"اذا بوجودك هيك عم تحكي، كيف وقت تروحوا، انا اليوم رح ابعث ورقة طلاقها!"
____________
رجعت مع اهلي.ما ضل كلمة حتى سمعتها،
اتهمنوا بعرضي بالباطل..
وقت نزلت من السيارة ودخلت البيت كانوا اخواتي الاربعة مخذولات بالبيت وجيزان خواتي عم يستنوا..
واضح من نظراتهم كمية الحقد والكره يلي حاملينه الي..
جبتلهم العار..عيلة مروان السالم اتمرمغت بلارض بسبب ليلى المروان!
طلعت على غرفتي وركضت اختي سهى لعندي مع امي واخواتي...
يا كلبة جيت وسألتك كنت حكيتي..كنا رقعنا فضيحتك..
"ما عملت شي!"
صرخت امي فيني وبلشت تضربني ضرب مبرح..كانت متل المجنونة..
لا تقولي ما عملت شي..وحدة حقيرة كلبة..تفي عليك سودتي وجهي شو اعمل وين روح بوجعي..وهدول خواتك نسيتهن وقت رحتي معه الكلب!
هلكت من كتر الضرب..ورجع نفسي ضاق. كنت لازم عالج حالي لوحدي لأنه ما حدا حيهتم بوجعي.
وحكموا علي بلاعدام.
على فراش الصلاة ضليت ابكي وادعي لربي.."اللهم اني مغلوبٌ فانتصر"
_________

رحت وما دخلوني..انت مجنون سيد مراد..
#ليش شو صار؟
ولشي بس يا اخي ما في امل ما رح يسمحوولي التقي فيها..وبعدين انت بعد ما عرفت حقيقتها ليش عم تركض وراها؟؟؟
#طلعت فيها وجنيت..
هلأ انتِ يعني بتشكي بليلى؟
يعني دخيل الله مراد..اخدوها عند دكتورتين وكل البلد انطبلت بقصتها وانت لسة بدك تبريها..اه بشك فيها ليلى ما كانت مزبةطة. يعني هي بس حبتك كثير وهيك صار!

#ليش حاسس انك غيرانة منها؟

اعوذ بالله..من شو بدي اغار، حبيبي انا اشرف منها. بس الدنيا حظوظ..انت لانك بتحبها انعمى على قلبك..
ماشي هبة..الايام بتظهر كلشي!
_______
بس رجعت للبيت ابي كان بالبيت وواضح انه عارف شو عم يصير..
اطلع فيني وضحك..
#شووو ابي؟ هاي طلعت حبيبتك فاشوش!

ابيييي سكر على الموضوع!

#هيك ارتاح ضميري، شايف ابي اكل الحرام شو بعمل؟!
هيو فضيحة بنته بكل البلد.هاد يلي بوكل حقوق العالم..نهبنا بمليونين ونص ولسة حيشوف اكثر!ليلى مروان سالم حديث البلد...
اطلعت ب ابي وكنت ماسك اعصابي..شمتان شماتة والفرحة ظاهرة على وجهو..

ضربت على الطاولة ...
وعلي صوتي .. ابيي٠ي٠ي٠ي خلص.
ناسي انه عندك بنات؟ هاد عرض..بلا ما نخوض بلاعراض..وليلى اطهر بنت لو طلعت مع زلام العالم كله!
#شوووو..يا قيس شايففف عروقك طقت على ليلى.
مدامك حنون بكرا بتروح لعند مروان..وبتطلب ايد بنته يعني حتى تستر على البنت..هههههههه..حنون ابي..شو ضل عندك نفس تركض ورا الخماخم!

تركته ودخلت على البيت..حاولت اتصل على رقم ليلى كان يعطيني مغلق.
________

فهمت انه قصتي صارت على كل لسان.
وفضيحتي خلال ساعات كانت منشورة....اخواتي الاربعة ما عم يحكوا معي..وقت فضي البيت واختلى ابي فيني..
هاجمني هجوم الوحش الكاسر..
ضربت حتى تكسرت عظامي..
ضربت حتى خلصت انفاسي...
#موت بطيء رح تموتي..اخدك وضحك عليك ابن فواز..حقيرة.
بالليل شكيت بحالي فعلا! معقول انا مو بنت؟ معقول انا غلطت مع مراد..بس انا ولا مرة طلغت معه كل احاديثنا كانت على التلفون!
معقول!
حاولت اتذكر ليلتي مع محمود..ما بتذكر كيف اكتشف انه انا مو بنت. نمت وصحيت على ضرب!
شو صار معي..اعطاني اشرب مية لأنه كنت خايفة وبعد هديك اللحظة ما بعرف شو صار!!
ياااا اللله...
ومراد؟!
اكيد سمع بفضيحتي..يا الله..ساعدني..
كذا مرة حاولت قوم عن سريري اتناول التلفون حتى اتواصل مع مراد بس كان التعب والوجع اقوى مني..
_____
ضميري ارهقني..كيف عملت هيك! يا رب اغفرلي! جبروني..ظلمت بنت بريئة..
اساسًا لو كانوا الاهل مدركين كانوا اكتشفوا انه في شي غلط..
حتى لو عرفت انه البنت مو شريفة حتى احميها كان لازم احكي انه شريفة...ما بعرف كيف غاب عن بالهم هالشي!!
كيف في ناس ممكن يوصل فيهم الحقد حتى يغدروا بعض بهالطرق.
اطلعت على سريري شفت ابني نايم وجوزي جنبي!
ممكن يموتوا لو تفوهت بكلمة هيك او هيك..
والعدل بقول انه الحق يقال والله المحاسب!

