#ضباب_الشر_بقلم_امل_احمد
#من_الارشيف
@rwayate
الجزء الاول+ الثاني+ الثالث+ الرابع... انتهت
(الجزء الاول)
الساعة 12 بالليل.. الشركة هدووء ..المكاتب فاضية.. الممرات ما فيها حد.. صبية باول عمرا قاعدة ع مكتب وعم تدقق ملفات..
اضاءة الممرات بلشت تطفي واحد ورا التاني.. اضاءة المكتب خفت.. تخف وتقوى ..تخف وتقوى..
ميس: شو صار ..ليه هيك الاضاءة..(اطلعت بساعتا) ..اوووه الساعة 12
لك الشركة فاضية ما فيها غيري.. يا ربي كيف مرق الوقت بلا ما حس
وقفت وبلشت تضب باغراضا لتمشي..
صوت هادي كتييير وقفااا..(ماما.. ماما.. هني يلي قتلوني يا ماما هني)
ميس: نورة امي.. نورة حبيبتي.. وينك يا امي وينك
وجعا قلبا لميس وقعدت ع مكتبا وبلشت تبكي..
ميس: يا ربي دخيلك.. تعب قلبي.. ايمت رح اتعود ع فراقا.. لك وصلت انو اتخيل صوتا.. حبيبتي يا امي ربي يصبرني ع فراقك
رجعت بذاكرتها لهداك اليوم المشؤوم.. اليوم يلي فاقت فيه ..وراحت لعند نورا لحتى تفيقا..
*****************
ميس: اففففففف شو هالريحة هاي.. لك شو هاد ضباب!!!! ليه هيك الغرفة
دخلت غرفة بنتا.. كانت الغرفة ريحتا ما بتنطاق.. وضباب اسود ع سقف الغرفة.. صابتا الرعبة وركضت ع الشبابيك لتفتحا..
فتحت شبابيك الغرفة وراحت لعند بنتا لتفيقا... بنتا نورة يلي عمرا خمس سنين..
شالت الغطا عن وشا ....ارتعبت ورجعت لورا وبلشت تصرخ: ادهمممممممم.. ادهمممممممم
كان وشا لنورة مرعب كتير.. عيونا منفخين كتير وكلن دم من جوا.. وحواليهن ازرق.. وشا كلو كدمات سودا.. وجسما كلو جروح والدم مغرقا..
اجا ادهم لعندا ركض...
ادهم: شو صاير هون
رجع لورا ادهم.. ما اتحمل الريحة ولا منظر الغرفة المرعب.. رجع فات كمان مرة.. ميس كانت منهارة ومرعوبة ع الارض..
ادهم: لك شو هااااد.. شو يلي عمل فيها هيك
انهارو تنيناتن من شكلا لبنتن.. ما قدرو يصدقو انو هاي هي نورة البنت يلي متل القمر..
دقو للشرطة فورا.. اجت الشرطة والكل جن جنانو من يلي شافو..
الضابط: لك شو هاد.. وليه هيك الغرفة شكلا
ادهم: ما بنعرف ابدا.. فقنا لقينا كلشي هيك
الضابط: مين كان عندكن الليلة الماضية
ادهم: بيت حماي.. حماتي وابنا ومرتو بس
الضابط: نحنا لازم نستجوبن
ميس: ادهم .انت مشغل كاميرات البيت؟
ادهم: اي والله زكرتيني
فتح الكاميرات وبلشو كلن يتطلعو.. ادهم وميس والضابط.. كان بدن يعرفو مين يلي عمل هيك بنورة
فتحت الكاميرا.. كان باين كلشي تمام وهدوء.. بعدا بشوي الاضاءات خفت.. شي تقطع وشي تشتغل.. قطعت مرة وحدة.. لمدة دقيقة.. بعدا اشتغلت.. كان باين بالكاميرا صورة ست لابسة اسود ع كل جسما.. ومغطية راسا.. قربت لعند نورا وحكت معا.. بس طبعا الصوت مانو طالع بالكاميرا.. وقفت فوق راسا لنورة شي دقيقة او اكتر.. ومن بعدا حطت ايدا ع قلبا لنورة وبلش الضباب يعبي الغرفة.. وكانت نورة عم تتعذب وتقاوم.. وبعدا هديت مرة وحدة..
هاد كلشي شافو بالكاميرا... وبعد شي شهر من التحقيقات اتقفل المحضر ضد مجهول لانو ما بين معن شي غير يلي شافو بالكاميرا)
(الجزء الثاني)
واليوم مضى ع هالقصة 6 شهور.. ووجع قلبا لميس لسا ما طاب..
تمالكت اعصابا ميس ومسحت دموعا وتنهدت ووقفت.. كملت ضب غراضا وطلعت من المكتب..
ضو الممر كان خافت كتير ..وبلش يطفي ضو ضو.. اطلعت ملك حولا ودب الخوف بقلبا.. صارت تمشي مشية سريعة.. بس في شي خلاها توقف ..بنتا نورة.. كانت باخر الممر وفاتحة اديها وعم تبكي وتنادي: مامااا.. مامااا قتلوني هني يا ماما
ميس: نورة امي حبيبتي نورة
وركضت لعند بنتا لضما.. ووقت قربت عليها .شافتا بالهيئة يلي كانت عليها يوم ماتت.. وجه كلو جروح وكدمات وعيون كلن دم وزراق حوليهن وريحة بشعة كتير.. وضباب اسود بكل المرر
ومع هيك ميس كملت لعند بنتا.. ووقت وصلتا تحولت لعجوز بشعة كتير.. شعرا كلو ابيض.. وعيونا حمر كتير وحواليهن سواد واديها كتير مجعدين..
مدت ايدا العجوز لعند ميس.. ميس ارتعبت منا وهربت.. ركضت بسرعة كبيرة بالممر.. وصلت الاصانصيل بدا تطلع فيه.. فتح بابو ..بلشت اضاءتو تتغير ..خافت وما ركبت فيه نزلت ركضت ع الدرج.. والاضاءة لساتا عم تقطع وتشتغل والضباب عم يلاحقا..
وصلت لاخر الدرج شافت العجوز مرة تانية.. لحقتا العجوز وبدا تمسكا.. قعدت ع الارض من خوفا وضمت اجريها ع راسا وصارت تنادي باعلى صوتا... نوراااااا.. واغمي عليها..
فاقت ع صوت الحارس: مدام ميس ..مدام ميس
ميس: وين انا.. شو صار
الحارس: انت بغرفتي.. لا تخافي مدام.. دقيت للسيد ادهم وهو بالطريق
ميس: شو صار؟
الحارس: سمعت صوتك وانت عم تصرخي.. وكانت الشركة كلا عتمة ..اجيت لعندك ركض والضو بئيدي.. وقت وصلتك كل الاضوية شعلت وكنت انت مغمى عليكي.. حملتك وجبتك لهون ..ودقيت للسيد ادهم ليجي
ميس: بتشكرك كتير
الحارس: لا وع شو عم تتشكري.. ما عملت شي
بعد بشوي وصل ادهم..
ادهم: مسا الخير ..شو صاير
ركضت ميس لعندو ضمتو وصارت تبكي.. ضما ادهم لحضنو وهداها...
ادهم: قلتلك لا تهلكي حالك بالشغل.. بس انت ما بتسمعي الكلمة

