#لايا
#بقلم_يمنى_عفيف_و_شامة

الحلقة التاسعة وثلاثون
(قبل الأخيرة)



لونا:انا بفتح

مشت لعند الباب وفتحت:مين حضرتك؟

قاسم:قاسم المالك..
جد لايا

ابو راجح من جوا:مين عالباب؟

لونا~ارتبكت~: قصدي يعني…تفضل تفضل.. وبقلبها ما خلصنا من البنت ليطلع الجد كمان..

دخل قاسم مع لونا سلم عأبو راجح وعسهيل اخوه وتطمن عراجح وحكى:يلا لايا خلينا نمشي

لايا~قامت واخذت شنتتها~:يلا

ابو راجح:خليكم قاعدين بدري

قاسم:بدري من عمرك هلأ لازم نروح

قام سهيل وحكى: تفضلوا رح وصلكم

ابتسمله قاسم ومشى هو ولايا وبس طلعوا وسكر سهيل الباب رجع مكانه وحكى:احكيلنا مين رح تخطب يلا

راجح:المحامية لايا زميلتي…اللي كانت موجودة من شوي

انقهرت لونا …قامت دخلت عغرفتها وخبطت الباب بقوة وراها، أما ام راجح من الفرحة قامت ضمت راجح وبلشت تزغرد

سهيل:مبروك راجح

راجح:الله يبارك فيك عمي

ابو راجح:متأكد من قرارك

راجح:طبعا

ام راجح:والله هالبنت دخلت لقلبي ونسبهم برفع الراس ومبينة مؤدبة ومحترمة ومثقفة شو بدك احسن من هيك

ابتسم راجح بفخر بعد اللي حكته امه وانتبه لنظرات عدم الاعجاب من ابوه ونظرات الحزن من عمه…رغم انه كان حاكيله اذا ما بدك لونا احكيلي مش مشكلة …بس طول عمره بتمناه نسيب اله وزوج لبنته…لكن راجح مو شايف حدا بالدنيا غير لايا
بوسط سرحان راجح وابتساماته بطل ابوه يقدر يتحكم بحاله وقف وصار يصرخ :ولللللك اااانت بدك تجنني!…وبنت عمك اللي من صغررركم بنحكي انكم لبعض…كيييف هييك يعني؟
اللي بتحبها شو بتفررق عن بنت عمك جااوبني!!!

اكتفى راجح بالصمت وما حط عيونه بعيون ابوه…اما عمه وقف وحكى:ابو راجح اهدى واقعد خلينا نتفاهم

ابو راجح: كيف بدي اهدى جاوبني؟!

سهيل:انا بعرف وموافق وراضي…ولو اخدوا بعض ما رح يكونوا مبسوطين طول ما قلبه معلق بوحدة تانية ولونا الله يبعتلها ابن الحلال اللي يسعدها ويهنيها خلص عاد بكفي

ابو راجح:مستحيل اوافق واللي عندي حكيته

بعد نقاش طويل عريض اقتنع ابو راجح ووافق عمضض تنهد وحكى:جبلي رقم جدها لاحكي معه

راجح ضحك بفرح:عنجد بابا؟!…الليلة بكون عندك

وقام يركض عغرفته

سهيل~ابتسم~:شفت كيف بكلمتين طيب خاطره خليه يوخد البنت اللي اختارها قلبه ليرتاح ويعيش بسعادة…عن اذنكم

دخل سهيل لعند لونا عالغرفة

حكالها كلمتين وطلع وهي مصدومة…بس ما قدرت تخالف اوامر ابوها

-*-*-*-*-*-*-*-*-*-*-

وبالفيلا

دخلت لايا مع قاسم عالفيلا وكان جاسم موجود

لايا : جدو شو بعمل هون؟

قاسم : تعالي هلأ

وقف جاسم وحكى:منيح جيتوا في حكي كتير لازم نقعد ونحكيه

قمر:الحكي بنحكى واحنا لحالنا
قامت ومشت لعند غرفة الضيوف وحكت:تفضلوا هون مشان نحكي، وكان فينا نحكي ببيتنا

قاسم : لا انا جمعتكم هون لأعرف قراركم.. وهلأ (أشر عالغرفة) تفضلوا..

دخلوا براء ولايا وجاسم وقمر سكرت الباب

جاسم~مرتبك~:انا…اسف عكل شي صار بسببي وكل شي عملته…وحاب…انه نفتح صفحة جديدة وننسى كل اللي صار ومستعد اعمل كل شي بدكم اياه

قمر بقيت الدمعة واقفة بعينها وحكت بصعوبة:الله يسامحك…انا ما بعرف احقد وما اسامح بس كمان ما رح اقدر اتقبلك

انصدم جاسم لانه مش متعود عقمر بهالشخصية …متعود عقمر الضعيفة اللي ما إلها شخصية..

لايا:بتقدر ترجعلي ال10 سنين اللي مرو من عمري بوجع وتعب بسببك…بتقدر تبدل ذكرياتي البشعة بسببك بذكريات حلوة؟…اذا بتقدر تعمل هيك فانا رح اقدر اسامحك

جاسم:بس والله انا مستعد اعوضكم بشغلات ثانية

براء:لو سمحت بابا يا ريت تحترم قراراتنا وهالحكي ما يعرفوا فيه وسن وشجن

رجع جاسم يحكي ويطلب السماح وهو ندمان

واخيرًا حكت لايا:حكيتلك انا ما بسامح …بس ما رح انسى انك كنت وبتضل ابي ومو حلو نرمي ابونا بالشارع لانه ما عنده مكان يروح عليه

قمر:صح حكي لايا…بدك تسكن معنا اهلين بس لا تتأمل نتعامل معك كانه ما في اشي

لايا:عن اذنكم انا طالعة على بيتي

قمر : مع السلامة حبيبتي.. انتبهي على حالك..