مراد!
مراد ممكن يساعظني..
واضح كثير شو بحبها...
واكيد ما بعرف انه الكلب ابوه ورا هيك شي!!
باب التوبة ما زال مفتوح..
وانا لازم اعمل شي!
اخدت التلفون وقررت اتصل لمراد فواز!

#حنين_ابو_صلاح
#كيف_أنسى❤❤❤
الجزء الخامس.
بلشت اكبس الارقام على شاشة التلفون، كثير ارتجفت وخفت، ممكن اخسر ابني وعيلتي!
مممن اخسر شغلي!
واليمين يلي حلفته!
قبل ما اضغط الرقم الأخير الغيت الفكرة من راسي!
ما فيني ادخل بهيك متاهة. فواز حدا مو سهل ابدًا وما في اي شخص بتورط معه بيطلع من تحت ايديه صاغ سليم..
ريم تراجعي عن شو بتعملي.. رميت التلفون من ايدي. فخار يكسر بعضه.
_______
مضى اسبوع كامل! وانا بوحدة. تعاملوا معي متل كأني بعاني من جذام. شعرت بنظراتهم القاتلة. كانوا يتركوا الأكل على باب غرفتي. ويرجع بلا ما المسه. الحزن والبكي صار رفيق الي..كتير مرات فكرت بلانتحار بس كان هاممني كثير يجي يوم واتبرأ من العار يلي لبسوني.

مضى اسبوع..وما حكيت معه..خفت يضروه بشي..وتنازلت حتى ما يكون ضحية هالحب الملعون!
الحقيقة فرحت مبارح وقت اجت امي لعندي على الغرفة وبهدلتني!
كانت بهدلتها عسل باللنسبة الي..مراد ما رح يتنازل عمي..ابي حكى لامي انه مراد بكل وقاحة طلبني..عرفت انه ما حيثبلوا وهالشي متوقع..المهم انه لسة في امل..والمهم انه مراد متمسك فيني..
يا رب ما تضره يا رب مراد الامل الوحيد الي..يا رب ابعد ابي وعصابته عنه...
__

عم اشتاق والشوق ذابحني يا ليلى..ايمتا رح تتصلي...حياتي انقلبت..بنتي ما
عدت شوفها..وشغلي ما عدت اعرف اشتغله..كل الوقت عم فكر فيكِ..
رح اتزوجك غصب عنهم..حتى لو اخذتك وهربنا..
مدام اعلونوها حرب فلتكن..بس انتِ وافقي واتصليي احكي معي..
حاولي اتصلي..ليلى هاي الرسالة الالف يلي صرت باعثها..ريحيني واتصلي بأي وقت..

ليلى بدي طلب منك..هبة لا تثقي فيها..بالفترة الاخيرة عم اشعر انه في شي غلط ما عم ارتاح لتصرفاتها..
وقت تشوفي رسالتي اتصلي.
________

سهر وكيف..ساجن بنته ببيت كبير، عم يعاملوها متل الكلبة..رجعوا لحياتهم ووقفوا حياتها...
بهالسهولة؟
غريبة الناس!
عم يشرب ولا كأنه صاير معه شي!
ورغم كل شي كل الناس بتحترمه...
صح بحكوا عن بنته من ورا ظهره بس لسة الاحترام موجود..
تخيلت كون انا مكان ليلى والله ابي ما رح يقبل يحط عينه بالناس من شي مليون سنة وامي يمكن تموت من الحزن والهم..
يعني لأنه ليلى بنت اكابر بتكون صفحة مطوية..
رغم كل يلي صار لسة مراد عم يحارب حتى يكسبها..لسة حبه الها عم يزيد!
كنت سارحة واجاني صوته متل الصاعقة..
#اليوم بتجي لعنا وبتقنعي صاحبتك بدنا نزوجها..ااصحبات بحنوا على بعض..يعني زبطي الوضع بركن عليك!!

