#رماد_الجزء_الثالث
#بقلمي_سـيلار
وهون سمعنا صوت سيارات الشرطه . .
طيف : اناااا هووون ياشرطه هاد خاطفنييي
حط اسد ايدو ع تمي بس عضيتو وبعدها حملني ع ضهرو وصار يرركض وانا اصرخ لعلى تسمعني الشرطه . .
وقف اسد عند بيت مبين قديم شوي . . نزلني من ع ضهرو وانا صرت حاول بعدو عني بس كان مثبتني من كتافي ومبين عليه علامات الصدمه
هديت شوي وتطلعت فيه وقلت : بترجاك تتركني انا ماالي دخل بأي شي عملك ياه عمي !
فجأه ضمني اسد بقوه وصار يناديني ياسمين
انا عصبت وماقدرت امسك حالي . .بعدت عنو وصرت صرخ : انا طيف اناااا طيف مو ياسمين اصحى . .وضربتو كف . .وكانو دموعو عم ينزلو ع الساكت . .بعدها عصب وجرني من ايدي لجوا البيت المعتم . .رماني ع الارض وقفل الباب وشغل الاضويه . . قرب لعندي وقعد على الارض بجنبي . . حط ايدو ع خدي وانا عم ارجف منو وصار يحكي : انتي بتشبهيها كتير . . نسخه عنها
طيف : مين هي !
اسد : ياسميين
طيف : لك يلعن ياسمين وساعتها عم قلك انا طييف
وبوقتها عصب كتير ومسكني من شعري وصار يضرب فيني . . حاولت فلت حالي منو بس كانت ضرباتو اقوى من اني صدها . . بعد ماتعب بعد عني وانا عم انزف من كل مكان بجسمي . .
بعدت عنو وقعدت بالزاويه ابكي واشهق . . بس شافني عم ابكي قرب علي وضمني وصار يحكيلي : ياسمين لاتبكي . . انتي مالازم تبكي
صار يمسحلي بدموعي وانا عم بعدو عني . .حسيت فيو شي مو طبيعي . . شوي بيهدا شوي بقلب مجنون . .اي هاد هوه . .بظن انو مجنون . .
قام اسد يتفتل بالبيت . .
اسد : رح نرجع نعيش انا وياكي ببيت واحد . .مارح اسمحلك تتركيني متل هديك المره . .اساساََ ماصدقت ولقيتك !!
قرب وسحبني من ايدي وفوتني ع غرفه
اسد : رح نرجع نام انا وياكي هون بهاي الغرفه ! شوفي لساها متل ماتركتيها اخر مره . .
وبعدها طلعني ع غرفه تانيه
اسد : شايفه هاي غرفتي يلي انتي حضرتيلي ياها انا وصغير . .بس ماكنت اقبل نام فيها لحالي . . كنت اجي نام بغرفتك وتحكيلي قصه متل كل مره !
انا كنت ساكته ومو فهمانه شي عليه . . عم اتالم من جروحي وعم ابكي ع الساكت
اسد : شكلك تعبانه ياسمين ! تعالي ارتاحي بغرفتك . .فوتي شوفي انا كنت كل يوم نضف الغرفه لاني كنت مستني رجعتك . . كنت بعرف رح ترجعي
طيف (بصوت عم يرجف) : م . .مين .. .ان . انا ؟
اسد : انتي ياسمين !
طيف : مين ياسمين ؟؟
اسد : امي . . انتي امي !
تاكدت بوقتها انو في بعقلو شي . . فكرت باني حاكيه ع قد عقلو وحاول افهم منو شي . .قعدت ع التخت وحكتلو : كيف انا امك ؟ بعمرك شفت ام اصغر من ابنها . . انت اكبر مني . . كيف انا امك . .شوف خصلات الشيب يلي بين شعرك . . ازا كنت عنجد انا امك فلازم هاي الخصلات تكون بشعري مو بشعرك . . كيف هيك ؟
عقد حاجبيه وبين انو ماعجبو الكلام وبلش يستوعب
اسد : بس انا عمري 26 بس . . مايغرك خصلات الشيب يلي بشعري . . هاي من الخوف
طيف : طيب انا عمري 20 كيف انت اكبر مني وانا امك !
