قصة جديدة: #خانت_الأيام
.............
قراءة ممتعة🦋💙"
#ⴅÂÐЄĦÂ

😢 #خانت_الأيام 😢

#الجزء_الاول
Telegram:@rwayate
عائلة ابو جهاد مكونة من الاب وزوجة الاب واسمها ام انس وست اولاد وبنت ثلاث اولاد من الزوجة الاولى المطلقة وثلاث اولاد وبنت من الزوجة الثانية

اولاد الزوجة الاولى

الابن الاول. جهاد عمره 26 متزوج من ايمان حامل عمرها 24 ولديهم طفلة اسمها ورد

الابن الثاني. زياد عمره 24 متزوج من حنين

الابن الثالث. بلال عمره 22 ليس متزوج

اولاد الزوجة الثانية

انس عمره 18
غيداء عمرها 17 متزوجة من رضوان
اسامة عمره 15
سمير عمره 9
وبسبب الوضع المادي السيئ جدا واوضاع البلد كانت بأولها والعادات والتقاليد
كانو يعيشو في بيت واحد ووضعهم المادي تحت الصفر بسبب مرت الأب الي كانت تسرق وتنهب كل المصاري من زوجها واولادو وتقوللهم انها بتشتري طلبات البيت بس حكيها كلو مو صحيح كانت تاخد المصاري ع بيت اهلها وتخبيهم لأولادها هيا مو اولاد زوجها
كانت مسيطرة على البيت كلو وولا حدا بقدر يحاكيها كلمة ع قد ما كانت ظالمة ومتجبرة حتى زوجها كان وقت تكون بالبيت يكون قاسي مثلها ويعامل اولادو بطريقة سيئة اما بس تروح ع مكان يعاملهم بالمنيح اما اولادها هيا مدللين وولا حدا بقدر يزعلهم او يحكي معهم كلمة
Telegram:@rwayate
واولاد الزوجة الاولى كانو مظلومين ومحرومين من كل شي وكانو اذا بدهم يعملو شي بدون رضا ابوهم فورا يغضب عليهم

وبحكم انو كانو صغار لما تزوج ابوهم للأسف مرت ابوهم ربتهم تربية غلط والاب ماكان يحب اولادو من مرتو الاولى بس كان يحب مصاريهم الي بطالعوها من شغلهم وكان ياخد منهم كل شي ومايعطيهم الا مصروف قليل جدا

جهاد ماكان رضيان عن ظلم ابوه ومرتو وكان يحكي ومايسكت

اما زياد كان مداره لأهله مع انهم ظالمين ومابحبوهم

اما بلال كانت عايش حياته طفاش وكان كرهان حياتو بسبب تصرفات ابوه بس مابيقدر يحكي شي كانت حياتو شغل ونوم وبس هيك

كانو كلهم عايشين ببيت كبير لكل واحد غرفة وبقلبها حمام

وبيوم من ايام الشتاء والجو برد وكل واحد متغطي بحرام والكل مجموعين بالصالة

جهاد. ابي خلينا نركب صوبيا لأيمتا رح نبقى هيك وعندنا بنت صغيرة والله مو ملحقين ناخذها ع الدكاترة كل يوم عم تمرض
Telegram:@rwayate
ابو جهاد. هات اعطيني مصاري حق صوبيا ومازوت ولا بس شاطر تحكي

جهاد. من وين الي المصاري اذا كل شغلي عم اعطيك ياه

ابو جهاد. لا تسمع انا كلو عم احطو مصروف ع البيت شوف كم واحد انتو من وين بدنا نلحق عليكم عم اعطيكم مصروف وفرو منو شوي انت واخوتك وجيبو صوبيا ومازوت مين ماسككم

جهاد. المصروف الي عم تعطينا ياه يادوب يكفي حق كشفية للدكتور ل ورد

ابو جهاد. هلأ لا تعللي قلبي هاد الموجود
ام انس. طول بالك ابو جهاد
وانت يا جهاد منت عارف وضع ابوك من وين الو اذا الي عم تعطوه ياه كلو بحطو بالبيت حق اكل

