📚قصص||روايات||منوعة📚

rwayate

قصة اليوم: #ارواح_بلا_جسد
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

Telegram:@rwayate
من يوم ماخلقت و انا هيك لاعيشة منيحة ولا حظ متل العالم والناس ..
كلشي عم يمشي بالعكس و كأني ماشية عكس الدنيا ..
كأنو في حبل حولين رقبتي وناطرني لبلش افرح شوي مشان يرجع يخنقني من جديد ..
من طول عمري عايشة مع امي بالبيت عفواً اصدي بالعش الصغير او بالخرابة وهو التعبير الاصح ..
بيت كل الشتوية سقفو عم ينشي مي و عم يدلف علينا .. وبالصيفية كأنو باب جهنم مفتوح
هاد عدا الحيطان المهرهرة ومعفنة من كتر الرطوبة ..
وعدا الفيران يلي عاملة دولة عنا بالبيت ..
يعني حالتنا مزرية كتير وعدم ع الأخير ومع هيك بقول الحمدلله ..
أمي : تعي يلله ضبي هل بيت و البسي جايين جماعة يشوفوكي
هدى : هه جماعة ؟!!!! ..
أمي : ليكي وليه مو رايقتلك ..
هدى : اي ليش ايمتا كنتي رايقتيلي انتي
.. رح البس و زبط حالي .. بركي بخلص من هالعيشة
هي كانت البداية يلي مالها نهاية ..
اجو الجماعة فتت ادامن ..
كان في شبين و تنتين نسوان ..
شب حلوو كتير وناعم وتمنيتو يكون هو العريس .. وشب تاني ماكان حلو ابداً ..
كان ضخم كتير و اصلع و سمين وماحبيتو ..
صفنت بالشب الحلو > ..
و صرت اتخيل انو معقول تنفتح ادامي هيك طاقة من السما ..
يجيني شب حلو و كامل متل ما بحلم ..
Telegram:@rwayate
كنت عم فكر اديش رح انبسط بس اتزوجو .. وماكان حاطة ولا واحد بالمية اني ارفض ..
صحيت من مخيلتي على اثر ضربة نفضتلي دماغي ..
--- : انا عم اخطب لـ تحسين ، هو اكبر من مجد بس الحمدلله مجد متزوج وعندو بنوتة
كانت ضربة قوية ، كسرتني مو لاني حبيت مجد .. بس لأني رح انجبر اتزوج هاد الشب يلي ماحبيتو ابداً ، اصلاً ما كان شب ،، هاد اسمو زلمة كبير ، رجال كبير ، وحش ، بس مو شب
أمي : و أنا بإذن الله عطيتكن .. انتو جماعة اوادم ..
ماكنت مستغربة انو امي رح توافق بدون اذني ..
اصلاً هي طول عمرا هيك ..
ظالمة وبتكرهني ..
مابعرف ليش انا اجيت عهالدنيا ..
ياترى خلقت بس للعذاب والوجع ، ولا ناطرني شي حلو .. ؟؟!!!
ضليت أنا مصدومة وساكتة عم يحاكوني بس كان الحزن مبيين ع وجهي و الدموع بعيوني ..
ما قدرت عبر عن رأيي وقول مابدي .. لان نظرات أمي كانت كلا حقد وبس بدا تخلص مني
.. Telegram:@rwayate
هدى : {{ موافقة }}
هي الكلمة قلتا وقت كتب كتابي ع تحسين ، تمنيت قولا لحدا انا بدي ياه ، بس اضطريت قولا لوافق ع حدا كنت ظانة انو رح يطالعني من هالعذاب يلي عايشة فيه ..
و ينسيني الهم يلي فيني و انا بعمر صغير ..

