________________________________________
#الظل_الشقي_بقلم_مال_الشام
الجزء الثاني
2018
#يامن
كانت الساعه تسعه المسا وانا عم لف بهل تكسي ودخن ... فتحت شباك السيارة شوي وفات هوا نظيف .. رن موبايلي وكنت متوقع انو يوسف متصل يتهرب من لقائنا متل العاده
Telegram:@rwayate
((يامن : الو .. هلا حبيب .. اهلين .. اه ما بتقدر تيجي اليوم كمان ؟ بس الك شهر ما عم تقدر تيجي خير في شي ؟ .. اها .. خلص خلص تمام سلامتك .. بس معقول شهر مريض شو يعني ما شفت دكتور ؟
ليك ليك يوسف خلينا نحكي بصراحه وبدون لف و دوران .. انت عم تتهرب منا صح ؟ انت متغير كتير والكل ملاحظين وعم حاول غطي عليك لأنك أخي بس دير بالك على حالك ... لا .. لا لا اعذارك هي كلها مو مقنعه وما بتمشي على ولد عمرو 5 سنين حبيبي ، وان شاء الله يكون الي ببالي غلط لانو رح يكون حسابها كبيررر يا ابو عادل وانت بتعرف هالشي ))
ما بنكر انو فقدت اعصابي انا وعم احكي معو .. هو كان عم يستفزني اكتر باعذارو ومبرراتو الي ما بتمشي على واحد اهبل ، طولت مكالمتنا واشتد النقاش بيناتنا .. كنت مركز معو كتير لما طلعت بوشي بنت عم تقطع الشارع بسرعه كبيرة
وقع الموبايل من ايدي وحاولت اتحكم بالسيارة و زمر بصوت عالي لتنتبه ، جمدت بمكانها وضلت تطلع بالسيارة بدون ما تتحرك وبمعجزة قدرت وقف السيارة بآخر لحظة ... او يمكن ما بقدر قول بآخر لحظة
لانو تقريباً السيارة لامست رجل البنت ... فتحت باب السيارة ونزلت متل المجنون عم اصرخ (( من وين طلعتي انتي ما كان في حدا بالشارع !!! صارلك شي ؟ لك احكي فيكي شي !! ما عرفتي تمشي من خلقتي ليش جمدتي مكانك ! )) كل هالصراخ والصوت العالي ما خلاها تعطي
اي ردة فعلا .. بس مبحلقة فيني ولونها مخطوف والناس متجمعين حوالينا عم يتفرجو .. اخدت نفس و حاولت ارجع احكي معها بهدوء (( اختي بدي امشي .. احكي قدام الناس انو ما صارلك شي خليني روح بطريقي الله يرضى عليكي ))
Telegram:@rwayate
شهقت ونزلت دمعتها ... وفجأة غمضت عيونها وغابت عن الوعي قبل ما تحكي اي حرف .. مسكتها قبل ما توقع على الأرض وحطيت راسها على ركبتي (( العمى ! شو صرلك ؟ لك والله ما ضربت فيكي السيارة شو هالمصيبة ؟ .. يا بنت .. يا مدموزيل ! لك اصحي يا بنت الحلال مو ناقصني مصايب اصحي ! ))
قرب رجال كبير واعطاني قنينة مي .. حطيت منها على كفة ايدي ومسحتلها وشها .. حركت شفايفها بس ما فتحت عيونها .. (( طيب ... رح اخدك على المستشفى )) حملتها بين ايدي وحطيتها بالكرسي الخلفي للسيارة
قربت ست كبيرة وصارت تعيط (( وين ماخدها ؟ صبيه مغيبة بدك تاخدها وتروح ما رح خليك ! حدا يتصل بالشرطة يلا ))
مسحت جبيني بتوتر (( طيب تفضلي معنا على المستشفى وخلصيني .. يعني يصير للبنت شي هون وتبلوني فيها ولا نلحق نسعفها ؟ ))
Telegram:@rwayate
بعد ما تناقشو الواقفين ... اجا ختيار طلع ورقة وقلم وكتب رقم لوحة سيارتي الخلفية / انا اخدت رقم لوحتو خليه يسعف البنت واذا صار شي بسلم الرقم للشرطة /
(( فضلت على راسي حجي ، يعطيكون العافيه يا جماعه ))
تركتهن وحركت التكسي عالسريع لاوصل لاقرب عيادة او مستشفى واعصابي محروقة من هالمصيبه .. مافي دقايق وسمعت صوت ناعم كتير عم يسألني / معك مي ؟ /
دست فرام فوراً ... ضرب راسها بالكرسي ضربه خفيفه .. فركت جبينها وقلبت شفايفها / شو انت ما بتعرف تسوق شبك ؟؟؟؟؟؟؟؟/
(( انتي صاحية ؟ ... فيكي شي بيوجعك شي ؟ )) رفعت اكتافها وجاوبت ببرادة
/ ما فيني شي بس ارتعبت وفكرت السيارة رح تضربني وموت بس الحمدلله ما متت ... معك مي ؟ /
(( ما معي سم الهاري .. دقيقه انزل جيب من السوبرماركت خليكي ))
صفيت السيارة جنب الطريق ونزلت جبت مي و دخان ورجعت لقيتها قاعده على الكرسي الامامي جنب السائق .. طلعت واعطيتها المي (( بتحبي اخدك على مستشفى نعملك فحص ولا وصلك على بيتك ؟ ))
// لا بدي توصلني على بيت رفيقتي نام عندها ، لانو متخانقة مع اهلي وما بدي ارجع لعندن .. صحيح وين موبايلي ... ييي اكيد وقع مني يا الله !! //