قرب اسد علي وصار يلمس وجهي وكانو عم يكتشف ملامحو . . وانا خايفه منو وعم بعد عنو
اسد : بس انتي بتشبهيها كتير . .نفس الوجه ونفس لون العيون ونفس الشعر . . حتى رسمة تمك نفسها
طيف : طيب انا بشبهها . .بس انا مو امك
اسد : مو امي ؟💔
قعد ع الارض وضم رجليه ع صدرو وصار يحكي : الي عشرين سنه بستناها . .ماكانت تجي . . فيكي تجيبيلي ياها ؟
طيف : وينها هي ؟
اسد : ههههههههههه ماتت !
انصدمت وبعدت عنو . .
طيف : كيف ماتت ؟
اسد (بعصبيه) : سالم قتلها !!
طيف : شوو !! مستحيل عمي مابيعمل هيك
مسك ايدي بقوه وقال : شفتو بعيوني !! قتلها لانو مارضيت تعطيه يلي بدو ياه . . اخدها مني وتركني وحيد . . واجه هالعتمه لحالي !!!
فيكي تجيبيلي ياها ؟💔
طيف : وانت فيك تجبلي جوزي يلي قتلتو بيوم عرسي ؟ . .قتلتو قدام عيوني . .قتلت حب حياتي بيوم عرسي !! تركتني اتوجع . . وواجه هالعالم لحالي !!! فيك تجبلي ياه ؟
قام اسد من الارض بعصبيه ومسكني من شعري وصار يصرخ : انا قتلتو لانو ابوه قتل امي !!
طيف : ما انت اخدت بتارك من ابنو . .ليش كملت ع مرتو !! واغتصبت بنتو ؟؟ مانك قرفان من حالك !!! لك انا بكرهك وبدي اقتلك !!
فلت شعري وضمني وهو عم يرجف ويقول : لا ماما لا تكرهيني بترجاكي لا . .لاتقتليني
بعدتو عني بقوه وانا عم ابكي : لك بعد عني ياحقير انا مو امك يا مجنون
اسد (يصرخ) : انا مو مجنوووون لاتحكيلي متلهم انا مو مجنون
طيف : طلعني من هون . . مابدي ابقى هون
اسد : لالالا مارح خليكي تتركيني بعد مالقيتك
وسكر الباب وقفلو وقعد ع الباب من برا وصار يحكي : ماما مارح خليكي تروحي . .
صرت طبل ع الباب وصرخ بس ماكان في فايده . . . تعبت وقعدت ع التخت ابكي . .
----------------------------------------------------
غفيت بمكاني وانا مو حاسه ع حالي من كتر مابكيت . . . كانت الشمس فايته ع الغرفه ومضوية الغرفه كلها . .صرت اتأملها وفتحت الخزانه بلكي بلاقي شي بقدر افتح فيه الباب
كانت خزانه قديمه وفيها تياب قديمه وشوي

#رماد_الجزء_الرابع
#بقلمي_سـيلار
كان صوت سيارات الشرطه قريب منا . . واسد ماسكني من ايدي وبيركض . . بس انا كانت خطوتي اصغر من خطواتو مما بطىء حركة اسد . .فاضطر يحملني ع ضهرو ويركض اسرع ماعندو . .
طيف : يارب يا اسد تنمسك يارب بس ع هالحركات التافه تبعك . .عفكره رح اوقع . .اس . اسد شوي شوي لكك رح اوقع
اسد : اسكتي احسن ماجرك جر
طيف : ياعالم ياناس هاد الزلمه خاطفنييي
كان اسد عم يركض اسرع ماعندو وانا عم ادعي الشرطه تشوفنا وتخلصني منو
وفجأه وقف اسد ركض بعد مابعدنا عن البيت بكتير . . نزلني اسد ومسك ايدي ومشينا باتجاه غابه . .
طيف: هو يعني كل البيوت يلي عندك بالغابه . . اه ولا الاسد ملك الغابه خخخهههه
اسد : لانغشه ماشالله عنك . . امشي من تم ساكت
فتنا ع البيت المنعزل وكان اشبه بكوخ . .
اسد : سالم الحقير !