📚قصص||روايات||منوعة📚

rwayate

📚قصص||روايات||منوعة📚

rwayate

#بقلم_رند_محمد
#ارواح_بلا_جسد
Telegram:@rwayate
الجزء التاني ..
#ارواح_بلا_جسد
انخطبت لتحسين ..
ماقدرت حبو ولا قدرت اتأقلم معو ، فرق العمر بينو وبينو ، عقلو ، طريقة تفكيرو ، حياتو ..
كلا شغلات كان صعب عليي انو عيشا و استحملها ..
بعد ما مر شهر ع خطبتي حاولت احكي مع امي ، اتقرب منها ..
حاكيها ولو لمرة وحدة عن طريق قلبي ...
بدون ما اتبهدل منها او تسكتني قبل مابلش ..
بس رفضت مارضيت تسمعني ابداً ، الحبل الخفي يلي بيوصل بين أمي و قلبي كان مقطوع من يوم ولدتني ..
ما كان حبل حنية وحب متل الحبل يلي بيوصل بين البنات و امهاتن ، كان مجرد الحبل السري يلي غذاني لوقت انولدت ..
ومجرد ما انقطع هالحبل ، كانت علاقتي بأمي منقطعة ..
تحسين : خلص نحنا رح نتزوج بعد اسبوع ..
انا جهزت كل التحضيرات
كنت مجبورة اخضع للأمر الواقع ..
اتزوجت تحسين و كلشي تم غصب عني ..
بعرسي كنت حلوة وناعمة كتير كان شكلو متل الوحش ، مافي اي توافق بيناتنا لا بل شكل وبلا بالعمر ، متل الحسناء و الوحش ..
Telegram:@rwayate
رحت عبيتي وكنت كتير مدايقة ، حتى بيوم العرس ماقدرت اتقرب منو ، صار كلشي غصب عني ..
فقت الصبح نسيت كبشي صار قبل ، حبيت بلش مع الشخص يلي صار زوجي حياة جديدة ..
تفائلت كتير .. فقت غليت فنجانين قهوة وفيقتو بهدوء ..
قربت منو وفيقتو ..
ماعملني ابداً ع انو هي صبحية عروس ، زتلي الصينية من ايدي و القهوة كلا انكبت والفناجين انكسرت ..
تحسين : طلعي لبرااا ، مابتفهمي مو شايفتيني نايم يعني
طلعت برات الغرفة و انا عم ابكي ..
اندق باب بيتي ، رحت لافتح شوف مين ..
طلعت حماتي وبنتا هنادي ..
فتحت الباب وكان في على عيوني دموع و اثار بكا ..
فاتو اعدو عندي وقضو يوم انبسطنا كتير ،، بس ماكنت عم احكي انا و تحسين ..
كل مايتطلع فيني يزورني و كأني عاملة شي ذنب ..
/ بدو يعمل رجال / ..
لما راحو الكل حس بغلطو وصالحني ..
و انا ما اخدت بالقصة زيادة لان مو معقول اعمل مشكلة و انا ماصرلي يوم متزوجة ..
من بعد عرسي بتلت ايام تحسين خلصت عطلتو . .
ورجع لشغلو بقيت لحالي بالبيت ..
Telegram:@rwayate
بيتي كان متل بيوت الخيال ، غرف كبيرة ومفروشة احلا فرش ..
مطبخ كبير وغراضو كلا تقيلة وكلشي في اصلي وتقيل ...
نضافة ، رتابة ، يعني هاد البيت يلي بحلم فيه كنت ..
كل يوم الصبح بفيق برتبو وبنضفو وبطبخ اكل طيب ..
ماعندي مشكلة ابداً / صرت مبسوطة كتير ...
بس ما عم اقدر اتقبل تحسين كل ما حاول حبو واتقرب منو عم يصير شي يكرهني فيه ..
بسسس خلص اليوم رح اعمل سهرة غير شكل ..
ورح استناه ليجي ، ونسهر سوا وننبسط ..
استنيتو وانا متفائلة وحابة بلش معو حياة جديدة ، خلي عنوانا الحب والتفاهم ..
بدي عييش ولادي ضمن عيلة مكونة من ام و اب و تفاهم .. مابدي ولادي يعيشو متل حياتي التعيسة ..
اجا المسا ، تعشا ونام ...
اي نام وتركني ..
Telegram:@rwayate
ضليت سهران لحالي عم حاكب الحيطان متل المجنونة ، عم استنا طاقة الفرج ترجع تفتح من جديد ..
عم استناه ليتغير ..
مضا شهريت ع زواجي من تحسين وهو بعدو متل ماهو ماتغيير فيه ولاشي ، يجي من شغلو ياكل وينام ..
و انا تاركني لوقت يكون مالل .. او بالأحرى تاركني بس لاخدمو ..
وفوق هاد صارت معنا مشاكل ..
تحسين : هدى انا رح بيع البيت ..
هدى : شووو !! .. وليششش
تحسين : عليي ديون كتير وماقدرت اوفيها ..
ورح اتنازل عن البيت
هدى : شووو يعني ، وين رح نسكن بالشارع
تحسين : عند اهلي رح اخد الغرفة يلي تحت الدرج .. مؤقتاً بس ..
هدى : لكك ياربي يالله عهالعيشةةة
تحسين : خرسي ولاتعصبيني .
---------------

