#عدي:-لك انا مو بس نغش انا اكتر واحد رومانسي بالكون بحب المرأة وبحب جمالها ... يؤبروني بنات العرب قبرة قبرة...

((امين ))

#انت كم عمرك حبيبي..

((وبكذب جاوب عليه لان بعرف عمروا 28 ..

#عدي:- بالاول انتي

#انا 30 ((وهون زدت عمري لاعرف لوين رح يصل ....

# عدي :-يؤبرني الكربوج وانا 33 سنة



#ياااي مع اني شفتك اصغر من هيك

#عدي:-هيك بقولو الشباب .والصبايا ..لاني شخصية ...

#عندي سؤال فضولي
...

#عدي:-ياعمري اسألي...

#انت عندك شريكة حياة حبيبة ...صديقة اي شي...
Telegram@rwayate
#عدي:-بصراحة وبدون كذب انا بعجب كتير بصبايا بس ولا وحدة دخلت قلبي..يعني بدي اتزوج واجيب اولاد ..((وهو عندو من سمر اولاد ومن الحرباية كمان ))بس مالقيت البنت المناسبة لتملك قلبي انا رجل شرقي يعني اختياري للنساء مو سهل ..بس عندي احساس اني رح لاقيها عن قريب..وتكون بتشبه الملاك...

#واذا لقيتها...رح تاخدها بس حبيبة ولا زوجة..

#عدي:-انا كتير نفسي اتزوج وافتح بيت ويصير عندي اطفال...واحب زوجتي بس العمر بعدو طويل قدامي..
#احترمي حالك وعد..والا اقسم بالله بقص لسانك..اطلعي من غرفتي وبس يجي ابوكِ احكيله شو بدك!
اطلعت فيني وضحكت بخبث..
الليلة منشوف...ما بتستحي.
"شفت بعيون اختي اتانية وحقد، معقول كل هاد لأنه خايفة على مصيرها من بعد فضحيتي!"
بعثت رسالة لمراد..
"مراد انا رح اتخلص من التلفون..سامحني..اخت هددتني ورح تحكي لابي الليلة..

كنت سايق بس وصلت رسالة ما تحملت صف على جنب..فتحتها وقرأت رسالتها..!
جنيت هاد يلي كان ناقص هلأ!
بعثت برد.
ليلى ما في وسيلة اتصال تانية..دبريها اخفي التلفون باي محل..
رجعت.
بخاف يمسكوه..جسمي مو حمل ضرب يا مراد..

رجعتلها بدون ما فكر مرتين.
اذا ضربوكِ الليلة او اكتشفوا مكان التلفون انا بموت على الحالتين..تعالي نتفق على شي!

وقفت على جنب وفكرت..
ليلى ابوك رفض طلبي متل ما بتعرفي، وانا شامم ريحة مو نظيفة، لازم نساعد بعض.
رجعتلي برسالة..
كيف؟
رجعتلها..
ورغم انه كنت متوتر كتبت الكلمة ومسحتها اكثر من مرة..
_كنت على اعصابي..خايفة وعد تجي على غفلة او يصير شي..مراد عم يكتب ويمحى وانا على اعصابي..رجعتله بعلامة سؤال ؟؟
رجعلي..
ما في حل تاني اهربي.
قرأت الرسالة ..ورجعت بدون ما افكر.
مستحيل. الفضيحة بتكبر واهلي ممكن يقتلوك..ويقتلوني.
رجعلي..
ليلى راسي مسكر وما عارف افكر..بس لازم اضل على تواصل معك..وليلى ما تعطيها سرك..اخفيي التلفون منشان الله ليلى ما تحرمني منك..انا ما عارف اعمل شي بدون ما كون على تواصل معك.ليلى شغلي مخك واخفي التلفون .

شعرت بخطوات تجسس قريبة من غرفتي، كان واضح انه وعد حابة تمسكني بالجرم المشهود خبيت التلفون بصدري وطلعت من الغرفة.
ما خاب ظني..وعد عم تحاول توقعني..
رحت للحمام وفكرت وين ممكن اخفي التلفون..
خطرلي خبيه بأي محل خارج نطاق غرفتي. وبما انه ممنوع اتجول بالبيت غير على الحمام..فتلفوني رح يتخبى بس بالحمام!
وبسيفون المية تحديدًا..لفيته باحكام بكيس نايلون وفتحت سيفون المية وحطيت التلفون فيه بعد ما تأكد انه المية ما حتوصله....
__________

بما انه الخبر كثير اسعدني، حبيت عكر صفو مزاجه لمراد!!
رنيت على تلفونه...