طيف : عفكره متل مالقو بيتك هداك رح يلاقوك هون
اسد : مافي اي مشكله بنرد نهرب . . مافي شي ورانا 😉
قعدت ع الكنبايه بنرفزه
اسد : بالمناسبه غرفتك يلي ع اليمين
طيف : اها
اسد : انا بس بدي اعرف كيف بتتجوزي ابن هالمجرم . . معقول عيلتك طمعت بمصاري سالم لهيك رموكي هالرميه ؟
طيف (بعصبيه) : شو مفكر كل العالم متلك !! انا وطارق اتجوزنا عن حب . .وطارق شخص كتير منيح . . اما انت مجرم قتلتو !!
اسد : ههههههه نصيبو
قمت فتت ع غرفتي وحكتلو : بكرهك !
اسد : شعور متبادل
قعدت ع السرير وحاولت امسك حالي مشان ما ابكي . . بس موت طارق كان فاجعه بحياتي . . والاصعب اني قاعده مع القاتل مو قادره اعمل شي !! انا وحده ضعيفه . .وفتت بنوبة البكا تبعي
كنت عم اسمع صوتها عم تبكي وتشهق . .بعرف فراق الناس يلي بنحبهم صعب . .انا كان بدي احرق قلب سالم . .بدي خليه يجرب شعور انو يفقد غالي . . هو حرمني من امي عشرين سنه خلاني اتعذب ع فراقها . . موتها قدام عيوني . .انا بدي احرقو واحرق عيلتو كلها . .
اسد : طيف قومي كلي . . صارت الدنيا المغرب ولسا ما اتغديتي
طيف: اطلع برا مابدي اكل
اسد : بلا ماتنامي جوعانه
طيف : مادخلك فيني . . مابدي اكل
اسد : تصطفلي . . هاي الاكل برا ازا حبيتي تغيري رايك
طلعت من غرفتها وقعدت بالصالون . . رنيت ع صاحبي سامي لاخد منو الاخبار . . وشو عملت الشرطه بس مالقتني بالبيت
سامي : والله يا صاحبي طلعت خالية اليدين هههههه
اسد : واكيد سالم احترق راسو هههه
سامي : هو كان مع الشرطه وصار يخرب باغراض البيت من عصبيتو ويتحلف ويتوعد ههههه
اسد : سامي بدي تصلح كلشي خربو . . هالبيت الذكرى الوحيده من امي مابدي يتغير شي . .بدي كلشي ع حالو . . رتبو واقفلو . .
سامي : حاضر . . بكرا بميل ع البيت وبعمل كلشي حكتلي عنو
خلصت المكالمه مع سامي ولقيت طيف واقفه عند الباب وكانت بتتسمع ع كل الحكي
قربت وقعدت ع الكنبايه جنبي
طيف : كان عمري 18 سنه لما حبيتو . . كان شخص كتير منيح . .كان يرسم البسمه ع وجهي بأتعس حالاتي . . كان سندي !! بال19 اعترفلي هو بحبو وبال20 تقدم لخطبتي . .صدقني مابقدر اوصفلك فرجتي لما لبسني المحبس . .امسك شوف . .هاد هو الذكرى الوحيده منو . . هون محفور اسمي وهون اسمو . .بتعرف احلا مره بشوفو فيها . . لما كان لابس بدلة العرس . .يا الله يا اسد مابقدر احكيلك عن لمعة عيونو لما شافني بالابيض . .ولا لما رقصنا رقصة السلو . . نسيت كل العالم يلي بالعرس وكنت مركزه بعينو . . كنت بتأملو كتير . . وكانو عيوني عارفين انها اخر مره رح يشوفوه . . كانت ابتسامتو ساحره . . بس هالابتسامه اختفت لما انت قوصتو . . مال علي . .صار بحضني وهو غرقان بدمو . .فستاني الابيض صار احمر . .صرخاتي وقهري لحالهم كانو بيحكو الوجع تبعي . . صدقني وجعي والمي اكبر من وجعك . . رغبتي بالانتقام اكبر من رغبتك بتدمير سالم . . بس في فرق واحد بيني وبينك . . انا عاجزه وانت قادر . .
اسد : . . . . .
قمت لعند طاوله السفره وقعدت وبلشت اكل وانا عم مسح دموعي . . واسد كان ساكت وصافن
خلصت اكل غسلت ايدي ووجهي ورفعت شعري وبلشت اتفتل بالبيت واتفرج ع الاثاث تبعو . .
