#زوجي_ليس_رجل

الجزء التاسع ( قبل الاخير)

بدون ادراك قفلت الباب وضليت طق المفتاح الف طقة وسكرت الساقط وركضت على بناتي الي كانو
عم يبكو لانهن سمعو الأصوات وسمعو صوت صريخ وبكي برا

ركضت عليهن وسكرتلهن ادانهن وشديتهن لضحني .. كنت بحاجتهن اكتر ما هن بحاجتي ..انا الي كنت متخبيه بحضنه
ما هن .. بعدين سمعنا سيارات الشرطة .. وطلعو لفوق واخدو ابو وائل وهو يصرخ ويقول نظفت شرفيييييي اشهدو علي نظفت شرفي

وانا كنت عم سكر ادان بناتي وصرت صرخ ( لا لا .. لا تقتلها مشان الله لا تقتلها لا لا ) هيك ضليت لنشف دمي
ودق باب بيتي .. وهدي الوضع برا ..

اتطلعت عالباب وكان جسمي عم يرجف

رائد : غادة افتحي .. افتحي الباب

بناتي : بابا ... بابا ...

ركضو فتحولو الباب .. واول مره بشوفو بهل منظر هاد

كان وشو اسووووووووووووووود ... اسوووووووووووووووود ...

ضم رائد البنات وقلهن ما تخافو بابا انا هون ..

رائد : غادة قومي ضبي غراضك رح نروح على بيت اهلي

ما قدرت جاوبو

رائد : غادة قومي مشان البنات .. البناية كلها شرطة .. قومي نضل كم يوم عندهن ليهدا الوضع

قمت وقلتلو ما بدي اخود شي بس طلعني من هون ..

رائد : طيب انا برجع بعدين بجيب اي شي معتازينو .. يلا امشو

حطيت على حالي غطى الصلاة ونزلنا من البناية ونحنا عم نحاول نغطي عيون البنات وبنتي الصغيرة بين ايدي ..

نزلنا لتحت وطلعت البنات بالسيارة و فتحنا صندوق السيارة مشان يحط فيه رائد عرباية بنتي

فتح الصندوق و حطها .. كان عم يسكرو

ونزلو جثة ميرنا .. على سرير ابيض .. ومغطيه بشرشف ابيض .. مرقت قدام عيوني والشرطة معبين المكان

كان الشرشف الأبيض كلو دم .. منطقة وشها كانت كلها دم .. ومنطقة بطنها كلها دم ..

ما مسكت حالي وصرت ارررررجف و ابكي

غادة : مشان الله خدوها من قدامي .. مشان الله مشان الله خدوها من قدامي لك خدوهاااااااااااا خدوهااااااااااااااااااااا

وصرت صرخ .. ركض رائد ضمني .. وما بعرف ليش شميت ريحتها علقانه فيه ودفشتو عني

رائد : طيب خلص هاتي البنت اطلعي بالسيارة يلا

دفشني طلعني بالسيارة و مشينا .. تطلعت لورا .. وانا عم راقبهن وهن يطلعوها بسيارة الأسعاف وما قدرت شيل عيوني

يتبع

#زوجي_ليس_رجل

الجزء العاشر

ضلينا ببيت حماي شهر كامل .. كنت مو طايقه شوفو لرائد والكل كان ملاحظ بس كانو يقولو صدمه نفسيه بعد الموقف الي عشتو

كنت واقفه عم اعمل عشا وفات رائد وراي ولني من خصري ..

غادة : بعد عني هلأ بتجي امك

رائد : لك اشتئتلك كتير ..

غادة : لك رائد بعد عني

رائد : ما صار لازم نرجع على بيتنا ؟

التفتت عليه وقلتلو ما عندك مشكلة ترجع ؟

رائد : ليش ليكون عندي مشكلة ؟

غادة : قصدي بعد مقتل ميرنا الك نفس تفوتها ؟

رائد : شو قصدك ؟

رجعت التفتت عالجهة التانية وكملت تقطيع السلطة

غادة : ما قصدي شي حبيبي شبك قلب وشك ألوان ؟ .. قصدي انو جريمة قتل والكل تأثر عادي يعني

رائد : لا حياتي ما بينزعل عليها وحده فلتانه هي على نار جهنم كرفته

كلماتو استفزتني كتييييييييييييير ... خلت الدم يفور بجسمي .. تزكرت وش ميرنا
لما كانت عندي وقالتلي انا بخون جوزي مع واحد (بحبو ) وجوزي قاسي وهو السبب
كملت تقطيع و جرحت اصبعي بس دموعي بلشو ينزلو وما اهتميت للدم الي عم ينزف

رائد : بعدين خاينة الله لا يردها .. بكرا ابو وائل بتحكملو المحكمة قضية شرف وبدفع كفالة وبيطلع عادي

التفتت عليه والسكين

#زوجي_ليس_رجل

الجزء الحادي عشر ( الاخير)

رائد : ايه انا كنت خونك .. بس يعني ما الك حق تزعلي .. هلأ ميرنا مرا وانتي مرا ؟

غادة : حقير

رائد : يا غادة يا حبيبتي لك يا ام ولادي .. خلص المخلوقه راحت لرحمة ربها .. ضروري نحنا ننزع حياتنا ؟

و فاتت حماتي بهاد الوقت .. تركني رائد وطلعت من المطبخ عم ابكي ضبيت شوية اغراض و اخدت بناتي
وطلعت عالشقة ... بعد نص ساعه لحقنا رائد وفتحتلو البنات

غادة : ماما فوتو على غرفتكن وخدو اختكن لاعبوها ..

