سمعت صوتا عم تبكي..اعصابي ما تحملت..يا ريتك جنبي كنت حضنتك ونسيتك كل وجعك..
حبيبتي انت....عمري انت..لا تبكي..انا رح صلح عملة هالكلب الواطي...انا قررت بدي اجي اطلبك ما بعتقد اهلك يعارضوا هلأ..
الوووو ...ليلى عم تسمعيني..
وفجأة تسكر الخط..دعيت ربي ما يكون حدا مسكها..
_______
سمعت صوت خطوات عم يقترب من غرفتي..سكرت الخط واخفيت التلفون...
_
صباحي ما كان عادي ابدًا..ملخبط وخايف يكون صار على ليلى شي..تماسكت وما اتصلت حتى ما ورطها اكثر...
المفاجأة كانت بس دخل ابي لعندي على الغرفة بدون احم ولا دستور..
خبط ايده بطرف السرير وبصوت عصبي وجهلي الحديث
نايم؟
_لأ مو نايم..شو فيه..
اسمع يا ولد..تخبيص انا ما في عندي..هالبنت بتشيل من راسك..انا ما بستر على مفضوحات..
اطلعت فيه وجاوبته ببرود..
انا الي بدي اتجوز مو انت..
_بتتحداني؟
ما بتحدا حدا، انا قررت واعلى ما بخيلك اعمله..جيب زعرانك وخليهم يقتلوني ما عادت تفرق!
شوفي الولد..فاشل وحقير..لك خسارة تعبنا فيك..لو بتموت ستين موتة ما بنشيلك بهيك طريق يا وغد...واحد فاشل سجى طلقتها بسبب طيشك وغباءك..
وليلى حبيتها يا ابي الغالي بسبب طمعك ولا نسيت انك انت يلي كنت السبب ورا علاقتي بليلى؟
_فكرتك زلمي وبتسعى ترجع حق ابوك..مو واحد خروق وطايش وبركض ورا وحدة عااااا..
قبل ما يكمل الكلمة سكته..قمت عن سريري وكنت واضح..
ابي رح اتزوجها..وبمشي بهالطريق لوحدي. والايام جاي رح تثبت هالشي.
______________

وكيف كانت؟
#لك وبعدين معك، حكيتلك رحت وشفتها كلشي تمام..
ما حكتلك شي؟
#لأ..متل شو؟
حكتلي انه ما عملت شي..شو حسب رايك..ما الها عين تطلع فيني...
هبة انت ليش بترمي حكي عن ليلى؟ مو صاحبتك هاي؟
بلعت ريقي وغيرت لهجة حديثي..
لك يعني شو منحرجة انا بس بحكي الك لانه انت كمان بتهمني..واساسًا مسكينة ليلى حياتها اتدمرت..
#اطلع بالسيارة يلي راكبتها واستغربت..
#منين هالمصلري ست هبة؟ سيارة اخر طراز؟
اخدت نفس عميق وحكيت كيف حكالي مروان احكي.
هاي السيارة دفعتها بالتقسيط كل العالم عابشة على الاقساط وقفت على هبة؟.. ليش عندك مانع شي؟
لأ الله يهنيكِ..بس كوني الطف من هيك مع صاحباتك وخاصة الي بثقوا فيكِ..
هوهووو علينا.. هلأ كل هاد لانه حكيتلك الحقيقة، وعلى فكرة انا كنت بعلاقة معها منشان حضرة جنابك كون جاسوستك مو لانه بحبها وبثق فيها..انت خليك اعمي..دخيل الثثة تبعتك
.يلا انزل بدي روح لعند امي..
تركتها ونزلت من السيارة..اسيارة يلي شكيت بقصتها..شكيت لأنه ولا مرة وثقت بهبة..شكيت لأنه الثقة بتنبني على ثقة ووضوح!!
وانا بسيارتي ارتحت يمكن لانه اطمنت انه ليلى ما صار عليها شي هالليلة..سألت حالي وعملت مقارنة بين هبة وليلى..وشتان ما بين الاثنتان!

