مضى اسبوع..وما حكيت معه..خفت يضروه بشي..وتنازلت حتى ما يكون ضحية هالحب الملعون!
الحقيقة فرحت مبارح وقت اجت امي لعندي على الغرفة وبهدلتني!
كانت بهدلتها عسل باللنسبة الي..مراد ما رح يتنازل عمي..ابي حكى لامي انه مراد بكل وقاحة طلبني..عرفت انه ما حيثبلوا وهالشي متوقع..المهم انه لسة في امل..والمهم انه مراد متمسك فيني..
يا رب ما تضره يا رب مراد الامل الوحيد الي..يا رب ابعد ابي وعصابته عنه...
__

عم اشتاق والشوق ذابحني يا ليلى..ايمتا رح تتصلي...حياتي انقلبت..بنتي ما
عدت شوفها..وشغلي ما عدت اعرف اشتغله..كل الوقت عم فكر فيكِ..
رح اتزوجك غصب عنهم..حتى لو اخذتك وهربنا..
مدام اعلونوها حرب فلتكن..بس انتِ وافقي واتصليي احكي معي..
حاولي اتصلي..ليلى هاي الرسالة الالف يلي صرت باعثها..ريحيني واتصلي بأي وقت..

ليلى بدي طلب منك..هبة لا تثقي فيها..بالفترة الاخيرة عم اشعر انه في شي غلط ما عم ارتاح لتصرفاتها..
وقت تشوفي رسالتي اتصلي.
________

سهر وكيف..ساجن بنته ببيت كبير، عم يعاملوها متل الكلبة..رجعوا لحياتهم ووقفوا حياتها...
بهالسهولة؟
غريبة الناس!
عم يشرب ولا كأنه صاير معه شي!
ورغم كل شي كل الناس بتحترمه...
صح بحكوا عن بنته من ورا ظهره بس لسة الاحترام موجود..
تخيلت كون انا مكان ليلى والله ابي ما رح يقبل يحط عينه بالناس من شي مليون سنة وامي يمكن تموت من الحزن والهم..
يعني لأنه ليلى بنت اكابر بتكون صفحة مطوية..
رغم كل يلي صار لسة مراد عم يحارب حتى يكسبها..لسة حبه الها عم يزيد!
كنت سارحة واجاني صوته متل الصاعقة..
#اليوم بتجي لعنا وبتقنعي صاحبتك بدنا نزوجها..ااصحبات بحنوا على بعض..يعني زبطي الوضع بركن عليك!!

صدمني بس حكالي انه ضروري اقنع ليلى تفكر بموضوع الزواج من جديد!
بهالسرعة ليلى رح يستروا عليها ويزوجوها!
يا ترى مين العريس الجاي!
معقول مراد؟
اطلعت بمروان وسألته..
يعني انتِ ناوي تزوجها لمراد؟
ضحك من صميم قلبه وحكالي..
#بجوزها لسيد سيده لمحمود..في الي صاحب عايش بالمانيا سألني عن عروس وطبعًا ما في اولى من بنتي ليلى..
يعني رح تعيش ليلى برة البلد؟
#وشو المشكلة، الشهر الجاي رح نطلع انا واما منجوزها ومنرجع.
بهالبساطة..
زاد على كاسه مشروب وابتسم..
#ما في شي صعب على محسوبك..ولا مو معبي عينك انا؟
اطلعت فيه وابتسمت..
بس انتِ يلي معبي عيني!
_____________

بس شفت رسائله اتصلت..قلبي كان يدق وكثير ملهوفة اسمع صوته الساعة كانت عشرة ونص الصبح..رنيت على تلفونه...
_
شفت رقم ليلى على التلفون قلبي فرح..بس صار شي اطلعني عن تركيزي..
محمود الراسي...ويا محاسن الصدف!
شفت شي ما كنت متوقعه ابدًا!
ليلى عم تتصل..ومشهد عم يرسملي صورة للعبة وسخة على ما يبدو...
شو اعمل، ....

