شام: ههههه هات
ام غدير: يلا تعو ع الاكل
ملاك وجود قاعدين ع الرمل وحاطين ابنون بحضنون …
ملاك: هههه لك جود خربت بالمي
جود: لك يا ازعر حاج تحوص
ملاك: لك يقبرني شو بعشقو لانو ببشبهك ولانو قطعة من قلبي
جود: لك يسلملي قلبك يا عروق قلبي
بيتسطحو ع الرمل ونور بين ايديهون متسطح وعم يطلععو ع السما هنن التلاتة ……
ملاك: بتعرف
جود :قليلي حبيبي
ملاك :صدقني ما اتوقعت بيوم اوصل لهون
جود: ولا انا بس حبك كون اقوى من اني امنعو سيطرتي علي
ملاك: انا بحبك يا دكتوري
جود وانا بحبك ياشفا روحي
بقربو من بعض ببوسها ع جبينا وابنون بيناتهون عم يلعب وهي عايشة وغرقانة بحب جود ابنون نور قلبون …

(وهيك بتكون خلصت حكاية ملاك وجود بعد ما عاشو كل منهم بظروف مختلفة قدرو ياخدو بعض مهما كان في اختلاف بس قضاء رب العالمين وقدرو قادر يجمع اتنين ولو في شخص منهم ناقص بحكمتو سبحانه وتعالى بغير كل شي بين ليلة وضحاها وهيك هنن عاشو بجو مشحون بجميع السلبيات والايجابيات
وابنون عم يكبر قدام عيونهوون
وسمر اتخرجت ودخلت وصارت متل ما بتحلم ومحمد ع قد مو منطوط. ومجنون ما بيعقل وعايش حياتو بالطول والعرض واهليون غامرتون الفرحة بوجود ولادهون حواليهون وشام اتزوجت هي وعصام بعد سنة من هالوقت)
💚💕💜
#في زمنٍ…
أدركتُ بهِ إنَ للعاطل لا توجد أعمال ..
بينما أنا كنتُ منشغلاً في ..
حُبُكِ، عِشُقكِ..
ولو وجدتُ شيئاً آخر في غير
أن أحبُكِ
لأدركتُ أن زمن العطل قد احتلني ..
وإن راودتني فكرةُ التوقف عن هذا الجنون في حبُكِ.

#بقلم_الكاتبة_بيان_الرهبان .... 💚😌🌹
#جميع ما ذكر من الخواطر بقلمي الكاتبة بيان 👌🌍♥
#احتوى مضمون الرواية على بعض الخيوط الواقعية التي جسدت فيها كل شيئ معبر لكلا الشخصيتين بالاضافة لإضفاء لمسات خيالي عليها .....
🌍👌✨💖💞
#تمت بعون الله 🌍🍃🌹
#اتمنى ان تنال أعجاب الجميع والاخد بالعبرة من تلك الرواية 🔥🔥💙🌺
#أذَابّنَي_دِفَئ_الُْعنَاقً 💖🔥♥💝🌍
#لُلُڴاتْبّة:
#Bayan_Alrohban 🌊♥🔥🌍

انَتْهتْ 🔥🌍♥..................

#أذَابّنَي_دِفَئ_الُْعنَاقً 🔥🌍♥
#لُلُڴاتْبّة:
#Bayan_Alrohban 🔥🌍♥
#الُجْزُء_الُسِادِسِ…&
_______
بعد مدة وهنن على الطريق بيوصلو للمطار…
الشوفير: يا بيك وصلنا …
جود: اي تمام انت نزلي الكرسي من الطبون …
الشوفير: امرك يا بيك …
بينزل الشوفير لينزل الكرسي …
جود بيطلع عليها بلاقيها لسا نايمة ببنزل ايديه لورا ضهرها وبحطها على خصرها …
وبالايد التانية بيسند كتفها التاني ليفيقها …
جود: ملاك ……ملاك……ملاك …
ملاك: بس شوي خلوني نام …
جود: ملاك صحصحي صرنا بالمطار …
بتفتح عيونها وبتلاقي حالها مستندة وغفلانة وهو حاطت ايديه ع خصرها بقشعر جسمها…
بتضغط ايديها ع المقعد يلي قاعدة عليه وبتبعد … …
جود: اهدي وصحصحي …
ملاك:(بتحاول تبعد عنو لتستوعب) :اي اي…
بينتبه لحركتها بشيل ايديه وبقلا …
جود: لازم ننزل وصلنا …
ملاك: اي تمام …
بينزل جود من السيارة وبيفتل للجهة التانية …
بيفتح باب السيارة وبقلا …
جود: اتمسكي فيني يلا لننزل …
ملاك: اي …
بيحملها بين ايديه وهي محاوطتو من رقبتو …
بيفتل وبيحطها ع الكرسي وبيرفعلها رجليها وبقعدها …
جود.: انت لحقني بالغراض لجوا …
الشوفير: امرك يا بيك …
بيفتل لوراها وبيمشي وبمشيها معو …
بيدخلو للمطار وهي عم تطلع حواليها ع الناس كيف عم يطلع صوت النداء عليهون عم يطلع …
وكيف تصميم المطار وكيف الناس عم تتصور …
شعور لاول مرة بتعيشو بوقفها وبقلا …
جود: انطريني هون رايح شوف موعد الطيارة ان شاءلله ما يكون راح …
ملاك: طيب ماشي …
جود: انتبهي اي ما بطول …
ملاك بتهز براسها بمعنى اي …
بيتركها جود وبيروح بشوف موعد الطيارة …
وهو رايح بيرن موبايلو …
جود: شو ساهر حبيبي عم تحلم فيني …
ساهر: ههه لا بس دقيتلك لشوف ايمت بتوصلو …
جود.: ليكني رايح شوف موعد الطيارة …
ساهر: اي تمام انا هلق عم شغل السيارة كرمال انطرك هنيك …
جود: يا زلمة من هلق …
ساهر : لك انت رفيقي واخي شبك اي ليكني هلق اتحركت باتجاه المطار …
جود : طيب ماشي اهدى شوي …
جود: لو سمحتي ايمت موعد طيارة******
الصبية: هلق عشر دقايق ورح يتم الاقلاع ورح يبلش النداء لهيك اذا انت حاجز فيك تتجه وتاخد مكان الك …
جود: ماشي يعطيكي لعافية …
الصبية: الله يعافيك …
بيتركهاوبقول لساهر وهو عم يمشي باتجاه ملاك …
جود: نحنا هلق رح تأقلع فينا الطيارة بس اوصل ع المطار بدقلك …
ساهر: تمام بتلاقيني ناطرك
جود: ماشي يلا سلام …
ساهر : الله معك …
بيسكر الخط وبكمل لعند ملاك …
رهف: سمعني منيح
مجهول: نعم …
رهف: دير بالك منيح بتضل وراه ع الدعسة وبتعرفيلي وين رايح ومع مين بتضل وراه لتشوفو فات لبيتو …
مجهول: امرك اوامر تانية …
رهف: فتح عيونك منيح عم تفهم …
مجهول: متل ما بدك
رهف: ممتاز يلا كمل شغلك …
مجهول: سلام…
بتسكر الخط معو …
رهف: (بتحدي خباثة):لكن انا نزل من كرامتي مشانك
انا صح بحبك ولاني بحبك رخيت ورخصت بكرامتي مشانك
رهف: وهلق صار دورك لاكسر جناحك
صدقني يا جود لاكسرك متل ما كسرتني
لادعس ع رحمة القلب يلي عندي ولخسرك يلي ملكتو ع حساب حبي الك
هلق حبي تحول لقتل ويا انا يا حياتك يا خسارة يلي معك لبكيك كل لحظة
توسلت فيها الك وبينتلك اني بحبك
بس هلق رح بينلك ياه بطريقة انتي رح تعجز تلاقي مكان احن من مني الك
هههههههه وبلشت لعبنتا …
بتضل عم تتوعد وترسم مخططاتها ………
وصل لعندا وبلاقيها عم تلعب باصابعها
جود: يلا لازم نمشي
ملاك: هلق موعد الطيارة
جود: اي …
بخلي واحد من الموجودين ياخدلو الشناتي للطيارة وبيمشي وبياخد ملاك وبيتجهو الطيارة ويكملو الاجراءات وببوقعو ع جوازات السفر وبروحو لمكان الاقلاع ……
وبيوصلو لعند الطيارة وبتبلش النداءات تبع الطيارة تطلع …
بيوصلو
بيحمل جود ملاك وبيطلع فيها للطيارة …
ملاك: الكرسي
جود: اي هلق بطالعو لا تاكلي هم …
بيدخل لجوا الطيارة …
بتوقفهون صبية بتفتتشهون وبشوفو جوازات …
الصبية: جود بيك حضرتك …
جود: اي انتي شو شايفة …
الصبية: عفوا استاذ تفضل معي لاخدك لمكانك …
جود وهو عم يزورها من برادة دمها بالحكي …
جود: اي بكون احسن …
الصبية :تفضل معي …
بيروح جود وبتمشي الصبية وبتاخدو للمقاعدين يلي حاجز فيهون هو …