#ام_على_قلوب_اقفالها_بقلم_امل_احمد
#من_الارشيف
Telegram:@rwayate
الفصل الاول
محمد..لك يا بنت الكلب لك هالحكي علي وع اهلي. لك رح كسر عضامك رح اطلع بروحك 👊 👊 لك يا...
لمى..لك خلص لك حاج الله يكسر ايدك يا محمد لك الله ياخدك خلص بكفي بكفييي
محمد..سمعي ولي لمي غراضك رح اخدك لبيت اهلك ما الك عندي مطرح بسرعة بسرررعة
لمى..مااا رح اطلع من هون مااا رح روح
محمد.. لك لا تخليني انبلى فيكي مووو بكيفك بسرعة لمي تيابك خلصيييي
أنا لمى مدرسة انجليزي صبية حلوة عيوني بيسحرو (متل ما كان محمد يحكيلي )..وشعري خروبي طويل ووشي هادي وطفولي ..الدكتور محمد زوجي شب حلوو طويل وعيونو وشعرو سود..بيهتم بحالو كتير وبيدرب كمال اجسام 💪
وعيت ع هالدنيا ما الي غير دراستي وكنت ع طول متفوقة.. قدمت البكالوريا ونجحت فيها بامتياز.. ومن بعدا ع طول انخطبت من محمد زوجي.. ومن لما تمت خطبتي حكمت ع حالي بالشقا والتعتير..اهلو لمحمد ناس متسلطين كتير ربو ولادهن انهن يكونو تحت جناحهن والكلمة الاولى والاخيرة لالهم مو لولادهم وهون كانت مشكلتي مع محمد.
الفصل الثاني
Telegram:@rwayate
محمد شب بتحلم فيه ايا بنت متعلم ومثقف وحلو واكابر..لكن فعلا الكمال لله..كانت مشكلتو برضوخو الدائم لاهلو
حبيتو لمحمد كتير وتعلقت فيه بشكل جنوني عشقت كل تفاصيلو وصار هو الحياة بالنسبة لالي
خطبتنا كانت حلوة كتير بالرغم من كل المنغصات يلي كانت فيها كنا نمضيها سوا ع طلعات ومشاوير كانت حياتنا كلا هبل ومزح الضحكة ما كانت تفارقنا ابدا ع طول ضحك وهبل وكأنو لساتنا ولاد صغار ما كنا نخلي نكتة ولا نهفة الا ونعملا.. روحنا كانت طفولية وبريئة
محمد..ليك لمى لك هدول شكلن خطاب متلنا
لمى..ئي صح باينتن خطاب 😍
محمد..لك طب ليه هيك عابسين ليه ما عم يضحكو متلنا 😂لك باين شروشنا طقو من هالخطبة
لمى... 😂 😂 😂والله هيك باينتو حبيبي. لانو ما عم شوف خطاب عم يضحكو متلنا
محمد..لك لمى حبيبي هلأ ليه كل ما عم اطلع بعيونك بحس قلبي رح يوقف 😍
لمى.. 🙈 🙈 🙈 🙈
محمد..دخيلو يلي عم يخجل بتعرفي انت كلشي فيكي بجنن وبكل حالاتك بتجنني ..انا عم دوب لمى عم مووت
لمى..بعيد الشر عنك 😍
محمد..لا ولووووو لك والله رح تموتيني بحركاتك ونظرات عيونك
لمى..محمد انا عم قول خلينا نمشي من هون 😂
محمد... 😂 😂 😂 😂 😂 😂
هيك كانت حياتنا كلا حب ودلع وغزل وهبل ومجننة وضحك
بس مشاكل اهلو لمحمد ما كانت تخلص كانو يعملولي مشاكل ع اتفه الاسباب وحتى من غير اسباب لدرجة كنت بس شوفو لعمي ابو محمد يقفل قلبي.. مضينا خطبتنا ع هالحال ومشت الايام فيها بالزور واجى اليوم الي رح يجمعني بحبيبي محمد وتزوجنا ومرق العرس كمان بالزور وكان كلو مشاكل ومنغصات.
الفصل الثالث
Telegram:@rwayate
فتنا ع بيتنا وتسكر الباب علينا كنت حاسة حالي فراشة وطايرة بالسما من فرحتي. قرب علي محمد وباسني من جبيني وحط ايدو ع راسي وقرالي دعاء حلو كثير ودعا ربنا بانو يوفقنا بحياتنا دمعو عيوني وهو عم يدعي وتمنيت من كل قلبي باني كون زوجة صالحة لمحمد... فتت ع الحمام وتحممت وصلينا انا ومحمد ركعتين شكر لربنا..ومشت ليلتنا متل اي تنين متزوجين وبحبو بعض..كان انسان حنون وفهمان بكل معنى الكلمة وزاد حبي الو اضعاف اضعاف..
وهون بلشت المرحلة التانية بحياتي مع محمد وبلش نق اهلو الي ما بخلص وطلباتهم يلي بتوجع القلب
حماتي..لك لمى فيقي فيقي الساعة صارت 8فيقي شو هالنووم هاد ..قومي اعملي كاسة شاي لعمك قومي عملي فطور قومي بلا كسل يالله
لمى..حاضر
كنت كل يوم فيق ع هالموشح من حماتي..كرهت حالي من نقهم ومن اسلوبهم المستفز كان كل حكيهم متل السم كان بس هدفهم يضلو يجرحو فيي وكانهم كانو عم ينتقمو مني.. وحرموني زيارة اهلي غير معهم.. كانت حياتي لا تمت للانسانية بشئ كنت متل الحيوانة عايشة معهم ع شغل طول النهار والليل من شطف لتنضيف لغسيل لطبيخ لضيافة وما كان مسموحلي فوت بيتي غير باخر الليل..كنت فوتو بس لحتى نام وكل هاد ما كان عاجبهم وع طول يسمعو حكي كانت حياتي كئيبة بكل معنى الكلمة..بيتي كان يضل اسبوع ما اشتغل فيه شي لانو ما كنت افضالو وكنت بس فوتو باخر الليل يكون جسمي مهدود ومالي خلق انضف او اعمل شي.. مرت اول فترة وبعدا نزلت مواد جديدة للجامعة وبلشت الهي حالي شوي بدراستي ع امل اتنفس شوي من الضغط يلي كان علي ..كملت دراستي وتخرجت وخلفت ولد وبنت ولسا حياتي متل ما هي ..ما كان في شي يواسيني فيها غير محمد يلي كان شايف ظلم اهلو الي ومانو قدران يحكي ولا يمنعهم..انا من حبي لمحمد ما كنت اشكيلو شي لاني عارفة بانو ما رح يطلع بئيدو شي ..كنت بس انخنق منهم حط راسي ع كتفو لمحمد وانسى كل مشاكلي وهمومي..حضنو كان ملجئي الوحيد وقت تسود الدنيا بوجهي.. كل همهن كان بانهم يبينولي قديش انا فاشلة اقنعوني باني زوجة فاشلة وكنة فاشلة كانو عم يهدو شخصيتي شوي شوي