راحو البنات على غرفتهن

رائد : شو نويتي تحطي عقلك راسك ؟

غادة : ايه والله نويت .. الحقني لغرفة النوم

رائد : هههههههههه مباشرة ؟

مشيت وتجاهلت سخافتو .. فات عالغرفة وشلح قميصو

غادة : ايه البس البس

رائد : شو ؟

غادة : ليك لئلك .. بدك تطلئني

رائد : يعني ما عقلتي ؟

غادة : لا وحياتك عقلت وبدك تطلقني ورجلك فوق رقبتك وتعطيني كامل حقوقي

رائد : عشم ابليس بالجنة

غادة : مصر ؟

رائد : ايه وما عندي غير هالحكي ..

مشيت وقعدت على كرسي جنب التخت ومسكت الريمود كنترول ( جهاز التلفيزون ) وحطيت رجل على رجل

غادة : لك وانا طالعه بالبناية سمعت انو ابو وائل انحكمت قضيتو قضية شرف وطالع هاليومين

قعد رائد عالتخت وطلع سيجارة وشغلها : ايه قلتلك هالحكي

غادة : طيب .. يا ترى منقدر نعزمو يتغدا عنا ويتفرج على هالفيلم الظريف ؟

كبست عالجهاز واشتغل التلفيزن ...

وقعت السيجارة من ايدو لرائد وهو عم يبحلق بالتلفيزون

رائد : الله لا يوفقك شو هاد ؟

غادة : قرفت مو ؟ وانا كمان قرفت .. هاد فيديو الك انت وميرنا
عصافير الحب يا البي .. دخلك رائد .. هلأ ازا دبحك ابو وائل بعتبرولو ياها كمان قضية شرف؟

ركض وائل عالتلفيزون وطلع الشريط و صار يكسرو لصار مية شقفة وهجم علي ومسكني من شعري

رائد : شكلي انا الي بدي ادبحك وقول انو كنتي تشتغلي متل ميرنا يا كلبة

غادة : لا لا لا .. خليك عاقل ما حلو تتصرف هيك .. بعد عني

رائد : ما انكسرتي يعني ؟ في وحده عاقلة بتحط كاميرا بغرفة نومها .. وين حاطيتها

اشرتلو بأصبعي لفوق الخزانة .. وقف عالتخت ومد ايدو حتى لقاها .. سحبها ورماها بالأرض

( هي الكاميرا الي طلعت جبتها قبل ما اطلع من البيت .. و جبت معها دليل استخدام وركبتها بالغرفة و اول ما رجعت تفقدت التسجيلات
ولقيت فيديو لرائد وميرنا )

غادة : طبعا ما رح صور حالي .. الكاميرا بس صورتك انت والمرحومة

رائد : وهي كسرنا الفيديو تبعي انا والمرحومة

غادة : ليك رائد .. رح تطلقني .. وتدفعلي المقدم والمأخر الي ما شفت منو شي
و تتنازل عن هالشقه هي باسمي
و ترجعلي دهبي الي بعتو ... وتتنازلي عن السيارة و إلا

رائد : وإلا شو ؟؟

غادة : و إلا الشريط بيوصل لأيدين ابو وائل اول شي ..
بعدين لمدير شركتك تاني شي
بعدين لاهلك
بعدين لاهلي
بعدين احتمال نشوفو بأخبار الجزيرة او العربية ( سبب مقتل سيدة على يدين زوجها بعد ان خانته مع عشيقها ) شو رأيك ؟

رائد : هههههههههه بس الشريط صار مية شقفة ؟

غادة : شايف هالمية شقفة ؟ .. في قدهن مية نسخه .. بس طلعت حضرتك من البيت نزلت نسخت عنو نسخ ووزعتهن عند رفقاتي واهلي وامنتهن عليهن
وازا ما بتعمل متل ما بدي .. والله ما رح اتردد ثانية انو نفذ الي ببالي ..

قعد رائد على ركبتو و عروق ايديه صارت واضحه وانفاسو تسارعت .. سكت ربع ساعه بعدين قلي : طيب

غادة : طيب شو ؟

رائد : رح نفذ كل شروطك بس بتسلميني كل النسخ

غادة : لتسلمني كل شي طلبتو بتستلمهن ..