جهاد. يعني ضروري بدك تخليني احكي وين الاكل الي عم تجيبوه لك المطبخ فاضي مافيو كيلو سكر عم نشتري سكراتنا ونخبيهم بالغرفة
الاكل ماعم نشوف الا وجبة وكل يوم نفس الطبخة بطاطا لأنها ارخص شي
والله ملينا وطقت قلوبنا لأ وهاد كمان اذا جبنا شي ع حسابنا باكيت بسكوت او شي بينسرق من قلب الغرفة او بتفضحونا وبتظلو ورانا حتى نكبو ونقرف منو وتاخدوه وتاكلوه

ام انس. بل بل ياجهاد كل هالقد حاقد علينا والله مابنعرفك هيك اكيد متضايق ع هوا مابتحكي هالحكي هاد ونحنا مارح نزعل منك

جهاد. لا خالتي الي بدو يزعل يزعل
Telegram:@rwayate
ايمان في نفسها اي هيك ها يا جهاد قوي شخصيتك شوي والله مابيجو الا بالعين الحمرة

ووقت النوم فاتو الكل ع غرفهم
في غرفة زياد وحنين

حنين. اسمعت اخوك جهاد شو حكا
زياد. اي سمعت
حنين. ايمتا بدك تقوي شخصيتك وتحكي متلو وتطالب بحقك
زياد. ليش هما بشو مقصرين معنا
حنين. ابدا ولشي مارح ناقشك لأنو رح اتعب حالي ع الفاضي
ياريت يصير فيك شوية احساس متل اخوك

زياد. لا تبلشي موالك هلأ خليني اعرف نام

في غرفة ابو جهاد
ام انس. شفت ابنك لكبير ع هالموال الي سمعنا ياه اكيد مرتو بتكون واززتو علينا لأنها حية من تحت التبن

ابو جهاد. اقلعيه لا تردي عليه
ام انس. بس مو حلوة يصغر ابوه ويسمعو كلام قدام اخوتو لصغار
وقال نحنا بنسرق من غرفتهم اسمعو ع هالوقاحة
اسألك بالله انا مقصرة معهم بشي
ابوجهاد. انتي مافي منك تسلمي لقلبي

😢 #خانت_الأيام 😢

#الجزء_الثاني
Telegram:@rwayate
في اليوم التاني

جهاد و بلال راحو ع الشغل

وام انس واولادها وزوجها وايمان وبنتها بالصالة
وحنين وزياد بالغرفة لانو زياد ماطلع ع الشغل لأنو شغلهن تحت المطر

ام انس انجنت انو قاعدين بغرفتهم لحالهم وبتقول اكيد حنين عم بتعبيه علينا
خليني اتصرف

في غرفة زياد
حنين. يا زياد يا حبيبي انت ليش مابتحس فيني ومابتسألني عن حالي مع اني ماعم قصر معك بشي ورضيانة بهالعيشة يلي الحيوانات ما بتقبل تعيشا

زياد. اي بصير حس فيكي بس لتحسني ملافظك شوي قال حيوانات حبيبتي عند ابوكي كنتي اميرة مين جبرك تتزوجي انتي بتعرفي من الاول ان هيك حياتنا شو بدك ياني زعل اهلي كرمال ترضي عني

حنين. هلأ شو جاب سيرة ابي بعدين مابدي ياك تزعل اهلك كل الي بدي ياه تحطلهن حد والله مرت ابوك موتتني بمعاملتها يا زياد والله معاد اتحمل احكي معهن انت عم تشوف الي بيعملوه فيني وبتسكت وبيحرموني من الطلعة وزيارة اهلي ومخليتني خدامة لأولادها وبظلو طول الوقت يداقرو فيني كرهوني عيشتي
Telegram:@rwayate
زياد. اي بيعملو فيكي هيك لأنك بتردي جواب بدي افهم ليش سلفتك مابتحكي متلك ليش بترد عليهن ومابتحاكيهم شي وانتي ع طول بتنقي

