دلة بتشبه بدلتي و يعملو عرس بيشبه عرسي .

تامر : تفضلي حبيبتي .
مايا : كل هاد ورد !
تامر : اي حلوين صح ؟
مايا : كتير حلوين .
تامر : بس انتي احلى منهن بكتير .
مايا : هههه
تامر : الله لا يحرمني هالضحكة .
مايا : الله يخليلي ياك .
_________________________________________

نورة : اية تزوجت و رح يصير عندها ولد عن قريب مرح و ايمان و نسرين كلهن نخطبو ، اخوكي تزوج بنت عمرها 19 سنة وانتي شوووو لساتك ببيت اهلك عم تحكي مع شخص وهمي انتي لازم تموتي يا نورة لازم تموتييييييييي .
*مسكت شفرة و بدي اقطع شرايني لحتى موت و ارتاح اصلا انا ميتة بهالحياة خليني موت عنجد و ارتاح .

ام تامر : نورة شو عم تعملي بنتي ؟
نورة : اتركيني ماما بدي موت بدي موووووت .
ام تامر : يا ابو تامر الحقني .

*انقذوني اهلي من الموت شالو كل الادوات الحادة من غرفتي و تركوني نام ، صحيت تاني يوم وشفت رسالة من عماد .

عماد (( اشتقتلك طول الليل ناطرك تحكيني ، انتي منيحة ؟ ))

نورة (( اي عماد انا منيحة بس نمت بكير شوي ، وانا اشتقتلك ))
*سكرت و بدلت تيابي و رحت عالنادي بشكل طبيعي ونسيت كلشي عملتو ليلة مبارح .

عماد (( ايمتا بدنا نلتقي ؟ حابب شوفك و اقعد معك ))
*شفت الرسالة لما رجعت من النادي...

نورة (( شو رأيك بكرى الساعة 12 الضهر بكفتيريا اسمها الزهور ))

*بالليل رد عليي عماد انو موافق .
_________________________________________

ابو تامر : بنتك متغيرة شوي بشوفها مبسوطة و شوي معصبة و زعلانة ، احكي معها ام تامر فهمي منها .
ام تامر : معلش هي عم تمر بفترة صعبة تركت الاكل اكتر شي بتحبو بهالدنيا توقع منها كلشي .
ابو تامر : طيب خير ان شاء الله ، بتوصيني بشي ؟
ام تامر : سلامتك حبيبي .
ابو تامر : يلا سلام .
ام تامر : الله معك .

* لبست احلى لبس عندي و تعطرت و طلعت من غرفتي .

ام تامر : شو لوين رايحة ؟
نورة : لعند اية .
ام تامر : ماشي حبيبتي لا تتاخري .
نورة : حاضر .

*رحت عالكفتريا قابلت عماد لاول مرة صرت احكي و اضحك معو كأني بعرفو من مية سنة ، كانو كل الناس عم يتطلعو فيي باستغراب ، اكيد عم يقولو معقول هالشب الحلو يقعد من بنت بهالشكل !! بس بيشوفو كيف رح انحف كرمال هالشب الحلو و صير متل عارضات الازياء .
_________________________________________

تامر : مبسوطة يا عمري ؟
مايا : البحر هو احلى مكان بجي عليه .
تامر : من اول يوم شفتك فيه صرت حب البحر كتير .
مايا : ليش شو علاقتي فيه ؟
تامر : لون عيونك متل البحر .
مايا : معناها لما تشتقلي تعال على البحر و تذكرني .
تامر : ما رح اشتقتلك .
مايا : ليش ؟
تامر : لانو ما رح خليكي تبعدي عني ولا لحظة .
#ميتة_على_قيد_الحياة
#الجزء_الثامن_الأخير
#بقلم_فتاة_من_ورق_بسمه_السباعي

*رجع اخي و مرتو من شهر العسل...

