#على_أرجوحة_الأمل_بقلمي_زهرة_الشام
#الجزء_السابع_الثامن_التاسع_العاشر_والاخير
انا خجلت وما حكيت ولا كلمة بس ندا نطتلو
@rwayate
ندا : شو قصدك مجد
بس كمان سكت وما رد على سؤالها وبس وصلنا نزلنا وخترنا طاولة تقريبا بنص المنتزه وفردو الاراكيل والمكسرات وطول الوقت مجد عم يطلع فيني وانا قلبي رح يطير من الفرح يعني عنجد شعور ما بينوصف بلحكي ...
ام مجد : مين بدو يعمل قهوة ...
قمر : انا بعملك خاله رح اخذ الدولة واغسلها ...
ام قمر : اي روحي ماما بس خذي حدا معك فيي شباب جنب المغاسل ..
مجد : انا بروح معها ...
ام قمر : طيب لا تتأخرو
مشينا انا ومجد وطول الطريق ما احسن ارفع عيني واطلع فيه وبس وصلنا المغاسل واطين على الارض وفيي حفة تقريبا متل مغاسل المدارس قعد مجد على الحفة وانا وقفت اغسل الدولة
مجد : ليش هيك خدودك كتير حمر
قمر : .......
مجد : دخيل الخجلان .... اول مرة بشوف حدا خجلان هيك
قمر : ........
مجد : لك شبك احكي شي ....ما بدك تحكي شي قبل ما نمشي
قمر : مثل شو ...
مجد : مثل انو بحبك ...
هوي حكالي هيك وانا ماعد عرفت كيف بدي خلص غسيل الدولة بسرعة لحتا ارجع
مجد : ههنههه شبك مستعجلة هيك طولي بالك
قمر : لازم نروح هلق منتأخر
مسكلي مجد طرف ايدي : يعني ما بدك تحكيلي ياها
نزلت راسي وكبست على قبضة ايدي وحكيتها بسرعة : بحبك
بس هوي رفعلي راسي باصبعو وانا فتحت عيوني وحكا هلق حكيلي ياها وانتي عم تطلعي بعيوني تطلت بعيونو يلي كانو وقت شوفهن انا ضيع فيهن كنت ما اعرف حالي مين او وين اشرد فيهن وانسا حالي : بحبك
مجد : طيب هلق فينا نرجع على طاولة يلا تعي
رجعنا على طاولة وعملت القهوة وهوي واقف قدامي والكل الوقت عم نطلع ببعض ونحكي بعض على الوتس ...
وبس خلصنا ضبينا لغراض كلها ورجعنا ركبنا بلسيارات بس ما رحنا على بيت مجد صار يفتلنا طرقات لبنان وقف عند محل مفروشات كبير حتا يشغل يلي بلسيارة ويأشرلهن (ليكو طقم الصوفايات هاد شو حلو ولا التخت يلي هونيك وشغل غنية (كل العمر على حسابك كلي انا على حسابك ..لايمن زبيب ) ويطلع عليي من المراية وانا كنت اضحك عليهن كيف قدر مجد يضحك عليهن ..
وبعد كا خلصنا الفتلت وصلنا على بيت وراحوو وانا عم حس بسعادة بحياتي ما حسيتها وبس بعد شوي بلسيارة وصلتني رسالة منو مكتوب فيها ( شتقتلك ) ضميت التلفون لصدري وركضت على غرفتي وينزلو دموعي من الفرح ....
بعد يومين في الشغل .....