************
طلعت لايا من الفيلا بعد ما سلمت على قاسم سلام سريع ما بتعدى الثواني..
ركبت سيارتها وراحت على بيتها..

دق الباب وقفت ورد وفتحت

دخلت لايا ولما ما شافت نايا استغربت وحكت:وين نايا

اليانا:تصالحت مع زوجها واجا اخذها

لايا:الحمد لله

ورد:لايا بصراحة احنا مو حابين نبقى هون اكتر بكفي يومين ويعــ…

قاطعتها لايا:عارفه انا وفاهمتكم بس انتو التنتين مافي مكان تروحوا عليه.. وانت اليانا معك ولد وين بدك تروحي.. مافي روحة لحتى ندبرلكم مكان تقعدوا فيه..

ورد:شكرا كتير

اليانا:الله يخليلنا اياك وشكرا عكل شي

لايا:حبيباتي انتو…انا بعتبركم زي خواتي والله يلا قوموا معي..

ورد: لوين؟

لايا: بدي اعمل حفلة

اليانا : حفلة؟ لشو؟

لايا: لانو قريباً خطبتي ههههههه

ورد : عنجد!!
ان شاء الله الففف مبااارك

لايا: لك بمزح بمزح.. يعني نرفه عن حالنا شوي بعد كلشي صار معنا..

اليانا : يعليكي صدقت والله.. يعني مافي خطبة؟ ☹️

#لايا
#بقلم_شامة_و_يمنى_عفيف

الحلقة السادسة وثلاثون


قرب تيم منهم وهو مصدوم..
كيف طلع بنفس الوقت رصاصتين هيك!

وقف ماجد وراح بسرعة لعند اليانا اللي كانت ماسكة السلاح بإيدها وشادة عليه مسك ايدها وقال : خدي نفس.. اتركيه.. اليانا اسمعيني اتركيه..
بهاللحظة فاتت الشرطة.. صرخ تيم : اتصلواااا بالاسعاااف بسرعةةةة

قرب شرطي من اليانا واخد السلاح منها بالهدوء واجا ليكلبش ايديها بس صرخت لااا لاا بدي ابني

رجع قرب ماجد وقال : حنجبلك ابنك وعد.. هلأ روحي مع الشرطة ونحنا حنجي.. تمام؟
اليانا تماممم

كانت عم تطلع بالجثة بفراغ وخوف كبير

سكر ماجد عيونها وقال: انت عملتِ الصح.. يلا امشي..
هز راسه للشرطي وركض لعند تيم..

________
ببيت لايا
قاعدين كلهم عنار والسنتهم بتلهج بالدعاء..
طلعت لايا من المطبخ ماسكة كاسة مي..
وقعت من ايدها وانكسرت..
حطت ايدها على قلبها ومشيت : صار شي والله صار شي.. قلبي قلي انه صار شي..

سيلين : اهدي لك لايا شبك.. ما بعرفك ضعيفة هيك

لايا بصوت مبحوح؛ انا مو ضعيفة.. مو ضعيفة بس المخطوفين روحي وعيلتي... يلي وقفوت معي بتعبي وحزني قبل فرحتي...
قلبي قلي انه في شيي
عرفتتتِ.. قلبي دليلي ما بخوون..
انا طالعة..

نبأ: لايا وييين طالعة ما سمعتِ جدو قال ماحدا بيطلع من البيت

لايا لبست جكيتها: كان لازم يخبرنا..

وقف عمران قدام الباب وحكى : مافي اي حدا يطلع من هون..
ابداً.. لايا لا تحاولي..
فوتي لجوا يلا..

لايا: عمران بعدلي بدي روح..

عمران : مافي روحة حكيت.. قبل ما يجي جدو او يبعت.. مافي حدا يطلع..

لايا: عمرااان

عمران : قولاً واحداً..

قعدت جنبه قدام الباب، عيونها منفخة تنفيخ.. بقلبها شاعلة نار..
حكت بهدوء : يارب ما يصرله شي.. يا رب

تدايق عمران بس ما بين شي..
رفع ايديه وصار يدعي معها بصوت عالي..

والكل رفع ايديه ليأمن عالدعاء..

_________
عند قاسم..
قعد بالسيارة بينما يوصلوا الشرطة..
لمحهم من بعيد جايين وماسكين تنتين نسوان مع باقي الشباب..
طلع من السيارة بسرعة ليشوف قدامه لانا ووحدة تانية ما بيعرفها.. قرب منه المفوض وحكى : هي كانت جوا اجت لتهرب بس كمشناها بآخر لحظة (مأشر على لانا)
قاسم : خير ما عملتو سيدي خير ما عملتو.. عفكرة هي متحدة مع هاد يلي اسمه الصقر.. وسرقت من عندي أوراق مهمين ودتهم اله

لانا بخوف : بس عمو

قاسم : اخرسي.. لا تقوليلي عمو.. ما بشرفني كون عمك..
أشر للمفوض بمعنى مين هي؟

المفوض : الاسم اليانا.. العمر..

قاسم قاطعه : لك شو بدي بعمرها يا سيدي.. قلي شو عملت شو عملت..

أطلقت على المتوفى ثائر المالك

قاسم ؛ شووووو

هز المفوض براسه بمعنى اي..

لمحت ابنها بالسيارة من بعيد اجت لتركض بس مسكها الشرطة مفكرها حتهرب..
همسله قاسم انه ابنها فتركها..
فتحت باب السيارة وفاتت..
أول ما شافها وليد ضمها فوراً وكأنه عم يستنى حضنها بس ليحس بالأمان والطمأنينة

بعد خمس دقايق طلعت من السيارة واتجهت لعند الشرطي..
حكى قاسم : رح تكوني بكير رح وكلك لايا محامية شاطرة

هزت براسها ومشيت..
اجت الاسعاف وطلعوا جثة الصقر.. بس كان استغراب قاسم ليش في سيارتين اسعاف..
ما كان بده يمشي ويترك وليد لحاله بالسيارة لهيك استنى لحتى اجا واحد من الشرطة حكى بسرعة : شوفي؟ طمني احفادي بخير؟

الشرطة : تنين بخير وواحد انصاب.. اصابته خطيرة

حط ايده على قلبه وقال : مين؟

الشرطي : ما بعرفهم انا اشقر طويل هيك شفته

قاسم : خليك شوي جنب الولد انا فايت لجوا..

الشرطي : حاضر

مشي قاسم شوي لحتى وصل لجوا...

