قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
Link
0
3.2k
16:162019/01/05
قصة جديدة: #حياة
واقعية♥
.............
قراءة ممتعة🦋💙"
#ⴅÂÐЄĦÂ
Link
0
3.3k
16:162019/01/05
#حيااة
#بقلم_لؤلؤةالبحر
Telegram:@rwayate
كل ما أردت ابعد قليلا..عن القصص الواقعية. ..ترجعني اقدامي مسرعة اليها ....تشدني ما بها من دروس. ..دروس انا شخصيا معظمها لم أسمعها أو أعرفها الا من أصحاب قصصي التي اكتبها ...وهذا ما طلبته صاحبة قصتي هذة ...هذا ما طلبته حيااة. .قالت اخبريهم ما علمتني الحياة ...في حياتنا ومع ما أصبحنا نقرأه ونعانيه...نجد أن البشر كحروف اللغة العربية بعضها مؤهل للرفع. ..وأخرى تحترف النصب عليك بجدارة ..وانت تصدق ..والبقية الباقية تستحق الحذف من حياتك ...وتختم ورائها بالشمع الأحمر ....قصة حياة مليئة بالأحداث والدروس التي سأذكر لكم كل درس أرادت أن تعلمكم اياه بعد كل مرحلة من حياتها ... حياة انتي للصبر عنوان ...اركبو قطار الرحلة أعزائي وشدو الأحزمة. .فهناك الكتير من العثرات في هذة الرحلة ...تعالوا نسمع من حياة شو حتحكي. ...
ابو معاذ: يام معاذ ..ام معاذ ..مالك تعبانة شو قربت ولادتك
ام معاذ: يعطيك العافية يا ابو معاذ ..اه والله من الصبح الوجع ما هدي ..وهيني وديت معاذ ينادي الداية ..
ابومعاذ: الله يسهل ...ترى من هسا اذا بنت ومش حلوة بكبها بالزبالة. ..مش ناقصني تقعد بخلقتي. .ههههه
ام معاذ: يعني لو مش حلوة بدنا نرجعها. ..اااه روح شوف معاذ ليش طول ..روح
.....
الداية: مبروك يا ابو معاذ يتربن بعزك توم بنات ...سمي واحمل ..
ابو معاذ: بسم الله ..ول ليش هيك واحدة بيضا وواحدة سمرا. ..مش لازم يكونن زي بعض ...خذي
.خذي هاي السمرا ...وخليلي هاي البيضا ..الي زي الملاك ..خلص اسمها ملاك ...
الداية : والثانية شو بدك تسميها ...
ابو معاذ : بتفرقش خلص انتي سميها المهم عندي ملاك ...
الداية : ول ...خلص انا بسميها ...حسميها حياة. ..
حياة هي أنا ....انا البنت السمرا الي من اول يوم ابوي حتى اسم ما سماني .....وكانت ملاك هي الاساس ربنا اعطاها كل الجمال والبياض واخذت عقل امي وابوي ..وانا حياة السمرا كنت من اول يوم منبوذة. ...ليش ...لأني مش بجمال اختي ...بس انا شو ذنبي ... فالبطن بستان مثل ما بحكو ..والجمال مش بأيد حدا إلا الله ...كنت عايشة في ظل ملاك ...كان أبوي ما بشوف بعيونه إلا ملاك ....لما كان بدو يطلع يشتري شي أو يروح يزور عماتي أو اعمامي .. يحمل ملاك ..وياخذها معه ..ولما كنت أعيط عشان يوخذني كنت الحقه مشي وكثير كنت أوقع ...بس انه يحملني مثل اختي لا...أو يحكيلي لا ما تيجي خليكي عند امك ....يالله ما اصعب هذا الشعور ...شعور التفرقة ..وإن تكون منبوذة ومن ..من ...من اقرب الناس الك ...
كثير ...لماة كنت بعمل شي غلط أو اخرب أو اكسر شي مثلي مثل أي طفل كان أبوي رغم صغري يضربني كثير ..يضربني فيه كل مكان ..حتى صرت من خوفي ...لما يرفع ايده عشان يضربني ...اعملها على نفسي ...وبالمقابل لما تغلط اختي لا يكلمها. ...كنت أسأل نفسي ليش ...مهي ملاك غلطت ...بس لما اشوف كيف بحكي عنها وعن حلاوتها ..بعرف لاني مش بيضا وحلوة مثلها ...كثير كانت امي تروح للسوق ...خاصة في فترات العيد ..اترجاها توخذني نفسي اختار فستاني مثل ملاك ..بس تحكي بقدرش امسكن الثنتين وابوكي حكا اوخذ ملاك ... وفعلا كانت توخذ ملاك ..وانا تجيبلي على ذوقها. ..وصرت اتعود على انه ملاك لازم الها كلشي. ..