الصبية: تفضل استاذ …
جود: ماشي
بيدخل لجوا وبينزل ملاك وبقعدها وبساعدها بربط الاحزمة …
الصبية: اي شي بتحتاجو استاذ فيك تكبس ع هالزر وبكون عندك …
جود: بعدم اهتمام: اي ماشي اتجهي لشغلك …
بتروح الصبية وبيقعد جود جنبها ل ملاك …
ملاك بتنبه عليه انو في شي مو عاجبو …
ملاك: انا بس بدي اسالك سؤال بعرف معصب بس …
بقاطعها جود وبقلا …
جود: لا تضلي تقليلي بعصب لانو هاد الكلام بنرفزني …

#أذَابّنَي_دِفَئ_الُعنَاقً🔥🌎♥
#لُلُڴاتْبّة:
#Bayan_Alrohban 🔥🌎♥
#الُجْزُء_الُثُامٌنَ…&
_________
قاعد ومرتكي جنبها ع التخت والضو بلش يشق مجراه لتعلن الشمس شروقها…
عم يطلع عليها وهو كتير تعبان وفارط نعس …
بيحط ايديه ع راسها وبشوف الحرارة …
جود: واخيراً الحمدالله يلي نزلت …
بشيل القماشة من على راسها وبيحطا ع جنب بتحس عليه ملاك وهي عم تفتح عيونها ببطئ …
بشوفها جود بركز قعدتو قبالها …
ملاك بتشوفو قبالها وبتجفل من وجودو وبتصير تقلو بصوت يا دوب مسموع ودموع عم تتجمع لتنزل …
ملاك: و والله انا ما عملت شي لا تضربني …
جود بحس بركان من جواه عم ينتفض من كلامها …
بقرب لعندها وبيرفع الغطا عنها بساعدها وبجلسها لتصير قبالو وهي خايفة منو…
جود: (باعصاب متوترة) انتي شو مشكلتك فهميني ليش هيك عم تحكي…
ملاك بتنزل راسها وهي ماعرفانة تجاوبو وخايفة منو …
جود: (عم يطلع عليها وعيونو جمر من سهر طول الليل عليها) :فهميني احكيلي ما رح اذيكي انت واعية لكلامك …
بترفع راسها والدموع بعيونها وبتقلو …
ملاك :(بلبكة) انا خايفة ت تضربني متلا انا عم خاف منك …
جود بيطلع عليها كيف متوترة والخوف بعيونها واضح تجاهو بيمسك اعصابو وبيسحب نفس عميق وببلش يهدى وبقول …
جود: انا دكتور ومسؤول عن جمعيات والي اسمي وشغلي وهي المخلوقة بدها تشوه اسمي وتحط عليّ مستمسك وانا اتحملتا بس صبري نفذ واضطريت اتصرف معها بهالطريقة استوعبتي لهون …
ملاك بتهز براسها بمعنى اي …
جود: لا تخافي مني انا مستحيل فكر مجرد تفكير اذيكي فهمانة …
ملاك بتطلع بعيونو وبتبلش ترتاح تدريجياً لكلامو …
جود :بيطلع ع الساعة وبقوم بجيبلا كاسة مي وشراب دوا …
جود: يلا منيح يلي فقتي لازم تاخدي دواكي …
ملاك: بس مافي دوا بينشرب بدون اكل كرمال ما تنضرب المعدة …
جود (بيبتسملا ليحسسها بالامان تجاهو وبقلا) :بالله منيح يلي قلتيلي دكتورة ملاك لو بعرف عندك خبرة كنت خليتك تداومي معي بالمشفى …
ملاك :ما بصير انا ماني دكتورة …
جود: طيب انت بنظري احلى دكتورة بس دكتورة قلبا وعقلا مجانين واصغر من عقل ولاد صغار …
ملاك: انو …
جود:انو شو رايك تاخدي الدوا وتنامي وانا حط راسي ونام لانو فرطان تعب …
ملاك: باخد الدوا بس ما بدي نام ماعد اقدر …
جود: لا بتقدري يلا فتحي تمك هلق وبعدا بقلك كيف رح تنامي …
ملاك : حاضر …
بيفتح جود قنينة الدوا وبيشربها ل ملاك الدوا …
بيقشعر بدنها من طعمتو وبتحس حالها بدها تكبو …
جود: يلا بلعيه بسرعة …
ملاك: عم تأشرلو بمعنى مافيها …
جود: (بحدة) :بلعييه يلا …
بتبلعو غصب عنها وبتقلو …
ملاك: بدي مي مابقدر طعمتو مو طيبة …
جود: استني شوي وبعدا بشربك …
ملاك: (بطفولة) والله ماعد اقدر طعمتو مو طيبة …
جود: مسكي شربي بلا لا تضلي ترفرفي لفوق وتحت …
بتاخد الكاسة من ايديه ببرائة ويتشربا كلها لتروح وتخف طعمة الدوا …
جود: ياويلي عليكي شربتيا كلا …
ملاك: شو بدي اعمل طعمتو مو طيبة …
جود: بعمرك شفتي دوا طيب …
بتهز براسها متل الولاد يمين ويسار وبتقول …
ملاك :لا …
جود: هه طيب يلا شاطرة ع النوم …
ملاك: مابدي نام …
جود: هلق بتنامي هاد الدوا فيو نسبة منوم هلق بتنامي…
ملاك: واذا ما قدرت نام …
جود: اه يلي بضل يجادلك وهو تعبان بيتعب استني عليّ …
بقوم جود بيشغل الكوندشِن كرمال يترطب جو الغرفة وبسكر الجلايل وبيتعم ضو الغرفة وبيبرد جوها …
ملاك: انو والله صار برد ليش كتير هيك قويتو …
جود: كرمال النومة تصير اطيب …
ملاك: والله حاسة حالي بالقطب المتجمد الشمالي …
جود: هه اي منيح …
بيشلح كنزتو قبالها بتنزل عيونها وبتصير تتهرب فيهون يمين ويسار بينتبه عليها انها خجلانة من لون خدودها المتورد بيبتسم وبقرب وهو لسا بشيالو الحفر الاسود الضب ع جسمو بيرمي الكنزة ع جنب وبيقرب لعند التخت وبيقعد جنبها وهو كتير قريب منها …
ملاك: بدي انزل لتحت …
جود: ع النوم لسا بكير ع الفيقة يلا …
ملاك: بس انو ……
بقاطعها بكلامو وبحط اصبعتو ع شفافها وبقلا …
جود: هششش يلا نامي…
بشيل المخدة من ورا ضهرها وبسطحها وهو حاط ايدو ورا ضهرها …
بيسطحها وبنزل ايدو دغري تحت راسها وبيتسطح جنبها وهي نايمة ع ايديه …
ملاك (بتوتر) :جو جود ه هيك بدك تنام …
جود: اي هيك بدي نامي كرمال ما تضلي فايقة وما تبردي …
ملاك: حاسها نفسها ماعم يهدى …
ملاك :خلص بتغطى وبنام …
بشدها من ايدها لعندو لتصير بقربو اكتر واكتر وبقلا وهو عم يطلع بعيونها وهنن دبلانين وهي ضايعة ومتخربطة …
جود: حاج تحكي غمضي عيونك يلا ونامي انا بدي نام بس هلق سمعي كلمتي ونامي …
بتغمض عيونها بس قربو منها موترها بتحس حالها مو قدرانة تهدا …

#أذَابّنَي_دِفَئ_الُْعنَاقً 🔥🌍♥
#لُلُڴاتْبّة:
#Bayan_Alrohban 🔥🌍♥
#الُجْزُء_الُْعاشِرَ...&
________
عم يمر هالليل ويمضى ليعلن الصباح أشراق جديد مع بدايات وشغلات كتير رح تصير ……
مضى هالليل على ملاك بالزور خايفة من العملية وقلبها قابضها……
فايقة مفتحة عيونها وصافنة …
بيدخل جود على الهدى وبيسكر الباب وراه …
بيتفاجأ انو هي صاحية…
جود :صباح الخير …
ملاك: صباح النور…
جود: كيف معنوياتك اليوم حتى فايقة بكير على غير العادة …
ملاك: مابعرف ما قدرت نام متل الخلق …
جود بيتقدم لعندها وبيرفع التخت من تحت بدوار لتصير قريية عليه وتشوفو ويشوفها منيح وهي متجلسة…
بيقعد جنبها وبصير يحكي معها…
جود: خير شبك حكيلي…
ملاك: ولاشي …
جود بيمسك فكها بيرفعها منو لتحط عيونها بعيونو …
جود: (بجدية ممزوجة بنظرة حنية) ما بحب هالحركات حكيلي شبك حدا مدايقك …
ملاك: (بتدمع عيونها وبيحمرو) انا مابدي ادخل لحالي على العمليات …
جود: كيف تدخلي لحالك وانتي معك فريق كامل جوا من الدكاترة والممرضين
ملاك :بتمسك ايديه وبتقلو ....