صدمني بس حكالي انه ضروري اقنع ليلى تفكر بموضوع الزواج من جديد!
بهالسرعة ليلى رح يستروا عليها ويزوجوها!
يا ترى مين العريس الجاي!
معقول مراد؟
اطلعت بمروان وسألته..
يعني انتِ ناوي تزوجها لمراد؟
ضحك من صميم قلبه وحكالي..
#بجوزها لسيد سيده لمحمود..في الي صاحب عايش بالمانيا سألني عن عروس وطبعًا ما في اولى من بنتي ليلى..
يعني رح تعيش ليلى برة البلد؟
#وشو المشكلة، الشهر الجاي رح نطلع انا واما منجوزها ومنرجع.
بهالبساطة..
زاد على كاسه مشروب وابتسم..
#ما في شي صعب على محسوبك..ولا مو معبي عينك انا؟
اطلعت فيه وابتسمت..
بس انتِ يلي معبي عيني!
_____________

بس شفت رسائله اتصلت..قلبي كان يدق وكثير ملهوفة اسمع صوته الساعة كانت عشرة ونص الصبح..رنيت على تلفونه...
_
شفت رقم ليلى على التلفون قلبي فرح..بس صار شي اطلعني عن تركيزي..
محمود الراسي...ويا محاسن الصدف!
شفت شي ما كنت متوقعه ابدًا!
ليلى عم تتصل..ومشهد عم يرسملي صورة للعبة وسخة على ما يبدو...
شو اعمل، ....

#حنين_ابو_صلاح
#كيف_أنسى❤❤❤
الجزء السادس.
قبل ما تبلشوا تقروا تأكدوا تحطوا لايك.
يا ترى شو عم يعمل هون؟
كنت بدي انزل من سيارتي اهجم عليه ولكني لجمت غضبي وقررت اتروق..نزل من سيارة ابي والتفت منيح واطمن انه محدا شافه! كان واضح هالشي من نظراته المرتبكة..بايده كان كيس ورقي وهالشي بعني أنه اخذ مقابل مادي، وابي ما بوزع كرامات لوجه الله تعالى.قبال كل دفعة من أبي في مغامرة كبيرة.
ما لحقت تلفون ليلى! كانت صارت مسكرة الخط.
رجعت على التلفون مباشرة.
__________
اللعب مع الكبار مو سهل ابدًا، والمغامرات يلي بنرتكبها بتأدي لخيارين. ربح او خسارة.
مروان سالم علم من اعلام هالبلد بكل قوته كسرته بفضيحة لبنته.
هالفضيحة كانت ممكن توصلني للقبر.وكانت ممكن تربحني مبلغ بحياتي ما حلمت فيه وخاصة انه ابي الامر الناهي عن املاكنا.
هالمرة نجحت وبسهولة مغامرة صغيرة قدرت انتصرت فيها.
كسرت شوكة مروان سالم وبسهولة!
حلوة المصاري يلي بتجي بسهولة..شميت ريحة المصاري وانفتح صدري..هدول ثمن قبري لو ما زبطت هالخطة!
شو فظيع انت يا فواز.
"كل شي بصير بحبة دوا..بتنيم الضحية وبتدعي عليها شو بدك..لا تخاف رح تنجح ورح تشوف بعينك المصاري..قوي قلبك..باقي الامور اتركها الي"
هاي كانت كلماته وفعلا طلع رجل الاقوال والافعال..ههههههه...الحياة اسهل من ما كنت متخيل!
___

رديي ليلى ردي!
___

كانت واقفة وكاتفة ايديها وعم تتفحصني من فوق لتحت
شو وعد، ليش عم تطلع فيني هيك؟
#وينه؟ وينه ..خبتيه اه؟
#عن شو انتِ عم تحكي؟
ان شاء الله مفكرتيني هبلة ست ليلى؟ معك تلفون وعم تخبي عنا...
حاولت كون طبيعية..رميت حالي على السرير..وابتسمت..
معي الف تلفون..هاي الغرفة اقلبيها اذا بتحبي..
#لا تعملي حالك ما هامك شي..الليلة بس يجي ابي رح احكيله يقلب الغرفة..انتِ وحدة ما بتستحي فوق عملتك لسة ما تربيتي ..ضايل انا واختك على وجه جيزة لا تكوني انانية..

#حنين_ابو_صلاح
#كيف_أنسى❤❤❤
الجزء السابع.
الجزء الثامن.
الجزء التاسع.
قبل القراءة الرجاء الضغط على اللايك👍
رجعت برد مباشر..
متأكدة وكتير..شو حكيت تساعدني؟
قرأت شو كتبت..مع مليون علامة تعجب!!!!
وترددد ويمكن فرحة ووكثير خوف من المرحلة المقبلة.
ما لحقت اكتب وكم من الرسائل كانت عم توصل.
يلا مراد.
هلأ بدي اطلع.
ربع ساعة وكون خلف بيتنا..رح اطلع من الجهة الشرقية.
بتتذكر وين كنت شوفك.
من هناك رح اطلع.
كميرات المراقبة من الجهة الشرقية معطلين.
شووو مراد؟
تساعدني
؟؟؟؟
وينك؟
ليش ما عم ترد!
ما كنت عم رد لأنه ما كانت تعطيني مجال.