وهدا اول درس بدي احكيه الكم إياكم التفرقة بين فلذات اكبادكم مو ذنبي انه الله خلقني سمراء واختي بيضاء جميلة ...مو ذنبي ولا ذنب أولادكم صدقوني...
.. . Telegram:@rwayate
والتميز الي كنت اواجهه بشكل يومي بالبيت ...واجهته كمان بالمدرسة من اول سنة الي فيها....ما بنكر أنه ملاك كانت اشطر مني. .صدقوني ما بعرف السبب ..هل هو بسبب اعتناء اهلي الكثير فيها خلاها دايما لازم تكون شاطرة بكلشي..ام ان إهمال اهلي الي عمل في نفسي نقص وقلة ثقة ...ام ان المعلمة هي السبب هي الي خلتني أكره أي شي اسمه مدرسةاو معلمة ...تخيلو كانت ما تتعامل معي الأ بالضرب ..كنت اشوف ابوي فيها...صرت أحس اني انا الي اوحي للناس بضربي. ..عشان كنت ما أنطق حرف الراء صحيح .عيب خلقي لا استطيع نطقه ..وهي مش مقتنعة وتحكيلي بتدلعي ..وتضربني وتضع القلم بأذني وتصرخ علي افتحي مخك افهمي ...افهمي.....كنت أعيط ... وأقول لها ..والله فاهمة...ولكن مو بايدي مو عارفة انطقها. .. بس ما تقتنع وحصل في مرة ...خلت كل طلاب الصف جميعهم يضحكون علي ...وانا كنت بس اصمت أو ابكي ..وما اشكي لأهلي ..كنت احكي لحالي .... .شو الفائدة. ...إذا هم اصلا مش شايفيني ..
مرت السنين بالمدرسة وانا اجلس آخر مقعد ..صرت اتمنى اكون خيال ..ما تشوفني المعلمة ..ولا تسألني .
Link
0
3.2k
16:162019/01/05
..لاني كنت كل مرة تسألني فيها أي معلمة أتذكر هديك المعلمة وأتذكر ما كانت تعملو ..واخاف لو جاوبت غلط انضرب ..وهيك صرت أخاف من جميع المعلمات ...
وهذا ثاني درس أريد ان أقوله لكم ...أقوله لكل من تحمل رسالة التعليم ...التعليم امانة .....وكل طفل وقدراته. .فلا تستحقرو قدرة أطفالكم حتى لو كانت ضئيلة ...ارحموهم يرحمكم الله ..
....
تكمل حياة كلامها قائلة...
استمرت حياتي بنفس الاضطهاد.....سواء من المدرسة او البيت من ابوي تحديدا ...بدات اكثر الذكريات تنطبع في راسي اكثر واكثر من الصف الرابع الابتدائي ...كان لي صديقة وهي الوحيدة الي كانت تلعب معي وكان بيت جدها جنب بيتنا ..كنت اروح والعب معها ..كنت بحس بأنها الوحيدة الي فضلتني على اختي ...وفي يوم كنت بلعب معها هناك ..نادت عليها امها لتجيبلها شغلة من بيتهم لها وحكتلي استناها هون بالغرفة محل ما كنا نلعب....دخل عندي ابن عمها ..أذكر انه كان كبير ما بعرف كم كان عمرو بس كلي حسيتو اني جنبه كنت مثل عصفور بجانب ذئب عملاق ..هيك الصورة انطبعت في راسي مثل الي كنت بشوفها في الرسوم المتحركة. ..حاول ان يشيل ملابسي عني. ..صرت أصرخ. .واصرخ. .حتى سمعنا اخوه الي أصغر منه ..واجا وانقذني ... Telegram: @rwayate...ولما سأله شو كنت تعمل ... ضحك وحكالو كنت امزح معها ...خفت وجريت لبيت اهلي ...عرفت وقتها خلص ما فيه حد بيحبني ويخاف علي ...لا .....و وقتها كل الي كان يخطر ببالي ان قصة ليلى والذيب حقيقية. ..وإن الذيب كان رح يوكلني. ..وكتمت الكلام في نفسي وما حكيت لأحد وبالعكس كنت خايفة امي وابي يعرفو ....لانه كنت عارفة رح أكون انا الي علي الحق كيف بعرفش وجسمي بطل يحتمل ضرب ابوي القاسي. ..وعلامات الضرب بطلت تختفي من جسمي
مرت بعض الوقت على الي صار معي ببيت صاحبتي الي بطلت أرضى من نفسي اروح العب معها ...لاني مابدي الديب ياكلني ...بس الذيب ما عاد ببيت جدها لسارة صاحبتي الديب هدي المرة هو بيتنا الديب هو ابوي ...كان يستغل خروج امي ...واخوتي ...وكان يعطي ملاك حبيية قلبه مصاري ..لتروح تشتري ...وانا اكون ليلى الي حيوكلها..وكنت اصرخ كثير ولما اصرخ يخاف ويتركني ومايعمل معي شيء . .والحادثة هاي خلتني في خوف شديد من كل لحظة تخرج فيها امي ...كنت استغرب رغم صغري ومع محاولات الذيب ابي التي كان يفشل فيها دائما من أنه ياكلني انا ليلى ....كنت استغرب ليش أنا ...ليش مش ملاك حبيبته ....ولكن انا حبيبي هو الله هو الذي كان وما زال يحميني....فبعد فترة اجا لأبوي شغل في الخارج وبالفعل.... Telegram:@rwayate