اقسم بالله ما عم اكذب مراد. رح يزوجوها...انا حتى ما تنصدم خبرتك...خايفة عليك!!
#انت منين بتجبي هالمعلومات؟
العصفورة حكتلي!
#وشو حكتلك العصفورة كمان؟
حكتلي العصفورة انه انت لازم تنسى ليلى لصالحك.
#احكي للعصفورة، مراد كلشي تعلمه بالحياة..بس ما تعلم كيف يتخلى وما تعلم كيف ينسى.
تصطفل، خليك عايش باوهامك

____________
#هالبنت رح تفضحني..
انت متأكدة أبي؟
على الاغلب متأكدة...كانت متوترة..انا حكيت لأنه بخاف يصير شي اكبر!
#تركت كل شي وطلعت لغرفتها انا واخوتها التنين وعد وزين.
ضربت وسبيت..عنيدة هالبنت وما بتستسلم..انكرت انه معا تلفون..قلبنا الغرفة وما كان يطلع شي..
#بابا والله ما عم كذب..
كانت على طرف السرير ما حكت شي..ضربتا ما اعترضت..سبيتا ما جاوبت.
صمتها وجمودها بيقتلوني.
اطلعت بعيوني..كانت نظرتها عم توحي بكثير شغلات..ويمكن نظرة قرف من البنت لابوها..بعدت عيوني عنها وكأنه كنت عم اهرب..
#انت اضطرتيني اعمل هيك
لا تطلعي فيني هيك!!
ومو الشهر الجاي، اعملي حسابك..اسبوع واحد معك..رح خلي تهجي من هون..رح ارميكِ ببلاد الكلب والكلبة يا كلبة..انا وحدة متلك تحط راسي بالتراب. كل عمرك عايشة اميرة.
سلمتي حالك لواحد واطي يا كلبة!
حضري حالك..رح تتنقلعي من هون.

طلع من الغرفة ومعهخواتي التنتين، اديش،الحياة ممكن تتغير بين يوم وليلة!
معقول هاد ابي!!!!
____

مضى تلات ايام ما عم اتواصل مع ليلى..
وعم راقب محمود الراسي من بعيد، سيارة bmw وتطورات واضحة..
دخلت على حساب البنك الخاص بأبي ومع الأسف ابي كان مغير الرقم السري! وهاد دليل كبير انه عم يطبخ شي بدون علمي...
ما ضل قدامي غير حل واحد.
محمود الراسي..لازم يوقع بفخي!
ابي ومحمود الراسي خططوا حتى تنفضح ليلى!
وهالشي ما بده تنين يحكوا فيه!
كيف وليش وكل هالتفاصيل لازم اكشفها.باقرب وقت..دورت سيارتي وتوجهت نحو عيادة الدكتورة ريم.

________
خبر طلاقي وزواجي الجديد ما كان بينهن اسبوع!
عاملوني معاملة سيئة جدًا وكل هاد لأنه حبيت مراد.
كنت بنت أبي المدللة قبل ما يكتشف ابي علاقتي بمراد، تمنيت يحبني ويحتويني..يمكن كنت بالف خير بس معاملته السيئة وزاجي من محمود وطلاقي بنفس اليوم هدولي حيلي وحيا ابي، عملوا منه وحش كاسر ومتل ما بتعامل على العالم صار يتعامل معي!!!!!!!
_انت كيف عرفتي بهالتفاصيل هبة؟
الناس عم تحكي؟
_اي ناس؟ لك اذا انا لسة ما عرفت..شو يعني اهلي نشروا الخبر؟
ما بعرف بس سمعت انه ابوك بدو يزوجك..ليش حتى تعترضي وتنوحي..خلص يا هبلة احسن الك..
الكلبة هربت من الصالون..هاي شباك الصالون لسة مفتوح..عرفت شو تعمل..
ماشي يا بنت الكلاب انا بجيبك لو كنتِ بسابع ارض انت والكلب يلي معك!
______
بتراقبوا بيته..بس يطلع بتجيبوه لعندي.
#امرك معلم.
___
اهلي بالبيت ما شعروا بشي..الساعة وحدة ونص طلعت من البيت حتى روح اشتري تلفون واتفحص الجو اكيد رح يستناني شي كبير!
#شوو امي وين يا مسهل؟
_ولا شي..طالع لعند ابي على الشركة وعندي كم شغلة ليش بدك شي؟
#لا تتأخر بنتك جاي لعندك اليوم..
ماشي..ولا يهمك..
طلعت من البيت وكنت شاكك برجعتي.
_____