_اكيد بساعدك...
ممنوع تسألي
هلا بطلع.
ديري بالك تنمسكي.
على مهلك ليلى.
انا طلعت من البيت.
طلعت من البيت والف علامة تعجب واستفهام. لوين بدنا نروح!
وكيف بدي خبيها!
وشو رح اعمل.
وكيف بدي واجه مروان بالاثباتات يلي معي..
يا ترى رح لحق او حيقتلني قبل ما خوفه. لحسن حظي انه في شي لصالحي وصالحك يا ليلى..
___
كل الي كنت عم فكر فيه انه اهرب بأي طريقة كانت، ما لازم كون بالبيت لأنه هون ظلام، هون دمار، الله ما بحب المستضعفين ما في مجال لتباكي. اجى الوقت انه الفراشة تطلع من اليرقة ..
اجى وقت انه اتخلى عن الجحر.
اجى الوقت انه عيش بكرامة او موت بدون ما اشعر انه كنت ضعيفة وما دافعت عن حالي.
اخدت كم غيار وتلفون مراد.
فتحت باب غرفتي بهدوء..مديت راسي وتأكدت انه ما في حدا..تصنعت انه بدي ادخل على الحمام فتلت كم فتلة بالبيت تأكدت انه الكل نايم. رجعت لغرفتي سحبت الشنطة وطلعت..يا رب ما انمسك..دخيلك يا رب.
_

طلعت من البيت..سرعتي كانت جنونية..خايف عليها تنمسك وخايف اخسرها..
اليوم فرصتنا الاخيرة..
اما الموت معها او الموت بدونها..
وانا اخترت الموت معها..
كملت طريقي بدون تردد..كل الوقت عيني على الشارع والعين التانية على التلفون..
يا رب ما تنمسك..يا رب تساعدها وتساعدني..
____
اجتزت منطقة الغرفة ونزلت مع الشنطة على الصالون دخلت الصالون بحذر..
من شباك الصالون رميت شنطتي بهدوء..وبعدا قفزت....كل ثقل جسمي وقت قفزت اجى على رجلي.. شعرت بوجع رهيب.. ومع ذلك قاومت الوجع....كملت طريقي نحو السور ..
دقات قلبي كانت عم تتسارع..ابي اذا مسكني ما رح تكمل ليلتي غير بالقبر..
ووصلت لعند السور وفعلا شعرت انه اجتزت مرحلة الخطر...وقفت استنى اشارة من مراد...
_
وصلت لعند السور ..سور اافيلا ممتد..
ما عرفت وين بتكون بالزبط..
وكيف ممكن تعبر هالسور الطويل..يا اللهي معقول تكون طلعت من البيت..مسكت تلفوني وبعثت رسالة..
انا وصلت انت وينك؟
_
حسيت بصوت سيارة..واضاءة..وقف قلبي.
ما تحركت..
وصلتني رسالة.
انا وصلت انت وينك؟
هديت..واطمن قلبي..هاد مراد.
رح ارمي الشنطة ورح تعرف ويني بالزبط بس تشوف الشنطة قرب بسيارتك..
رميت الشنطة بحذر..
وفجأة سمعت صوت من خلف السور..
هاد انا ليلى لا تخافي...على مهلك وانت تتسلقي..السور عالي..
بلشت اتسلق على السور..كان صعب وشعرت انه ما راح اجتازه..مع دعم مراد قدرت..وفجأة شفت ايده تفاجأت ..بس لما شفته ضحكت..كان واقف على سقف سيارته..
مدلي ايده.. ..حطيت ايدي بايده..وقفزت لعنده.. قفز من على سقف ااسيارة متل المجنون..وساعدني انزل..
دخلنا السيارة وهربنا بأقصى سرعة ممكنة..
____
كنت حاطة ايدي على تمي..عم ارتجف. نفسي عم يروح مني..وبتأمل ما يخذلني..هالمهمة اتعبتني كتير..
#لوين بدنا نروح مراد؟
_عندي بيتي رح نروح عليه..
#بس بيتك رح يكشفوني..اكيد اول حدا رح يشكوا فيه انت.

يا الله كنت مشوش والله لسة ما فكرت والله ما فكرت ..اجى الشي على غفلة مني ليلى..شو بدنا نعمل؟ فكري معي!
شو رايك نطلع برا البلد..؟
#منطلع لوين بدك دبرني مراد..
لوين ما بدك بروح... .انا ما بقدر اتحمل اكتر ..
لمحت وجهي بمراية السيارة..عزت نفسي علي..شو عم اعمل مع مراد بهيك وقت!
ليش وصلت لهيك محل..بدون مبرر بلشت ابكي..ابكي بدون توقف...

عم تبكي ويلي بسمع صوت بكاها ببشعر بكمية الوجع..كل الي صار معك سببه انا وابي..ما بعرف انا نقمة ولعنة عليكِ!
يا ريت ما وصلتك لهون..خجلت هديها..ابي سبب هالدموع...
كانت عم تبكي وانا بلشت ابكي!
ما اشد وجعك يا ليلى ..
وما اقسى قلوب العالم يلي حولينا..
مسكت ايدها حتى هديها..بس سحبتها وخبت وجهها ودموعها عني..
حاولت هدي حالي، بهاللحظة لازم كون معها..
ليلى هلأ انتِ ليش عم تبكي؟
شو رايك تهدي شوي..ليلى اهدي منشان الله ما بقدر شوفك هيك.
#عم ابكي لأني وصلت لمكان ما بستاهله، انا ما عملت شي حتى يصير فيني هيك.هلأ العالم كله رح يسبني ويشتمني ورح يثبتوا التهمة علي..