سافر ابوي عالخليج ليشتغل....بكذبش عليكو فرحت كنت بدي ارتاح منه ....رغم كل التميز الذي كان يصير ...لما يبعث ملابس أو هدايا ...يتصل ويقول ..ملاك تختار الأول ...أو معظم الأغراض لملاك ..وهذا ولد حب الأنانية عند اختي ....وكنت أحيانا اكرهها وأحيانا احكي لا هاي اختي حبيبتي ....بس انا فعليا الان ما بحط عليها اللوم ...بتعرفو ...كثير من المرات لما كنت بدي شغلة أو نفسي بشغلة اطلب من اختي أن تطلبها من أبوي وامي على أساس أنه هي بدها وانا اتخبى وراها. ...صرت أحب البقاء بالخفاء ووراء ملاك....قضى ابوي سنتين بالغربة .....وفي يوم اجانا خبر ...عنوانه مات ابوي ...يالله شو فرحت ...عمركم شفتو حد بفرح لموت أبوه .....كنت اتطلع على امي واختي واخوتي ببكو ....وانا قعدت بغرفتي أحمد ربي ...بتذكر وقتها كنت بالصف الثامن .... يالله شو كان هداك اليوم حلو والخبر احلى .. مات ابوي ....مات ...ما تستغربوا وما تحكو قاسية بس هيك حسيت ...
....حسيت انه الذيب مات ..وليلى عاشت ....بس ما كانت عارفة شو لسه مخبالها. ..
Link
0
2.2k
16:162019/01/05
ج2🌺🌺🌺
Telegram:@rwayate
بعد وفاة ابوي ....اتوقعت انه ميزان العدل بالبيت تتساوى كفتينو. ...مش معقول ...التمييز يظل حتى بعد وفاة ابوي ....بس كمان فش فايدة ...كفة ميزان ملاك كانت مليانة ذهب ...وانا كفتي كانت هوا.....كانت امي اتضل تحكي ما حد يزعل ملاك ..هاي كانت حبيية أبوها ...وال بيجي فيها يا ويلو. ..والتمييز ضل مثل ما هو ...بكذبش عليكو ..كثير كنت أحقد على اختي .....بس اقعد وأفكر شوي ...برجع بحكي لا هاي اختي ...كان شغل البيت كلو مطلوب مني ...ملاك مش لازم تتعب لازم اتضل منورة عشان كان الخطاب دايما يجو عشانها ....من بعد وفاة ابوي ....والي من العيلة كلهم طلبوها ....وهيك انتقلت من قصة ليلى والذيب إلى قصة الوحش والجميلة ....حسسوني اني وحش ...الكل مو شايف غير ملاك ...وفعلا قبل لنخلص صف عاشر كانت ملاك خاطبة وبدها تتجوز ....
...
خلصنا صف عاشر ...اتزوجت ملاك ...وبدل الدلال عاشت بدلالين. ...صدقا فرحتلها من كل قلبي ..ورغم الي صار زعلت أنها بعدت عني ....بس هي كانت مبسوطة ومتدللة على آخر قيراط. ..
....
تعالو ارجعولي وانسو ملاك ... من لما خلصت الصف العاشر ...مثل مانتو عارفين بعد العاشر فيه اختيار تخصصات. ...وكانت مدرسة الثانوي مش بالمنطقة الي احنا ساكنين فيها ..فاخوتي وامي قررو ما فيه اتكملي ..وخلص اقعدي بالبيت استني نصيبك. ...أو الاصح اقعدي خدامة النا....ومن غير نقاش قعدت ...ليش احكي أو أناقش. .شو الفايدة. ...قعدت لحياة كلها شغل تنظيف. .طلعة ممنوع. ..لبسوني جلباب ....ممنوع توقفي عالبلكونة. .ممنوع ..وممنوع. .وممنوع. .ماضل غير الهوا يحكو عليه ممنوع.... Telegram:@rwayate
صرت اترجاهم. ..بدي اتعلم أي شي ...تعبت من وظيفة الخدامة الي اختارولي اياها...وبعد مليون ترجاي. ..اقتنعو وسجلوني في مشغل بعلم خياطة جنب بيتنا ....صحيح ما كنت بحب الخياطة بس كنت مستعدة أحب الموت المهم اطلع من البيت ....مرت الأيام وتعلمت الخياطة ..وصارو البنات الي هناك يسجلو بعد الخياطة في دورة تجميل ....كثير حبيت الفكرة ..ترجيتهم وبوست أيديهم لحتىوافقو. ..والحمد لله اتعلمت التجميل كمان ...صح اني كنت أسهر طول الليل اخلص شغل البيت عشان ما سمعش كلمة ..وخاصة باليوم الي كانت ملاك تيجي ملاك وجوزها يزورونا. .لازم يكون البيت كلشي فيه تمام عشان ملاك ما تشتغل ولا تتعب وخاصة كانت حامل بأبنها الأول ....