#الظل_الشقي_بقلم_مال_الشام
الجزء الثاني
2018
#يامن
كانت الساعه تسعه المسا وانا عم لف بهل تكسي ودخن ... فتحت شباك السيارة شوي وفات هوا نظيف .. رن موبايلي وكنت متوقع انو يوسف متصل يتهرب من لقائنا متل العاده
Telegram:@rwayate
((يامن : الو .. هلا حبيب .. اهلين .. اه ما بتقدر تيجي اليوم كمان ؟ بس الك شهر ما عم تقدر تيجي خير في شي ؟ .. اها .. خلص خلص تمام سلامتك .. بس معقول شهر مريض شو يعني ما شفت دكتور ؟
ليك ليك يوسف خلينا نحكي بصراحه وبدون لف و دوران .. انت عم تتهرب منا صح ؟ انت متغير كتير والكل ملاحظين وعم حاول غطي عليك لأنك أخي بس دير بالك على حالك ... لا .. لا لا اعذارك هي كلها مو مقنعه وما بتمشي على ولد عمرو 5 سنين حبيبي ، وان شاء الله يكون الي ببالي غلط لانو رح يكون حسابها كبيررر يا ابو عادل وانت بتعرف هالشي ))
ما بنكر انو فقدت اعصابي انا وعم احكي معو .. هو كان عم يستفزني اكتر باعذارو ومبرراتو الي ما بتمشي على واحد اهبل ، طولت مكالمتنا واشتد النقاش بيناتنا .. كنت مركز معو كتير لما طلعت بوشي بنت عم تقطع الشارع بسرعه كبيرة
وقع الموبايل من ايدي وحاولت اتحكم بالسيارة و زمر بصوت عالي لتنتبه ، جمدت بمكانها وضلت تطلع بالسيارة بدون ما تتحرك وبمعجزة قدرت وقف السيارة بآخر لحظة ... او يمكن ما بقدر قول بآخر لحظة
لانو تقريباً السيارة لامست رجل البنت ... فتحت باب السيارة ونزلت متل المجنون عم اصرخ (( من وين طلعتي انتي ما كان في حدا بالشارع !!! صارلك شي ؟ لك احكي فيكي شي !! ما عرفتي تمشي من خلقتي ليش جمدتي مكانك ! )) كل هالصراخ والصوت العالي ما خلاها تعطي
اي ردة فعلا .. بس مبحلقة فيني ولونها مخطوف والناس متجمعين حوالينا عم يتفرجو .. اخدت نفس و حاولت ارجع احكي معها بهدوء (( اختي بدي امشي .. احكي قدام الناس انو ما صارلك شي خليني روح بطريقي الله يرضى عليكي ))
Telegram:@rwayate
شهقت ونزلت دمعتها ... وفجأة غمضت عيونها وغابت عن الوعي قبل ما تحكي اي حرف .. مسكتها قبل ما توقع على الأرض وحطيت راسها على ركبتي (( العمى ! شو صرلك ؟ لك والله ما ضربت فيكي السيارة شو هالمصيبة ؟ .. يا بنت .. يا مدموزيل ! لك اصحي يا بنت الحلال مو ناقصني مصايب اصحي ! ))
قرب رجال كبير واعطاني قنينة مي .. حطيت منها على كفة ايدي ومسحتلها وشها .. حركت شفايفها بس ما فتحت عيونها .. (( طيب ... رح اخدك على المستشفى )) حملتها بين ايدي وحطيتها بالكرسي الخلفي للسيارة
قربت ست كبيرة وصارت تعيط (( وين ماخدها ؟ صبيه مغيبة بدك تاخدها وتروح ما رح خليك ! حدا يتصل بالشرطة يلا ))
مسحت جبيني بتوتر (( طيب تفضلي معنا على المستشفى وخلصيني .. يعني يصير للبنت شي هون وتبلوني فيها ولا نلحق نسعفها ؟ ))
Telegram:@rwayate
بعد ما تناقشو الواقفين ... اجا ختيار طلع ورقة وقلم وكتب رقم لوحة سيارتي الخلفية / انا اخدت رقم لوحتو خليه يسعف البنت واذا صار شي بسلم الرقم للشرطة /
(( فضلت على راسي حجي ، يعطيكون العافيه يا جماعه ))
تركتهن وحركت التكسي عالسريع لاوصل لاقرب عيادة او مستشفى واعصابي محروقة من هالمصيبه .. مافي دقايق وسمعت صوت ناعم كتير عم يسألني / معك مي ؟ /
دست فرام فوراً ... ضرب راسها بالكرسي ضربه خفيفه .. فركت جبينها وقلبت شفايفها / شو انت ما بتعرف تسوق شبك ؟؟؟؟؟؟؟؟/
(( انتي صاحية ؟ ... فيكي شي بيوجعك شي ؟ )) رفعت اكتافها وجاوبت ببرادة
/ ما فيني شي بس ارتعبت وفكرت السيارة رح تضربني وموت بس الحمدلله ما متت ... معك مي ؟ /
(( ما معي سم الهاري .. دقيقه انزل جيب من السوبرماركت خليكي ))
صفيت السيارة جنب الطريق ونزلت جبت مي و دخان ورجعت لقيتها قاعده على الكرسي الامامي جنب السائق .. طلعت واعطيتها المي (( بتحبي اخدك على مستشفى نعملك فحص ولا وصلك على بيتك ؟ ))
// لا بدي توصلني على بيت رفيقتي نام عندها ، لانو متخانقة مع اهلي وما بدي ارجع لعندن .. صحيح وين موبايلي ... ييي اكيد وقع مني يا الله !! //
