#البارت (11)
#نــــســمــة
🌸🌸🌸🌸🌸🌸🌸

حرفياً لما يمرق الماضي قدامك وترجع تشوف حالك بكل تفصيلة كنت فيها

اتذكرت حالي قبل 7 او 8 سنين وشو حلمت وشو اتمنيت انو ارجع لهديك الساعات
ارجع لهداك العمر الحلو ولهديك اللمة الحلوة
مو بس اتذكرت الماضي الحلو
والبشع كمان ، واتذكرت شغلات كنت قول بعمري مابنساها بعمري مارح اتخطا هالوجع بعمرو مارح يروح واطلعت ع حالي هلق ولقيت حالي بني آدمة جديدة بقصص جديدة واهداف جديدة وطريق للحياة جديد

مابعرف شو صرلي هو خوف أنو أخسر هالحياة هي يلي عم عيشها مع ليث اوخوف انو ارجع لحياة نسيتها وحرفياً ماعاد بدي ياها ، مابدي منها الا أبي وأمي وبس ، بس هالشي مارح يصير لانهن ماتو لهيك انا مابدي هديك الحياة ب ولا شي فيها

قرب ليث ونغم يلي تجمدت بإرضا متلي وقت شافتو
عدي: نغم بتعرفيه؟
ليث: مين الاخ بالله؟

كان عم يطلع فيني بعمق ونسيان اللي حوليه عرفت انو يمكن تكون النهاية مع ليث إذا عرف

جوري: سبق ودمرتلي طفولتي سامر شو جابك لهون كمان

سامر: شبك جوري لشو هالحكي هلق بالعكس والله فرحت لما شفتك طلعتي عايشة وماصرلك شي ضمن الاحداث الي صارت بمنطقتكن رغم إني أول مافتحو الطريق لجوا فوراً فتت وبنايتكن كانت ع الارض للاسف وقالو انو كل يلي فيها اتوفو بس مابتتصوري الفرحة يلي انا فيها وقت شفتك هلق

جوري: شكراً -لفيت لارجع ع البيت-

سامر: جوري لحظة قليلي اتزوجتي يعني مين هدول؟؟ وين عايشة انتِ؟

جوري: لاتدخل بشي مالك علاقة بشي سامر أمشي من هون

سامر: بس حبيت أطمن عليكِ ، أي شي بتحتاجي أنا جاهز جوري

ليث: لك مين هاد ؟ خير عم مين حضرتك

سامر: جوري بتخبرك

جوري: روح من هون سامر

سامر : اي متل مابدك -لف ضهرو ومشي بعدين اتذكر شي ف رجع برم لعنا ووجه حكيو لنغم-

سامر: نغم مو؟؟

نغم: نغم

سامر: حليانة

-عدي ماتحمل وكان بدو يضربه ع هالكلمة بس مسكلو ايدو ليث-

نغم: لو ماكنت محترمة عمرك كنت قلتلك يحلى وبرك بس المشكلة انو عمرك لازم يُحترم

لما عدي سمع رد نغم عليه وشاف ردة فعل جوري عرف انو هالزلمة من ضمن القائمة السودا الي بحياتن

عدي: ليث مشان الله اتركني

سامر: اي هدي بطل هدي ماعملنا شي
وانت نغم الله يسامحك هاد من فوق ماكنت بدي خبرك عن اهلك
-وبرم ضهرو ركدت نغم ووقفت بوجهو وكمان عدي وليث لحقوها وانا بمحلي عم راقب-

نغم: شبن اهلي؟

سامر: هلق شبن اهلي

عدي: لك احكي انطوق بتعرف شي عن اهلها

نغم: عميل خير معنا لمرة وحدة بهالحياة هي لمرة وحدة بس

سامر: سمعت انو امك عم دور عليكِ ومو صعب توصليلا لساتك حافظة طريق بيتك اكيد

حكى هالكلمتين ورجع اطلع بجوري ومشي لعندها وهون نغم صارت تبكي بصدمة وكأنها مو مصدقة الي عم تسمعو
سامر: هي كرتي في ارقامي خلينا نرجع نتواصل سوا

اخدت الكرت منو ليمشي واخلص منو
نغم: ....... يعني اهلي عايشين
سامر: اي (وراح)
#يتبع 🌍🌸

