#لعنة_المصنع_قصص
#لعنة_المصنع_10 #لعنة_المصنع
الحلقة الأخيرة

اللي شفته بس دخلت جوا .. الست خالده وملك !! ملك عم تستنى برا والست خالده جوا.. وأنا أول ما شفتهم زادت وحشيتي وجنوني.. وصرت بدي أمسك اي شي لأقتلهم .. سمعت الست خالده بتحكي .. مجنونة .. هيه المجنونة !! وبتحكي لأول مرة.. ملك خايفة وبتبكي .. وأنا بدي أقتل ملك والست خالده.. بعد مادخلوني على المكتب خربت كل شي جوا.. وصرت ادوّر على أي آلة حادة لأشفي غليلي منهم.. ليش مش واعيه ! .. حكا الشرطي للبنات اللي ماسكيني دخلوها على الإنفرادي لنخلص تحقيقنا.. ودخلوني.. ضليتني عم بأن وببكي وبدي أكل حديد السجن أكل بسناني.. بهاللحظة وبعد تعب كبير .. غفيت .. نمت نومة ما حسيت بنفسي عليها.. وصحيت لقيت الشرطي عم بحكي معي.. بحكيلي مبروك برائتك.. فيكي تطلعي من هون.. بس مش على البيت.. على المصحة حتى تشفي!!!.. مافهمت ولا شي.. واللي عرفته وقتها اني كنت طبيعية.. بس غصب عني وبدون ما أحكي ولا حرف طلعوني من المغفر على المصحة.. وشفت ماما واهلي برا عم ببكوا عليه وبتطلعوا .. وأنا بسألهم ليش!!! انا مش مجنونة .. انا مش مجنونة.. أخدوني على المصحه ومستشفى الأمراض العقلية بدون أي تردد أو سؤال لإلي حتى.. اليوم اللي وصلت فيه هناك كنت فاقدة عقلي تماماً وما حدا صدق منهم اني بعقلي ومافيه شي أبداً.. بس من جوا ما كنت بتجاوب مع حدا منهم ولا مع أي دكتور.. وعدم تجاوبي هاد خلا الكل يعتقد اني فعلاً مجنونة والشغلات اللي بشوفها ما الها اي وجود.. صرت أضرب اي شي بيجي بوجهي وما اخلي اي دكتور يلمسني او يقرب عليه.. لحد ما اعطوني ابره مهدئة خلتني انام وما اصحى الا لتاني يوم.. تاني يوم كان اليوم اللي فقدت فيه عقلي تماماً وما حسيت اني فعلاً انسانة طبيعية.. بهاد اليوم وبالليل حاولت اهرب من المستشفى.. ولبست ملابس عادية كانو موجودين لمريضة بتنام بنفس الغرفة عندي وكانت حالتها صعبة.. وانا بدون وعي اخدتهم ولبستهم وحاولت اطلع.. في دكتورة شافتني.. هربت منها وهيه راحت تبلغ عني.. وحكت للكل اني هربت.. انا ضعت بالمستشفى.. لحد مالقيت باب ومخرج للمستشفى صغير وطلعت منه لقيت نفسي قريبه من غرفة حارس وكان وقتها الجو شتوي كتير وكان عم بدخن وصاحي بهالليلة ومشغل نار بتنك حديد وتخبيت ورا حديقة برا المستشفى .. وسمعتهم عم بدورو عليه ورايحين جايين.. الحارس حس بشي غريب واجت ممرضة تسأله عني بس هوه حكا انه ماشافني.. وحكتله تعال معنا دوّر عليها لأنه هاي مسؤولية على الجميع.. هوه ترك كل شي وقام وترك النار شغاله.. وجنب التنك كان حاطط قلن كاز صغير عم بزيد النار فيه.. أنا مسكته وحسيت القرين رجعلي وفقدت وعيي تماماً وبهاللحظة اللي كان فبالي اني اقتل نفسي.. وقفت بعيد شوي عن النار وصرت اكب الكاز على ملابسي وكل شي وباللحظة اللي صرت بدي اقرب من تنك النار .. اجا الحارس وصار يصرخ ويحكي الحقوها الحقوها .. حكيتله ماتقرب وبصوتي الخشن .. اللي بحكي من جواتي.. اجو كلهم عليه وصارو يحكوا معي ..ويحكولي ارجعي وما تقتلي نفسك.. بس أنا ماكنت رادة عليهم.. وبدون وعي مسكني ممرض من ورا ورماني على الأرض ورما تنك النار لبعيد برجله.. ودخلوني لجوا اعطوني ابره مهدئة تانيه ونمت لليوم التاني.. اليوم التاني صحيت مابعرف شو اللي صاير .. لقيت أم سعفان قبالي ومع ماما.. اول ماشفتهم اتطمنت.. حضنتني ماما وحكيتلها شو اللي صاير؟؟ حكتلي ام سعفان.. جبتلك حقك كله.. بس بضل شي واحد بس.. تخرج منك هاللعنة الخبيثة.. حكيتلها مين بده يخرجها مني ؟ حكتلي الست خالده !! حكيتلها وينها ؟ بدي احكي معها !! حكتلي الست خالده بالسجن.. بس في شغلات كتير ماقدرتوا تعرفوها انتي وملك.. والغلط كان منكم انكم ما بحثتوا على تفاصيل المصنع قبل ماتشتغلوا فيه واهملتوا شخصية الست خالده اللي ماحدا عرف يحللها !! .. اللي ماعرفتوه انه بنتها انتحرت انتحار !! وبهاللحظة اجا الدكتور وحكا لأم سعفان وماما .. الزيارة خلصت لو سمحتوا لازم توخد ابره.. ام سعفان عصبت وحكتله البنت رح تطلع معنا.. وهيه مارح تضل هون.. حاول يمانعها بس اجا الممرض وحكاله انت ماسمعت شو حكولك!! أنا اتطلعت عليه وحكيتله شكراً عاللي عملته معي مبارح.. أنا لولاك كنت رح اموت واقتل نفسي !! .. حكتلي ماما شو ! تقتلي نفسك !! كيف يا بنتي شو الي صار .. حكيتلهم كنت رح احرق نفسي مبارح !! رحت على المغفر مع ام سعفان ومعي ماما.. وصلت عند الشرطي وحكيتله بدي اعرف شو اللي صار.. انا حقي ما اخدته بدي اعرف شو اللي موتني طول هالفترة وبدي اعرف شو عملت الست خالده لتكون مكاني بالسجن.. لازم اعرف.. حكالي طيب رح تعرفي.. اجت الست خالده ومعها السجانات.. كانت عم تبكي وحالتها حالة وحاله يرثى لها.. حكيتلها احكيلي كل شي.. بلشت تحكي وتقولي انا اسفه.. اللي صار فيكي بسببي.. حكيتلها شو عملتي ؟ قالتلي يا بنتي انا السبب كنت بموت بنتي.. بنتي ماتت انتحار بسببي.. كانت تحب شب وأنا ماقبلت ازوجها ياه..

