#قصة_جديدة ❤️#واقعية
#بقلمي : #مفيدة_بيطار 🌸
#ياقوت ❤️
@rwayate
.................
#الجزء_الاول #الثاني #الثالث
يامن هواه اعزه و أذلني. كيف السبيل الى وصالگ دلني
انت الذي حلفتني و حلفت لي و حلفت انك لاتخون و خنتني
و حلفت أنك لاتميل مع الهوى....اين اليمين و اين ما عهدتني
تركتني حيرانا صبا هائما.....ارعى النجوم و انت في عيش هني
لأقعدن على الطريق و أشتكي...و اقول مظلوم و انت ظلمتني
.......
(قبل سنتين)
قصي : والله بحبك بحبكك بحبككك لك انت كلشييي بحياتي...انتي الهوا يلي بتنفسوا
ياقوت :........
قصي : خليلي الخجولة انا شو بحبا..
:ياقوت : الله يخليلي ياك و رح نبقى سوا ياعمري انت عالحلوة و المرة
قصي : اكيد يا ياقوتي
ياقوت: صحي حبيبي ليش هيگ مرتعمو بتعاملني
قصي : حبيبتي هيي لسه ما تقبلت فكرة انو انا اختار البنت يلي بحبا...كانت مخططة امي تخطبلي ع ذوقها و هيك يعني
ياقوت : طيب ليش ما تقبلتني و الله بعاملها متل امي و مالي مقصرة ب شي و عرسنا قرب و انا يا دوب شفتها كم مرة بينعدوا ع رؤوس الاصابع
قصي : طولي بالك الا ما يجي يوم تتفقو سوا انشالله بس هالشي بدو وقت و هيي انا عم قلك امي كتير عاندت خطبتنا كانت مقررة تخطبلي بنت اختا يعني بنت خالتي و صارت كتير مشاكل و تحت ضغوط حتى وافقت بس صبري معي انا تحديت الكل كرمالك وانتي بتستاهلي
ياقوت : الله يخليلي ياك يارب وانا رح حاول و رح ابقى لطيفة معا هيك حتى تتقبلني
------------
( اسمي ياقوت عمري ٢٠ سنة بدرس سنة تانية كلية الاقتصاد عندي اخت اسمها الماس و اخي الصغير اسمو ورد و بابا مسافر برا البلد..ببنزل كل فترة اجازات مخطوبة و خطيبي اسمو قصي عمرو ٢٤ سنة و بدرس متلي اقتصاد عندو اخ واحد اسمو ايمن متزوج... تعرفنا ع بعض بالجامعة و قتا كنت سنة اولى و هلأ نحن مخطوبين صرلنا ٤ اشهر و بقي لعرسنا كم يوم...متلي متل اي بنت ب اول فرحة بعمرها بتحلم ب عرس ملكي تكون فيو الاميرة مع فارس احلامها و الحمدلله كلشي متل مابدي و احسن الا ام قصي كانت معكرة عليي فرحتني..كل ما اكون فرحانة و سعيدة تسمعني حكي و حكي حتى تحرق قلبي بكلامها و انا كنت غبية ما اعرف اجاوبها كنت دايما اسكت ما احكي بحكم انو اكبر مني ولازم احترما...حتى ما كنت خبر قصي ابدا مشان ما يتخانق مع امو و يزعل و خصوصي انو هيي تحكمت بكل املاكو بعد وفاة عمي ابو قصي..كان يضعف قدامها كتيير يمكن لانها بتبقى امو او لان بعدها متحكمة بكلشي و صعب عليه انو يبدا من الصفر بعد ما يكون صاحب الملك..و الضحية هيي انا....لمخططاتها البشعة يلي دمرتني و خربت عليي حياتي و حرقتلي قلبي....!..