رائد : طيب .. وهي اول شرط .. انتي طالق

غادة : الله لا يسامحك على كل شي عملتو فيني

طلعت من البيت واخدت بناتي معي .. وبعد اسبوع بعتلي رائد كل حقوقي
وبعدين التقينا بالمحكمة و تنازلي عن كل شي طلبتو
و بس طلعنا سلمتو كل النسخ .. لان فعلياً ما كان عندي افضح ميرنا .. بكفيها فضيحتها الي عاشت بعد موتها

بعد سنتين توفى ابي الله يرحمو و قررت سافر انا و امي لعند اختي بدبي وبعت كل املاكي وسافرنا .. عملت حساب خاص فيني بالبنك و نفضت حالي نفض

بين جيمات و صالونات و حمامات ساونا وحمامات مغربية
حطيت بناتي بمدارس خاصة و كل وحده بمعهد لتنمية مواهبهن و قدمت على الماجستير لكمل دراستي... اما رائد

ف ما بعرف عنو شي.... و ما عندي اي فضول لاعرف ??

#تمت #madeha

حبيتو قصة #زوجي_ليس_رجل ؟؟

#زوجي_ليس_رجل

الجزء الأول + الجزء الثاني + الثالث + الرابع + الخامس

كالعاده .. رائد عم يقلب محطات التلفيزون و انا قاعده قبالو كأني حيط من هالحيطان ..
امشي قدامو من هون .. قلو عجبك علي الفستان الجديد من هون .. ما في اي ردة فعل .. لوقت ما طلعت اغنية نانسي عجرم بوشو

حط الجهاز من ايدو .. و خرج عن صمتو .. ويا ريتو ضل مخروس وما حكى هالكلمتين الي بيهزو البدن

رائد : يا عمي ولك هي النسوااااااااااااااان .. هي النسواااان .. جيم و خلقة حلوة .. وغنج ودلع .. انا بس بدي افهم
ليش ما في حوالينا هيك نسوان ؟ .. يعني من هالنمرة هي

ضليت ساكته و ما رديت عليه وعملت حالي ما سمعت اصلاً ..

خلصت غنية بطيخه عجرم وطلعت اغنية مايا دياب

ورجع غرد وسمعني صوتو الحلو

رائد : ولي على طولي شو هالجسم ؟ متل الباربي دخيل الله ..

قمت من مكاني لفوت على غرفتي وانا حاسة ضغطي ارتفع من حكيو ..

رائد : لك وين رايحه ؟ ما بدك تحطيلي عشا ؟

ما رديت عليه .. فتت على غرفتي و سكرت الباب و انقبرت بتختي و صارو دموعي ينزلو متل المطر
طيب انا كمان كان جسمي كتير حلو قبل ما اتجوز وجيب تلات بنات .. تنتين بعملية قيصرية و وحده طبيعي
وانا كمان كان وشي متل البدر قبل ما شيل هموم و اتعزب
وانا كنت طول الوقت اتمكيج واعتني بشعري وجيب مناكير و عطور من اغلى الماركات قبل ما اتزوح وصير
وفر القرش فوق القرش مشان كون مرا شاطرة ..
وانا كنت ناعمة كتير و غنوجة ببيت اهلي قبل ما صير عندو و اضطر كون قد حالي مشان اقدر لحماتي وبنات حماي القوايا

بعد ساعه من الحكي مع حالي حسيت انو انا كتير غبيه !! ليش هيك مقهورة ... اصلاً كل الرجال هيك
ما حدا منهن بيعترف انو لما تزوج كانت مرتو صبيه متل الفلة و كرمالو فنت حالها .. ما مهم

كانو رح يغمضو عيوني .. لما انفتح باب الغرفة و فات رائد وشغل الضو

رائد : نمتي ؟

غادة : _ _ _

رائد : اصحي غدوشة .. قومي خلينا نسهر

غادة : _ _ _

رائد : شكلها نامت .. ايه مو مشكلة

رجع طفى الضو و طلع من الغرفة ..

غادة : تضرب انت والرجال الي من شكلك .. وهي نومة

غمضت عيوني و نمت .. صحيت الصبحصحيت بناتي وجهزتهن للمدرسة .. وحضرت الرضعه لبنتي الصغيرة ريما
وفطرتو لرائد ..

طلع الكل .. سكرت وراهن الباب .. ونيمت الصغيرة .. و بلشت شغل البيت متل المعتاد
تنظيف وضبضبه ومسح و كنس و جلي .. هييييييك لخلصت كل شي .. حسيت حيلي مهدود .. عملت فنجان قهوة

واخدت الصينية وقعدت بالصالون وانا عم بشرب وعم حاول صفي راسي شوي و ارتاح ..

لسه عم حط فنجان القهوة بتمي .. وسمعت صوت عياط و صريخ بالبناية

غادة : يوووه علينا .. حرام الواحد يهدا بالو .. من وين هالصوت !!

قمت و فتحت الباب شوي و تطلعت من الباب .. لقيت رجال البناية متجمعين عند باب جارنا ابو وائل وعم يدقو الباب
عليه ويقولو افتحلنا الباب .. لك افتح الباب

وكان صوت مرتو ميرنا طالع وعم تصرخ ( رح يقتلني .. رح يقتلني مشان الله الحقوني) حسيت دمي فارررر
حكيت من ورا الباب وقلتلهن يا جماعة حدا يعمل شي عم تقول رح يقتلها وين النخوة

صارو يتشاورو بين بعضهن ويفكرو انو يكسرو الباب والمرا صريخها عبى الحارة والكل وقف عالشبابيك والأبواب

وفجأة انفتح الباب .. و طلعت ميرنا لابسه قميص نوم وجسمها كلو برا .. و شعرها منكوش و مضروبة ضرب متل الحيوانات

ميرنا : مشان الله بعدوه عني .. بعدوه عني رح يقتلني ..