ملاك: فوت معي انا مابقدر فوت لحالي والله بخاف …
جود: كيف بدي فوت معك هي عملية …
ملاك بتشد ع ايديه وبتقلو ……
ملاك: جود امانة مالي غيرك انت كل شي بالنسبة الي انا مافيني اعمل شي بلاك مابقدر خليك معي ما تتركني هيك …
بقرب لعندا اكتر وبقلا بحط ايديه فوق ايديها وبقلا بقوة وهو عم يشد على ايديها ……
جود: انا معك كيف بدي اتركك انتي كل شي بالنسبة الي انتي عمري ورح كون معك بكل شي
تفنى الدنيا كلها ودمعتك ما تنزل …
ملاك :شكرا الك ما بعرف كيف ………
بيسكتها وبقلا …
جود: هسس لا تحكي هالحكي انا زوجك وحق عليي هالشي تمام بعدين انتي مرتي لا تنسي والايام بتثبتلك…
ملاك: طيب ماشي …
جود :يلا شديلي حالك منيح رايح شوف ايمت موعد العملية لتحضري حالك اتفقنا …
ملاك: اوك اتفقنا …
بحط ايديه ع خدها وبقلا بحنية…
جود: اهدي ولا تتوتري تمام انا معك هون …
ملاك: ماشي…
بيبتسملا وبيحمل حالو وبيطلع برا الغرفة ليشوف اجراءات العملية ……
رهف: سمعني شو رح قلك …
مجهول: بدي الغرفة يلي رح تنتقل بعدها ملاك عليها بعد العملية …
مجهول: ليش …
رهف: خدني عليها بسرعة …
مجهول: الله يستر ما ننكشف من وراكي …
رهف: اي خراس وامشي عاطيتك فوق ما بتستاهل وجاي تقلي ننمسك …
مجهول: شرفي قدامي وامشي طبيعي …
رهف: بس دير بالك مابدي حدا يشوفنني تمام
مجهول: طيب تعي معي من هون خلينا نلحق نخلص كل شي …
رهف :اي ماشي بس عمليتها هلق مو …
مجهول: اي …
رهف :معناها اتحرك بلا لعي …
مجهول: اوك يلا …
بيمشو رهف والممرض المجهول باالمممر وبدخلها بكاريدورات متقاطعة ليقدر يوصل للغرفة …
فجاة بيلمحو جود واقف مع الدكتور وعم يحكي معو …
بتشدو ل المجهول وبتوقف هي وياه ورا العضاضة تبع الحيط …
مجهول: شبك
رهف: اسكوت جود هون …
بيطلع من الطرف وبضلو ينطروه ليروح ويكملو طريقهون للغرفة……
بيمرق الوقت ورهف بتشتغل شغلها يلي مخطتلو …
مجهول: متأكدة من خطوواتك…
رهف: (برفعة حاجب) :لكن مفكرني عم العب …
مجهول: طيب متل ما بدك …
رهف: قديش بدها بالضبط العملية لتخلص …
مجهول: ساعتين وشوي اقل شي …
رهف: ممتاز يلا لكن خلينا نطلع من الغرفة قبل ما حدا يفوت ويشوفنا ساعتها منكون بشي منصير بشي
مجهول: طيب انتي رح تبقي ناطرة لانو انا مابقدر شغل هالجهاز …
رهف: وليش شو عندك …
مجهول :انا بكونو بدون ياني بالمشفى ومابدي حدا يشك فيني …
رهف: هفف طيب انا بشغلو رح ضل هون وبس تخلص العملية مباشرة وتصير بالغرفة مرتو عملي رنة ع الموبايل …
مجهول: متل مابدك …
رهف: يلا خلينا نتحرك …
مجهول: اوك …
بيحملو حالون وبيطلعو من الغرفة وهنن عم يطلعو حوالين اذا حدا شافهون …
وبيوصلو ل مكان آمن بعيد عن حركة الدكاترة وليبدو بانتظار انهاء العملية ……
مضى الوقت وكل شي صار تمام …
وكل من غرفة العمليات صارت جاهزة والدكاترة جاهزين …
بيتدخل جنان بتحضرها للعملية …
ملاك: هلق العملية …
جنان: اي …
ملاك: (بتوتر) :طيب وين جود …
جنان: الدكتور جود عم يشتغل بالقسم تحت …
ملاك: ناديه لو سمحتي …
جنان: ماضل عنا وقت حاليا لازم تكوني بغرفة العمليات تأخرنا …
ملاك:حبابة انا مابقدر …
جنان: خليني اخدك ع العمليات بعدا منشوف ومننده للدكتور جود اتفقنا احسن ما الدكاترة يعصبو مني …
ملاك: طيب ماشي …
بتتجهز وبتاخدها لغرفة العمليات وكل الدكاترة حواليها والممرضات موجودين …
دكتور سوار: يا اهلين شو بدك واسطة لتنزلي ع العمليات …
ملاك: (وهي عم تفرك ايديها ببعض )لا بس كنت ناطرة جود …
سوار: هلق جود بشغلو وبعدين ما بصير يدخل ع العمليات …
ملاك: طيب خلي يدخل انا ما بقدر بدي ياه …

#أذَابّنَي_دِفَئ_الُْعنَاقً 🔥🌍♥
#لُلُڴاتْبّة:
#Bayan_Alrohban 🔥🌍♥
#الُجْزُء_الُحُادِي_ْعشِرَ_وَالُأٌخيرَ...&
______
ومن هاللحظة يلي ابتدا فيه هالحضن وهالدفى بلشت القلوب تعلن طرق ابوابها لاستقبال الحب أحساس بالسند شي بيدخل قلوبهم بكل عفوية دون سابق أنذار
بتمر هالليالي وليلة بعد ليلة وهالايام عم تمضى وملاك صحتها صارت تتحسن و جود معها وما تركها ولا دقيقة
وتعلقهون ببعض زاد وملاك مرتاحة معو وهو نفس الشي
بعد مضي مدة كتير منيحة على عملية ملاك وصحتها يلي بلشت تتعافى تدريجياً
بالجنينة هي وجود ………
جود: يلا لازم نخلص ضل عنا حركتين وبتخلصي تمرين لليوم …
ملاك: لك جود والله تعبت حباب يعني النا شي ساعة وشوي ونحنا عم نعمل هالتمارين ....