📚قصص||روايات||منوعة📚

rwayate

📚قصص||روايات||منوعة📚

rwayate

بقلم #رند_محمد
Telegram:@rwayate
الجزء التالت ..
#ارواح_بلا_جسد
ضبيت غراضي بشنتة صغيرة ورحت ع بيت حمايي .. كلشي كان غير بيت ..
سكنت بغرفة صغيرة تحت الدرج مساحتا كتير ديقة يادوب واسع فيها التخت ودرجين صفار ..
مابتتخيلو الصعوبة والقهر يلي دقتو ، من بيت كبير ومستقل ، لهيك غرفة ،،
الغرفة ماكانت توصل عليها الكهربا ، لان البيت عمار قديم كتير .. والكل بنام بكير ..
مافي حدا ضل اعدة معو ، زوجي بيتركني وبنام ..
عمي وحماتي بغرفتن نايمين من بعد العشا .. وسلفتي بغرفتها كمان ..
اعدت بغرفتي لحالي ، قدامي في شمعة عم تدوب .. عم اتطلع فيها وعم تدوب روحي معها ..
تزكرت حياتي ببيت اهلي ..
كآني رجعت انحبس بالقفص نفسو ..
نمت ودموعي ع خدودي ..
و اول ما طلع الضو حماتي وسلفتي صارو يدقو الباب عليي مشان فيق ساعدن بشغل البيت ..
شو هالعالم هي ، يعني معقول في حدا بفيق من الساعة خمسة الصبح بس ليشتغل شغل البيت ، فقت ساعدتن بشغل البيت .. لااااا لاااا ما ساعدتن اصدي اشتغلت كلشي لحالي لان هنن اعدين عم يتأمرووو عليي ، كأني جيت لعندن خدامة ..
Telegram:@rwayate
كل يوم فيق من الصبح وضل لإآخر للليل عم اخدم فيهن ، عملو حلف ضدي وصارو يتآمرو عليي ..
ماحدا حاسس فيني لا جوزي و لابيت حمايي ولا حتى امي ..
استنيت ليجي جوزي مشان نحكي وفهمو اني تعبت من اهلو وهالعيشة .. و المفاجأة كانت لما اجا ..
هدى : مشان الله ياتحسين دبرا خلينا نرجع ع بيتنا ..
ليك ببيع اساوري وفك ديقتك بس رجعنا لبيتنا ..
تحسين : هههه اساورك ، بإديش بدك تبيعيهن بلله
هدى : ليش عما تضحك فوق مابدي ساعدك ..
تحسين : ساعديني هههههه اي هههههه اصلاً هههه طيب خلص ههههه خلص
هدى : لك شو صرلك ليش عم تضحك شو عم ضحكك انا ..
تحسين : حبيبتي الاساور يلي بإيدك هدول دهب برازيلي ، شو مفكرتيني ملياردير لحتى لبسك 12 اسوارة دهب ..
هدى : شوووو ، يعني بفهم منك انو ضحكت عليي .. و ع امي
تحسين : هههه اي امك مو سائلة اساساً المهم خلصت منك ..
Telegram:@rwayate
ترك الغرفة وطلع ، وترك النار تشعل جواتي ، حسيت في بقلبي شعلة نار وعم تقوى بشوية زيت عم ينصب عليها ..
كرهتو اكتر من اول وكرهت امي وكرهت الكل ..
صرت ابكي بصوت عالي واشهق وكأن اوجاع الدنيا كلا صارت بقلبي ، صرت نادي بأعلى صوت ليييش لك ياربي لك ليش انا ..
فاتت حماتي ع غرفتي ،،
شبكككك شوفي ليش عم تصرخي
هدى : لك كزابين انتو كلكن كزابين ..
حماتي : ليش هيك عم تحكي ..
هدى : بكرهكن كلكن ، بدي ارجع عبيتي انا خلص بدي ارجع عبيتي ..
حماتي : فهمي شو رح قلك وحاج تصرخي متل الفلتانات وقليلات الترباية
(( البيت يلي كنتي ساكنة فيه ، هاد لرفيق تحسين واستأجرو منو لمدو شهرين بسس وبعدين سلمو ياه ))
يعني بالمختصر تحسين ماعندو غير هي الغرفة ..
سكتت عالأخير ماعد اتنفست ، عرفت اني ضحية لعبة ، ضحية كزبة ، او غبية والكل ضحكو عليي ..
كان كلشي قدامي مبلش يتحسن ، وهلئ حساتي اتدمرت وصارت بالويل ..
اكتشفت كلشي كزب ، الكزبة الكبيرة يلي كنت مخدوعة فيها ..
نمت وانا عم ابكي مافي خدا ادامي ..
مخدتي الناعمة كانت عم تعانق دموعي ، كانت احن من صدر امي ، حط راسي عليها و ابكي ..
اتخيلا امي وعم تحاكيني .. بس ماكانت ترد عليي .. ومع هيك كانت تعطيني كل الحنان يلي محتاجتو ..
---------
#بقلم_رند_محمد