اسد : انا فايت ع غرفتي رح اقفل ع حالي الباب شي ساعه زمن بكون اجا سامي وجابلي الدوا معو . .مابدي فرغ نوبات جنوني فيكي . . الباب الخارجي مقفل لاتحاولي تهربي وسامي رح يكون معو مفتاح
طيف : اوك
شغلت التلفزيون وقعدت قلب بالقنوات . . خايفه استسلم لهل الحياه . . اصلا لو طلعت من هون لمين بدي روح . . حبيبي مات وبيت حماي خلص انتهى . . اما اهلي فما همهم الا شغلهم وحياتهم المهنيه . . اصلا مابظن انهم لاحظو غيابي . .
فجأه صرت اسمع صوت تكسير جوا غرفه اسد . .تكسير وصراخ . .قمت باتجاه باب غرفتو وصرت دق ع الباب
طيف : اسد . . انت منيح ؟
اسد : طيف روحييي من هوون مابدي أذيكي
طيف : طيب طيب
رجعت قعدت ع الكنبايه وانا خايفه . . ضميت رجلي لصدري وصرت ابكي مع صوت بكا اسد
وهون انفتح الباب الخارجي وكان زلمه بعمر اسد تقريبا
طيف : انت سامي ؟
سامي : اي . .وانتي البنت يلي خطفها اسد ؟
طيف : اي . . فوت اعط

#رماد_الجزء_الاخير
#بقلمي_سـيلار
انا رماد حريقك ياصاح . . انا مفترس ضحيتي . .اخبرتك بأن لا تقترب من كل شيء يخصني . . لكنك انتهكت حرمتي وقتلت امي . .ياسمين هي النار التي انجبتني . . ها هي النار تشب في جثتك . . وانا مستمتع بهذا المنظر الذي يشفي غليلي وانتقامي . .انا اللامنتمي . .انا ذاك المجنون الذي يحرق الجميع بدون رحمه . .انا اسد . .الملك فوق الجميع . . لا انت ولا هي سوف توقفاني . .بل يجب عليكم ان تشكراني لانني خلصتكم من هذه الحياة البائسه . . أبحقكم انا مذنب ؟لا اظن ذلك . .
ها انت تصبح رماد وتحترق كما احرق سيجارتي . . اها اظن بأن تبقى شيء واحد يخصكم . .ويجب علي بان اكمل انتقامي على اكمل شكل . .
طلعت من المكان بعد ماحرقت جثة سالم . . واتجهت للبيت يلي فيه طيف . .كان لازم كمل انتقامي كلو وما ارحم حدا . .

كان في شباك بغرفة اسد . .حاولت اطلع منو بصعوبه بس انجرحت رجلي وانا عم حاول . . معلش مو مشكله . . المهم اني طلعت وصرت حره . .بس مابعرف وين انا . . اخدت نظره على المكان . .وشفت واحد من بعيد بيركض بسرعه . .كان بيشبه اسد . .لا هو اسد . .هاد اسد حملت حالي وركضت اسرع ماعندي برغم الجرح يلي برجلي كنت اركض وهو عم يلحقني . .وانا عم اركض وقعت ع الارض ورجلي صارت تنزف كتير . . حاولت قوم بس كنت اوقع . .لحد ما وصلي اسد !
حملني وانا عم صرخ وابكي ورجع فيي للبيت . .بس ماحكى ولاكلمه وكانت عيونو لحالهم عم يحكو قصه انتقام . .صرت ارجع لورى وانا عم اعرج ع رجلي
طيف : شو بدك تعمل . . رح تقتلني ؟ . .انا اسفه خلص ماعاد اهرب بوعدك ماعاد اتحرك من مكاني بس بترجاك لا تأذيني
كان عم يقرب مني ببطىء وعيونو حمر . .وقعت ع الارض وصرت محشوره بالزاويه . .
وبهل اللحظه هجم علي اسد متل المجنون . .واخد شرفي مني . .كنت عم حاول امنعو بس كان اقوى مني . . صرخاتي كانت بتستنجد بحدا يساعدني . .بس ماحدا سمعني . .صرت شوف بعيوني غباش وغبت عن الوعي . .