الكلبة هربت من الصالون..هاي شباك الصالون لسة مفتوح..عرفت شو تعمل..
ماشي يا بنت الكلاب انا بجيبك لو كنتِ بسابع ارض انت والكلب يلي معك!
______
بتراقبوا بيته..بس يطلع بتجيبوه لعندي.
#امرك معلم.
___
اهلي بالبيت ما شعروا بشي..الساعة وحدة ونص طلعت من البيت حتى روح اشتري تلفون واتفحص الجو اكيد رح يستناني شي كبير!
#شوو امي وين يا مسهل؟
_ولا شي..طالع لعند ابي على الشركة وعندي كم شغلة ليش بدك شي؟
#لا تتأخر بنتك جاي لعندك اليوم..
ماشي..ولا يهمك..
طلعت من البيت وكنت شاكك برجعتي.
_____

عمي ابو علي اتصل لمراد اطمن عليه؟!
#يا بنتي الله يرضى عليك تهدي، حكى ما تتصلوا حتى انا اتصل..انا يا بنتي زلمي مستور الله يرضى عليك لا تطلبي اكتر من طاقتي..
سكتت وما حكيت..واضح انه الزلمي خايف كثير من هالحالة يلي وصلناه الها..
_
بقبو تحت شركة مروان سالم بتم عمليات التعذيب الاسطوري.
عصبة من الرجال ذات عضل مفتول، موظفين لهاد الشغل تحديدًا..هدول الناس ابي ما بظن تعامل معهم من قبل!
وهاد بعني انه مروان سالم اخطر من ابي والعن.
وصل مروان سالم بعد ما تم القاء القبض عليي..
#شوو مراد فواز المحترم مضيوف عنا..
_شوفة عينك، رجالك مدربين منيح..عرفوا يصيدوني.
#وين البنت؟
_بنتك يعني؟
صرخ صوت قوي..وضرب ايده بايده...
#ما تلعب معي يا ولد!!!!!!!
_ما عم العب معك ..انت بتفتش على بنتك وشو متوقع مني؟ يعني على فرض انه بعرف مكانها حسب رايك رح احكيلك؟
#ووقح كمان..؟
رح تحكيلي ايه..لأنه اذا ما حكيت رح يكون مثواك الليلة..جهنم وبئس المصير!!!
الاعمار بيد الله..
#ولللك وين بنتي.؟
ما بعرف عن شو عم تحكي!
#اطلع بنتي وخود شو بدك..بس ما توصلني لوضع اقتلك واقتلها..
شفت شباب تنين عم يسخنوا سيخ حديد.فهمت انه اللعب الحقيقي بلش..
وهالزلمي ما رح يصغرها..
يعني دخلك اذا حرقت وعذبت بكون خلص؟
واذا متت انا ...انت بتلاقي بنتك؟
اذا مو حابب توصل لهون..احكي وين البنت وما بصير عليك شي..
اطلعت فيه وضحكت صار لازم اكشف المستور.
يلي ما حكيته لهاي اللحظة.
بدك تقتلني ما في اي مشكلة..بس تأكد انه بعد وفاتي فضيحتك انت وعيلتك بتصير فضيحتين..
اطلع فيني وضحك..
قرب السيخ مني..شعرت بالحم عم يطلع منه.
#بتهددني يا ولد؟
بهددك طالما انت بتهددني اكيد..متل ما انت بتعرف توقع الناس وبتعرف تصطاد بالمية العكرة وكمان الناس نفس الشي!!
سيد مرواز الناس صاحية منيح وبتعرف توقعك انا ممكن افضحك حتى لو بعد موتي.
#عن اي فضيحة بتحكي يا وغد؟
بالبنط العريض. مروان سالم وهبة فتحي يقيمان علاقة سرية!
جن جنونه..ضرب السيخ بالارض..
#انت عن شو عم تحكي يا ولد؟
اتركني..ما تخاف ما رح افضحك..وبنتك بشطارتك فتش عليها..متل ما انت عندك خفافيش بتشتغل لجنابك وانا كمان عندي خفافيش بتشتغل بالليل وبتطارد امثالك.
#يعني عم تراقبني؟
هيك شي!
ومعي فيديو كامل. تصور من غرفة نومك انت وهبة ممكن ينتشر ..بعد وفاتي
جن جنونه..وصار يضرب يمين وشمال..
#وين الفيديو؟
بتلفوني..
سحبت التلفون وفرجيته حاله. بأوسخ منظر.
#الفيديو مع غيرك؟
اطلعت فيه وضحكت..
وين كنا ووين صرنا..كان مهم عندك تعرف وين ليلى وهلأ صار مهم الفيديو؟.
ايه يا سيدي الفيديو معي ومع غيري..وما بطلع الا بحالة وحدة! بحالة اذا انت قتلتني او مسيت شعرة مني ومن ليلى..
ومو بس هيك تنازل خطي عن ارضنا..
(كان مصدوم من شو سمع..عم يفتل بالقبو متل المجانين..المسدس بايده مرة يصوبه تجاهي ومرة يضرب رصاص على سقف القبو..رجاله خايفين..اما انا الوحيد يلي كنت بارد الاعصاب ..
تذكرت كيف الصدفة لعبت دور منيح لحظي وممكن لحظ ليليى.رغم كل الخوف كنت واثق انه هالشي رح يكون لصالحنا..بالاسبوع الاخير ووقت شكيت بهبة، راقبتها..وانصدمت بس شفت يلي شفته، بلا ما فكر مرتين، دخلت بالسر على بيت مروان وركبت كميرا مراقبة متصلة بتلفوني..كنت شاعر انه هالشي ممكن يكون لصالحي وصدق شعوري.)
#اطلعني من هون..
رجع ارض ابي..
و جوزني بنتك وبنتهي الامر.
بستر عليكْ، وبكسب بنتك.
شو قلت؟
قرب مني..حرارة انفاسه شعرت فيها..
ضحك ضحكة هزت المكان وضرب رصاص بالسقف..
#حلمك متل حلم ابليس بالجنة..تعليقات ودعمممم يا جماعة..
👍👍👍 حطووووا لايك قبل القراءة لطفًا🌹🌹🌹🌹