#ملائكة_الارض_بقلم_امل_احمد
#قصة_واقعية
#من_الارشيف
@rwayate
(الجزء الاول)
بيت كبير.. هادي كتير.. صالة كبيرة مزينة ورود بكل ركن منا ..مطبخ مرتب وريحة النضافة طالعة منو.. غرفة نوم حلوة كتير ..جنب التخت باقة ورد طبيعي ..وفوق هالتخت صبية باول عمرا عم تبكي.. بكا وجع وتعب من هموم كبيرة ع قلبا..
ماهر: اووووووف.. لك خلص حبي ..ما حلك ترضي بنصيبنا.. خلص قتنعي بيلي ربنا كتبو ..هاي انا جنبك ما بكفيكي
ندى: (تبكي) ليه انا من بين كل هالناس ..ليه انا.. لك شوف كلن عندن ولاد.. ليه انا لا
ماهر: استغفر الله.. لك شو هالحكي هاد.. ما بصير يا عمري.. حرام
ندى: والله مشتهية ضم ولد لحضني وشم ريحتو ..الريحة يلي ممزوجة بريحتك وريحتي.. مشتهية شي ولد يقلي امي.. تعبت من هالحال والله
ماهر: يعني انا يلي مو حابب.. بس هاد قدرنا.. هاي سبع سنين ..مو سنة او سنتين.. بكفي تعب ادوية ودكاترة
ماهر وندى.. تنين بحبو بعض او بعشقو بعض.. حبن مميز كتير.. حياتن كلا فرح وضحك وما بيعرفو الزعل ابدا.. تزوجو من سبع سنين.. وسبحانو الله مو كاتبلن يكون عندن ولاد..
ماهر مخبي غصتو بقلبو.. لحتى ما يزيدا ع ندى.. بس ندى مانا قدرانة.. كل يوم والتاني جروحا بتنفتح وبتبلش تبكي من غصة قلبا المخبايي
ندى: بترجاك ماهر تعا معي بس هالمرة هاي.. بترجاك
ماهر: لك معدتي ما عادت تتحمل ادوية.. لك قرفتن.. بعد سبع سنين رح تزبط.. خلص انسي انسي هالموضوع واستسلمي لقدرك
ندى: (تبكي) لك حرام حرام.. ما بصير تعمل فيني هيك ..حرام
ماهر: (معصب) لك شو هو يلي حرام شووووووو.. لك ما تركت دكتور ولا دكتورة يعتبو علي.. من دكتور لدكتور ومن عيادة لعيادة ومن دوا لدوا.. لك كل يلي بطالعو من شغلي بروح ع الادوية ..ولسا بتقولي حرام.. لك انا ع طول عم حاول داريكي .. وما بحب بينلك يلي بقلبي.. فلا تزيديها علي ندى لا تزيديها
طلع ماهر من البيت وسكر الباب بعصبية..
ندى: يا رب.. ما بقيلي غيرك يساعدني ..يا رب
كانت كل مشاكلن بسبب هالموضوع هاد.. قلبت حياتن مناقرات ع طول بسبب الدكاترة والعلاجات... نفسيتن كانت ع طول تعبانة.. مانن قدرانين ينسو الموضوع ...
*بالمسا*
ماهر: مسا الخير
ندى: مسا النور حبيبي.. ممممممم
فتح ماهر الخزانة وعم يطلع بجامتو ليلبسا.. اجت ندى من وراه ولفتو من خصرو..
ندى: لساتك زعلان مني
برم حالو ماهر عليها وضما بكل حب..
ماهر: معقول ازعل من روحي ودنيتي
ندى: ربي ما يحرمني منك
ماهر: رح بدل تيابي.. بتكوني جهزتي سهرة ع كيفك وجهزتي شي فلم رعب نحضرو ..
ندى: ههههههه حاضر حبي