ياقوت : ماما بقي كم يوم لعرسنا وانا بدي كلشي بدي ياه يكون اسطوري..هلأ قصي رح يجي بدي روح معو عشان نحجز الصالة
ماما : والله يا بنتي قلبي مو مطمن ابدا حاسة جبال ع صدري
ياقوت: اكيد مشاني مو ...بس ماما ان رح كون مع الشب يلي بحبو يلي اختاروا قلبي و رح كون مبسوطة معو و اكيد انتي رح تفرحيلي
الماس : قصي مافي منو و الله يبعتلو الاحس منك بس والله يا اختي مالي حاببتلك كل هالجازة..حماتك فظيعة
ماما : الله يسعدك يا بنتي وانشالله يكون منيح بحقك بس يامو اكيد انتي منتبهة ع امو كيف بتعاملك...كلمة حلوة ما بتطلع منها
ياقوت : بس ماما قصي غييير و امو بدها فترة حتى تتعود علي
ماما : انشالله يكون غير و يقدر النعمة يلي الله اعطاه ياها
الماس : بتعرفي يامو أتاري فعلا متل مابيقولو الحب اعمى و الظاهر عمى قلب ياقوت عن كلشي
_ و مين قلك انو عمى قلبي بس انا مجبورة اتحمل هالفترة كرمال قصي و الا هيي ما تمل و تتغير
الماس : انشالله
.......
رحت انا و قصي حجزنا الصالة و مرينا عالسوق اخدت بارفانات ناقصتني و شوية مكياجات و اكلنا بوظة و رجعت عالبيت و كان بقيان لعرسي تقريبا يومين و وصلني قصي عالبيت شربنا قهوة سوا نحن و ماما و وصتو ماما فيني كالعادة و بعدها راح ع بيتو و انا رحت تحممت حاكم تعبت كتير اليوم و حاولت اغفى ماقدرت اتصلت ب قصي
ياقوت : يسعدلي مساك حبيبي
قصي: خليلي هالمسا انا
ياقوت ايمتى وصلت عالبيت و ليش ماخبرتني فورا و شو عم تعمل
قصي : والله امي كانت تعبانة اخدتها عالدكتور قلي نازل ضغطها
ياقوت : معافاية انشالله
قصي : شو رأيك نأجل عرسنا حتى تتحسن امي
ياقوت : حبيبي ضغط الدم عادي يعني كل العالم اما بيرتفع او بينخفض خلص تاخد الدوا و انشالله بتتحسن وانا رح يرتفع عندي السكر اذا بيتأجل عرسنا
قصي : ههههه طيب متل مابدها حبيبتي

#قصة_جديدة #واقعية
#بقلمي : #مفيدة_بيطار
#اليتيمة
Telegram@rwayate
#الجزء_الاول #الثاني #الثالث #الرابع #الخامس #السادس #السابع#الثامن
#التاسع_والاخير
بلغت بحزني أعالي القمم== واخجلت بالصبركل الهمم
يحاصرني الخوف من كل صوب== ويعزفني الفقرأشجى نغم
يتيم فهل أدركوامن أكون== وكيف تجرعت كأس المنون
إذاضحك الناس أبكي دماً== ألملم جرحي وهم يضحكون
جريح وذنبي لعمري أليم== فذنبي أني غريب يتيم
فيا أمي أينك هل تسمعين== نحيب جراحي بصوت السنين
(قبل سبعة عشرة سنة)
-عمو ياعمو بدي اسألك شفت ماما و بابا كانو هون معي
-مين انتي عمو
-انا لين
-وين اهلك
-عمو مابعرف انا ضيعتن من زمان صرلي كتير عم استناهن بس لهلأ ما اجو
- شئد الك ضايعة
مابعرف يمكن بس هدول 👐
- وين بيتكن
-......