جود بيطلع فيها بعقدة وبقلا …
جود :ليكون ناوية تضلي قاعدة ع قلبي مثلا لازم تتعالجي كتيرر تدللتي …
بتسمع منو هالكلام وبتدمع عيونا وبتقلو …
ملاك: طيب انا اسفة بعرف من البداية ما لازم تقلا عليك حقك علي يلا نكمل تمرين كرمال اتعالج وتكفي حياتك انا عثرة مو اكتر بطريقك …
جود بحس حالو دجها الكلام دج بس كان عم يمزح معا بقلا …
جود: له له زعلتي مني لك ملاك كنت عم امزح معك …
ملاك: لا عادي منيح يلي ذكرتني لانو كنت نسيانة يلا نكمل …
جود: (حس عليها انزعجت واتدايقت ف قلها …) خلصنا تمريين لليوم امشي نروح نفطر وفرديلي هالعقدة كنت عم امزح معك تمام …
ملاك: بسيطة
بتمسك ملاك السندات لتقدر تمشي بركازة اكتر …
جود: بيجي بوقف قبالها وبشدون من ايدا وبيسحبا من خصرا لعندو وهي عم تطلع فيه …
ملاك: لك شبك وجعلتي ايدي
جود: تطلعي فيني
ملاك: مابدي اطلع
جود: ملاك عم حكيكي لا تخلي خلقي يطلع عليكي…
ملاك بترفع راسها لعندو وبتقلو …
ملاك: هي رفعتو يلا تفضل شو احكي …
جود: انتي ليش انقلبتي هيك دغري …
ملاك: لا ابدا مافي شي
جود: لا في احكي
ملاك: مافي حاج بقى ديقت خلقي
جود بشد عليها اكتر وهي بين ايديه …
ملاك :لك رح تخنقني شبك
جود عم يطلع فيها ونظراتو تبعثرو من عيونها كيف واسعين وعم تطلع فيه ودقة خصرها بين ايديه وعصبيتها وجنانها يلي بيعشقون فيها كل شي فيها بيسحرو وبينزل راسو فجاة لعند شفافها وبيطبع بوسة عليهون بكل حب وحنية …
وهي توترت وتفاجئت من ردة فعلو بالشي يلي عملو ولاول مرة بحسو هنن الاتنين قديش هالشعور حلو ومريح …
بعد ثواني ع يلي صار بيبعد جود عنها وراسها وراسو ساندين بعض …
جود: ملاك
ملاك وهي عم تسحب نفس ودقات قلبها واصلة للمليون…
ملاك: جود بدي روح …
جود: انتِ بس معي رح تبقي مارح خليكي تروحي ل مكان …
ملاك :بترجاك بعد عني …
ما حب يحكي اكتر تركها تمشي ع الهدى وتطلع لغرفتها …
بعد ما طلعت راح وقعد ع الكرسي وهو ساند ايدو تحت راسو وعم يتذكر يلي عملو …
جود: مابعرف شو صرلي كتير ضعفت قبالها وانا هالشي ماعم يصير معي غير لما تكون هي موجودة هفف معقول اتدايقت مني اني هيك عملت …
احسن شي اتركا واطلع من البيت هالكم ساعة لبين ما تهدا
بيحمل موبايلو وبيتصل ب ساهر …
ساهر: اي حبيب …
جود: وينك …
ساهر: وين يعني بعشي الزوجي …
جود: خليني شوفك اذا بتقدر …
ساهر: والله كان بودي بس مشغول بتعرف ماصرلي عريس جديد …
جود: لك يقطع هبلك يا زلمة صرلك شهرين متزوج وبتقلي عريس قوم تعا بدي حكيك …
ساهر: هههه لك روق عم هز الورد لنشمو
جود: تضرب انت وهالورد يلا ناطرك بالكافيه يلي ورا بيتي …
ساهر :ماشي يلا ليكني جاييك الله يستر شو عامل …
جود: ههه اي قوم تعا لنحكي …
ساهر: ههه مسافة الطريق …
جود :اوك …
بيسكر كل من جود وساهر الخط بروحو يشوفو بعض بالكافيه …
بتسمع صوت خبط الباب تحت …
ملاك: معقول راح …اي يلا معليش
بتطلع ع حالا بالمراية وجها بكون احمر من الخجل …
ملاك: يالله كيف هيك صار انا كيف بدي حط عيني بعينو هلق هفف منك جود …
احسن شي فوت اخد دوش بلكي هالاحمر يلي بوجهي يخف …
بتمسك شوي شوي وكانها اولى الخطوات لطفل صغير بيتعلم المشي بعد يلي صار وهي نتائج تحسن كبيرة بحالتها …
بتدخل لتتحمم وتخفف عن نفسها …
قاعدين العيلة كلها مع بعض ومبسوطين. بتجي ام منذر …
ام منذر :مسا الخير
ام غدير: مشا النور شو لسا ما رحتي ام منذر تاخر الوقت…
ام منذر.: حبيت احكي معك وبعدا بروح بس نطرت الشباب لطلعو لغرفهون ما حبيت احكي قدامهون …
ام غدير: خير شوفي تعي قعدي حكيلي…
ام منذر بتروح بتقعد جنبا …
ام منذر: بصراحة انا كتير تعبت وفرطت من التفكير ب ملاك وبالي عندا …
ام غدير :ليش الهم اذا جود معها ليش ما عم تحكو معها …
ام منذر: مبلى بس والله طولو برا ايمت رح يرجعو انا كل ما بسالها بتتهرب وبتقلي لسا بتتعالج طيب مافيهون يكملو هون العلاج والله قلبيي ناطف عليها …

#أذَابّنَي_دِفَئ_الُْعنَاقً🔥🌎♥
#لُلُڴاتْبّة:
#Bayan_Alrohban 🔥🌎♥
#الُجْزُء_الُتْاسِْع…&
_________
بصباح يوم جديد بيحمل معو لكتير من التفاصيل …
رهف: فهمانة متل ما فهمتك بالتفصيل رح تعملي …
سيمازا :امرك يا خانوم…
رهف: يلا روحي وبس تصيري بقلب البيت بتبعتيلي رسالة ماشي …
سيمازا: امرك …
رهف:يلا تحركي ناطرة منك خبر …
سيمازا: اي ماشي بالاذن …
رهف: اذنك معك …
بتطلع سيمازا من عندا باتجاه بيت جود…
فايق جود بس ما اتحرك لانو ملاك نايمة …
جود: (مبتسم ابتسامة رجولية وهو عم يطلع فيها)
بتتحرك ملاك وبتفتح عيونو بسبب الضو الضارب عليها من برا …
ملاك: يي ع هالضو …
جود: كتير زاعجك …
بتطلع فيه وبتلاقيه فايق …
ملاك: شو فايق بكير …
جود :اي من شوي فقت …
ملاك: معناها صباح الخير …
جود: صباح النور …
ملاك: دغري صار صبح …
جود: ليش شو بدك تضلي نايمة …
ملاك :انو لازم يعني لا بأس …
جود: اي قومي يلا عنا شغلات كتير بدنا نعملا …
ملاك: شغلات شو انا ماعندي شي …
جود: اي انا بدي اطلع شوي ع الشركة بعدها برجع منتغدا ولبين ما نضب شوية غراض لناخدون للمشفى معنا بكون صار المسا وهي لسا بدك تحكي مع اهلك …
ملاك: اي والله طلع عنا شغلات كتير لكن يلا بدي قوم …
جود: دغري بتغيري رأيك هلق كان بدك تنامي …
ملاك: انو نوم هاد وعنا كل هالشغلات بدنا نعملون …
جود :اي ولله شايفة
عم يطلع عليها كيف فايقة ورايقة ارتاح بشوفتها هيك …
بيدق جرس البيت …
جود :مين هاد …
ملاك: بتكون نغم وصلت …
جود: ما بعتقد نغم انا عطيتا نسخة …
ملاك :معناها افتح لنعرف …
جود: ماشي …
بقوم جود من جنبا وملاك بتجلس حالها بتحط الكنزة عليها بدون ما تسحبا …
بينزل جود بيفتح الباب …