#ليلة_شؤم_بقلم_امل_احمد
#من_الارشيف

(الجزء الاول)
@rwayate
السيارة عم تمشي باقصا سرعة ع الشارع العام.. جواتا شب باول عمرو.. الغضب والقهر باين بعيونو.. عم يسوق ويضرب بئيدو ع مقود السيارة... وبعد بشوي فتلت السيارة فيه وقلبت....

رهف: يا ربي شو رح يصير هلأ.. شو رح يعمل.. لك الله يلعنك يا قيس الله يلعنك..

دق تلفونا لرهف...

رهف: الوو.. مين معي.. اي انا.. علاء.. شبو ..شوووووو.. بايا مشفى.. جايي فورا

سكرت الخط واخدت مفاتيح سيارتا وطلعت ...

رهف: الوو... قيس.. علاء عمل حادث.. والله ازا صرلو شي لابعتك لجهنم بئديي..

سكرت الخط بعصبية وكملت طريقا ع المشفى.. وصلت المشفا ودخلت متل المجنونة...

رهف: مرحبا.. مريض اسمو علاء الحمصي بايا غرفة

الريسبشن: بالعناية المكثفة حبيبتي

راحت ركض وهي متدايقة ودموعا ع خدودا..

رهف: انا السبب.. يا ربي حميه يا ربي حميه.. مرحبا دكتور ..كيفو علاء

الدكتور: مين حضرتك

رهف: انا خطيبتو

الدكتور: والله وضعو صعب كتير.. الضربة ع راسو ..دعيلو

ما قدرت توقف ع اجريها.. قعدت ع المقعد يلي باب الغرفة وغطت عيونا ودموعا عم يهرو ع خدودا..
مسكت تلفونا ودقت ع حماتها...

رهف: مرحبا مرت عمو

حماتها: اهلا حبيبة البي.. كيفك

رهف:..........(تبكي)

حماتها: خير يا بنتي ..شبك

رهف: مرت عمو علاء بالمشفى

حماتها: شووووووووو.. شبو ليه بالمشفى وبايا مشفى

رهف: هو بمشفى......... صار معو حادث

حماتها: يا ربي لطفك.. ليكني جايي يا عمري

دق تلفونا لرهف...

رهف: والله لانهيك ..والله لامحيك عن وجه الدنيي.. لا عاد تدقلي

قيس: رهف صبري شوي

رهف: لك ليه هيك عملت ..ليييه.. علاء بين الحياة والموت بسببك

قيس: بايا مشفى انت

رهف: ماااااااا دخلك.. ما بدي شوفك ابدا

فصلت الخط بوشو بعصبية..

رهف: لك الله يلعنك

بعد بشي نص ساعة...

حماتها: رهف.. وينو علاء فهميني كيف هيك صار

ضمتا لحماتها وهي عم تبكي...

رهف: هو بالعناية المكثفة هلا.. دعيلو

قعدت حماتها ع المقعد وهي مانا قدرانة توقف..

حماتها: يا ربي سلم يا ربي سلم

رهف بنت حلوة من عيلة اكابر ..وعلاء هو وحيد امو الارملة وكمان من عيلة اكابر ..وبكون خطيبها لرهف.. وقيس رفيقن

وضع علاء كتير صعب.. حتاج لوحدات دم كتير.. مضا طول الليل وهو بالعناية.. والدكاترة ملبكين فيه..

ابو رهف: مسا الخير

ركضت رهف لعند بيا وضمتو وهي عم تبكي

رهف: علاء يا بابا علاء

ابو رهف: طولي بالك يا بنتي.. ليه ما خبرتيني

رهف: تلبكت كتير وما عرفت شو بدي اعمل

طلع الدكتور من الغرفة..

الدكتور: وضعو استقر الحمد لله

ام علاء: الحمد لله.. الحمد لله(تبكي)

رهف ضمتا لحماتها ..

رهف: يااا رب

الدكتور: هلا ما بدي انزعلكن فرحتكن.. بس ضروري تعرفو انو يمكن يكون عندو اما شلل او فقدان ذاكرة.. بس ليصحا وبنتاكد