#البارت الثامن
#نــــســمــة
🌸🌸🌸🌸🌸🌸

كان عيد ميلادا
كان النهار يلي من الصبح مافضي فيه

نغم: و وينو ليث مو مبين وﻻ صَبّح وﻻ شي
عدي: عيد ميلاد ﻻنا
نغم: مين ﻻنا؟
جوري: أوكسجينو
عدي: هههه انت قوية يابنت
جوري: ﻷ ماقصدت شي هو مسيفا أكسجيني
عدي: أكسجيني هه... والله ثاني أكسيد الكربون وكتير عليها .... هي أكسجين هي لك هي كيماوي
جوري: أوووف ولشو هالوصف الفظيع للبنت
نغم: بكفي تحترما ﻻنو بس خطيبة رفيقك
جوري: بعدين كيف لهلق ماشفناها وﻻتعرفنا عليها وﻻ حكالنا عنا ليث
عدي: -وقف السيارة- وصلنا ع المعهد شرفو يلا المسا برجع باخدكن انتبهو ع الدروس
جوري: مو قبل ماتجاوبني ع الاسئلة
عدي: بس تخلصو دوامكن منطلع ومنحكي بشي مكان عن هالموضوع
نغم: ليش حاسستك مو طايقها
عدي: اي والله البنت مابتنطاق هو انا اجماﻻ مابحب بهالسهولة ﻻنو حبي كتير تقيل
-كان عم يطلع بعيون نغم بآخر جملة-
نغم: ءء ءطيب يلا جوري منشوفك المسا
عدي: ههه ماشي انتبهو ﻻن ح سمعلكن

مابنكر الفرحة يلي انزرعت بقلبي ﻻنو سمعت عنها كلام هالئد سلبي
حسيت في أمل مابعرف ليش
وحسيت اني ﻻزم استغل هالفرصة وهاﻷمل هاد وأعمل شي لجيب ليث لعندي

بوقتا مابعرف كيف مرق النهار عليِّ بالمعهد كان طويل وتقيل كنت ناطرتو يخلص بس لشوف عدي وحاكيه

نغم: شبك شبك مدري شبو مخك اليوم
جوري: وﻻ شي بس كتير طول الدوام ياربي في 3 حصص لسى اختنئت
نغم: لك يلا هانت بعدين عنا حصة تاريخ بتحبيا كتير وديانة يعني هلق بتنبسطي فيهن مالك مجهزة التاريخ لتشاركي وتبهري الاستاذ كالعادة
جوري: لك امبلا بس اليوم مابعرف حالي ليش مشتتة ومالي مركزة
نغم: -اكلت من كيس الشبس يلي معهت بملل- لك بتكوني مو نايمة منيح ع الفيس بقى
جوري: فيس مين انت التانية ، لك بعدين تعي لهون مالك ملاحظة نظرات عدي إلك واهتمامو فيكي؟!
نغم: ملاحظة
جوري: أييي!!
نغم:-سحبت نفس عميق- جوري مالي قدرانة شوف بعيونو حب ماعم شوف الا الشفقة
جوري: اي غلطانة انا عم شوف لمعة حب بتاخد العقل
...............................
رن جرس الباب وقامت تاﻻ فتحت
شب: عفوا مو هون بيت الست ﻻنا
تاﻻ: صح هون
#يتبع 🌍🌸

#البارت الخامس
#نــــســمــة
🌸🌸🌸🌸🌸🌸🌸

فورا لف ليث وبلش يلحق الصوت
وصل لسور الحديقة وبلشت عيونو دور هون وهنيك وتتفحص الحديقة منيح لثبتت عيونو تحت شجرة وضحك
تنهد وﻷول مرة بيعملها نط من فوق سور الحديقة القصير وفات
مشي ووقف قدامها
الحديقة كانت فاضية ومافيها حدى
كانت قاعدة وضامة راسها بين رجليها عم تتنفس بسرعة وعم ترجف
زعل عليها كتير
نزل لعندا
ليث: خير يا آنسة شبك فيكي شي؟!
-نئزت وصرخت ورجعت لورى لحتى لزقت بالشجرة-
ليث:طيب طيب تمام أهدي مارح أئذيكي
جوري:تركني مشان الله اتركني
ليث: تمام تمام مارح اعمل شي انا بدي ساعدك بس (مد ايدو)
جوري: بعد بعد ...... خلص بعد عني روح
ليث: تمام تمام خلص ليكني رايح شوفيني خلص عم روح أهدي

راح ورجع لمكانو ووقف ورى السور ودق فورا لرفيق دربو (عدي)

عدي:ليثووووو هلا
ليث:وينك انت عدي؟
عدي: شبك ليش موطي صوتك
ليث:لككك وينك
عدي: كنت بالمشفى عند ابو لمحمود عم اطمن عليه وصرت تقريبا قدام بيتك
ليث:منيح سماع تعى ع الحديقة يلي بإول جادتي
عدي:ليش
ليث: ﻻ اله الا الله خلصني تعى وصف سيارتك وتعى مشي

طبعا عدي تأكد انو ليث ضرب بعقلو شي بس سايرو واجى
شافو واقف ناح السور وإجى لعندو ونكشو

ليث:هي البنت
عدي:شبها
ليث:هششش وطي صوتك هي وحدة من البنتين عدي
عدي: اووف كيف نفدت هي؟
ليث: مو المهم، حاولت ساعدها ماقبلت بس
عدي: أي لكن شو مستني لهلق؟!
أمشي لعندي منسهر سوا
ليث: لك عدي داققلك لنسهر ﻻنو مو بدي ياها
عدي: له له لك ليث شو هالحكي هاد زبط كلامك انت زلمة خاطب شو بدي ياها ماحلوة منك ﻷ ﻷ
ليث: ﻻ اله الا الله وحياة الله بتزعل مني عدي ها
عدي: طيب طيب خلص شو بدك مني خلصني
ليث: لف وفوت من باب الحديقة واتهجم عليها
عدي: شوو؟! اتهجم لك مو شايفها مو لقيانة نكشة والله بتموت بارضا وقبل ماتموت بتلم عليي الجادة كلا
ليث: ﻻتخاف مو طالع صوتا المسكينة من كتر مو مصرخة مبحوح صوتا
بعدين خلصني عميل حالك عم تتحركش ﻻتغمق وﻻ تلمسا يلا
عدي: أمري لله رح انحرف ع كبر بس سماع مابتضرب متل البهايم ها عميل حالك عم تضربني وانا بعمل حالي انضربت وبهرب قال ماشي
ليث: ماشي يلا