حنين. لانو سلفتي زوجا بدافع عنها ومابخليلها مجال لتحكي وتفتح تمها لانو زوجا بحس فيها
زياد. وانا شو يعني مابفهم ومابحس بمرتي قصدك تقولي

حنين. لأ مو هيك
زياد. طيب رح اسمعك قولي شو بدك

حنين. بدي تخليهن يخفو عني شوي يعاملوني بالمنيح
لك مرت ابوك بتخلي اخوتك لصغار يعجقولي المطبخ بعد مانظفو وبتخليهم يدخلو ع السجاد ورجليهم كلها طين وبتخليني انا وايمان انظف وراهم بس حطلهم حد قوي شخصيتك شوي لك بدي مصروف الي بدي اشتري تياب بدي شامبو لشعري بدي وبدي شو بدي اعد لأعد اهم شي هلأ بدي كل الاغراض الي لازمتي لك شغلك كلو عم تناولهم ياه ومن ثم ساكت وين لسانك ماتحكي يا اما والله ما رح اسكت هالمرة ورح يصير شي ما بيعجبك
وقول حنين ما قالت
Telegram:@rwayate
زياد. طيب طيب هلء بحاكيها وبشوف شو بصير
هلأ شغلي التلفزيون وتعي لنتفرج

في الصالة
ام انس عملت حالها مريضة لحتى تطالع زياد من الغرفة وتخليه ياخدها ع الصيدلية

ام انس. ابو جهاد الحقني معدتي عم توجعني مابعرف شبها اخ يا يما شو هاد رح موت

ابو جهاد. خير ان شاء الله شو اجاكي فجأة من شوي ماكان فيكي شي

ام انس. هلأ مو وقت الحكي نادي لزياد ياخدني ع الصيدلي الي قريب منا هلأ يا اما رح موت من الوجع

ابو جهاد. اي يلا رح ناديلو

ايمان. في نفسها ان شاء الله بتموتي وبنرتاح منك وبتخلصي الناس من شرك

زياد. خير خالتي سلامتك
ام انس. الله يسلمك يلا خدني ع الصيدلي معد اقدر اتحمل
زياد. اي يلا امشي

حنين زياد تعا شوي
زياد. خير حبيبتي
حنين. حبيبي جايي ع بالي موز الله يخليك جبلي معك
زياد. تكرم عيونك
حنين. الله يكرمك

وفي الطريق ع الصيدلي
ام انس. الله يرضا عليك يا زياد والله انا بحبك اكتر شي باخواتك وبحب مرتك كمان بس الله يصلحها ويهديها لو تتحسن معاملتها معنا شوي
Telegram:@rwayate
زياد. تحبك العافية خالتي
ليش شبها حنين
ام انس. يا ابني بحاول اعلمها واوعيها بس بتفهمني غلط ومابتحبني مابعرف ليش

زياد. لا بتحبك بس هيا شوي حساسة
ام انس. مع اني مو قادرة احكي من الوجع بس معليش رح احكي
من كم يوم قلتلها يابنتي تعي عاوني سلفتك بشغل البيت انجنت وصارت تصيح وتكبر بالحكي علي ومارضيت تساعدها
مع انو سلفتها ياحرام بتشتغل من ثم ساكت وما بتفتح ثمها بكلمة لو تتعلم منها شوي
شو رأيك انت بهالحكي

زياد. تعبت وانا احكي معها وع الفاضي من شوي كنا بسيرة سلفتها وقلتلها صيري مثلها هادية ومابتحكي بس ماردت صرعتني من الصبح على قال وقلنا

ام انس. وبخباثة ودهاء ليش شو بدها شو بتقلك
زياد.بدها مصاري تشتري غراض ومابدها تشتغل وبتشكي من كل شي
وهي عارفة وضعنا وعارفة انو المصاري كلها يادوب تكفي مصروف للبيت
Telegram:@rwayate
ام انس. الله يهديها اي والله يا ابني يالله تكفي ابوك كل يوم بنام وهوا يبكي ع وضعكم لانو مو قادر يساعدكم بشي