رهف: يا ربي دخيلك يا الله

#ويبقى_الأمل_بقلم_أمل_أحمد
#من_الارشيف
الفصل الاول
@rwayate
كتيرة القصص والحكايا يلي عم تحكي عن قدر الالم والمعاناة بموت الام وصدق يلي قال(ماتت امي ومات معها كل شيئ).. ومع هيك بضل الامل عايش فينا بانو نحيا حياة حلوة
انا سحر شعري اشقر وطويل.وعيوني بلون السما ماتت امي وانا عمري سنتين..ربيت بلا ام وحتى ما بتذكرها ابدا لامي وما بعرف شو يعني ام.. شخصيتي محبوبة بين الناس و مميزة ع طول ويلي زاد هالتميز هو تفوقي الدائم بالمدرسة.. كنت اهرب من حياتي المتعبة بدراستي..ربيت مع مرت اب ظالمة.ابي كان ع طول بشغلو ومانو فاضي ابدا للبيت ومرتو لابي تجبرت فيني..كانت حياتي معها سيئة جدا من ضرب لاهانة لعقاب..وما كان فيني احك لبابا خوف منها ومن ضربها
مشت الايام والسنين وحالي معا من سيئ لاسوا وانا كل ما حس حالي ما عاد فيني اتحملها اهرب ع غرفتي وبلش ادرس كانت الدراسة بالنسبة الي راحة كبيرة. لكن حتى هاي ما خلتني اتهنا فيها. كانت كل ما تشوف كتاب بئيدي يجن جنانها وما بدا ادرس او اتعلم بس بدا ضلني اخدما ولبي طلباتا وهي من جارة لجارة ومن مكان لمكان. حتى بابا ما كان بيعرف لوين بتروح.
اميرة..سحر لك يقصف عمرك وينك ويييييييينك
سحر..ئي خالتي جايي جاييي
اميرة..لك وينك شو عم تعملي وليي
سحر..والله عم ادرس خالتي عندي بكرة فحص
اميرة..تدرسي!!ئي مشي معي ع المطبخ ما في دراسة انا ماني مجبورة اطبخلك. ع المطبخ ركض
سحر..خالتي الله يخليكي والله هالفحص صعب كتير وانا هلأ لحتى فضيت ادرسلو. ليك شوفي انا اشتغلت كل البيت وجليت وما في شي غير الطبخ. دخيلك خليني ادرس
اميرة..اسمعي سحر فوتي ع المطبخ بلا ما خلي الشحاطة تعلم ع جسمك بسرعة ولي
سحر..حاضر خالتي
كانت الحياة معا لا تطاق ابدا وكلا ضغط نفسي وقهر وتعب
وبيوم اجت لعندي ع الغرفة وبغير عادتا عم تضحك وتحكي معي بهداوة
اميرة..سحر حبيبتي انت بنت حلوة كتير وانا بعتبرك متل بنتي يلي ربي حرمني اياها وما بردلك غير كل خير
سحر........ضليت ساكتة وانا متفاجئة بهالحكي يلي لاول مرة بسمعو منها
اميرة..سمعي سحر انا بدي مصلحتك.في عريس متقدملك.رح يعيشك ست الستات وينسيكي كل همك رح تعيشي معو ملكة.شب والو املاك ما بتاكلا النيران
سحر..بس خالتي انا لساتني صغيرة وما بدي اتزوج
اميرة..شو هالحكي هاد انت صرتي صبية والعين عليكي وهالشب ما بيتعوض
سحر..لا خالتي بعد بكير علي ما بدي اتزوح
اميرة.. 😠سمعي ولي فصعونة هالشب رح تتزوجي وبس يسالك ابوكي يا ويلك اذا بترفضي الا اشرب من دمك وما خليكي تتهني يوم واحد بحياتك
سحر.. 😢 😢 😢
اميرة..بكرة الشب رح ييجي مع اهلو ويا ويلك ان ما سمعتي كلمتي
ضليت طول الليل وانا عم ابكي واندب حظي كنت مشتاقة كتير لامي. مشتاقة احكيلا شو يلي عم يصير فيني.حسيت حالي رح موت من قهري ومن ضعفي.
تاني يوم ما خلتني اشتغل شي بالبيت
اميرة..حبيبتي انت اليوم عروس روحي لغرفتك ارتاحي وشوفي الفستان يلي جبتلك اياه رح يطلع يجنن عليكي المسا بتلبسي وبتجهزي حالك
سحر.. 😔 😔 😔
المسا تحممت ولبست الفستان يلي جابتلي اياه..كان فستان زهر ومورد باحمر وقصير لعند الركبة..رفعت شعري وحطيت مكياج خفيف وقعدت استنا لوقت ما سمعت صواتن اجو
اميرة..ما شاء الله لك شو هالحلا يا مقصوفة بتاخدي العقل انا جهزتلك القهوة روحي ع المطبخ صبيها بالفناجين وتعي
سحر..حاضر
صبيت القهوة واخدتا وطلعت كانت مرة كبيرة بالعمر شوي قاعدة وحدا وحدة صبية بتشبها شكلا بنتا وكان الشب قاعد قبالن .فتت وضيفت القهوة
ام عمر..ما شاء الله تبارك الرحمن.الله يحميكي يا بنتي ربي يحرسك من العين
كان ابنها عمر شب حلو اسمر وطويل وعيونو وساع وسود وشعرو ساحل ومرجعو لورا ..كانت رتابتو ملفتة..ضلو ساكت طول الجلسة وما حكا ولا كلمة
وبعد ما راحو اجا بابا عندي ع غرفتي
بابا..شو يا روحي..كيف شفتي الجماعة ان شاء الله عجبوكي
سحر.......
بابا..سحر حبيبتي انت بتعرفي انا مالي غيرك وانت وحيدتي يعني انا ما رح اجبرك ع شي اذا مانك موافقة بلا منا لهالجازة.بس الشب كامل مكمل شفتي شب حلو ودارس وعندو بيت لحالو مجهز وما ناقصو شي غير الاملاك والاراضي يلي باسمو.. فكري يا بنتي وخذي راحتك
حضنتو لبابا وصرت ابكي بحضنو كان نفسي خبرو بكل شي عم تعملو مرتو.بس ما قدرت خفت كتير منا
مضيت طول الليل وانا عم فكر وانا عارفة بانو ما الي خيار تاني غير اني وافق..بلشت اقنع حالي بهالجازة وع امل تكون مهرب من حياتي مع مرت ابي وظلما.
وهيك تاني نهار حكيت لبابا باني موافقة ع عمر واميرة طار عقلا من الفرح وكانها هي يلي رح تخطب مو انا..تمت خطبتي من عمر. خطبنا شهرين ما شفتو فيهم غير مرتين مرة منن بابا عزمو ع الغدا ومرة تانية اجا معي ع السوق لحتى نجهز للعرس. ومن بعدا ما شفتو غير يوم عرسنا يلي الكل حكا فيه ع قد ما كنت طالعة حلوة فيه. مشى العرس وفتنا بيتنا
عمر..مبروك يا عروس فوتي تحممي لحتا جهز العشا
تحممت ولبست قميص نوم عرسي وطلعت لعند عمر .اول ما شافني تلبك ووشو صار احمر وبعد عيونو عني