#لعنة_المصنع_قصص
#لعنة_المصنع_7 #لعنة_المصنع

ايدي كانت بتتحرك لا ارادياً والأصوات عم تجرني وراها لأقتل ام سعفان.. وقّعت مني المقص على الأرض وصارت تشدني من ايدي لأطلع بس أنا كنت بمنعها.. ضربتني على راسي بكرسي وبهاللحظة رجع اغمى عليه وكان راسي عم ينزف دم.. طلعتني من المصنع عم بنزف وكانت بثينه على الباب.. قالتلها شو صار!! ليش عم تنزف .. حكتلها ام سعفان وقعت على الأرض ونجرحت وملك ماعرفت تتصرف اتصلت معي ولأنه انا قريبة امها ودكتورة اجيت اخدها.. بثينه سكرت باب المصنع وطلعنا كلنا على المستشفى.. روّحنا على البيت لأنه كان جرحي بسيط وودتنا ام سعفان بسيارتها على بيت ملك.. ووعيت بعد وقت ولقيتهم كلهم حواليه وماما عم تبكي.. حكيتلهم شو اللي صار..؟ حكتلي ملك ماتخافي انتي بأمان.. وقتها حكولي كل شي وتذكرت كل شي تماماً.. راحت ام ملك تعمل شاي وكانت عامليتلي شوربه وانا حسيت انه لازم ادخل على الحمام.. قلت لأم ملك مابدي اشرب الشوربة لأنه بدي ادخل على الحمام.. ملك فتحتلي الباب وباستني وقالتلي ماتخافي حبيبتي كل شي تمام وجرحك رح يطيب ورح نحل الموضوع ماتخافي.. دخلت على الحمام وصرت ابكي.. كان في مرايه قبالي.. وقبل ما اعمل اي شي.. صرت أتطلع على جرحي واتفحّص اللي صارلي بالزبط.. نسيت انه ام سعفان نبهتني ما اتطلع بأي مرايه ونسيت انه ماما شالت كل مرايا البيت عشان ما اشوف حالي.. وضليتني عم بتفحّص جرحي وعيوني بالمرايه بالزبط.. وفجأة شفت حالي بشكل غير طبيعي.. شفت حالي تنين وانا بتطلع على حالي.. صرت اصرّخ وعيوني قلب لونهم أحمر.. ام ملك صارت تحاول تفتح الباب وتحكيلي شو في؟ ماما وبابا وملك وابوها وام سعفان عم بحاولوا يكسروا الباب.. وأنا بهالوقت عرفت انه قريني طلع.. وأنا حالياً ناريمان الشريرة.. كسّرت المرايه بإيدي ومسكت زجاجه كبيرة مكسورة وفتحت الباب.. وقلتلهم بصوت خشن رح اقتلكم.. ام سعفان صرخت عليهم وقالت بعدوووو عنها كلكم وماحدا يقرب عليها أبدااا.. قريني طلع!! .. الجن اللي جواتي طلع وخلاني شريرة.. طلعت من الحمام وانا ناريمان الشريرة كسّرت المراية ومسكت زجاجة كبيرة وفتحت الباب وطلعت.. كان صوتي خشن وبحشرج وغريب كتير الكل عرف وقتها انه الجن هوه اللي بحكي معهم مش أنا.. قلتلهم رح أقتلكم.. أم سعفان صرخت عليهم وحكت بعدوو كلكم عنها وماحدا يقرب عليها أبداً.. ماما حاولت تقرب عليه وخايفه بنفس الوقت.. حكتلي يا بنتي .. يا بنتي شو عم بصيرلك.. أتطلعت عليها وكلي حقد وكراهيه وبجواتي في شي عم بطلب مني اعمل شي.. أم سعفان صرخت عليها وحكتلها تحاوليش تحكي معها خلص اسكتي اسكتي.. بس ماما ما كانت تسكت وتحكيلي ناريمان شو عم تعملي بدك تقتلينا!!! شو عملنالك احنا !!.. ام سعفان مسكت ماما وبعدتها لآخر الغرفه بس أنا ضليت عم بتطلع على ماما وعيوني متوجهه لعندها ومابعرفوا شو في فبالي.. حكتلي ام سعفان بهدوء.. ناريمان ارمي المراية المكسورة من إيدك قبل ما تاذيكي ناريمان ارمي الزجاج لأنه رح يجرح أصابعك.. وتعالي لعندي.. هيه كانت عم تحكي بس أنا ما كنت بتطلع عليها وكل نظري متوجه لعند ماما.. وصرت اصرخ عليها واقرب شوي شوي.. ماما ماكانت عم تبعد وواقفه محلها وعم تبكي.. ام سعفان بتقول لماما ابعدي وتعالي لهون .. وبتحكيلي خليكي محلك وماتقربي أكتر وارمي الزجاجة من ايدك .. بس أنا ماكنت برد عليها ومسكت الزجاجة وايدي كلها دم من بعد ما نجرح باطن ايدي كله بسببها.. وعيوني عم يزيد احمرارهم وصوتي عم يخشّن أكتر بلشت تصرخ ام سعفان وتحكي كلامها الغير مفهوم وأنا ماعدت رديت عليها أبداً.. وضليتني عم بقرب شوي شوي لعند ماما.. بعد ماوصلت لعندها رفعت الزجاجة المكسورة ناحية وجهها وبدي اجرحها.. بس أم سعفان زادت الكلام اللي بتحكيه ناحية راسي وانا صرت ارجع محل ماجيت من الحمام وكأنه كلامها عم يخليني أرجع .. وهيه بتحكي مع قريني وبتقله ارجع وما تأذي حدا من أفراد العيلة.. ناريمان بتحب أهلها ومابدها تأذيهم ماتخليها تأذيهم بترجاك.. بابا كان عم يبكي متل الأطفال ومش عارف يتحرك ولا يعمل شي.. وام سعفان حكتله خليك محلك وماتقرب أنا رح أحل الموضوع ومرق عليه حالات متل هيك كتير.. بس أنا رجعت قربت من ماما وكانوا عيوني لعندها هيه وبابا .. والدم عم يسيل من إيدي.. بلشت أحكي لأم سعفان.. اخرسي .. اخرسي وما تضلي تحكي ولا رح اقتلك .. أنتي مادخلك فينا.. ومادخلك بالشي اللي بدي اعمله.. أم سعفان ضلت عم تزيد بكلامها وتعلي بصوتها وأنا مرة عم بقدم رجليه ومرة عم برجعهم ملك ضلت بعيدة هيه واهلها وعم تبكي وتتطلع عليه.. وحكتلي جملة وحدة.. ناريمان فكري بمستقبلك ماتعملي شي.. بس أم سعفان حكتلها ماتحكي معها.. أم سعفان حكتلها ماتحكي معها.. اللي قبالك هلأ مش ناريمان وقرينها لابسها وعم بحكي معنا .. ماتحاولي تحكي معاه لا يأذيكي.. توسّلت أم سعفان لإلي وطلبت مني أرمي اللي بإيدي.. بس أنا ركضت لعند ماما ومسكتها من إيدها وصرت أصرخ وبدي أطعنها..