سيمازا: صباح الخير …
جود: (بعقدة) صباح النور …
سيمازا: هون بيت الدكتور جود اذا ماني غلطانة …
جود:وصلتي مين حضرتك…
سيمازا: انا من سيمازا من طرف نغم يلي كانت تشتغل بهاد البيت …
جود: اي بس وين نغم …
سيمازا: نغم اضطرت تطلع مع جوزها وولادها لبيت اهلها وعطتني خبر اجي قوم عنها بهاد البيت اذا ماعندك مانع …
جود: امم بس نغم ما خبرتني استني لدقلا …
سيمازا: براحتك بس هي لغت رقمها …
جود: افف لغتو …
سيمازا: اي ف لهيك هي قالتلي اجي لعندك بما انو مافي وحدة عندكون لترجع هي …
جود: طيب يلا فوتي هلق بعدين بحكي مع نغم …
سيمازا: متل مابدك دكتور …
بيدخل جود وبيتركلا باب البيت مفتوح لتدخل …
جود: فوتي وسكري باب البيت وراكي وعملي قهوة وكاسة حليب …
سيمازا: حاضر …
بتضل واقفة ع الباب بتسحب موبايلها وبتبعت رسالة ل رهف وبتخبرها انها صارت بالبيت …
رهف عم تقرا الرسالة…
سيمازا: يا خانوم صرت بالبيت بس بحب قلك انو الدكتور جود مو قليل وبالزور لرضي وفهم اني من طرف نغم …
بتبعتلا رهف وبتقول …
رهف: ما عليكي انتي ديري بالك وكل شي محلول …
بتقعد رهف تتذكر شو بدا تعمل …
بتدخل وبتسكر الباب وبتفوت بوجها بتدور ع المطبخ وبتلاقيه …
بيطلع جود لعند ملاك …
ملاك: شو مين …
جود: شغالة جديدة بدل نغم …
ملاك: ليش نغم وينها …
جود: قال نغم سافرت مع زوجا وبعتت هي بدالا …
ملاك: يلا ع خير بسيطة …
جود: بس ما بعرف حاسس في إن بالموضوع لانو شكلها ما بيوحي انها شغالة …
ملاك: كيف يعني …
جود: خلص انسي بعدين بقلك بس ديري بالك …
ملاك: حاضر …
جود: فايت اخد دوش كرمال اطلع ع الشركة …
ملاك ماشي بس نزلني ع الحمام الارضي بدي اتحمم …
جود: خليكي هون هلق ببعتلك ياها ل سيمازا تساعدك …
ملاك: لا ما بدي ما بحب حدا يساعدني نزلني لو سمحت …
جود: طيب رح نزلك بس احتجتي شي ناديلي تمام …
ملاك: تمام بس ثواني لاخد هدول معي …
بتأشرلو ملاك ع التياب بيعطيا ياهون وبيحملا وبينزل فيها ل تحت …
جود: فوتي طالع اتحمم وانزل اذا صار معك شي دغري عيطي صوت واحد بكون عندك …
ملاك: ماشي …
بتدخل ملاك ل تتحمم وجود بيطلع بيتحمم …
بعد ما وصلو للبيت والكل قاعد ……
ام غدير : يا خطي عليها تعبانة …
غدير: خلص خليها نايمة …
سمر: يالله ليك اخي كيف البنوتة عم تعمل …
غدير: هههه اي
محمد: انا طالع نام كتير تعبان طول الليل بالمشفى …
ام غدير: اي امي طلعو ارتاحو وريحو حالكون....
سمر: امي رح اخد البنوتة معي دير بالي عليها …
ام غدير: الله يعينك يا حفيدتي الصغيرة على هالعلقة امي تركيا جنب امها وروحي نامي …
سمر : اميي …
ام غدير: شو حكيت انا …
سمر: حاضر …
بيطلعو الكل ليرتاحو …
غدير :رح ضل قاعد هون منشان اذا فاقت وبدا شي اعطيها ياه …
ام غدير: اي امي …
ابو غدير: الله يحن عليكون …
بيتسطحو الكل ليرتاحو بعد ليلة مبارح …
بعد ما طلعو وخلصو حمام …
بيبلس جود تيابو تبع الشركة يلي كلهون وقار وجمال ويينزل لتحت بلاقي حدا عم يدق ع باب الحمام

#آذَابّنَي_دِفَئ_الُْعنَاقً 🔥🌎♥
#لُلُڴاتْبّة:
#Bayan_Alrohban 🔥🌎♥
#الُجْزُء_الُرَابّْع…&
________
صحي جود بعد ليلة سفر وتعب وقعدات بين الاهل …
بيطلع ع الساعة وبقوم بيفتح الخزانة وهو مغمض بياخد منشفة وبيدخل للحمام …
جود : هفف …
بيدخل بيفتح المي الفاترة وبتنزل بين الباردة والسخنة ع جسمو بيتحمم وبيطلع من الحمام بعد دقايق …
بكون لافف المنشفة على خصرو بياخد تيابو وبيبلس وبنشف شعرو بسرحو وبياخد موبايلو وباكيت الدخان تبعو وبينزل لعند اهلو …
ام غدير: يعلي بكون تعبان هلق …
غدير: يلا خليه برتاح معليش …
سمر: اي بس بدنا ينزل يقعد معنا …
هديل: شو رايكون تاخدونا مشوار اليوم …
سمر: والله جبتيها …
محمد: انا عندي موعد يمكن ما روح معكون …
غدير: خير ان شاءلله لوين يا مهون …
محمد: ما دخلك 😆
غدير: تضرب على هالرد …
ابو غدير :احترمو بعض احترمو بعض …
محمد:هههه اي بابا ان شاءلله
غدير: يا تافه انت مو بايدك …
محمد: شكرا اخي على هالمدح شكرا
بينزل جود وبتشوفو امو …
ام غدير: تعال امي …
جود: شو الأحترام هاد أستاذ محمد صباح الخير …
الكل: صباح النور
محمد:آه أخي ع لمزح والله لمزح
جود: اها مزح قلتلي اي لاعاد تعيدو لهل مزح لسا في قهوة …
محمد:أمرك ابو الجود
الكل :كاتمين ضحكه
ام غدير: اي في تعال …
بيقعد وبتصبلو امو فنجان القهوة وبتعطيه ياه …
ام غدير: خود امي …
جود: يسلمو ماما …
بيحط فنجان القهوة وبيسحب سيكارة وبولعها وبصير يشربها مع فنجان القهوة …
غدير: اي روووح ع هالسحبة …
جود: تخددلك وحدة …
غدير: لا دخيلك ما بحبا شوف محمد …
محمد: احم احم …
جود:اي عال
ابو غدير :ليش بتدخن استاذ محمد …
محمد: (بلبكة) :لا بابا اصلا ما بحب ريحتو …
غدير: اي ابي بس سيكارة ع الفايتة وسيكارة ع الطالعة بياخد …
محمد: انا قايم جيب كاسة مي …
جود: شبك وين نسحبت تعا فرجيني وجهك
…
محمد:فركها وهرب
ابو غدير : لك امنا بالله انو طلع عندي واحد بدخن ضروري الاتنين يعني هاد كلو ضرر لك ابني…
جود: روق حجي لساتو طايش تركو ودبارو عندي…
ابو غدير : بسيطة ع كل حال بس لا تدخن زيادة حاول خففو انت كمان
مو ناقصني يصير لواحد فيكون شي …
جود: امرك حجي تكرم وهي طفيتا …
بيطفي جود السيكارة بالمنفضة …
سمر: هلق شيلونا من حديث الدخان المهم شو قلتو منشان اليوم …
جود.: خير شو في اليوم …
سمر: بدنا نطلع مشوار وبدنا تاخدونا شو قلت …
جود: مالي بهل جو …
ام غدير :اي امي منطلع كلنا مننبسط ومنتسلى وأنت إبني منشاني الله يرضى عليك …
جود: طيب بصير خير …
هديل: معناها اتفقنا …
سمر: اي اكيد …
جود: قايم احكي تلفون وبرجع …
ام غدير: ماشي امي …