#زوجته_الثانية_بقلم_امل_احمد
#قصة_واقعية
#من_الارشيف
@rwayate
الجزء الاول+ الثاني+الثالث..... انتهت
(الفصل الاول)
ماما: لك رح تعيش ملكة معو
مروان: اي امي بس هو متزوج
ماما: اي وين المشكلة..وكمان هو حيطلقا
مروان: لك يا امي ما حيطلقا وفرضا بانو طلقا لك عندو منا ولد وبنت وسهى حتنبلى فيهن
ماما: كلن ولدين منا قصة ..وكمان امو اكيد حتساعدا.. ها ليكا اجت سهى
سهى: مرحبا. كيفكن. صاير شي .. اخي ليه هيك وشك شو في
ماما: تعي تعي لاحكيلك
(انا سهى بنت متوسطة الجمال من عيلة ع قد حالا ..ابي متوفي من سنين وامي ست كبيرة بالعمر وصحتا تعبانة واخي مروان هو اخي الوحيد ورفيقي وروحي)
سهى: خير امي شو صاير
ماما: لك يا ضرسانة اجاكي عريس بعمرك ما كنت رح تحلمي فيه
سهى: جد امي
ماما: لك اييييي شب وبيجننن ومن عيلة قد حالا
سهى: اي الحمد لله وهيك بتخلصي مني امي ههههههه
ماما: هههههههههه..تؤبري البي
مروان: اي امي كمليلا عن مواصفاتو لهالرجال
سهى: ما بدي اسمع اكتر اخي ..يلي سمعتو بكفيني😊
مروان: لا اختي ما بكفي.. الشب متزوج وعندو ولد وبنت
سهى: 😔😔شو عم تحكو.. @قصشغشفث لك اااخ لك ليه هيك حضي انا ليه
ماما: لك استني بلا ما تبلشي ندب.. الشب في مشاكل بينو وبين مرتو وبدو يطلقا وولادو امو حتربيهن
مروان: لك اختي انت ع شو مستعجلة.. لك لسا ما كملتي 19 سنة.. لساتك صغيرة وحلوة ومنا مستعجلين عليكي
ماما: اي لاااا انا مستعجلة ..انا مستحيل ضيع ع بنتي هيك فرصة
مروان: لك يا امي....
ماما: هششششش خلصنا.. انا عطيتهن موعد بكرة المسا وقول ان شاء الله تعجبن اختك
مروان: وليه ما رح تعجبن ..ما حيلاقو متلا ولو لفو الدنيي كلا
سهى: لك ربي يسعدك ويخليلي اياك
باسم شب باول عمرو متزوج من خمس سنين ..حياتو كلا كانت مشاكل مع مرتو.. وصلت بيناتن للمحاكم.. وعندو منا ولد وبنت..
اجا تاني نهار واجا وقت جيتن لعنا.. جهزت حالي وامي كانت طاااايرة من الفرح
ماما: ان شاء الله يوافقو عليكي وتكوني من نصيبو يا بنتي
سهى: امي والله قلبي مقبوض وخايفة
ماما: عادي يا روحي كل عروس هيك بتكون بيوم خطبتا
ندق الباب وفتحلن اخي مروان
@rwayate
مروان: اهلا وسهلا تفضلو
باسم: يزبد فضلك
دخلن مروان واستقبلتن امي ..واجت لعندي ركض..
ماما: ييييي شو حلووو.. لك بجنن طول ودقن وشبوبية😍.. جهزي القهوة وتعي ما تطولي هاا
سهى: حاضر امي
جهزت القهوة وطلعت لعندن.. كانت ست كبيرة شوي بالعمر بس العز والجاه باين عليها.. كتير مرتبة وحكيا موزون.. ومعا بنتا يلي كانت متلا ..بنت عز وجاه.. وباسم يلي التعب باين عليه
ضيفت القهوة وقعدت مقابيلن...
ماما: والله قبل تحكو فيها بيوم كنت عم ادعيلا ربنا يبعت نصيبا وهاي ربنا استجاب الحمد لله.. والله قلتلا متل هالشب والجماعة ما رح تلاقي
انا خجلت كتير من حكي امي وعشوي كنت رح ابكي
حماتي: اي ان شاء الله تكون من نصيبنا
@rwayate
كنت قاعدة معن وحاسة بغصة بقلبي... يمكن حكي امي وتصرفاتا معن هي السبب.. كانت ع شوي ح تقلي لبسي وروحي معن...
بعد بيومين من جيتن لعنا اتصل باسم باخي مروان..
مروان: اهلين يا هلا.. ونحنا بالاكتر والله.. ان شاء الله.. اهلا وسهلا
سكر مروان التلفون وقعد ع الكرسي وبانت عليه علامات الانزعاج...
ماما: خير يامو.. شو في.. مين يلي اتصل
مروان: هاد باسم.. بدن ييجو لعنا المسا لحتى نتفق ع كلشي
ماما: الحمد لله يا ربي
مروان: لك والله حتجننيني امي والله.. لك شو يلي عاجبك فيهن يا امي.. والله قلبي واجعني ع سهى
ماما: اوعااا تحكي قداما هالشي.. اختك فرحانة وبكرة من ورا حكيك بتخرب كلشي
مروان: والله ماني مطمن يا امي
ماما: توكل ع الله يا ابني.. لك بدي اطمن ع اختك قبل ما موت.. بدي امن عليها مع رجال يحميها ويصونها
مروان:...................
رجعت يوما من مدرستي استقبلتني امي وهي طايرة من فرحتا..
ماما: يا روحي يا سهى.. الحمد لله ربنا استجاب لدعواتي... باسم واهلو جايين الليلة ليتفقو مع خيك ع كلشي
سهى: بهالسرعة امي
ماما: لك ايا سرعة هي.. والله هاليومين حسيتون عن سنة كاملة.. ربي يسر امورك يا بنتي ويهنيكي
سهى: امين ويخليلي ياكي يا امي

#معشوقتي_المسخ_بقلم_امل_احمد
#من_الارشيف
@rwayate
(الجزء الاول)

انا قيس..عمري 24 سنة.. حياتي كلا معقدة.. ابي وامي مطلقين.. وتنيناتن متزوجين.. وعيت ع هالشي.. يلي سببلي عقدة نفسية بحياتي...اغلب الايام بقضي النهار مع رفقاتي وبنام عندن كمان..