#لعنة_المصنع_قصص
#لعنة_المصنع_8 #لعنة_المصنع
الحلقة الثامنة

أنا ما كنت ناسية الحلم أبداً والشي اللي صار مبارح خلاني اقلق واخاف أكتر على حالي وعلى كل اللي حواليه.. طلعت أنا وملك على المصنع وبلشنا نشتغل كالمعتاد.. الست خالده اجت تشرف علينا.. ووقفت عند كل عاملة اقل من دقيقة بس لما وصلت لعندي ضلت واقفه اكتر من دقيقتين وهالشي خلاني أقلق.. اتطلعت عليه وضلت صافنه.. وأنا ماعرفت ليه هيك بتعمل.. اتطلعت عليها وسألتها كيف شغلي منيح؟ ماردت عليه وجحرتني ومشيت .. وضلت وهيه ماشيه عم تتطلع عليه كل شوي .. ملك لاحظت عليها وسيدرا كانت موجودة وشافت الشي اللي صار.. بعد ماطلعت ولحقتها بثينه كان تقريباً رح يخلص الدوام والساعه بلشت تصير قريبة من التنين أنا اخدت المفتاح اللي نسخته سيدرا وملك قالتلي اليوم لازم نفتح الباب.. وام سعفان رح تيجي عالإضافي متلها متل أي عاملة تانية.. بس يارب بثينه تطلع من المصنع ! .. خلص الدوام وأنا بلّش راسي يوجعني.. حسيت بغثيان واحساس غريب.. حكيت لملك حاسه بصداع رهيب وانا بس يبلش راسي يوجعني بحس انه رح يصيرلي شي.. حكتلي ارجوكي ماتحكيها بدنا نفتح المكتب.. صبرّت لحد ماخلص الدوام.. وشفنا الست خالده سحبت حالها وطلعت من المصنع.. واخدنا استراحه وكانت معنا مره جديدة جايه عالإضافي وام سرحان اجت.. ضلينا عم نشتغل وطلعت بثينه بالوقت اللي دايماً بتطلع فيه.. سكرت باب المصنع علينا وطلعت .. أم سعفان حكتلي يلا .. المره اللي معنا صارت تتطلع علينا وتحكي لوين رايحين؟ ام سعفان هددتها وحكلتها اذا بتحكي شي رح نحرقك هسه ! انا كنت خايفه كتير والصداع اللي براسي ما فارقني للحظة .. ملك ضلت عم تراقب المره وحكتلها ام سعفان ضلي عندها.. طلعت أنا وام سعفان للمكتب وحطينا المفتاح فيه.. وبدون اي معاناة او تعب فتح معنا المكتب ! .. ولسه بدنا ندخل على المكتب سمعت صوت ملك عم تنادي علينا وتصرخ حكتلي ام سعفان انزلي بسرعه شو في شو مالها ! نزلت فوراً عم بركض.. لقيت المره رافعه المقص على ملك وعم تتصل مع بثينه.. ووقتها عرفت انه هاي المره مش جاي على الإضافي وحاطيتها بثينه والست خالده لتراقبنا ويمكن شكّوا بالمره اللي راحت المره الماضية بدون ماتحكي ليش؟! بس السؤال اللي كنت بسأله لحالي كل يوم.. ليه بثينه عم تطلع بهالوقت تحديداً برغم انه المفروض تكون موجودة بالمصنع.. طلبت منها تنزل التلفون.. بس مارضيت وحكت لبثينه عالخط انه تيجي بسرعه واحنا طالعين نسرق المصنع.. بثينه بيتها قريب من المصنع.. وانا صرت اصرخ واحكي لأم سعفان المره اتصلت على بثينه وحكتلها سكري المكتب وانزلي..ام سعفان اختفى صوتها وماعاد ردت عليه وماعرفت شو عملت.. طلعت اشوفها.. لقيت باب مكتب الست خالدة مسكر.. لقيت باب مكتب الست خالده مسكر تماماً وام سعفان ما الها أثر.. صرت اخبط على الباب افتحي وين بثينه رح تيجي .. وين رحتي أم سعفان !! وين اختفيتي .. ووجع راسي عم بزيد كل شوي .. بس ماكانت ترد عليه.. اتطلعت قبالي بعد دقايق وأنا عم بخبط على الباب.. لقيت بثينه قبالي وعم تتطلع عليه.. صرت احكيلها اطلعي بسرعه قبل ماتيجي بس للأسف لقيتها قبالي وعم تطلع عليه.. بتحكيلي امشي من هون شو عم تعملي؟ كنت متأكدة انك بدك تسرقي المصنع وفكرت حالي ظلمتك أول مرة بس طلعتي كذابة .. هالمرة رح تندمي على الساعه اللي دخلتي فيها هون.. تعالي !! .. اجت ومسكت ايدي وطلبت مني أطلع من المصنع.. حكيتلها ام سعفان جوا.. حكتلي وين بالمكتب !!! .. قلتلها اه بالمكتب.. حكتلي كمان ناسخين عن المفتاح يا سراقين ياحراميه.. خليها جوا مارح تطلع لتيجي بكرا الست خالده وتشوفها.. وهلأ اطلعي بسرعه من المصنع خلصيني.. !!! .. حكيتلها مارح أطلع من هون قبل ما تيجي معي أم سعفان فاهمة ولا لأ !! وضليتني اخبط على الباب.. هددتني انها تحكي مع الست خالده أو تجبلي الشرطة واصرّت عليه اني اطلع من المصنع وبسرعه تامه.. بس أنا عندّت أكتر ومارضيت.. ومن كتر ماضلت تحكي وتعلي بصوتها وجع راسي زاد وحسيت بالصداع رجع بشكل قوي.. حاولت تسحبني من إيدي بس فجأة الإحساس اللي جواتي طلع وبلشت أشوف تهيؤات بالممرات.. خيالات عم تمشي بسرعه من ورا بثينه.. نزلت عيوني وحاولت ما اركز كتير بالشي اللي عم بشوفه وراها.. بس الصورة كانت أقوى من ما بتصور وصرت بشوف الخيالات عم تقرب لعندي وكأنه خيال المره اللي طلعتلي أول مرة والشب معها.. وقعت على الأرض ونزلت عيوني.. صرخت فيه بثينه وحكتلي رح أنزل واسكر عليكي باب المصنع .. بدك تنزلي ولا لأ!! جاوبيني !! رفعت راسي.. وكانوا عيوني حُمر واظافري مخشبين ووجهي شاحب أبيض.. وقتها شفت الرعبه بعيون بثينه لأول مرة.. شافتني بصورة ما كانت تتخيل تشوفها بحياتها كلها.. كنت مستوحشة وبدي أخلص منها.. وصوتي خشن.. الصورة اللي شفتها صارت واضحه تماماً وشفت الشب عم بضحكلي بآخر الممر والمره بتظهر وبتختفي.. أمّا الختيار ما كان اله أثر لأول مرة.. سمعّت ملك عم تنادي عليه من تحت..