كيف ممكن تحارب ضد مجهول!
كيف ممكن تعيش بطولة ما كنت متخيلها بشي يوم!
كيف ممكن تتحول من رجل طايش لرجل صاحب كلمة..!
كسف ممكن تصدق حكي بلا ما تتأكد!
وكيف ممكن تحب بهالجنون!
ممكن تعيش هيك حالة، وقت تكون ثقتك اشد واعظم من كلشي بالشخص يلي قبالك..الثقة ما بتنكسب بيوم وليلة الثقة بتكون عبارة عن تحارر كثيرة..وكيف لما بتصحب الثقة حب جنوني؟ اكيد رح تتعاظم وتزيد.
ما دام حكتلي انه بريئة اكيد وما في محال لشك باي شي ثاني..صار لازم ساعدها حتى تحقق نصرها..صار لازم ..صار لازم..بخطوات واثثة وصلت لشركة مروان سالم عدو ابي وطبعا اعداء ابي ما بكونوا احبابي!
اذا اطلب الامر انه حبهم لعيونك يا ليلى ما رح قصر..
_____________

بجموده وبجحوده..بقسوته وخبثه..ببشاعته وبجشاعته، عم يمشي منظومة كاملة تحت اسمه..
مروان سالم. الملقب بال king عم يستقبلني بمكتبه الفخم جدًا..
بعترف تبيض الاموال مشتغل منيح معه اكثر من ابي باضعاف!!
#شو جابك لهون؟
اطلعت فيه وسحبت الكرسي حتى اقعد..
#وقف يا ولد..مين مفكر حالك حتى تقعد بدون ما اسمحلك...
اطلعت فيه وابتسمت نص ابتسامة..
بكون سهرك المستقبلي بلا مؤاخذة.
#على ما يبدو انك ما بتعرف حالك مع مين عم تلعب!
جاي بدي اطلب ايد بنتك..وبتوقع يكون من صالحك وصالحي وصالح ليلى نكون عيلة وحدة..
قام عن كرسيته واطلع فيني..
اسمع يا ولد، انا ما حدا بيجي معي راسي براس انقلع من هون..ليلى لو بتعفن وبتموت ما رح تكون من نصيبك..وبعرف انك انتِ يلي كنت ورا هالعملة..بلا شوشرة ما جاي عبالي العب مع الصغار انقلع..
#بفهم انه الامر مرفوض!
انقلع من هون يا كلب. ما الك عندي شي!
لا تجرب تلعب معي لأنه اللعب مع الكبار دمار.....

طلعت من عنده. مما كنت مخذول لأنه هالشي متوقع..حاليًا كبرياءه ما رح يسمحله يوافق..بس شو ما صار ليلى رح تكون من حصتي..ومتل ما انفضحت بكل البلاد رح ترجعلها كرامتها غصب عن الجميع..ويا محمود يا واطي بجيك يومك!
_______

الكلبة هربت من الصالون..هاي شباك الصالون لسة مفتوح..عرفت شو تعمل..
ماشي يا بنت الكلاب انا بجيبك لو كنتِ بسابع ارض انت والكلب يلي معك!
______
بتراقبوا بيته..بس يطلع بتجيبوه لعندي.
#امرك معلم.
___
اهلي بالبيت ما شعروا بشي..الساعة وحدة ونص طلعت من البيت حتى روح اشتري تلفون واتفحص الجو اكيد رح يستناني شي كبير!
#شوو امي وين يا مسهل؟
_ولا شي..طالع لعند ابي على الشركة وعندي كم شغلة ليش بدك شي؟
#لا تتأخر بنتك جاي لعندك اليوم..
ماشي..ولا يهمك..
طلعت من البيت وكنت شاكك برجعتي.
_____