ما بحب الخلطة بالناس كتير.. من يوم تركتني حبيبتي كرهت الناس كلا.. ومن شهر وانا ليلة ليلة عم اسهر ع شط البحر.. وببقى لوقت الفجر

قيس: سوسن انت عم تحكي جد

سوسن: طبعا جد.. هالموضوع ما في مزح

قيس: وليييه.. ليه بدك تتركيني.. لك شو عملت انا
@rwayate
سوسن: قيس حبيبي.. انت ما في منك.. وانا لساتني بحبك بس ما فيني ابقى ناطرتك.. نحنا سوا من سنة ولسا ما انجزت شي

قيس: لك انا عم اشتغل وربي عم اشتغل بس انت لا تتسرعي وتعملي هيك

سوسن: اسفة ما فيني انطر اكتر.. تقدملي دكتور وعندو بيت وسيارة ما فيني ارفضو وضيع ع حالي هيك فرصة

قيس: هيك لكن.. اي الله معك

تركتها ومشيت ..مشيت والدموع بعيوني.. سوسن كانت الشي الوحيد بحياتي الحلو

كنت كل ما حس بانو الحياة داقت علي احكي معا او روح لعندا.. بس هي تركتني.. متلن كلن

وبليلة كنت قاعد ع الشط وعم فكر بسوسن واتزكر بايامي معا.. وبلحظاتنا الحلوة سوا.. طلع من نص البحر نور ..نور كبيييير.. وبعدا سمعت صوت ولا احلا ولا اجمل من هيك صوت..
@rwayate
فلتسهر العيون.. ولتذرف الدموع.. فليصمت الجميع.. وليسمع ما اقول...
انا التي كنت ملاكة القلوب.. انا التي كنت اميرة الاحلام.. انا التي كنت وكنت وكنت...
وانا التي اخترت الجحيم...من اجل العشق الذي لا يكون.. ايا معجزات السماء اقتربي.. ايا معجزات الكون انقذي القلب المكسور..

وقفت لشوف لمين هالصوت ..وشو سر النور..بس فجأة وحدة كلشي اختفى...

بقيت هيك ليلة ليلة لمدة شهر كامل.. كل يوم وبنفس الموعد هالنور يطلع وبعدو الصوت.. وفجاة وحدة يختفي...

تعلقت بهالشي المجهول.. وعشقت هالصوت يلي ما بعرف صاحبتو.. صرت روح ع الشط بس لاسمع هالصوت.. و كنت ارتاح كتير وقت بسمعو

وبيوم قررت انو بدي اعرف لمين هالصوت يلي بيدخل القلب من غير استئذان..
رحت للبحر قبل الموعد بنص ساعة وركبت قارب ورحت لمكان ما النور بيطلع ووقفت بالقارب ..
@rwayate
بعد بشي خمس دقايق.. الموج بلش يتحرك حدي .. وشفت نور من تحت المي.. وشوي شوي طلع لفوق..

كان النور بعيوني وما قدرت شوف صاحبة الصوت.. غنت نفس الغنية وبعدا اختفت متل كل يوم..

بس انا ما يئست رجعت تاني نهار كمان قبل نص ساعة وركبت القارب ورحت لنفس المكان.. وكمان طلعت وغنت وما شفتا لانو النور بعيوني.. كل يوم عن يوم كان عشقي لهالمخلوق يزيد ..وكان تعلقي بهالصوت يزيد.. كنت طول النهار ضل فكر فيه وانطر بالدقيقة وقت طلوع هالصوت..

بقيت ع هالحالة اسبوع كامل..