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الرابع #ارواح_بلا_جسد
Telegram:@rwayate
فقت الصبح من بكير و انا فاقدة الامل بالحياة عم اشتغل متل حيوانة ،،، ابدا ما بشبه الانسان ..
طول نهاري شغل بالبيت وتعب وعذاب ..
حماتي : تعي لهون وليه هدى ، تعي عملي قهوة الي ولسلفتك ..
هدى : امرك
حماتي : وليش هيك عم تحكي بنشافة وكأنك بنت ملوك ونحنا مو عاجبينك
هدى : لا اله الا الله ، شو حاكيتك انا شووو
حماتي ام سالم : الله ياخدك ياقليلة الترباية عم تردي بوجهي جواب .. لك لكن امك ماعرفت تربيكي .. تفه
هدى : لاتحكي هيك ، مابسمحلك هه
ام سالم : بدي ربي بنات العالم كلن فيكي ..
( وبلشت تضربني وتشدلي شعري ، سلفتي دعاء بس تطلع فيني وتضحك شمتانة ، مافي مين يخلصني من بين ايديها .. صرت صرخ ونادي .. وماحدا سامعني ، لحد ما حن قلبا شوي وبعد ماشافت الدم صار يطلع من وشي ، بعدت عني وراحت )
Telegram:@rwayate
اعدت بغرفتي و انا متكسرة من القتل ، عم ابكي ومافي مين يوقف معي ، ولافي اهل الجأ الهن بوجعي ..
والمسا لما اجا تحسين ، ظنيت انو رح يوقف معي ويحسسني بأمان ..
بس كان العكس تماماً ، اجا الوحش " يلي هو ابن امو "
صار رجال عليي ، ضربني وماخلا عليي ولا كلمة لان معتقد حالو رجال ، و بظنو الحكي يلي قالتلو ياه امو ومرت اخو والكزب يلي كزبو كان صدق ، ضل يضربني يضربني لحد ماغميت ..
ماوعيت ع حالي الا و انا بالمشفى ...
هدى : اخخخ شو هالوجع اخخخخ راسي رح ينفجر
الممرضة : طولي بالك ، عطيناكي الدوا ونشالله بتتحسني
هدى : وين امي ، وجوزي
الممرضة : ما حدا اجا .. حوزك جابك وراح قال عندو شغل ضروري وبيرجع ، بس قليلي كيف وقعتي من عالدرج هيك
هدى : ههههه كمان هههه قلكن اني وقعت من عالدرج ، اصلاً دايماً انا وحيدة يارب موت و ارتاح
الممرضة : اهدي حبيبتي اهدي ونامي شوي ...
حالتي ما كانت منيحة ابداً ( ياريت كان فيني قول انو هو و امو ضربوني ياريت بس مابسترجي قلون )
كل ما تجي عيوني ع جهاز التخطيط تبع القلب ، كنت اتمنى لو للحظة يوقف ، وشوف خط مستقيم ، كنت متمنية لو اسمعن عم يقولو فقدنا المريضة ، او ارتاحت المريضة ..
تاني يوم ، رحت ع البيت ، رق قلبو لتحسين واجا اخدني عالبيت ..
طبعاً من اول مافتت بلش شغلي كخدامة ،
ورجعت لدوامي الدائم ..
بخدامة سلفتي دعاء ، و تعزيل غرفة الحرباية حماتي .. و ندب حظي ..
اجا لمسا تحسين ، ومدري شو صايرلو كأنو نازل عليه عقل الرحمن ، ..