#حنين_ابو_صلاح
#كيف_أنسى❤❤❤
الجزء السادس.
قبل ما تبلشوا تقروا تأكدوا تحطوا لايك.
يا ترى شو عم يعمل هون؟
كنت بدي انزل من سيارتي اهجم عليه ولكني لجمت غضبي وقررت اتروق..نزل من سيارة ابي والتفت منيح واطمن انه محدا شافه! كان واضح هالشي من نظراته المرتبكة..بايده كان كيس ورقي وهالشي بعني أنه اخذ مقابل مادي، وابي ما بوزع كرامات لوجه الله تعالى.قبال كل دفعة من أبي في مغامرة كبيرة.
ما لحقت تلفون ليلى! كانت صارت مسكرة الخط.
رجعت على التلفون مباشرة.
__________
اللعب مع الكبار مو سهل ابدًا، والمغامرات يلي بنرتكبها بتأدي لخيارين. ربح او خسارة.
مروان سالم علم من اعلام هالبلد بكل قوته كسرته بفضيحة لبنته.
هالفضيحة كانت ممكن توصلني للقبر.وكانت ممكن تربحني مبلغ بحياتي ما حلمت فيه وخاصة انه ابي الامر الناهي عن املاكنا.
هالمرة نجحت وبسهولة مغامرة صغيرة قدرت انتصرت فيها.
كسرت شوكة مروان سالم وبسهولة!
حلوة المصاري يلي بتجي بسهولة..شميت ريحة المصاري وانفتح صدري..هدول ثمن قبري لو ما زبطت هالخطة!
شو فظيع انت يا فواز.
"كل شي بصير بحبة دوا..بتنيم الضحية وبتدعي عليها شو بدك..لا تخاف رح تنجح ورح تشوف بعينك المصاري..قوي قلبك..باقي الامور اتركها الي"
هاي كانت كلماته وفعلا طلع رجل الاقوال والافعال..ههههههه...الحياة اسهل من ما كنت متخيل!
___

رديي ليلى ردي!
___

كانت واقفة وكاتفة ايديها وعم تتفحصني من فوق لتحت
شو وعد، ليش عم تطلع فيني هيك؟
#وينه؟ وينه ..خبتيه اه؟
#عن شو انتِ عم تحكي؟
ان شاء الله مفكرتيني هبلة ست ليلى؟ معك تلفون وعم تخبي عنا...
حاولت كون طبيعية..رميت حالي على السرير..وابتسمت..
معي الف تلفون..هاي الغرفة اقلبيها اذا بتحبي..
#لا تعملي حالك ما هامك شي..الليلة بس يجي ابي رح احكيله يقلب الغرفة..انتِ وحدة ما بتستحي فوق عملتك لسة ما تربيتي ..ضايل انا واختك على وجه جيزة لا تكوني انانية..

الكلبة هربت من الصالون..هاي شباك الصالون لسة مفتوح..عرفت شو تعمل..
ماشي يا بنت الكلاب انا بجيبك لو كنتِ بسابع ارض انت والكلب يلي معك!
______
بتراقبوا بيته..بس يطلع بتجيبوه لعندي.
#امرك معلم.
___
اهلي بالبيت ما شعروا بشي..الساعة وحدة ونص طلعت من البيت حتى روح اشتري تلفون واتفحص الجو اكيد رح يستناني شي كبير!
#شوو امي وين يا مسهل؟
_ولا شي..طالع لعند ابي على الشركة وعندي كم شغلة ليش بدك شي؟
#لا تتأخر بنتك جاي لعندك اليوم..
ماشي..ولا يهمك..
طلعت من البيت وكنت شاكك برجعتي.
_____