#لعنة_المصنع_قصص
#لعنة_المصنع_9 #لعنة_المصنع
الحلقة التاسعة

وفجأة سمعت صوت بنت عم تبكي من بعيد.. مش صوت ملك ولا صوت بثينه ولا ام سعفان !!! صوت مين .. كان صوت بنت عم تبكي.. هالصوت خلاني ارجع لصوابي .. وقريني يبعد عني للحظات.. لأنه الصوت كان دخل جسمي وراسي من جوا.. حسيت هالصوت بعرفه وقريب مني كتير.. صوت بنت عم تبكي بصوت عالي بكل المصنع.. وقتها رجعت ناريمان بسبب هالصوت.. ووعيت عحالي .. شفت بثينه مرميه على الأرض ومغمى عليها وباب المطبخ عم بنحرق.. فتحته لقيت ملك مرميه على الأرض وشبه مخنوقه.. سحبتها وانا خايفه تكون ماتت بس طلعت بتتنفس .. رحت ادور على تلفونها وانا بنادي على ام سعفان.. لقيت تلفونها ورنيت على اهلها.. طلعتلي امها وسألتني وين بنتي !!! شو صار معكم شو عملتي فيها احكيلي.. حكيتلها انا مش واعيه على شي بس المصنع عم بنحرق والنار عم تقرب من الصالة .. الحقونا بسرعه الباب مسكر وخلي حدا يجي.. طلعت على الدرج ادور على ام سعفان.. فتحت باب غرفة الست خالده ولقيت ريحته سيئة جداً ومافيه مكتب أصلاً.. عبارة عن غرفه فيها حجرات صغيرة.. وشكله غريب.. وزاوية سودة عليها كتب لجامعة.. ومجموعة صوّر بنفس الزاوية على طاولة صغيرة !! .. كانت ام سعفان نايمة من الجهه التانية على الأرض.. حاولت اصحيها.. ماصحيت .. صرخت بأعلى صوتي وبلشت تفتح عيونها.. حكيتلها ارجوكي اصحي المصنع بحترق خلينا نطلع بسرعه.. اخدتها وطلعنا.. ولسه بدي أطلع شفت الختيار واقف عند الباب ومانعنا نطلع بس أم سعفان مش شايفتيه .. قلتلها الزلمة الختيار عند الباب شو اعمل احكيلي !.. حكتلي هلأ رح احكيلك شو تعملي .. بس الدخنه بلشت تطلع والصوت الغريب رجع يطلع من تحت المصنع لنفس البنت اللي عم تبكي.. صوت البنت عم يعلى اكتر واكتر.. وانا وام سعفان مش عارفين نطلع من الغرفه.. لأني شايفه قبالي الزلمة الختيار مسكر الطريق علينا.. بس ام سعفان مش شايفته ابداً.. حكيتلها الزلمة الختيار مابده يانا نطلع وواقف عم يتطلع علينا .. شو أعمل أحكيلي ؟ حكتلي رح أحكيلك شو تعملي .. روحي أطلعي من الباب عادي وأنا رح ألحقك! .. حكيتلها كيف بدي أطلع من الباب فهميني رح يقتلني أو يمسني.. هاد جن.. حكتلي هاد مش جن.. انتي اطلعي وغمضي عيونك أول ماتوصلي عند الباب وما عليكي.. حكيتلها رح أطلع بس أنا خايفة وخايفة أرجع متل ماكنت من شوي.. المصنع بنحرق.. غمضت عيوني وطلعت .. وشفته واقف عند الحيط وكأنه بلحقني.. صرت اغمض عيوني وامشي لحد ماوصلت لتحت.. لقيت اهل ملك والإطفائية كلها موجودة وكاسرين باب المصنع.. أنا تفائلت وانبسطت.. اخدو بثينه وطلعو ملك وامها بتصرخ وبتحكيلي شو عملتي فبنتي يا مجنونة .. الله لا يوفقك.. ماقدرت ادافع عن نفسي ولا احكي شي وماما عم تبكي.. حكولي اطلعي يلا بسرعه.. حكيتلهم ام سعفان فوق.. بدنا حدا ينزلها لأنه النار عم توصل من الغرفه التانية لفوق ورح يسكّر الدرج.. الإطفائية شافو شغلهم.. وطلعوا بسرعه جابوا أم سعفان وكان معها كيس فيه أغراض.. أنا شفتها منزليته سألتها شو هاد .. حكتلي رح تعرفي بعدين خلينا نطلع بسرعه.. والنار بلشت تزيد وحرقت نص المصنع.. كان في شرطة برا واخدونا كلنا بعد ما وصل اتصال للست خالده انه مصنعها نحرق وبثينه والعاملات تأذو بشكل ملحوظ.. بس كانت حروقنا خفيفة وما صار فينا شي.. وانا حسيت بهاللحظة اني بلشت استعيد الوعي كإنسانه عادية ومافي شي مأثر على عقلي.. الشرطة اخدوني للمرة التانية وحكولي ليش عملتي هيك ..؟ بعد ما حققوا مع ام ملك.. حكت اني بعاني من اضطرابات ومابعرف ليه حكت هيك برغم انها هيه اللي قررت تساعدني وعرفتني على ام سعفان.. وحكولي انها قالت اني لازم انفحص احسن ما اعمل شي اكتر من هيك وأنه انا اللي عملت هيك.. انا عذرتها لأنه بس شافت بنتها هيك ماعرفت شو بدها تقول.. وحكت كل شي بس انا قلت للشرطة اسألو ملك مين اللي حرق المصنع.. وهيه شافت كل شي ومش ممكن تكذب.. وفهمتهم انه مش انا اللي عملت هيك.. أنا في شي مسيطر على عقلي من أول ليلة دخلت فيها على المصنع واشتغلت وحكيتلهم عن الناس اللي بشوفهم وشو عملوا معي.. بثينه وملك كانو بالمستشفى وكان صعب التحقيق معهم بهاليوم .. دخلت المغفر بتهمة اني حرقت المصنع للمرة التانية وماحدا صدقني لأنه نحرق للمرة الأولى واتهموني أنه انا الي عملت هيك.. فصعب جداً يصدقوني بالمرة التانية.. واخدوني لفحص عقلي فحصوني وطلعت نتيجتي مافيها شي أبداً.. وهالشي خلا الشرطة تعيد النظر بالشي اللي صار.. حققوا مع الست خالده وما اعترفت بشي.. وقالت انها عاملة متل أي عاملة سامحيتلها بالشغل الأضافي.. أنا حكيتلهم البنت المسؤولة عن الشغل بعد الست خالده هيه بثينه .. وبعد ما تتحققوا معها متأكده رح تعرفوا شغلات أكتر.. وضليتني بالسجن بهالليلة الصعبة.. حسيت بمدى القرف اللي صار معي بهالفترة .. والأذى النفسي اللي صابني بهالمصنع!! وقلت ياريتني مادخلته ولا اشتغلت فيه ولا عرفت صاحبته ولا صاحبة صاحبته..

