#كانت_حبيبتي ..

#الجزء_الخامس_عشر 15

سماح .. بعرف هالشي واتوقع منها اكتر من هيك كمان انت بس لوشفت حالة زوجا اليوم كيف كان يحاكي حالو من الصدمة
وحبيت حذرك انو تدير بالك زوجها ناوي يعملك مشكلة ويمكن يدبحك لهيك لا تقابل منى ولا تشوفها يمكن يكون براقبها وهالفترة هي اختفي احسن لا تخسر حياتك
وانا بدي روح باي
فراس .. انا تستغبيني يا منى
راحت سماح لعند ماهر
سماح .. ماهر بدي قلك انو انا شفت الشب الي بدو يتزوجها لمنى
ماهر .. وين شفتيه خبريني
سماح .. طلع مابيعرف شي ومنى مكزبة عليه وقايليتلو اهلها مزوجينها الك غصبن عنها
وانو انتو عم تمشو اوراق الطلاق لحتى تتطلقو
لهيك هوا وعدها بالزواج
ماهر .. اي شو بفيدني هالحكي
سماح .. لا تعملو شي والله هوي بريئ
ومنى لا توسخ ايديك فيها ما بتستاهل
ماهر .. مابقدر الا حتى موتها
سماح .. ليش كم مره انت سدئتها وهي ترجع وتعمل فيك ازود من اول
شو ماعملت مارح تستفيد شي لانو هيك الله خلئها الدم الي فيها خبيث ومستحيل بيوم من الايام تتغير
اتركها وتسطفل بحياتها والله رح يجازيها
سماح .. شو شايفك ساكت
ماهر .. شو بدي احكي
حكت منى مع فراس
منى .. فراس وين انت تعا خدني انا اتطلقت و عم بمشي بالشوارع
فراس .. وحده متلك خاينة مابتلزمني
منى .. شو شو بتقصد
فراس .. منى رفيقتك خبرتني عن كل عمايلك وانتي حرمتي الشب من فرحتو بأبنو وبصراحة مابقدر امن ع ابني مع وحده متلك وهاد الرقم بتنسيه تفووو عليكي وحده تافهة
منى .. بس فراس الو الو
منى انجنت وصارت تصيح بالشوارع
لك الله ياخدكن كلكن
كلكن كلاب ومجانين
قال انا تافهة لك انا اكتر وحده حلوة وانيقة وفهمانة بالدنيا كلا وانتو ما بتستاهلوني ههههه بعرف انا احسن منكن وانتي يا سماح انتي بتغاري مني
منى قعدت بالشارع وصارت تشلخ بشعرا
الناس كلا التمو حوالي منى
منى .. راح ابني وكلهم كلهم راحو ماهر وفراس وسماح وابني كلهم راحو وطارو ماضل غير انا
شوفو شوفو كيف عم بضرب حالي وبشد شعري شوفو
سماح .. ماهر شو بدك تعمل هلأ
ماهر .. هوا مارح اعملو شي بس منى رح انتقم منها
رن موبايلو لماهر رقم غريب
ماهر .. مين معي
لوين بدي اجي
طيب ليش
احكيلي شو في
طيب خمس دقايق وبكون هنيك
سماح .. شو في
ماهر .. واحد بقول تعال بسرعة
سماح .. لوين وليش
ماهر .. وصفلي العنوان ومارضي يقول مابعرف ليش
سماح .. رح اجي معك
ماهر .. يلا قومي
وصل ماهر ع المكان وشاف جمعة ناس دخل هوا وسماح بينهن وشاف منى
منى .. هاد هاد هوا الي قتل ابني كان عمرو 9 شهور موتو ودبحو وهي الي معو هي ربت ابني وكانت تعاملو مو منيح
ماهر تفاجأ من المنظر الي شافو بس ماتأثر ابدا
سماح .. ماهر انت شايف الي عم بشوفو
ماهر .. اي شايف
يلا نمشي
سماح .. بس
ماهر .. يالله سماح
بالسيارة ...
ماهر .. ان الله يمهل ولا يهمل
سماح .. لأنها عملت ذنب كبير كتير الله جازاها
بعد ماكل الناس عرفو انو منى جنت وعرفو شو السبب مرق اسبوع ماهر ماطلع من بيتو وكان بحالة وحدة واكتئاب وماحدا يروح عليه
بس سماح كانت تتصل فيه وتتطمن عنو بس يحكي بدون نفس
سماح راحت لعند ماهر
سماح .. معليش فوت
ماهر .. فوتي
سماح .. ماهر ليش هيك حالتك شوف لوين وصلت شوف حالت البيت وريحتو كلا دخان
ماهر .. مو مهم
سماح .. ماهر صرلك اسبوع ع هالحالة ايمتا بدك تطلع منها
ماهر .. اخ اخ يا سماح ليش بدي اطلع منها مرتاح هيك
انا لشو حياتي قال الي مالو حظ لا يتعب ولا يشقا
سماح .. عم بتخوفني عليك بحكيك هاد
ماهر .. هههه بتخافي علي من شو انا مالي ولد صغير او شب مراهق او اني جنيت بس القصة انو انا تعبت والله تعبت بدي ارتاح بدي غير حياتي عم بحاول اطلع من هالجو بس ماعم بقدر
سماح .. ماهر انا بحبك والله العظيم بحبك وخايفة عليك وماعم بتروح من تفكيري
ماهر .. بتحبيني ؟
سماح .. اي بحبك
ماهر .. على شو
سماح .. ع كل شي فيك
ماهر .. سماح بدي صححلك حكيك في فرق بين الحب والشفئة
انتي شفئانة عليي مو هيك
سماح .. ماهر انا بحبك مو شفئانة عليك
ماهر .. لك بالله جد بلا هالحكي ع شو بتحبيني ع حياتي الحلوة ولا ع حظي يلي بيفلق الصخر
ولا ع شو ولا شو
سماح .. قلتلك بحبك ع كل شي فيك
ماهر .. يعني كان مزبوط كلاما لمنى انتي كنتي بتحبيني
سماح .. لا والله العظيم ماصار هالشي الا من بعد ما تطلقت انت ومنى
ماهر .. للأسف سماح شو بدك فيني انتي دكتورة وعيشي حياتك مع واحد يقدر يسعدك انا خلص لا بدي اتزوج ولا حب ولا شي
سماح .. يعني شو لساتك بتفكر بمنى وبتحبها
ماهر .. منى #كانت_حبيبتي
سماح .. طيب ع راحتك انا بدي روح باي
ماهر .. سماح لا تزعلي مني
سماح .. لا ليش بدي ازعل
طلعت سماح وهي تبكي من عند ماهر
بس كانت متوقعة ردة فعلو هي ومع هيك حكتلو انها بتحبو
بعد كم يوم ماهر فتح الرسالة الي بعتتها سماح وضل يقرئها
وكان يتذكر حكيو مع سماح وقت كانو يشوفو بعض او يحكو مع بعض
ماهر طلع من البيت وراح لعند سماح
سماح .. اهلا ماهر منيح واخيرا طلعت من البيت