أول ما شافوه ماجد وتيم وقفوا بسرعة ومشيوا لعنده : جدو..
ضمهم بصدره الرحب الكبير بدون ما يسألهم أي شي..
التفت وحكى : هاد مراجح؟

تيم ؛ راجح..

قاسم : كيف تصاوب...

ماجد : الصقر كان بدو يأطلق على تيم.. بس هو فتل حاله.. اجت الرصاصة فيه..

تيم ؛ كان بالأرض.. والسلاح بعيد.. ما بعرف كيف صار هيك..

قاسم : هلأ خلوا الاسعاف تاخده وخدوا عنوان المشفى وانتو حسابكن بعدين..
تطلعوا ببعض ونزلوا روسهم بحزن..

طلع من المكان وراه ماجد وتيم.. وجوههم كدمات ونازل منها الدم.. قرب مُسعف وحكى : انتو بخير؟

تيم ؛ اكتر من هيك شو بدنا..

: لازمكم مشفى

ماجد : لا لا مافي داعي..
يلا جدو نمشي..

قاسم ؛ تمام..

ركبوا بالسيارة قاسم وجنبه تيم وورا ماجد جنب وليد..
حكى ماجد : شفت ماما؟

وليد : شفتها..

ماجد : الحمدلله..

__________
ببيت لايا

وقف عمران ومشي عالمطبخ ليشرب مي..
وقفت لايا وقالت : انا رايحة ماعاد اقدر استنى..

طلع عمران وقال : لايا..

فتحت باب البيت واجت لتطلع بس لاقت بوجهها قاسم.. ضمته بسرعة وقالت : جدووو..
طلعوا من وراه تيم وماجد..
قربوا الكل وضموا بعض

سيلين ؛ تييم كتير منفوخة ليش مارحت عالمشفى

تيم : مافي داعي..

نايا: حبيبي يا وليد.. سيد قاسم وين اليانا؟

لايا؛ جدو.. وين راجح..

تطلع قاسم بتيم بمعنى خبرها..

لايا: جدو وينن

#لايا
#بقلم_يمنى_عفيف_و_شامة

الحلقة السابعة وثلاثون
>

صرخت بكل قوتها : باباااااااااااااااااااااا

قمر : بسم الله عليك لايا..

قعدت بسرعة والعرق عم يتصبب منها

قريت وسن واعطتها كاسة مي: شو صرله عم تصرخي باسمه؟

لايا: انقتل.. قتلوه..

شجن : لميين

لايا: بابا.. وقف قدامي هو.. واجت الرصاصة فيه..

قمر : حبيبتي عم تشوفي كابوس مو حقيقة..

لايا: لا ماكان كابوس..

طلعت من الغرفة وتوجهت على باب البيت.. أول ما فتحته طلع بوجهها.. ما صدقت..
قربت منه وضمته..
كانت صدمته ما بتقل عن صدمة قمر ووسن وشجن..
رفع ايديه شوي شوي حطهن ورا ضهرها وضمها..

قمر ما عجبها وفاتت لجوا فوراً..

أما شجن تطلعت على وسن وقربت من جاسم وضمته..

تطلعت وسن فيهن وتقدمت ببطئ لوصلت لعندهن..
فتح ايديه وضمهم التلاتة سوا..

اجا من برا براء، أول ماشافهم انصدم.. بالأخص من لايا..
حكى بأسف : لايا؟

انتبهت لايا عليه وبعدت..
ولحقوها وسن وشجن..

براء: ما توقعت تسامحي بهالسهولة..

لايا نزلت عيونها : انا ما سامحته

تطلع جاسم فيها بحيرة : اذا ما سامحتيني شو كان هاد؟

شحن : شافتك بالمنام وقفت قدامها وصابتك رصاصة ومتت..

جاسم ؛ يعني لازم موت لتسامحوني؟
طيب..

طلع من البيت وسكر الباب وراه

براء: لا.. مو هيك..

لايا؛ الحقه براء الله يوفقك بلا ما يعمل شي لحاله..

براء: طيب طيب.. بس طمنيني ماما كيف صارت

لايا؛احسن الحمدلله.. يلا روح..
طلع براء ورا جاسم وحكت لايا : فوتو راضوا ماما انا لازم روح عند راجح بسرعة...

شجن : طيب.. سلمي عليه لحبيب القلب

لايا: شجنننننن.. شو هالحكي هادد مافي هيك شي لا تخبصي..

شجن : اي اي مافي..

لايا : شجننن حتجي الشحاطة ها..

شحن ؛ خلص فتت..

لايا: خير ما عملتِ.. يلا سلام..

طلعت وسكرت الباب وراها..
طلعت تلفونها واتصلت بمراد
أول ما فتح حكت بلهفة : الف مبارك حبيبي

مراد : ربي يبارك فيك يا روحي.. عقبال ما افرح فيك..

لايا : ان شاء الله.. كيفا نسمة؟

مراد : منيحة الحمدلله..
بدي اسألك حكيتِ مع جدك خير في شي؟ مالحقت اسأله فوراً طلع..

لايا: والله قول شو ماصار يا عمري..

مراد : ليش شو صار؟

لايا: مات الصقر

مرااد : كيف يعني مات.. لايا شو عملتو نن ورايي

تنهدت : قصة طويلة خالو.. بس جدو صار بيعرف كل شي

مراد: اخيرا حكيتولوا

لايا: لازم سكر هلأ بدي روح عالمشفى

مراد: شوو شغلك بالمشفى كمان!!

لايا: اه نسيت احكيلك.. راجح تصاوب.. وماجد وتيم اصابات خفيفة

مراد: عطيني عنوان المشفى جاي عالسريع وبدك تفهميني كلشي

لايا: طيب.. ببعتلك ياه برسالة

مراد : بَستنى..

لايا: يلا سلام..

مراد : سلام..

ركبت بسيارتها وطلعت عالمشفى..

أول ما وصلت طلعت لفوق وحكت : اووف تأخرت...
جدو انت لساتك هون؟

قاسم : اجيتي؟

لايا: اي..

قاسم : طلعوا راجح على غرفة لحاله..

لايا: كيف صار؟

قاسم : منيح..

لبا: خلص جدو هي انا اجيت.. روح انت

قاسم ؛ رايح ىايح بس..