كنت قاعدة على كرسي وصلي يومين ما عم شوفو لمجد وكنت حاست انو شي ناقصني حاسي بفراغ كبير وعم احكي معو وتس اب
قمر : وينك انت مو عم نشوفك
مجد : شو باين انك شتقتيلي
نزلت دمعة من عيني : اي هيك شي
مجد : طيب مشوار الطريق وبكون عندك
هوي حكا هيك وانا نطيت على غرفت القياس لشوف حالي بلمراية انو كلشي تمام زبطت تيابي وشعري وانا جسمي عم يرجف من الرعبة
سمعت حدا طالع على درج المحل مديت راسي ولا مجد
حاول يعمل حالو زبون عادي مشان رفقاتي بلشغل ما يحسو بشي ولانو فيي كمرات بكل زاوية بلمحل وصار يمشي وكانو زبون عادي ويتفرج على تياب وهوي عم يحكيني بهداوة .......

.......
#على_أرجوحة_الأمل_بقلمي_زهرة_الشام
#الجزء_الثامن
@rwayate
حاول يعمل حالو زبون عادي مشان رفقاتي بلشغل ما يحسو بشي ولانو فيي كمرات بكل زاوية بلمحل وصار يمشي وكانو زبون عادي ويتفرج على تياب وهوي عم يحكيني بهداوة .......
مجد : شتقتيلي ما هيك ....
قمر : لا ما شتقتلك
مجد : حاج كزب يلا انا مارح طول هون مشان ما حدا يشك انو بعرفك
قمر : طيب
مجد : بدي روح بدك شي يا عمري ...جاي اليوم اخذك لعنا لانو اهلك جايين يسهرو عنا
قمر :طيب
مشي وضليت امشي وراه حتا انو نزلت وراه على طابق الارضي وكأنهن عيوني ما عم يشبعو منو طلع من الباب ومن ورا القزاز زتلي بوسة .خلا عقلي يطير من الفرح وعرفت حالي انو خلص انا وقعت انا حبيت عنجد ...
خلصت شغل وطلعت كان مجد وسالي عم يستنوني برا مشينا على بيت كانت ماما وام مجد طالعين مشوار وبس انا وسالي وندا بلبيت قعدنا على برندة وجهزنا الاراكيل وصارو يحكولي
ندا : قمر بكرا الك مفاجاة
قمر : شو هيي ...
سالي : جهزي حالك بكرا الساعة ٨ طالعين مشوار
قمر : طيب لووين
مجد: ما تسالي كتير بس عملي يلي حكولك عنو .
قمر : طيب
سالي: انا رح انزل على الماركت شوي بدي جيب بيبسي مشتهية عليه
ندا : انا جاي معك
نزلت سالي وندا وانا عم العب بايدي وما عارفة شو بدي احكي
مجد : وين ملقاط الاركيلة قمر من بعد اذنك شوفيه عندك
صرت دور عليه حوالي وما لقيت شي بس قاطعني صوت مجد
مجد.: خلص بلاها (وحط ايدو على فحم لحتا ينزلو وانا هب البي دغري مسكت ايدو وبعدنها عنو )
مجد : بتخافي عليي
قمر :انت الشي الحلو يلي صرلي بحياتي ..
مجد : حبيبت البي الله لا يبعدنا عن بعض
اجت ندا وسالي من الماركت وقعدنا اركلنا ودردشنا وبعدين وصلنا مجد على بيت وانا ناطرت بكرا على احر من الجمر
في الصباح ....
فقت متنشطة ركدت على الحمام عملت دوش سريع وطلعت فستاني الملون الطويل وكندة زحافية بيضة لبستهن وفردت شعري ووقفت انطر على شباك غرفتي لحتا آجوو ...
اشرتلهن بأيدي وركضت على الغرفة ناديت لندا ونزلنا كان الجوو شمس وكتير مناسب للطلعة ..
ركبنا بلسيارة سلمت عليهن وانا كتير مبسوطة
شغل مجد اغنيتنا (كل العمر على حسابك ) ومشي وبعدها وقفنا على غابة كبيرة اسمها دير تعنايل بلبقاع كان كلشي فيها حلو .فيها احصنة وعصفير وبسكليتات طلبنا فيها 4 بسكليتات وصرنا نمشي بلغابة طرقاتها ترابية وما فيها بحص كتير وفيها بلنص بحيرة صغيرة وموزع فيها كراسي للاستراحة وقفنا عند البحيرة وقعدنا شوي لنرتاح بس ندا وسالي ما قبلو يرتاحو وحبو يكملو لجوا ...