عمي ابو علي اتصل لمراد اطمن عليه؟!
#يا بنتي الله يرضى عليك تهدي، حكى ما تتصلوا حتى انا اتصل..انا يا بنتي زلمي مستور الله يرضى عليك لا تطلبي اكتر من طاقتي..
سكتت وما حكيت..واضح انه الزلمي خايف كثير من هالحالة يلي وصلناه الها..
_
بقبو تحت شركة مروان سالم بتم عمليات التعذيب الاسطوري.
عصبة من الرجال ذات عضل مفتول، موظفين لهاد الشغل تحديدًا..هدول الناس ابي ما بظن تعامل معهم من قبل!
وهاد بعني انه مروان سالم اخطر من ابي والعن.
وصل مروان سالم بعد ما تم القاء القبض عليي..
#شوو مراد فواز المحترم مضيوف عنا..
_شوفة عينك، رجالك مدربين منيح..عرفوا يصيدوني.
#وين البنت؟
_بنتك يعني؟
صرخ صوت قوي..وضرب ايده بايده...
#ما تلعب معي يا ولد!!!!!!!
_ما عم العب معك ..انت بتفتش على بنتك وشو متوقع مني؟ يعني على فرض انه بعرف مكانها حسب رايك رح احكيلك؟
#ووقح كمان..؟
رح تحكيلي ايه..لأنه اذا ما حكيت رح يكون مثواك الليلة..جهنم وبئس المصير!!!
الاعمار بيد الله..
#ولللك وين بنتي.؟
ما بعرف عن شو عم تحكي!
#اطلع بنتي وخود شو بدك..بس ما توصلني لوضع اقتلك واقتلها..
شفت شباب تنين عم يسخنوا سيخ حديد.فهمت انه اللعب الحقيقي بلش..
وهالزلمي ما رح يصغرها..
يعني دخلك اذا حرقت وعذبت بكون خلص؟
واذا متت انا ...انت بتلاقي بنتك؟
اذا مو حابب توصل لهون..احكي وين البنت وما بصير عليك شي..
اطلعت فيه وضحكت صار لازم اكشف المستور.
يلي ما حكيته لهاي اللحظة.
بدك تقتلني ما في اي مشكلة..بس تأكد انه بعد وفاتي فضيحتك انت وعيلتك بتصير فضيحتين..
اطلع فيني وضحك..
قرب السيخ مني..شعرت بالحم عم يطلع منه.
#بتهددني يا ولد؟
بهددك طالما انت بتهددني اكيد..متل ما انت بتعرف توقع الناس وبتعرف تصطاد بالمية العكرة وكمان الناس نفس الشي!!
سيد مرواز الناس صاحية منيح وبتعرف توقعك انا ممكن افضحك حتى لو بعد موتي.
#عن اي فضيحة بتحكي يا وغد؟
بالبنط العريض. مروان سالم وهبة فتحي يقيمان علاقة سرية!
جن جنونه..ضرب السيخ بالارض..
#انت عن شو عم تحكي يا ولد؟
اتركني..ما تخاف ما رح افضحك..وبنتك بشطارتك فتش عليها..متل ما انت عندك خفافيش بتشتغل لجنابك وانا كمان عندي خفافيش بتشتغل بالليل وبتطارد امثالك.
#يعني عم تراقبني؟
هيك شي!
ومعي فيديو كامل. تصور من غرفة نومك انت وهبة ممكن ينتشر ..بعد وفاتي
جن جنونه..وصار يضرب يمين وشمال..
#وين الفيديو؟
بتلفوني..
سحبت التلفون وفرجيته حاله. بأوسخ منظر.
#الفيديو مع غيرك؟
اطلعت فيه وضحكت..
وين كنا ووين صرنا..كان مهم عندك تعرف وين ليلى وهلأ صار مهم الفيديو؟.
ايه يا سيدي الفيديو معي ومع غيري..وما بطلع الا بحالة وحدة! بحالة اذا انت قتلتني او مسيت شعرة مني ومن ليلى..
ومو بس هيك تنازل خطي عن ارضنا..
(كان مصدوم من شو سمع..عم يفتل بالقبو متل المجانين..المسدس بايده مرة يصوبه تجاهي ومرة يضرب رصاص على سقف القبو..رجاله خايفين..اما انا الوحيد يلي كنت بارد الاعصاب ..
تذكرت كيف الصدفة لعبت دور منيح لحظي وممكن لحظ ليليى.رغم كل الخوف كنت واثق انه هالشي رح يكون لصالحنا..بالاسبوع الاخير ووقت شكيت بهبة، راقبتها..وانصدمت بس شفت يلي شفته، بلا ما فكر مرتين، دخلت بالسر على بيت مروان وركبت كميرا مراقبة متصلة بتلفوني..كنت شاعر انه هالشي ممكن يكون لصالحي وصدق شعوري.)
#اطلعني من هون..
رجع ارض ابي..
و جوزني بنتك وبنتهي الامر.
بستر عليكْ، وبكسب بنتك.
شو قلت؟
قرب مني..حرارة انفاسه شعرت فيها..
ضحك ضحكة هزت المكان وضرب رصاص بالسقف..
#حلمك متل حلم ابليس بالجنة..تعليقات ودعمممم يا جماعة..
👍👍👍 حطووووا لايك قبل القراءة لطفًا🌹🌹🌹🌹

