#المشردة
الجزء العاشر
اعدت وصارت تبكي وتبكي لحد ما عادت قدرت ونامت على الارض
بدق الباب ما بيسمع رد بدقو مرة مرتين ما بسمع بفتح الباب بشوفها مرميا على الارض بيجي عليها وبطلع اذا عم تتنفس ولا لا بعدين بيعرف انو نايمة حملها وحطة بالسرير وطلع بوجهها يمكن نضل عم يتأمل فيها شي ساعة وبعدين بجي بدو يروح بس بلاحظ انو ماسكة قميصو بحاول يفك ايدها بس بخاف تفيق بعدين حط راسو ونام معا بعدين حطت راسها على صدرو حس بشي مشي بجسمو ولا مرة هيك حس حط ايديه على شعرها وغمض عيونو تمنى ما تخلص هل لحظة ونام
......................................................................
تاني يوم
فتح عيونو وطلع عليها كانت فايقة وعم تطلع عليه
سيلينا ودموعة نزلو:صباح الخير
كرم واستغرب طريقة حكيها:فيكي شي عم يجعك شي
سيلينا وطلعت عليه وضحكت من بين دموعة:اي عم يجعني هون هون عم يحترق عم يدوب
كانت عم تأشر على قلبها بعدين صارت تبكي بكل ما فيها ما قدر يشوف دموعة في شي عم يخنقو :خلص ما تبكي كلشي رح ينحل كلو شهر وبيمرق ورح تتغير حياتك
سيلينا كانت بحاجت اي حدا يكون معا تشكيلو تحكيلو طلعت عليه وهجمت وضمتو وصارت تبكي سيلينا:كرم انا ماعم ابكي مشان زواجنا انا عم ابكي على قدري الاسود انا عم ابكي على كلشي خسرتو زواجنا رح يحل كتير اشي بحياتي وانا متفهمتك انك عملت هيك كرمال اختك كارمل واي اخ بمكان كان رح يعمل الي عملتو بس انا موجوعة كرم موجوعة في دوا لهل وجع
كان عم يسمعها وقلبو عم ينعصر عم تنزل هل دموع كرمال شخص تاني وخاصتن بهي الحظة تمنى لو كان مكان يامن
بعدها عنو وقام وترك الغرفة وهي رجعت على وجعها ودموعها بعدين قررت تقوم تاخد دوش وتقوي حالها لانو الي عم ينتظرها اصعب بكتير
اخدت دوش ولبست روب ابيض وسرحت شعرها وحطت شويت مكياج منشان تمحي اثار الدموع وبعدين نزلت لتحت شافتو محضر الاكل
كرم وشاف سيلينا:كنت طالع اندهلك مشان نفطر بس القلوب عند بعضها
طلعت فيه للحظة حست انو هي مو بهل دنيا كانو عم يتبادلو هديك نظرات الي ولا واحد عرفان يفسرها ليش عم يكونو ضعاف هيك قدام بعض هو ضعيف قدام عيونها وهي ضعيفة قدامو وما بتقدر تحبس وجعها عنو وبتحكي ومابتفكر شو بدو يصير
سيلينا وبعد ما حست على حالها:امم معك حق خلينا ناكل لاني جوعانة من امبارحة مو آكلا
وسحبت كرسي واعدت
سيلينا وطلعت عليه:شو مابدك تاكل
قرب وهو مستغرب هي هي نفسها الي كانت متوني عم تبكي جوا ولا هي وحدا غيرها
اعد وبلشو يفطرو
كرم وطلع فيها وهو بدو يفهم من وين جابت كل هل قوة لحتى طلعت من هداك الجو ومن هديك الصدمة:انتي منيحة
سيلينا وعم تاكل:مستغرب معك حق تستغرب بس لازم اتقبل وواجه المشاكل لانو كل مالو كلشي رح يصعب اكتر قول تعودت ما انا من كنت صغيرة عايشة بشوارع وتعودت انسى
كرم وقلبو عم يوجعو ودمعت عينو:بس يعني
وقبل ما يكمل حكيوا رن جرس البيت
كرم:اكيد هاد يامن وكارمل قايم افتحلون
لمع قلبها سيلينا:سيلينا انتي لازم تكوني قوية وتواجهي مشاكلك كوني قويةةةة
دخلو وصار يباركو
سلمت كارمل على سيلينا وباركتلها واجى يامن وباركلها كانت عم تتقطع من جوا شو هل أختبار
اعدو وصار يحكوا ويطمنو على بعض بس سيلينا كانت عم تراقب بصمت لحد ما قالت كارمل:حزرو شو
كرم:شو
كارمل وفرحتها بايني عليها:انا ويامن رح نتزوج بعد اسبوعين
سيلينا:😢
......................................................................