يتبع🌍🌸

#البارت الرابع
#نــــســمــة
🌸🌸🌸🌸🌸🌸🌸

كل سنين الحرب سودا
كل سنين الحرب باردة برغم كل النيران يلي فيها بتكون باردة وبشعة وكتير
بالحرب يلي مرت على بلدي كل بيت فقد شي
بيت فقد شب واستشهد
وبيت فقد ابن وسافر
وبيت فقد اب وانفقد من دون ماحدى يدرى عنو
بيت مات من الجوع من غلاء الاسعار
بيت انهد وصار رماد واضطرو اهلو يبلشو من جديد بحياة جديدة وكأنو هلق بلشو من ال0
بيت انفقد من الوطن اصلاً واندثر وصار بلا هوية وﻻ انتماء

بهالحرب يلي مرت انا ماكنت من وﻻ بيت فيهن لحد 6 حزيران
انا كنت من الناس يلي فقدت الامان
و يلي فقدت الثقة
من الناس يلي بتطلع كل يوم دما ع كفا ﻻنو بإي لحظة ممكن يصير انفجار
بإي لحظة ممكن تتقوص برصاصة طايشة من اشتباك
او تموت بشظية قذيفة نزلت بعيدة عنك
انا كنت من العالم يلي لما تطلع من بيتا تقول الدعاء وتقرنو بلفظ الشهادة في مالو ماتت
من الناس يلي تطلع متوضية من البيت ومصلية ركعتين الحفظ

فقت ع الساعة 4 الفجر ب6 حزيران
الاشتباكات الرصاص بشكل هستيري

أمي:يالطيف يالطيف يالطيف الطف فينا يارب
جوري: خايفة خايفة يا امي دخيلك قلبي عم يخبط خبط من جوا
أمي:وكلي ربك امي متل كل مرة الله يلعن هالحرب بئى
جوري:مو متل كل مرة ﻷ سيخ نار جوات قلبي ياامي
امي: سلامة قلبك تؤبريني مافي شي هلق بيجي ابوكي وبطمنا

اجى ابي يلي كان مع جيران لونو اصفر ومخطوف

امي:شوفي
ابي:وﻻ شي بس البسو وضبو اغراض يمكن نهرب (بكيت فورا)
امي:لوين بدنا نهرب !!
جوري:قلتلك.... مو متل كل مرة
ابي: مافي شي ابي مافي شي بس احتياطا انا طالع وقف تحت مع الزلم وشوف الوضع ضبي اواعي شوي مو كتير وكل المصاري والدهب ضبيهن يلا الله يحمينا

نزل ابي

قعدت اقنع حالي انو كالعادة ساعتين بالكتير ورح توقف كالعادة
بس هالمرة صارت الساعة 6 ومو بس ماوقفو
لبين ماصارت الساعة 6 كانو مستخدمين جميع انواع الاسلحة
الراجمة والرشاشات وفاتو دبابات وع ال6 طلعت الطيارات الحربية وهون كانت الكارثة
البراميل والصواريخ ينزلو علينا مطر
طلع ابي مسكني ودفشني ع الدرج من حلاوة الروح ركدت فورا وهربت طلعت لبرا البناية كان منظر بخوف الدمار فظيع الدمار والحرب شوهت المكان وقت طلعت من البناية نزلت قذيفة بعيدة شوي هربت فورا وبعدت فتت ع بناية نغم وانتظرت اهلي ليطلعو ويجو واذ
بتنزل قذيفة ع بنايتي بتروح نصا

رجفت انهرت قعدت بإرضي من دون صوت ماكان عم يطلع كنت بدي اصرخ بس مافي صوت ﻻصرخ فيه
مافي غير دمع
دمع دمع سياخ نار عم تنزل من عيوني كانو اهل نغم نازلين

نغم:جوري ....... جوري عمري قومي قومي شبك

وقفتني وسندتني اطلعت ع بنايتي وشهئت
أم نغم:شبها فيها شي
نغم:(ببكاء) وين اهلك وين امك وين ابوكي؟؟؟
اشرت ع البناية
اطلعت ام نغم وشافت
ام نغم:ﻻحول وﻻقوة الا بالله
خلونا نمشي بسرعة بسسرعة

مامشيت ماقدرت امشي ركابي ماحملوني ورجليي صارو يرجفو مالي مستوعبة يلي صار وعم انطر أهلي

