و صار يحلف يمين ما ياخد مني شي و قلي ( اهل حمص اخوتنا بعهد الله)
اخدت شنتايتي و نزلت… حارة كتير حلوة…
نظيفة و ريحة الياسمين عم تفوح منا..
فتت بأول دخله لقيتها بوشي… وضليت ماشيه عم اتفحص المكان..
كان وش الصبح و ريحة الخبز التازا بتغرف القلب و انا الي يومين بلا اكل و تعبانه كتير…
بيلسان: يا ولد يا ولد
الولد: نعم خالتو؟
بيلسان: حبيبي وين دكان الحلاق عبدالكريم؟؟؟
الولد: الحقيني لورجيكي وينا…
مشي قدامي و انا لحقتو و حاسه راسي رح ينفجر من المصيبه الي انا فيها…
و بس وصلنا كان عندو رجال… فات الولد ندهلو يطلع لبرا و راح
الحلاق: تفضلي اختي؟
بيلسان: يزيد فضلك ربي يكرمك انا بعتني ابو وليد يمكن حكي معك
الحلاق: ايه ايه انتي ضيفة اهل الشام من حمص؟ الف السلامة وصلتي… رح اخدك على نزل نورسين
بيلسان: نزل نورسين؟
الحلاق: ايه هاد نزل للضيوف… هو كان بيت عربي كبير بس نورسين خانوم حولتو لنزل ضيافه… و بتأجر فيه الناس الطيبه شرواكي… الحقيني بنتي.
#نزل_نورسين
#بقلم_مال_الشام
الجزء الثالث
لحقتو و ضلينا ماشين… كان يسلم على الكل و يصبحو على بعض..
فتنا بالحواري و ريحة الياسمين بكل مكان.. نسوان واقفين ع الابواب يصبحو ع بعض.. وناس حاملة بايدها صحن فول وصحن حمص… و تانين حاملين الخبز التازا… هيك لوقت ما وقف قدام بيت.. او هو نزل مو بيت
مبين كبير كتير… بيت عربي قديم
و بعد ثواني فتحتلنا البيت ست ختيارة..
ما كانت محجبة… كان شعرها غازيه الشيب… وشها فيه تجاعيد و عيونها بعد فيهن روح الشباب..
كانت لابسة ( قلابية) زرقا فيها شك لولو و مطرزة…
عبدالكريم:صباح الخير نورسين خانوم
نورسين: اهلا و سهلا تفضل
عبدالكريم: جايكي بخدمة… هالمستورة بدها غرفه
اتطلعت فيني من فوق لتحت و تفحصتني و بعدين قالتلو شو قصتها؟ ..
كان التعب هالكني…ما كنت قادرة وقف ع رجلي اكتر من هيك ضليت تابع حديثهن و انا ساكته وعم نقل عيوني من هون لهون و عم ادعي يخلصو بسرعه لفوت ارمي حالي ع الفرشه ونام نومه ان شاء الله ما بصحى منها. ..
عبدالكريم شرحلها انو انا نازحه و صبيه مرميه بالشارع و بدهن يدبرولي غرفة تئويني..
نورسين: اتطلعي فيني لشوف شو اسمك؟
بيلسان: انا اسمي بيلس… براءة اسمي…
خفت احكي اسمي الحقيقي… براءة اسم اختو لفراس… كنت اكرها كتير و هي كانت اكتر المعارضين لزواجنا… هي سبب انو فسخنا الخطوبة قبل شهرين من موعد العرس… مابعرف ليش اسمها هو اول اسم خطر ببالي… يمكن لان هي السبب بالحالة الي انا فيها!!
نورسين: ايه ماعندي غرف…
و سكرت باب البيت بس حطيت ايدي فوراً بين الباب و الحيط و ضرب الباب ع ايدي… نزلت دمعت من الوجع… و نورسين اتطلعت علي من شق الباب الي ضل مفتوح..
بيلسان: يا خانوم… مشان الله جسمي تعبان كتير خليني فوت نام ساعه و بعدها رح اطلع دور على مكان تاني…
فكرت لدقايق بعدا فتحت باب البيت على وسعو… و دارت ظهرها و قالتلي فوتي…
اتطلعت بالحلاق عبد الكريم و شكرتو…
عبدالكريم همسلي: حاولي تقنعيها هي قلبها طيب كتير..
و اعطاني شنتايتي و راح… فتت وراها و سكرت باب البيت..
و بس فتت حسيت بنسمة هوا باردة مرقت على خدي..
صوت كناري عم يغرد…
وصلت لباحة البيت… كان في بحرة و المي جاريه فيها..