عمي ابو علي اتصل لمراد اطمن عليه؟!
#يا بنتي الله يرضى عليك تهدي، حكى ما تتصلوا حتى انا اتصل..انا يا بنتي زلمي مستور الله يرضى عليك لا تطلبي اكتر من طاقتي..
سكتت وما حكيت..واضح انه الزلمي خايف كثير من هالحالة يلي وصلناه الها..
_
بقبو تحت شركة مروان سالم بتم عمليات التعذيب الاسطوري.
عصبة من الرجال ذات عضل مفتول، موظفين لهاد الشغل تحديدًا..هدول الناس ابي ما بظن تعامل معهم من قبل!
وهاد بعني انه مروان سالم اخطر من ابي والعن.
وصل مروان سالم بعد ما تم القاء القبض عليي..
#شوو مراد فواز المحترم مضيوف عنا..
_شوفة عينك، رجالك مدربين منيح..عرفوا يصيدوني.
#وين البنت؟
_بنتك يعني؟
صرخ صوت قوي..وضرب ايده بايده...
#ما تلعب معي يا ولد!!!!!!!
_ما عم العب معك ..انت بتفتش على بنتك وشو متوقع مني؟ يعني على فرض انه بعرف مكانها حسب رايك رح احكيلك؟
#ووقح كمان..؟
رح تحكيلي ايه..لأنه اذا ما حكيت رح يكون مثواك الليلة..جهنم وبئس المصير!!!
الاعمار بيد الله..
#ولللك وين بنتي.؟
ما بعرف عن شو عم تحكي!
#اطلع بنتي وخود شو بدك..بس ما توصلني لوضع اقتلك واقتلها..
شفت شباب تنين عم يسخنوا سيخ حديد.فهمت انه اللعب الحقيقي بلش..
وهالزلمي ما رح يصغرها..
يعني دخلك اذا حرقت وعذبت بكون خلص؟
واذا متت انا ...انت بتلاقي بنتك؟
اذا مو حابب توصل لهون..احكي وين البنت وما بصير عليك شي..
اطلعت فيه وضحكت صار لازم اكشف المستور.
يلي ما حكيته لهاي اللحظة.
بدك تقتلني ما في اي مشكلة..بس تأكد انه بعد وفاتي فضيحتك انت وعيلتك بتصير فضيحتين..
اطلع فيني وضحك..
قرب السيخ مني..شعرت بالحم عم يطلع منه.
#بتهددني يا ولد؟
بهددك طالما انت بتهددني اكيد..متل ما انت بتعرف توقع الناس وبتعرف تصطاد بالمية العكرة وكمان الناس نفس الشي!!
سيد مرواز الناس صاحية منيح وبتعرف توقعك انا ممكن افضحك حتى لو بعد موتي.
#عن اي فضيحة بتحكي يا وغد؟
بالبنط العريض. مروان سالم وهبة فتحي يقيمان علاقة سرية!
جن جنونه..ضرب السيخ بالارض..
#انت عن شو عم تحكي يا ولد؟
اتركني..ما تخاف ما رح افضحك..وبنتك بشطارتك فتش عليها..متل ما انت عندك خفافيش بتشتغل لجنابك وانا كمان عندي خفافيش بتشتغل بالليل وبتطارد امثالك.
#يعني عم تراقبني؟
هيك شي!
ومعي فيديو كامل. تصور من غرفة نومك انت وهبة ممكن ينتشر ..بعد وفاتي
جن جنونه..وصار يضرب يمين وشمال..
#وين الفيديو؟
بتلفوني..
سحبت التلفون وفرجيته حاله. بأوسخ منظر.
#الفيديو مع غيرك؟
اطلعت فيه وضحكت..
وين كنا ووين صرنا..كان مهم عندك تعرف وين ليلى وهلأ صار مهم الفيديو؟.
ايه يا سيدي الفيديو معي ومع غيري..وما بطلع الا بحالة وحدة! بحالة اذا انت قتلتني او مسيت شعرة مني ومن ليلى..
ومو بس هيك تنازل خطي عن ارضنا..
(كان مصدوم من شو سمع..عم يفتل بالقبو متل المجانين..المسدس بايده مرة يصوبه تجاهي ومرة يضرب رصاص على سقف القبو..رجاله خايفين..اما انا الوحيد يلي كنت بارد الاعصاب ..
تذكرت كيف الصدفة لعبت دور منيح لحظي وممكن لحظ ليليى.رغم كل الخوف كنت واثق انه هالشي رح يكون لصالحنا..بالاسبوع الاخير ووقت شكيت بهبة، راقبتها..وانصدمت بس شفت يلي شفته، بلا ما فكر مرتين، دخلت بالسر على بيت مروان وركبت كميرا مراقبة متصلة بتلفوني..كنت شاعر انه هالشي ممكن يكون لصالحي وصدق شعوري.)
#اطلعني من هون..
رجع ارض ابي..
و جوزني بنتك وبنتهي الامر.
بستر عليكْ، وبكسب بنتك.
شو قلت؟
قرب مني..حرارة انفاسه شعرت فيها..
ضحك ضحكة هزت المكان وضرب رصاص بالسقف..
#حلمك متل حلم ابليس بالجنة..تعليقات ودعمممم يا جماعة..
👍👍👍 حطووووا لايك قبل القراءة لطفًا🌹🌹🌹🌹