تجمدو الرجال بمكانهن وهن عم يتفرجو عليها .. الكل مفتح عيونو ومبحلق فيها وعم يتفرجو على جسمها.. وهي عم تصرخ

#زوجي_ليس_رجل
الجزء الثاني

بدون ما حس .. سحبت البشكير حطيتو على راسي وفتحت الباب وقلتلها تعي فوتي لهون ..
سحبتها لجوا وسكرت الباب .. و جوزها وقف عالباب وصار يدق عليه ورح يتكسر فوق راسنا

ميرنا مسكت برجلي وصارت تترجاني : ببوس ايدك .. مشان الله خبيني خبيني

غادة :لك شو عاملة حتى ضربك هيك شو عاملة

و ابو وائل يضرب عالباب والعالم تهديه وتبعدو والأصاوت برا عم تصرخ ويقلولنا ( لا تفتحو الباب معو سكينة ) انا سمعت سكينة و حسيت
رح يغط على البي .. ضربت اضرب على وشي وقلها ولك شو عاملة انتي

ميرنا كانت تبكي وتغص وايديها يرجفو : عرف اني بخونو .. رح يقتلني

غادة : شووووووووووووووووو .. بتخونيييييييييييه ؟

ميرنا ضلت تبكي وهي ماسكة برجلي

غادة : يعني مسكك مع رجال لك فهميني ؟

ميرنا : لا .. لا .. بس شاف الرسائل

غادة : ياربي شو هالمصيبة ولك قومي اتصلي بحدا من اهلك خليهن يطلعوكي من البناية

ميرنا : شووووووووو اهلييييييييييي ... بدك ياني موت عنجد .. العمى .. لك شو اعمل بحالي شو اعمل بحالي

هيك لوقت ما سحبو الرجال جوزها وفوتوه على شقة من الشقق ..

حطيت أدني عالباب .. و تسمعت منيح .. وكان البي رح يوئف

غادة : راح

ميرنا : راح ؟ راح ؟ اطلع اهرب ؟؟؟؟؟؟؟؟؟

غادة : لك بس فهميني شو القصة بلكي منقدر نحلها

ميرنا : مي .. جيبيلي مي ..

ركضت جبتلها كاسة مي ورجعت .. شربتها كأنها الها مية سنة مو شربانه مي .. وصارت تحاول تتنفس

غادة : رح جيبلك شي تستري حالك فيه

فتت على خزانتي و طلعت عباية ورحت اعطيتها ياها و لبستها فوراً ..

غادة : يلا فهميني شو في ؟

ميرنا : بس اوعديني تساعديني

غادة : لاعرف بالاول ازا فيني ساعدك او لا

ميرنا : طيب .. انا بحب واحد غير جوزي .. و على علاقة معو .. علاقة اكتر من مجرد حكي
يعني هو .. هو بيجي لعندي عالبيت

انا عم اسمع حكيها وطق مخي !! العمى هي فعلاً بتستاهل القتل

ميرنا : بس لحظة قبل ما تحكمي علي افهميني .. انا جوزي رجال كتير قاسي هو الي خلاني اوصل لهون بسبب معاملتو الي

تطلعت فيها بقرف وانا عم قول ببالي : يعني كل وحده جوزها مو منيح بتروح بتفوت رجال على بيتها
تفوو

غادة : اها

ميرنا : وفي رسالة ما بعرف كيف ناسيه احزفها .. انعمى على البي ونسسسسسسسسيت احزفا
كان كاتبلي مرتي طلعت من البيت تعي بسرعه لعندي وقتا بتزكر كنت مستعجلة ونسيت احزف الر

قاطعت كلامها وما قدرت خبي عصبيتي اكتر : الله لا يوفئك ومتجوز كمان

ميرنا : يا ربيييييييي شو اعمل هلأ شووووووووو اعمل

حسيت بقرف منها و قررت ضل ساكته بلكي بتستحي على حالها وبتطلع من عندي ..

ميرنا : ازا قلتلو انو هي الرسالة واصلتني بالغلط بيسدء ؟

غادة : اه ؟ ايه ممكن يسدء جربي

ميرنا مسحت دموعها وصارت تلملم شعراتها

ميرنا : بس لازم بين قوية ومو خايفه منو مو هيك ؟

غادة : ايه هيك .. كيف لكن

ميرنا : طيب انا رح ارجع عالبيت واعمل حالي عم ضب تيابي بس امانه تعي معي مشان ازا ما سدئني ورجع يضربني تدافعي عني

غادة : مين انا ؟ لا لا انا ما دخلني

ميرنا : مشااااااااان الله امانه الله يوفئك بخاف يقتلني

غادة : لك ما دخلني جوزي بيطلئني شو بدك اتطلئ معك يعني

ميرنا : طيب شو اعمممممممممممل

غادة : ليكي خليكي فاتحه الباب لاحتياط و شيلي المفاتيح مشان ما يقفلو
اي صوت بيسمعوكي الجيران وبيجو يخلصوكي