لايا: بس شو

قاسم : راجح شو بالنسبة الك

لايا: احم.. زميلي.. اب زميلي بالمهنة وكمان ساعدنا كتير ووقع حاله بالخطر مشاننا.. لهيك خفت عليه

قاسم : بس؟

لايا: بس..

قاسم : يلا سلام

لايا : سلام

مشي قاسم وحكى : زميلها قال.. مفكرتني ولد اليوم.. بكرة بسمع خبر حبهم كمان

مشيت لايا للاقت قدامها ممرضة : مرحبا.. انا اجيت مشان راجح.. يا ترى فيني شوفوا

الممرضة : اي طبعا بتكون قلقتي عليه.. أكيد الواحد بيقلق على حبيبه

لايا: احم.. لا هو صديق مو حبيب..

الممرضة : ها.. عفواً.. تفضلي معي من هون مشان تلبسي وتتعقمي بعدين بتقدري تدخلي لعنده..

لايا: تمام..

الممرضة : ها صحيح اهله مو موجودين؟ ما شفت حدا منهم..

لايا: مسافرين..ما خبرتهم مشان ما يقلقوا

الممرضة : طيب.. تفضلي هي التياب.. عم استناكِ برا مشان آخدك لعنده

لايا: يعطيك العافية...

لبست وطلعت لبرا ومشين هي والممرضة لوصلوا لغرفته.. شافته من ورا الشباك نايم مو حاسس عشي.. مافي سلك مو محطوط عليه.. حكت : معقول كل هالأسلاك؟ راجح بيختنق

الممرضة : ما منقدر نشيل شي طبعاً

لايا: طيب.. ممكن ابقى لحالي؟

الممرضة : اها طبعاً بس لا تتأخري

لايا : اكيد..

طلعت الممرضة وسكرت الباب..
قربت لايا ومسكت ايده.. : رغم انك بتعرف انه حياتي كلها خطر بخطر دخلت.. وجازفت بكل شي..
انت الوحيد يلي كنت معي خطوة بخطوة.. ما تركت ايدي أبداً.. لما اتصل يلي ما بيذكر اسمه قلت حبيبتي..
ما حدا سمعها بس أنا سمعتها وماعاد سمعت شي تاني..
انا ما قربت لاني خفت.. وانت ما قربت لانك خفت...
بس أنا ما بقدر خبي.. عيوني فاضحتني.. راجح انا بحبك..
بحبك من اول مرة شفتك فيها.. من لما اجيت على المكتب اول مرة..
بس انا صعب أوثق بحدا فوراً، وانت مع الوقت عرفت اساساً.. ارجع مشاني.. مسحت دموعها وحكت : كون قوي مشاننا.. مشان حبنا..
كون قوي لاني ما بحب شوفك هيك ضعيف.. كون قوي مشان ابوك وامك يقووا فيك.. وقف على رجليك وارجعلنا

#لايا
#بقلم_شامة_ويمنى_عفيف

الحلقة الثامنة وثلاثون



واقف جاسم بنص الصالة…ماسك المسدس وموجهه عحاله…بده يموت ويرتاح…لانه بنظره الانتحار رح يريحه من كل شي …حكى والدموع بعيونه:الكل رافضني ما حد بحبني ولا حد بده اياني انا تعبت وبدي ارتاح

براء:بابا اهدى وخلينا نتناقش ونتفاهم

لايا:براء معه حق نزل هالسلاح وخلينا نحكي

رن تلفون لايا وفصلته رجع رن وردت :الو…كيييف يعني؟…طيب طيب جاية

سكرت التلفون وكان جاسم منزل المسدس

لايا : انا لازم روح..
بس ارجع بنتفاهم

براء:شو صاير


لايا ~ركضت لتركب بالسيارة ~:الصقر ما مات بس اصابته خطيرة والمشكلة في حدا هرّبه

براء:كيييف؟

لايا:براء مو وقته هلأ سلام

طلعت لايا بالسيارة مستعجلة وهي بتضرب اخماس بأسداس …وتوجهت لمركز الشرطة

نزلت بسرعة …ودخلت لعند الضابط وهمت لتحكي بس سبقها

الضابط :قبل ما تحكي اي شي..

لايا:الصقر ما مات وهرب من المستشفى


بنفس اللحظة دخل عنصر وحكى:سيدي الصقر هرب والفاعل اسمه مروان وترك هي الرسالة عالتخت بعد ما طلعوا

اخذ الضابط الورقة بعصبية وبلش يقرأ:الصقر ما بموت ولا بروح…الصقر قوي وما حدا بمسكه

عصب الضابط وكعبل الورقة ورماها بالارض

صرخ بصوت عالي:جهزووولي دوريتين بسرعة

التفت للايا:استاذة لايا بما انك كنت انت وعيلتك بنزاع مع الصقر فوين بتتوقعي يكون راح؟

لايا:انا ما بعرف بس في تنين من رجاله سامح وياسر اكيد بعرفوا كل الاماكن تبعته..

قاطعها الضابط:يااا عنصر جيب ياسر وسامح من المنفردة

انصدمت لايا واستغربت انهم مسجونين وهمه كانوا ببيتها بس ما علقت وحكت:انا هلأ لازم روح عالمستشفى وبعدها برجع هون لاشوف شو صار لاني رح اكون محامية سامح وياسر


طلعت لايا مستعجلة ركبت بسيارة وتوجهت للمستشفى رهي مشتته كيف قدر يهرب ومتى ومين هربه وكيف قالوا مات؟

بالمخفر

حكالهم المحقق اللي صار وطلب منهم يفكروا وين ممكن يكون حكى سامح:سيدي انا ما بعرف عنه شي هو ماكان يوثق بحد غير ياســ…

قاطعه ياسر بصراخ:ضاااااحية الريحاااان

الضابط:اقعد واهدى ووطي صوتك واحكيلي مالها ضاحية الريحان

ياسر:الصقر عنده بيت بضاحية الريحان ما حد بعرفه غير انا ومروان فاكيد راح هناك لانه كل محلاته الباقية صارت مكشوفة الكم


الضابط:عطيني العنوان بالضبط..