-طيب شو اسم ابوكي
-بابا اسم علي و ماما اسما فاطمة
- بتعرفي اسمن الکامل
_هئ
- طيب انتي وين عم تنامي
-شايف عمو هديك الشجرة انا هون بنام
-اي بس هون في مقبرة
-اي عمو بعرف قالتلي ستي انو بابا و ماما هون و دلتني ع بيتن بس انا ماعرفت كيف افتحو.. ساعدني عمو الله يخليك
- انتي شو عم تحكي يعني ابوكي و امك متوفيين
-لا عمو انا كل يوم بحكي معن و هنن بيسمعوني.. هنن راحو رحلة ع الجنة بس قالتلي ستي الجنة بيروحو عليها بس الكبيرين قالتي انو انا بكير روح عليها
-طيب وينها ستك
-مابعرف عمو كانت معي و فجأة وقعت ع الارض و ماعادت رد عليي هيي جنب الشجرة
- امشي معي لأشوف
Telegram@rwayate
( سحبت البنت من ايدها يلي مابيتجاوز عمرها خمس سنين لجنب الشجرة.. مسكت ايدي بقوة و قالتلي بتعرف عمو انت ايدك كبيرة متل ايد بابا كان هيك ياخدني يشتريلي بوظة و يلعبني بالالعاب بس ما اخدني معو عالجنة انا كل يوم ياعمو بعاتبو بس مابرد عليي دائما)
قلبي كان عم يتقطع ع هالطفلة الصغيرة طريقة حكيا كلاما عيونا كانت حلوة بريئة برغم الحزن يلي بعيونا و قت وصلنا لجنب الشجرة كان في جثة لأمرأة كبيرة بالعمر و للاسف ميتة من ساعات فجأة تركت ايدي لين و ركضت لعند ستها
حطت راسها ع اجرها و سحبت ايدا ع راسها و قالتلا يلا ستي احكيلي عن بابا و ماما بدي نام انا.. خديني معك و غمضت عيونا و عم الهدوء
المنظر يلي شفتو و الحكي يلي سمعتوا صدمني... ما اقدرت اتحرك جمدت بأرضي كلام بيقطع مشهد حزين بيبيكي الحجر.......
قربت لعندا لقيتا نايمة و الجدة ميتة للاسف..
اتصلت بالشرطة و خبرتهن عن الجدة بس ما قلتلن عن البنت مابعرف في شي منعني من جوا....يمكن لاني متأكد انو رح ياخدوها ع دار ايتام و معظم هالمدارس عنا مو منيحة و في منهن بيبيعو الولاد لمنظمات مو منيحة بنوب...رحت عالمخفر مع الضابط مشان ياخدو افادتي و طبعا مابيعرفو شي عن الجدة..نزلوا صورها بالجرايد حتى يوصلوا لأولادا و لتاريخ هاللحظة مافي اي حدا سأل عنها
اخدت لين ع بيتي و كنت كل الطريق عم اتوقع شو رح تكون ردة فعل رغد
-لين : عمو وين رح تاخدني
-زياد : ع بيتي يا عمو..انتي من هلأ و رايح رح تبقي عندي..هيك حتى نلاقي حدا بيعرف عيلتكن
- لين : ستي وصتني ما روح مع حدا...رجعني عند بابا و ماما
رح يشتاقولي و ينشغل بالن عليي كتيير
-زياد : كل يوم رح نروح لعندن و تحكيلهن شو مابدك و انا رح آخدك ب ايدي
( وصلنا عالبيت و كل وقتي عم ادعي انو يمرق هالنهار ع خير لان رغد و بعرفها بتشك حتى بأبوها)
-زياد : دخلي لين
Telegram@rwayate
رغد :....
لين : مرحبا خالة
رغد :....
زياد : هيي البنت اليوم لقيتها.
رغد : لقيتا قلتلي
زياد : هلأ جيت من المخفر كنت عم قدم افادتي
-رغد :المخفر :
-زياد :اي لما كنت راجع من شغلي شفتها بالشارع واجت لعندي و حكتلي قصتا..اهلها متوفيين و ستها متوفية كانت ستها متوفية جنب الشجرة رحت عالمخفر بلغت ع حالة و الوفاة.و جيت
رغد : وليش جبتها معك..شو نحن فاتحيين بيتنا دار ايتام
بظن في ناس الهن اهتماماتهن و نحن مو مسؤوليين..يا دوب شغلك يكفينا لسه جايبلي عالم ما معروفة مين هنن
،زياد: يلي عندي قلتو و لين سعرها ب سعر ابنا عمر
رغد : انا مالي مجبورة بحدا و كمان يلي عندى قلتو
( تركتهن عم يتخانقوا و سحبت حالي و طلعت من البيت بدو ما ينتبهوا و صرت اركض...حاولت ابعد قد مافيني عن البيت...مابعرف وين بدي روح...المنطقة مابعرفها .........................