#حنين_ابو_صلاح
#كيف_أنسى❤❤❤
الجزء الثامن.
على ما يبدو نسيت انت مين يا ولد!!
ولسة ما عارف مع مين عم تلعب..قرب مني وصفعني كف جاب العصافير فوق عيوني.
اطلع بنتي عم قولك.
اطلعت فيه وضحكت:
ما بعرف مكانها..واعلى ما بخيلك اركبه.
هز براسه وواضح انه استسلسم بشكل مؤقت..جحر فيني وركّز نظره على عيوني، اشر باصبعه السبابة تجاهي وحكى بصوت من حديد.

نزلت ستي وشالتني عن الارض.
تعي يا ستي..مسكت بايدي وقعدت بالصالون جنبا.
انا ما كنت عم احكي ولا كنت مهتمة بشو عم يحكي. انا كان في شي بداخلي عم يموت. كانت اعصابي باردة. بس همي اعرف شو رح يصير برة.
الحاسة الوحيدة يلي كانت عم تشتغل عندي حاسة السمع وباقي الحواس ماتت!
كنت خايف اسمع صوت الرصاص واطلاق نار بهاللحظات.
_____
وهاي انا وانت على انفراد.
شو سيد مراد،فهمت ولا بعدك مو فاهم شو يعني تلعب معي؟
كنت مضطر ساومه وما اتلاعب بالكلام، حاليًا لازم اكسب وِدّه.
عرفت. وعرفت كثير شغلات.
#ملفاتت الفيديو بينمحو وخلال نص ساعة بنتك بتوخدها وما عاد بدي شوف وجهك. والا اقسم بالله حياتك وحياة بنتك بنهيهها وأنا بس احكي بنفذ يا ولد.
#وشو الضمان انه بنتي ترجعلي؟
اطلع فيني ومسح شاربه بايديه.
ما عندي ضمانات.
#انا مستعد امحى الفيديو ومستعد اتنازل عن حالي وعن اهلي مو مقابل بنتي. مقابل شرف ليلى يلي انمسح بلارض.
اطلع فيني وضرب ايديه بطاولة ..
بنتي ما بتجيب سيرتها.بتنساها..بتشيلها من راسك.
#ما بقدر. اذا جاي تطلب مني هيك طلب انا بحكيلك ما بقدر انسى. انتِ وأبي بتقدروا بس انا وليلى ما بنقدر، محمود الراسي يلي امنته على بنتك لعب مع أبي لعبة عاطلة . انا بحكي هلأ لانه ما عادت تفرق عيش او موت.
اسمع يا ولد..اذا جاي تفتح قصص ما الك فيها هلأ بقضي عليك.
#لا تقاطعني وخليني خلص كلامي، بما انك اخدت ارض ابي عنوة ونكاية بأبي أبي قرر يعاقبك عملني وسيلة حتى أنا ضحي بشرف بنتك بس انا حبيت والي بحب ما بقدر يرتكب شي بمس يلي بحبه، كل الي صار باتفاق مع ابي ومحمود. ومعي تسجيل صوتي.
انا بحكي الحق لأنه بدي الصلح.
بدي بنتك بالحلال.
بدي اظهر حقيقة اطهر مخلوقة راحت ضحيتك وضحية ابي.
قرب مني وكان بده يخنقني..
يا ابن الكلب وجاي تحكي بكل وقاحة.
رفعتله ايدي ..هاي الايد طاهرة وما بتخاف من الحق. بنتك شريفة بتقدر توخدها عند كل الدكاترة.
#اطلع من هون يا حقير.
اطلعت فيه وكملت كلامي...
شاري بنتك ومتنازل عن كل شي ارض ومال. الفيديوهات ومقابل بنتي بنتك فكر منيح.