قصة اليوم: #لعنة_المصنع
............
قراءة ممتعة🦋💙"
#ⴅÂÐЄĦÂ

#لعنة_المصنع_قصص
#لعنة_المصنع_1 #لعنة_المصنع
الحلقة الأولى

ناريمان هوه إسمي.. بشتغل بمصنع لإنتاج الملابس النسائية ومعي بنتين وحدة منهم متزوجة ووحدة لأ.. البنت الأولى اسمها سيدرا والتانية ملك .. بلشت حكايتنا المخيفة بهالمصنع بعد أول أسبوع شغل فيه.. واستمرت لهاليوم اللي عم بكتبلكم فيه.. الأذى النفسي اللي تحملته من هداك الوقت ماقدرت انساه بسهولة.. واخدت وقت كتير لتحملت ونسيت اللي صار.. وصار لازم أحكي حكايتي بهالمصنع المؤذي.. كان يوم ثلاثاء والدنيا كانت شتا كتير .. كان برد وعواصف وكنت لسه جديدة أنا وصحاباتي بالمصنع.. صاحبته مرة ختيارة عمرها بالستين.. توفت بنتها الوحيدة بحادثة غريبة شوي واللي عرفناه من البنات اللي بشتغلو معنا انه هيه مرة منيحه وبتساعد الناس وبتشغل أي بنت بتطرق باب مصنعها اللي هيه بتملكه عن أبوها اللي ورثها ياه.. بس من بعد ما توفت بنتها تغيرت معاملتها مع الناس وصارت وحيدة ومنزوية بمكتبها اللي منعت أي حدا يدخله غيرها.. وطلبت من أي عاملة بالمصنع لو بدها ياها بشي ترنلها وهيه بتطلعلها.. هالشي شكل حالة شك مع كل البنات اللي اشتغلو معها وصارو يسألو نفسهم ليه مابتخلينا ندخل على مكتبها اللي حتى سكرت شبابيكه ببلوك ومنعت الشمس تدخله.. حطينا احتمال وحيد انها بتعمل هيك لأنها مكتئبة وزعلانه على اللي صار.. أول يوم بالمصنع بعد ما وظفتنا أنا وسيدرا وملك.. كنا كتير مستغربين منها وانها بتمشي بتمر علينا وبتشوف شغلنا ومابتحكي معنا.. فهمنا بالآخر انها تعقدت بعد وفاة بنتها لأنها نصدمت بوفاة زوجها كمان.. وبالأخص انهم التنين ماتوا قتل وماحدا عرف كيف نقتلوا ولما فتشتنا عن القصة اللي صارت معها لقينا أخبار قديمة بموقع اخباري عن اللي صار مع بنتها وزوجها قبل سنة وانهم نقتلوا بحوادث غريبة وغامضة فبيتها القريب من المصنع ومع هيك ضلت فبيتها وماغيرته عايشة وحيدة وكئيبة.. برغم عدم كلامها معنا الا انه كانت تتطلع علينا نظرات بريئة ومسالمه جداً وماتحكي .. كانت تحكي مع بنت بتشتغل معها من زمان اسمها بثينه وتحكيلها شو تحكيلنا.. حكتلنا بثينة .. الست خالده بتحكيلكم لو بدكم تشتغلوا شغل اضافي هيه ماعندها مانع.. يمكن لأنه شافت حالتنا المادية سيئة ولاحظت علينا وعلى لبسنا.. لأنه انا كانت حالتي المادية سيئة جداً وعندي اخ واختين صغار وماما وبابا كبار بالعمر كمان.. أما سيدرا كان زوجها عاطل عن العمل ومعتمد عليها بس ماقدرت انها توخد شغل اضافي بسبب ولادها وتربيتهم لأنها بتخليهم عند حماتها.. وطلبت من بثينة تحكي للست خالده انه توفرلها امكانية الشغل يومين بالأسبوع.. ووافقت بدون تردد.. أجا اليوم اللي صارت فيه الحادثة الغريبة بالمصنع.. كنت أنا و ملك بصالة الخياطة