لا تسأليني صغيرتي ماذا فعلت . .فالانتقام اعمى على بصيرتي . . ولاول مرة اندم على فعلتي . .صدقيني لم اكن بوعي . .فعلا انا نادم ! سامحيني صغيرتي 💔
فتحت عيوني وشفت حالي ع تخت وتيابي مبدله . .حاولت اتزكر شو صار معي بس ياريت ماتزكرت لاني انفجرت بالبكا . . ياريت قتلني متل ماقتل طارق . .ياريت حرقني او عمل اي شي غير هيك . .ع الاقل كنت عند طارق هلأ . .بس هو دعس ع شرفي . . انا شو ذنبي حتى يصير معي هيك . .
قطع صوت بكاي فوتت اسد ع الغرفه . . اول ماشفتو صرخت فيه
طيف : اطلع برااااا شو لسسا بدك ؟؟ انتقامك وكملتو . .والعيلة ونهيتها شو بدك ؟؟ بدك تقتلني تفضل !! شرف . . ولا قلك انا رح اقتل حالي !!
مسكت الكاسه يلي جنبي كسرتها واجيت بدي قطع شرايني فيها بس اسد مسك ايدي وشال الكاسه مني . . حاولت دفشو وبعدو عني بس هو حضني وصار يهديني . . كنت قرفانه منو حاولت بعدو عني بس كان ضاممني بشده . .
اسد : خلص اهدي . . اهدييي طييف خلص . . صدقيني ماكنت بوعيي كانت النوبه جايتني . . سامحيني طيف انا اسف !
طيف : اسف ؟؟ على شو اسف ! لك هاي الكلمه بتنحكى لواحد دعست ع رجلو مو ع شرفو ياحقيير !! لك ريتك تنحرق انت ونوباتك . . اتركني بعد عني . . طلعني من هون خلص شو عاد بدك ليش مخليني عندك ليششش ؟؟
خايف خبر عنك ! اطمن مارح احكي شي للشرطه بس طلعني من هون مششان الله !!
اسد (بعصبيه) : لا ما الك طلعه من هون ولاتحاولي ابدا !
طيف : ليشششش ليششش ليشش!!
اسد (بصراخ) : لاني بحبك ومابدي تروحي . . بدي تضلي معي . . مابدي تتركيني متل امي !!
طيف : انا مو امك انا مو ياسمين
اسد : بعرف انا بحبك الك طيف
طيف : وانا بكرهك يا واطي
مسكني اسد من شعري وقرب مني وقال : لالالا تكرهيني . .انتي حبيبتي وانتي لازم تحبيني ماتكرهيني !!
طيف : لك بعد عنيي يا مجنون . . لك متخيل اني حب واحد مجنون متلك
اسد (بعصبيه) : انا مووو مجنووون
طيف : انت مجنون ومجرم ومغتصب كمان !!
طلع اسد من الغرفه وسكر الباب وراه بقوه . . وانا رجعت ابكي ع حالي وع وضعي هاد
تاني يوم اجا اسد فيقني لافطر وكان جايبلي تياب واغراض لالي . . صرخت علي وطلعتو من الغرفه وصرت ابكي بزياده . .ضليت يومين ع هاي الحاله لا اكل ولا طلعه من الغرفه
بعدين قررت انو ما ضل شي اخسرو ولازم اتصرف وماضل ع هاي الحال
اخدت بلوزه وبنطلون من التياب يلي جايبهم وطلعت اتحممت وجدلت شعري وطلعت قعدت بالصالون
اسد : اخيرا طلعتي
تجاهلتو ومارديت عليه . . رحت فتحت البراد وطلعت اكل واكلت . .
اسد : طيف بدي تسامحيني لنبلش حياه جديده مع بعض . . وبكرا رح نسافر انا وانتي من هالبلد . .
طلعت عليه بقرف وقلت: انت من كل عقلك مفكرني رح سامحك ؟
حطيت الكاسه ع الطاوله بقوه وقمت لغرفتي . .قعدت فكر شو لازم اعمل وكيف بدي اخلص منو وضليت بغرفتي لتاني نهار
كنت نايمه وحاسه في حدا بحركش بالغرفه . .فتحت عيوني وشفت اسد محضر شنتة سفر وبضب فيها تيابي . .جلست بسرعه من التخت وحكتلو . . شو عم تعمل