ميرنا : ولي وبلكي ما لحقوني ؟

غادة : اختي بدك الصراحة ؟ يعني عدم المؤاخذة بس هالحكي ما بيمشي على ولد صغير
قال وصلتني بالغلط بعدين بلكي اتصلو على الرقم وعرف صاحبو؟.. خلص اطلعي من هون وروحي على بيت اهلك احسن ما يقتلك عنجد

ميرنا : لا كسر الموبايل صار مليون شقفه ما ضل اثر للرسالة

قعدت ميرنا ساعة تفكر وانا عم فور واغلي بدي ياها تطلع من عندي قبل ما يرجع جوزها المجنون .. بعدين فتحت الباب وطلعت
وما حبيت اسألها لوين رايحه كان كل همي انها تطلع وبس

قفلت الباب وراها وكان البي رح ينقطع ..

بعد عشر دقايق رجع جوزها هجم عالبيت ودئ الباب وانا احلفلو انو مرتو طلعت وما عم يسدئني .. صار يدفش الباب و انا ركضت عالمطبخ مسكت سكين وايدي عم ترجف و كان كل قصدي انو بس احمي حالي منو

#زوجي_ليس_رجل

الجزء الثالث

مرقو علي ثواني اصعب من الموت .. صرت اتخيل ينكسر الباب ويفوت يتهج علي واقتلو
رميت السكينة من ايدي ورحت فتت على غرفتي وقفلت الباب وحملت بنتي

لوقت ما سمعت صوت جوزي عالباب عم يصرخ ويقلو
ليش هاجم على بيتي ... حسيت براحة من جهة ... وخوف من جهة تانية .. خفت يعمل شي لرائد .. طلعت من غرفتي ووقفت ورا الباب لاسمع حكيهن

ابو وائل : مرتي جوا وبدي ياها

رائد : ايه هلأ بطلعلك ياها بعد هيك

قرب رائد من الباب وفتحو بالمفتاح ... وما شفت الا ابو وائل دفشو وفات على البيت وصار يدور بالغرف ورائد يلحقو وضربو
وصارو يضربو بعض وعلى شوي رح يقتلو بعض

صرخت صوت لميت الجيران و اجو بعدوهن عن بعض ..

ابو وائل : وينها ؟؟؟؟؟؟؟؟

غادة : لك طلعت طلعت ما بعرف وين راحت

ابو وائل : ليكي طلعيها احسن ما اقلب البيت

غادة : ولك عم قلك طلعت شو ما بتفهم انته

رائد صار يدفشو ويقلو انقلع لبرا يلا

وسكر الباب وهداك راكب راسو انو مرتو جوا وقال رح يضل واقف عالباب لنطلعلو مرتو

انقطع نفسي من الخوف و صرت فهم رائد كل القصه وقلتلو انها طلعت وما بعرف وين راحت بس مانها عندي

وبعدين اتزكرنا انو رح يصير موعد رجعت البنات من المدرسة و المجنون عالباب

غادة : لك هلأ ليروح يعمل شي للبنات جانن عالخالص

مسك رائد الموبايل واتصل على اخوه وقلو يروح يجيب البنات وياخدهن لعندو وارتاح البي شوي
اصلاً بلا ما يجو ويسمعو هالحكي الوسخ

بعد ساعتين اتطلعنا من العين الساحرة وما لقينا ابو وائل .. وما عرفنا كيف اقتنع وراح

سمعت بعدين من الجارات انو اهل مرتو اتصلو عليه وقالولو انها عندهن وانو ما رح يرجعولو ياها لانو اتهمها بشرفها
وهي طاهرة وعفيفة

زعلت عليه كتير انو فوق حقو طلعو عليه بالعالي .. ولي النسوان شو قوايا !!! رجعت حياتنا طبيعية لمدة اسبوع
كان هدوء فظيع بالبناية.. الرجال ما عاد خلتها نسوانها تطلع عالبرندات او يزورو بعض بنوب
وفي عيلتين رحلو من البناية

لوقت ما كنت طالعه كب الزبالة الساعه تمانية ونص بالليل .. وشفت كندرة ميرنا قدام باب بيتها رميت الكيس بالزبالة و فتت عالبيت بسرعه
وانا عم حاكي حالي

غادة : العمى معقول رجعها ؟ ياااخ ما تكونمشيتها كزبتها عليه .. غبي ما معقول شو اجدب

مرق رائد من جنبي واشرلي بأيدو : شو جنيتي مرتي ؟

ركضت لعندو وقلتلو لك هي ميرنا رجعت

رائد : ايه شفتهن وانا راجع من الشغل كانت نازله هي وياه من السيارة

غادة : ليش ما قلتلي ؟

كمل طريقو بدون اهتمام : ما بعرف انو الموضوع بيهمك .. شي ما بيخصنا

رحت قعدت جنبو وانا عم احكي : لك رائد جارنا ابو وائل مو صغير عمرو 45 سنة معقول تكون ضحكت عليه ؟

رائد : اصلاً هدول خص نص بينضحك عليهن .. تجوز متأخر واخد صبيه حلوة وجابتلو صبي و ممشيتو على كيفها
الله يعينو على مصيبتو

صفنت فيه وحكيو خلاني جن : حلوة ؟ وجابتلو صبي ؟
يعني انا بقرف وما عرفت جيبلك صبي مو هيك ؟ اصلاً بوس ايدك وش وضهر انو الله بعتلك مرا مستورة وبنت عالم وناس
عنجد انت متل الي بياكول من الصحن وبيبزق فيه

رائد : لك اهدي اهدي ما قصدي هيك انا كنت عم اشرحلك الموقف ..