___________

عند لايا

راكبة بسيارتها وماشية على أعلى سرعة..
رن تلفونها فتحته وحكت : اي جدو..
اتصلوا عليي من المشفى.. قال الصقر ما مات.. رحت عالشرطة وهن ماكانوا بيعرفوا.. انا رايحة عالمشفى بعرف التفاصيل وبقلكم..
طيب لكن تعالوا...
بس جدو...
ابعت حدا ينتبه على ماما.. وعمتو نسمة..
تمام جدو...
مع السلامة..

وصلت على المشفى ونزلت بسرعة.. استقبلتها الممرضة عند الباب..
لايا : احكيلي بسرعة..

الممرضة : أتاري هاد الصقر مو ميت بس هاد مروان شاري الدكتور بمصاري ومعطينه ابرة للصقر بتوقف النبض لمدة محددة..
ولما اجت الشرطة شافته كان بنظرهم ميت..

بعد ما صحي الدكتور عمل شغله..
بس في دكتور تاني كان موجود ولما حكيتله القصة ورجاني صورته وقلتله انو هاد هو..
والدكتور كان مفكره مريض عادي لهيك ما حكى شي.. بعد ما عرف.. في حدا سمع حكيه وهدده وهرب الصقر وطلعوا..
وانا فوراً وقت حكالي الدكتور اتصلت فيك وبالشرطة كمان..

لايا: خير ما عملتِ وأصلا الشرطة جاية لهون..

اجت من بعيد ممرضة عم تصرخ : آنسة لايا آنسة لايا..

لايا بقلق : شوفي؟

ضحكت وحكت : الاستاذ راجح صحي..

دمعوا عيون لايا وحطت ايديها على وجهها : الحمد لله يارب..

طلعت تركض ورا الممرضة لتشوفه..
وبنفس الوقت وصلوا الشرطة ووراهم قاسم وتيم وماجد وسيلين..

طلعوا الشرطة لفوق وبقي قاسم واحفاده
قربت الممرضة وحكت : حضرتك السيد قاسم صح؟

قاسم : انا..

الممرضة : يلي صار انه....

____________

ببيت راجح..

لونا : بابا انا عنجددد ماعاد استحملل.. وينوو لهلأ ويينو

: اقعدي عاد... بكون هج من حضرتك.. ولا نسيتِ شو عملتِ؟

لونا : بابا حاج والله فهمت.. لك لو هيك كاان حكى معنا عالأقل.. كان حكى معك اذا ما بدو يحكي معيي..
بس اكيد اكيد صايرله شي أكييد..

: لك بعيد الشر عنه.. حاج تفاولي عليه..

اندق الباب..

لونا : هااا اكيد اجا.. ركضت فتحت الباب وحكت : اخيراً...

راحت ضحكتها من على وجهها وقت شافت مين قدامها..

لونا بضحكة مصطنعة وتوتر : ع عممو ومرتعمو... اهلا وسسسهلا والله..

ابو راجح ؛ لونا حبيببتي.. كيفك يا عمري.. وينو راجح والله مشتاقله كتير..

لونا : ها رااجح..

طلع من جوا ابو لونا وحكى : اخيي.. نورت يا اخي نورت.. قرب سلم عليه وضمه..

لونا : كيفك مرتعمو

: اهلين حبيبتي الحمد لله انت كيفك؟

لونا : منيحة الحمد لله..

: شو وينو ابني حبيبي؟

لونا : اااه راجح؟

ابو لونا : بالشغل.. اي بالشغل.. وحيتأخر اليوم شوي..
خبرتوه انكم جايين؟

: لا مارد..

لونا ؛ اي هو سكر تلفونه مشان الشغل..

ابو راجح ؛ طيب بكن لنفوت نر

#لايا
#بقلم_يمنى_عفيف_و_شامة


الحلقة الثالثة والثلاثون


صرخت بخوف : نسمةةةةةة

فتح الباب وفات..: نسومة... نسيت تلفوني، شفتيلي اياه وين؟

قمر صرخت : مرااااااد تعاال

زت المفاتيح برعب وركض..
لقى نسمة بالأرض وقمر جنبها عم تحاول ترفعها.. وجنبها صحون وفناجين مكسرة والقهوة مملية المكان..

بقي ثواني لاستوعب الصدمة.. بعدين ركض عليها وحملها وحكى : قمر.. خدي تلفونك وشنتتك وجيبي جكيت لنسمة وتعالي... بسرعةةةة

قمر : يلا يلا..

حملها وطلع عالسيارة.. وطلعت وراه قمر.. فتحتله باب السيارة وحطها فيها..
ركبوا وانطلقوا : تحملي حبيبتي تحملي.. حنوصل..
قمر كيف صار هيك!!

قمر ~بكت~ : ما بعرف والله ما بعرف..
كنت جوا بالغرفة وقت سمعت صوت شي انكسر..
ركضت لبرا وشفتها وبعدين انت اجيت..

مراد : رساالة...
اني انسى تلفوني رساالة..

وصل عالمشفى..
نزل بسرعة وصرخ : جيبوووا نقاالة

اجو الممرضات وحملوها على النقالة..

فات وراها هو وقمر..

الممرضة : شو صار معها؟

قمر : وقعت.. وقعت عالدرج..

الممرضة : في حروق بإيديها

قمر : وقت وقعت كانت حاملة القهوة

الممرضة : يبدو انها وقعت عليهم.. طيب انتو انتظروا هون..

مراد : بس.

الممرضة : لو سمحت.

مراد : طيب..
قمر..

قمر : اي اخي

مراد : عطيني تلفونك..

فتحت شنتتها واجت لتطالعه بس ما لقيته : ما لقيته

مراد : اوووف كمان..
طيب انا رايح اتصل من المشفى او شوف اذا في حدا هون

هو وماشي انطرق بحدا...
اول ما شافوا فورا حكى : عمارر!

عمار : اهلين مراد.. شو عم تعمل هون

مراد : جبت نسمة .. وقعت..

عمار : شووو.. وينها؟

مراد : بقسم الاسعاف

عمار: طيب هدي انت.. ولا تتصل بحدا وتقلقو هلأ.. انا حشوف الوضع

مراد : اصلا ما معي تلفون..

عمار : بس نتطمن عليها منخبر الكل.. في معك حدا؟

مراد : قمر..

