل خوفي كان انو رينو تنادي بإسمي ..
انسحبت ع الغرفة شوي شوي و اعدت جواتا بعد شوي اجت لعندي رينو سألتني شبك انتي ؟ ماتعدي برا مع العالم

رنيم : رينو مشان الله هاد جوز عمتي يلي اعد برا والله ازا شافني رح يفضحني

رينو : طيب رح اتصرف انا ..
Telegram@rwayate
طلعت لبرا وطلبت من الكل يروحو و التلن انو هي تعبانة كتير ومو خرج تكمل السهرة اعتذرت من الكل ..
وفعلاً كلن طلعو ماضل حدا غير صخر ..

رينو : مع السلامة ياجماعة لاتواخذوني ..

سكرت الباب وفاتت ، قرب لعندا صخر وقلا رينو سمعي السيد هاشم عجبتو البنت يلي اسما رنيم وبدو ياها ليلة ، ودفع مبلغ مابتتخيليه ..
خلينا نعمل يلي بدو ياه ونكسب المصاري نحنا
Telegram@rwayate
رينو : معقول !!

صخر : اي معقول هو رح يجي بكرا المسا جهزي الوضع ولاتقوليلا شي للبنت خليا فجأة ..

انا سمعت هالحكي وهالمؤامرة عليي صرت ابكي وماعد فيني اتحمل ماكان طالع بإيدي اعمل شي غير اني اسكت ، رينو اجت ع غرفتا لتنام و انا رحت ع غرفتي مشان نام بس كنت كل الليل عم ابكي وفكر بيلي رح يصير ..

ئمت لبست تيابي وضبيت شنتاية صغيرة اخدت وراقي وهويتي والمصاري وهربت من البيت طلعت و انا عم ابكي و اركد بالشوارع ، لحد ماوصلت لعند سمان بأول الشارع طلبت منو احكي تلفون ..

اتصلت ب أوس الشب يلي ساعدني من قبل كان الوقت متأخر رد عليي اوس حمدت ربي وقت رد قلتلو انا رنيم تزكرتني ..
قلي : اي تزكرت اهلا وسهلا خير في شي

رنيم : مشان الله ساعدني انا واقعة بورطة كبيرة ومافي حدا يساعدني
Telegram@rwayate
اوس : خلص اهدي شوي وين انتي رح اجي لعندك

بعد شوي وصل اوس ، طلعت معو بالسيارة وكان شكلي متدمر صرت ابكي بصووت قوي واضرب ع خدودي ..
حكيتلو يلي صار والمواقف يلي اتعرضتلا ، وحكيتلو شوبدو السيد هاشم وشو عم يخططو و انو رينو عم تهددني بالفيديوهات و انو رح تفضحني عند كل الناس ..

اول ماسمع باسم السيد هاشم سكت وصفن ، قلي هاد تاجر عقارات صح ؟

التلو : اي بتعرفو

اوس : ماعم سدئ لا ياربي لااااا
حط ايديه ع راسو وصار يبكي ..

رنيم : شبك مشان الله ، انا ازعجتك او دايئتك

اوس : هاشم بكون ابي ..
Telegram@rwayate
رنيم : شوووو

اوس : ابي تاجر عقارات وبيستثمر ابنية و اراضي والبناية يلي كنتي اعدة فيها ابي كان مستثمرة لاشتغل فيها انا وصمم شكلا ..
لكك مارح يبطل يلحئ نسوان ماشي