غادة : ابقى لا تشرحلي مره تانيه .. وحده خاينة وقليلة شرف .. لك كيف بتفوت رجال على بيتها
وبتروح على بيتو كمان .. يعني ما بيحس بالقرف ؟

رائد مسك كاسة عصير وعم يشرب منا : ايه حبيبتي مو هو متجوز بتكون مرتو للبيت والاولاد و هي للبسط والكيف
بعدين المهم انثى ما بتفرق مع الرجال

ما بعرف ليش حسيت كهربا ضربت بجسمي والدم تفجر بعروقي من التوتر

غادة : متجوز ؟ شو عرفك انو هي على علاقة بواحد متجوز انا ما قلتلك !!

كان عم يشرب العصير وغص وصار يسعل

يتبع

#زوجي_ليس_رجل
الجزء الرابع

رائد : كيف يعني ما قلتيلي ؟ انتي قلتيلي

غادة : لا يا رائد ما قلتلك انا متاكده لان وقتها انا تقصدت ما قلك مشان ما فتح عيونك على هالشغله
متاكده من حالي بهديك اللحظة مع كل توتري وخوفي قلتلك بالحرف الواحد ( بعتلها رسالة انو تعي عالبيت لاني لحالي ) ما قلتلك
قلها انو مرتو طلعت وانا تقصدت هاد الشي !! وما جبت سيرة انو متزوج

رائد حط الكاسة من ايدو : غادة خلصينا بئى يعني من وين بدي كون عرفت .. يا منك يا سمعان من حدا من الجيران

غادة : محدا من الجيران بيعرف .. بس انا وجوزها منعرف واكيد جوزها ما فضح حالو

رائد : ينعن اخت هالسهرة فايت نام

فات عالغرفة ولحقتو و ضربت الباب بقوة حتى صحيت بنتي وصارت تبكي

رائد : لك شبك جنيتي

غادة : انا هلأ بدي افهم شو عرفك انو متجوووز ؟؟

رائد : بلا جنان وخلي هالليلة تمضى على خير

غادة : لا ما رح تمضى على خير وحياتك ازا ما بتفهمني شو القصة
شوووووووووووو في ؟؟؟؟؟؟؟؟؟

رائد : طيب طيب .. رح تخليني احكي الي ما بدي احكيه

غادة : شرف احكي

رائد : انا رحت زرتو لابو وائل وما جبتلك سيرة لانك خايفه من الموضوع .. وهو حكالي القصه كلها
وانا الي اقنعتو انو بتكون خربطة وبتصير هالقصه كتير وانو مرتو سمعتها متل المسك وما عليها غبرة

غادة : نعم ؟ عم تدافع عنا وانا قايلتلك الحقيقة ؟

رائد تلبك : عرفت ردت فعلك رح تكون هيك .. لهل سبب ما خبرتك .. يعني خلص المخلوقة
غلطت شو تنخرب حياتها ؟

غادة : والله شهم كتير ما شاء الله عليك

سحبت حالي لأطلع من الغرفة ... ومسكني من ايدي ..
شوية حكي حلو .. وشوية ترجايه على وعود على مشوار على بحبك واشتئتلك ..

طفينا ضو الغرفة .. و طفينا المشكلة .. وراحت بحال سبيلها ..

يعني مو اول فصل ناقص بعملو جوزي المحترم .. بس الوحده بدها تنخرس وتعيش
مو مشانو لا ولله .. مشاني بناتي التلاته الي ما بعرف كنت مجنونة ولا عاقله لما جبتهن من هيك رجال
يمكن لو كانو اولاد كان اهون شوي .. بس بكرا بضلو يتعيرو كل عمرهن

حطيت ملح عالجرح متل العادة ورجعت لحياتي المعتادة .. لبعد شهرين .. كان الصبح وكالعادة لبست بناتي و فطرتو لرائد
وطلعو كلهن وضليت مع بنتي

خلصت شغلي و جيت لاعمل فنجان قهوتي الي مو مصبرني على هالحياة المرة غيرو
ولقيت البن خالص

غادة : استغفر الله العظيم على هالصبح ..

عملت نسكفي بس ما صفي راسي .. قررت استعير بن من عند الجيران
كنت بدي اطلع لعند جارتنا ام اسامة
بس هيك شي حركشني لاخود من عند ميرنا .. كان بدي اعرف التفاصيل .. كيف هيك ضحكت على جوزها
بلكي بتعلمني شوية شطارة افتل فيهن عقل اللوح الي عندي !! ترددت كتير

غادة : خلص ما بطول .. بحاول افهم عالسريع شو الي صار و يطلع .. اصلاً جوزها بالشغل

دقيت الباب .. وما حدا فتح .. رنيت الجرس كتير وما حدا فتح

غادة : معقول بعدا نايمة ؟ ايه بيطلعلها

كنت بدي ارجع على شقتي .. بس فجأة انفتح الباب ..

