#نْقَطًةّ_ضٍعفَ,,,,@rwayate,
#الجزء_السادس_عشر_والأخيربعد بيوم طلع عروة من الحجز لأنو ماعليه شي وطلعت نارا نور من المشفئ وراحو عالبيت ،لئت عروة
نارا :عروة اخي ،الحمدلله عسلامتك
عروة :الله يسلمك اختي...شبها نور؟
نور :مافيني شي اخي
ئرب عروة عنور وأخدها بحضنو :طولي بالك اختي ،الله يبعتلك اللي أحسن منو. ...
نارا :خلص نور قوية ومارح توئف عند هالنئطة هي
نور :انشالله...😔
وتركتون وفاتت عالغرفة وتسطحت عالتخت...
مر شهر ونور حالتها ما تحسنت ،صابها اكتئاب ونارا وعروة حاولو بكل الوسائل لحتئ يطلعوها من اللي فيها...بس بدون فايدة 😔
لها خف ومعد رضيت تشوف حدا وحتئ صارت تكوبس بالليل وتصحئ بنص الليل وهية عم تصرخ وتبكي..💔
اما نارا معد خلت اياد يشوفها وصار اياد يطلع عشغلو وهية بالغرفة ومئفلة عحالها ويرجع ويلائيها بالغرفة
بيوم صحي اياد الصبح بكير وطلع من غرفتو ووئف جنب غرفة نارا ودق الباب..
اياد :نارا...انتي صاحية
كانت نارا صاحية بس مارضيت ترد
اياد :نارا بعرف انك صاحية ،افتحي الباب خلينا نحكي...
مارضيت ترد
اياد :نارا والله مو محرزة الئصة تجافيني كل هالئد
كانت نارا عم تسمع اياد وئلبا عم يوجعها وهية عم تبكي 💔
اياد :طيب متل مابدك ،انا رايح وازا بدك اي شي رنيلي ...😔
راح لبس تيابو ...وراح..ولما سمعت نارا صوت الباب انفتح واتسكر ،طلعت من غرفتا وراحت عالمطبخ وطلع بوشا اياد...
نارا :اياد !؟ مو علئ اساس انتة رحت 😳
اياد :لما دئيت عليكي ليش مارديتي ؟يعني لو ماعملت هالحركة ماكنت رح شوفك ...؟
اتطلعت نارا باياد ولفت حالا بدها تروح عغرفتا...
مسكها اياد من كتافها ولزئها بالحيط بعنف :انا لما حاكيكي بتردي..مو بتتجاهليني وبتضلي ماشية 😠
اتطلعت نارا بعيون اياد والدموع مغرئتا..حس اياد انو زاد الطين بلة ...
اياد :نارا انا اسف انفعلت شوي ،بس سدئيني ماعم اقدر ركز بشي وانتي هيك مجافيتيني ،وعم ضل دور علئ باب صالحك منو..
نارا :فكرت مانا فارئة معك..
اياد :لك شلون مافرئت معي ...نارا أنا صاير..عم اشتئلك..❤️
بلش ئلب نارا يخفق و صفنو اتنيناتون بعيون بعض..😍
ولاشعوريا رفع اياد ايدو اليمين علئ خد نارا ولف ايدو التانية عخصرا وئرب وشو عليها وباسها عخدا التاني وضلو شفايفو لازئين بخدا وبلش يئرب علئ شفايفها وكان رح يبوسها لولا ما بلش شام يبكي فجأة...😜
انحرجت نارا ونزلت راسها ،وفتل اياد وشو عالطرف التاني وغمض عيونو وعض عشفايفو ،لأنو شام خرب عليه اللحظة..😂
بعدت نارا اياد عنها :انا رايحة شوف شام...
وراحت ركد عغرفتا...وسمعت صوت الباب انفتح وتسكر وعرفت انو اياد طلع من البيت...
حملت نارا شام وضمتو عصدرا :لك شام ..انا بحبو لأبووك ..صح هوة مجنون بس بحبو ❤️
............................/
طلع اياد بوجهو علئ بيت غيث ورن الجرس...وفتحلو غيث .
لك صحيح انا مائلتلكون كيف صارت حالة غيث بعد ماتركتو نور...صار يهمل حالو وشغلو..ويضل عطول صافن ،وصار يحب الوحدة كتير...😔
اياد :لك غيث ليش لهلأ ما لبست تيابك ؟
غيث :خلص اياد مو طالع اليوم عالشغل
اياد :اي شو عكيفك ،فوت ئدامي لشوف
وفوتو اياد واعدو جوة بالصالون ،
اياد :يخربيتك ليش هيك ريحة الشقة ما تفتح الشبابيك وتهويها
غيث :....
اياد :غيث اخي ئوم غسل والبيس خلينا نمشي بسرعة
غيث :اياد ،بدي اطلب منك شغلة ،خود هي الورقة وسلمها لمدير الفرع
وعطا الوقة ،فتح اياد الورقة وقراها...
اياد :يخربيتك بدك تستقيل لا اكيد انته جنيت 😳
غيث :اي اياد ،خلص انا مابدي هاد الشغل
اياد:وليش بئا...؟
غيث :لأنو بسببو تركتني نور...لك اياد انا حاسس حياتي فاضية وبلا طعمة من غيرها...😔
اياد: اي خود ورئتك بلا هالجنان ،يعني شو رح تستفيد ازا تركت الشغل...بعدين ازا ئصة نور هية اللي شاغلة بالك ،روح بكل بساطة ورجاع طلوب منها تسامحك ورجاع طلوب ايدها...بس مو تدمر حياتك بايدك
غيث :الشغلة مو بهالبساطة ،بحياتا مارح تسامحني 😔
اياد :ليك غيث انتة بتعرف منيح اني مريت بهالمرحلة لما توفت بيان الله يرحمها...سدئني لما ماتت حسيت الدنية وئفت ،واتمنيت اني موت وماعيش بلاها بس الحياة ماشية وبيني وبينك نارا عوضتني عن الشي يلي فئدتو مع موت بيان وتغيرت نظرتي بالحياة...
غيث :انتة بتحبا..!
اياد :اي غيث انا حبيتها ،بصراحة هي بطريقة غريبة خلتني حبا ❤️
غيث :اي ياعمي تتهنئ ،انته حياتك عمرت وانا حياتي خربت 😒
وئف اياد فجأة :ماعاش اللي بدو يخربها ،ئوم غيرلي تيابك وهذبلي دئنك وسرحلي هالشعرات حاج منكوشين ،وحياتك نور مارح تكون غير الك...بس انتة تركها عليي..😉
............................/
رجع اياد المسا عالبيت وشاف نارا ئاعدة عالكنبة وحاملة شام وعم تهزلو...
اياد :مسا الخير
نارا :ااهلين ااياد ممساالنور
اياد :ليش عم تأتأي ؟
نارا: ولا شي
رن تلفون اياد وابتسم ورد بسرعة :لك أهلين ...كيفك ...انا تمام وانتي..ههه وانا كمان مشتئلك ندوشة ☺️