خلصت دورة التجميل ....ومن هناك بعثونا اندرب بنات في جمعية للأيتام. ...ونعلمهم شو اتعلمنا. ...كثير حبيت هاي الأيام الي كنت بقضيها مع هاليتيمات. ..كنت كثير أحس شعور الفقد والحرمان الي بحسو فيه ...اني مشاركتهم فيه بأدق تفاصيلو. ... Telegram:@rwayate
كان مركز الأيتام هدا ..يشمل عيادات أيضا من أطباء متطوعين عشان يساعدو كمان ....كثير كنت أكون مبسوطة انه فيه ناس بتحس بغيرها ...وأنه مثل ما فيه نار فيه جنة كمان ....
كان واحد من الدكاترة ..يلفت انتباهي ...كان عندو إعاقة برجلو. ...لكن كان جميل جدا ....فقلت في نفسي لا أحد كامل سبحان الله ....وفي يوم سني وجعني...لدرجة ما قدرت أكمل تعليم للبنات ووقتها المشرفة طلبت من طبيب الأسنان أنه يكشف علي من باب رد الجميل لاني بساعد البنات ...وللصدفة كان هو نفسه هداك الدكتور الي عنده إعاقة برجلو وكان اسمه عمار...رحت انا وصاحبتي. ..عشان ما أكون لحالي ...ومن اول ما قعدت معه ...حسيتو انسان حزين ..ناقم. ..كل الي على لسانه هاي دنيا غدارة. .فش اشي اسمو حب ..هاي قصص روميو وعنتر وقيس... .كلو كذب ...انا اطلعت على صاحبتي بنظرة. ..بدي احكيلها ..احنا شو دخلنا ...رجع يحكي كل الحب كذب ..كذب ..
ما سكتت ..حكتلو انت شكلك انسان مجروح ...والمجروح ما بوعى شو بحكي ...
وقتها انصدم ..اتطلع فيي ..مين الي قطعت علي أفكاري وحكييي. ..مين ...وضل صافن فيي لحتى انا حكتلو ...لو سمحت ممكن نخلص ... Telegram:@rwayate
تكررت زيارتي للعيادة بسبب الجلسات الي حددها ....صراحة لأول مرة حسيت فيه حد بلش يهتم فيي ....واليوم لو اتأخرت عن الجلسة يعصب ويحكيلي وينك ....رغم كل الي شفتو من اهلي وأي واحدة مكاني ممكن تغلط ...بس انا كان كلامي معه بحدود الم أسناني والجلسات. ..وفي مرة كان واحدة من اليتيمات وجعها ضرسها. .وكانت متعلقة فيي كان عمرها 8 سنين ..اخدتها انا لعندو ....وبس شافني ...حكالي وينك ...ليش غبتي. ...استغربت ...
حياة : عفوا ليش انا حكتلك بدي اجي انا خلصت أسناني صح
عمار: من غير ما تحكي لازم تيجي ...لازم اشوفك ...
سكتت تلبكت ....وغيرت الموضوع وحكتلو عن مشكلة البنت الصغيرة بعد ما خلص علاجها ..اطلع فيي ..كنت لا شعوريا صافنه فيه...
عمار: مالك ..وين سرحتي
حياة : لا ما فيه شي ...خلص هيك خلصنا ..بنقدر نمشي
عمار: ما فيه طلعة لتحكيلي وين سرحتي
حياة : ما فيه شي ..بس فيه سؤال كان بدور براسي بس مو اكتر
عمار: أسألي
Link
0
1.8k
16:162019/01/05
حياة : لا خلص انسى اسمحلي
مسك ايدي حكالي ما بتطلعي إلا لتسالي
حياة : خلص ..خلص ..حسال بس ما تزعل ..كيف قصدي يعني رجلك شو سببها ..
وقتها تنهد. ..تنهيدة حسيتها هزت كياني ....صرت لا شعوري اعتذر واحكيلو من شان الله ما تزعل ...حسيت اني لأول مرة بجرح حد..انا الي طول عمري بنجرح. .جرحت حد ...بس ما كان قصدي...