و نورسين مو موجودة..
سمعت صوت صبيه جاي من الطابق الي فوق عم تضحك..
بعدين الصوت قرب و نزلت عالدرج… كانت لابسه مانطو رصاصي و حجاب ابيض…
فرح: مرحبا؟
بيلسان: اهلين..
فرح: مستأجرة جديده؟
رفعت كتافي بمعنى انو مابعرف!!
ضحكت فرح و علت صوتها و قالت: نورسين انا طالعه ع شغلي… بشوفك عالغدا
و طلعت من البيت… و انا قربت من الكناري… كان يغني و يرقص نيالو شو فرحان… يا ترى اهلي هلا شو عم يعملو؟
وين صارت ايامهن؟ وقفت جنب البحرة و نزلو دموعي..
طلعت موبايلي و بعتت رسالة لفراس: انا بمكان اسمو نزل نورسين… لا تتخلى عني انا متاكدة انك بتحبني..
عم بستناك… لا تتاخر
كبست لابعت الرسالة و وقع من ايدي الموبايل بالبحرة…
بيلسان: لك لااااا لااااا… لا يا الله لا لاااا
وقتا حسيت انو خلص اكتفيت… اكتفيت تعب و خوف..
طيب الرسالة وصلتو لما لا؟؟!!
رح يجي او لا…. انا ضعت… حياتي تدمرت
بدون وعي صرت احكي: انا وين… انا شو عم بعمل هون… بدي امي… بددددي امممي ياربي دخيلك
نورسين: شبك شو في؟
بس شفتا ارتعبت…ملامحها الها هيبة و وقار… مسحت دموعي و وقفت نفضت تيابي
بيلسان: موبايلي… موبايلي وقع بالمي
نورسين: وبدها كل هالبكي؟!
سكتت و قلت بقللي محدا عرفان شو مصيبتي!!
قربت لعندي وقعدت على كرسي قش… و كان بايدها فنجان قهوة ريحتو فاحت بارض الديار..
نورسين: بتعرفي ليش ما رضيت اجرك غرفة؟
بيلسان: لانو ما عندك غرف..؟
ضحكت نورسين ضحكة طويلة و اخدت رشفة قهوة و حكت: لا لانك كزابة..
بيلسان: عفواً؟؟؟؟؟
نورسين: ايه متل ماعم قلك...شاي
اخدت شنتايتي و نزلت… حارة كتير حلوة…
نظيفة و ريحة الياسمين عم تفوح منا..
فتت بأول دخله لقيتها بوشي… وضليت ماشيه عم اتفحص المكان..
كان وش الصبح و ريحة الخبز التازا بتغرف القلب و انا الي يومين بلا اكل و تعبانه كتير…
بيلسان: يا ولد يا ولد
الولد: نعم خالتو؟
بيلسان: حبيبي وين دكان الحلاق عبدالكريم؟؟؟
الولد: الحقيني لورجيكي وينا…
مشي قدامي و انا لحقتو و حاسه راسي رح ينفجر من المصيبه الي انا فيها…
و بس وصلنا كان عندو رجال… فات الولد ندهلو يطلع لبرا و راح
الحلاق: تفضلي اختي؟
بيلسان: يزيد فضلك ربي يكرمك انا بعتني ابو وليد يمكن حكي معك
الحلاق: ايه ايه انتي ضيفة اهل الشام من حمص؟ الف السلامة وصلتي… رح اخدك على نزل نورسين
بيلسان: نزل نورسين؟
الحلاق: ايه هاد نزل للضيوف… هو كان بيت عربي كبير بس نورسين خانوم حولتو لنزل ضيافه… و بتأجر فيه الناس الطيبه شرواكي… الحقيني بنتي.
#نزل_نورسين
#بقلم_مال_الشام
الجزء الثالث
لحقتو و ضلينا ماشين… كان يسلم على الكل و يصبحو على بعض..
فتنا بالحواري و ريحة الياسمين بكل مكان.. نسوان واقفين ع الابواب يصبحو ع بعض.. وناس حاملة بايدها صحن فول وصحن حمص… و تانين حاملين الخبز التازا… هيك لوقت ما وقف قدام بيت.. او هو نزل مو بيت
مبين كبير كتير… بيت عربي قديم
و بعد ثواني فتحتلنا البيت ست ختيارة..
ما كانت محجبة… كان شعرها غازيه الشيب… وشها فيه تجاعيد و عيونها بعد فيهن روح الشباب..