-زياد : فوتي لين ليش بعدك واقفة برا
( التفتت حتى شوفها بس للاسف ما لقيتها..طلعت من المجنون صرت دور عليها...هي طفلة ما تقع ب ايدين ولاد حرام ابصر شو ممكن يعملوا فيها...صرت اسأل العالم بالشارع..في منهن يقولولي راحت من هون ومن هون وانا متل الضايع...اذا مالقيتها مارح سامح حالي ابدا...انا اذا مالي قد المسؤولية ليه لجيبها. الله يسامحك و يصلحك و يهديكي يا رب.
#يتبع

#قصة_جديدة
#بقلمي: #مفيدة_بيطار
#هدوء_ماقبل_العاصفة
.......
#الجزء_الاول #الثاني #الثالث #الرابع #الخامس #السادس #السابع_والاخير

يا مرسال المراسيل ع الضيعة القريبة...خدلي بدربك هالمرسال و ديه لحبيبي
:ام سلام : شو امي بدك تقضيلي ياها عالموبايل من عند هالصبح لايمتى هالحالة هيي
هبه : صباح النور اميي
ام سلام :......
هبه : خلصنا امي لسه هلأ مسكتو و بعدين والله مليت
ام سلام.مابقي شي لامتحانك و السنة اذا ما بتنجحي ياويلك ها
هبه : خلصنا امي فهمت..شو لمين هالقهوة
ام سلام : يعني لمين الي و لأبوكي...بدو يشرب قهوة قبل مايسافر
هبه : شو هالحالة هيي لك امي لسه يا دوب يجي برجع يسافر..والله كترانين سفراتو
ام سلام : بنتي هاد شغلو بتعرفي مابيثق بحد
هبه : طيب و سلام
ام سلام : شو الله جابرو يتشنطط
ميار : امي انا رايح عالجامعة بدك شي
ام سلام :لا حبيبي سلامتك دير بالك ع حالك
.................
(اسمي هبه عمري ١٧ سنة بدرس بكالوريا عندي اخوة شباب٢ سلام و ميار و اخت اسمها مريم اصغر مني ...بابا محاسب ب شركة بالاضافة انو تاجر اقمشة معروف و امي ست بيت طيبة كتير..حياتنا دافيه طبيعية هادية...تعودنا ع سفر بابا المتكرر و غيابو عن البيت لان مافي مين يمسك شغلو برا البلد)

ام سلام : ايمتى مسافر
ابو سلام : شوية تانية و انشالله كم يوم برجع
ام سلام : توصل بالسلامة حبيبي
ابو سلام : خليلي ياكي
ابو سلام : شو بدي قلك..شدي شوية ع هبه عطول ع موبايلها مابقي شي للامتحانات
ام سلام : والله ماعم تسمع مني بنوب
ابو سلام.......
ام سلام : ليش فصلت مين عالموبايل
ابو سلام : ولاشي هاد رفيقي يلي بدي سافر معو
ام اسلام :......
ابو سلام : يلا انا صار لازم امشي...ديري بالك بغيابي
ام اسلام : ماشي
.............
( كيف يمكن للانسان ان يخدع من آمن به...هل ضميره مات..هل انسانيته انعدمت...كيف ينظر اليها دون ان يأنبه ضميره...الا يشعر بالخجل من افعاله ...اي انسان هو...ترى ما هو التقصير الذي ارتكبته تلك الإمرأة لتنال هذا المقابل بعد طول عناء و صبر هكذا..)