حياة: بترجاك ما تزعل انا بعتذر
ابتسم وحكالي لا مو زعلان فيكي تروحي ...الله معك ...
Link
0
1.7k
16:162019/01/05
ج3🌺🌺🌺
Telegram:@rwayate
فترة تعرفي على عمار ..انا بحسها هاي احلا أيام حياتي ....كنت على اقتناع دائم أن لحظات السعادة معدودة في حياة الإنسان .....صح ما كملت تعليمي بس كنت أحاول ما أكون حالمة واضل على أرض الواقع. ..صح صرت ما اترك فرصة اني اروح اشوفه فيها ...وكانت أسناني لا شعوري توجعني. ...ورغم كلشي ..كنت بحكي معه بحدود الأدب وما أكثر حكي ..وصممت ما انجرف ورا مشاعري ...أذكر في مرة كان ضرس العقل بوجعني ...واخدت أكثر من إبرة بنج. ..ودخت كتير ...وقتها خاف علي ... Telegram:@rwayate..يالله قديش فرحت اول مرة بشوف في عيون حد خايف على حياة ....كثير اترجاني اضل مرتاحة لتروح الدوخة ...بس رفضت. ..كنت أحس لا هيك غلط ...ولازم حياة اتضل شفافة .....كثير لما كان يعمل اسناني يحكيلي غمضي عيونك ما تطلعي فيي ....حلو شعور الحب ....يا الله شو حلو....ببحب ما بصدق أي شي عن حبيبتو. ..وتعلمت ما فيه صديق. ...وزمن الوفا والأمانة انقرض. ..ويا مرحبا بزمن الغدر والخيانة ....فعلا صدقت المقولة.. لا الدنيا بترحم ولا بشر بتفهم ...مشكورة يا دنيا وما قصرتو يا بشر ...بس انا خلص اكتفيت. .
...
س الخوف بداخلي كان يقتلو. ...صرت أحاول أخفف روحتي هناك وفي مرة غبت عنه أسبوعين. ..وبالاخر ضعفت ورحت ...كنت بدي اشوفو ..رحت لقيت عندو مريض طفل صغير ....قعدت استناه بالصالة قبالو. .شافني ترك الي بأيدو..وضحك ...حكالي من بعيد أخيرا جيتي ....اطلعت عليه السكرتيرة. .راحت تسكر الباب عشان ما اشوفه ..صرخ عليها ...وحكالها انا ما حكتلك .تسكري ..كنت احسه مثل الطفل الصغير الي ملاقي امه ....ومرة على مرة اذا كنت تعلقت فيه درجة هو عشرة ..بس ما كان يحكي أي شي ....وهدا الشي عملي توتر ..وصارو أسناني كلهم يوجعوني. ..ولما رحتلو. .حكالي هدا كلو نفسية. ...كنت بدي احكيلو .....ريحلي نفسيتي واحكي ...من شان الله احكي ....بس متل العادة ...لساني مربوط دايما ...وقفت بدي اروح
عمار: وين حتروحي خلص مصممة.. بس توصلي طمنيني. ..
حياة: لا صعب نا بقدر اطمنك أو احكي معك
عمار : ما بفهم لو ما كلمتيني. .ما ترجعي ..وما بدي اشوفك
كنت كتير مبسوطة ....عمار انت صرت عالمي ....روحت عند صديقتي الصدوقة الي للان ما فيه متلها ..طلبت تلفونها ..رنيت عليه طمنتو. .
حياة : الو
عمار : كنت بدعي انك تحكي ..خفت فعلا ما تحكي ..كي صرتي منيحة
حياة : بترجاك لازم سكر..انا منيحة ...منيحة
سكرت ..أول مرة بعملها ..كتير كنت خايفة من امي واخواني. .