زياد. ابي الله يعينو محملينو هم اكبر منو
ام انس. انت حاول فهمها بالحكي واشرحلها وضعك وشو ماحكتك اسمع منها وطنش لا ترد عليها مشان ما يصير مشاكل
زياد. اي وهوا هيك

طبعا السلفات ايمان وحنين كتير متفاهمات وبحبن بعض بس هيا بدها تخرب بيناتهن لأنهن متفقات التنتين عليها

في البيت
ايمان. ليش خليتي زوجك يروح معها ليش ماراح عمي شو ناقصو
حنين. ليش برد علي اذا فورا بس قالولو راح يركد
ايمان. والله عم بدعي عليها ليل نهار وبصلاتي وبكل وقت انو الله ياخدلنا حقنا منها ويورجينا فيها يوم قولي امين
حنين. امين يارب تاخدلنا حقنا لأنا مظلومين

حنين. احزري شو وصيتو ل زياد ع موز هلأ بس يجبلي رح اعطيكي منهن جكارة فيهن
ايمان. حبيبتي الله يخليلي ياكي والله بعتبرك متل اختي

😢 #خانت_الأيام 😢

#الجزء_الثالث_والاخير
Telegram:@rwayate
ايمان. شبكي حنين شو في
حنين. مابعرف مابعرف
ايمان. اهدي شوي وفهميني شو القصة
حنين. كانت عم تحكي القصة ل ايمان والكل كانو حاضرين الا اسامة دخل ع غرفة حنين وبدون ماحدا ينتبه طالع الحفاي واخد الجرابات واخدهن ع غرفت امو وخباهن

ايمان. معقول كيف بصير هيك
حنين. مابعرف انا خفت كتير
ام انس. لا تخافي بكون عم يتهيئلك هالشي

حنين. لك والله حقيقة قومو شوفو
وقامو دخلو ع الغرفة وتفاجئو انو مالقو شي
حنين. وهي تصرخ ايمان والله العظيم كانو هون حتى شوفي الشباك مفتوح وانا تركتو مسكر
ايمان. طيب حبيبتي ماتخافي
حنين. لك كيف مابدي خاف وانا بعيوني شفتن هون والله متأكدة من هالشي

ايمان. حنين حبيبتي يمكن تكون دايخة وتخيلتي هيك شي
حنين. هيك قولتك
ايمان. اكيد شو بدو يكون غير هيك
حنين. منيح طمنتيني
يمكن انا كنت اتخيل
Telegram:@rwayate
ام انس. دخلت ع غرفتها وطق قلبها من الضحك
اي بسيطة يا حنين لسا ماشفتي شي

راحت حنين لعند ايمان ع غرفتا وقعدو يحكو

حنين. اااه يا ايمان شو بدي احكيلك لك زياد مابيهتم فيني ابدا يمكن ماعندو احساس او مشاعر
ايمان. مع انو هوا وجهاد اخوا بس في فرق كبير بينهن جهاد كتير رومنسي وبحس فيني وبدللني

حنين. نيالك زياد بعكس زوجك تماما مابدافع عني حتى احيانا بحسو مابحبني

ايمان. لا اكيد بحبك بس يمكن بسبب الظروف تغيرت نفسيتو

ايمان. وانا لك حنين صرلي هون سنين وبعمرهن ما هنوني بيوم يا الله شو ظلموني وقهروني وهي اجيتي انتي وشفتي بعينك

حنين. شو بدنا نعمل الله شايف وعارف
ايمان. ان الله يمهل ولا يهمل

وبعد مارجعو الشباب من الشغل
جهاد. ايمان قومي حطي عشا
ايمان. ماطبخنا شي وماعنا شي البيت مافيو لقمة اكل
جهاد. كمان اي بسيطة
Telegram:@rwayate
زياد. هه فوق مو متكسرين من الشغل مافي اكل ناكلو