أبو نغم:يلا عمي يلا بسرعةةةة رح يتسكر الطريق

جوري: أمــــــــي ..... أبـــــــي
رح يطلعو رح يطلعو استنووووو

أبو نغم:لك شو بدك تروحي حالك أمشي البناية عم تهبط اصلا أمشي

ماحملوني رجليي وماعاد اسمعت صوت حدى دفشت نغم ورحت باتجاه بنايتي يلي عم تهبط شوي شوي
عم ابكي وقول اطلعو يلا يلا ناطرتكون يلا
بس ماوصلت العسكري مسكني من ايدي ولفني
العسكري: أمشي من هون يلا طلعي
نغم:بس أهلي ماطلعو
العسكري:أختي مالي فاضيلك طلعي طلعنا كل المدنية ورح يتسكر الطريق يلا

يتبع 🌍🌸

#البارت التاسع
#نــــســمــة

🌸🌸🌸🌸🌸

عرفتُ الحبَّ لأوّل مرة في حياتي.. إنّه كالموت تسمعُ عنه كلَّ حين خبراً ولكنّك لاتعرفه إلا إذا حضر!

#نجيب_محفوظ
🌸🌸🌸🌸🌸🌸

جوري: عدي لازم تبلش بالخطة مافي غير هالحل انكشفها ع حقيقتا
عدي: خايف من الفشل والله وقتا ليث مارح يطلع بوشي
جوري: لك كلنا معك وكلنا مشتركين بهالقصة معك وكلنا رح نشهد لصالحك إذا لاسمح الله فشلت
عدي: بعرفو لليث منيح مارح يهمو الا يلي طلع مني
جوري: أنت مو قلت أنها مادية؟؟
عدي: كتير
جوري: معناها بلش مارح تخسر شي أنا واثقة

بس لأ ماكنت واثقة كنت خايفة تكون بتحبو لليث وماتوقع كنت خايفة ماأقدر أوصل لليث كنت خايفة يضيع مني كنت خايفة من كل شي الا من ربي .....
وهاد أكبر غلط عملتو بحياتي
سبق وقلتلكن إني عميت
عميت لما حبيتو ومابقى شايفة شي
صرت بدي أجذبه ميكب أواعي شوي ع الموضة البايخة او بصراحة كتير
تسريحات الشعر
هاد الجزء خجلانة شارككن فيه
بس كان لازم وكان لابد لأنو منه عبرة قصتي كلها
نسيت أنو ممكن جيبو بدعائي وبحشمتي وبأخلاقي وبإختلافي
ماكان مطلوب مني إني البس جلباب بس المطلوب انو خلي قلبي يحتشم
لأنو إذا القلب أحتشم رح يحتشم الجسد
مابعرف ليش هيك كنت عم أعمل
يمكن لأنو ليث بهديك الفترة كان حبو ل لانا عاميه ومغمض بصره وبصيرته وماعم يشوف حدى قدامو ولا عم يسمح لوحده تنافس لانا حتى
والي دابحني انها مابتستاهل

صرت أتعمد الشغلات يلي بحبا
اللون النيلي ؛ رفعة الشعر نص ونص ؛ المسكرة ؛ المنكير ؛ الأكلات الي بحبا ؛ وحديقة البيت💜

بس عبث كل هاد وماكان عم يطلِّع

نغم: انتِ منتبهة إنك صايرة لعبة جوري؟
جوري: مابدي أخسره نغم
نغم: طيب قولي إنّك بتحبيه وخلصينا
جوري: يعني بكل شي عم أعمله ومو مبين إني بحبه؟؟ نغم لاتستفزيني
نغم: ماعم استفزك أنا بس بدي أسمعها منك
جوري: وهي سمعتيها أتحفيني
نغم: جوري إنتِ كتير كتير متغيرة عن أول مابعرف متغيرة من جوا ومن برا كمان ليث مارح يحبك ليث هلق غرقان فيها ارحمي حالك ارحمي قلبك ارحمي مشاعرك واصبري وانطري لنشوف شو رح يصير مع عدي ومحمود وبعدين بتحددي طريقك ، بس هدِّي من هون لوقتها أرجعي لعقلك رجعي لطبيعتك وخففيلي هالمسكرة هي يلي ماعم يجيكي من وراها شي ، الشغلة بالقلب لأنو مو برموشك

رن جرس الفرصة وفتنا ع حصة الفلسفة الصعبة ....

كنت عم اغلي وانا ناطرة عدي يبعتلي مسج ويخبرني شو صار وإذا وافق محمود ولا لأ

وصلني المسج💌
قرأته وابتسمت ابتسامة النصر لانو كان بيحمل خبر موافقة محمود على الموضوع مع سوية تعديلات بدو ياها محمود
وقتا قلت يعمل يلي بدو ياها ان شالله يغيرالقصة كلا المهم وافق يعمل شي تجاه هالموضوع