بقوم جود بوقف ع البلكون وبيحكي تلفون …
جود: الو مرحبا …
ايسر: هلا دكتورنا الغالي …
جود: كيفك ابو اليسر …
ايسر: والله مشتقلك …
جود: الله يسلمك حبيب سماع لقلك …
ايسر: اي قلي …
جود: بدي دكتور اخصائي جراحه لمرض الشلل بس في فرصة ونسبة امل كبيرة ترجع تمشي …
ايسر: مين المريضة …
جود: وحدة قرايبتنا لهيك شفلي دكتور عنا بالمشفى أو عطيني اتواصل معو …
ايسر: سماع هلق في دكتور بالمشفى توظف جديد شاطر بس المصيبة هلق عندو مؤتمر طبي مابيقدر ينزل لهون …
جود: معليش هات رقمو وبلاقي طريقة اوصلو فيها …
ايسر: هو برا البلد على ما اعتقد بدو يومين ليرجع
جود: طيب تمام انتي بعتلي التفاصيل وانا بتصرف وبلاقي حل …
ايسر: طيب ولا يهمك هلق ببعتلك كل التفاصيل ومكان لاقامة تبعو وانت تواصل معو
قلو من طرف الدكتور ايسر الهاشم وهو أكيد رح يعرفك أنت اسمك معروف هنيك …
جود: ماشي ابو اليسر يعطيك العافية صاحبي عم عذبك …
ايسر: ولو شو كم جود عنا …
جود: ع راسي يا طيب يلا ناطر مسجك …
ايسر: طيب ماشي شوي وبكونو عندك …
جود: ماشي يلا منحكي …
ايسر: ماشي يلا سلامات
جود: الله معك حبيب …
ايسر: باي قلب
بيسكر الخط مع ايسر وبيدخل لعند امو …
جود: ماما …
ام غدير: اي حبيبي قلي …
جود: هلق اتواصلت مع الدكتور ورح يبعتلي رقم دكتور معي بنفس المشفى نتواصل معو بس هو برا البلد يلي أنا فيها ومابعرف اذا بينزل لهون …
ام غدير: يلا هلق اول شي منحكي معو وبعدها منلاقي طريقة ومنحل كل المشاكل المهم البنت تتعالج وتتعافى …
جود: بسيطة ان شاءلله خير
ام غدير: ان شاءلله
بضل جود قاعد عم ينطر الايميل ل يوصل …
قاعدين وفايقة ملاك وعين الله عليها …
شام: ملاك بالله شوفيلي حلو اللبس هاد …
ملاك: اي كتيير حلو …
شام: دخلك ستك من ايمت طالعة والله فقنا ما شفناها …
ملاك :والله علمي علمك بالمناسبة رايحة ع الجامعة اليوم …
شام: اي رايحة عندي عملي ولازم احضر …

#أذَابّنَي_دِفَئ_الُْعنَاقً 🔥🌍♥
#لُلُڴاتْبّة:
#Bayan_Alrohban 🔥🌍♥
#الُجْزُء_الٌُخامٌسِ…&
______
فاقت ام غدير وقامت غسلت ومالقت ابو غدير……
نزلت لتحت لقتو قاعد
ام غدير: صباح الخير
ابو غدير: صباح النور…
ام غدير: فقت ما لقيتك غريية فايق هيك اليوم…
ابو غدير: حسيت ع حركشة بالكاريدور وطلع جود …
ام غدير: ليش جود فايق …
ابو غدير: اي فايق بس عم يعمل قهوة …
ام غدير: ليش عم يعملا هو
ابو غدير: قال هيك جاي ع بالو …
ام غدير: يلا بسيطة بس خير فايقين ع غير العادة …
ابو غدير: هلق بس يجي بخبرك …
ام غدير: يلا خير …
عمل القهوة واجا وقعد وحطا وبلش يصب …
جود: يسعد صباحك …
ام غدير: ويسعد صباحك …
جود :تفضلو …
بياخدو من ايديه وبيشربو قهوة …
بطلع جود سيكارة وبشغلها وبيشرب قهوة …
ام غدير: شو عم يقلي ابوك في شي بدك تحكيه …
جود: اي بدي تحكي مع البنت كرمال تزبط امورها للسفر تشوف حالها اذا معها جواز سفر او لا لانو اليوم الحجز و بكرا الصبح الطيارة طالعة
ام غدير: ليش مسافر …
جود: اي اتصلو فيني مبارح ولازم ارجع…
ام غدير: هلق البنت اليوم جاي بس انو سفرك دغري بهي الطريقة ما توقعت…
جود: يلا بسيطة هالمرة يمكن نطول شوي كرمال العلاج لهيك منيح قدرت انزل…
ابو غدير: انت قررت خلص رح تعمل هالشي بقناعة...
جود: مو قصة قناعة بس كرمال امي اول شي ورئفة ب ستها يعني مبينين عالم ع قدهون لهيك خلص رح ساعدهون وبعد العلاج لكل حادث حديث…
ابو غدير: يلا الله يوفقك يارب ويعطيك ع قد نيتك يا ابني…
ام غدير: معناها لازم اليوم تكتبو كتابكون ويتسجل بالمحكمة……
جود: ولا يهمك اتفقت مع محامي وهو رح يمشي بالوراق خلال ظرف ساعة بكون كل شي تمام …
ام غدير: والله ما اتوقعتك بهالدرجة سريع …
جود: مو قصة سرعة بس يعني ليش نطول بالنا ونشط ونمط وانا ما معي وقت …
ابو غدير: صح كلامك …
ام غدير: يلا خير …
ابو غدير: ايمت رجعتو مبارح …
جود: رجعنا بالليل تأخرنا بالسهرة برا …
ام غدير :اي صح سمعت صوت ضحكون معبي البيت …
جود: ههه والله ليلة حلوة كانت انبسطنا سوا …
ام غدير :اي الله يخليكون لبعض يارب…
الكل: آمين …
ببلشو اخواتو يفيقو وينزلو …
سمر: صباحو …
الكل: صباح النور…
سمر: شو لحقت تفيق لك جود …
جود: لا متلك كسلان …
سمر: هههه ياويلي لك اخي لهلق ماني قدرانة هدي عن الضحك …
جود: ههه اي قعدي حاج هبل …
بترمي حالها جنب اخوها…
سمر: شو رايك تدرسني احسن ما روح ادرس بالمدرسة…
جود: بلا جنانك يا هبلة …
بينزل محمد عم يفرك بعيونو وعم يلعب بموبايلو …
جود: شو بدر الدجى ان شاءلله مركز …
محمد: ها …
سمر :هاد مخلص ولا مركز بأي شكل …
جود: والله واضح…
ام غدير: لنشوف هداك هلق بس ينزل …
الكل: هههه
سمر: هلق شوفو كيف رح ينزل ويقول تطلعو تتمشو …
جود: وليش نتمشى …
سمر: اتعود ع فترة يطلع يتمشى صار لما يفيق وما يروح يتمشى يقول تطلعو تتمشو …
جود: يا حبيبي الله يعين مرتو …
محمد :اي والله يا سحر …
جود: يا اهبل مين سحر …
محمد: لك هديل هديل …
سمر: جود والله في إن …
جود: هه هيك شايفلك …
بينزل غدير وهو يادوب مستوعب مين حواليه…
غدير: مرحبا …
الكل: اهلين …
غدير: في شاي …
محمد: هه اخي هي قهوة …
غدير: يلي هو المهم في …
محمد: اي
غدير: اي صبلنا لنشرب بدي اطلع ع الرياضة…
الكل :ههههه
ببلشو ضحك ع بعض من الصبح ويحكو……
قاعدين وناطرين السيارة ل تجي …
ملاك: والله مليت …
ام منذر: بكير شربي متة …
شام :يالله يعني اليوم رايحة …
ملاك: والله مو جاي ع بالي روح اصلا متلبكة كيف رح اتأقلم لولا ستك والله ما بوصل …
شام: يلا بعين الله المهم تتعافي …
ملاك: ان شاءلله…
ام منذر: اخدتي ادويتك …
شام: ادوية شو …
ملاك: لك المسكنات تبع التوتر تبعي..