وغير زياد تياب الشغل وحطهن بالغسالة وراح ليتحمم اخدتهن ام انس من الغسالة بدون ماحدا ينتبه وعلقتهن بخزانة زياد

بعد ما خلص زياد وفتح الخزانة لاقى ماعينو معلقين بدون غسيل

زياد. حنين حنين وينك تعي لهون
حنين. خير زياد شو في
زياد. انا حطيت الماعين بالغسالة لتغسليهم ليش رجعتيهن بوسخهن

حنين. بس انا مارجعت
زياد. لكن مين رجعهن
حنين. لك زياد في شي بخوف انا اليوم صار معي موقف متل هاد
زياد. انا متأكد اني حطيتهم بالغسالة
حنين. وانا والله مارجعتهن
وفجأة حنين داخت ووقعت ع الاض
اخدها زياد ع الدكتور طلعت حامل بس نزلت لأنو اكلة رعبة

زياد. انتي منيحة
حنين. اي منيحة بس كنت بتمن يجينا ولد
زياد. معليش حبيبتي الايام جاية

ام انس في نفسها لو نعرفها حامل ماكنا عملنا هيك

ويوم ورا يوم كان ظلم مرت الاب يزيد والدعاوي تكتر عليها والحياة ماعادت تنطاق بالبيت وصار الكل يتمنا الموت

وايمان ولدت وجابت بنت سمتها وعد
وحنين حملت مره ثانية
بس كانت كل يوم تتخانئ مع زياد وتوصل بيناتن للطلاق بسبب مرت ابوه
Telegram:@rwayate
ومره كانو قاعدين بالصالة اجت غيداء بنتها لأم انس ومعها شنتت ماعينها
ام انس. خير بنتي شو في
غيداء. جوزي طلقني بسبب امو ام انس. يي الله ينتقم منها هالظالمة الله يبليها بأولادها وبأغلى ماعندها ليش بشو انتي مضايقيتها لبنت الحرام

ايمان وحنين بالمطبخ
ايمان. شايفة يا حنين كيف الله جازاها
حنين. اي والله وشفتي دعاويها كلها متل السم
ايمان. اصبري حتى هيا رح يجيها يوم لأنو الله كبير

وبيوم من الايام ساء الوضع بالبيت وبالبلد جدا وقرر جهاد يطلع هوا وايمان برات البلد

ابو جهاد. مافي طلعة لا تحاول
جهاد. طالع وغصب عن الكل هالمرة
ابو جهاد. بغضب عليك
جهاد. بدك تغضب اغضب مش فارقة والله مو عيشة هي

واجا اليوم الي رح يسافرو فيه

حنين. رح اشتألك كتير مين الي غيرك هون انتي كل شي بالنسبة الي وانتي الي مصبريتني ع هالعيشة بالبيت

ايمان. ياعمري وانا كمان رح اشتألك وطولي بالك الله بيفرجها
Telegram:@rwayate
حنين. بس انا فرحانيتلك انك رح تسكني لوحدك انتي وزوجك وبناتك ومافي مين ينكد عليكي

ايمان. حنين ادعيلنا

وطلعو برات البلد

وبعد فترة طويلة ايمان وجهاد كانو عايشين احلا ايام بحياتهم

ام انس من الغيرة الي جواتها انو كيف ايمان مرتاحة ومبسوطة وانا ماخرب عليها

ام انس. ياجماعة احنا بدنا نطلع لعند ايمان وزياد مين بحب يرافقنا
حنين. عنجد بتحكي
ام انس. اي عنجد
حنين. انا بدي روح معكم
زياد. مافي روحة
حنين. بدي روح لهون وبكفي معاد رد عليك
زياد. اي انا ماني رايح
حنين. تسطفل انا طقت روحي بهالبلد الي مافيها الا الحرب والدمار

ام انس. جهزو حالكم بكرا السفر