عمار: قمر عندك

مراد : من وقت اجا جاسم

عمار: شوووو.. اجا جاسم!

مراد : اي..

وصلوا على قسم الاسعاف.. حكى عمار : حفوت هلأ.. بس اطلع منكمل حكي..

بعد ربع ساعة

طلع عمار من جوا هو والممرضين

مراد : طمني

عمار : الحمدلله عرضية.. الراس سليم الحمدلله بس ايدها انرضت.. وشوية حروق من القهوة يلي وقعت عليها.. بسس

قمر : بس شوو

عمار : ما سألتوني ليش وقعت

مراد : شو يعني ليش وقعت؟

عمار : مراد... نسمة حامل

مراد : كماان.. لحظة.. شوووووو.. شو حكيتتتت

عمار : حكيت نسمة حامل

تطلع مراد بقمر بغير تصديق : سمعتِ.. قمر سمعتِ شو حككككى سمعتييييه؟

قمر : سمعت.. با عمريي الف مبروك حتصير بابا

مراد : نسمةة.. كيفها.. البيبي كيفه؟

عمار: التنين وضعهم منيح..
البيبي عمره أسبوعين.. ورب العالمين حماه

مراد : الحمدلله.. الحمدلله

قمر : يعني من هيك وقعت؟

عمار: عالأغلب تعرضت لاغماء وهاد سبب وقعتها

مراد : المهم انها بخير هلأ..

مراد : مارح انسالك البشارة هي ابدا

عمار: ولو احنا اخوة..

_________
ببيت لايا
_____
وصلت اليانا ورنت الجرس..
فتحت سيلين الباب وطلعت راسها : وين لايا؟

اليانا : راحت عالبيت..
فاتت لجوا ووراها سيلين
حكت سيلين : ليش صار شي؟

اليانا : اتصلت اختها الصغيرة..
ما بعرف شو حكو وراحت بسرعة عالبيت

ماجد : وانت كيف اجيتي؟

اليانا رفعت الورقة : كتبتلي العنوان..

نايا : شو هاد يلي بإيدك

ضحكت وفتحت الكيس وطلعت القميص.. ضمته بحب وحكت : قميص لوليد 😍

نايا : شفتيييييه؟؟

اليانا : شفتو.. ااخ يا اختي شو كبران وحليان.. يؤبرني..

سيلين : كيف استقبلك؟

اليانا : عادي.. كان هادي.. حكيتله كل شيي

براء : طيب انا رح اتصل بلايا شوفها وينها..

اليانا : نايا تعي معي مشان احكيلك

نايا : تمام..

وقفوا وفاتوا عالغرفة سوا..

حكى ماجد : شو سيد سامح ان شاء الله صحيت عالأخير

سامح : يعني.. الحمدلله..

اجت ورد من المطبخ ومعها ياسر : تفضلو هي الكيك صار جاهز

نبأ: اووووه كيك.. وبالفراولة كمان.. النوع يلي بحبه..

براء : اي لايا.. كيفك حبيبتي.. رحت بسرعة شو صار؟
شوووو.. ك كيف يعني اجا.. يعني هو هلأ هون..
طيب طيب جاي..
تمام قلتلك جاي.. ماما عرفت..
كمان ماعم ترد! طيب هلأ انا بشوف... مع السلامة

نبأ: شوفي براء

براء: بابا... رجع

نبأ: شوووو.. ككيف يعني رجع.. ووينه

براء: رجع رجع.. اجا على بيتنا ووسن وشجن ما خلوه يدخل..
اتصلوا بلايا وراحت وكمان رجع حاول بس ما دخلته لايا..
اي وهيك..
انا هلأ رايح

نبأ: بدي روح معك

براء: خليكِ هون واتصلي بماما ماعم ترد لانه..

نبأ: طيب بس اتصل فيني..

براء: تمام.. يلا سلام شباب

الكل : سلام..

بس طلع براء قعدت نبأ عالكنبة وعيونها تعبو الدموع

سيلين : طولي بالك نبأ..

نبأ: كيف طول بالي ها كيف؟
رجع بعد هالأيام والليالي يلي بكينا فيها بدونه..
وماما... يلي حاربت الدنيا لتبقى قوية وتوقف معنا بكل موقف.. صح ماما.. لازم اتصل فيها

سيلين:ليش وينها؟

نبأ: عند نسمة

سيلين:بتعرف انه ابوك اجا يعني؟

نبأ: لا.. مشان

#لايا
#بقلم_شامة_و_يمنى_عفيف

الحلقة الرابعة وثلاثون

#لايا
#بقلم_يمنى_عفيف_و_شامة

الحلقة التاسعة والعشرون

#لايا
#بقلم_شامة_و_يمنى_عفيف

الحلقة الثلاثون

#لايا
#بقلم_يمنى_عفيف_و_شامة

الحلقة الخامسة وعشرون


بمقر الصقر

دخل سامح عنده بعد ما طلبه

سامح:اي معلمي

الصقر:في شحنة مخدرات رح تيجي اليوم والشخص اللي رح نتعامل معه انا مش مرتحله كتير…لهيك بتحكي لمروان يوخد دعم زيادة للاحتياط وانت وعبادة بتضلوا هون

سامح: حاضرين معلم

راح سامح وبلغ مروان بحكي الصقر …وبعدها راح لعند عبادة


سامح:لك عبادة شو بدي قلك…ليش احنا ما معنا رقم المعلم؟

عبادة:كيف والرقم اللي بنتواصل معه عن طريقه مو رقمه

سامح:لك بعرف بعرف …قصدي رقمه الصح اللي عنجد اله

عبادة:هه…هاد مع مروان لانه ايده اليمين بعد ياسر احنا ما بوثق فينا مشان يعطينا اياه

سامح:ايوا مشان هيك

عبادة:لكن شو مفكر

راح عبادة وبقي سامح لحاله شوي واجا مروان…رمى الدخان والتلفون ومفتاح السيارة عالطاولة