عمي ابو علي اتصل لمراد اطمن عليه؟!
#يا بنتي الله يرضى عليك تهدي، حكى ما تتصلوا حتى انا اتصل..انا يا بنتي زلمي مستور الله يرضى عليك لا تطلبي اكتر من طاقتي..
سكتت وما حكيت..واضح انه الزلمي خايف كثير من هالحالة يلي وصلناه الها..
_
بقبو تحت شركة مروان سالم بتم عمليات التعذيب الاسطوري.
عصبة من الرجال ذات عضل مفتول، موظفين لهاد الشغل تحديدًا..هدول الناس ابي ما بظن تعامل معهم من قبل!
وهاد بعني انه مروان سالم اخطر من ابي والعن.
وصل مروان سالم بعد ما تم القاء القبض عليي..
#شوو مراد فواز المحترم مضيوف عنا..
_شوفة عينك، رجالك مدربين منيح..عرفوا يصيدوني.
#وين البنت؟
_بنتك يعني؟
صرخ صوت قوي..وضرب ايده بايده...
#ما تلعب معي يا ولد!!!!!!!
_ما عم العب معك ..انت بتفتش على بنتك وشو متوقع مني؟ يعني على فرض انه بعرف مكانها حسب رايك رح احكيلك؟
#ووقح كمان..؟
رح تحكيلي ايه..لأنه اذا ما حكيت رح يكون مثواك الليلة..جهنم وبئس المصير!!!
الاعمار بيد الله..
#ولللك وين بنتي.؟
ما بعرف عن شو عم تحكي!
#اطلع بنتي وخود شو بدك..بس ما توصلني لوضع اقتلك واقتلها..
شفت شباب تنين عم يسخنوا سيخ حديد.فهمت انه اللعب الحقيقي بلش..
وهالزلمي ما رح يصغرها..
يعني دخلك اذا حرقت وعذبت بكون خلص؟
واذا متت انا ...انت بتلاقي بنتك؟
اذا مو حابب توصل لهون..احكي وين البنت وما بصير عليك شي..
اطلعت فيه وضحكت صار لازم اكشف المستور.
يلي ما حكيته لهاي اللحظة.
بدك تقتلني ما في اي مشكلة..بس تأكد انه بعد وفاتي فضيحتك انت وعيلتك بتصير فضيحتين..
اطلع فيني وضحك..
قرب السيخ مني..شعرت بالحم عم يطلع منه.
#بتهددني يا ولد؟
بهددك طالما انت بتهددني اكيد..متل ما انت بتعرف توقع الناس وبتعرف تصطاد بالمية العكرة وكمان الناس نفس الشي!!
سيد مرواز الناس صاحية منيح وبتعرف توقعك انا ممكن افضحك حتى لو بعد موتي.
#عن اي فضيحة بتحكي يا وغد؟
بالبنط العريض. مروان سالم وهبة فتحي يقيمان علاقة سرية!
جن جنونه..ضرب السيخ بالارض..
#انت عن شو عم تحكي يا ولد؟
اتركني..ما تخاف ما رح افضحك..وبنتك بشطارتك فتش عليها..متل ما انت عندك خفافيش بتشتغل لجنابك وانا كمان عندي خفافيش بتشتغل بالليل وبتطارد امثالك.
#يعني عم تراقبني؟
هيك شي!
ومعي فيديو كامل. تصور من غرفة نومك انت وهبة ممكن ينتشر ..بعد وفاتي
جن جنونه..وصار يضرب يمين وشمال..
#وين الفيديو؟
بتلفوني..
سحبت التلفون وفرجيته حاله. بأوسخ منظر.
#الفيديو مع غيرك؟
اطلعت فيه وضحكت..
وين كنا ووين صرنا..كان مهم عندك تعرف وين ليلى وهلأ صار مهم الفيديو؟.
ايه يا سيدي الفيديو معي ومع غيري..وما بطلع الا بحالة وحدة! بحالة اذا انت قتلتني او مسيت شعرة مني ومن ليلى..
ومو بس هيك تنازل خطي عن ارضنا..
(كان مصدوم من شو سمع..عم يفتل بالقبو متل المجانين..المسدس بايده مرة يصوبه تجاهي ومرة يضرب رصاص على سقف القبو..رجاله خايفين..اما انا الوحيد يلي كنت بارد الاعصاب ..
تذكرت كيف الصدفة لعبت دور منيح لحظي وممكن لحظ ليليى.رغم كل الخوف كنت واثق انه هالشي رح يكون لصالحنا..بالاسبوع الاخير ووقت شكيت بهبة، راقبتها..وانصدمت بس شفت يلي شفته، بلا ما فكر مرتين، دخلت بالسر على بيت مروان وركبت كميرا مراقبة متصلة بتلفوني..كنت شاعر انه هالشي ممكن يكون لصالحي وصدق شعوري.)
#اطلعني من هون..
رجع ارض ابي..
و جوزني بنتك وبنتهي الامر.
بستر عليكْ، وبكسب بنتك.
شو قلت؟
قرب مني..حرارة انفاسه شعرت فيها..
ضحك ضحكة هزت المكان وضرب رصاص بالسقف..
#حلمك متل حلم ابليس بالجنة..تعليقات ودعمممم يا جماعة..
👍👍👍 حطووووا لايك قبل القراءة لطفًا🌹🌹🌹🌹