وكمان كتير كنت خايفة من تعلقة فيي ..بتزكر مرة رحت عالعيادة عندو لقيته معبيها بلالين وكاتب عليها حرف اسمي ...فرحت ..فرحة الطفولة الي ضاعت مني...بتتخيلو لما تعشقي انسان وتعشقي أي شي بخصو حتى ريحة عطرو الممزوجة بريحة البنج...كثير كنت اصحى من نومي وأحس حالي شامة ريحتو ...وكنت أي ريحة تشبه ريحة عطرو يصير قلبي يدق ..ويكون نفسي غامض عيوني وافتحها اشوفو . .. ....ووقتها صرت اشتغل بصالون تجميل بعد العصر ..والصبح بمشغل خزف. .من جهة عشان أساعد أهلي الي كانو يستنو كل قرش ادخلو عليهم ...ومن جهة اهرب من خدمة وتحكم امي واخواني ونسوانهم خاصة انهم اتجوزو وكل واحدة بدها تفرض رأيها علي ...ومن جهة كنت بتعذب انه عمار للان ما حكا شي ...وصرت انشغل كتير وما اروح متل اول عندو...وفي مرة ..مر شهر كامل ما شفتو ...بس خلص أشتقتلو بدي اشوفو ...لازم اروح ...رحت ...ولما دخلت عنده انصدمت ...كل جمال وجهو كان دافنه ورا لحية وشعر طويل ووجه باهت وملابس مو مرتبة ..شافني صرخ فيي ..حكالي شو جابك ...واتعصب. ...وانا سكتت ..اتلبكت. ..وكل الي حكالي اياه روحي وارجعي يوم التلاتاء. .. Telegram:@rwayate
وطبعا كعادتي هزيت راسي ورحت ..ورجعت التلاتاء ...حتحكولي مجنونه ..مو مهم ..ما كنت عارفة شو بعمل...ووقت رحت يوم التلاتاء ...ودخلت ..لقيتو لابس ومترتب وريحة عطرو معبية العيادة ...عرفت انه عصب لأنه ما بدو اياني اشوفو إلا بأحسن حالتو...عرفت قديش هو متعلق فيي وغيابي شو عمل فيه....وانا كمان اتعلقت كتير فيه وخفت من تعلقي. ..وفجأة. ..صحيت نفسي بنفسي. ...اصحي يا حياة ..انتي وين رايحة ...هو دكتور وأبيض ..وانتي ولا شي ..وسمرا. ..ولا شي جنبو وبحياتهم اهلو ما بوافقو عليكي ..فاحترمي حالك ...مو ناقصك حد يجرحك بسبب سمارك. ..وفعلا حطيت براسي خليه يتركني. .نزلت عمحل دهب واشتريت دبلة ولبستها ورحت تاني يوم عندو ...وصرت حرك بايدي من شان يشوف الخاتم ..هو شافها اتغير لونه وعصب كثير ..واتحجج انه عنده مرضى ....بس ما حكى شي ..حتى كنت متأملة يسأل يعاتب. .يحكي أي شي يحسسني انه شاريني. . بس ما حكا ...وفي يوم اخوي وجعه سنه وما كان وين عارف يروح ..وغلطت غلطة عمري ..ودليتو على عمار ....
Link
0
1.8k
16:162019/01/05
المهم عمار الظاهر ما عالجو صح ...أو شو الي صار ..واخوي ما ارتاح معه ...عملو مشكلة هناك بالجمعية وفضحو. .وأنه لا دكتور ولا بفهم ..وطبعا لشخصية عمار انطوائي وما بحب حد يجرحه. .طلب وانتقل من الجمعية ..
ج4🌺🌺🌺
Telegram:@rwayate
خبر انتقال عمار ...كان أكبر صدمة ضربتي الحياة فيها ..رغم أني كنت عارفة انه السعادة طعمها قصير وما بدوم. ...وأنه لو كانت الحياة حلوة ما كانت تاءها مربوطة كحبل المشنقة. .وكان الموت تائه مبسوطة ككفت اليد ...صرت ادور عليه ....أحاول أسأل أي حد ممكن يعرف وين راح عمار .....وين هرب ...وليش هرب ...كنت أحس فيه حكي كثير لسه ما انحكى. ...مرت سنه وانا بدور عليه وفي يوم كنت راكبة الباص رايحة على الصالون ...لمحت عيني رقم عيادة صاحبو لعمار ..الي كان معه بنفس الجمعية....ما صدقت حفظت الرقم أكثر ما حفظت اسمي ..فرحت ..حسيت طاقة أمل وانفتحتلي. .رحت عالصالون. .عيوني بترقص. ...بعرف حتحكو مجنونه هبلة ..بس شو العاقل بحياتي ....اترددت اتصل على صاحبه. ..ولجأت لبنت كانت بتشتغل معي هناك كان اسمها لينا ...كنت مفكر أنها صاحبتي ....وهاي كانت غلطة عمري ...حكتلها قصتي ..واقترحت علي أنه هي تكلم صاحبه ....فرحت ...معقول بدها تساعدني ....أخيرا حد اجا ينجدني. ...فعلا كلمتو وطلبت رقم عمار منه ..وحكتلو انه انا بسأل عنه ...رد عليها صاحب عمار انه هو حيبلغو وحيعطيه هدا الرقم ..وهو بكلمنا. ...
عمار ...فكر انه انا ...اتصل على طول ...بس لينا الي ردت ... Telegram:@rwayate
عمار : الو مرحبا
لينا : اهلا مين معي
عمار : عفوا شكلي خربطت بس هدا الرقم واحدة أعطتو لصاحبي وطلبت اني احكي معها ..بس شكلي خربطت بعتذر
لينا : لا بالعكس ما خربطت وانا صاحبتها للي طلبت تحكي معها ...