ام منذر: اي خدتون بلا ما يغط ع قلبك انتي من عدا شي بتتوتري من الاماكن الجديدة …
ملاك: يلا بسيطة ان شاءلله خير …
بضلو قاعدين وبمر الوقت بسرعة …
ام غدير: يلا بعتو وخلصونا …
جود :لا تبعتي حدا امي هدول ولا واحد فيهون رح يرد خلص انا بعتت هلق نص ساعة بالكتير وبكونو هون …
محمد: سمر يلا اويها …
الكل: هههه
غدير :واخيرا اخونا رح يدخل العش الزوجي والله ل تعاني معاناة …
جود: بتعرف …
غدير: شو …
جود: تضرب منك لاخوك اي …
بيتأفف وبيحمل حالو وبيطلع يبدل تيابو ويتحمم …
ام غدير: يعني ليش تزعجو هو بالزور مقتنع …
سمر: والله انا متحمسة والله لنتسلى معا …
هديل: اي
ام غدير: يلا بسيطة ل يجو بيفرجها الله ومنشوف شو رح يصير…
غدير: المصيبة انو اخي جود بتحسي ما بيحكي زيادة وبمل وبضلو منشغل بالشغل ما بتحسيه خرج يعامل انثى…
ام غدير: اي ريحلي حالك وقوم ع شغلك انت واخوك ابوك عم يجهز حالو ليطلع ع الشغل …

#أذَابّنَي_دِفَئ_الُْعنَاقً 🔥🌍♥
#لُلُڴاتْبّة:
#Bayan_Alrohban🔥🌍♥
#الُجْزُء_الُثُانَي…&
_________
شام عم تحوص بالبيت وعم تعمل قهوة لستها ونسكافيه ل الها ول ملاك …
شام :يسعدلي صباحو الرايق …
بتفتح عيونها دبلانين وخدودها موردين مع ابتسامة بتخلي الاعمى يشوف …
ملاك: صباح النور شامو
شام: يلا قومي عمري خلينا نشرب نسكافيه …
ملاك: هي قمت معليش الكرسي ممكن تجيبيه لعندي …
شام: اي يلا ثواني …
بتحط الفناجين من ايديها على الطاولة وبترفع حالها وبتجيب الكرسي ل ملاك …
شام: هي الكرسي خليني ساعدك …
ملاك :لا معليش انا برتاح هيك أكثر بحب إعتمد على حالي ولازم اتأقلم على هالوضع لهيك انا بساعد حالي …
شام: طيب لوقت ما تصيري لحالك هو نحنا ما رح نتركك بس معليش خليني ساعدك هلق
ملاك: خليني متل ماعم قلك احسن هيك
شام: تيتة حكيلك شي كلمة …
ام منذر: والله يا تيتة مابعرف شو بدي احكي خلص تركيها على راحتها هي هيك مرتاحة وبتعرفيها عنيده …
ملاك: تماما
شام: طيب متل ما بدك
بتحط ايديها ملاك ع جنبا والكرسي قريب منها …
بتجلس حالها وبتسند. ضهرها بتحط ايديها تحت رجليها وبتشيلون وبتحطون تحت …
بتتنهد بتعب ابتدائي وبتقرب الكرسي منها وببتمسك فيه وبتقوم دغري بسرعة وبتحط ايديها لتسند حالها براحة الكرسي …
بتفتل حالها وبتقعد عليها بتعب وبترفع كل رجل لحال ع الكرسي …
وبتروح تزبط اوضاعها وتغسل …
شام بحسرة عليها بتقول …
شام: لا حول ولا قوة الا بالله ع هالوضع …
ام منذر: والله ما بعرف كيف هيك بدها تضل هالبنت …
شام: تيتة الله يوفقك خلينا نشوفلها دكتور والتكاليف منتفاهم نحنا والدكتور عليها …
ام منذر: لك شام مين الدكتور يلي بدو يرضى بهي الطريقة …
شام بتسكت وما بتعرف شو بدها تحكي …
شام: بس لازم نلاقي حل اكيد ما رح نخليها كل عمرها تبقى هيك وشبابها هيك يروح لساتها كتير صغيره ومتل فلقة القمر …
ام منذر: (بتنزل دموعها على خدها وبتمسحهم )الله يفرجها يا بنتي احسن شي قلبي بتقطع عليها هيا وقدام عيوني …
شام: ان شاءلله يلا بسيطة كلو خير
بتجي ملاك لعندون بعد ما خلصت …
ملاك وهي عم تاخد نفس …
ملاك : شو بدنا نروح اليوم …
شام: اي
تيتة: بس لا تتعبي منشانك
ملاك: مم
شام: خلص ان شاءلله ما بصير شي وما بتتعب …
تيتة: اذا هيك براحتكون عملو يلي بناسبكون …
شام: ماشي ههه (بمزح)
ملاك: هههه ان شاءلله …
بيقعدو يشربو فناجينهون ويحكو …
ملاك: تيتة بدك تطولي اليوم
ام منذر: والله يا تيتة ما بعرف ع كل حال انا قايمة روح وانت لبسو وجهزو حالكون وطلعو …
ملاك: طيب حاولي ما تتعبي حالك الله يخليكي تيته
ام منذر: ان شاءلله يا عمري ما بتعب حالي …
شام: اي تيتة ملاك معها حق نحنا كرمالك
ام منذر: ماشي حبايب قلبي الله يحن عليكون يارب …
ام منذر: يلا انا قايمة روح بلكي برجع بكير اليوم وانت لا تتاخرو …
شام وملاك: ان شاءالله …
بقومو ببلشو يحضرو حالهون وكل مين بيطلع ل يبلش يومو …
ببيت ام غدير الكل مستنفر …
ام غدير: لك محمد حاج تلعب بالغراض …
محمد: امي شو عم العب عم شوفون …
ام غدير : تركون هدول لغرفة اخوك
غدير: يا حبيبي يا حبيبي لسا ما اجا وهيك …
ام غدير: سكوت واشتغل هديل شوفي جوزك …
هديل.: ههه يلا اشتغل يا جوزي …
غدير: حاضر مرتي…
سمر: يعني بس بدي افهم ليش معطلة اليوم الكل عن الشغل
ام غدير: هيك لانو كلكون لازم تساعدوني لتحضير استقبال اخوكون
ابو غدير: حاسو مو استقبال مبين عرس هاد
ام غدير: اشتغل ما بدي اسمع صوت …
محمد: (بصوت خافت؛): يا حبيبي لو عم نشتغل برا كنا اتنفسنا شوي …
ام غدير: سامعتك محمد
غدير عم يقول ل محمد …
غدير: ابتلينا اشتغل احسن ما نتقلع
محمد: هيك شايفلك يا اخي …
سمر: سكتوو والله بقول ل ماما …
هديل: ههه يا حرام يا عمي عم يشتغل متلنا …
غدير: يصطفل منو ل مرتو
محمد: ههه يعني هدول مو ابوك وامك …
غدير: هههه اذا امي وابي هيك بيعملو شو نحكي عن الباقي …
سمر: ينعن لك اجت امي هسس …
ام غدير: تعال غدير …
غدير : اجاك الموت يا تارك الصلاة …
عم يضحكو عليه بهمس …
الكل: هههه 🙊🙊
غدير : اي ماما …
ام غدير: خود هدول الغراض ع غرفة جود وحطون شوي شوي …
