رفقاً_بالقوارير ⏪
بقلم_مروةآغا ❤
#تنويه :
#القصة_واقعية مع تغيير الأحداث للسرية التامة
👇👇👇 ( الجزء الأول+الثاني+الثالث)
____
#مقدمة____
الحياة شريط والذكرى محتواه … والماضي صفحة والحاضر طواه …والفراق ألم واللقاء دواه … وحياتنا مجرد ذكريات يوميّة … وسجل لوقائع الأحداث … وأيّامنا تدوّن هذه الذكريات … وللأسف تدوّن معها الجراح أيضاً … فتابع دربك في الحياة … ولا تقف إذا واجهتك الصِعاب … لأن النجاح يحققه فقط الذين يواصلون المحاولة بنظرة إيجابية للأشياء … فعندما تصل إلى عمق معنى كلمة النجاح تجد أنها ببساطة تعني (الإصرار).
=====================================
رفقاً بالقوارير هالتشبيه الجميل والبديع يلي شملنا فيه رسول الله صلى الله عليه وسلم بيحمل كتير معاني من رقة الأنوثة وجمال الإنسانية وعذوبة الروح … فالرفق يعني اللطف واللين والقلب الطيب والصافي … وكمان الرفق يعني أن تكون رقيق ورفيق ومتقارب من زوجتك أو أختك أو حتى بنتك.
أما القوارير فهيي أبداً ما بيقصد فيها علب الزجاج … ولكن القارورة سهلة الكسر مثل مشاعر المرأة بالظبط هشة ورقيقة وناعمة … كل شي بأثر فينا الكلمة الجارحة والموقف المؤلم وحتى قسوه قلوبهم!
فقسوة القلب مرض بصيب الإنسان نتيجة تكبره وغروره.
قال الله تعالى في سورة البقرة: (ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً) بيّن رب العالمين في الأيات الكريمة إن القلب يمكن يصير في قسوته أشد من الحجر الصلب بذات نفسه!! … وبيتحول الإنسان وبصير جاحد وصعب التعامل … وما منقدر نتجنّب شروره وأذيته … ويمكن لو منبتعد عنو ومنجعله مكروه وغير مرغوب فيه يمكن نرتاح شوي من شروره !.
________________________________________
________________________________________
#رفقاً_بالقوارير_بقلم_مروةآغا.#الجزء_الأول (1) :
الساعة 2 بعد منصف الليل … كنت بسابع نومة
انتفضت على صوت الجوال كان عم يدق تحت مخدتي … صحيت ع الرنة ورفعت راسي بصعوبة … رمشت بعيوني لتوضح الرؤية أكتر وشفت رقم غريب ما رديت لأن ما متعودة رد على أرقام غريبة … سكرت جوالي وكملت نومتي.
تاني يوم…
اتسللت الشمس من شباك غرفتي وتركت أثر لعدة بقع صفراء بأماكن متفرقة بغرفتي وعطتا نور ساطع … فتحت عيوني بملل وأنا عم راقب الطيور من الشباك كيف عم تتمايل توقف ع الشباك وترجع تطير من جديد … حملت جوالي وأول مافتحتو شفت مسج من نفس الرقم مكتوب فيه ( انا مرة أخوكي
سوسن ).
استغربت لأنها اتصلت فيي من رقم غريب كان فيها تحاكيني من رقما !!
وكمان بنص الليل !!
قرأت المسج والتهيت بعطلتي ونسيت موضوع الرقم.
بعد عدة أيام…
#اليوم_المشؤوم !!
كان يوم
#الخميس كنت بالسوق أنا ورفيقتي "ايناس" يلي بعتبرا متل أختي … كنا عم نجيب شوية غراض للمدرسة رح تبدأ بعد كام شهر ... طلعنا بالباص وقعدت بقربي … وبعد دقايق سمعت صوت رنة جوالي … طالعتو من جزداني وشفت واصلني مسج كمان من نفس الرقم مكتوب فيه ( أنتي مابدك تردي عليي … أصلا بالناقص أنت وحدة بلا شرف ولو بتشوفي أخوكي صهيب شو بيحكي عنك كنتي قرفتي تطلّعي على حالك بالمراية من وساخة الشي الي بتعمليه )
#بقلم_مروةآغاقريت المسج مرة واثنين وثلاثة لحتى استوعب حجم الكلام المدمر المكتوب بين السطور ... وبسرعة رنيت عليها … وعلي صوتي المخنوق بصوتا الصارخ وصاروا الكل يتطلعوا فييي وايناس تهديني وتقلي ( وطي صوتك).
ندى: شو قصدك
سوسن شو عم يقول أخي.
#سوسن: والله !! … عملتي عملتك ونسيتي.
#ندى: لك شو قصدك؟
سوسن: والله أنتي بتعرفي أكتر مني.
ندى: لك شو هالحكي ماعم افهم عليكي.
سوسن: يالطيف عاملة حالك مالك خبر … لك يخرب بيتك ماحدا عامل عملتك.
ندى: والله العظيم ما عم افهم عليكي!
سوسن: الله ياخدك ويريحنا منك.
ماكنت عم اققدر احكي معا اي كلمة وجاوبها أو حتى دافع عن حالي لأن الناس حواليي عم تطلع عليي وخفت من البهادل بس كنت عم احكي بكلمات مبهمة لأفهم شو بتقصد !!
بهاليوم علقت أنا وسوسن وما فهمت شو قصدها من هالكلام ! … وما صدقت ايمات وصلت لبيتي لحتى احتمي فيه وأنا مخبية دموعي وغصة من قلبي مابتروح لهلآ.
كانوا حاطين الأكل وأكلت بصمت وكل لقمة بغصة … معقول وصلت معهن لهون !!
بقيت ساكتة وعم أكل بهدوء على عين أهلي وهني عيونن عم تسأل شبني بس ما نطقو ولاحرف ... أول ما خلصت أكل جليت الجليات وأنا عم فكر شو أعمل … خلصت جلي ونشفت ايديي وبسرعة مسكت جوالي واتصلت باخي "صهيب" يلي حاكي عني لأفهم منو شو صاير … رنيتله وخبرته بصيغة الأمر ( هلا بتكون هون عندي )
#مروةآغا"صهيب" مقيم بحلب ونزل من حلب من أول الصيف وقعدوا ببيت أخي التاني "عابد" … وبالفعل اجا وسلم على اهلي وسحبتو بعدين لنقد بالصالون بغرفة فاضية كرمال ما حدا من أهلي يسمع شي ... قعدت على الأرض مواجهتو وهو على الكرسي وصار راسي عند إجريه … بلعت ريقي وغصيت بدمعي وسألتو
ندى: أنت شو حاكي لمر