مايا : واو نورة نحفانة .
نورة : عنجد عم تحكي ولا مجاملة ؟
مايا : والله مبين عليكي نحفانة .
تامر : اي والله يا اختي مبين انو نحفانة كملي لتنحفي اكتر .
نورة : هههه اكيد بدي صير متل عارضات الازياء .
ابو تامر : ايمتا رح ترجع على شغلك ابني ؟
تامر : بكرى ان شاء الله .
ام تامر : معناها مايا بتبقى عنا و باجازتك بتروحو على بيتكن ابني بس طول فترة الدوام بتضل مايا عنا .
مايا : والله مافي داعي مرت عمو .
ام تامر : معقول مرت الغالي تقعد ببيتها لحالها ؟
تامر : حكي امي صح انا مرات بضل يومين بشغلي حاليا ضلي عند اهلي .
مايا : امركن .
ام تامر : تامر انا جهزت غرفتك الك و لمرتك طلعو ارتاحو هلأ و المسا رح تجي ام مايا و البنات يتعشو عنا .
تامر : الله يخليلي ياكي امي .
_________________________________________

*مضيت شهور و صار يبين عليي النحف اكتر و اكتر و عماد كل ما يشوفني يهنيني بقوة ارادتي و نحفي بسرعة و يتغزل فيني و مع هيك كانت عيون العالم ماعم تنشال من عليي وانا مع عماد ، بس ما هموني لانو انا و عماد صرنا نحب بعض و غير عماد ما حدا بيهمني .

*بيوم خلصت حكي مع عماد وصلتني رسالة على الفيس من حساب اسمو مجهول كان مضمون الرسالة...

((عماد عم يكذب عليكي هو ما بيحبك بس عم يتسلى فيكي هو عندو حبيبة بيحبها كتير و بيطلع معها دايما و اذا حابة تتاكدي خبريني لحتى ابعتلك اول ما شوفهن مع بعض ))

نورة (( انت كذاب عماد بيحبني الي وما بيحب حدا غيري ، ويمكن يلي عم تشوفها معو تكون اختو ، انت مين لحتى عم تخبرني وكيف بتعرف بعلاقتي مع عماد ))

*بعد ساعة وصلني رد...

مجهول (( انا بعرف كلشي و اسمي فاعل خير ، عماد ما مع اختو عماد مع حبيبتو وانا لما شوفهن مع بعض رح خبرك لتصدقيني ))

*ما صدقت الحكي وما رديت على مجهول و بقيت عم نحف حالي لحتى يشوفني عماد بأحلى صورة .
_________________________________________

مايا : تامر .
تامر : اي حبيبتي .
مايا : ايمتا بدك تجي من شغلك ؟
تامر : يمكن ما اجي اليوم حبيبتي عندي تحقيق .
مايا : بس انا و ابنك اشتقنالك .
تامر

تكن و انا وراجع من شغلي جيبكن عالبيت معي .
#زمن_الخذلان
#الجزء_الثامن_الأخير
#بقلم_فتاة_من_ورق

وهيك صرت كل يوم الصبح وديكن عند عمتكن و انا وراجع من شغلي جيبكن عالبيت معي .

*بقينا على هالحالة لحتى صار عمر لين 6 شهور وبليلة شتا ... بكيت لين كتير ...