كانت ميرنا عم تربط شعرها ولابسه قميص نوم !! وابتسمتلي ابتسامة غبية

غادة : عفواً صحيتك من النوم ؟

ميرنا : لا لا حبيبتي مو مشكلة .. خير في شي ؟

غادة : لا بس كنت حابه اشرب فنجان قهوة عندك و اطمن عليكي

ميرنا : لا

غادة : عفواً ؟

ميرنا واضح عليها

#زوجي_ليس_رجل

الجزء السادس + السابع + الثامن + التاسع + العاشر ( قبل الاخير) + الحادي عشر #تمت

غادة : ايه اريح .. هي تضل بعيده عني وكتر خيرها .. شو كان بدي انا ؟
نسيت !! ايه قهوة .. .. لك لا لا بدي راقب

ركضت عالباب و رجعت عم راقب وبنتي على صدري .. وما كان حدا يطلع بنوب ..
لوقت ما شفت جوزي والبنات بوشي

غادة : يبعتلي حمى ما عملت اكل !! ولي

فتحت الباب وانا عم اضحك متل الجدبه وقلهن كأنكن جيتو بكير ؟

بناتي : لا ماما هاد وقتنا

رائد : شو عامله غدا ؟

غادة : غدا ؟ مو انت قلت رح تجيب جاهز ؟

رائد صفن فيني : لا ما قلت

غادة : لك امبلى قلت .. بعد ما قلتلي امي ما رح تجي قلتلي خلص انا رح جيب جاهز لا تطبخي

رائد : اوف اوف اوف .. قلتلك كل هالجملة ونسيتا ؟

غادة : يعني ما جبت غدا ؟ ييي علينا

خلص ماما تعو حطلكن نواشف مشو معي هاد ابوكن خرفن

الغريب انو رائد ما اعترض او عملي حفلة و اجا اكل معنا نواشف وفات نام

وانا فتت وراه وصرت احكيلو شو صار معي من طقطق للسلام عليكم

رائد : طيب بدي نام شوي ..

غادة : هلأ الي ساعه بحكيلك وانت بتقلي بدك تنام ؟ ايه نام نوم الظالم عباده

بالفعل تغطا ونام .. وانا قمت شلت تيابو لحطهن بالغسالة وعم دور بجياب التياب لاتاكد انو ما في مصاري او اوراق مهمة
ولقيت في شعرة على تيابو !! شعرة طويلة ولونها اسود .. وانا لون شعري اشقر !! يعني هي مو شعرتي مليون بالمليون !!

صفرنت وما عاد حملوني رجلي وصرت قلب القميص بين ايدي متل المجنونة وشمو .. وكان عليه كمان ريحة عطر ستاتي

رجعت عالغرفة و سحبت الغطا من فوقو وقلتلو قوم هلأ فهمني من وين هي الشعره اجت على تيابك !!

رائد : انو شعره ؟

حطيتها قدام عيونو وقلتلو هي؟؟؟؟؟؟؟؟؟؟؟

رائد : اكيد شعرة منك من وين يعني ؟

غادة : رائد .. اتطلع منيح انا الي قرون شي ؟ الي دنب حمار ؟ انت عم تخوني ؟

رائد : ييييييي علينا وعلى هالقصة عاد .. ازا طارت شعره وعلقت بتيابي بدي كون عم خونك ... وبعدين مع هالحياة معك
صارت ما بتنطاف

وقام فات عالحمام وانا واقفه عالباب وعم صرخ و اسألو وهو ما عم يرد علي

طلع بعدو شوي بعدني عن طريقو وطلع من البيت .. وانا قعدت ودمعتي ما نشفتي وبناتي يبوسوني ويراضوني وانا
عفاريت الدنيا عم تنط قدام وشي ..

رجع رائد اخر الليل و بلش يراضيني ويتوددلي
بس هالمرة غير كل مرة
سهل اتحمل كل شي .. كل شي الا الخيانة .. عادي بتنبلع الخيانة .. بتنبلع قلة الاحترام
كلو بينبلع .. الا مرا تانيه ..

ضلينا اربع ايام متل الأغراب بالبيت .. ما كنت اطبخ ولا اغسل ولا رتب البيت ولا اعمل شي ولا جهز بناتي للمدرسة
باليوم الرابع خطرلي شي .. يمكن كان جنان .. بس كان ضروري نفذو

طلعت من بيتي مشوار صغير جبت كم غرض ضرورين ... و رجعت عالبيت فتت على غرفتي قعدت فكر

وبعدا ضبيت شنتي ونظفت البيت وعملت غدا .. و جهزت بنتي الصغيرة

و جبت ورقة بيضا كتبت عليها : ( يمكن انا ظلمتك .. بس حاسة نفسيتي كتير تعبانه هالفترة
انا رح روح زيارة لعند بيت اهلي .. جيبلي البنات بكرا بعد المدرسة مع تيابهن
لانو ما رح ارجع عالبيت لبعد اسبوع .. اختي جايه من دبي .. بلكي بترتاح نفسيتي بشوفتها .. الاكل عالطاولة .. سلام )

وحطيتها على المراية بغرفة النوم .. تطلعت عالبيت شوي .. وابتسمت ..

