ر وحمد…….

قرب كريم من امو واختو وغمرهن… وهني عم يشكرو ربن انو جميل رجع عاش…..

-كريم: اختي سامحيني ع كل الحكي اللي حكيتك ياه…

كريم مانو سيء… هوي بس طفل انحرم من طفولتو بسبب شخص اخد مكانو بسهولة… دايما كان عم يحاول يطلع للقمة كرمال يكبر بنظر بيه… بس في مين كان اسرع منو… وجميل هوي اللي وصلو لهالحالة لما كان يستخف فيه وبانجازاتو… بالوقت اللي كان كلمة ابني البطل بطلعو لسابع سما…

بعد مرور يومين……..

-الشرطي: الحمدلله عالسلامة استاذ جميل… شو جاهز تعطينا افادتك….

-جميل: الله يسلمك… اي اكيد…

-الشرطي: عنا اثباتات بتقول انو ابنك الروحي طارق غريب هوي مين دفشك عن الجبل… شو ردك ع هالشي !!

-جميل: طارق !! (حكا بنفسو: شو صار بغيابي يا ترى لحتى انلزقت القصة بطارق… اها .. نزااااار !!) …

تنهد قبل ما ينطق ويحكي…
-هالحكي كلو غلط…. انا وقعت لحالي…

ما بيقدر يتحمل وجع ضمير اكتر من هيك… لا بسبب طارق… ولا حتى بسبب بنزار… فإلى الجحيم… هوي رجع من الموت وبحاجة بس للراحة بين افراد عيلتو… ما في وقت للحقد والكراهية… والانتقام !!!

ساعات وصار طارق برا السجن……
طلع من باب السجن الكبير هوي وعم يطلع عليه… واخيرا خلص من هالمكان…. رجع اطلع قدامو ليمشي… ولقاها واقفة… وعم تبكي… قرب منها بلهفة… كان بدو يغمرها… بس في شي جواتو منعو… وشي جواتها هيي خلاها مجرد ما حستو قرب ترجع خطوة لورا…
الجزء التاسع والأخير:

-طارق: رح نحكي حديث صامت… بدي تقري اللي بعيوني وبس…

اتمعنت بعيونو كتير… ثواني ونطقت (بعرف)………… ابتسم…… رجعت ركزت بعيونو… نزلت دمعة من عيونا… مسحتا وكملت (سامحتك)……. ضحكتو العريضة ما قدر يكتما… كمل نظر اكتر بعيونا… بس هالمرة هيي ما فهمت… او ما كان بدها تفهم… كان سهل عليها تعرف انو اول ما يطلع رح يقلها ما دخلني باللي صار… وتاني شي ح يطلب السماح… لانها حافظتو عن غيب… بس التالت شو ح يكون….. معقول انو بحبها !!
برمت راسا للجهة التانية… مسكلها دقنها وبرمو لعندو… وهمس…

-طارق: طيب احكي انت… ليه عيونك زعلانة مزالك سامحتيني…

اطلع بعيونا اللي رافضة تنطق… ركز اكتر… ابتسملا لتعمل اي حركة…… توسلتو بعيونا توسل ما فهم سببو…

-طارق: شو عملتي لسامحك !!!

برمت ضهرا وركضت… لحقها… طلعت بسيارتها وطلع حدها….

-طارق: كرستين…….

-كرستين: ……………

وصلو عالبيت… طلعو لفوق… وفات قبلا… واتركزو عيونو بمكان واحد عالأرض… لقا شناتيها مجهزة…. اطلع عليها لورا لقاها عم تبكي…. سحبها لعندو… وسكر الباب………… غمرها بقوة… هوي من زمان ناطر انها تصير بحضنو بس كان في حواجز…… حط ايدو ع شعرا من ورا وكز عليها لناح صدرو… وهيي ايدها لتحت… رافضة ترفعن وتغمرو…….

-طارق: كرمال هيك طلبتي السماح… لتتركيني وتفللي…

-كرستين: هيدا اللي كان بدنا ياه نحن التنين… وهلأ ما عاد في مشكلة… حكيت بابا ووافق… واليوم رح نخرجو… وبدي ارجع…

-طارق(قاطعها وهوي شاددها لحضنو): هشش… ما تكملي….

عقدت حواجبها… حست بدوار براسا… ذكريات اقتحمت مخيلتها… صابا اعصار فظيع بذاكرتها…. وبكل قوتها دفشتو عنها مجرد ما تنشقت عطر زايد واتذكرت هداك الموقف… عرف انها اتذكرت… واتأكد انو بحياتها ما رح تنسى اللي عملو……… بعدت اد ما فيها عنو… وهيي عم تهز راسا بقوة لتطلع الذكريات الاليمة والبشعة من ذاكرتها…… #نسمات_الليل

-طارق: بحبك…………….
عمّ الضباب بمخيلتها….. راحت كل الذكريات… ركزت بعيونو… بلشو دموعا ينزلو بغزارة… وهيي بلشت تدبل شوي شوي وتنزل على ركبها… لوصلت عالارض… وهيي مصدومة… اول مرة بحياتها بتسمع منو هالكلمة…. ما قدرت تحدد شو شعورا او احساسا…… قرب منها… نزل لمستواها… حط راسو ع ركبها… وغمض عيونو… وبلش يحكي بدون اي ردة فعل منها…

-طارق: كان لازم اقعد بالسجن هالفترة لحتى اعرف اديه بتعنيني… كنت بحاجة لهالخلوة لاعترف لحالي اني بحبك… وبجنون كمان… كنت طفل صغير… ماتت امو قدام عيونو وهوي عم يركض مقابيلها ويقلها ما تمزحي معي… خلص ما عاد زعلك… وبين ليلة وضحاها ما لقيت حالي الا بميتم وما بعرف شي عن بيي… لحد ما اجا منقذ اسمو جميل واخدني معو… ورباني متل ابنو وقللي انا صرت بيك… وبعد فترة بعرف انو ابي مات… ومش ايا موتة… انتحار… (كز ع عيونو وكفتو دموعو وكمل)… بعدين ما لقيت حالي غير آلة بإيد جميل… متل ما بدو بعمل ومتل ما بدو بكون… ولما انتي جيتي عالدنيا حبيتك كتير… وحبيت كريم… حسيت اني ما عدت وحيد…… بس اصعب احساس لما شوف بيك عم يحاول يميزني عنكن بس ما تزبط معو… كنت حس بهالشي… كنت حس حالي حمل تقيل… وبس وعينا انصدمت لما بيك طلب مني اتزوجك… كانت صدمة عمري انو حتى زواجي هوي يقررو بايدو… طيب انا وين !! مالي رأي ؟ مالي وجود ؟ كيف بدي قللو لا وهوي رباني وعمل مني انسان !! كرمال هيك صرت عاملك بالقسوة… ما كان بدي خللي جميل بيك يُصدِق بحكيو انو سعادتي معك… كان بدي لمرة وحدة يُخطئ بتوقعاتو… رغم اني كنت بحبك وما بدي اعترف… ولما طلبتي نضل متل الاخوة لانك ان