~بعد مرور أسبوع~

المفروض بهاد النهار يكون النهار الحاسم يلي رح تزبط فيه خطتنا
كنت ع نار أنا ونغم
نغم: لا إله إلا الله شبك شبك قعدي حاج عم توتريني أكتر
جوري: لازم تقتنع أنو عدي أغنى من ليث لازم تقتنع بهالشي يارب ليث مايخربط يارب محمود مايخربط
نغم: لك شو ولاد هنن ليخربطو يعني؟ خلص قعدي كلو محبوك وممدوح رح يدق ليبعد ليث عن القعدة قعدي ولو
جوري: طيب
#يتبع 🌍🌸

#البارت العاشر
#نــــســمــة
🌸🌸🌸🌸🌸🌸🌸
قربو عدي ومحمود لعندن

محمود: مسالخير
ليث: لك أهلا وسهلا أهلين شريك كيفكن
عدي: مسالخير (ل لانا)
لانا: مسالنور
عدي: عم نتغدى هون وشفناكن قلنا لنجي نسلم عليكن
ليث: تفضلو تفضلو قعدو بعرفكن خطيبتي لانا
حبيبتي هدول رفقاتي عدي ومحمود
لانا: تشرفنا أهلا وسهلا

كانت لانا لسى مهزوزة ومو مصدقة أنها مضروبة كف لهلق ومالها قدرانة تسامح أو تستوعب الموقف
مالا طايقة ليث لأنو هي أساساً مابتحبو ، بس يعني ماشية ع مقولة الحب بيجي بعد الزواج

قعدو وبلشو يحكو شي عن شغل وشي عن طلعات وهالقصص ، لحد ما انتحنح عدي وسعل فهم محمود وأستأذن منن ليروح ع الحمام
راح ودق ل ممدوح وكان متفق معو أنو يدق ل ليث ويبلش يسألو كتير ويلهي شغلة 10 د بس مو أكتر

رجع محمود وقعد ودق ممدوح فصل ليث ل ممدوح

عدي: مين عم دقلك
ليث: ممدوح أكيد ك عادتو شغل ومالي بمود شغل هلق

عدي ضحك ع تعبو يلي شافو عم يضيع قدامو من تخطيط وتمثيل
ليث: شبك؟
عدي: ههههه لا سلامتك
ليث: شبو؟
محمود: والله مدري هههه انا عم اضحك ع ضحكتو
عدي: أي يعني شبني بلد مافيها خير قال مالي مود شغل مفكر حالو خضرجي ولا سمَّان
لانا: ههههههه
ليث: أي ضحكي أنتِ عجبك الحكي
لانا: ههههه لا بس مهضوم ، أنو معو حق أنت دكتور وأكيد ياعم يدقلك كرمال دوا أو حالة أجتو يعني الموقف أنساني أكتر منو شغل لهيك عم يقلك مالك خضرجي
عدي: يسلم تمك هون الفهم قوم رد قوم عم يتصل
ليث: ههه ماشي

وأخيراً قام ليث ورد......
كان مبدأ الخطة بس أنو يشدو لانا ويوقعوها بس
محمود رفض فكرة أنو عدي يحاكيها وقال لو هي يلي أجت لعند عدي ح تكون اللعبة أحلى وأزبط

محمود: لك نسيت قلك حكى معي اليوم الصبح المهندس محسن

عدي: مين هاد ؟؟

محمود: لك المهندس محسن ولو

عدي: والله في براسي 100 مهندس
معماري ومدني وديكور بقا زكرني

محمود: مهندس الديكور مشان تغيير ديكور مطعمك تبع المزة

عدي: اي اي شبو

محمود: ح يبلش التغيير من بعد بكرى ان شالله اليوم قلتلن للشباب يفضو المطعم اليوم وبكرى يفضو مشان بعدو يبلشو بالديكور

لانا: ههه ولو بدي أدخل ؛ حضرتك عندك مطعم

محمود: سلسة مطاعم يا آنسة
#يتبع🌍🌸

#البارت الأول 🌸

ربوني عليه اهلي وكبروني عليه اهلي
حفظتني أمي هالبيت بالصيفية لما جابتلي منهاج العربي وصارت تحفظني القصائد ﻻنو ذاكرتي اﻷدبية ضعيفة شوي وبطيئة بالحفظ هاد ﻻنو ميولي كلها علمي وكل شي بيتعتمد ع الفهم والذكاء والحل السريع كنت انا الاولى فيه
بتذكر امي حطتني قداما وتعيد هالبيت وعيد وراها لحفظتو
كنت صف رابع يعني يادوب عمري 10 سنين وصلت للسادس الابتدائي بعمر ال12 سنة
وصارت الفكرة السائدة عنا بالبيت (الزواج سترة للبنت)

من لما صرت بهالعمر وبلشت اكبر ك أنثى بجسمي وملامحي ،وحتى تفكيري كان متل اي بنت حب المسكرة والروج وتاخدني تسريحات الشعر المرفوعة بلشت اسمع جملة وحدة بس من العالم وانا ماشية مع اهلي
-هي بنت أم خالد؟؟ ماشالله صبية الله يسترلك عليها
×يوه! مو عرفانين عندك صبية الله يبعت نصيبها
*ان شالله بيجيها ابن الحلال يلي يغلبا بالمال وتغلبو بالعيال
+ماشالله عمرها 12؟ اي البركة بعزها الله يفرحك فيهت يارب وتحملي وﻻدها