غادة : لوين رح نوصل ؟

نزلت دمعتي ومسحتها .. وحملت الشنتاية بأيد وبنتي بأيد
وطلعت من البيت وبقلبي غصة .. و عم اطبخ براسي طبخه

#يتبع

#زوجي_ليس_رجل

الجزء السايع

رجعت على بيت اهلي وقلتلهن انو جايه زيارة لاستقبل اختي واقعد معها لانها فعلاً كانت رح تجي هاليومين من دبي

فتت على غرفتي القديمة قبل ما اتجوز .. ابي حنون كتييييييييييييير و بموت علي انا واختي .. دوم بيقلنا
انتو اغلى علي من كل اخواتكن الشباب .. ولما طلعت انا وياها وتجوزنا ما خلى امي تقلب غرفتنا لغرفة كراكيب
وقلها طول ما انا عايش هالغرفة رح تضل متل ما هي

كنت كل ما روح زيارة على بيت اهلي فوت نظفها وعزلها ورتبها من جديد

فتحت الخزانة وتفرجت على تيابي لما كنت بنوته صغيرة .. اتدلل على ابي .. وزعلها لامي تؤبر البي
واتناوق من الشباك على حازم ابن الجيران اول حب الي كان هههههه

قعدت على التخت واخدت نفس

غادة : شكلي راجعه لهون عن قريب .. جهزي حالك يا غرفتي الحلوة

نيمت بنتي و بعدين فاتت امي و جايبه معها فنجانين قهوة

غادة : امي امانة طلعي القهوة مو طايقه شم ريحتها

امي : يوه من يوم يومك بتموتي عليها لك لتكوني وحمانه ؟

غادة : ههههه ضحكتيني .. لا بس خلص هيك قرفانه القهوة وريحتها وسيرتها كلها

امي حطت الصينية عالطاولة واجت قعدت جنبي

امي : انا ما حبيت احكي شي قدام ابوكي لان صحتو تعبانه ... بس انا امك .. حافظتك
وباصمتك بصم .. متخانقة مع جوزك مو ؟

غادة : لا امي

امي : اتخانقتو مشان الشقة ؟
الشقة هي قصتها قصة .. انا كنت معلمة .. معلمة ريا

قصص م??جاناااا, [17.01.17 21:58]
ضيات .. اول ما تخرجت توظفت الحمدلله
كنت كتير متمكنة وكنت اعطي دروس خصوصي لكل المراحل والأعمار
بعدين خطبني رائد وتجوزنا .. وبلش يقلي حطي قرشك على قرشي لنشتري شقة ونسجلها بأسمنا ريتو قرش الي يبلعو إلهي

و اشترينا الشقة الي ساكين فيها .. كان الإتفاق انو يسجل نصها بأسمو ونصها بأسمي
بس بين ليلة وضحاها اجا وقلي مبروك علينا الشقة حبيبي اشتريتها

وانا فرحت متل الهبلة وبستو .. وبعدين عرفت انو سجلها باسمو
ضليت اشتغل وسد القرض وسد ديون الأفندي وياخد الي بيضل من راتبي
بعدين تعبت صار لازم اقعد فوق راس بناتي .. قام ابي الله يخليلي ياه اعطاني مصاري وقلي هي حصتك من الورثة
خديها على عيني وانا عايش واعملي الي بدك فيها ..

وطبعاً انا سددت قرضي فيها وبعدا قعدت بالبيت ..

غادة : لا امي مو مشان الشقه

امي : لكن شو ؟

غادة : مشان شوف اختي .. خلص بدي نام شوي هلأ

امي : رح اتركك هلأ بس بكرا بدك تحكيلي غصبن عنك .. تصبحي على خير

تاني نهار ضليت اتهرب من امي .. والساعه تنتين دق باب بيت اهلي واجا رائد وجايبلي البنات مع اغراضهن !! انو العمى بقلبو
عالقليلة يحاول يرجعني معو ..

رائد : هي البنات عندك .. كل يوم رح مر الصبح اخدهن على مدرستهن

غادة : بالله ؟ يعني ما بدك ترجعني معك مثلاً ؟

رائد : ليش انتي زعلانه يا البي ؟

غادة : يوه لا تؤبرني ليش انت بينزعل منك ؟

شدني من خدي وضحك بلئم : هههههه حبيبتي انتي حبيبتي

مديت ايدي وشديتو من خدو : ه ه ه .. حبيبي انت حبيبي

بعدين حكيت معو عادي وقلتلو انو انا رح ضل اسبوع واي شي بدي ياه من البيت رح احكي معو هو يجيبلي ياه

واتفقنا على هالأساس .. وبعدين راح

سكرت الباب و ركنت ضهري عليه وابتسمت : ماشي يا رائد .. ما بكون انا غادة بنتو لمنصور ازا ما بربيك كل عمرك
بسيطة يا ابو بناتي ..