علاء : قومي شوفي البنت شبها .
احلام : ما بعرف شبها .
علاء : طيب قومي سكتيها عالاقل .
احلام : طلقني علاء طلقني و ريحني انا ما قادرة كمل معك ما قادرة اسمع صوتك ولا صوت ولادك .
علاء : صوت ولادي ؟! ليش هدول ما ولادك كمان ؟ انتي مافي بقلبك ولا ذرة حنية ؟
احلام : اي مافي بقلبي حنية لاني بكرهك .
علاء : بتكرهيني ؟ ليش انا شو عملتلك دللتك دلال بتحلم فيه كل انثى ، تحملت تكبرك عليي وعلى ولادي وقول لحالي معلش يا علاء لساتها صغيرة ، فهميني ليش بتكرهيني بعد كل هالشي ؟
احلام : بكرهك لاني مغصوبة عليك ، بكرهك لاني ما حابة كون معك .
علاء : مغصوبة عليي ؟
احلام : اي مغصوبة عليك اهلي لما سألو عنك وعرفو انو ابوك غني زوجوني غصب عني و رفضو ايمن لانو فقير .
علاء : مين ايمن ؟
احلام : ابن خالتي و حبيبي من لما فتحت عيوني على هالدنيا وهو بحياتي ، طلبني بنفس الفترة يلي طلبتني فيها انت قبلو فيك و رفضوه لانو ابوك غني بس هو فقير عرفت ليش بكرهك .
علاء : لك ليش ما قلتيلي هالحكي من ايام الخطبة والله كنت تركتك و بعدت عنك ليش استنيتي لحتى صار عنا ولدين وحكيتي لك ليش ؟
احلام : ما قدرت حاولت كتير خبرك بس خفت من اهلي يعرفو انو انا يلي خليتك تتركني بس هلأ ما قادرة كمل والله تعبت و تعب قلبي ، بحلفلك اني ما خنتك ولا شفتو بعد ما خطبتني بس انا عم موت عالبطيئ بترجاك طلقني يا علاء بحياة اغلى شي عندك تطلقني .
علاء : يا الله انا ماعم صدق كل هالشي مخبيتيه عذبتي قلبي و عقلي معك و عذبتي ولادك وحرمتهين من حنان الام عنجد انتي ما بتستاهلي تكوني ام ... انتي طالق .

*طلقتها و بسرعة راحت لعند اهلها سمعت بعد العدة انها تزوجت ابن خالتها و بعدين ماعاد سمعت عنها شي ولا بدي اسمع ...
*******************************************

لين : ليش قلتلنا انها سافرت ؟
عبيدة : وليش لهلأ لحتى حكيتلنا قصتكن ؟
علاء : قلتلكن انها سافرت لحتى ما تطلبو مني تشوفوها لاني بكرهها كتير و هلأ لحتى حكيت استنيتكن لحتى كبرتو و نضجتو ما كان بدي تتعب نفسيتكن .
لين : انا بحبك بابا .
علاء : وانا بحبك يا عيوني .
عبيدة : الله يطول عمرك .
سماح : يا سلام على هالحب الله لا يحرمكن من بعض .
لين : ماما تعالي لجنبي شاركينا هالحب انتي امنا الحنونة يلي ما تخلت عننا ولا قسيت علينا .
سماح : وما رح اتخلى عنكن .
*******************************************

*بعد ما خلصت عدة طلاقي ابي ماعاد يخليني اطلع من البيت متل قبل و صار يقلي نظرة المجتمع تغيرت بالنسبة الك ... ما زعلت من ابي و تفهمت الوضع و حكيو ... صرت وصي امي او اخواتي على كلشي بدي ياه واطلع مرة وحدة كل شهر مع اهلي لغير جو ...

عبيدة : امي .
سماح : عيوني .
عبيدة : انا سألت عن مريم و عرفت وين بيتها .
سماح : تمام لكن انا اليوم بحكي مع ابوك بالموضوع و بكرى باخد ستك و عمتك و منروح منطلبها .
عبيدة : لك الله يخليلي ياكي وما يحرمني منك .
سماح : الله يحميك يلا حبيبي روح بدل تيابك مشان نتغدى .
عبيدة : حاضر .
لين : ماما شبو عبيدة طلع من المطبخ فرحان ؟
سماح : هههه كبر شيخ الشباب و قرر يخطب .
لين : يا روحي الله يتمملو على خير .
سماح : الله يسعد قلبك ويفرحني فيكي .
لين : يفرحك فيني ! انا خلص اخدت نصيبي من هالحياة يا امي و رضيانة الحمدلله .
سماح : انتي لساتك صبية بأول عمرك ياما في نسوان بيتطلقو و بيترملو و بيرجعو بيتزوجو ، انتي يا بنتي ما مخلوقة من ضلع بلال ولا مخلوقة من ضلع ايهاب الانسان يلي مخلوقة من ضلعو انتي عم يدور عليكي و رح يوصلك وتعيشي احلى حياة .
لين : ان شاء الله .
سماح : يلا حبيبتي ساعديني بترتيب السفرة رح يجي ابوكي من الشغل .
لين : امرك .