بنتك رح صونها وعيشها عيشة كرامة.
لا ترميها برة البلاد.
اطلعت فيه وكنت بدي اهجم عليه.شلت المسدس من خصري.
انت عم تلعب بدمك، كل الي عم عيشه بسببك انت وابوك يا واطي.
#الي عم تعيشه بسبب اعمالك انتِ وأبي..حاليًا انتو التنين عم تحصدوا شو زرعتوا. انا وليلى ورثنا افضل ما فيكم والباقي تركنا الكم.
فكرررر منيح بعد ساعة بدي جواي.
ديروا بالكم على بناتي التنتين.
__
طلع من عندي. حتى بدون مل يستأذني. اطلعوا فيني الحراس ومن صدمتي ما ناقشت.
بدون حتى ما يسمع ردي طلع.
عنيد . جريء. اله كلمته. وما بخاف ابدًا.
عارف انه أنا مو الشخص الهين ومع هيك واجهني وبكل مرة كنت خاف منه اكثر.
رغم معرفته انه عملة ابوه ما رح اسكت عليها اعترف.
هدول الناس رغم قوتي ونفوذي بخوفوني.
كلشي توقعته الا هالشي.
مراد فواز يساومني على بنتي ويظهر شرفها مقابل حياة ابوه.
هيك شخص مستحيل يرتكب اي شي ممكن يخسره ليلى. لذلك قررت ابعث بنته.
__
كانوا بالبيت عم يقذفوني ويسبوني ويشتموني.كان البيت عبارة عن مدبرة اما أنا كنت بعالم ثاني.
الثانية كانت بالنسبة الي سنة.
كل مازاد الوقت زاد الخوف والقلق.
دخل أبي على البيت اخواتي الاربعة وامي فجاة سكتوا،أما أنا ارتاح قلبي شوي.
#شو صار؟
اطلع فيني أبي وطلب من اخواتي الاربعة يطلعوا من عنا.
#انت بدك تتجوزي هاد الكلب الي اسمه مراد؟
كانت صدمتي قوية. شو عم يحكي يمكن ما فهمت.
امي وستي انصدموا متلي
(هلأ بعد كل هالفضايح بدك تعطيه البنت يا امي؟ حكيتلك استر هالطابق ولمه بس هلأ تذكرت..اذا اقتنعت تعطيه البنت ليش لحتى توصلنا لهون.)
امي ما حكت شي.
وأنا ما حكيت شي.
#اذا بدك تتجوزيه اعملي حسابك أنه على هالبيت الك واله ما في فوتة على هالبيت.
انا انفضح..اقسم بالله لولا حكي الناس بس.
بدي اقتلك واقتله. فضحتيني يا خسيسة.

#مما بدي اتجوزه. ولا بدي اتجوز غيره.
بدي موت، اذا بتحبني ابعت حدا يقتلني. بس سقطت من عينك بدون ولا ذنب الي ما بدي عيش.
ابعت حدا يقتلني. بس تاكد انه انا بريئة وطاهرة ومظلومة.
سكتتت وما حكيت، لأنه فعلا البنت بريئة. اطلعت فيها كان الوجع والقهر ظاهر على ملامحها بنتي كبرت بيومين فوق عمرها عمر.
ما تحملت تتصادم عيونا ببعض انسحبت من الغرفة.
_____
ربع ساعة وكانت بنتي بحضني.
اخدتا وما رجعت على بيت اهلي. قررت اوخد بيت للايجار واسكن فيه بالوقت الحالي.
الغريب بالموضوع انه مروان ما سأل عن الفيديوهات ولا خاف انشرهن.
ما بعرف شو يلي اكدله انه أنا ما ممكن ضره!
___