غدير: اي امرك …
بينزل غدير بشيلون …
ام غدير: قلتلك على مهلك مو تشلفون …
غدير: اييي امي اي
ام غدير: يلا قدامي وانت تعال حاج تضحكلي من تحت لتحت تقول ماني شايفتو …
محمد: لاي لاي للل لاي لاي لاي لا
ام غدير: لك يا لاي تعا لقلك حاج تعملي حالك مو سمعان …
بيرفع راسو محمد وهو عم يضحك وبيطلع فيها وبيرفعلها بحواجبو بجكر وبهز كتافو لفوق وبقلا …
محمد: ما ماني جاي ما ماني جاي …
الكل هههههه

#أذَابّنَي_دِفَئ_الُْعنَاقً🔥🌍♥
#لُلُڴاتْبّة:
#Bayan_Alrohban🔥🌍♥
#الُجْزُء_الُثُالُثُ…&
________
بصباح جديد بيحمل الكتير من التفاصيل واللحظات لابس ومتأنق بجاكيت أسود سبور مع كنزة بضي ضب بيضة مع بنطال أسود وبوط …
حاطت النظارة والساعة لابسها بأيدو ورش عطر ع حالو وريحتو بتاخد العقل …
سرح شعرو ولامست ايدو دقنو 😉
حط الغراض وشاف وراقو واتأكد من كل شي بيلزمو …
بيرن موبايلو بيفتح الخط وبرد …
جود: الو اي ساهر …
ساهر: يسعدلي صباحك جود…
جود: وصباحك …
ساهر :طمني عنك
جود: تمام ليكني هلق خلصت وبدي انزل بالسيارة وروح على المطار …
ساهر: اي الله يسرلك لا تطول
جود: هه ليش
ساهر: بشتقلك انت مافيني بلاك …
جود: اي ماشي تكرم عيونك هلق روح قول لخطيبتك هيك ها…
ساهر: لا يستر على اختك مو ناقصني هلق بتعلن الحرب عليي …
جود: لك شد حالك يا زلمة شو حرب ما حرب خليك هيبة قبالها …
ساهر : لك بس تحب بتعرف انو مافيك تقلا لا لانو بتحبا شو مفكر الشغلة مو بالعقل بالقلب يا حبيب…
جود: بسيطة جاي الايام على كل حال كل شي بوقتو حلو …
ساهر :قولتك يلا مارح أخرك بس توصل خبرني اي…
جود: ماشي وانت دير بالك ع حالك وع الشغل بغيابي …
ساهر: اي ماشي
جود: يلا بدك شي …
ساهر: سلامة قلبك…
جود: الله يسلمك يلا انتبه ع حالك …
ساهر: ان شاءلله وانت كمان …
جود: ماشي يلا سلام…
ساهر: سلام …
بسكر الخط جود مع ساهر
بعد ما حكى معو بياخد غراضو وبينزل بيقفل باب الشقة وبيحط الغراض بالسيارة …
وبيركب بشغلها وبيكمل على المطار ليلحق طيارتو…
فايقين أهل البيت والكل قاعد ناطرين وصلة جود …
سمر: واخيرا رح نشوفو والله طول هالمرة…
محمد: اي والله
ام غدير: الله يجيبو بالسلامة …
الكل: آمين…
هديل: مرة عمي بتحبي تتأكدي من كل شي بنفسك ولا قوم شوف اذا كل شي تمام....
ام غدير: لا انا بقوم بلكي ألهي حالي ليوصل بخير…
هديل :اي متل مابدك مرة عمي ..
بتقوم تشوف تجهيزات البيت …
غدير: بيت عمتو. بيعرفو بجية جود اليوم …
ابو غدير: اي خبرناهون مبارح …
غدير: اي معناها جايين اليوم…
ابو غدير: اي قال بدون يجو يسلمو على جود ويطمنو عليه …
غدير: اي كتير منيح معناها اليوم عنا جمعة حلوة
ابو غدير: الحلو اكتر لو عمامك المسافرين يجو يعني نحنا ماعنا غير هالاخت لهيك طبيعي تجي بس عمامك كتار بس الله يوفقهون كل واحد داير ع شغلو …
غدير: اي والله معك حق …
محمد: هلق مين عم يدير الشغل بالشركة…
ابو غدير: في المشرفين حطيتون اليوم بس بكرا ان شاءلله مننزل ع الشغل.…
محمد: يلا على خير معناها …
عم يمر الوقت
ويمرق ثواني ودقايق معدودة ……
ام غدير: اي ام منذر …
ام منذر: شوفي هيك تمام …
ام غدير: اي تمام مو ناقصها شي …
ام منذر: اي تمام ممتاز هالحكي …
ام غدير: دخيل عينك يا ام منذر حاولي و كترو الكمية شوي معليش بيت اختو لابو غدير جايين لهيك…
ام منذر: لا تهكلي هم يا خانوم كل شي رح يمشي حسب الاصول ومتل ما بتحبي..
ام غدير: الله يسعدك يارب يلا صبايا ساعدوها لام منذر …
المُساعدات :امرك يا خانوم …
ام غدير: يلا انا طالعة لبرا انتو كملو يعطيكون العافية …
الكل :يعافي قلبك …
بتطلع ام غدير لبرا بتقعد وهي مشتاقة لابنها وقلبها عم يفيض حب …
ام غدير: قديش بدو ليوصل …
ابو غدير: اهدي وطولي بالك مطول ليوصل طيارتو بدها اقل شي 3ساعات …
ام غدير: يالله دخيلك الله يمضي هالوقت ع خير حاسة قلبي رح يوقف …
سمر: بعيد الشر عن قلبك يا امي طولي بالك …
ام غدير: خير ان شاءلله …
بيقعدو الكل وهنن ناطرين هالوقت يمر ليشوفو جود …
فايقة وعم تسرح شعراتها وهي ساكتة …
شام: بست بست …
ملاك: اي شو …
شام: بشو صافنة حتى ما عم تردي …
ملاك: بالعكس ماني صافنة بشي …
شام: ههه لتكوني عشقانة …
ملاك: بحياة ابوكي انا شكلي شكل حب …
شام: ليش شبك ما شاءلله عنك مو ناقصك شي…
ملاك: لك انتي بعقلك…
شام: اي بعقلي لكن بشو …
ملاك: مين يلي بدو يقبل بوحدة متلي …
شام: ليش شبك انتي ما شاءلله ادب وجمال وعلم وفهم مافيكي شي…
ملاك: هو صح انا هيك بس انا ماحدا بيقبل فيني على وضعي …
شام: اي سكتي سكتي بلا هبل انتي التانية بكرا بتطيبي وماعد بعود فيكي شي ان شاءلله …
ملاك: مابدي خلص انا مرتاحة هيك…
شام: بسيطة اهدي وروقي ليش منفعلة …
ملاك :ماني منفعلة …
بالعكس اكتر من هيك رواق مافي…
شام: لا حول ولا قوة الا بالله طيب اهدي تشربي شي بدي اعمل …
ملاك: (بتعب وتوتر):لا مافي شي خلص عملي يلي بدك ياه بشرب…
شام: ماشي يلا خلصي تسريح شعرك بكون انا أجيت …
ملاك: ماشي متل ما بدك …
بتروح شام تعمل شي يشربوه …
بيرن موبايلها…
شاام: اي عصام…
عصام: كيفك شامة …