مروان:شو وين عبادة؟

سامح:ما بعرف راح لهديك الجهة

مروان:لروح شوفه رح احكي للمعلم بدي اخده معي ويضل حد تاني هون

راح مروان وسامح استغل الفرصة طال تلفون مروان وفتحه لانه بلا كلمة سر ومالقى فيه غير رقمين معلم 1 ومعلم 2 احتار اي واحد رقم الصقر لهيك طال تلفونه وقارن الرقم اللي معه بالرقمين وبسرعة سجل رقم المعلم 2 لانه تبينله انه هو الاساسي…وسكر تلفون مروان ودخل لعند الصقر

سامح:معلم اذا بتسمحلي اروح ارتاح ساعتين قبل المهمة مشان اضل منيح وانا موجود هون

ااصقر:انقلع وين ما بدك معك ساعتين بس

سامح:شكرا معلمي عن اذنك

طلع سامح وهو بحكي بنفسه:وهي زبطت اول الخطة لرن عليها تحضرلي حقي

رن على رقم واستنى ليرد

وبالمستشفى بغرفة اليانا رن تلفون نايا وكان لساته جنب اليانا طالته بسرعة وردت: الو

سامح:تمت المهم…

اليانا~قاطعته~:اخي الرقم غلط…لك والله ما عم اكذب عليك هاد الرقم اخره واحد مو متل ما بتحكي انت اربعة

فهم سامح الرسالة اللي بين حكي اليانا وسكر الخط اما اليانا عملت حالها لسا عم تحكي وحكت: مع السلامة حصل خير

حذفت الرقم وعطت التلفون لنايا وحكت:واحد مخربش بالرقم

نايا:وانت ليش اول ما رن التلفون اخدتيه ؟

اليانا:شبك عصبتِ؟…فكرت وحدة من صاحباتي متصلة تتطمن بعد ما عرفت اني طلعت من الغيبوبة بسلامة لانه كل الناس عرفوا منك انت وعامر

نايا بعدم اقتناع :بسيطة


اليانا:اختي ملاحظة انك من حد ما دخت بالغيبوبة وصحيت ولهلأ وانت ِ ما بتفارقيني روحي عبيتك تطمني عولادك ارتاحي شوي وبترجعي

نايا:ما فيني اتركك لحالك

اليانا:والله اني منيحة يا اختي وما تخافي هالمرة ما رح اهرب حرام ولادك الهم فترة ما شافوكِ وقعدوا معك زي الناس

نايا:طيب واذا بدك اشي كيف رح تحكي معي؟

اليانا:سهلة باخد تلفون وحدة من الممرضات

نايا نفخت :مع اني مش مقتنعة بس ماشي خليني اجبلك اغراض …اذا صار معك اي شي او بدك اي شي بتحكيلي

اليانا:اتفقنا

راحت نايا تروح وبقيت اليانا لحالها بعدها بشوي رنت عالجرس لتيجي الممرضة
اجت الممرضة بعد شوي ودخلت لعندها

الممرضة:تفضلي في شي؟

اليانا:لا ابدا بس بدي اتصل بأختي تجبلي هالغرض معها وبدي ورقة وقلم اتسلى وانا قاعدة

الممرضة:حاضر يا انسة بس لجيبه وارجعلك

طلعت الممرضة من الغرفة وخبطت بسيلين اللي كانت بتمشي حوالين الغرفة بما انه ما في عندها مرضى بدها تعرف شو القصة

سيلين:شبك ؟…وشو بدها المريضة؟

الممرضة:بدها تلفوني تتصل بأختها دكتورة وبدها ورقة وقلم تتسلى

سيلين طالت تلفونها من جيبتها :عطيها اياه واحكيلها انه تلفونك…طالت من جيبتها التانية دفتر صغير وقلم مزعت ورقة من الدفتر وعطتهم للممرضة وهلأ اعملي متل ما حكيت

الممرضة:امرك

راحت الممرضة وعملت زي ما حكتلها سيلين

اليانا:اطلعي لبرا لبين ما احكي وبس اخلص بناديك ِ

الممرضة:تمام

طلعت الممرضة وحكت لسيلين اللي صار

سيلين:طيب شوفي المرضى اللي عندي لبين ما تخلص وتنادي بحكيلك

وبالغرفة

طلبت اليانا رقم واول ما رد حكت بسرعة: وينك خلص بسرعة تعال خلال ساعة بتكون مزروع عندي

:بعرف فهمت عليك لما حكيت اخره واحد…هيني عالطريق ساعه وبكون عندك وانت جهزيلي مصاريه

اليانا:ماشي ماشي…اسمع بخاف تتأخر او وقت تيجي ما يرضو يفوتوك نقلني الرقم لاخليه عندي

:ماشي…بس يكون بعلمك اذا فكرتِ تلعبي علي كل مكالماتك مسجلة

اليانا:ما تخاف ما رح اكل حقك يلا هات الرقم

اخذت اليانا الرقم وكتبته عالورقة…نادت للممرضة مشان تيجي توخد تلفونها

سيلين مشت لعند الممرضة :تعالي يلا

دخلت الممرضة جابت التلفون لسيلين…حطته بجيبتها وكملت لتشوف مواعيد مرضى اليوم

بعد مرور ساعة

دخل سامح عالمستشفى متخفي…وماشي شوي شوي…وضل يحوم حوالين غرفة اليانا وبس تأكد انه ما في حدا براقبه دخل بسرعة

نقزت اليانا حطت ايدها عقلبها وحكت:بسم الله الرحمن الرحيم…خوفتني

سامح:كله ولا تخافي…مدلها ورقة..
خدي هي هون في رقمين اول واحد رقمه الاساسي والتاني اللي احنا بنعرفه لما بدك تبلشي تعملي اشي بلشي بالتاني مشان ما يشك فيه لانه حكيت لعبادة وهيك اكيد حيحكيله لو

#لايا
#بقلم_شامة_و_يمنى_عفيف

الحلقة السادسة وعشرون
>

جيهان : ايمننننننننننن

الكل طلع لبرا بعد صوت السيارة وصرخة جيهان..

طلعت جيهان عم تركض عالشارع لبرا.. شافتو بالأرض والسيارة عم تهرب.. ركضت لعندو وحضنتنو وهي عم تقول : ايمن.. حبيبي قوم فتح عيونك ايمننن.. ايمننن..

وصل الكل والتمو حواليها بخوف وذعر كبير..

فاطمة: بسم الله.. الله يتلطف فينا.. بسم الله..