#حنين_ابو_صلاح
#كيف_أنسى❤❤❤
الجزء الثامن.
على ما يبدو نسيت انت مين يا ولد!!
ولسة ما عارف مع مين عم تلعب..قرب مني وصفعني كف جاب العصافير فوق عيوني.
اطلع بنتي عم قولك.
اطلعت فيه وضحكت:
ما بعرف مكانها..واعلى ما بخيلك اركبه.
هز براسه وواضح انه استسلسم بشكل مؤقت..جحر فيني وركّز نظره على عيوني، اشر باصبعه السبابة تجاهي وحكى بصوت من حديد.

حطيت المسدس براسه حتى خوفه ما اكتر!
#ابوك يلي امرني اعمل هيك. شو الاسباب ما بعرف. بس انا عملت هالعملة لأنه ابوك طلب..
ابي طلب وانت ما قصرت؟
احكييي يا كلب شو صار، وليش هيك البنت ما عرفت تدافع عن حالا..بدي اعتراف كامل منك والا اقسم بالله نهايتك هلأ بتكون.
#اتفقنا اتزوجها، وبنفس اليوم طلقها، اعطاني حبة دوا منوم، وشربتا الكاسة.........
كملللللل ليش سكتت..
#بعد بخمس دقايق نامت..انا قبل ما اعمل شي، كيف طلب مني ابوك كنت حاكيلها انه بعرف العلاقة يلي بينكم وشككتا بحالا..
وقت نامت!!
لكككك احكيييييي ليش ساكت.!
#كانت بنت. وهي نايمة نظفت كلشي.وقت صحيت حتى تشك اكثر عملت متل ما طلب الوالد..
ما نزل دم..لأنه نزل بالمرة الاولى وقت كانت نايمة..انا هيك طلب مني ابوك..
كيف ما حكالي عملت.
#يا خسيس يا واطي...تفيييي عليك..يا نجس يا ندل..
ما تحملت حالي..انهكته ضرب...بعدا رحتوا على الدكتورة وطبعا ابي موصي الدكتورة ..
يا نجسسس يا كلاب.. طمعت بالمصاري يا عديم الضمير..
ضربته حتى فرغت كل غضبي وضغطي ووجعي يلي عم يتجدد ويزيد كل الوقت.
______
كانت الطريق لبيت اهلي مليانة بالخوف. شو رح يصير. وكيف رح تكون المواجهة.
أبي معقول يقتلني؟
او يمكن يسامحني.
واذا سامحني شو رح تكون نهاية مراد وبنته!
اذا سامحني كيف رح اتعلم عيش بلا مراد..
كيف رح انسى الانسان يلي بس عرفته تلونت حياتي.
رفعت راسي للسما وكانت السما صافية.
(لك شو كل هالورد يا مجنون..لك معقول انا عم عيش حقيقة مو حلم؟
لك اخخخخ منك انت الحلم بذاته..انت حلمي يلي تحقق..
لك انا كنت زلمي قبل ما اعرفك...
وهلأ يعني شو ما عدت زلمي؟
هلأ تحولت لزلمي مسؤول عن حبيبته، لزلمي عاشق لزلمي مجنون، كل الوردات الي بالعالم ما بكفوكي..لك انا بحمد ربي عليكِ..بتعرفي شي..
انا اذا بموت بس بموت لأنه ما عدت اتنفسك.)