عمار: وشو حياكدلي انك صاحبيتها
لينا : هههه وانا شو حياكدلي انك عمار
عمار : عشان لو كانت صاحبيتك حتكون سمرا وعيونها وساع مثل اللوزة وشعرها اسود من الليل وعندها كمان غمازات واحدة اكتر من التانية ...شو مالك سكتي
لينا : يالله معقول الك سنه غايب ما نسيت شكل حياة ..يالله شو حلو الحب ...بس يا ريتها بتستحقو
..والله انا شفقانة عليك ...
عمار : ليش هيك بتحكي ..وين حياة ..اعطيني اياها ..شو القصة ..احكي ...الو ..الو ..ليش ساكتة ..احكي
لينا : هههه ....خلص ..خلص ححكي ...بس امانة لا تزعل ..وانا عندي الي احسن منها ....
... Telegram:@rwayate
مر كم يوم ...وكل ما أسأل لينا تحكي ما حكى ...ويوم رن تلفونها كانت بالحمام وناسيتو. .اطلعت عالاسم. ..عمار ....معقول ...هدا عمار والا حد تاني ..سجلت الرقم ...وتاني يوم الصبح رنيت عليه ..
عمار : الو ..الو
هدا هو ..هدا صوته ...هدا حبيبي. ..ليش ما حكتلي لينا ...ليش
عمار : الو ...الو... أي ردو يا عالم
حياة : الو ..عمار ..انا ...
عمار : حياة ...ولك الك عين تتصلي يا فاجرة. ..ولك انا بعرف اسم ابوكي وبعرف اسم جدك ..بعرف المساعدات الي كانو الناس يتصدقو فيها على اهلك ..يا واطية يا لمامة. ..يا فاجرة ...منيح لقيتي وقت تحكي معي ..مهو انتي مش فاضية مش ملحقة على الروحة عالفنادق مع الشباب ..وعندي كنتي تعملي حالك شريفة وتستحي. ..روحي انا بحمد الله أنه نجاني منك..
...
سكر التلفون ..وسكر كلشي معه حلو...انا ليش هيك صار معي ..ليش هيك بحكي ..شو قصدو. .لازم افهم ...رنيت كثير مارد ...رنيت على لينا
لينا : اهلين يا حلوة وينك لسه ما شرفتي
حياة : لينا ...احكي الصح انتي كنتي تحكي مع عمار ..انا شفت رقمه مبارح ...وهلأ اتصلت عليه وحكالي حكي ما بنحكى. .فهميني ليش خبيتي علي ...وشو حكتيلو ..فهميني ..فهميني ..
...
صارت تقنعني وتحكيلي انه هو ما كان بدو اياكي وانا كنت عم بقنعو فيكي وأنك بتحبيه. .بس انتي استعجلتي ورحتي رنيتي عليه ...
... Telegram:@rwayate
سمعت كلامها ....دخلت بحالة انهيار عصبي ....كل الي شفتو بحياتي ما هدني على قد ما هدني عمار ....دخلت المستشفى وصرت اوخد مهدئات....نزلت 15 كيلو ...طلعت من المستشفى صرت متل الدمية من غير روح ...دفنت حالي بالشغل ....بس فيه شي ...مو راضي يستسلم جواتي. .بدي اعرف ليش هيك صار معي ....بس كيف ما عرفت ...
ج5🌺🌺
Link
0
1.8k
16:162019/01/05
مرت الأيام ....ونفسي بدأت تسكر من كلشي بالحياة ...الي مش راضية تضحكلي...بس بتضحك علي ....من كثر ما نفسيتي تعبت ...اقنعوني البنات اطلع معهم عمرة ...يمكن ارتاح ....وانسى عمار ..وبعد محاولات إقناع لامي واخواني ومليون ترجاي طلعت...وبعد ما عدينا الحدود. .وقف الباص على استراحة من شان الناس إلي بدها تفوت حمام والي بدها توكل ...انا كنت بس بدي هدوء ...كان فيه مظلة ..فيها ضو خافت ..حكيت بقعد فيها ليتحرك الباص ...قربت لمحت ست كبيرة قاعدة ... طلبت اقعد جنبها ....وقعدت شوي والا ابنها جايبلها...اكل وعصير ...شفتو انصعقت ....حتحكو عمار ...لا مو عمار ..كان اخوه ....كان حاط صورتو عنده عالمكتب بالعيادة فعرفتو
...غير الشبه الكبير الي بينهم ....فرحت ..حد من ريحة عمار ..كان كثير نفسي اضمهم الي ...وحسيت هاي رسالة انه ارجعي احكي مع عمار ...ليش بعرفش ....