قعدنا شوي وصار يحكيلي عن حالو اكتر وعن طفولتو لخلصو ندا وسالي من االبسكليتات ورجعنا على سيارة ورحنا تغدينا ورجعنا على بيت
كانت ماما قاعدة وعندها جارتناا سلمت عليهن وفتت لجوا لبست بجامتي وقعدة احكي مع مجد ورفقاتي على التلفون وستغربة برقم غريب جاييني .....
مجهول : مرحبا انسة قمر
قمر : اهلين مين معي
مجهول : انا رح احكيلك مين معك بس وعديني يضل هل شي سر وما تحكي لحدا
قمر : خلصني مين معي
مجهول : لا اذا هيك من اولها مارح احكي
قمر : خلص رح يضل هل شي سر ..تفضل احكيلي مين معي
مجهول : انا عامر رفيق مجد ..
قمر : وشو بدك ليش عم تحكي معي ...
مجهول : بدي الك انو مجد ما بحبك وكل هل تمثيلية لانو مراهن عليكي ابن عمو ..
قمر : شوووووو

#على_أرجوحة_الأمل_بقلمي_زهرة_الشام
#الجزء_التاسع
@rwayate
مجهول : بدي الك انو مجد ما بحبك وكل هل تمثيلية لانو مراهن عليكي ابن عمو ..
قمر : شوووووو على فكرة انت كزاب عندك ادلت على حكيك
مجهول: يلي بدك ياه تذكري كلامي وانا رح جبلك دليل
قمر : بس تجيب دليل بترجع تحكيني ..
سكرت الخط ونتزعت كل الفرحة وقعدت على التخت وطول الليل افكر معقول كلامو صحيح ...يا رب ما يطلع كلامو صحيح
وقعدت ابكي من كلامو انو معقول الشخص يلي كنت فكرو بحبني يكون عاملني رهان
طلع الصبح لبست وجهزت حالي رحت على شغلي اخذت اذن ودقيت لمجد مشان شوفو
قمر : الو مجد صباح الخير
مجد : اهلين يا عمري ...كيفك
قمر : تمام البي حبيت الك انو اليوم اخذت اذن وحابت افطر معك
مجد : تكرم عيونك عشر دقايق وبكون عندك وين انتي
قمر : انا ورى المحل
مجد : يلا جاي بسرعه ما بطول مشوار الطريق
طفيت الخط وقعدت اجمع الحكي يلي بدي احكيه لمجد وحاولت كون هادية وما ابينلو شي لانو هاد الشب وصاني يكون هل حكي سرر وبعد شي ربع ساعه اجت سيارة مجد وقف بعيد عني شوي واشرلي بأيدو انو اجي
قربت منو فتحت باب السيارة وقعدت جنبو وطلبت منو نروح على مطعم يلي بلجبل حتا نفطر ....
مشي ونحنا بلطريق صار يسأل عن السبب المفاجئ للطلعة
قمر : بس نصل بخبرك كلشي
مجد : يعني فيي شي مهم
قمر :اي اكيد وكتير
وبس وصلنا نزلنا من السيارة وقعدنا برا (هوي المطعم فيه قعدة جوا وقعدة برا بس القعدة برا كانت احلى وبلاخص الصبح بكير بتنعش الروح)
مجد : اي عمري اليلي شوفي شغلتيلي بالي ..
شبكت قمر ايديها ومسكت شعرها وحطتو على كتفها وكان مبين عليها متوترة
مجد : اليلي يا عمري شوفي
قمر : انا بدي انخطب لزميلي بلشغل ..هوي طلب ايدي وانا حاسة انو وضعو منيح وحتا حكا مع بابا وطلع بابا بيعرفو وطلب مني فكر بلموضوع
عصب مجد وضرب بأيدو على طاولة : بلا تفكري بلموضوع انتي عم تحكي من كل عقلك وبتحكيها بوجهي ....