تحسين : هدوشتي حبيبي شبك ليش زعلانة
هدى : شووو صاير شي لمخك
تحسين : لا ياعسل ، بس خلص انا صار لازم عيشك احلا عيشة و احلا حياة ..
هدى : عنجد عم تحكي
Telegram:@rwayate
تحسين : خلص حبي انسي كلشي راح ، وبوعدك انك تعيشي احلا حياة ..
( فرحت كتير بكلامو ، حسيت حالي رح عيش متل باقي البنات مع رجال ، يدير بالو عليي ويحميني ويحبني .. كان في شمعة امل جواتي تمنيتا ماتطفي )
فقت الصبح ساويت قهوة و اجيت فيقو ..
اول مافيقتو رجع لعادتو القديمة دفشني و عيط عليي ..
اتاري كنت بحلم ، اتاري كان كزاب .. عم يسايرني بس لحتى ينفذ الشي يلي بدو ياه و كأني خلقت بس كرمال راحتو هو و انا مو مهمة بهالدنيا ..
قرفت منو وقرفت من حياتي معو كتير ..
حسيت بالاشمئزاز من هيك رجال ، او شبه رجال ..
كل يلي حكاه كان كزب وخدعة ..
ورجعت لشغلي بالبيت والنحت وسلفتي هي وحماتي مو شاطرين الا يشمتو فيني ويضحكو عليي ، لان مافي حدا ورايي ، ولا حدا سائل عني ...
ما كان في حدا مهتم لعزابي غير سلفي مجد ...
دايماً يقلن لاتخلوها تشتغل كتير واسمعو عم يتخانق مع امو ومرتو لان عم يشغلوني ..
ومرة كانو عم يعيطو وعم يقلن حرام عليكن شو مافي بقلبكن لارحمة ولا شفقة ..
اليوم بكير فقت وكنت حاسة بوجع من الصبح ، اعدت اغسل الغسيلات ع ايدي ، مو لان مافي اتوماتيك ، بس لان بدن ياني اتعزب وقال بحبو الغسبل ع الايد لان انضف .. ايديي هلكو ، واعصابي تلفت من غسيلن وشغلن يلي مابيخلص ..
Telegram:@rwayate
مجد : هدى تركي من ايدك وروحي ع غرفتك رح نادي لدعاء تجي تكمل عنك
هدى : مابترضا
مجد : مو بكيفا انا جوزا ، يلا روحي ارتاحي
هدى : كتر خيرك ..
للحظة وحدة حسيت انو في حدة بالعالم كلو مهتم لوجعي ومعاناتي ..
(( بعد شوي عليت صوات مجد ودعاء ))
دعاء : كزابة مافيا شي ..
مجد : عم قلك خرسي وروحي لشغلك ، البنت تعبانة ومو قدزانة تتحرك
دعاء : اي رح انضرب ، تضرب انت وياها
مجد : شو قلتي ياقليلة الادب يلي مافيكي ترباية والله لربي الحارة فيكي .. وصار يقتلا يقتلا ..
هو بصراحة فشلي قلبي وشفالي غليلي هههه صرت اضحك و اتطلع فيها وبحماتي نظزة شماتة ..
كتير كان حلو منظرا وهي عم تلتف بين ايديه متل العجينة والاحلا من هيك انو حماتي اجت تدافعلا قام تفركشت ووقعت .. لوقتا بس حسيت بالنصر ..
بس طبعاً ماسكتولي ولووو ، هدول ام سالم وكنتا مابيطلعلي معهن ..
تاني يوم خلتني حماتي عزلا المطبخ كلو بحجة انو جايين خطابين لبنتا المقوصة ، وبدا تخطبا ..