كانت لابسة ( قلابية) زرقا فيها شك لولو و مطرزة…
عبدالكريم:صباح الخير نورسين خانوم
نورسين: اهلا و سهلا تفضل
عبدالكريم: جايكي بخدمة… هالمستورة بدها غرفه
اتطلعت فيني من فوق لتحت و تفحصتني و بعدين قالتلو شو قصتها؟ ..
كان التعب هالكني…ما كنت قادرة وقف ع رجلي اكتر من هيك ضليت تابع حديثهن و انا ساكته وعم نقل عيوني من هون لهون و عم ادعي يخلصو بسرعه لفوت ارمي حالي ع الفرشه ونام نومه ان شاء الله ما بصحى منها. ..
عبدالكريم شرحلها انو انا نازحه و صبيه مرميه بالشارع و بدهن يدبرولي غرفة تئويني..
نورسين: اتطلعي فيني لشوف شو اسمك؟
بيلسان: انا اسمي بيلس… براءة اسمي…
خفت احكي اسمي الحقيقي… براءة اسم اختو لفراس… كنت اكرها كتير و هي كانت اكتر المعارضين لزواجنا… هي سبب انو فسخنا الخطوبة قبل شهرين من موعد العرس… مابعرف ليش اسمها هو اول اسم خطر ببالي… يمكن لان هي السبب بالحالة الي انا فيها!!
نورسين: ايه ماعندي غرف…
و سكرت باب البيت بس حطيت ايدي فوراً بين الباب و الحيط و ضرب الباب ع ايدي… نزلت دمعت من الوجع… و نورسين اتطلعت علي من شق الباب الي ضل مفتوح..
بيلسان: يا خانوم… مشان الله جسمي تعبان كتير خليني فوت نام ساعه و بعدها رح اطلع دور على مكان تاني…
فكرت لدقايق بعدا فتحت باب البيت على وسعو… و دارت ظهرها و قالتلي فوتي…
اتطلعت بالحلاق عبد الكريم و شكرتو…
عبدالكريم همسلي: حاولي تقنعيها هي قلبها طيب كتير..
و اعطاني شنتايتي و راح… فتت وراها و سكرت باب البيت..
و بس فتت حسيت بنسمة هوا باردة مرقت على خدي..
صوت كناري عم يغرد…
وصلت لباحة البيت… كان في بحرة و المي جاريه فيها..
و نورسين مو موجودة..
سمعت صوت صبيه جاي من الطابق الي فوق عم تضحك..
بعدين الصوت قرب و نزلت عالدرج… كانت لابسه مانطو رصاصي و حجاب ابيض…
فرح: مرحبا؟
بيلسان: اهلين..
فرح: مستأجرة جديده؟
رفعت كتافي بمعنى انو مابعرف!!
ضحكت فرح و علت صوتها و قالت: نورسين انا طالعه ع شغلي… بشوفك عالغدا
و طلعت من البيت… و انا قربت من الكناري… كان يغني و يرقص نيالو شو فرحان… يا ترى اهلي هلا شو عم يعملو؟
وين صارت ايامهن؟ وقفت جنب البحرة و نزلو دموعي..
طلعت موبايلي و بعتت رسالة لفراس: انا بمكان اسمو نزل نورسين… لا تتخلى عني انا متاكدة انك بتحبني..
عم بستناك… لا تتاخر
كبست لابعت الرسالة و وقع من ايدي الموبايل بالبحرة…
بيلسان: لك لااااا لااااا… لا يا الله لا لاااا
وقتا حسيت انو خلص اكتفيت… اكتفيت تعب و خوف..
طيب الرسالة وصلتو لما لا؟؟!!
رح يجي او لا…. انا ضعت… حياتي تدمرت
بدون وعي صرت احكي: انا وين… انا شو عم بعمل هون… بدي امي… بددددي امممي ياربي دخيلك
نورسين: شبك شو في؟
بس شفتا ارتعبت…ملامحها الها هيبة و وقار… مسحت دموعي و وقفت نفضت تيابي
بيلسان: موبايلي… موبايلي وقع بالمي
نورسين: وبدها كل هالبكي؟!
سكتت و قلت بقللي محدا عرفان شو مصيبتي!!
قربت لعندي وقعدت على كرسي قش… و كان بايدها فنجان قهوة ريحتو فاحت بارض الديار..
نورسين: بتعرفي ليش ما رضيت اجرك غرفة؟
بيلسان: لانو ما عندك غرف..؟
ضحكت نورسين ضحكة طويلة و اخدت رشفة قهوة و حكت: لا لانك كزابة..
بيلسان: عفواً؟؟؟؟؟
نورسين: ايه متل ماعم قلك...شاي