#حنين_ابو_صلاح
#كيف_أنسى❤❤❤
الجزء الثامن.
على ما يبدو نسيت انت مين يا ولد!!
ولسة ما عارف مع مين عم تلعب..قرب مني وصفعني كف جاب العصافير فوق عيوني.
اطلع بنتي عم قولك.
اطلعت فيه وضحكت:
ما بعرف مكانها..واعلى ما بخيلك اركبه.
هز براسه وواضح انه استسلسم بشكل مؤقت..جحر فيني وركّز نظره على عيوني، اشر باصبعه السبابة تجاهي وحكى بصوت من حديد.

#حنين_ابو_صلاح
#كيف_أنسى؟
االجزء الرابع
الجزء الخامس
الجزء السادس
وحدة حقيرة واطية.اتركي رجلي لاكسرلك ايدك وابتلي فيكِ يا واطية.....قال طاهرة والله لافضحك والله...
بعدتي عنه بقوة وتف بوجهي للمرة الالف .
اقسم بالله انه في غلط خلينا نروح على الدكتورة بترجاك وبعدا افضحني متل ما بدك. اقرا بالنت في بنات ما بفقدوا عذريتهن من اول ليلة والله ما بكذب..
كان بقمة القسوة والنذالة...انا مرتمية على الأرض ما بعرف شو صار معي بترجى بكلب حقير عم يتهمني بعرضي وبشرفي ..
____
الخبر كات متل الصدمة وقت رن التلفون الساعة ٥ ونص الفجر ومن رقم محمود جوز ليلى قلبي وقف..
رفعت السماعة ومروان كان جنبي وصحي على صوت التلفون..
" الو؟!"
كان صوته ما بوحي بخير..ارتجف قلبي..وفزيت عن السرير ..
خير شو في؟
يا ريت يكون خير يا خالتي ...بنتك يا خالتي الله يستر عليها..تعوا خدوها.!
ابني بكون صاير غلط..طول روحك الصباح رباح.
ذسكر الخط بوجهي..
ومروان من صدمته بلش ضرب فيني...
تربايتك..هالبنت فضحتني الله يسود وجها..لك انا شو عملت حتى انبليت بهيك بنت...كله منك هاد لأنك ما وعيتي لبناتك خلي صاحباتك وسهر الليل يفيدك..
اخر هالعمر اسم مروان يتطلخ بالارض. تفي عليكِ وعلى بنتك.
________

تركني وطلع برة الغرفة اما انا كنت مصدومة وما عارفة شو اعكل..دخلت الحمام لبست تيابي وضليت مسكرة الباب على حالي.
"""لايمتا بدك تضلك متخبية اهلك شوي وبيجوا..يا حقيرة يا واطية"""
فكرت انه اقتل حالي بس ما قدرت، انا شريفة وطاهرة ولازم اظهر براءتي لازم ما اتنازل.. الله ما بحب الانسان المستضعف..اصبري يا ليلى بعد العتمة بيجي الضو..وبعد الشدة بتفرج..
مسحت دموعي وتوكلت على الله.
"واصبر انك بأعيننا"
___________

بأي وقت رح يجوا لعندك. كوني جاهزة ومتل ما اتفقنا..
*بس أنا ما اتفقت..انت لوحدك يلي خططت واتفقت..
انا مستحيل اعمل هيك شي!!
ما بقدر اساسًا فكر بشي زي هيك..