قمر : اي لازم احكيلك حتا نحط حد لهل موضوع ..بتحبني احكي مع اهلي لك احكي لامك
مجد : انا بدي احكي لامي بس حاسة انو الوضع مو مناسب
قمر : ليش حتا يكون مو مناسب
مجد : شغل ما عم اشتغل وبيت ما عندي
قمر: منشتغل انا وياك لحتا نأمن وضعنا ومنسكن ببيت اهلك مؤقت
مجد : وين ببيت اهلي
قمر : طيب منشتغل ومنستأجر غرفة وحدة على قدنا
مجد : طيب رح فكر بلموضوع وردلك خبر ...
قمر : مجد وقت تردلي خبر انو ما مشي الحال عتبر الموضوع بيناتنا انتها
شد مجد على سنانو وحس حالو بموقف صعب كتير بس انا كمان كنت بموقف صعب اني حس الشخص الوحيد يلي حبيتو انو يكون عم يلعب فيني ..
مجد : يلا رح اطلب اكل لناكل وتروحي على بيت قبل ما حدا يشوفنا
قمر: طيب حبيبي
طلب مجد الاكل وبس اجا واكلنا رجعت على بيت فتحت الباب ما كان حدا موجود غيرت تيابي وشغلت التلفزيون وبعد شي ربع ساعه اجتني رسالة وتس اب وبس فتحتها كان صوت مجد وهوي عم يحكي لرفقاتو ( والله يا شباب مبارح شفت بنت لقطة
ابن عم مجد : اي هيي يلي شفتا عنكن بلبيت اي يا زلمة كتير مغرورة بضن ما بتقدر عليها ..
مجد : انا يلي بقدر عليها وبكرا شوفو
رفيق مجد : اي مجد ما بيصعب عليه شي ...)
بس سمعت التسجيل جنيت صرت كسر كلشي بلبيت حسيت حالي ختنقت ومن الصدمة وقعت بلارض وماعد حسيت على شي لوقت فقت لقيت حالي بلمشفى وامي وندا جنبي )
كانت امي مالي وجهها لدموع عليي وندا واقفت بعيد ومبين عليها الخوف
ام قمر : لك شبك يا بنتي ليش مكسرت البيت وغاطط على قلبك لك شوفي
(ما عرفت شو رد عليها احكيلها انو البنت يلي تعبت بتربايتها اخر شي صارت لعبة بأيد شب تافه رجعت حسيت حالي مخنوقة ضميت امي وصرت ابكي وهيي تبكي معي كان اصعب يوم بحياتي ما حسيت بوجع متل هل يوم كان راسي رح ينفجر )
دق لباب ونفتح كان جايين بيت ام مجد لعندي يطمنو عليي ومن بينهن كان مجد بس شفتو ما قدرت اسكت وطلبت منو يطلع لبرا
ام مجد: شبك يا بنتي عامل شي ابني حتا طالعتيه لبرا
قمر : لا خاله بس مو لابسه منيح
ام مجد : اذا هيك مو مشكلة ...انتي البي شو صار معك حتا تعبتي هيك وكيف وضعك هلق
ام قمر : الت الدكتورة انها منيحة بس يلي عمل فيها هيك من الزعل
وضلو يحكو امي وام مجد بس انا كنت بغير دني كنت حاسة انو فيي شي موقف بحلقي ورح يخنقني ما كنت حاسنت اخذ نفسي بشكل منظم وما حسيت حالي الا غفيت ...
وصرت اسمع صوت عم يفيقني وماسكلي ايدي فتحت عيوني كان مجد عم يطلع فيني وبعيونو كميت حزن كبيرة جلست حالي دغري وتأكدة انو مافي حدا ...