وانقطع الاوكسجين عني وعنك يا مراد.
معقول يجي يوم ونرجع نتنفس بمساعدة اللهية؟

__________
وصلت البيت كان ابي عم يعمل اتصالاته، حقود كثير عليه..وصلت لمرحلة كره عظيمة تجاه هالشخص. شفته اخطر واحقر من مروان سالم..قربت منه ومسكته من يافتة قميصه..
ليييييشششش؟ ليييييييش؟ لككككك هلأ بدي افهم ليش؟

اطلع فيني وحاول يبعدني عنه.
للللك شو عم تعمل..جنيت شي؟

اقتربت امي وحاولت تفض النزاع وتفلته مني..بس كنت مغمس بالحقد والوجع. كنت مخذول!!!!
لك عم تحارب بشرف بنت منشان شقفة ارض، لهدرجة الجشع والطمع عموك!!!
لكككك اخخخخ..اخخخخ..لك انت قتلتني..دمرتني..
لك انتتتت ظلمت ابنك!
لييييييششششششش....عم اسألك لييييشششش!
لييييش سااالكت جاوب
بعد حاله عني..
#عن شوو انت عم تحكي؟ شو صرلك..اهدى بنتك رح ترجع!!!!!
اطلعت فيه ونزلوا دموعي بدون وعي مني. ما تحكمت بحالي.
يمكن ترجع بلا شرفها. بتعرف ليش؟
ولا غاب عن ذهنك انه الله كبير وما بنسى حق حدا!
لكككك يا حيوااااان انت شو عم تحكي!
ابي اسمحلي انا مو حيوان، الحيوان يلي بقبل يعمل ببنات الناس هيك..
بنتي اذا صرلها شي رح يصرلها بس خطية بنات الناس يلي تعرضت لاطهر شي فيهن. يلي كسرتهن بشرفهن يا رجل الاعمال المناضل والشريف!!.
لك سد نيعك وسكر تمك!!!!!
اسككككت...عملت هالشي حتى رجع الارض، بس حضرة جنابك ما سمحت ببنت الحرام وابوها..كله هاد العز منشان تورثه حضرة جنابك..
ان من اولادكم عدوًا لكم فاحذروهم

لك حسبي الله عليك. ايه من هاللحظة انا عدوك..
لك يا ظالم عيشتنا بالحرام كبرتنا بالحرام..وهلأ عم تقتلني بسببب حرمنتك..
قرب مني وصفعني كف..اجت امي حتى تدافع عنه.
اطلعت فيهم وكانت نظرتي صارمة.
اجى الوقت تدفع ثمن شرك. اجى الوقت تعض على ايدك من الندم.
واعلنتها حرب ضد ليلى يعني اعلنتها حرب ضدي.
اتلقى من ابنك يااا فواز. وانا مراد!!
________
نزلني العم ابو علي ورفض يتركني..ما كان معنا دكاترة وفهمني العم ابو علي انه الدكاترة رح يجوا عن طريق ابي حتى ما يظن انه اتفقنا ضده.
بعرف عم خاطر كثير. بعرف انه كل الامكانيات مفتوحة، بس انا ما بقبل غامر وراهن على حياة طفلة بريئة.
نزلنا وارتجف قلبي..الحراس والشرطة وكثير سيارات كانت محاوطة البيت.
وقت شافوني الحراس عم انزل من السيارة ركضوا باتجاهي ومنهم ركضوا لعند ابي اكيد.
خوفي كبير..اطلعت بالعم ابو علي وخفت يتعرضوله..اخدوه وجروه. وأنا صفيت لوحدي عم استنى الاستقبال المحفوف بالمخاطر..
خايفة ومتوترة.
ما عم اقدر ارفع راسي..كنت عم شوف خطوات عم يقتربوا مني. كندرة سودة بتلمع عم تقترب مني بدون ما تتفوه بحرف. سلاح محمول بلايد. صوت العم ابو علي عم يستنجد.
البنت بريئة..حراااام عليكم...انا ما دخلني بشي....