اليوم بدك تقدري، ضميرك اعتبريه مات لمدة نص ساعة..
طلبكم مستحيل، واعملوا اي شي بطلع بايدكم..
١٠٠٠٠ الف مبلغ مو بسيط..
لو مال الدنيا كله ما رح اقبل..
اذا صار شي للبنت رح يكون بسببي..بفضل موت ولا اعمل هالشي..
اطلع فيني ومسح على لحيته ضحك بخبث وحكالي..
ويمكن ما تموتي انتِ..
شو قصدك؟
ابنك تيم مثلا..او جوزك رضا كمان نص ساعة بروحوا على الروضة صح؟
ممكن بس تطلع من عندك ليلى يكونوا صاروا بعداد الموتى!!
ما طمعت بالمصاري ابدًا، لكن الخوف كان سيد الموقف. اللهم لا تحملني ما لا طاقة لي بهِ واعفو عني وارحمني انك ارحم الرحمين.
دخلت للعيادة بحالة يرثى لها.
_______

كلشي كان بحسب التخطيط..
الاتفاق كان مع ثلاث طبيبات معروفات بالبلد..اي غلطة من اي وحدة رح يكون مصيرها بيتها وعيلتها..
لا تخاف. خليك واثق بحالك واثبت على كلمتك..
اياك يطمعك مروان بالمصاري، متل ما اتفقنا مفهوم؟
طبعًا مفهوم.
نص المبلغ صار بحسابك بس تكمل مهمتك بتوخذ بقية المبلغ .
_____

عشت ليلة حالكة السواد. ما نمت كل الليل..كيف ممكن تغفى عيني وليلى حزينة!
كيف انسى؟
كيف انساك كيف بطل حبك!
حبك ادمااان يا ليلى..
كيف ممكن نام وليلى بين احضان زلمي غيري..
الواقع اشد مرارة من الحكي. يا ريت كانت كلماتنا بتتحول لافعال !
لو كان هالحكي في منه اكيد كانت ليلى معي ومتل ما وعدتها..انت الي وبس الي!
الواقع غلبني.
الدمار والفوضى يلي بقلبي كلها بسببي!!
الساعة ٨ و٢٠ دقيقة طلعت من بيتي ما بعرف لوين سيارتي رح توخدني!
وفجأة بلاقي حالي واقف متل الحرامية بعيد كم متر عن بيت ليلى!
يا ترى شو عم تعملي هلأ!
لهدرجة الحب بعمل منا عميان!

______
كنت بالحمام عم استنى تفرج وتوصل امي..
اللهم ارحم ضعفي وقلة حيلتي!
انا ما بعرف كيف صار هيك..عم حاول اتذكر بس كيف ما عم اتذكر شي!
كل يلي بتذكره انه ضربني وعاد عملته البشعة كمان مرة..بس شي ثاني ما بتذكر!
شو صار معي، حاولت استرجع كلشي صار بس ما قدرت!
وصلت امي وابي..كان صوت محمود وابي عالي وواضح انه في اختلاف بينهم..اجت امي ودقت باب الحمام. بس فتحت باب الحمام طلعت فيني وضربتني كف بلا ما تسألني شي كانت صارت جازمة انه بنتها وحدة واطية.
ما في عشر دقايق حتى وصلت حماتي..
حماتي كانت الطف من امي واحن!
حماتي حكت بوضوح لابنها، امي ما بصير نحكم على شي بلا ما نفهم ..بصير مرات في حالات ما بينزل دم..ما كان لازم تقلق اهل البنت..
هالحكي كان يردلي روحي بس الحقير كان مصر على انه مو غلطان.
طلعنا على عيادة نساء وكان ابي ومحمود وامي وحماتي بالسيارة!
_____
كان واضح انه في شي مو طبيعي!
وين راحوا!
وليش ليلى عم تجر حالها جر!؟
ركبوا بالسيارة وطلعوا، ما تحملت هيك منظر!
شو عم يصير معك يا ليلى!
دورت سيارتي ولحقت بسسيارة الكلب محمود!
____