بعد رجعتي من العمرة ..استنيت لأجى يوم ميلاده ..جبتلو هدية ..وخفت أرن عليه ....بعتلو رسالة ( كل عام وانت بخير )
وما حكيت مين انا ...خاصة اني ما بضل معي خط محدد ..يعني الي اتصلت فيه منه اول مرة مو نفسه. .بس هو لحاله عرف ....رن علي ...فرحت ..رديت
حياة: الو
عمار: كنت عارف انه انتي ...لسه متذكرة عيد ميلادي
حياة : عمار انا. .
عمار: حياة اطلعي من راسي ..انسيني ..انتي بطلتي تهميني..اطلعي مع شباب على كيفك على الفنادق ....حبي مين ما بدك...صيعي مثل مابدك ...انتي خلص ورقة وحرقتها. .
حياة : عمار انت ليش هيك بتحكي ..فهمني
عمار : يعني مش عارفة ..وإلا بتتخابثي علي ...شوفي رغم كل الي حكتو عنك لينا ...بس بدي أنصحك نصيحة ...السر بين ثنين. .إذا طلع لثالث ما صار سر ..وانا كنت سرك وانتي خنتيني خنتي سرنا ...
..
وسكر التلفون ....بعد البحث الطويل ..ومن كثر ما دورت ورا لينا ...اكتشفت انه كانت مفهميته اني بنت مو مزبوطة بطلع مع شباب ...واني ..واني ..ليش عشان تزبطه لاختها. .الي اكتشفت أنها حاولت تحكي معه بس هو رفض. .
....
وهاي الدرس الي خلاني ما أثق بأي انسان بعد هيك ...عرفت انه ما فيه حد بحب بصدق لأنه الي
Link
0
2.3k
16:162019/01/05
بحب ما بصدق أي شي عن حبيبتو. ..وتعلمت ما فيه صديق. ...وزمن الوفا والأمانة انقرض. ..ويا مرحبا بزمن الغدر والخيانة ....فعلا صدقت المقولة.. لا الدنيا بترحم ولا بشر بتفهم ...مشكورة يا دنيا وما قصرتو يا بشر ...بس انا خلص اكتفيت. .
... Telegram:@rwayate
طويت صفحة عمار ..وانطويت على حالي ...مرو سنتين اهلي صارو بدهم يجوزوني...ويخلصو مني ...اتقدملي واحد أكبر مني ب15 سنه ..من غير ما يوخذو رأيي المهم ...اشتري وشيل والله معك ... يوم كتب كتابي ...بكيت عن العمر كله. ..اتجوزت من غير فرح ..حتى فرحة أي بنت ما اخذتها..وأهلي مستقلعين بدناش اشي بس خذها. .سكنت ببيت خرابة. .أبواب مسكرة. ..دهان مقشر. ..جيت اشكر الباب طلع قفلو بايدي ...اقنعت حالي بهمش يمكن يكون هو منيح ....بس الكتاب مبين من عنوانه ..الي سبع سنين متجوزة ..ما بسمع غير كلمات إهانة ...وضرب وشد شعر ....بغلط علي قدام أهله. ..حملت اول بطن بتوأم فرحت بس فرحتي ما تمت ...نزلتهم من الضرب الي كنت اخده...ولما كنت اروح اشكي لأهلي يرجعوني اله. ..تحت عنوان نأسف البضاعة المبيوعة لا ترد ولا تستبدل. ..وحتى انهم يزوروني أو يعملولي قيمة قدام زوجي وأهله ابدا إلا في الاعياد ..تخيلو ما تشوفي اخوكي إلا بالعيد ....
ااااه... صدقوني لو بدي اضل احكي على ظلم جوزي الي دهر ...ما بوفيه حقه...ظلمه والا ظلم أهله والا عمايل سلفتي .وإلا الفقر الي عايشة فيه انا واولادي.. ... بس بالاخر ...لجأت الي اتفاق مع نفسي ومعاهدة سلام ...ربنا أكرمني ب 4 اطفال ...حاليا كل همي احتويهم ...اعوضهم عن كل الحنان الي انا مفتقديته. ..أحبهم ..واحب الدنيا عشان هم ...عندي أمل يكونو شي بكرا ....وبإذن الله ربنا ما حيخيب ظني .... Telegram:@rwayate
انا حكتلكو قصتي ..وكنت اول مرة بأمن انسان على قصتي هي لؤلؤة البحر ...أتمنى تستفيدو من كلشي مريت فيه ...ديرو بالكو عاولادكو. .حبوهم. ..ما تظلموهم. .بكفي ظلم الغريب الهم ....ودايما خليكو اضحكو ...الضحكة دوا لكل جرح ...لانه الي يشوفني ما بصدق انه هاي قصتي ..لانه عمرها الابتسامة ما غادرت وجهي ...كيف تغادر وانا الحياة. ..
#انتهت
Link
0
2.8k
16:162019/01/05
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com