هاد يلي كان حوليي
عم طول عليكن يمكن بس معلش تحملوني شوي عم لخصلكن معاناة كبيييييرة كتير كل وحدة فيكن عمرها صغير وعم تمر بهيك مرحلة لو سمحت القصة الك اوﻻ ركزي بين سطورها منيح وعيدي كل مشهد مرتين وتلاتة

#الفقد
#نــــســمــة
...............................
ابو خالد:شو عم تحكي؟
ام خالد:جايها عريس جايها شب وشب والله اي بسم الله حولو شو هالجمال والكمال والفهم وماديتو مرتاحة وبدهن ياها صغيرة وبمواصفات بنتك بقى اتكل ع الله
ابو خالد:بسس والله حاسسها صغيرة بتطلع ع الاوﻻد بالحارة وروحها بتفرك لتلعب معهن
ام خالد: يوه! تلعب بالاربعة وراسها الخامس عمرها 12 طبقتهن وح تفوت بال13قال تلعب معهن قال لك يازلمة مو دايمين الها نحن مو دايمين اما عند زوجها عز ودﻻل وبيت لحال شو لسى بدها اكتر من هيك والله العالم اكلت راسي ايمت ح تتزوج وايمت بكرى بتكبر شوي ماعاد حدى بدق هالباب هيك العالم صايرين عم ياخدوا الصغيرة شو بدنا نضحك ع بعض
ابو خالد:خلص بنزل بسأل عليه ومنشوف اذا ابن حلال منتكل ع الله

............................
ماحدى أخد رأيي بالرغم إني مدللة أبي وبالرغم انو البنت ببيتنا مابيردلها طلب بس كان في تناقض مابقدر أوصفو بهالبيت ومنها انو البنت مابيتاخد رأيها وقت الزواج وللاسف الشديد كمان اهلي من يلي بيحرمو البنت من الميراث كرمال ماتروح للغريب (الغريب هاد نفسه يلي رح يعطو بنتهن ويأمنو ع عرضهن وع اسمهن ويفوتو ع بيتهن واصلا غصمن عن بنتهن ومع ذلك نحن مننحرم من الميراث)
بس ماكنا ننحرم من شي بالبيت اواعي من احسنها اكل من احسنو
في تناقض مو طبيعي بعقول أهالينا ماعم بقدر أفهمو
..........................
كنت عم ابكي كتيييير ﻻنو صرت بالسابع وبدي البس البدلة الفاتحة ﻻني كبرت واتسجل بمدرسة الكبار يلي رح يكونو فيها معي بنات الحادي عشر والبكلوريا كمان كنت بدي فاجئ البنات الجداد بمدرستي الجديدة اني انا البنت يلي بحفظ القصيدة وانا بالصف وهنن مارح يعرفو اني بحفظ بالصيفية وهيك بفكروني عبقرية بالعلمي والادبي
بس بدل مااشتري بدلة المدرسة نزلت ﻻشتري بدلة العرس البيضة وانا عم غص غصات بتقهر قهر ومابدي اتزوج ياعاالم مااابدي ليش ماعم تفهموني ليش
ليش ماحدى عم يسمع ليش بدي انجبر ع شي انا مابدي ياه؟!

بعد معاناة كبيرة اتزوجت بنت ال13 سنة
عرسي كان عرس اوﻻد تقريبا ﻻنو كل رفقاتي عزمتهن وصرت ابكي اذا امي نقصتلي رفيقة كمان قالب الكيك طلبت يكون زهري وعليه باربيات كتير
ومن هالشغلتين فيكون تفهمو بقية تفاصيل العرس
وبليلة الدخلة فتت انا وسامر ع البيت

سامر:ليش عم تبكي هلق؟
جوري:بس أنا قلتلك بدي دبدوبي الابيض الكبير كتير هون بغرفتي وينو
سامر:حبيبتي حطيتو بغرفة وﻻدنا بالمستقبل ان شالله هلق مارح تكوني فاضيتيلو مو (قرب منها)
جوري:ﻷ بدي ياه بدي نام معو
سامر:هههه بدك شو؟
جوري:بدي نام معو
سامر:هههههه ماحكتلك أمك شي عن اليوم؟!

خبرتو اتو امي ماحكتلي شي وانو قالتلي بس اعمل يلي هو بقلي عليه وهو تفهم الموضوع لمدة ساعة ونص فقط وبعدين نفذ صبرو وعمل يلي بدو ياه
كان يوم قاسي وبشع وبارد
وماكانت ليلة العمر متل مابقولو عنها وماكانت ليلة الفرحة وﻻ حتى كانت احلى ليلة بعمري ومارح تتكرر ماكانت الا ليلة قاسية ماشفت فيها شي حلو وانا بحبو ماشفت فيها شي

بعد اسبوعين فتحت المدارس وانا قاعدة ع البرندى وعم اطلع ع البنات وهنن عم يروحو ع مدرستهن وفرحانين كتير