جيهان : اتصلوووا بالاسعاااااف..
ماما حبيبي قوم مامااا ايمنن قوووم..

قمر : الو.. لو سمحتو سيارة اسعاف على هاد العنوان بسرعة..
حادث سيارة.. طفل بعمر ٨ سنين.. العنوان**** **

جيهان : ماما هلأ كان جنبي هوننن!.. كيف بلحظة صار براا كييف..

سناء: هدي بالك يا عمري ما بصير هيك..
مرح خدي اريج لجوا..

جيهان:؛ ايمن حبيبيي قوم ابنيي..

ملك : بعدي شوي خليني شوفوا..

اتطلعت جيهان بامها وحكت فاطمة: سيلين علمتهن الاسعافات الاولية بتعرف..

بعدت عنه بحذر بس رجعت ملك قربتها وقالتلها : خليك ماسكة ايدو

هزت براسها وبلشت ملك تفحصه..: عايش الحمدلله..

جيهان اغمي عليها.. ولما اجو يحملوها وصلو الاسعاف.. صحوها وركبت مع ايمن بالسيارة وانطلقوا عالمشفى..

__________
بالكافيه

محمود : اييه.. نبلش؟

الكل : ايي..

محمود : رح دوّر القنينة
واحد
تنين..
تلاتة..

الكل كان منتظر عند مين حتوقف.. تك تك تك..
وقفت القنينة عند عمران وماجد..
ماجد بدو يسأل عمران..

ماجد : يا سلااام.. ايوه يا سيد عمران.. تحدي ولا صراحة..

عمران : اممممم.. صراحة

ماجد : طيب.. اسم آخر حُب الك

عمران: شو شايفني حابب على عدد شعر راسي.. 😒

ماجد : هدي يا معلم وجاوب بجواب مو بسؤال..

عمران : اتطلع ببراء وقال.. بس من هلأ ها.. مافي ضرب..

الكل : ههههههههههههه..

شجن: لا عمي عملنا الاسوء منو هههههههههههههه
(حادثة كب القهوة)

عمران تنرفز وحكا : لايا...

اتطلع الكل على لايا الا هي اتطلعت بعين على راجح وبعين على تيم لتشوف ردة فعلن..
راجح شد على قبضة ايده وتيم عمل حالو مو هامه بس كان عباله يقوم يدق بخوانيقه لعمران..

لايا : ايي؟ ليش عم تطلعوا.. السؤال الو انا شو دخلني..

محمود : معها حق.. شكرا عمرران عصراحتك.. يلي بعده..

دوّرو القنينة واستنوا توقف..

وقفت عند براء وامير.. امير بدو يسأل براء..

امير : صراحة او تحدي؟

براء : تحدي..

الكل بحماس : امير اطلب شي صعبب

امير بخباثة : شايف هديك البنت يلي قاعدة هنيك

براء : لا.. مستحيل..

امير: اوف براء هي القوانين..

براء : ما بتتطبق عبنات الناس..
غيّر..

امير: طيب .. قوم لعند الكاشير وقلو معلم اديش طلع حسابنا!
ولما يقلك قلو معلش تدفعلنا انت لانو ما معنا..

براء : نعم!!!! شو هالإحراج..

امير : ما دخلني يلا

الكل : يلا يلا يلا يلا

براء :طيب..

امير : حدا يقوم معو مشان ما يلف ويدور

لايا : براء ما بلف وبدور...
تانيا عندي فكرة...
طلعت تلفونها واتصلت ببراء..

طلع تلفونه وفتح الخط..

لايا : هيك فينا نسمعو..

حامد : ذكية اسم الله حولك..

لايا : شكراً هههه

راجح : 🐸

وقف براء هو وتوجه لعند الكاشير..

براء : مم مرحبا!
ممكن اعرف كم طلع حسابنا؟

: اممم لحظة..
هي الفاتورة.. حسابكن 10000 ليرة..

لايا بلشت تضحك ع شكل براء يلي صار اشكال والوان..

براء : اممم معلم.. نحنا ما معنا مصاري فيك تدفع عنا..

: ههههههههه هههههههههه هههههه..
روح اخي روح.. شفت انكن عم تلعبوا..
اتطلع براء فيهن وضحك وهنن ضحكوا واشروله بإيدهن..
استأذن براء ورجع عالطاولة..

براء: انا عملت يلي عليي. بس كل الكافيه شافونا انو عم نلعب ههههههه

محمود : يلا.. يلي بعدو..
دوّر القنينة وقعدوا يستنوا...
طلعت على وسن ونبأ..
وسن بدها تسأل..

وسن : تحدي ولا صراحة..

نبأ: صراحة

وسن : شو شعورك هلأ..

نبأ: ما فهمت السؤال..

شجن : يعني بالنسبة للاستاذ راجح هههههههههههه

نبأ بهمس : والله لاقتلك يا شجن..
احم استاذ راجح انا بعتذر منك يعني بس انا بتدايق من ريحة العطور..

راجح : هههههههه مو مشكلة.. انا بعتذر بسببي وقعتِ...

نبأ: مو مشكلة الحق عليي.. يلا محمود

محمود : تمام..
تك تك تك..
طلع عند تاج و سالي

تاج : تحدي او صراحة؟

سالي : هممم تحدي

تاج : قولي لشب واحد من يلي هون.. انت اوسم شب شفتو بحياتي..

سالي : تااج..

تاج : هيا هذا تحدي يا عزيزتي..

سالي : لا تقلبيها مسخرة عليي هلأ..

تاج : سكتت.. يلا الشباب عم تنتظرك هههههه..

اتطلعت سالي فيهن كلهن بخجل.. بعدين قالت: امير حبيبي.. انت اوسم واحد هون..
ولاوقت تاج..

امير : حبيبة اخوها.. طقي وفرئعي يا تاج هههههه

الكل : ههههههههههه..

تاج : نفدتي..

محمود : يلا يا جماعة يلي بعدو..
تك.. تك.. تك..
عند نوران و انا..
انا لازم اسأل..
محمود : تحدي ولا صراحة

نوران : صراحة..

محمود : لو تقدملك واحد اكبر منك بتقبلي فيه؟

نوران : احم احم....
حسب..

محم