........
هبه : شو امي سافر بابا
ام سلام : اي سافر بنتي ليش هيك عم تسألي كتير ع السفر
هبه : لا امي مافي شي ابدا هيك سؤال يعني
ام سلام : كأنك لابسة..وين رايحة
هبه : رايحة عند رفيقتي بدي جيب وراق مهمة
ام سلام : ماشي امي ما طولي رجاء
( طلعت من البيت بسرعة...استنيت بابا حتى يمشي بالسيارة و اخدت تكسي)
هبه : لو سمحت عمو بدي الحق هالسيارة
_يابنتي مافيني
هبه : عمو هيي ٥٠٠٠ بس دوبنا نلحقها
- ماشي بنتي ليكها قدامنا
هبه : اي الله يخليك عمو
( كنت كل الطريق عم راقب السيارة...هاد الطريق مو طريق المطار و لا طريق الكراجات...وين مسافر يا بابا وين...كل الطريق و انا ادعي ربي ما يكون يلي عم فكر في صح...صف بابا السيارة و نزل...ركضوا عليه ولاد صغار..حمل واحد منهن و التاني سحبو من ايدو و مشي...كان بيت طابق واحد ارضي محاط ب جنينية..راح ب اتجاه الباب يلي واقفة فيه وحدة. ..الظاهر عم تستقبلو...الظاهر هي مرتو)
هبه : عمو فيك تمشي و صلني عالبيت
- ماشي بنتي
.........................
ابو سلام : كيفك حبيبتي
اية : اهلين حبيبي...شو كم يوم اجازتك
ابو سلام : ٣ ايام بس
ايه : طيب لايمتى هالحالة هيي..ليش هيك رح يبقى زواجنا بالسر..
ابو سلام : شيلينا من هالموضوع..
اية : دايما هيك..كل ما بجبلك سيرة بتتهرب..رح يصرلنا خمس سنين متزوجين
كل هالئد بتخاف من ام سلام
ابو سلام : ماتحكي هيك مابخاف منها....بخاف ع زعلها
اية : كنت لاتتزوجني.
ابو سلام : هلأ هيك بتستقبليني...قلتلگ بلاه هالموضوع و بس يجي وقتو الك عليي اخدك من ايدي و عرفهن عليكي
اية : انشالله ما تطول هالقصة.
ابو سلام : انشالله لا
............
( رجعت عالبيت مكسورة الخاطر...كيف بدي واجه امي بخيانة ابي...و اذا ما قلتلها بكون عم خونا . ليه لأتركها عم تمدح فيه و تضحك بوجهو و هوو كل الوقت عم يخونا بكل دم بارد..خيانة و كذب سوا ....)
-ام سلام : شبك امي ليش هيك لونك مخطوف
-هبه : لا امي مافي شي
-ام سلام : وين الاوراق يلي ع اساس تجيبهن
هبه : انا شفت رفيئتي بس لسه ما خلصت منهن
ام سلام :..........
هبه : اه شو بدي قلك حكيتي مع بابا.عجب وين صار
ام سلام : لا بنتي ماحكيت معو بتعرفي ابوكي ع الطريق بيقفل موبايلو
هبه : انا رايحة شوف مريم
...........
(رحت ع غرفتي و قعدت صرت فكر كيف بدي خبر امي..انا مالازم اسكت..لازم امي تعرف و اذا بدها تسامحو وقتها هيي حرة بس اتركها هيك المي ماشية من تحتها لا ابدا مارح اقبل...الله يسامحك يا بابا خربت بيتنا مشان وحدة قد بناتك والله قلبي كان حاسسني و خصوصي لما ما تخلي سلام يسافر عنك...تصلا يمكن شغل برا البلد ماعندك بس مشان تتزوج وحدة قد ولادك و هايش طبيعي ولا كأنو صاير شي)
-مريم : شبك اختي مع مين عم تحكي
-هبه : انا
-مريم : لا انا صرلي ساعة واقفة قدامك
-هبه : عم فكر