*تغدينا و كل واحد راح على غرفتو...

سماح : علاء
علاء : عيوني .
سماح : ما بدك تفرح ب عبيدة و تشوف علاء الصغير ؟
علاء : امنيتي يا سماح .
سماح : عبيدة حابب صبية معو بالجامعة سأل عنها والكل مدح من ادبها و اخلاقها و عرف وين بيتها وطلب مني بعد اذنك انو روح و اطلبلو ياها من اهلها .
علاء : اي بس يا سماح المصاريف .
سماح : لا تشيل هم انا فكرت بكلشي بالبداية انا و انت منساعدو ببيع من دهبي و منشتري للعروس الدهب و منعطيها المهر و بيعيش هون معنا ببيت العيلة ليتخرج هو وهي و بعدين بيطلعو بيستأجرو بيت .
علاء : تفكيرك كلو صح بس هو لساتو صغير من اسبوع طبق ال21 سنة .
سماح : خليه ياخد البنت يلي بيحبها ما بدنا نمنعو و بعدين يلومنا .
علاء : والله عم تحكي صح خلص بكرى خدي امي و اختي و روحو طلبوها .
سماح : اي من عيوني .

*وافقو اهل مريم على اخي عبيدة و قبلو بكل التخطيطات وانها تعيش ببيت العيلة ليتخرجو ...

س .

* لما خلصت العدة رفضت اتوظف لحتى ما اترك ابني و بما انو دراستي ترجمة تعاقدت مع مكتبة و صرت ترجم الروايات من الانجليزي للعربي و سلمها للمكتبة واخد اجرتي .

شيرين : يا وسيمووو يا مامي دخيل هالضحكة الحلوة يا ملاكي .
ام سعيد : ما يبلى الوسيم .
شيرين : شايفة شو لابقلو اللون الازرق يا امي .
ام سعيد : متل لون عيونو بياخد العقل .
شيرين : هاد نبضي .
ام سعيد : الله لا يحرمكن من بعض وما يحرمني منكن .
شيرين : عم يندق الباب هي اكيد ليلى .
ام سعيد : رايحة افتح .
شيرين : لا حبيبتي ارتاحي انتي انا بفتح .

*مشيت وانا عيوني على ابني التفتت و فتحت الباب جمدت مكاني من يلي شفتو اختفى صوتي و ما قدرت اتحرك ولا احكي من الصدمة...
#أنتَ_كوني
#الجزء_الثامن_الأخير
#بقلم_فتاة_من_ورق

*مشيت وانا عيوني على ابني التفتت و فتحت الباب جمدت مكاني من يلي شفتو اختفى صوتي و ما قدرت اتحرك ولا احكي من الصدمة...
سعيد : هههه شبك مصدومة هيك ؟
شيرين : شو جابك ؟ ما خفت ياخدوك من المطار ؟
سعيد : ليش لياخدوني ؟ بعدين هيك بيستقبلو اخوهن يلي ما شافوه من 4 سنين ؟

*ركضت حضنت اخي و صرت ابكي بكيت بطريقة الشكوة كأني عم اشكيلو كلشي مريت فيه ، حملتو كل القهر يلي كنت شايلتو .

سعيد : بس حبيبتي روقي انا جنبك و رجعت لقويكي و رجعلك ضحكتك .
ام سعيد : ابني حبيبي ماعم صدق عيوني .
سعيد : اشتقتلك يا غالية .
شيرين : سعيد شوف ابني شو حلو .
سعيد : الله يحميه كتير حلو .
ام سعيد : وين مرتك و ولادك ابني ؟
سعيد : نزلتهن عند بيت حمايي و انا جيت شوفكن على رواق .
شيرين : شو هالمفاجأة الحلوة اخي ما توقعتك تكون انت .
سعيد : من زمان كنت ناوي اجي بس ظروف شغلي ما سمحتلي ، و من اسبوع اشتغلت كلشي عليي لحتى سمحولي اخد اجازة .
ام سعيد : اديش اجازتك ؟
سعيد : 15 يوم .
شيرين : ما منلحق نشبع منك ومن ولادك .
سعيد : بتلحقي ، المهم هلأ اتصلو على ليلى خليها تجي .
ام سعيد : رح اتصل .