#شتاء_مظلم_بقلم_امل_احمد
#من_الارشيف
Telegram:@rwayate
(الجزء الاول)
رح بلشلكن بالتعريف عن حالي.. انا اية وقت بداية قصتي كان عمري 14 سنة.. نحنا عيلة كبيرة كتير.. ستي بتحب لمتنا كتير.. ونحنا تقريبا كل يوم بنلتم عندا ..كل عمومي وولادن..
فادي ابن عمي ..شب مميز من كل النواحي.. كتير بتعجبني ركازتو..
بداية حبنا انا وفادي كان حب طفولي.. من وحنا صغار كنا ع طول سوا.. لعبنا سوا وقعدتنا سوا.. ع طول كان يشتريلي اشيا زاكية والكل يسال انو ليه بس لالي وكان يقلن هي حبيبتي ولا حد يدخل..
كبرنا وبعدنا عن بعض.. صار حبنا بالسر مخبى بقلوبنا.. نظرات عيونا بجمعاتنا كانت تفضحنا.. ما كان بئيدي ابدا.. كل ما كنت شوفو او اسمع صوتو دقات قلبي تزيد وتعلا وحرارة جسمي ترتفع..
ليالي قضيتا بالبكي والعذاب من شوقي لالو.. شوقي لاحكي معو شي كلمة.. وقلو قديش بحبو..
ستي حست علينا انو نحنا لسا بنحب بعض..
ستي: امجد.. انت شو عم تستنا... انا بدي جوز هالولاد وريح بالن وبالي
امجد: ايا ولاد امي
ستي: عم تجدبا.. يعني مو ملاحظ ع بنتك انو بدا ابن عما؟
امجد: عم تحكي جد امي.. لا والله مو ملاحظ
ستي: اليوم المسا جمع العيلة كلا.. بدنا نقرأ فاتحتن
امجد: تكرمي امي
انا وفادي ما كنا عرفانين بشي.. تجمعت كل العيلة ...
ستي: فادي
انا مجرد ما سمعت اسمو دق قلبي مدري كيف
فادي: اي ستي
ستي: تعا لعندي.. اية تعي بنتي
انا انصدمت.. انو انا.. وفادي.. سوا.. حدا لستي.. وشي صار احمررر وحرارتي ارتفعت وقلبي ع شوي رح يوقف
ستي: لك شبك جمدتي
اية: س...س...ستي انااااا
ستي: لك شو انت.. تعي لعندي
Telegram:@rwayate
فادي ع شوي كان بدو يفرط ضحك.. كان كاتم ضحكتو وما بدو يخجلني..
رحت لعندا لستي.. اجر تقدم واجر تاخر..
مسكت ستي ايدي.. والايد التانية مسكت فادي...
ستي: هدول التنين الزعران بيحبو بعض.. وكلنا بنعرف هالشي من صغرن.. وانا اليوم بدي اجمع قلوبن وريحن من وجع القلب.. من هاليوم فادي واية لبعض..
وحطت ايدي بئيد فادي..
مدري شو صار فيني.. كهربا او نار او مدري شو ..
فادي مسكا لايدي وضغط عليها بقوة.. وانا بلشت بكي..
ستي: لك لشو بتبكي يا روح ستك.. ازا ما بدك ياه خلص بلاها.. تروك ايدا ستي تروك
اية: لا لا ستي.. عم ابكي من فرحتي
الكل صار يضحك من قلبو ....
ستي: يالا قومو وقعدو حد بعض بدي اتهنى بشوفتكن سوا..
بوستا لستي : ربي يخليلي اياكي وما يحرمني منك
ستي: ربي يسعدكن.. من اليوم انتو مسؤولية بعض.. اوعكن تزعلو بعض بزعل منكن
فادي: ولا يهمك ستي.. اية بعيوني التنتين (شد ع ايدي)
هاي كانت بداية قصتي مع فادي حبيب قلبي وروحي
(الجزء الثاني)
Telegram:@rwayate
استمرت خطبتنا سنة كاملة.. جهز فادي البيت يلي رح نسكن فيه..
فادي: اية ماني مصدق ايمت رح نجتمع سوا
اية: وانا يا روحي.. شد شوي بشغلك لحتى نخلص
فادي: لك والله والله لو بئيدي لاشتغل 24ساعة بس لخلص البيت وتزوج
اية: والله بعرف يا روحي.. ربي يخليلي اياك
مسك ايدي وحطا ع وشو..
فادي: اااخ شو بحبك.. كلشي فيكي بيجنن ..نعومتك ريحتك كلك ع بعضك بتجنني
سحبت ايدي بخجل ..
فادي: حبي..لك لسا بتخجلي مني
اية: فااادي
فادي: لك يا عيونو لفادي.. لك اسمي طالع غير شكل من هالشفاف الحلوة.. تسلمي لالبي يا البي
كانت خطبتنا حلوة كتير.. عشنا فيها لحظات كتيير حلوة
واجا يوم زواجنا..
اية: لك قلبي بدو يوقف
هديل: اختيييي.. لك شبك.. هدي شوي حبي.. لشو الخوف
اية: ما بعرف.. بس حاسة اعصابي تلفت من الخوف
هديل: لا تخافي حبي.. لك ما حدا قدك.. رح تاخدي الشب يلي حبيتي..ورح تجتمعو سوا
تم عرسنا يلي كان من احلا الاعراس والحفلات..
فادي: باجرك اليمين حبي
دخلنا البيت وتقفل علينا الباب .. مسك ايدي فادي وباسا وباسني من جبيني
فادي: ربي يباركلي فيكي.. ويقدرني اسعدك ..ان شاء الله كل ايامنا فرح وما نشوف الحزن ابدا
نزلو دموعي وضميتو لفادي وبكيت ع صدرو ..
فادي: يا عمري.. لشو هالبكي
رفع راسي بئيدي ومسحلي دموعي
فادي: هالدموع هاي ما بدي شوفا ابدا طول ما انا ع وش هالدنيي
اية: ربي ما يحرمني منك ويخليلي اياك
حبنا يلي بلش حب طفولي وكبر بخطبتنا رجع كبر اكتر واكتر بعد زواجنا.. كل يوم كان يمر علينا نحب بعض اكتر واكتر.. حبنا كان متل الاسطورة.. ادينا ما تفارق ادين بعض.. سوا بكلشي بحياتنا..
وهالحب الكبير تزين بولادنا.. محمد.. قصي.. انس
تلت ولاد حلو دنيتنا وكبرو حبنا اكتر واكتر...
(الجزء الثالث)
مشت الايام والسعادة غمرت حياتنا اكتر واكتر..
اية: فادي ..هلا ليه بيقولو انو بعد الزواج بيروح الحب
فادي: حبيبتي هدول بيكونو ما بحبو بعضن.. يلي بيحب من قلبو مستحيل حبو يوقف غير بموتو
حطيت راسي ع صدرو وتنهدت
اية: ربي ما يحرمني منك ومن حبك
وبيوم فجاة ومن غير مقدمات فادي تعب كتير
اية: فادي حبيبي قوم لنروح لشي دكتور
فادي: ماني حسنان اتحرك.. عمليلي زهورات ..هلأ بتحسن
عملتلو زهورات.. شربا ونام..فقت عليه بنص الليل وهو بينين من وجعو.. دقيت لعمي فورا..
اية: مرحبا عمي