_10_
@rwayate
تضحك وتقول: طيب من زمان نحكي لعمي فايز يجوا الجماعه كان ارتحنا
ابوعلي: المره زبطت معك يابنت فاطمه
امل بضحك: ولا انا بنتها مش حياالله
_____
مصطفى بتعب: انا آسف ازعجتكم
زبيده: ما تقول هيك يابن بطني
مهدي: ابني مصطفى
نظر له مصطفى غير مصدقا
مهدي بانكسار: سامحني يابني
نظر له مصطفى باستفسار
مهدي: ليش ما خبرتنا من زمان ..ليش تحمل حالك المسؤوليه بموت اخوك
مصطفى بتعب: شو بتقول يابي انـ انا قتلت اخي
زبيده ببكاء: بكفي كذب طول هالسنين عرفنا كل اشي يا حبيبي
مصطفى : سامر حكالكم
زبيدة: لأ في وحدة أجت عنا وحكتلنا
مصطفى: وحدة؟!
زبيده تغمز له: شكلها بتحبك ياولد
مصطفى في سره: فش غيرها اللي كانت لاحقتني ع الدعسه شكلها سمعتني وانا بحكي لسامر..شو بدي اعمل فيها هالمخلوقه
مهدي: ابني
مصطفى: بابا ما تحكي اشي..انا مسامحكم ومابدي اعتذارات ما بحبها
زبيده: إنت تؤمر .. (نظرت لزوجها) توقعت اشوفها لهالبنت دخلت قلبي بس مش موجوده
مهدي: تخافيش اكيد رح تشوفيها..مادام بتحب مصطفى اكيد رح تيجي
مصطفى باحراج وتعب: شو بتحكوا
زبيده: إنت قوم بالسلامه ورح اخطبلك إياها
مصطفى: شو شايفك مخططه
زبيده: عيني بعينك مش رايدها بالرغم فرق الحجم بينكم
مهدي: زبيده بكفي حكي الولد تعبان.. خليه يرتاح
زبيده بابتسامه: حاضر
______
بعد مرور عدد من الأيام
مصطفى: مش هين طريق بيتي
مهدي: شو طريق بيتك بدك تيجي ع بيت العيله
مصطفى بغصه: ابي انا متعود ع بيتي اسمحولي يعني
مهدي بتأنيب: مابدك تقعد عنا
محمود: لأ بدو يجي انا حضرتلك سرير في غرفتي
راما بضحك: كنا بدنا نجهزلك غرفه لحالك بس محمود ما قبل
مصطفى يبتسم بخفوت
__
سامر : الحمدلله على سلامتك يا زعيم
مصطفى: الله يسلمك بس ما تحكيلي زعيم.. مش لابقلي
سائد: لابقلك يا كبير
مصطفى: وين هاني
سائد: قال شو خجلان يجي ع بيتكم من ابوك
مصطفى لاويا فمه: مش من عوايده
سامر يهمس له: كل ما بتشوفني بتسألني عنك وعن صحتك
مصطفى : مين؟
سامر لاويا فمه: يعني مش عارف مين
سائد: ليش بتتهامسوا..يعني يا دكتور مش حلوه بحقك
سامر: سكتنا يا سائد افندي
___
يتكئ على عصا في مشتيه لكسر في قدمه ... يجد أباه يجلس على شرفه المنزل وسارحا..أحس عليه
مهدي: تعال مصطفى
جلس مقابلا له
مهدي: سامحتني يابني
مصطفى: انا من زمان مسامحك يابي
مهدي بحزن: اللي بدك إياه بعملك إياه ...خليني اكفر عن ذنبي
مصطفى: تشكر يا حج ما بتقصر..بس عندي طلب واحد
مهدي: إذا بدك تتزوج ما عندي مانع
مصطفى: سيبك مني راما
مهدي: اه صحيحي ذكرتني احكي مع هاني وخليه يجي يتقدملها
ابتسم بسعاده: ربنا يخليك
__
بعد مرور عدد من الأيام ..يذهب للجامعه تراه فتسعد وتعود الحيويه لوجهها..لكنها تتهرب من أن يراها
أمل تمشي بسرعه وتقول في سرها: يا ويلي لاحقني رحتي فيها يابنت فاطمه رح يقضي عليكِ راحت عليك وإنت بعز شبابك يا ويلي
قال بصوت مرتفع: وقفي شوي
قالت بفزع وصوت ظاهر: يا ويلي ..والله ما عملت اشي ..ما لحقتك
نظر لها باستغراب لكنه قال بتسليه: خايفه
امل بجرأه كاذبه: انا بخفش الا من ربنا
مصطفى: طيب ممتاز ..ليش هاربه
امل : انا مش هاربه ..بس إنت مش قلتلي ما تلحقيني
مصطفى اقترب منها: اه قلتلك ..بتروحي ع بيت اهلي وبتحكي كل اشي
امل ابتلعت ريقها: والله ما كان قصدي بس
مصطفى: بس شو
امل: انا انا آسفه
مصطفى بتسليه: وين أصرفوا أسفك
امل بتلقائيه: من دكان ابو مصباح (ادركت ما قالت. فوضعت يديها على فهما)
ابتسم لا اراديا
امل ابتلعت ريقها: أروح
مصطفى: شو عنوان بيتكم
فتحت فهما ببلاهة
مصطفى: إنت هبله
امل وضعت يدها على خصرها ورفعت اصبعها اشاره له بالتهديد:ما بسمحلك
أدار وجهه وابتسم وذهب عنها دون أن ينطق بحرف
زمت شفتيها وقالت في صوت مسموع: ثقيل دم أوووف
___
#الخاتمة:بعد مرور ثلاثة شهور
راما: ههههه مش مبينه جنبيه
هاني: بس لابقين لبعض صح
راما: اها بس شخصيتين متناقضتين عن بعض
هاني: والله رح تجننوا للزعيم
وضعت يدها في يده: ربنا يسعدهم
هاني: آمين
تقدم سائد قائلا بمزاح: شو عصافير الحب بحكوا
نظرت له شزرا
هاني بامتعاض: شو بدك يا ثقيل الدم
سائد: هههه حابب أخفف دم
هاني: خِفة
راما : عقبالك
سائد: لأ هيك اريحلي..أنا أخنق حالي بوحده وين رايح وليش اتأخرت وليش رحتك هيك ..العب مع نفسك اريحلك
هاني: آخرتك رح تِقع
_
امل: أوووف زهقت يلا نروح
مصطفى: اقعدي شوي لسا بدري
امل: طيب جعانة
مصطفى: خلص اقعدي اهدي طوشتيني
جاء إليهم جدها: مالك يا عقلة الإصبع اللي ما بتهدى ولا بتخلي الواحد يهدى
امل متبرمه: جعانه يا ابوعلي ..شايف إذا من هسا ما بدو يطعميني رح يرميني بالقلة
ابوعلي نظر لمصطفى: الله يعينك يابني
مصطفى: رح أوخذ أجر لأني سترت عليها
يضحك الجد ويقول: ربنا يسعدكم
___________
نهض صباحا وجدها ما زالت نائمه... بعد مرور ما يقرب ساعتين دخل للغرفه لم يجدها بحث عنها لا يوجد لها أثر
مصطفى يحك رأسه: وين راحت هالمجنونه
خرجت من داخل الخزانه قائله : انا مش مجنونه هاا