#حنين_ابو_صلاح
#كيف_أنسى❤❤❤
الجزء الثامن.
على ما يبدو نسيت انت مين يا ولد!!
ولسة ما عارف مع مين عم تلعب..قرب مني وصفعني كف جاب العصافير فوق عيوني.
اطلع بنتي عم قولك.
اطلعت فيه وضحكت:
ما بعرف مكانها..واعلى ما بخيلك اركبه.
هز براسه وواضح انه استسلسم بشكل مؤقت..جحر فيني وركّز نظره على عيوني، اشر باصبعه السبابة تجاهي وحكى بصوت من حديد.
نزلت ستي وشالتني عن الارض.
تعي يا ستي..مسكت بايدي وقعدت بالصالون جنبا.
انا ما كنت عم احكي ولا كنت مهتمة بشو عم يحكي. انا كان في شي بداخلي عم يموت. كانت اعصابي باردة. بس همي اعرف شو رح يصير برة.
الحاسة الوحيدة يلي كانت عم تشتغل عندي حاسة السمع وباقي الحواس ماتت!
كنت خايف اسمع صوت الرصاص واطلاق نار بهاللحظات.
_____
وهاي انا وانت على انفراد.
شو سيد مراد،فهمت ولا بعدك مو فاهم شو يعني تلعب معي؟
كنت مضطر ساومه وما اتلاعب بالكلام، حاليًا لازم اكسب وِدّه.
عرفت. وعرفت كثير شغلات.
#ملفاتت الفيديو بينمحو وخلال نص ساعة بنتك بتوخدها وما عاد بدي شوف وجهك. والا اقسم بالله حياتك وحياة بنتك بنهيهها وأنا بس احكي بنفذ يا ولد.
#وشو الضمان انه بنتي ترجعلي؟
اطلع فيني ومسح شاربه بايديه.
ما عندي ضمانات.
#انا مستعد امحى الفيديو ومستعد اتنازل عن حالي وعن اهلي مو مقابل بنتي. مقابل شرف ليلى يلي انمسح بلارض.
اطلع فيني وضرب ايديه بطاولة ..
بنتي ما بتجيب سيرتها.بتنساها..بتشيلها من راسك.
#ما بقدر. اذا جاي تطلب مني هيك طلب انا بحكيلك ما بقدر انسى. انتِ وأبي بتقدروا بس انا وليلى ما بنقدر، محمود الراسي يلي امنته على بنتك لعب مع أبي لعبة عاطلة . انا بحكي هلأ لانه ما عادت تفرق عيش او موت.
اسمع يا ولد..اذا جاي تفتح قصص ما الك فيها هلأ بقضي عليك.
#لا تقاطعني وخليني خلص كلامي، بما انك اخدت ارض ابي عنوة ونكاية بأبي أبي قرر يعاقبك عملني وسيلة حتى أنا ضحي بشرف بنتك بس انا حبيت والي بحب ما بقدر يرتكب شي بمس يلي بحبه، كل الي صار باتفاق مع ابي ومحمود. ومعي تسجيل صوتي.
انا بحكي الحق لأنه بدي الصلح.
بدي بنتك بالحلال.
بدي اظهر حقيقة اطهر مخلوقة راحت ضحيتك وضحية ابي.
قرب مني وكان بده يخنقني..
يا ابن الكلب وجاي تحكي بكل وقاحة.
رفعتله ايدي ..هاي الايد طاهرة وما بتخاف من الحق. بنتك شريفة بتقدر توخدها عند كل الدكاترة.
#اطلع من هون يا حقير.
اطلعت فيه وكملت كلامي...
شاري بنتك ومتنازل عن كل شي ارض ومال. الفيديوهات ومقابل بنتي بنتك فكر منيح.