📚قصص||روايات||منوعة📚

rwayate

و الله من الفرحة انو هالسرنوة رح تنقلع من وجهي كنت مستعدة عزل الحارة ..
اجا مجد لعندي عالمطبخ .. وقف جنبي
مجد : تعبانة مو ..
هدى : نهديت والله ..
مجد : تحسين وينو
Telegram:@rwayate
هدى : اخخخ تحسين وحودو وعدمو واحد
مجد : ممم طيب ، ديري بالك ع حالك
هدى : اي ، غريبة امي بحياتا ماقلتلي ديري بالك ع حالك ..
مجد : مو شرط كل الناس تكون بتكرهك متل امك ، اكيد في ناس بتحبك ..
( تركني وطلع ) .. بعد الكلام يلي قالو مجد حسيت في شي جواتي اتحرك ، يمكن رجعتلي الحنية يلي فاقدتا ..
حماتي : يبعتلك موتك نشالله ماخلصتي لهلأ
شو عم تتسلي
دعاء : نشالله بتموتي هلأ بيجو الناس ولسا عم تتمهيصي
هدى : شرفي ورجيني فتلتك وساعديني يلله
ولا انتي حماتك عاطيتك الكرت الاخضر ...
حماتي : خرسي ..
دعاء : هي كنتك صار بدا قتلة اكيد جلدا عم يحكا وبدا ترباية ..
حماتي : اي والله بدا بس تركيا تخلصلي هالشغل بالاول بعدين منشوف شو بدنا نعمل
هدى : تعو ضربوني يلله تعو ، خدو سكينة قتلوني فيها كمان ييي ، ليش مابدكن
دعاء : تعي ماما تعي تركيا تجن وتحكي مع حالا ..
Telegram:@rwayate
صرلي اسبوع تعبانة كتير وبألف زور عم اقدر اتحرك ..
هدى : مشان الله خلوني ارتاح الله يخليكن ماعم بقدر اتحرك
دعاء: تكرم عينم سلفتي بدك ترتاحي
حماتي : تركيها ترتاح حرام هه
كنت عرفانة انو عم يحضرولي لشي خبية متلن تنيناتن ..
طلعت من غرفتي لروح ع الحمام ، قمت تزحلطت بالزيت يلي حاطتو دعاء ع باب غرفتي ووقعت ع ضهري دغري ..
صرت ابكي وعييط ،،-- اااه لك حرام حرام عليكن يلي عم تعملووو ااااااه
حماتي : شبك هدى ، شو صاير
هدى : اخخخ رح.موت ، لك ياويلكن من الله زيت قدام باب غرفتي
حماتي : شوووو ، دعاء تعي لهون مابتفهمي انتي ، لك شو الله بلاني انا شو هالغباء هاد لهون وصل اذاكي بسلفتك
( نسيت وجعي وتفاجئت معقول يكون يلي صار عنجد ، حماتي بهدلت كنتا كرمالي والله ماعم صدق ..)
""" بالمشفى """
الدكتور : الف مبروك ، الحمل صرلو اسبوعين
(( كان خبر صادم بالنسبة الي ))
هدى : حامل ، لا لا مابدي انا لسا بكير
الدكتور : مشي الحال هلأ تقومي بالسلامة
صرت ابكي لك مابدي ولاد مابدي ولاد من هالانسان هاد ، لك كيف بدو يتحمل مسؤولية بيت وولاد ، لك حرام ولادي يخلقو بهيك عيشة ، غرفة يادوب واسعتنا انا وياه ..
حرااام ياربي .. كنت عم ابكي ومافي حدا حواليي
طبعاً امي مابعرف شي عنا من يوم ما تزوجت
.
---------
بقلم #رند_محمد
#يتبع

📚قصص||روايات||منوعة📚

rwayate