*يالله بدي ارجع عيش سنة تانية مع انسة الرياضيات لك مابطيقها مابطيقها تروح تدرس اوﻻدها طيب
+ههههه اخر سنة وح تخلصي منها يلااا

-لككك ياربي مو مصدقة رجعت المدرسة اووف اشتقتلكون كتير وشتقت للمقعد والله
*اي اي ولحصة الفنون يلي بضلي ترسمي فيها بحر وسمك ودلفين
وصاروا يضحكو البنات

سامر:جوووري
جوري:أي أي ليكني
سامر:وين القهوة؟

#البارت الثاني
#نــــســمــة
🌸🌸🌸🌸🌸🌸🌸

بلشت حماتي توز بعقل سامر وبلش ابن أمو يسمع وينفذ

جوري:لك يا أخي مليت منك ومن امك والله حرام عليكون
سامر:حرام علينا لك كلبة لك تمثيلك هاد مو على رجلي بتمثلي فهمانة وامي بتسوى راسك وراس كبير عيلتك
جوري:لك لهالدرجة طلعت متخلف انت وجاهل لك الدكتور منعني منعني في خطر عليي بموت اذا حملت بموت ماعم تفهم انا ﻻ جسمي وﻻ ضهري وﻻ حتى أحشائي بيقدرو يحملو طفل لمدة تسع شهور
سامر:انا متخلف وجاهل!
جوري:لك اخدتني بإيدك ع الدكتور وبإيدنك سمعت كلامو واسعفتني بسيارتك وبعيونك شفت الممرضات كيف مستغربين من عمري وزواجي منك لك ارحمني وخاف الله فيني مابدي اكتر من هيك
سامر:وبدي انطرك لل18 انا هلق
جوري:كان اخدتها 18 وريحت راسك

هز براسو ورفع عن كمامو ووين يوجعك كالعادة
سامر:هالمرة ماتقلت العيار ﻻنك عم تحاكيني بإدب وبصوت واطي بس مشان كلمة متخلف وجاهل ؛ تفه ع تربايتك

ماوقفت بكى وكنت عم قرر حط حد وكل ماقرر حط حد واحكي خاف واتراجع من عواقب الامور ومن كلمة مطلقة ولهالسبب اضطريت مجبرة اني كمل

بس رغم كل الهموم السودا يلي ملت حياتي وكل الشر يلي حوليي مابطلت فكر ك طفلة وروحي لساتها معلقة بعالمي يلي انا بحبو عشت حياة الكبار بروح الطفولة لهيك عملت شوية بوشار وقعدت ﻻحضر شي كرتوني متل ايام زمان مابكزب عليكن انو كبرت من جوا 20 سنة بس كنت لسى عم اتظاهر بكل شي حلو ولسى عم حس بطفولتي متمسكة فيها ومابدي ياها اضيع مني مابدي يصير معي واحكي متل الكبار يلي بقولو راحت طفولتنا هدر وكانت طفولة ضايعة وماعشت طفولتي ﻻ انا كان بدي عيشها لو شو ماصار معي وهالشي الوحيد يلي كنت بمتلك القرار فيه اصلا
فتحت ع التلفزيون وكنت عم قلب بالقنوات وكنت عم استنى رفيقتي نغم البيست تبعي لتجي شوي بعد مدرستا تسليني شوي وفشلها قلبي وانا وعم قلب وقفت ع برنامج ديني مابعرف ليش حطيت الجهاز وقعدت اسمعو مع اني كنت فاتحة احضر شي يسليني وانسى فيه يلي انا فيه
بلش الشيخ يحكي عن معاناة الصحابة والرسول وحكى قصص الخوف يلي صارت بالمعارك عن عدد المسلمين يلي يكاد يكون ﻻشيء امام اعداد قريش الهائلة شو يعني 200 رجل امام 2000 رجل؟؟
حكى عن تضحيات الصحابة وكيف كانو عم يحمو الرسول من ادق التفاصيل يلي ممكن تأذيه
أتاخدت كتييييير بالحكي وبكيت كتير من الكلام المؤثر وصليت ع النبي ونسيت كل وجعي يلي انا فيه
وبوقتا أدركت من جواتي انو راحتي رح تكون لما قرب من ربي اكتر ﻻنو انا بصغر سني وعجزي مارح يطلع بإيدي شي
خلص البرنامج قمت وغسلت وجهي واندق الباب دقة رفيقتي نغم ركدت وفتحتو

جوري:أشتقتلك كتير(وضميتا)
نغم:وانا متت شوق ح تخنقني ولو بعدي عني
جوري: ههههه من الشوق والله
نغم:لك شو ح تخليني ع الباب خدي جبتلك محمرة بئشئوان من المحل يلي بتحبيه
جوري:تؤبششيني فوتي فوتي