اصوات عم تعلى وصوت الكندرة عم يقترب اكثر.. ما رفعت راسي. بس كل يلي عم يتقدموا تجاهي حاملين سلاح..
السلاح بكل الايدين.، خايفة، عم ارتحف. انفاسي عم تنكتم. صوت مراد براسي. امي اخواتي.
صور كتير بمخي..مراد وحبنا، كذبته، الكذبة يلي انكشفت، ابي وعداوته مع فواز، محمود الراسي، ليان بنت مراد، مراد ..مراد الخذلان.
. عم خاف اكثر..صوت الخطواتت صار قريب كثير..دقات قلبي عم تنسمع على بعد اميال. انفاس مقطوعة..قوى خائرة.. عم اتعرق ..عم اختتق..
وصلت الكندرة ووقفت مقابلي غمضت عيوني وبلعت ريقي..
"اشهد ان لا اله الا الله واشهد ان محمدًا رسول الله"
اللهم اني مغلوبٌ فانتصر....
#حنين_ابو_صلاح
#كيف_أنسى❤❤❤
الجزء التاسع.
الرجاء ضغط لايك قبل القراءة👍👍👍👍
قرب مني.الايد يلي كانت حاملة السلاح رجعته على خاصرتها. بصوت وِدّي حكالي..
#ليلى يا روح ابوكِ،كيفك انتِ صاير عليك شي بابااااا؟؟؟
اطلع فيني وتفحصني...ضمني لصدره ..شعرت ضلاعي رح تتكسر بين احضانه.
احضان؟
تمليس على شعري!!
بعدني عنه واطلع فيني..مرة تانية
#خفنا عليكِ كثير ان شاء الله انت تمام.؟
ما صاير عليك شي صح..اطلع فيني وتفحصني.
ما كنت مستوعبة كمية اللطف والحنان والخوف يلي بثلي ياه...
تقدمت الشرطة نحوي حتى توخذ افادتي.
اطلع فيني ابي وغمزلي بعينه.
وقبل ما يسألني الشرطي سؤال، ابي بادر بالكلام!
خطفوكِ بابا صح؟الله يلعنهم بس يا بابا..
كانت نظرة عيونه مصوبة تجاهي وواضح انه بده احكي شو هو بحكي..من صغرنا تعلمنا منه كيف نفهم لغة عيونه بلا ما يحكي. وعلمنا نفهم شو بده بلا ما يحكي. حسب النظرة كانت تلبي الطلبات وبلا كلام..
فاهمة كثير انه بدي احكي انه انا كنت مخطوفة وفضلت كمل رغم كل الخطر ونويت ما زيّف الحقيقة مهما كانت النتيجة.
#ما خطفوني، انا طلعت من البيت بكامل ارادتي.
اطلع فيني نظرة غاضبة، قبض على ايده، وعض على شفافه. كانه عم يحكلي(ماشي دُبارك عندي)
#طلعت من البيت لأنه ما بدي اتزوج، ورجعت على البيت لأنك انت يا بابا خطفت بنت صغيرة ما في الها اي ذنب...رجعت على مضض..وبدي الشرطة تحميني من كل شخص ممكن يسلبني حريتي بحق الحياة والعيش بكرامة.
كان الشرطي مصدوم من اقوالي بس بما انه ابي مروان سالم، خوفه وتردده سمحله يتجاهل حديثي وعلى ما يبدو خاب ظني.
ببلادنا القانون بينطبق على المساكين والضعاف فقط!
على مروان سالم وجماعات الاجرام المنظمة والغير منظمة القانون يتجاز عنها ويشرعها!!
_________
ركبت سيارتي. سقت بسرعني القسوة. لازم اوصل لعند مروان ساام.
الطريق قريب طويل قريب بالمسافة، طويل بلاعصاب والضغط النفسي يلي عم اشعر فيه.
حرب اهلية كانت عم تجتاح عقلي وقلبي.
عقلي يلي بنهرني احكي الحق ولو كان محفوف بالمخاطر.
وقلبي يلي بردعني عن ارتكاب اي غلطة بحق العيلة يلي تربيت طول عمري على الامتنان الها.
بعيلتي كنت الابن الوحيد والمميز ولا مرة كسرت لأبي كلمة وهالمرة وقت قررت اكسر كلمته كسرته!
وصلت لطريق المؤدية لبيت مروان سالم.
امي بعثتلي رسالة صوتي بتتوسلي ارجع!
(امي ارجع حبيبي الشرطة بترجع بنتك،منشان الله يا ماما ابوك وانا اذا صار عليك شي منموت..امييي ارحمنا يا امي)
المنطقة كأنها حقل الغام، سيارات الشرطة مطوقة المكان.
نزلت من سيارتي بخطوات سريعة كنت اتخطى لغم لغم، حتى وصلت لعتبة الفيلا..ما كنت خايف.
ولا كان قلبي عم يرتجف.
كنت بدي شغلة وحدة.
اذا عملتا وموتت بكون مبسوط واذا ما صارت وكشفت المستور رح نام بقبري مقهور.
الحراس والشرطة ركضت باتجاهي. ابو مراد وليلى كانوا مجتمعين بمشهد دارماتيكي. بس شفت ليلى شعرت براحة. الحمدلله انه انت بأمان
كانت حالة من التأهب عم بتسود الفيلا.
وطبعًا وصولي زاد الشحنة السلبية بنفوس كل الموجودين.
دخلت ليلى جوا البيت. كانت عم تختفي من الساحة وكنت عم اتقدم. لمحت العم ابو علي. طلع من الصورة اطلع فيني وبسرعة نزل راسه للارض، تقدمت أكثر..وتقدموا الحرس كمان وتنين ضخمين مسكوني.
طلعت فيهم وصرخت..
#عندي شووو أحكي. يا سفلة اتركوني....
برفعة ايد مروان سالم كنت واشارة منه تركوني.
الشرطة لا حضور لها ولا كيان!
فقط صورة حتى يكتمل المشهد، الآمر الناهي مروان سالم.
________
اخواتي وامي وستي كانوا على باب البيت بس دخلت سكرت اختي الباب..
امي هجمت علييي واول استقبال الي كان صفعة كف.جمدت بمكاني وعقلي كان فيك يا مراد..
اصوات اخواتي الاربعة عم يلوموني، وين كنتي؟ ما حكيت تجذرت بمكاني. كان عقلي مشوش وما طنت مركزة بشو عم يحكوا..
دفشتني امي بقوة ورمتني على الأرض.
(لك اتركِ البنت، وين كنتِ عنها قبل؟ هلأ جاي تربي بعد ما وقع الفاس بالراس.)