قمر : انت شو يلي عم تعملو هون ...
مجد:بدي شوفك ما عم اقدر نام بدي اعرف شو يلي صاير معك
قمر : ووين اهلي
مجد : امك راحت تترتاح وندا مع سالي بلكافيتريا
قمر : بدك تعرف ليش انا هون .... انا هون بسببك انت ..خليتني احبك واتعلق فيك وبلاخر يطلع كلشي كزب
مجد : مين حكالك انو كلشي كزب انا والله بحبك وبدي ياكي وانا موافق اخطبك ليوم قبل بكرا
قمر : انا يلي ماعد بدي ياك
مجد : لك فهميني ليش هيك عم تعملي

#على_أرجوحة_الأمل_بقلمي_زهرة_الشام
#الجزء_العاشر_والاخير
@rwayate
سكت مجد وهوي مفتح عيونو على الاخر ويطلع فيني : منين جبتي هاد ؟؟؟
سكتت قمر وما ردت ولا بحرف لانو وعدتو للشب ما تحكي شي بس مجد عيط بصوت عالي :عم قلك من وووين
سمعو صوت الممرضات واجو ركضو : انت ليش عم تعيط على مريضة من بعد اذنك طلاع لبرا
قمر : معلش تركوه مافي شي بس من بعد اذنكن تركونا لحالنا
طلعو الممرضات وتركونا لحالنا
قمر : يعني هاد الحكي مزبوط ؟؟
مجد : صح انا حكيت هيك بس فيي تكملة للحكي هاد ويلي عطاكي هاد التسجيل قصدو يأذيني بس وقتها كنت انا وعامر وابن عمي وانا يلي رح جبلك التسجيل كامل وبس تسدقيني دغري رح اجي اطلب ايدك
ضرب ايدو على طاولة بقوة انا بفرجيه يلي عمل هيك ورح جيبو لعندك لحتا يحكي الحقيقة كاملة لانو يلي عمل هيك فيي شي ببالو
تركني مجد وراح ليعرف مين عمل هيك واجت ندا عم تركض وتسألني شبو مجد هيك معصب بس انا ما هتميت لسؤال ندا وما رديت عليها
مرو يومين وانا بلمشفى وبهل يومين ما شفت وجه مجد ابدا ولا سمعت عنو شي وانا ما حاولت ولا مرا دقلو
اجت الممرضة وحكت لامي انو فيهن يخرجوني من المشفا
الممرضة : انسة قمر طمنيني نحت المشكلة يلي صارت بينك وبين هداك الشب
تطلعت امي فيني وبلممرضة وهيي مستغربة
قمر : اي الحمد لله شكرا الك
طلعت الممرضة وامي قربت لعندي وعم تسأل
ام قمر : انو شب يا بنتي شو يلي عم تحكيه الممرضة
قمر : ما تشغلي بالك ماما مافي شي بس اجا مجد لهون ومتل ما بتعرفي انا ما بحب حدا يشوفني وانا مريضة
ام قمر : بس يا ماما ما بصير هيك هوي جاي يطمن عليكي
قمر : انا فهمتو ماما ما تقلقي
لبست ورحت على بيت وكل شوي افتح الوتس اب مشان اشوف اذا فيي ايا رسالة من مجد بس ما الاقي شي
في المساء
كنت قاعدة انا واهلي عم نتابع مسلسل فجاة رن التلفون ركضت عليه شفت الرقم ولا رقم مجد رديت
قمر : الو
مجد : اي قمر بدي ابعتلك التسجيل كامل وعرفت مين يلي عم يحاول يفرقنا انا بس بدي الك انو بكرا بدي اجي لعند اهلك وهلق امي ببتصل بامك
قمر : بعات الصوت وبعدين بقرر
سكر التلفون وبعتلي الصوت فتحتو والله يا شباب مبارح شفت بنت لقطة
ابن عم مجد : اي هيي يلي شفتا عنكن بلبيت اي يا زلمة كتير مغرورة بضن ما بتقدر عليها ..