يتبع 🌍🌸

#البارت الثالث
#نــــســمــة
🌸🌸🌸🌸🌸🌸🌸

بلشت اجراءات الطلاق

بالبداية سامر رفض يطلق وصار يحاول انو ضل معو ويحاول يقنعتي انو رح يتزوج وحدة بس مشان الخلفة وبعدها ح يطلقها
ماكنت متوقعة انو سامر بحبني جد غريب هالزلمة متمسك فيني وبدو ياني وانا مالي طايقتو ومو قدرانة ارجع عيش معو يوم تاني خاصة وقت عرفت انو اهلي ماعندن مشكلة بالطلاق وخاصة بعد ماوعتني نغم اني ﻻزم اترك هالحياة وارجع لحياتي الطبيعية ﻻنو ماطلع زلمة بيستاهل
وهاد يلي صار
ونظراً لإني ماكان عندي إلا عم واحد مسافر من زمان وقبل الأزمة لبرات البلد وبالسنين لنحاكي مرة وماما وحيدة ف بابا كان لحالو بهالموقف بس رفيق عمرو وجارنا بنفس الوقت ماخلاه لحالو ووقف معي ومع بابا بهالموقف
وجبروا سامر يجي واجت امو فوتوني لعندن بعد ساعة من قعدتهن ونقاشن واتفاقهن مع سامر
فتت وقعدت قدام أبي

أبي:يلا
سامر: ........
رفيق بابا:ﻻ اله الا الله خلصنا ورنا شغل أرمي اليمين

عم اطلع ع سامر وهنن عم يجبرو يطلق مشان مااخلعو خلع بالمحاكم واطول الشغلة

أبي : منرجع منقلك مابدنا مقدم وﻻ مأخر مسامحينك بحقنا بس ارمي عليها اليمين البنت مابدا ياك

حماتي:ونحن منرجع منقلك مقدما ومأخرها بتاخدهن ع دوز بارها وكاملين هاد حقها ونحن مامناكل مال حرام وﻻ بعينا المصاري

رفيق بابا:معناها خليه يرمي اليمين ويخلصنا

سامر:جوري فكري بالموضوع

اتفاجئو واتفاجئت انا كمان وخفت شو قلو بس مابعرف شلون رديت

جوري:حياتي معك انتهت، وماعاد أتقبل عيش معك وﻻ نهار ، طلقني

أصفر وجهه وقت سمع هالحكي مني وابي ورفيقو وقت سمعوني احتدوا بنظراتهن تجاه سامر
ماكنت متوقعة انهن رح يدعموني هيك كنت حكيت من زمان

#يتبع 🌍🌸

#البارت السادس
#نــــســمــة
🌸🌸🌸🌸🌸🌸🌸

كنت غبية فعلا
احترت شو اعمل بس قويت قلبي وقلت رح اركد فورا باتجاه الباب واهرب
وانا وعم اطلع ع الباب لحدد الطريق الاقصر ﻻوصلو
ليث: خلص خالتي بدي اتأخر عن صيدليتي كرمال بطيخة يعني حطيها بالبراد وقت برجع بقطعها انا
ام محمد:اي انت بتقطعها انا مادخلني

قعدت ع الدرج وصرت اضحك
حسيت حالي مجنونة والله مو طبيعي يلي عم يصير والله
راح ليث وانزلت انا

ام محمد: بسم الله عليكي قدرانة تمشي بنتي منيحة انت
جوري: يسلم اديكي خالة منيحة وشكرا ع الاكل وع كل شي
سمحيلي هلق بدي امشي
ام محمد: شو تمشي ماتمشي لسى ماتحسنتي
جوري: ﻻزم دور ع نغم
ام محمد: طيب قليلي وين اهلك عطيني رقمهن ليجو ياخدوكي وكلنا مندور ع اختك نغم خليني وصلك ﻻيد اهلك
جوري: توصليني ﻻهلي؟؟ ياريت ياخالة آمين .... ياريت
ام محمد: ليش البكا لك بنتي تعي تعي قعدي وحكيلي تعي

تنهدت وحكيت لخالة ام محمد كل شي حكيتلا من لما اشتبكو للساعة 6 الصبح لما ادخلت الاسلحة الثقيلة لحد مانمت انا ونغم ع درج البناية

جوري: مراكز المساعدات قدمنا فيهن طلب قال استنو ومندقلكن طب لبين مادقو نحن وين بدنا نام؟؟ ...... بالمدارس مامنقدر نفوتكن ﻻنو فقط للعائلات وكمان بدها تسجيل
وحتى الحدائق بقلعونا منها كرمال مانخرب المنظر العام الجميل الراقي ...... وهلق ياخالة بتقدري توديني عند أهلي؟ مشان الله وديني والله تعبت

بكيت كتير هالمرة على كتف ام محمد وهي عم اطبطب عليي
ام محمد: مافي عندك مكان تروحيلو وبدك تطلعي من هون!
جوري: بدي دور ع نغم
ام محمد: وﻻ يهمك ليث عم يدور عليها
جوري: ياخالتي مشان الله فهميني مارح يبرد قلبي لدور انا
ام محمد: متل مابدك صيدلية ليث ع نفس صف بيتنا بس قبل اخر الصف يعني خليكي ماشية مستقيم 10د بتوصليلها هو معو سيارة بتطلعو بدورو واذا اضطر الامر بتطلعو برا المنطقة بدورو عليها ابني ليث بيعرف كل المشافي والمخافر كمان بدورو هنيك
.........
#يتبع🌍🌸