#لعنة_المصنع_قصص
#لعنة_المصنع_2 #لعنة_المصنع
الحلقة الثانية

بقيت بالعتمه وايدي على تمي حتى ما اطلع صوت.. خايفه ومابعرف شو بستناني ومين اللي مسكني من راسي ودخلني جوا الغرفه وسكر عليه الباب.. ضل يرن التلفون ويفصل بشكل منقطع .. لحد ماقطع نهائياً ..أول ماقطع الصوت الأضوية كلها شغّلت وماكان في حدا قبالي.. قمت من مكاني وحكيت رح استغل الفرصة واطلع من المكان فجأة لقيت واقفه وبتطلع عليه عند الباب كانت مكحله واظافرها لونهم أسود لابسه جزمه سوده وبتحكيلي طلعيني معك.. حكيتلها انتي مين وشو جابك لهون ماردت عليه.. وقفت بتطلع عليها وفجأة صارت تضرب بإيدها على وجهها وتضرب بحالها ماقدرت اقرب منها ولا أسألها ليش هيك بتعملي وصارت تبكي وتطلع عليه ودخلت لجوا الغرفة التانية.. أنا قلت لازم ألحقها واشوف مين هاي ! .. وقفت عند طرف الغرفة وكان الشتا والجو العاصف عم بزداد .. اتطلعت على الأرض لقيت الأثر تبع الرجلين رجع ظهر وكإنه شخص مطبعين رجليه على الأرض وموسخ صالة المصنع الكبيرة ومنتهي أثر رجليه لعند طرف باب الغرفة التانية.. صفيت واقفة بالنص.. وحايره بجواتي سؤال واحد.. أروح على الشمال أشوف المره اللي بتبكي وكيف دخلت ولاّ أروح على اليمين وأشوف رجلين مين.. معقول المره هيه اللي مسكتني الصوت اللي سمعته صوت مين.. الهدوء اللي بالصالة قاتل وجواتي خوف تقطع الكهربا مرة تانية.. بدي أطلع من هون وتلفوني مرمي محل ماكنت أول مرة.. حكيت خلص رح أروح أشوف المره حزنت عليها كتير.. دخلت على الغرفه وصرت أنادي عليها.. وينك؟ وين رحتي أنا هون كيف دخلتي تعالي أطلعك ليه ضربتي حالك!!.. مالقيت حدا بالغرفه ! كيف طلعت ! طلعت من ورا لقيت الباب رجع سكر بدون ما أوعى عليه والغرفه صغيرة كتير وأنا صرت اصرخ ساعدوني بدي أطلع من هون.. لفيت راسي رجعت لقيت المره وراي وبإيدها شي أسود.. حكيتلها من وين طلعتي!! مين انتي ليه ساكته عم تخوفيني.. رشّت اللي بإيدها على عيوني وبطلت اشوف منيح و صرت أشوف كل شي حواليه متموّج وصوتها جنب أذني بحكي معي.. سمعتها منيح عم تحكيلي أنا ساكنه هون مع عيلتي وبهالوقت نحنا بنطلع.. محبوسين من سنين ومافي حدا بزورنا وانتي كشفتينا وشفتينا لأنه نحنا عيلة من الجن بأمر من حدا بقينا هون ونحبسنا.. ورح تضلي هون معنا.. رح أعلق روحك بهالمكان.. وتبعتها بكلام ماكنت قادرة أفهمه لأنه كان بغمى عليه شوي شوي.. حسيتها عم تعملي شي وبإيدها شي عم تحطلي واديها جنبي تماماً وفجأة غفيت ونمت بمكاني.. مابعرف كم مضى من الوقت وكم صارت الساعه ورجعت صحيت.. لقيتها اختفت وباب الغرفه رجع نفتح صرت ابكي واتطلع حواليه وين بدي اروح خايفة ترجعلي رحت للغرفة التانية وجبت تلفوني كان لسه مرمي على الأرض.. رحت للغرفة التانية وجبت تلفوني كان لسه مرمي على الأرض حاولت اشغله ما اشتغل.. حكيت خلص رح اطلع مش قادرة والسؤال اللي ضل فبالي.. بثينة وين راحت.. بثينة وين راحت وتركتني!! .. قمت من الغرفه وطلعت.. نزلت على الدرج الصغير اللي عنده الباب الرئيسي.. مسكت ايد الباب وحاولت افتحه كان مسكر تماماً .. علقت بالمصنع وعرفت وقتها انه المصنع مسكون والمره اللي جوا هيه جن واللي صار كله منهم.. صرت اطبّل على الباب بس كان الباب الرئيسي بعيد عن الشارع والجو مطر والشوارع خاليه حالياً .. والدنيا صارت بعد نص ليل.. تلفوني رجع ضوا أول ماضوى رنت عليه ملك.. قلتلها ألو ملك وبلشت @rwayate تحكي من حالها سمعتها عم تقول.. حبيبتي شكراً على الزيارة الحلوة بس تسلينا بعد الدوام مش هيك.. اي ساعه بكرا طالعه على المصنع لأنه أنا تعبت اليوم وزيارتي لإلك ريحتني شوي بعد الدوام.. حكيتلها ملك شو بتحكي أنا لسه بالمصنع محبوسة قولي لأهلي! وفجاة نقطع الخط.. صفنت بحالي وصرت احكي شو عم تقول شو قصدها .. أي زيارة!! اتطلعت عباب الصالة لقيت حدا مر بسرعه وما لحقت اشوفه.. كل ماكنت انزل راسي واتلطع على التلفون يمر حدا بسرعه وبلمح البصر ما الحق اشوفه.. تعبت نفسيتي بهاللحظة وتلفوني رجع طفى باللحظة اللي نزلت فيها راسي لأرن على أهلي.. ماقدرت ادخل لجوا لأنه الخوف اتجمّع بقلبي وضل كلام المره اللي شفتها جوا براسي.. واقتنعت انه المصنع مسكون.. وبعد الهدوء اللي حسيته بالموقع اللي واقفه فيه .. صرت أسمع صوت حكي وشغلات عم تتحرك جوا الصالة.. والأصوات اللي بسمعها بصالة المصنع عم بسمعها بهالوقت !! صوت الماكينات وصوت العاملات بس بصوت خافت وخفيف.. حسيت حالي عم أتوهم من الشغلات اللي حسيتها وشفتها بس لمّا قربت شوي لعند باب الصالة عرفت انه الأصوات فعلاً عم تصير هلأ !! .. صرت أقرب لعند الباب وحطيت طرف راسي عنده.. شفت الماكينات كلها شغّاله وصوت ضحك جوا وكأنه صوت العاملات بالصاله.. ضليتني @rwayate عم بحاول أضوي التلفون وبدون فايدة .. اتطلعت يميني لقيت أثر الرجلين مرة تانية!! قلت بدي أقوي قلبي واتبعه خلص ماعدت قادرة لازم أطلع من هون .. تبعت وراه لوصلت لعند المطبخ والحمامات..

#لعنة_المصنع_قصص
#لعنة_المصنع_3 #لعنة_المصنع
الحلقة الثالثة

طلعت ملك من المغفر وبقيت أنا مع ماما وبابا وبثينة .. اللي صدمني أكتر أنه بثينه اسقطت الحق وقالت نحنا مابدنا نشتكي الست خالده مابدها تشتكي على البنت.. بس لحتى نوخد حقنا رح تشتغل شغل اضافي بدون مصاري عشان توفي الدين اللي عليها بسبب الخراب اللي تسبب من ورا حريق المصنع.. والحمدلله مافي شي كتير تضرر بس نحنا خلص مابدنا نشتكي.. أهلي شكروها بس أنا ماوافقت وصرت اصرخ .. حكيتلها أنا مابدي أضل بالمصنع ومابدي اشتغل بدي أنحبس أحسن.. ماما حكتلي أنتي شو بتحكي ليه هيك بتقولي؟! أنا ماقدرت احكي اللي شفته هناك وما كان فيه أقول شو اللي صار لأنه ماحدا رح يفهمني.. بس ماما صارت تترجاني وتترجى الشرطي انه مايقبل الكلام اللي أنا بحكيه.. وبس شفتها نذلت كتير وافقت وقبلت اني اشتغل اضافي بدون مصاري بس لحتى ارد حقوقهم.. وطلعت من المغفر عم ببكي ومش عارفة شو بدي اعمل.. روّحت على البيت واتصلت بملك حكيتلها تعالي عندي بسرعه بدي أفهم منك شو الكلام اللي حكيتيه.. استنيتها لوصلت واجت عندي على الغرفه قلتلها احكيلي شو اللي صار.. قالتلي مبارح انا اجيت عندك وشفتك وحكيت معك بالوقت اللي مسكوكي فيه بالمغفر.. انا مش عارفه شو اللي صار!! قلتلها دخلتي عندي على البيت؟ حكتلي لأ مادخلت بس طلعنا برا وحكينا ورنيتلك وقبل ما ارن جرس بيتكم طلعتيلي وطلعنا وكنتي كتير طبيعية وماحسيت انه صاير معك شي.. حكيتلها شو حكيتلك ؟ قالت حكي عادي وبعدين قلتيلي انك تأخرتي وبدك تروحي! وماقبلتي اروح معك وانا استغربت .. اذا مبارح كنتي محبوسة بالمصنع بهاد الوقت إذن انا مين شفت ؟ أنا قلقت وبلشت أخاف .. حكيتلها مبارح كانت ليلة مرعبة وبلشت احكيلها على كل شي صار معك والمره اللي قالتلي انه هيه من عيلة من الجن والزلمة اللي حرق المكان حكتلي ملك انتي متأكده انه الي صار صحيح حكيتلها متأكده ونص.. المره رشّت عليه شي وأنا بعدها أغمى عليه أنا حاسه انها عملت فيني شي وانا حالياً مابعرف راسي بحس فيه خلل وما بجمع منيح ويادوب افهم الشغلة بسرعه .. خايفة تكون عملت فيني شي.. او سلطت عليه حدا.. وحلفتلها انه انا ماشفتها.. حكتلي ملك .. اللي شافتني مبارح جن على هيئتك !!! حكيتلها ممكن هالشي خافت ملك وصارت تبكي وتحكي بس اللي حكت معي مبارح شربتني شي منها وانتي عارفة انا مابقرف منك وبشرب من وراكي عادي.. اللي كانت معي مبارح خلتني اشرب من الميه اللي معها سألتني عطشانه حكيتلها اه وشربت.. ليه حكتلي هيك.. قلتلها اللي شفتيها مش أنا وأنا كنت محبوسة.. واللي شربتك ياه ممكن فعلاً يكون شي يضرك.. لازم نشوف حل ونرجع على المصنع عند الست خالده وبثينة أنا بدي أحاسبها على تصرفها.. اقترحت على ملك تيجي معي بالليل على الشغل الإضافي ونراقب سوا الشغلات اللي رح تصير بعد الساعه تمنية وبعد مافكرت منيح وافقت.. وصلنا على المصنع تاني يوم على الصبح وبلشنا نشتغل بشكل عادي.. نادتني بثينة وطلعت اشوفها حكتلي أنها رح تتركنا انا وملك بالليل وقت الإضافي وتروح بس رح يكون معنا بنت تانية تشتغل وهيه بتعرفها ورح تكون تشتغل وتشرف علينا بنفس الوقت حتى مانفكر نعمل شي.. خلصت أول فترة دوام وبلشوا العاملات يطلعوا.. الست خالده طلعت من مكتبها وقفلت الباب بمفتاحين كالعادة.. انا وملك استغربنا من تصرفها وسيدرا صاحبتي المتزوجة كانت موجودة وحكتلنا انها مستغربة ليه هيك بتعمل وانه عندها فضول تعرف شو جوا مكتبها.. انا حكيتلها مادخلنا وخلينا بشغلنا.. خلص وقت الشغل وبلش الإضافي اخدنا استراحه نص ساعة غدا ورجعنا نكمل .. بثينة طلعت بعد الست خالده وأنا وملك ضلينا لوحدنا نحكي بساعة الغدا عن المكان وبلشت اشرحلها كل شي صار معي ووين ووين !.. حكتلي انه هيه قلبها قوي واذا صار شي حابه تعرف من وين رح يبلش والبنت اللي معنا ضلت لحالها وتطلع علينا لأنه بثينة حاطيتها مراقبه.. ملك أصرّت انه نفتح مكتب الست خالده بعد ما لعبت براسها سيدرا وحكتلها لازم نعرف شو جواته.. أنا قلتلها كيف وهوه مسكر بمفتاحين .. حكتلي بكرا رح اعمل خطة اقدر اجيب المفتاح وبالنسبة لهاي البنت الحاطيتها معنا رح الهيها بطريقة ماتقدر تعرف شو بنعمل وبثينة بتتركنا عطول بالمصنع صارت الساعه تمنية وتعبت وأنا أطرز وأخيط.. رحت على الحمام وغبت شغلة ربع ساعه.. طلعت لصالة المصنع مالقيت ملك ولا البنت اللي معها ! .. صرت انادي عليهم وامشي بالصالة دخلت على الغرف مافي حدا .. صرخت وينكم !؟ احكولي أنا صفيت لحالي والجو هدوء وبلشت أخاف وين اختفيتوا.. اطلعت وراي لقيت نفس المره اللي شفتها وكانت ماسكه سكينه وجاي تقتلني صرت اصرخ بكل المصنع وهربت للطابق التاني لقيت بآخر الممر شب وعم بتطلع عليه وكان لابس اسود وعيونه بلمعوا من بعيد.. تركته وقلت بدي ارجع .. المره عم تلحقني بدها تقتلني وهاد واقف بتطلع عليه .. حكيتله مين انت ! .. ما جاوبني وضل واقف بتطلع عليه..