مجد : انا يلي بقدر عليها وبكرا شوفو
رفيق مجد : اي مجد ما بيصعب عليه شي ...
مجد : بس بتعرفو يا شباب انا شفتها غير كل البنات صح مغرورة بس جذبتني بطريقة غريبة بصراحة وقت اشوفها بحس انو ملكت الدنيا
ابن عم مجد : حاجتك انت كل البنات بتحس فيهن نفس الاحساس
مجد : مين قال هيك ليش حبيت مين غير سلوى وقمر ..سلوى ابوها ما بدو ياني بس حاسس انو قمر الي
(سكرت قمر التلفون وحست بارتياح شوي من يلي سمعتو بس لسعتها موجوعه منو راحت على غرفتها وحطت راسها على مخدة وصارت تبكي بس بدون ما حدا يسمعها وبعد شوي رجع رن تلفونها وكان مجد ..
مجد : اي قمر سمعتي التسجيل
كان واضع على صوت قمر انو كانت تبكي :اي سمعتو بس لسعتني حاست انو انا لعبة
مجد : لك مشان الله ليش عم تبكي بدي شوفك تطلعي من الشباك انا تحت
مسحت قمر دموعها وتطلعت من الشباك وشافت مجد فاتح الباب ومطلع اجرو من السيارة وعم يطلع عليها ويأشرلها ابتسمت ابتسامة
قمر : اي تذكرت مين يلي بعت المقطع وليش
مجد : هاد رفيقي عامر كان بحب حبيبتي القديمة سلوى بس سلوى كانت بتحبني انا وما كان يقتنع بهل شي ومشان هيك حب ينتقم لان مفكر انو انا سرقتها منو
قمر : اي هيك لكن
مجد : ولانو سمعني انو بحبك كتير ومو بس هاد التسجيل مسجلي ياه كل محادثة بيناتتا وكل ما نقعد سوا كان يسجل بس انا عملت الازم
قمر : لتكون اذيتو ما بدنا مشاكل
مجد : خايفة عليي يا عمري بكرا انا جاي يا البي وبكرا رحتصيري الي .
ابتسمت بخجل من الشباك وسكرتو دغري وسكرت الخط ووخبت راسها بلمخدة وصار قلبها يرجف
قمر : يلا لازم نام بكير حتا بكرا روح جيب فستان من المحل يلي بشتغل فيه
حطت راسها ونامت وهيي عم تحلم ببكرا وتفكر كيف رح يشتغلو سوا ويعمرو بيتهن بتعبهن ويحلمو بمستقبلهن سوا
الصبح بكير صارت تعيط امي عليي فيق بسرعه لانو ام مجد اتصلت فيها والت جاي تشرب قهوة المسا
قمت انا بسرعه من التخت وركضت لعند امي
قمر : ايمتا اتصلت هلق
ام قمر : وليه قمر كانو بتعرفي وكانو عم يصير شي من ورأي
قمر : شو بدي اعرف
ام قمر : ام مجد جاي لعنا المسا لتطلبك لابنها مجد
عملت ما معي خبر بلموضوع : اي وشو يعني
ام قمر: اي ماما مجد منيح وما شفت منو غير كل خير
قمر : بس انا ما عندي شي البسو بهل مناسبة
طلعت امي مصاري من جزدانها وعطتني ياهن ورحت على محل يلي بشتغل فيه وجبت فستان اسود واحمر كمامو دانتيل وموج تمويج بلاحمر وسكربينة سودا ورحت على كوافيرة ستشورة شعري وحطتلي مكياج ناعم ورجعت على بيت فرجيتهن لماما وعجبوها
وماما اتصلت ببابا وخبرتو وحكا لماما اذا الشب منيح هيي تتصرف
في المساء
قمر : ندا ندا امانه شوفي طالعة حلوة