بنتك رح صونها وعيشها عيشة كرامة.
لا ترميها برة البلاد.
اطلعت فيه وكنت بدي اهجم عليه.شلت المسدس من خصري.
انت عم تلعب بدمك، كل الي عم عيشه بسببك انت وابوك يا واطي.
#الي عم تعيشه بسبب اعمالك انتِ وأبي..حاليًا انتو التنين عم تحصدوا شو زرعتوا. انا وليلى ورثنا افضل ما فيكم والباقي تركنا الكم.
فكرررر منيح بعد ساعة بدي جواي.
ديروا بالكم على بناتي التنتين.
__
طلع من عندي. حتى بدون مل يستأذني. اطلعوا فيني الحراس ومن صدمتي ما ناقشت.
بدون حتى ما يسمع ردي طلع.
عنيد . جريء. اله كلمته. وما بخاف ابدًا.
عارف انه أنا مو الشخص الهين ومع هيك واجهني وبكل مرة كنت خاف منه اكثر.
رغم معرفته انه عملة ابوه ما رح اسكت عليها اعترف.
هدول الناس رغم قوتي ونفوذي بخوفوني.
كلشي توقعته الا هالشي.
مراد فواز يساومني على بنتي ويظهر شرفها مقابل حياة ابوه.
هيك شخص مستحيل يرتكب اي شي ممكن يخسره ليلى. لذلك قررت ابعث بنته.
__
كانوا بالبيت عم يقذفوني ويسبوني ويشتموني.كان البيت عبارة عن مدبرة اما أنا كنت بعالم ثاني.
الثانية كانت بالنسبة الي سنة.
كل مازاد الوقت زاد الخوف والقلق.
دخل أبي على البيت اخواتي الاربعة وامي فجاة سكتوا،أما أنا ارتاح قلبي شوي.
#شو صار؟
اطلع فيني أبي وطلب من اخواتي الاربعة يطلعوا من عنا.
#انت بدك تتجوزي هاد الكلب الي اسمه مراد؟
كانت صدمتي قوية. شو عم يحكي يمكن ما فهمت.
امي وستي انصدموا متلي
(هلأ بعد كل هالفضايح بدك تعطيه البنت يا امي؟ حكيتلك استر هالطابق ولمه بس هلأ تذكرت..اذا اقتنعت تعطيه البنت ليش لحتى توصلنا لهون.)
امي ما حكت شي.
وأنا ما حكيت شي.
#اذا بدك تتجوزيه اعملي حسابك أنه على هالبيت الك واله ما في فوتة على هالبيت.
انا انفضح..اقسم بالله لولا حكي الناس بس.
بدي اقتلك واقتله. فضحتيني يا خسيسة.

#مما بدي اتجوزه. ولا بدي اتجوز غيره.
بدي موت، اذا بتحبني ابعت حدا يقتلني. بس سقطت من عينك بدون ولا ذنب الي ما بدي عيش.
ابعت حدا يقتلني. بس تاكد انه انا بريئة وطاهرة ومظلومة.
سكتتت وما حكيت، لأنه فعلا البنت بريئة. اطلعت فيها كان الوجع والقهر ظاهر على ملامحها بنتي كبرت بيومين فوق عمرها عمر.
ما تحملت تتصادم عيونا ببعض انسحبت من الغرفة.
_____
ربع ساعة وكانت بنتي بحضني.
اخدتا وما رجعت على بيت اهلي. قررت اوخد بيت للايجار واسكن فيه بالوقت الحالي.
الغريب بالموضوع انه مروان ما سأل عن الفيديوهات ولا خاف انشرهن.
ما بعرف شو يلي اكدله انه أنا ما ممكن ضره!
___