#لعنة_المصنع_قصص
#لعنة_المصنع_4 #لعنة_المصنع
الحلقة الربعة

انتابني الخوف تماماً واتملكني بعد الكلام اللي حكتلي ياه ام ملك.. انه في جن جواتي متلبسني وعايش جواتي وعم يحكي مع الناس ولازم نروح نشوف حدا يساعدنا .. اتصلت مع نفس صاحبتها اللي صار معها نفس اللي صار معي وحكتلها لازم نشوفك بكرا بدنا نشوفك ضروري.. صاحبة بنتي صاير معها نفس ماهوه صاير معك وبدنا تساعدينا ارجوكي بأسرع وقت.. حكتلها تعالوا بكرا على بيتي.. وكان اسم صاحبة ام ملك.. ابتسام.. رحنا أنا وملك وأم ملك على بيت ابتسام تاني يوم الصبح.. وقعدتنا وبلشت تحكيلي شو اللي صار معها بعد ماطلبت منها أم ملك تحكيلي القصة.. حكتلي انه في يوم من الأيام اجا لعندها زلمة ملتحي ومتدين وصاير يتطلع عليها نظرات غريبة وعيونه مكحله وصغار وشكله مابوحي انه طبيعي جداً.. لحد ماصارت تشوفه بلحقها وين ماتروح وبأي مكان تشوفه.. وقفته وسألته انت بتعرفني ليه كل مابشوفك بتكون موجود عم تلحقني او تراقبني.. هيه فكرته بالأول انه مراقبها عشان زوجها طالب منه هيك لأنه كان بينهم مشاكل.. بس لما تطورت الأمور وصارت تشوفه بعد ماتروح من الشغل وقبل كمان .. قررت انها تبلغ الشرطة أو الأمن تبع المصرف اللي بتشتغل فيه.. وأول ما جابتهم اختى وبطلت تشوفه.. وبلحظة كان يرجعلها بلمح البصر والشرطة ما كانت تلحقه او تشوفله أثر.. هالشي دب الرعب بقلبها وصار يجيها كل يوم بالمنام.. وبالآخر اكتشفت انه جن على هيئة بشر بظهرلها وقت مابده وعاشقها وبده يتلبسها.. صارت كل ماتشوفه تصير تصرخ وتحكي للناس هيه قبالي بس للأسف الناس ماتقدر تشوفه ولا تلحظه .. وبيوم من الايام وهيه نايمة بالبيت صحيت عم تصرخ وزوجها صحي عليها.. كانت شايفيته جوا غرفة النوم بتطلع عليها من آخر الغرفه بالعتمه وقررت لحظتها تحكي لزوجها كل شي.. وهوه قلب الموضوع جدّي وماكان مقتنع انها عم تشوف جن على هيئة بشر بكل مكان.. وطلقها.. تركت البيت وعاشت مع اهلها بعد ماتعبت نفسيتها بزيادة وصارت تستفرغ كل الوقت وتحس بغثيان وتهيؤات ما الها وجود بالوجود .. رحت شفتها واقنعت اهلها انه البنت ملبوسه من جن.. وتصرفاتها مش بإيدها .. ام ملك حاولت تقنع زوجها بس كان مفكر انها بتحبه وانها خاينيته وبتتحجج بهالشي بس عشان تتطلق منه وهوه ماقصر معها وطلقها.. زاد سوء نفسيتها ومع مساعدة ام ملك وبعد مادلتها جارتها على وحدة شيخة وبتعرف بالدين منيح.. قدرت تشفيها نهائياً وتخرج الشي اللي جواتها.. أنا بلشت احكيلها اني دخلت المصنع وكان وقتها ليل بسبب الإضافي.. وهالشي اللي خلاني اشوف شغلات غريبة جواته.. مرة رشّت عليه شي وحكتلي انها من عيلة من الجن وزلمة حرق المصنع وحكيت للست خالده وبثينة ماصدقوني وكذبوني