*سهرنا انا و اخواتي صرنا نسترجع ايام زمان و تمنينا لو كان ابي لسا عايش و سهران معنا...ضحكنا كتير و نسينا همنا ...
__________________________________________
باليوم التاني...

سعيد : ليلى اتصلي على عماد بدي احكي معو .
ليلى : اي اخي امرك .
*******************
عماد : الو .
سعيد : شلونك صهر .
عماد : هلا بالغالي .
سعيد : المسا الساعة 6 بدي شوفك بالكفتريا يلي كنا نسهر فيها سوا .
عماد : لعيونك .
سعيد : سلام .
*******************
ام سعيد : ابني ايمتا بدك تجيب مرتك و ولادك .
سعيد : لبكرى امي خليها تشبع من اهلها هلأ .
__________________________________________

رنا : وين كنت سيد بهاء ؟
بهاء : عند امي .
رنا : كل يوم عند امك شو ما عندك مرة تقعد معها ولا انا معتبرني رجل كرسي بهالبيت .
بهاء : لا حبيبتي ما هيك بس لازم زور امي كل يوم انتي بتعرفي هيك الاصول .
رنا : الاصول تزورها كل اسبوع و من يوم ورايح كل يوم جمعة منروح منزور امك ساعة و امي ساعة و انتهت القصة .
بهاء : طيب متل ما بدك بس روقي .
رنا : حبيبي .
بهاء : عيوني .
رنا : اسفة لاني عصبت عليك بس انا مليت لحالي بدونك .
بهاء : وانا اسف لاني تاخرت عليكي .
رنا : حبيبي بدي اشتري طقم كنب جديد .
بهاء : شووو لك هاد جبتو وقت عرسنا كيف صار قديم .
رنا : الو اكتر من 3 شهور صار قديم و كرهتو ولا بدك رفقاتي يقولو يا حرام لساتها عروس جديدة و زوجها بخيل عليها و ما بينفذلها طلباتها .
بهاء : لا شو بخيل خلص امرك بكرى بيكون عندك هالطقم .
رنا : الله يخليلي ياك .
__________________________________________

سعيد : تفضل قعود صهر .
عماد : طمني عنك .
سعيد : والله مشتقلك .
عماد : عراسي يا سعيدو قلي شو بدك مني .
سعيد : عماد انت متأكد انو الجثة يلي استلمتا جثة ادم ؟
عماد : هه شو ذكرك هلأ الو اكتر من سنتين متوفي .
سعيد : بتتذكر رفيقنا جهاد .
عماد : اي بتذكرو كان محبوس و طلع و سافر بس من لما سافر ما اتصل فيني وما عاد عرفت عنو شي .
سعيد : سافر لعندي امنتلو بيت و شغل و حكالي عن الحبس و شو صار معو و انو نحبس ظلم متلو متل كتير شباب و صادف شخص هنيك قلي اسمو ادم صالح ال**** ما حدا بيسال عنو و لهلأ ما بيعرف ليش محبوس عذبوه كتير بعدين نسيوه وانا هلأ كل رجعتي لندور على ادم يمكن يطلع هو نفسو خطيب شيرين .
عماد : اي بحكي مع ابن عمي .
سعيد : بس ما بدي حدا يعرف بالقصة مشان ما نفتح جرح شيرين

عماد : ولو يا سعيد انا رفيقك قبل ما صير صهرك و من لما كنا صغار بحفظ سرك .
سعيد : عراسي صهر يلا خلينا نرجع عالبيت هلأ و بكرى اتصل بابن عمك .
عماد : امرك .
__________________________________________

*بعد 3 ايام خبرني عماد انو لقى ادم و رحنا لحتى نشوفو و نتأكد اذا هو ...

العسكري : ادم صالح زيارة .
ادم : زيارة الي انا ؟
العسكري : اي الك يلا مشي قدامي .

*بعد كل هالسنين ما كنت متوقع حدا يزورني ، دخلت