#لعنة_المصنع_قصص
#لعنة_المصنع_5 #لعنة_المصنع
الحلقة الخامسة

قعدت أنا وملك فبيتها.. حكتلي ماما بدها تحكي معك ولازم تسمعيها منيح وماتزعلي منها.. قعدنا جوا وملك بلّش يشفى جرحها.. دخلت أم ملك وصارت تلومني على الشي اللي عملته.. حكتلي أنا حكيت مع أم سعفان تساعدك وهيه رح توقف جنبك.. بس بالنسبة لبنتي هيه رح تترك الشغل بعد يومين تماماً.. لأنه أنا بصراحه خايفه عليها.. أي شي بدك ياه منا نحنا جاهزين ومارح نقصر معك بس بصراحه انا صرت خايفة على بنتي.. ملك صرخت بوجه امها وحكتلها.. أنا مابترك ناريمان لحالها شو ماصار.. هيه مو ذنبها وانا بدي اضل بالمصنع ومتل ما هيه موجودة انا بدي اضل موجودة كمان.. ام ملك عصبت عليها وحكتلها انتي ناوية تموتي..اتصلت مع أم سعفان وحكتلها تعالوا لعندي.. رحنا كلنا لعندها وقعدت .. كان بيتها هادي كتير ومافيه صوت أي نفس.. قعدتني وحكتلي.. بنتي اسمعيني منيح.. أنا قدرت أكشف شو اللي جواتك.. انتي فعلاً جواتك جن ومتلبسك من خلال لعنة قوية صابتك.. الجن لسه ما بلّش بأذيكي منيح بس هوه بخليكي تتوهمي بوجود أشخاص وهميين وهمه يأمروكي شو تعملي وبدليل طعنتي مبارح ملك!!.. حكيتلها شو بتقصدي.. يعني الاشخاص اللي بشوفهم .. المره والزلمة والشب هدول وهميين!! .. حكتلي ماحدا بشوفهم غيرك ولو كان في قبالك وجنبك ألف حدا.. لأنهم ببساطه أرواح أو سلالة من الجن متل ماحكتلك المره.. وساكنين المصنع بس مابأذوا أي حدا.. والظاهر وجودك لحالك بهديك الليلة السيئة خلاهم يكشفوا حالهم لإلك لأنهم بطلعوا بس مايكون في حدا.. حكيتلها بس أنا شفتهم بس كانت ملك وهديك البنت معنا !! .. حكتلي ممكن يظهروا بوجود أشخاص قليلين بس لما يكون المصنع فيه كتير ناس مارح يظهروا ولو صار وظهروا مارح يقدر حد يشوفهم غيرك.. لأنه انتي الحامله هاي اللعنة.. ديري بالك من اي تصرف ممكن تتصرفيه.. رح نبلش نخدعهم حتى أطلّعه من جواتك وأفك اللعنة اللي راكبتك.. أنا رح اجي على المصنع ورح احكي مع مديرته.. رح اكون معك بليلة لحالنا وبوقت متأخر أنا وانتي وبس.. ورح احكي معهم!! .. انا صرت ارجف وحكيتلها متى رح تيجي معي.. حكتلي بما انه اليوم الجمعه.. فيوم الأحد رح اروح انا وانتي ونحكي مع الست خالده.. ووقتها رح نشوف شو رح نعمل.. وبدي احكيلك شي بس ماتخافي .. حكيتلها شو.. قالتلي.. الشغلة بدها تطوّل معنا شوي حتى نعملها ونخلصك من هالتعب .. بس لازم توخدي احتياطاتك من اي شي رح يصير.. يا بنتي انتي ملبوسه.. وقرينك عم يطلع للناس ويحكي معهم .. مرتين حكا مع ملك .. وهالشي مخليني اشك قرينك متعلق بملك كمان ولهيك أذاها ووسوسلك .. لهيك ديري بالك وياريت ماتشوفي حالك بالمرايه لأنه رح يخرجلك وتشوفيه.. قالتلي انا نبهتك وانتي عليكي الأحتياط .. ملك خافت وامها صارت ترجف وتلوم فيها انها تخفف طلعاتها معي وزياراتها بعد كلام ام سعفان وانا صفيت بحيرة بين حالي وجوات حالي .. روّحت على البيت.. كنت خايفه كتير وكل ماكنت اتطلع بالمرايه احس شي غريب واصير اصرخ .. ماما شالت كل المرايا من البيت وحتى التلفون ماعدت مسكته حتى ما اشوف حالي بشاشته.. كل ماكنت اشوف شكلي احس في حدا عم يطلع من عيوني ويتصوّر ويتشكّل قبالي.. ووصلت معي أكسر مراية غرفتي من الخوف.. بابا خاف عليه وقرر يوديني لشيخ صاحبه بس أنا حكيتله عن ام ملك وام سعفان المتدينة.. طمنته وفهمته شو مالي.. صار يبكي وطلب مني ادير بالي على حالي.. واكمل شغلي حتى نخلص من الست خالده والشرطة ومايكون عليه إلهم شي.. وبعدها افتك من هالمصنع اللعين.. بهالليلة صرت اخاف من نفسي بالليل وأول ما اغمض عيوني أشوف الأشخاص اللي طلعولي بمنامي.. غير انه احس بوجود حدا معي بالغرفه.. الليل كان يمر عليه بصعوبة.. واول مايصير وقت النوم تصير لحظة رعب بالنسبة لإلي.. خيالات كتير صرت اشوف بالغرفه وخيال عالشباك.. صرّت أتخيّل شكل الجن.. وأشكّله صوره براسي.. وهالشي مايخليني انام .. وأول ماتغفى عيني الكوابيس تلاحقني وأحس كأني نايمة على سرير كله سكاكين وجسمي يتشوّك .. اقوم اصرخ واهلي يصحوا عليه.. ماما تقرأ ادعية عليه وكل ليلة على هالحال.. اجا يوم الأحد بصعوبة وشوي وعقلي كنت رح افقده.. اجت معي على المصنع وطلبت تشوف الست خالده.. الست خالده كالعادة ما استقبتلها بالمكتب تبعها لأنه ما حدا بفوت عليه غيرها.. وبثينة خبرتنا انه رح تحكي معنا بقاعة القياس.. اجت الست خالده وبلشت تحكي معها ام سعفان.. حكتلها انها مرة على باب الله وبدها تشتغل بالليل.. هيه بتعرف ماما وحابة تشتغل معي بالليل لأنه الصبح بكون عليها طبخ وشغل بيت وبالليل بتفضى.. الست خالده ماحكت شي ونزلت راسها لثينه بمعناه خليها تشتغل !! .. ام سعفان انبسطت وطلعوا من الغرفه وخلونا سوا.. حكتلي هاي فرصتنا رح ترتاحي ماتهكلي هم.. قلتلها انا مش قادرة اعيش كل يوم بشوف منامات صعبة وبحس في شي جواتي فعلاً ومعي وبلحقني والغرفه بتكبس على نفسي .. انا فعلاً حاسه في حدا جواتي وبحكي معي..